Монгол улсад гэрээгээр ажиллаж байсан гадаадын иргэд нэгнийхээ аминд хүрсэн хэрэг амралтын өдрүүдэд гарчээ.

Олон орны жуулчид Улаанбаатар хотод оршин суугчдын нэгэн адил түвэггүй зорчиж чадахаар боллоо. Нийслэлийн Аялал, жуулчлалын газраас “Нийслэл Масс Медиа” ХХК-тай хамтран ирэх сараас эхлэн Улаанбаатар хотын албан ёсны хөтөч номыг англи хэл дээр гаргахаар болоод байна. Дэлхийн томоохон хотуудын гарын авлагын жишгээр мэргэжлийн түвшинд гаргах “Улаанбаатар хөтөч” ном гадаадад ЭСЯ болон олон улсын аялал жуулчлалын үзэсгэлэнгүүдээр үнэгүй тараагдах юм. Өнгө төрх, мэдээ мэдээллээрээ Монголыг зорих, орчин үеийн Улаанбаатартай танилцах сэдлийг жуулчдад төрүүлнэ.

НАЖГ нь нийслэлд аялал жуулчлалыг хөгжүүлэх бодлого зохицуулалтыг хэрэгжүүлэх, аялал жуулчлалын чиглэлээр үйл ажиллагаа явуулж буй байгууллага, аж ахуйн нэгж, иргэдийг мэргэжлийн удирдлага, дэмжлэгээр хангах, нийслэлээ гадаад дотоодод сурталчлах чиг үүрэг бүхий нийслэлийн Засаг даргын хэрэгжүүлэгч агентлаг юм.

“Нийслэл Масс Медиа” ХХК нь Улаанбаатар хотын анхны үнэгүй тараагддаг “Нийслэл guide” хөтөч сэтгүүлийг эрхлэн гаргадаг. “Нийслэл guide” сэтгүүл сар бүр 10 мянган хувь хэвлэгдэж, хот даяар 120 гаруй түгээлтийн цэгт хүрдэг цор ганц сэтгүүл гэдгийг уншигчид андахгүй болсон. Тус сэтгүүлд нийслэлд болж буй шинэлэг үйл явдал, соёлын хөтөлбөр, онцлох үйлчилгээний газруудын танилцуулга, хотын түүхэн үгүүлэл зэрэг сонирхолтой контент багтдаг. Зургаан жилийн турш тасралтгүй хэвлэгдсэн “Нийслэл guide” сэтгүүлийн архивт тулгуурлан Улаанбаатар хотын албан ёсны хөтөч ном шинэлэг шийдлээр жуулчдад хүрэх боломж бүрджээ гэж нийслэлийн Аялал жуулчлалын газраас мэдээллээ.

Хандгайт дахь “Их тамир” спорт цогцолборт ирэх лхагва гаригт сонирхогчдын боксын ”Улаанбаатар цом” олон улсын тэмцээн эхэлнэ. Монголын боксын холбоо тэмцээний талаар мэдээлэл хийлээ.

Нийслэлийн агаарын чанарыг сайжруулах 1, 2 дугаар бүсийн оршин суугчид орон сууцны ипотекийн зээлд урьдчилгаа төлбөргүйгээр хамрагдах боломж бүрдсэнийг хотын удирдлагууд өнгөрсөн долоо хоногт мэдээлсэн. Тодруулбал, Улаанбаатар хотод 216.000 өрх орон сууцаар хангагдаагүй, эрүүл ахуйн эрсдэлтэй орчинд амьдарч, хөдөлмөрлөж байна. Эдгээр өрх нийслэлийн агаарын бохирдлын 70 хувийг бий болгохын зэрэгцээ, зуны цагт хөрсний бохирдол, өвөл агаарын бохирдлын голомт болдогийг бид сайн мэднэ. Байгаль орчин, аялал жуулчлалын сайд, нийслэлийн Засаг дарга нарын хамтарсан “Агаарын чанарыг сайжруулах бүс шинэчлэн тогтоох захирамж”-ийн дагуу Улаанбаатар хотын газар нутгийг агаарын бохирдлын түвшингээр нь 4 бүсэд хувааж, бүс нутаг бүрийн онцлогт тохирсон бодлого боловсруулан ажил хэрэг болгож эхлээд байгаа билээ. Тэгвэл Улаанбаатар хотын хамгийн өндөр агаарын бохирдолтой хэсэг буюу 1, 2 дугаар бүсийн нутаг дэвсгэрт байрлах 182.616 өрх ипотекийн зээлд хамрагдахдаа урьдчилгаа төлбөрөө нийслэлийн агаарын бохирдлыг бууруулах “Орон сууцны сан”-гийн дэмжлэгээр бүрэн төлүүлэх боломж бүрдээд байгааг нийслэлийн Засаг дарга бөгөөд Улаанбаатар хотын Захирагч С.Батболд зарласан билээ.

Ингэснээр яндангийн тоо бодитойгоор буурч, санхүүгийн хүндрэлд орж буй барилгын салбарыг дэмжихэд бодит хөрөнгө оруулалт болохоос гадна гэр хороололд газар чөлөөлөлт бий болж, газрын сан нэмэгдэх юм гэж нийслэлийн ЗДТГ-ын хэвлэл мэдээлэл олон нийттэй харилцах хэлтсээс мэдээллээ.

“Орон сууцны сан”-д хамрагдах, агаарын чанарыг сайжруулах 1, 2 дугаар бүсэд:

Байлдааны туг гардуулах ёслолын ажиллагаа боллоо

Үндэсний аж ахуйн нэгжүүд нээлттэй ажлын байрандаа иргэдийг бүртгэж, Эрүүл мэнд, нийгмийн даатгалын мэргэжилтнүүд үйлчилгээгээ дэлгэж, ХХҮЕГ-ын хэлтсүүд зорилтот бүлгийн иргэдэд мэдээлэл өгч Гэр бүл, хүүхэд, залуучуудын хөгжлийн газар, харьяа байгууллагууд нээлттэй ажиллаж байна.
Хөдөлмөр, нийгмийн хамгааллын яамны #НээлттэйХаалганыӨдөрлөг #ЯгОдоо Сүхбаатарын талбайд, 21 аймгийн төвд үргэлжилж байгаа юм.
Өдөрлөгийг нээж ХНХ-ын сайд Н.Номтойбаяр үг хэлсэн бол хөтөлбөрийн дагуу төрийн болон төрийн бус байгууллагууд үйл ажиллагааны танилцуулга, мэндчилгээ, сурталчилгаагаа хийж байна. Нээлттэй хаалганы өдөрлөг маргааш үргэлжилнэ. #ХНХЯ

Улиасны унгирлыг шатааж болохгүй

Дархан-Уул аймаг дахь Цагдаагийн газраас “Орон нутгийн зам-Хөдөлгөөний соёл” аяны хүрээнд тус аймгийн Автотээврийн төвтэй хамтран улс, хот хоорондын зорчигч тээврийн үйлчилгээ эрхэлдэг том оврын болон суудлын нийт 110 тээврийн хэрэгсэлд санамж, сэрэмжлүүлэг байрлууллаа.
ЖОЛООЧ ТА ХУРДАА БАЙНГА ХЯНАЖ ЯВААРАЙ. УЧИР НЬ ХУРД ИХСЭХ ТУСАМ ЗАМ ТЭЭВРИЙН ОСОЛ ГАРАХ МАГАДЛАЛ, ОСЛООС УЧИРЧ БОЛОХ ХОХИРОЛ ИХЭСДЭГ

Монгол Улсаас Бүгд Найрамдах Эстони Улсад хавсран суух Онц бөгөөд Бүрэн Эрхт Элчин сайд М.Энхсайхан 2017 оны 6 дугаар сарын 15-ны өдөр Бүгд Найрамдах Эстони Улсын Ерөнхийлөгч Эрхэмсэг хатагтай Керсти Калүляйдад Итгэмжлэх жуух бичгээ өргөн барив.

Итгэмжлэх жуух бичгээ барьсантай нь холбогдуулан Ерөнхийлөгч К.Калүляйд Элчин сайд М.Энхсайханыг хүлээн авч уулзав. Уулзалтын үеэр Элчин сайд М.Энхсайхан Монгол Улсын Ерөнхийлөгч Ц.Элбэгдоржийн мэндчилгээг уламжилж, Монгол Улс Бүгд Найрамдах Эстони Улстай харилцаа, хамтын ажиллагаагаа бүхий л салбарт өргөжүүлэн хөгжүүлэх эрмэлзэлтэй байгааг илэрхийлэв. Цахим засаглал, мэдээллийн технологи, сэргээгдэх эрчим хүч зэрэгт салбарт хоёр орны харилцаа, хамтын ажиллагааг хөгжүүлэх, харилцан туршлага солилцох өргөн боломж буйг Ерөнхийлөгч К.Калүляйд онцлон тэмдэглэв.

Түүнчлэн ИЖБ-ээ барьж буй Элчин сайд М.Энхсайханыг Эстонийн ГХЯ-ны Төрийн нарийн бичгийн дарга ноён Р.Сакс хүлээн авч уулзаж, хоёр орны харилцаа хамтын ажиллагааны асуудлаар санал солилцов.

Мөн Эстони дахь Монгол Улсын Өргөмжит консул Л.Каринди Элчин сайдыг хүндэтгэн Өргөмжит Консулын Газарт хүлээн авалт зохион байгуулав. Хүлээн авалтад Эстоний Парламент, ГХЯ, хувийн хэвшлийн төлөөлөгчид оролцов.

БНХАУ-ын иргэн дахин хүүхэд хулгайлахыг завдлаа гэх мэдээлэл зарим хэвлэлээр цацагдсан

Нийслэл хотын хэмжээнд 2 сарын хугацаатай зохион байгуулсан 60.000.000 төгрөгийн шагналын сантай ”Камержуулалт” болзолт уралдаанд нийслэлийн 15 хороо, 102 Сууц өмчлөгчдийн холбоо, 15 хөршийн хяналтын бүлэг, 108 иргэн идэвхтэй оролцож орон сууц түүний гадна орчин, гэр хорооллын гудамж, талбайд 534.431.328 төгрөгийн мөнгөн дүнтэй 2211 камер шинээр суурилуулсан байна.
”Камержуулалт” болзолт уралдааны хүрээнд хийгдсэн ажлыг Монгол улсад Гэмт хэргээс урьдчилан сэргийлэх ажлыг зохицуулах зөвлөл, Нийслэлийн иргэдийн Төлөөлөгчдийн Хурал, Нийслэлийн цагдаагийн газраас хамтарсан ажлын хэсэг газар дээр нь очиж шалгаж байна.

“Рио-2016” олимпийн наадмын аварга, 2015 оны Лас Вегасын дэлхийн аварга Кайл Снайдер 2016 оны АНУ-ын шилдэг бөхөөр тодорчээ. Олимпийн хошой, дэлхийн дөрвөн удаагийн аварга домогт бөх Жон Смитийн нэрэмжит энэхүү шагналыг өдгөө 21 настай Снайдер сүүлийн хоёр жил дараалан хүртлээ. Снайдер 2016 онд Риогийн олимпийн наадам, Америкийн АШТ, Олимпийн сонгон шалгаруулах, Оюутны УАШТ, клубийн ДАШТ-д түрүүлж, Иван Ярыгиний “Алтан Гранпри”, Дортмундын Гранпри, Александр Медведийн нэрэмжит ОУТ-д хүрэл медаль хүртсэн амжилтаар тус шагналыг хүртсэн. АНУ-ын шилдэг бөхийн шагналыг 1992 онд анх олгосон бөгөөд Жон Смит тодорч, түүнээс хойш түүний нэрэмжит болгосон юм. Олимп, дэлхийн аварга Жордан Барроуз хамгийн олон удаа буюу гурав, Жо Уильямс, Каел Сандерсон, Кайл Снайдер нар тус бүр хоёр удаа тус шагналыг хүртэж байв.

АНУ-ЫН ОНЫ ШИЛДЭГ БӨХЧҮҮД
2016 он - Кайл Снайдер
2015 он - Кайл Снайдер
2014 он - Тервел Жлагнев
2013 он - Жордан Барроуз
2012 он - Жордан Барроуз
2011 он - Жордан Барроуз
2010 он - Жейден Бергман
2009 он - Жейк Герберт
2008 он - Хенри Сехудо
2007 он - Даниел Кормье
2006 он - Билл Задик
2005 он - Толли Томпсон
2004 он - Каел Сандерсон
2003 он - Каел Сандерсон
2002 он - Жо Уильямс
2001 он - Жо Уильямс
2000 он - Брэндон Слэй
1999 он - Стивен Нил
1998 он - Самуэль Хэнсон
1997 он - Лес Гачес
1996 он - Кендалл Кросс
1995 он - Кевин Жексон
1994 он - Мелвин Дуглас
1993 он - Терри болон Том Брандс
1992 он - Жон Смит

Монгол Улсын Засгийн газраас мэдээлэл харилцаа холбооны технологийн салбарыг хөгжүүлэх чиглэлээр бодлогын баримт бичиг, хөтөлбөрүүдийг батлан үе шаттайгаар амжилттай хэрэгжүүлж байгаа билээ. Энэ хүрээнд хөдөөгийн алслагдсан сум суурин газруудад утасгүй болон суурин интернетийн үйлчилгээг нэвтрүүлж 2012 оноос “Цахим сум” төслийг хэрэгжүүлж эхэлсэн. Өнөөдрийн байдлаар 21 аймаг, 285 сум,суурин газар өндөр хурдны өргөн зурвасын утасгүй интернетэд холбогдоод байна. Мэдээлэл харилцаа, холбооны салбарын дэвшилтэт технологийн хөгжлийн үр шимийг орон даяар түгээж буй энэхүү төслийн гурав дахь шатны үйл ажиллагааны нээлтэд Ерөнхий сайд оролцлоо. Улмаар Баян-Өлгий, Хөвсгөл, Сүхбаатар аймгийн иргэдийн төлөөлөлтэй онлайнаар холбогдож мэндчиллээ.

Энэхүү ”Цахим сум” төслийн нээлтэд Монгол Улсын Ерөнхий сайд Ж.Эрдэнэбатын хэлсэн үгийг бүрэн эхээр нь хүргэж байна.


”Эрхэм хүндэт хатагтай, ноёд , зочид төлөөлөгчид өө,

Хүндэт холбоочид, энд хуран цугласан Та бүхний амар амгаланг айлтган мэндчилье.

Монгол Улсын Засгийн газар мэдээлэл, харилцаа холбооны салбарыг хөгжүүлэх чиглэлээр “Мэдээлэл, холбооны технологийг 2010 он хүртэл хөгжүүлэх үзэл баримтлал”, “Монгол Улсын мэдээлэл, холбооны технологийг хөгжүүлэх дунд хугацааны стратеги” , “Цахим Монгол” үндэсний хөтөлбөр , “Цахим засаг” үндэсний хөтөлбөр , “Өндөр хурдны өргөн зурвасын сүлжээ” үндэсний хөтөлбөр зэрэг хөгжлийн бодлого, төлөвлөлтийн баримт бичгийг батлан үндсэнд нь амжилттай хэрэгжүүлээд байна.

Үүний үр дүнд манай улсын мэдээлэл, харилцаа холбооны салбарт хувийн хэвшлийн үйл ажиллагаа давамгайлж, зах зээлийн либералчлал, өрсөлдөөнийг дэмжих бодлого тууштай хэрэгжин тус салбарын орлого 2016 оны жилийн эцсийн байдлаар 965 тэрбум төгрөгт хүрч, дотоодын нийт бүтээгдэхүүний 4 хувийг эзэлжээ. Түүнчлэн нийгэм, эдийн засгийн бүх салбар, иргэдийн амьдралд 4G-LTE, 3G, IPTV, Санхүүгийн цахим үйлчилгээ-финтек зэрэг дэвшилтэт технологиуд нэвтэрч, өдөр тутмын хэрэгцээ, үйл ажиллагааных нь салшгүй хэсэг болон хөгжсөн байна.

Монгол Улсын Засгийн газраас “Төрөөс мэдээлэл, харилцаа холбооны хөгжлийн талаар 2025 он хүртэл баримтлах бодлого”-ыг баталж, дэлхийн нийтийн хөгжлийн чиг хандлагад нийцсэн мэдээлэл, харилцаа холбоог хөгжүүлэх замаар хүний хөгжлийг дэмжих, цахим засаг, харилцаа холбооны үйлчилгээ нийгэм, эдийн засгийн бүх салбар, бүс нутаг, иргэн бүрт хүртээмжтэй байх зорилтуудыг тавьсан.

Монгол Улсын иргэн бүр төрийн байгууллагын үйл ажиллагаа, үйлчилгээ, мэдээ, мэдээллийг оршин суугаа газар, орон зай, цаг хугацаанаас үл хамааран ил тод, нээлттэй, хүртээмжтэй, түргэн шуурхай хүлээн авч, мэдээлэл холбооны хамгийн найдвартай, түгээмэл үйлчилгээг хүртэх эрхтэй.

Цаашид алслагдсан сум, суурин газрууд, хөдөө орон нутгаас иргэд маань төрийн үйлчилгээг авахаар хот газар ирдэг биш төрийн үйлчилгээ тэдгээр өрх бүрийн үүдэнд тэгш, хүртээмжтэй хүрдэг байх зорилтыг тавин ажиллаж байна.

Энэ зорилтыг биелүүлэх арга хэмжээний нэгэн чухал хэсэг болох “Цахим сум” төслийн хүрээнд 2017 онд нийт 73 сум, суурин газрын иргэддээ утасгүй болон суурин интернетийн үйлчилгээг шинээр хүргэх төслийг эхлүүлэхэд бэлэн болсон байна.

Энэхүү төсөл хэрэгжсэнээр алслагдсан сум, суурин газарт суугаа 800 мянга гаруй иргэдийнхээ төрийн бодлого боловсруулахад оролцох оролцоог нэмэгдүүлэх, төрөөс үзүүлж байгаа үйлчилгээний хүртээмжийг сайжруулах, төрийн байгууллагын үйл ажиллагаа ил тод, нээлттэй, хүнд суртал, чирэгдэлгүй болоход чухал ач холбогдолтой юм.

“Цахим сум” төслийн хүрээнд өргөн зурвасын өндөр хурдны интернетийн үйлчилгээг авч байгаа хөдөө орон нутгийн алслагдсан сумдын иргэд, орон нутгийн удирдлагууд болон энэ үйлчилгээг хүргэх хүндтэй үүргийг амжилттай хэрэгжүүлж байгаа Мэдээлэл харилцаа холбооны газар, Харилцаа холбоо, мэдээллийн технологийн газар, Харилцаа холбооны зохицуулах хороо, Мэдээлэл холбооны сүлжээ ТӨХК, “Монголын Цахилгаан холбоо” ХК-ийн удирдлагууд, ажилчид, харилцаа холбооны салбарын хувийн хэвшилд ажиллаж байгаа нийт инженер техникийн ажилтан Та бүхэндээ ажлын өндөр амжилт хүсч, талархал дэвшүүлье” гэв гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Өнөөдөр хотын бөөгнөрөл дээд цэгтээ хүрчээ. Нэг машин байтугай, хоёр хүн зөрөх зай үлдээхгүй хашаа, хайс хатгаж нийтийн талбай гэх зүйлгүй боллоо. Энэ байдал зөвхөн нэг л хүний эрх ашигт нийцэж байгаа болохоос бусдын эрх ашигт харшилж байгаа юм. Хот яагаад ийм болчихов.

123

Засгийн газар солигдож сонгууль дөхөх үед улстөрчид энэ газрыг чөлөөлнө, тэр ч замыг тавина гэдэг амлалтад иргэд итгэхээ больсон. Тэгвэл энэ удаа эрх баригчид газар зохион байгуулалтад өөр шинэлэг арга хэмжээ авахаар шийджээ. Энэ үйл ажиллагаанд УИХ-ын гишүүд болон хотын удирдлагууд манлайлан оролцож байна. Тодруулбал, УИХ-ын гишүүн Ж.Энхбаяр, нийслэлийн Засаг даргын орлогч П.Баярхүү, нийслэлийн Газрын албаны орлогч дарга Б.Загдсамбар, Авто замын газрын орлогч дарга Б.Индра, Баянзүрх дүүргийн газрын албаны дарга Д.Бат-Ундрах, газар зохион байгуулагч Д.Отгонбаяр, Ц.Отгонбямба, Газар чөлөөлөх хэлтсийн мэргэжилтэн Ш.Цогт нарын бүрэлдэхүүнтэй ажлын хэсгийнхэн Баянзүрх дүүргийн хороодоор явж газар дээр нь ажилласан юм.

123
Ажлын хэсгийнхэн эхлээд Баянзүрх дүүргийн 15 дугаар хорооны нутаг дэвсгэр 84 дүгээр сургуулийн зүүн талд байрлах орон сууцны хашааг буулгав. Тухайн хэсэгт нэг автомашин багтах зайтай байсан бол хашааг буулгаснаар харагдах орчин илт сайжирсан юм. Ер нь орон сууцны хорооллынхон автомашин тавих газаргүй гэж үргэлж ярьдаг ч өөрсдөө дур мэдэн байрныхаа өмнөх талбайг сунгах нь хэвийн үзэгдэл.


Энэ бүхнийг цэгцлэх, иргэдийн тохь тухтай орчинг хангахад төрийн үүрэг оролцоо их юм. Тиймээс энэ удаа төр эзэн байж газар чөлөөлөлтөд хатуухан арга хэмжээ авч эхлээд буй нь энэ.
Ялангуяа Баянзүрх дүүргийн хувьд газар зохион байгуулалтын хувьд бусад дүүргийг бодвол эмх замбараагүй юм. Хаа сайгүй, дуртай газраа нүхлээд хашаа хайс хатгачихсан, нийтийн эзэмшилд нэг ч зүйл үлдээгүй нь харагдаж байв. Тэр байтугай 1990 онд баригдсан контейнерууд олон байна. Эдгээр нь эзэнтэй, эзэнгүй нь мэдэгдэхгүй түгжрэлийн голомт болчихсон.



Иргэн Дорж нэг контейнер тавиад зам хаахад цаана нь 100 гаруй иргэний эрх ашиг хохирдог гэсэн үг. Тухайн оршин суугчид өөрсдөө энэ бүхнийг дур мэдэн хийчихээд буруутан болохоор төрийн үйлчилгээ рүү чихдэг нь ч нууц биш. Энэ хуучинсаг, хувиа бодсон аргад төр төмөр нүүрээ үзүүлэх цаг болсон гэж байв. Нэгхэн сарын өмнө “ТҮЦ” арга хэмжээ авч зөвшөөрөлгүйг нь буулгахад зарим иргэн өөрийгөө галдан шатаана гэж хотын удирдлагуудыг “айлгасан” удаатай. Энэ хувиа бодсон сэтгэлгээ нь хотын нягтралд халтай төдийгүй нийтийн эзэмшлийн бүх зам талбайд муугаар нөлөөлж буй. Тиймээс бид энэ сэтгэлгээнээсээ салж хотынхоо хөгжил цэцэглэлтэд нэмэр болдоггүй юм аа гэхэд ядаж дараа болохгүй баймаар санагдсан.



Хотынхон газар чөлөөлөлтийг хоёр үе шаттайгаар зохион байгуулж байгаа аж.

Эхний ээлжид үл хөдлөх хөрөнгийг буулгахгүй, зөвхөн хашаа хайсыг нурааж явган хүний зам гарцыг гаргаж өгнө. Дараагийн шат нь газар зүйн мэдээллийн системд орсон газар хэмжээнээсээ хэтэрсэн бол төр газраа чөлөөлүүлж авна.
Илүү хатгасан нэг метр газрыг ч төр мэдэлдээ авах юм. Ийм тохиолдолд газрын эрхийг нь цуцлах, тухайн иргэнтэй шүүхийн байгууллагад очиход бэлэн гэж байв. Энэ талаар УИХ-ын гишүүн Ж.Энхбаяр ярихдаа, “Би Баянзүрх дүүргээс сонгогдсон гишүүн. Энэ жил төсөвт нэг тойрог тус бүрт 10 сая ам. доллар тусгасан. Энэ хөрөнгөөр ажил хийе гэхээр зураг төсөл байдаггүй. Өөрөөр хэлбэл, хот болон гишүүд хоорондоо уялдаа холбоо муутай ажиллаж байгааг хүлээн зөвшөөрөх ёстой. Цаашдаа ийм байдлаар явахгүй ээ. Одоо хамтдаа хотынхоо хөгжлийн төлөө зүтгэе. Та нар надад цэцэрлэгийн газар гаргаж өг. Цэцэрлэг, сургуулийн бүх газар хувь хүний эзэмшилд оччихсон. Дуудлага худалдаагаар ороогүй, нэг даргын гарын үсэгтэй газрын эзэмшилтэй. Жишээ нь, Дүнжингарав худалдааны төвийн газар гэхэд хичнээн том билээ. Тэр газрынхаа булангаас нь эхлээд нэг сая доллараар худалдаж байна шүү дээ. Өмнө нь Х.Наранхүү хүүхдийн паркийн газрыг булаагаад л авсан. Одоо болоо шүү дээ. Би Дүнжингаравын газраас авч хүүхдийн цэцэрлэг барина. Надтай заргалдаг, шүүх дээр уулзахад бэлэн.

123

Мөн “Хурд” компани, “Эко констракшн”, “Эм Си Эс” гээд том том компани газраасаа хэсэгчлээд хүүхдийн ирээдүйд хөрөнгө оруулалт хийх ёстой. Тэд л нэг том газар хашаалчихсан, ардын хүүхдүүд нь болохоор сурах сургууль, цэцэрлэггүй явж болохгүй ээ. Эдгээр компанийн захирлууд газраа чөлөөлж өгөхгүй бол ёс суртахуунаар нь шахаад үзье. Хот өнөөдөр битүү түгжрэлтэй, явах явган гарцгүй, хүүхэд шуухад машин тэргэнд дайруулчих гээд явж байхад тэд эрх мэдэл, албан тушаал, бэл бэнчингээрээ гайхуулж болохгүй” гэв. Үүний дараа нийслэлийн Засаг даргын орлогч П.Баярхүү “Нийслэлийн зүгээс газар чөлөөлөлтийн асуудал дээр анхаарч ажиллаж байна. Цэцэрлэг, сургууль барихын тулд Газрын тухай хуульд өөрчлөлт хийх шаардлагатай. Тодруулж хэлбэл, газар чөлөөлөх заалтыг тодорхой болгох хэрэгтэй. Нийслэлээс олон тэрбум төгрөг зарцуулж байж газар худалдаж авах нөхцөл үүсээд байгаа. Хуулиндаа газар чөлөөлөх тусгай заалт оруулснаар энэ асуудлыг шийдэхэд хотын зүгээс асуудал байхгүй. Бид газраа чөлөөлөөд авчихаар Дээд шүүх дээр очоод хүндэтгэх шалтгаангүй гээд буцаад хот бурууддаг. Ийм өргөдөл гомдол, шүүхийн бичиг зөндөө байна. Үүнийг шийдэх хамгийн зөв гарц бол Газрын тухай хуульд нэмэлт өөрчлөлт оруулах. Энэ бүх эрх танд бий. Та хуулийн төслөө өргөн бариад батлагдчихвал хотын удирдлагуудаас хийх ажлаа хийгээд газраа чөлөөлөөд авчихна” гэсэн юм.



Баянзүрх дүүргийн нутаг дэвсгэрт байрлах компаниудын хууль зөрчиж барьсан дараах газруудыг чөлөөлж нийтийн эзэмшлийн талбай гаргаж өгөв. Үүнд, XV хорооны нутаг дэвсгэр “Алтан өргөө” хотхоны зүүн талд байрлах “Андууд интернэшнл” ХХК-ийн хашааг буулгаж засч тохижуулахаар болов. Мөн XVIII хорооны 84 дүгээр сургуулийн урд уулзварт байрлах нийслэлийн Засаг даргын 2015 оны А\861 дүгээр захирамжтай “Юнайтед констракшн” ХХК-ийн барилгын хашааг татуулж явган хүн зорчих боломжтой болгосон юм. Тус дүүргийн XVIII хорооны 37 дугаар байрны хойд талд байрлах иргэн Ж.Нямдаваагийн хашааг татуулж, замыг засч тохижуулахаар болов. Тус дүүрэгт хамгийн томд тооцогддог зургаадугаар хороонд байрлах Сэлбийн гүүр орчмыг энэ жилдээ багтаан засварлаж зам тавих юм. Энэ гүүрийг орчин үеийн болгоход олон шийдэл байгаа гэж УИХ-ын гишүүн Ж.Энхбаяр онцолсон. Тэрбээр “Сэлбэ гүүрийг шинэчлэхдээ доогуур нь гол урсдаг, хажуугаар нь багана хийгээд тогтоосон дээвэртэй байж болно. Хотын хийх гээд зориод байгаа шөнийн гудамжийг яагаад энд байгуулж болохгүй гэж. Хоёр талаар нь гудамж хийгээд Концессын гэрээгээр өгчих. Тэгээд хувийн компаниуд оруулчих. Хот үүнд мөнгө зарлагадах хэрэггүй шүү дээ. Та нар далангийн ажлаа хийгээд бусдыг нь надад үлдээчих, би гүйцээгээд хийчихнэ. Сэлбэ голын цаад тал УИХ-ын гишүүн Д.Цогтбаатарын тойрог, цаашаа Хан-Уул дүүрэгт УИХ-ын гишүүн Ц.Нямдоржийн тойрог бий. Сэлбийн гүүрийг ашиглалтад оруулна гээд Засгийн газрын мөрийн хөтөлбөрт тусгасан байгаа. Тиймээс үүнийг улсын төсвөөр хийж болно” гэсэн юм.



Энэ мэтчилэн шийдэж болох олон асуудал байгааг сануулсан. Ингээд ажлын хэсгийнхэн XXV хорооны 67 дугаар байрны хашааг буулгаж хоёр эгнээ зам гаргав. Мөн тухайн хэсгийн замыг хойшоо XIII хорооллын дунд зам руу нийлдэг болголоо. Тус хорооны “Натур” худалдааны төвөөс Замын цагдаа руу явдаг зам буюу Home Land хотхоны баруун талд байрлах иргэн Э.Болдбаатарын хашааг татаж явган хүний гарцыг гаргасан юм. Үүнээс гадна тус дүүргийн 26 дугаар хорооны “Баянмонгол” хорооллын зүүн талд байрлах нийслэлийн Засаг даргын 2014 оны А\573 дугаар захирамжтай “Ажиганахунчир” ХХК-ийн хашааг татаж явган хүний зам гаргахаар боллоо.

Ийнхүү ажлын хэсгийнхэн хагас өдрийн хугацаанд 10 газрыг чөлөөлж, нийтийн талбайг оршин суугчдад хүлээлгэн өгсөн юм. Цаашдаа газар чөлөөлөлтийн энэ ажлыг үргэлжлүүлэн хийх бөгөөд энд тухайн оршин суугчдын оролцоо, төрийн эрх мэдэл ихээхэн чухал гэдгийг харууллаа.

Сэтгүүлч: В.Сарантуяа Эх сурвалж: Монголын Үнэн сонин

Нийслэлийн удирдах ажилтны ээлжит шуурхай зөвлөгөөн өнөөдөр /2017.06.19/ боллоо.

Наадмын хуушуурын зөвшөөрлийг энэ сарын 27-ны өдөр хүртэл олгоно

iPhone 7 загвар чихэвчийн оролтгүй болж байгаа тухай мэдээлж байсан MobileFun компани энэ удаад мөн iPhone 8-ын загварыг олон нийтэд дэлгэлээ.

Холливуудын нэрт жүжигчин Ван Дамм залуудаа спортын олон төрлөөр хичээллэдэг байжээ. Тэрбээр Бельгийн нэр хүндийг дэлхийн кино ертөнцөд гаргаж чадсан цөөхөн алдартны нэг бөгөөд ард түмэн нь түүнийг “Ноён Бельги” хэмээн хүндэлдэг гэнэ. Ван Дамм 16 нас хүртлээ балетын чиглэлээр хичээллэдэг байсан гэдэгт итгэх хүн олдохгүй биз. Харин тэрээр хамгийн сүүлд “Биелэгдэшгүй даалгавар” киноны хоёрдугаар ангид тоглосон юм. Түүнээс хойш уран бүтээлч маань гэр бүлийн амьдралдаа цаг гаргах болжээ.

Харин жүжигчний залгамж халааг том охин болох 26 настай Бианка өвлөн авчээ. Бианка ааваасаа суралцаж тулааны урлагаар таван жил хичээллэж байна. Тэрээр өөрийн цахим хуудаснаа идэвхтэй хөдөлгөөнийг уриалж олон мянган дагагчтай юм. Мөн аавынхаа тоглосон киноны хөдөлгөөнийг сурахыг эрмэлзэж уйгагүй дасгал хийдэг гэв. Түүгээр ч зогсохгүй ур чадвараа улам бүр ахиулан кинонд тоглохоор бэлтгэж байна.

Хөдөлмөр, нийгмийн хамгааллын салбарын нээлттэй хаалганы өдөрлөг өнөөдөр Сүхбаатарын талбайд болж байна. Энэ үеэр 20 мянган иргэнийг нээлттэй ажлын байранд бүртгэхээс гадна аж ахуйн нэгжүүдийн мэдээллийг нэг дор хүргэж, үндэсний үйлдвэрлэгчдийн бүтээгдэхүүнийг ч сурталчилж байгаа юм. Тухайлбал, улс даяар явагдаж буй “Уран үйлчин 2017” улсын анхдугаар уралдаанд шалгарсан шилдэг уран үйлчдийн гар урлалын бүтээлүүдийг “Эксклюзив” компани дэлгэн тавьсан байна. “Уран үйлчин 2017” уралдааны гол зорилго нь улсын хэмжээнд хичнээн үйлдвэрлэгч байна вэ гэдгийг тогтоох мэргэжлийн судалгаа гаргаж, монгол уран үйлчдийн үнэлэмжийг дээшлүүлэхэд оршиж байгаа юм. Тэдний бодит судалгаанд үндэслэн импортын бүтээгдэхүүнтэй өрсөлдөхүйц чанартай, үнэ боломжийн бүтээгдэхүүн үйлдвэрлэх томоохон төрөлжсөн үйлдвэрлэл бий болгох зорилгыг нийслэлийн удирдлагууд, хотын захиргаа дэмжиж байна. Хотын дэмжлэгтэйгээр оёдлын төрөлжсөн үйлдвэрүүд эхнээсээ нээгджээ. Өнөөдрийн байдлаар 4-5 үйлдвэр үйл ажиллагаагаа явуулж эхэлсэн байна.

Хотын зүгээс нэг талаар үндэсний үйлдвэрлэгчид, өрхийн үйлдвэр эрхлэгчдээ дэмжих, нөгөө талаар иргэдээ дотооддоо үйлдвэрлэсэн, чанартай, боломжийн үнэтэй бүтээгдэхүүн худалдан авах боломжийг олгохоор ийнхүү үндэсний үйлдвэрлэлийг дэмжиж байгаа юм. “Эксклюзив” ХХК-ийн захирал Г.Майцэцэг “Үйлдвэрлэл хөгжиж байж, улс орон хөгжинө. Бид оёдолчдыг хамруулсан, төрөлжсөн үйлдвэрлэлийг хөгжүүлэх ёстой. Үүнд хотын захиргаа санаа тавьж, дэмжин, хамтарч ажиллаж байгаад таатай байна. Үндэсний үйлдвэрлэгчид, оёдолчид энд тэндэхийн орц хонгилд ганц нэгээрээ ажиллаж ирсэн. Одоо нэгдэж, нэгдсэн зохион байгуулалтад орж, импортын бүтээгдэхүүнтэй чанар, үнийн хувьд өрсөлдөхүйц үйлдвэрлэлийг бий болгох цаг болсон. Эхнээсээ хотын захиргааны дэмжлэгтэйгээр 4-5 төрөлжсөн үйлдвэр байгуулагдаад, үйл ажиллагаа явуулж эхлээд байна” хэмээн ярилаа.

Боломжийн үнэтэй, чанартай сурагчийн дүрэмт хувцас худалдаанд гаргана

Үндэсний үйлдвэрлэгчид зөвхөн үндэсний хувцсаар зогсохгүй, өдөр тутмын хэрэглээнд юу хэрэгтэй, тэр бүгдийг үйлдвэрлэх боломжтой. Оёдолчид нэгдэж, томоохон төрөлжсөн үйлдвэрлэл бий болгосноор хамгийн эхний бодит үр өгөөж ирэх есдүгээр сард гарна гэж тооцоолжээ. Учир нь үндэсний үйлдвэрлэгчид хичээлийн шинэ жилийн өмнө сурагчийн дүрэмт хувцсыг бодит үнэд хүргэхийг хэлж байна. Хичээлийн шинэ жилээс өмнө чанартай, боломжийн үнэтэй дүрэмт хувцас худалдаанд гаргана хэмээн үйлдвэрлэгчид ярьж байлаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Зам тээврийн ослын 15-25 хувьд нь техникийн байдал нөлөөлдөг гэж дэлхий нийтээр үздэг. Манай улсын хувьд 2017 оны эхний 5 сарын байдлаар бүрэн бус тээврийн хэрэгсэл