Чингэлтэй дүүргийн 19 дүгээр хорооны Гүнтийн задгайд оршин суух иргэн Г-ийн гэрээс эд зүйл, нэг бус галт зэвсэг хулгайлсан хэрэг энэ сарын 11-нд гарчээ.

Увс аймгийн брэнд бүтээгдэхүүн болсон чацарганы болц гүйцжээ. Аймгийн тариаланчид ургацаа хурааж эхэлсэн байна.

Хуучирч үнгэгдэн хиртэж, урагдсан, хамгаалалтын элемент нь арилсан гэх мэт гүйлгээнд явуулах шаардлага

БГД-ийн III хорооны 72-р байрны оршин суугчдаас тус байрны орчимд ил задгай худалдаа эрхэлж байгаа нь оршин суугчдын амгалан тайван байдал алдагдуулж

Энэ сарын 14-ний өдөр Бэлхийн эцсийн 16-р хорооны орчимд гэрийнхээ орчим тоглож байсан таван хүүхэд алга болсон гэх мэдээлэл олон нийтийн сүлжээгээр цацагдсан.

Үндэсний статистикийн хорооноос хүнсний гол нэрийн барааны үнийн судалгааг гаргажээ. Наймдугаар сарын 16-ны байдлаар гол нэрийн барааны үнийг өмнөх сартай харьцуулахад 2.4 хувиар өссөн байна.

Орон нутгийн замд явахдаа аюулгүй байдлаа хангаж явцгаая

АНУ-ын Лос-Анжелос хотноо энэ сарын 7-17-ны өдрүүдэд зохион байгуулагдсан Дэлхийн цагдаагийн спортын наадамд Монгол Улсын баг тамирчид амжилттай оролцож ганзага дүүрэн ирлээ. Бага тамирчдыг цагдаагийн байгууллагын удирдлагууд болон ар гэрийнхэн нь угтан авч баяр хүргэсэн юм.

Өнгөрсөн 7 хоног улс төрийн үйл явлаар дүүрэн долоо хоног байлаа. Эрх баригч МАН-ын тагнасан, чагнасан хэргээс болж үүдсэн гэх цусгүй дайн өнгөрч буй долоо хоногт улам хүчээ авч, хэвлэлээр дайтахад хүрсэн нь онцгой үзэгдэл байв. Учир нь МАН бол хэзээний “дотоод тамиртай” нам. Дотроо болсон хэрүүлээ АН-ынхан шиг ил цагаан хэлчихдэггүй.

НӨАТ-ын урамшууллын хонжворт сугалааны ээлжит азтан өнөөдөр тодорно.

”Үртэй хүн жаргадаг

Үндэстэй мод нахиалдаг” гэдэг. Айл бүрт аз жаргал амьдралын баяр баясал авчирдаг бяцхан үрсийн тухай сонирхолтой мэдээллййг 24 баримтаар хүргэж байна. Ээж болох гэж буй, ээж болсон бүсгүйчүүдээ наашаа анхаарлаа түр хандуулаарай.

Баримт 1. Хэвлийгээ илж, хүүхэдтэйгээ ярих хэрэгтэй. Учир нь хүүхэд төрөөгүй байхдаа ч мэдэрч, харж, сонсож чаддаг.

Баримт 2. Хүүхэд эхийн хэвлийд байхдаа уйлдаг.

Баримт 3. 2000 хүүхэд тутмын нэг нь шүдтэй төрдөг.

Баримт 4. Хүүхэд эхийн хэвлийд бүрэлдэхдээ жижигхэн тоор шиг хэмжээтэй байдаг бол төрөх үедээ тарвас шиг болж томордог.

Баримт 5. Хүүхэд 21 долоо хоногтойгоос эхлэн өтгөнөө гадагшлуулдаг бөгөөд өтгөн нь төрөх хүртэл эхийн хэвлийд хадгалагддаг.

Баримт 6. Хүүхэд эхийнхээ идэж буй хоолыг амталж чаддаг.

Баримт 7. Хүүхэд хэвлийд байхдаа шээгээд түүнийгээ уучихдаг. Шээгээд л уугаад л...

Баримт 8. Жирэмсэн эхийн биед маш их хэмжээний ус хуримтлаж, хавагнадаг тул эмэгтэйн хөл нэг размераар томордог.

Баримт 9. Жирэмсэн эхийн биед маш их хэмжээний ус хуримтлаж, хавагнадаг тул эмэгтэйн хөл нэг размераар томордог.

Баримт 10. Жирэмсэн болон хөхүүл ээж хүүхэд уйлж байгааг сонсоод л хөх нь ивлэдэг. Өөрийнх нь хүүхэд биш байсан ч хамаагүй.

Баримт 11. Жирэмсэн болон хөхүүл ээж хүүхэд уйлж байгааг сонсоод л хөх нь ивлэдэг. Өөрийнх нь хүүхэд биш байсан ч хамаагүй.

Баримт 12. Хөгжиж буй орнуудаас Өмнөд Африкт хамгийн их ихэр төрдөг

Баримт 13. Эмэгтэйчүүдийн 90 хувь нь жирэмсэн байхдаа арьсны өнгө өөрчлөгдөхийг мэдэрдэг.

Баримт 14. Японы эрдэмтэд 2-3 насны хүүхэд ээжийнхээ хэвлийд байх үеэ санадаг гэсэн сонирхолтой судалгаа гаргажээ.

Баримт 15. Хүүхдийн оюуны хөгжил эхийн хэвлийд байхаас эхэлдэг.

Баримт 16. Элдэв хурц амттай янз бүрийн чихэр бурам хэрэглэхэд цээрлэж хүүхэд бузартана гэдэг.

Баримт 17. Эх хүүхэд хоёр зүгээр цус, гормоны холбоотой бус сэтгэлийн хувьд ч холбоотой гэдгийг эрдэмтэд нээжээ.

Баримт 18. Төрөөд бүтэн цаг ч болоогүй нялх хүүхэд эхийнхээ яриаг бусад эмэгтэйчүүдийн хоолойноос ялгана.

Баримт 19. Нярай хүүхдийн тархины хальсны сонсгол хариуцдаг хэсэг нь маш сайн хөгжсөн байдаг ажээ

Баримт 20. Нярай хүүхэд гадаад ертөнцийн тухай их зүйлийг олж мэддэг.

Баримт 21. 2-3 насны хүүхэдтэй ээжүүд хүүхдээсээ хэвлийд байх үеийг нь асуухад тодорхой хариулсан байна. Тухайлбал, зайрмаг иддэг байсан, эхийнхээ хэвлийг өшиглөж, мөргөж тоглодог байснаа хариулжээ. Хэд хоногийн дараа дахин асуухад ч яг адилхан хариулт өгч байжээ.

Баримт 22. Хүүхэд эхээс төрөөд гурван нас хүртлэх хугацаанд “гэгээнтэн” байдаг.

Баримт 23. Эхийн хэвлийд хүүхдийн ам ургийн шингэнээр дүүрсэн байдаг.

Баримт 24. Нялх хүүхэд эцэг, эхээ үнэрээр нь таньдаг бөгөөд дөнгөж төрсөн хүүхэд 16-18 цаг унтдаг.

2017 оны 08 дугаар сарын 21-нээс 08 дугаар сарын 25-ныг хүртэлх цаг агаарын урьдчилсан төлөв:

Өнөөдөр буюу 2017 оны наймдугаар сарын 20-ны Ням гарагт хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.

Хичээлийн шинэ жил эхлэхийн өмнөх амралтын өдрүүдэд автомашиныг улсын дугаарын тэгш, сондгойгоор ангилж, замын хөдөлгөөнд

2017 оны 08 дугаар сарын 19-ний 20 цагаас 08 дугаар сарын 20-ны 20 цаг хүртэлх цаг агаарын урьдчилсан мэдээ:

Хүн амьдралынхаа гуравны нэгийг унтаж өнгөрүүлдэг гэдэг. Тиймээс унтах, нойрсох орчноо аль болох тохь тухтай байлгах нь ямар ч хүний амьдралын маш чухал хэсэг байх ёстой. Ийм болохоор нойр судлал гэсэн тусдаа шинжлэх ухаан анагаахад байдгийг хүн бүр мэддэггүй.

Нойр судлаачид ба физиологич эрдэмтэд хүний нойр, унтах орчны талаар олон тооны судалгаа явуулсаар зүүн талаар хэвтэж унтах нь хамгийн зохистой гэдгийг тогтоожээ. Зүүн талаар унтсанаар хэд хэдэн талын ашигтай байдгийг дурдъя.

Тунгалагийн системийн үйл ажиллагааг сайжруулдаг

Тунгалагийн систем нь хүний биеийг хорт бодис, бодисын солилцооны явцад үүссэн хаягдал бүтээгдэхүүнээс цэвэрлэн ариутгах маш чухал үүрэг гүйцэтгэж байдаг. Хүний цээжний зүүн хэсэгт байрлах тунгалагийн 2/3-ыг дамжуулан цуглуулах үүрэгтэй газрыг латинаар “ductus thoracicus” гэдэг. Цээжний зүүн хэсэгт байрладаг гэдгийг дахин онцолъё. Иймээс зүүн талаар хэвтэж унтах үед хүний биеэс хортой бодис гадагшлуулах явц хурдасдаг. Үүнийг дагаад хорыг гадагшлуулж, хэрэгтэй бодисыг авах, хүртэх явц сайжирдаг.

Дэлүүний үйл ажиллагаа сайжирдаг

Дэлүү нь тунгалагийн системд оролцдог бөгөөд хүний дархлалын системд маш чухал үүрэгтэй эрхтэн. Зүүн талаар хэвтэн унтах үед дэлүүний үйл ажиллагаа илүү сайжирдаг. Үүнийг дагаад элдэв хорт бодис, нян, бохирдлыг эсэргүүцэх чадвар ч сайжирна.

Ходоод гэдэсний үйл ажиллагааг дэмжинэ

Нарийн ба бүдүүн гэдэс уулздаг хэсэг биеийн зүүн хэсэгт байрладаг. Иймээс зүүн талаар хэвтэн унтах үед хүндийн хүчний нөлөөгөөр гэдсэн дэх хоолны урсах явц хурдассанаар шимт бодис шимэгдэн биеэс гадагшлах хугацаа богино болдог.

Цээж хорсохоос хамгаална

Цээж хорсох гээч таагүй зүйл манайхны дунд нэлээд түгээмэл. Энэ таагүй зүйл ойр тохиолддог хүмүүс ч унтахдаа зүүн талаар хэвтэж байх хэрэгтэй. Ингэвэл ходоодыг улаан хоолойтой холбож байдаг хэсэг нь ходоодноос дээгүүр байрлалтай болдог. Ингэж дээр байрласан үед ходоодон дахь хоол, хүчлийн үлдэгдэл дээшлэн улаан хоолойг түлэх, өөрөөр хэлбэл “цээж хорсох” гэсэн таагүй мэдрэмж төрөхгүй.

Зүрхний үйл ажиллагааг дэмжинэ

Зүүн тал нь биеийн цусаар хангадаг гол мотор, зүрхний тал гэдгийг бүгд мэднэ. Иймд унтахдаа зүүн талаар хэвтвэл зүрхний үйл ажиллагааг дэмждэг

Ройтерс: Энэ долоо хоногийн шилдэг гэрэл зургууд

Болц гүйцээгүй үед хуш модны самар түүх нь иргэд модноос унаж амь насаа алдах, эрүүл мэндээрээ хохирох, мунаар цохиж модыг гэмтээх, ургалтгүй болгох гол шалтгаан болдог. Иймээс нийслэлийн Байгаль орчны газар, Улсын Мөрдөн байцаах алба хамтран ирэх сарын 10-ныг хүртэл Баянзүрх, Чингэлтэй, Сүхбаатар, Сонгинохайрхан дүүргийн ойн сан бүхий нутаг дэвсгэрт хяналт шалгалтын ажлыг эхлүүллээ.



Нийслэлийн нутаг дэвсгэрийн ойн сан бүхий газарт ойн дагалт баялаг хуш модны самрыг ахуйн болон үйлдвэрлэлийн зорилгоор түүх зөвшөөрөгдсөн хугацаа нь ёсдүгээр сарын 10-наас эхэлдэг. Өмнө нь энэ хугацаа аравдугаар сарын 15-наас эхэлдэг байсан. Иргэд, мэргэжлийн байгууллагын санал зөвлөмжийг үндэслэн Байгаль орчин, аялал жуулчлалын сайдын 2016 оны А/24 дүгээр тушаалаар энэ хугацааг 35 хоногоор урагшлуулсан юм. Иргэд ахуйн зориулалтаар 25 кг хүртэл хэмжээтэй самрыг 1 кг тутамд 500 төгрөгөөр тооцон төлбөр төлж тухайн нутаг дэвсгэрийн байгаль хамгаалагчаас эрхийн бичиг авсны үндсэн дээр түүх боломжтой.



Зөвшөөрөгдсөн хугацаанаас өмнө хуш модны самар түүх, бэлтгэх, худалдан борлуулах зөрчил гаргасан иргэд, хуулийн этгээдэд Байгаль орчныг хамгаалах тухай хууль, Ойн тухай хууль, Байгалийн ургамлын тухай хууль, Зөрчлийн тухай хууль болон холбогдох дүрэм журмын дагуу арга хэмжээ авах тул хуш модны самар түүж бэлтгэх хугацаа болоогүй, болц гүйцээгүй үед самар түүхгүй байхыг анхааруулж байна гэж нийслэлийн Байгаль орчны газраас мэдээлэв.

Импортоор орж ирсэн буюу шинээр худалдан авсан тээврийн хэрэгсэл эзэмшигчид АТБӨЯХАТ, Агаарын бохирдын төлбөр, Авто зам ашигласны төлбөрөө төлөхийг анхааруулж байна. Мөн хуулийн хугацаандаа Албан татвар төлөөгүй тээврийн хэрэгсэл эзэмшигчдийн албан татвар, төлбөрүүдийг ямар нэгэн торгуулгүй хураан авч байгаа бөгөөд татвар төлөгчид идэвхитэй хамрагдана уу. Тодорхой мэдээллийг 1800-1288, 70110705 дугаараас авах боломжтой гэж нийслэлийн Татварын газраас мэдээллээ.

Энэ сарын сүүлээр ЦОЧИР ХҮЙТЭРНЭ

2017-08-18 14:53:03


Энэ сарын цаг агаарын төлөв байдлыг хүлээн авна уу.

БАРУУН ЗҮГИЙН НУТАГ: Агаарын температурын сарын дундаж нь Увс, Ховдын нутаг, Баян-Өлгийн зүүн, Завханы баруун хэсгээр 16-21 градус, Говь-Алтай, Баянхонгорын өмнөд хэсгээр 20-25 градус, Завханы ихэнх, Баян-Өлгийн баруун, Говь-Алтай, Баянхонгорын хойд хэсгээр 10-15 градус буюу Завхан, Говь-Алтайн зүүн, Баянхонгорын ихэнх нутгаар уур амьсгалын дунджаас 0.5-1.5 градусаар дулаан, бусад нутгаар дунджийн орчим байна.

Нэгдүгээр арав хоногийн эхэн, хоёрдугаар арав хоногийн дунд үеэр сэрүүсч Алтай, Хангайн уулархаг нутгаар шөнөдөө 2-7 градус, өдөртөө 15-20 градус, Алтайн өвөр говиор шөнөдөө 15-20 градус, өдөртөө 25-30 градус, бусад нутгаар шөнөдөө 8-13 градус өдөртөө 20-25 градус дулаан байна.

Гуравдугаар арав хоногийн дунд үеэс Алтай, Хангайн уулархаг нутгаар шөнөдөө 3 градус дулаанаас 2 градус хүйтэн, хөрсөн дээр 1-6 градус хүрч цочир хүйтэрнэ, өдөртөө 9-14 градус, Алтайн өвөр говиор шөнөдөө 9-14 градус, өдөртөө 20-25 градус, бусад нутгаар шөнөдөө 5-10 градус, өдөртөө 15-20 градус дулаан байна.

Бусад хугацаанд Алтай, Хангайн уулархаг нутгаар шөнөдөө 4-9 градус, өдөртөө 18-23 градус, Олон нууруудын хөндий, Алтайн өвөр говиор шөнөдөө 19-24 градус өдөртөө 29-34 градус, бусад нутгаар шөнөдөө 11-16 градус өдөртөө 23-28 градус дулаан байна.

БАЯН-ӨЛГИЙН НУТАГ: Увсын хойд, Ховдын өмнөд хэсгээр уур амьсгалын дунджаас ахиу, Говь-Алтайн зүүн өмнөд, Баянхонгорын өмнөд хэсгээр дунджаас бага, бусад нутгаар дунджийн орчим бороо орох төлөвтэй.

Нэгдүгээр арав хоногийн эхээр ихэнх нутгаар, нэгдүгээр арав хоногийн дунд үе ба сүүлч, хоёрдугаар арав хоногийн эхээр нутгийн зарим газраар түр зуурын бороо, хоёрдугаар арав хоногийн дунд үеэр нутгийн зүүн хэсгээр, сүүлчээр нь ихэнх нутгаар, гуравдугаар арав хоногийн эхээр нутгийн зарим газраар, сүүлчээр нь нутгийн хойд хэсгээр бороо, сарын эцсээр уулархаг нутгаар хур тунадас орох төлөвтэй. Дуу цахилгаантай. Борооны өмнө салхи түр зуур ширүүснэ, ялангуяа нэгдүгээр арав хоногийн дунд үе ба сүүлч, хоёр ба гуравдугаар арав хоногийн эхэн ба дунд үеэр зарим газраар түр зуур 18-20м/с хүрч ширүүсч болзошгүй.

ТӨВИЙН НУТАГ: Энэ сарын агаарын температурын дундаж нь Хөвсгөл, Архангайн нутаг, Булганы зүүн, Өвөрхангайн баруун хойд хэсгээр 11-15 градус, Сэлэнгэ, Төв аймгийн нутаг, Өвөрхангайн ихэнх, Булганы баруун, Хөвсгөлийн өмнөд хэсгээр 16-21 градус дулаан буюу Хөвсгөл, Булганы хнойд, Сэлэнгийн баруун хойд хэсгээр уур амьсгалын дунджийн орчим, бусад нутгаар дунджаас 0.5-1.5 градусаар дулаан байна

Нэгдүгээр арав хоногийн эхэн болон хоёрдугаар арав хоногийн дунд үеэр Хангай, Хөвсгөлийн уулархаг нутгаар шөнөдөө 3-8 градус өдөртөө 15-20 градус, бусад нутгаар шөнөдөө 8-13 градус өдөртөө 19-24 градус дулаан байна. Гуравдугаар арав хоногийн эхээр ба сүүлчээр сэрүүсч Хангай, Хөвсгөл, Хэнтэйн уулархаг нутгаар шөнөдөө 3 градус дулаанаас 2 градус хүйтэн, хөрсөн дээр 1-6 градус хүрч цочир хүйтэрнэ, өдөртөө 10-15 градус, бусад нутгаар шөнөдөө 5-10 градус, өдөртөө 15-20 градус дулаан байна.

ОРХОН-СЭЛЭНГИЙН САВААР ШӨНӨДӨӨ: 15-20 градус, өдөртөө 28-33 градус, бусад нутгаар шөнөдөө 11-16 градус, өдөртөө 25-30 градус хүрч хална. Бусад хугацаанд Хангай, Хөвсгөл, Хэнтэйн уулархаг нутгаар шөнөдөө 6-11 градус, өдөртөө 19-24 градус, бусад нутгаар шөнөдөө 10-15 градус, өдөртөө 23-28 градус дулаан байна. Энэ сард Хөвсгөлийн баруун хэсгээр уур амьсгалын дунджаас ахиу, Сэлэнгэ, Төв аймгийн зүүн хэсгээр уг дунджаас бага, бусад нутгаар дунджийн орчим бороо орох төлөвтэй

Нэгдүгээр арав хоногийн эхэн, хоёрдугаар арав хоногийн дунд үе, гуравдугаар арав хоногийн эхэн ба сүүлчээр ихэнх нутгаар бороо орох төлөвтэй. Нэгдүгээр арав хоногийн дунд ба сүүлч, хоёрдугаар арав хоногийн эхээр зарим газраар түр зуурын бороо, хоёрдугаар арав хоногийн сүүлч болон гуравдугаар арав хоногийн дунд үеэр зарим газраар бага зэргийн бороо орно. Дуу цахилгаантай. Борооны өмнө салхи түр зуур ширүүснэ, ялангуяа нэгдүгээр арав хоногийн эхэн болон сүүлч, хоёрдугаар арав хоногийн дунд үе, гуравдугаар арав хоногийн эхээр зарим газраар түр зуур 16-18 м/с хүрч ширүүсэх төлөвтэй.

ЗҮҮН ЗҮГИЙН НУТАГ: Агаарын температурын сарын дундаж нь ихэнх нутгаар 16-21 градус дулаан буюу уур амьсгалын дунджаас 0.5-1.5 градусаар дулаан байна

Нэгдүгээр арав хоногийн эхэн, хоёрдугаар арав хоногийн дунд үеэр сэрүүсч ихэнх нутгаар шөнөдөө 10-15 градус өдөртөө 23-28 градус дулаан байна. Гуравдугаар арав хоногийн дунд үе болон сүүлчээр Хэнтэйн уулархаг нутгаар шөнөдөө 3-8 градус өдөртөө 14-19 градус,бусад нутгаар шөнөдөө 6-11 градус өдөртөө 19-24 градус дулаан байна.Нэгдүгээр арав хоногийн сүүлчээр Хэнтийн хойд хэсгээр шөнөдөө 12-17 градус өдөртөө 26-31 градус, бусад нутгаар шөнөдөө 16-21 градус өдөртөө 30-35 градус хүрч халах төлөвтэй. Бусад хугацаанд ихэнх нутгаар шөнөдөө 12-17 градус өдөртөө 26-31 градус дулаан байх төлөвтэй.

Энэ сард ихэнх нутгаар уур амьсгалын дунджаас бага, зөвхөн Халх голын нутгаар дунджийн орчим бороо орох төлөвтэй

Нэгдүгээр арав хоногийн эхэн, хоёрдугаар арав хоногийн дунд үеэр ихэнх нутгаар, гуравдугаар арав хоногийн сүүлчээр нутгийн хойд хэсгээр бороо орох төлөвтэй. Нэгдүгээр арав хоногийн сүүлч,хоёрдугаар арав хоногийн эхэн болон сүүлч, гуравдугаар арав хоногийн эхэн болон дунд үеэр зарим газраар бага зэргийн бороо орно. Дуу цахилгаантай. Борооны өмнө салхи түр зуур ширүүсэх ба ялангуяа нэгдүгээр арав хоногийн эхэн ба сүүлч, хоёр ба гуравдугаар арав хоногийн эхэн болон сүүлчээр зарим газраар түр зуур 16-18 м/с хүртэл ширүүсч болзошгүй.

ГОВИЙН НУТАГ: Агаарын температурын сарын дундаж нь Өмнөговь, Дорноговийн ихэнх нутгаар 20-25 градус, бусад нутгаар 15-20 градус буюу бүх нутгаар уур амьсгалын дунджаас 1.0-1.5 градусаар дулаан байх төлөвтэй

Нэгдүгээр арав хоногийн эхэний хагаст нутгийн хойд хэсгээр шөнөдөө 11-16 градус өдөртөө 20-25градус, бусад нутгаар шөнөдөө 15-20 градус өдөртөө 25-30 градус дулаан байна. Хоёр ба гуравдугаар арав хоногийн дунд үеэр сэрүүсч, нутгийн хойд хэсгээр шөнөдөө 5-10 градус өдөртөө 16-21 градус, бусад нутгаар шөнөдөө 9-14 градус өдөртөө 21-26 градус дулаан байна. нэгдүгээр арав хоногийн сүүлчээр ихэнх нутгаар шөнөдөө 17-22 градус өдөртөө 31-36 градус, бусад хугацаанд ихэнх нутгаар шөнөдөө 13-18 градус өдөртөө 26-31 градус дулаан байх төлөвтэй.

Энэ сард Дундговийн баруун, Өмнөговийн баруун хойд хэсгээр уур амьсгалын дунджийн орчим, бусад нутгаар уг дунджаас бага бороо орох төлөвтэй.

Нэгдүгээр арав хоногийн эхэн, хоёрдугаар арав хоногийн дунд үеэр ихэнх нутгаар бороо орно. Нэгдүгээр арав хоногийн сүүлч, хоёр ба гуравдугаар арав хоногийн эхэн болон сүүлчээр зарим газраар түр зуурын бороо орох төлөвтэй. Дуу цахилгаантай. Борооны өмнө салхи түр зуур ширүүснэ, ялангуяа нэгдүгээр арав хоногийн эхэн болон сүүлч, хоёрдугаар арав хоногийн дунд үе, гуравдугаар арав хоногийн эхэн болон эцсээр зарим газраар түр зуур 18-20 м/с хүрч ширүүсэх төлөвтэй байгаа ажээ.