-
2016 оны 12 сарын 10
Өнөөдрөөс эхлээд улс төрийн шинэ үйл явдлыг эхлүүлнэ.
-
2016 оны 12 сарын 10
ОНГОЛ УЛСЫН ИХ ХУРЛЫН 2016 ОНЫ НАМРЫН ЭЭЛЖИТ ЧУУЛГАНЫ 12 ДУГААР САРЫН 12-ААС 16-НЫ ӨДРҮҮДЭД НАМЫН БҮЛЭГ, АЖЛЫН ХЭСЭГ, БАЙНГЫН ХОРООНЫ БОЛОН НЭГДСЭН ХУРАЛДААНААР ХЭЛЭЛЦЭХ АСУУДАЛ, ХУВААРЬ
НЭГ.УЛСЫН ИХ ХУРАЛ ДАХЬ НАМЫН БҮЛГИЙН ХУРАЛДААН:
12 дугаар сарын 12-ны Даваа гарагт:
Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд;
Улсын Их Хурал дахь Ардчилсан намын бүлгийн хуралдаан “Их эзэн Чингис хаан” танхимд.
ХОЁР.АЖЛЫН ХЭСГИЙН ХУРАЛДААН:
12 дугаар сарын 12-ны Даваа гарагт:
Гэр бүлийн хүчирхийлэлтэй тэмцэх тухай хуулийн шинэчилсэн найруулын төсөл болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 09.00 цагаас 334 тоот өрөөнд;
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төсөл, Төрийн албаны тухай хуульд нэмэлт оруулах тухай хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 14.00 цагаас 334 тоот өрөөнд;
Ерөнхий боловсролын сургуулийн “Үдийн цай” хөтөлбөрийн хэрэгжилтийн асуудлаар ирүүлсэн өргөдлийн дагуу Өргөдлийн байнгын хорооны дарга, гишүүд 14.00 цагаас нийслэлийн зарим сургуульд очиж танилцах;
Монгол Улсын гадаад харилцааны тухай хуулийн төслийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын байнгын хорооны ажлын хэсгийн хуралдаан 14.00 цагаас “В” танхимд;
12 дугаар сарын 13-ны Мягмар гарагт:
“Монгол Улсын тогтвортой хөгжлийн үзэл баримтлал-2030”-ыг хэрэгжүүлэхэд бодлогын зохицуулалт хэрхэн хийх вэ?-институцийн оновчтой хувилбарууд сэдэвт Төрийн байгуулалтын байнгын хорооны хэлэлцүүлэг 09.00 цагаас “Жанжин Д.Сүхбаатар” танхимд;
12 дугаар сарын 14-ний Лхагва гарагт:
Арбитрын тухай хуулийн шинэчилсэн найруулгын төсөл болон холбогдох бусад хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 09.00 цагаас 334 тоот өрөөнд;
Монгол Улсын хилийн тухай хуулийн шинэчилсэн найруулгын төсөл болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн болон Аюулгүй байдал, гадаад бодлогын байнгын хорооны хамтарсан ажлын хэсгийн хуралдаан 14.00 цагаас 334 тоот өрөөнд.
ГУРАВ.БАЙНГЫН ХОРООНЫ ХУРАЛДААН:
12 дугаар сарын 13-ны Мягмар гарагт:
1.Хууль зүйн байнгын хорооны хуралдаан 09.00 цагаас “В” танхимд:
Хэлэлцэх асуудал:
Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөл болон холбогдох бусад хуулийн төслүүд /Засгийн газар 2016.09.09-ний өдөр өргөн мэдүүлсэн, анхны хэлэлцүүлэг, үргэлжилнэ/;
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төсөл /Засгийн газар 2016.10.07-ны өдөр өргөн мэдүүлсэн, анхны хэлэлцүүлэг, үргэлжилнэ/;
Шүүгчийн эрх зүйн байдлын тухай хуульд өөрчлөлт оруулах тухай хуулийн төсөл /Үндсэн хуулийн цэцийн 2016 оны 12 дугаар дүгнэлтийг Улсын Их Хурал хүлээн авсантай холбоотой/.
2.Эдийн засгийн байнгын хорооны хуралдаан 09.00 цагаас “Их эзэн Чингис хаан” танхимд:
Хэлэлцэх асуудал:
“Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай” Улсын Их Хурлын тогтоолын төсөл /Засгийн газар 2016.11.17-ны өдөр өргөн мэдүүлсэн, анхны хэлэлцүүлэг, санал дүгнэлтээ Хууль зүйн байнгын хороонд хүргүүлнэ/;
Хэрэглэгчийн эрхийг хамгаалах тухай хуулийн шинэчилсэн найруулгын төсөл болон холбогдох бусад хуулийн төслүүд /Улсын Их Хурлын гишүүн Т.Аюурсайхан 2016.10.27-ны өдөр өргөн мэдүүлсэн, хэлэлцэх эсэх/;
Ипотекийн зээлийн хөтөлбөрийн хэрэгжилт, барилгын салбарын өнөөгийн байдал, тулгамдсан асуудлуудын талаархи Барилга, хот байгуулалтын сайдын мэдээлэл;
Төрийн өмчит болон төрийн өмчийн оролцоотой компаниудын өр, зээлийг барагдуулж, ашигт ажиллагааны түвшинг дээшлүүлэх талаар авч хэрэгжүүлж буй арга хэмжээ, үр дүн болон 2017 онд хувьчлагдах обьектуудын хувьчлалын бэлтгэл ажлын явц, байдал, тулгамдсан асуудлуудын талаархи Төрийн өмчийн бодлого, зохицуулалтын газрын даргын мэдээлэл;
Бусад.
3.Хууль зүйн байнгын хороо болон Эдийн засгийн байнгын хорооны хамтарсан хуралдаан 14.00 цагаас “Их эзэн Чингис хаан” танхимд:
Хэлэлцэх асуудал:
Засгийн газраас Хөгжлийн банкны үйл ажиллагаанд хийсэн шалгалтын талаархи ажлын хэсгийн мэдээлэл.
4.Төрийн байгуулалтын байнгын хорооны хуралдаан 14.00 цагаас “В” танхимд:
Хэлэлцэх асуудал:
“Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай” Улсын Их Хурлын тогтоолын төсөл /Засгийн газар 2016.11.17-ны өдөр өргөн мэдүүлсэн, анхны хэлэлцүүлэг, санал дүгнэлтээ Хууль зүйн байнгын хороонд хүргүүлнэ/.
12 дугаар сарын 14-ний Лхагва гарагт:
1.Нийгмийн бодлого, боловсрол, соёл, шинжлэх ухааны байнгын хорооны хуралдаан 09.00 цагаас “Жанжин Д.Сүхбаатар” танхимд:
Хэлэлцэх асуудал:
Ахмад настны тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, хэлэлцэх эсэх/;
Алдар цолтон ахмад настанд төрөөс нэмэгдэл, хөнгөлөлт олгох тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, хэлэлцэх эсэх/;
Ажлын хэсгүүд байгуулах тухай.
2.Аюулгүй байдал, гадаад бодлогын байнгын хорооны хуралдаан 14.00 цагаас “Их эзэн Чингис хаан” танхимд:
Хэлэлцэх асуудал:
“Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай” Улсын Их Хурлын тогтоолын төсөл /Засгийн газар 2016.11.17-ны өдөр өргөн мэдүүлсэн, анхны хэлэлцүүлэг, санал дүгнэлтээ Хууль зүйн байнгын хороонд хүргүүлнэ/.
3.Өргөдлийн байнгын хорооны хуралдаан 14.00 цагаас “Жанжин Д.Сүхбаатар” танхимд:
Хэлэлцэх асуудал:
Иргэдээс ирүүлсэн өргөдлийн дагуу сууц өмчлөгчдийн холбооны эрх зүйн орчныг боловсронгуй болгох асуудлыг хэлэлцэх тухай.
ДӨРӨВ.ЧУУЛГАНЫ НЭГДСЭН ХУРАЛДААН:
12 дугаар сарын 15, 16-ны Пүрэв, Баасан гарагт 10.00 цагаас:
Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөл болон холбогдох бусад хуулийн төслүүд /Засгийн газар 2016.09.09-ний өдөр өргөн мэдүүлсэн, анхны хэлэлцүүлэг/;
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төсөл /Засгийн газар 2016.10.07-ны өдөр өргөн мэдүүлсэн, анхны хэлэлцүүлэг/;
Шүүгчийн эрх зүйн байдлын тухай хуульд өөрчлөлт оруулах тухай хуулийн төсөл /Үндсэн хуулийн цэцийн 2016 оны 12 дугаар дүгнэлтийг Улсын Их Хурал хүлээн авсантай холбоотой/;
Ахмад настны тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, хэлэлцэх эсэх/;
Алдар цолтон ахмад настанд төрөөс нэмэгдэл, хөнгөлөлт олгох тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, хэлэлцэх эсэх/;
Хэрэглэгчийн эрхийг хамгаалах тухай хуулийн шинэчилсэн найруулгын төсөл болон холбогдох бусад хуулийн төслүүд /Улсын Их Хурлын гишүүн Т.Аюурсайхан 2016.10.27-ны өдөр өргөн мэдүүлсэн, хэлэлцэх эсэх/;
Бусад;
Монгол Улсын Ерөнхий сайдын мэдээлэл: “Дээд боловсролын тогтолцоог хөгжүүлэх чиглэлээр авч хэрэгжүүлж буй арга хэмжээний талаар”.
-
2016 оны 12 сарын 10
ТБД АНДУУД
11.00 цагт: ”Монголын Ардчилсан Холбоо” /МоАХ/ байгуулагдсаний өдөрт зориулан Ардчиллын алтан хараацай, Хонх хамтлагийн дуучин С.Цогтсайхан агсны дурсгалд зориулсан гэрэлт хөшөөнд цэцэг өргөх ёслол Баянгол дүүргийн нутаг дэвсгэр, ТБД Андуудын урд болно. Утас: 91000017
“SOCIAL ART” ҮЗЭСГЭЛЭНГИЙН ТАНХИМ
11.00 цагт: Олон улсын Хүний эрхийн өдрийг тохиолдуулан Хөдөлмөр, нийгмийн хамгааллын яам, Нийслэлийн Засаг даргын тамгын газар, “Тэгш Нийгэм Холбоо” ТББ, “Нийгмийн зөвлөх үйлчилгээний хүрээлэн” ТББ, Италийн АИФО байгууллага хамтран “Social Art” үзэсгэлэн зохион байгуулна. Үзэсгэлэнгийн нээлт “Social Art” үзэсгэлэнгийн танхимд /Зайсан орох замд/ болно. Утас: 99027408
СҮХБААТАРЫН ТАЛБАЙ
12.00 цагт: Хүний эрх Хөгжил Төв ТББ-аас олон улсын хүний эрхийн өдрийг тохиолдуулан “Оролцооны эрхийг баталгаажуулъя” цуглааныг зохион байгуулна. Цуглаанд Их, дээд сургуулийн оюутнууд, ЕБС-ийн сурагчид, хүүхэд, ахмад, хөгжлийн бэрхшээлтэй иргэд, эмэгтэйчүүдийн байгууллага, Хүний эрхийн Үндэсний Комисс, түүний орон нутгийн төлөөлөгчид, хүүхдийн эрхийн байгууллагууд, орон нутгийн Мөнгөн хуримтлалын Бүлгийн Холбоод оролцох юм. Утас: 88168100
HI-FI CD SHOP
13.00 цагт: Дуучин Х.Мөнгөнцэцэгийн ”Уулзахын хүслэн” шинэ цомгийн нээлт ”Hi-Fi cd shop”-д болно.
ЗЭВСЭГТ ХҮЧНИЙ 013 ДУГААР АНГИ
13.00 цагт: Цэргийн тангараг өргөх ёслолын ажиллагаа болно. Зэвсэгт хүчний 013 дугаар ангид болох уг ёслолд ЗХЖШ-ын дарга, Улаанбаатар хотын цэргийн штабын дарга нар оролцоно. Утас: 325044, 99077535
УЛСЫН ДРАМЫН ЭРДМИЙН ТЕАТР
14.00 цагт: УДЭТ-ын 2005 оноос эхлэн хэрэгжүүлсэн ”Бид мартахгүй-Алтайн тайзны эзэд” үзэсгэлэнгийн нээлт болно.
17.30 цагт: ”Бид мартахгүй-Алтайн тайзны эзэд” хүндэтгэлийн ажиллагаа болно.
-
2016 оны 12 сарын 10
Өнгөрөгч долоо хоногт болж өнгөрсөн онцлох үйл явдлуудыг тоймлон хүргэж байна. Тухайлбал, Ерөнхийлөгч Ц.Элбэгдоржийг огцруулах асуудал хөндөгдсөн бол “Хар сарнай” хамтлагийн дуучин С.Амараатай холбоотой асуудал олны анхаарлын төвд байв. Мөн энэ сарын 6-нд болсон АН-ын Их хурал хүлээлт үүссэн.
-
2016 оны 12 сарын 10
Баруун аймгуудын нутгаар: 5-6,10-нд зарим газраар цас орж явган шуурга шуурна. салхи Алтайн уулсаар 14-16м/с хүрч ширүүснэ. Идэр, Тэсийн хөндийгөөр шөнөдөө 24-29 градус, өдөртөө 11-16 градус хүйтэн, Алтайн өвөр говиор шөнөдөө 8-13 градус хүйтэн өдөртөө 0-5 градус дулаан, бусад нутгаар шөнөдөө 15-20 градус өдөртөө 3-8 градус хүйтэн байна.
Төвийн аймгуудын нутгаар: 5-6,10-нд нутгийн баруун хэсгээр, 7,11-нд зарим газраар бага зэргийн цас орно. Салхи 5,7,10-11-нд зарим газраар 12-14м/с хүрч ширүүснэ. 5,10-нд ихэнх нутгаар хүйтэн суларна. Бусад хугацаанд Дархадын хотгороор шөнөдөө 26-31 градус өдөртөө 15-20 градус, Орхон-Сэлэнгэ, Хараа, Ерөө, Туул, Тэрэлж голын хөндийгөөр шөнөдөө 22-27 градус өдөртөө 11-16 градус хүйтэн, бусад нутгаар шөнөдөө 17-22 градус өдөртөө 5-10 градус хүйтэн байна. 8-нд нутгийн зүүн хагаст бага зэрг хүйтэрнэ.
Зүүн аймгуудын нутгаар: 6-7-нд нутгийн хойд хэсгээр, 8-нд нутгийн зүүн хэсгээр бага зэргийн цас орно. 11-нд зарим газраар цас орж зөөлөн цасан шуурга шуурна. Салхи зарим газраар 5-8-нд 9-14м/с, 11-нд 15-17 хүрч ширүүснэ. Хэрлэн, Онон, Улз, Халх голын хөндийгөөр шөнөдөө 20-25 градус өдөртөө 9-14 градус хүйтэн, бусад нутгаар шөнөдөө 16-21 градус өдөртөө 4-9 градус хүйтэн байна. 8,11-нд ихэнх нутгаар бага зэрэг хүйтэрнэ.
Говийн аймгуудын нутгаар: 7-нд шөнөдөө нутгийн хойд хэсгээр бага зэргийн цас орж явган шуурга шуурна. Салхи 5-7,10-11нд зарим газраар 12-14м/с, Арц богдын өврөөр түр зуур 16-18м/с хүрч ширүүснэ. Нутгийн хойд хэсгээр шөнөдөө 16-21 градус өдөртөө 3-8 градус хүйтэн, бусад нутгаар шөнөдөө 12-17 градус хүйтэн өдөртөө 2 градус хүйтнээс 3 градус дулаан байна. 8-9нд нутгийн зүүн хагаст бага зэрэг хүйтэрнэ.
-
2016 оны 12 сарын 10
2016.12.10, БЯМБА ГАРАГ / БИЛГИЙН ТООЛЛЫН: 11
ӨВЛИЙН ДУНД ЦАГААН ХУЛГАНА САР
ТАВАН ШАР МЭНГЭТЭЙ УЛААН БАР ӨДӨР
Аргын тооллын: 2016.12.10, Бямба гараг
Наран ургах шингэх: 08.31-16.59
Үс засуулбал: Эрхтэн хурц болно
Барилдлага: Үл тохирох
Шүтэн барилдлага: Сансар
Тухайн өдөр үхэр, бар, туулай жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эд эдлэл барагдах, хулгай, дээрмийг дарах тэргүүтэнд махаши тэнгэрээс гаслан ирэх тул хэрэг тус үл бүтнэ. Бурханы ёс ба тарни бүтээх, амраг нөхдийг хураахуйд сайн. Баруун чих хангинавал асрагдах, зүүн нь бол буян арвижих, нохой уливал гэрийн тэнгэр зайлсан, хэрээ гуаглавал эд агуурс олдох, тагнай загатнавал зочин ирэх, бие татвал гаслан болох, хөл татвал хувцас олдох болой. Өдрийн сайн цаг нь хулгана, үхэр, луу, могой, хонь, нохой болой.
-
2016 оны 12 сарын 09
”Ард түмнээ хайрлая” намын дарга, УИХ-ын гишүүн асан Л.Гүндалай АН-д элсэх өргөдлөө өгчээ. Тэрбээр энэ талаараа өнөөдөр хэвлэлийн бага хурал хийсэн. Тэгвэл өргөдлийн хариуд АН-ын ерөнхий нарийн бичгийн даргын үүрэг гүйцэтгэгч Л.Эрхэмбаяр хариу өгчээ.
Энэ тухай Ерөнхий нарийн бичгийн даргын үүрэг гүйцэтгэгч Л.Эрхэмбаяр өөрийн твиттер хуудаснаа “Л.Гүндалайгийн өргөдлийг хүлээж авах боломжгүй” хэмээн жиргэжээ.
-
2016 оны 12 сарын 09
Шинэ жилийн баярын үеэр ёслолын буудлагын гэрэлт хэрэгсэл буюу пиротехникийн хэрэгслийг зориулалтын дагуу ашиглаагүйгээс иргэд эрүүл мэндээрээ хохирох тохиолдол гарсаар байдаг. Тиймээс иргэд, байгууллага шинэ жилийн баярынхаа ёслолын буудлагыг заавал зөвшөөрөлтэй компани, мэргэжлийн операторчин, инженерүүдээр хийлгүүлж, аюулгүй байдлаа хангах хэрэгтэй гэж Цагдаагийн газраас анхаарууллаа.
Нийслэлийн хэмжээнд ёслолын буудлагын гэрэлт хэрэгслийг худалдан борлуулах, албан байгууллагатай гэрээ байгуулан ёслолын буудлага хийж үйлчлэх зөвшөөрөлтэй хоёр компани байдаг байна.
Нийслэлийн хэмжээнд ёслолын буудлагын гэрэлт хэрэгслийг худалдан борлуулах, албан байгууллагатай гэрээ байгуулан ёслолын буудлага хийж үйлчлэх зөвшөөрөлтэй хоёр компани байдаг аж.
-
2016 оны 12 сарын 09
“Төрийн мэдээлэл” эмхэтгэлийн 2016 оны 45 дахь дугаарт Дэлхийн худалдааны байгууллага байгуулах тухай Марракешийн хэлэлцээрт нэмэлт, өөрчлөлт оруулах тухай протоколд нэгдэн орох тухай хуулийг нийтэлжээ.
Мөн Төрөөс мөнгөний бодлогын талаар 2017 онд баримтлах үндсэн чиглэл батлах тухай УИХ-ын тогтоолыг нийтэлсэн байна.
Дээрх тогтоолоор Эдийн засгийн хүндрэлийг даван туулах, банкны тогтолцооны эрсдэл даах чадварыг сайжруулах цогц арга хэмжээг авч хэрэгжүүлэхийг Монгол Улсын Засгийн газар, Монголбанкинд үүрэг болгосон байна.
Түүнчлэн валютын дотоодын захын дэд бүтцийг хөгжүүлж, ил тод, үр ашигтай байдлыг хангасан шинэ тогтолцоо бүрдүүлэх, санхүүгийн салбарын эрсдэлийг бууруулах арга хэмжээний хүрээнд активын удирдлагын мэргэшсэн институцийн эрх зүйн орчныг бүрдүүлэх, санхүүгийн зах зээлийн үр өгөөжийг нэмэгдүүлэн, шударга өрсөлдөөнийг дэмжих, ил тод байдлыг сайжруулах зорилгоор банкнаас бусад оролцогчийн үйл ажиллагаа, суурийг тэлж төрөлжүүлэх, шаардлагатай эрх зүйн орчныг шинэчлэх, мөнгө угаах болон терроризмыг санхүүжүүлэхтэй тэмцэх эрх зүйн зохицуулалтыг олон улсын стандартад нийцүүлэн боловсронгуй болгох, орон сууцны санхүүжилтийн тогтвортой тогтолцоог бий болгон хөгжүүлэх, ипотекийн зээлийн хөтөлбөрийг макро эдийн засгийн төлөв байдалтай уялдуулан урт хугацаанд хэрэгжих боломжийг бүрдүүлж ажиллахыг Монгол Улсын Засгийн газар, Монголбанк, Санхүүгийн зохицуулах хороонд тус тус даалгажээ.
Түүнчлэн Монгол Улсын 2017 оны төсвийн тухай хууль батлагдсантай холбогдуулан авах зарим арга хэмжээний тухай УИХ-ын тогтоолыг нийтэлжээ.
Монгол Улсын 2017 оны төсвийн тухай хуулийн хэрэгжилтийн явцад хууль, эрх зүйн орчныг сайжруулах, төсвийн орлогыг нэмэгдүүлэх, төсвийн зардлыг хэмнэх, төрийн өмчит болон төрийн өмчийн оролцоотой компаниудын менежментийг сайжруулах чиглэлээр тодорхой арга хэмжээнүүдийг авч ажиллахыг уг тогтоолоор Засгийн газарт даалгасан байна.
“Төрийн мэдээлэл” эмхэтгэлд Санхүүгийн зохицуулах хорооны гишүүнийг томилох тухай, Санхүүгийн зохицуулах хорооны гишүүний үүрэгт ажлаас чөлөөлөх тухай, Олон нийтийн радио, телевизийн Үндэсний зөвлөлийн гишүүнээр томилох тухай, Олон нийтийн радио, телевизийн Үндэсний зөвлөлийн гишүүнээс чөлөөлөх тухай УИХ-ын тогтоолуудыг нийтэлжээ.
Мөн дугаарт Элчин сайдыг эгүүлэн татах, тохоон томилох тухай, Засгийн газарт чиглэл өгөх тухай Монгол Улсын Ерөнхийлөгчийн зарлиг, Шүүгчийн эрх зүйн байдлын тухай хуулийн 15 дугаар зүйлийн 15.3 дахь хэсэг Монгол Улсын Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн дүгнэлтийг нийтэлсэн байна хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 12 сарын 09
Улаанбаатар хотын кино теартруудын арванхоёрдугаар сарын 2-8-нд статистик тоолуурыг “Рэкет” инээдмийн, адал явдалт кино дахин тэргүүллээ. “Бондоолой фильм”, “Оранж энтертайнмент”-ын хамтын бүтээл “Рэкет” УСК арваннэгдүгээр сарын 23-нд нээлтээ хийсэн. Үүнээс хойш кино тоолуурыг хоёр дахь долоо хоногтоо тэргүүлж байна.
-
2016 оны 12 сарын 09
Швейцарийн Цюрих хотноо жүдо бөхийн Армийн ДАШТ өнөөдөр эхэлж байна. Тэмцээн 12-ныг хүртэл үргэлжлэх аж.
Тус тэмцээнд нийт 134 орны тамирчид оролцохоор мэдүүлгээ өгсөн бөгөөд манай улсаас Зэвсэгт хүчний “Алдар” спорт хорооны 13 тамирчин оролцож байна.
Тухайлбал, 60 кг-д ОУХМ Д.Баярмагнай, 66 кг-д ОУХМ, Армийн анхдугаар наадмын мөнгөн медалы А.Батсуурь, 90 кг-д ОУХМ, Гранпри ангиллаас хоёр мөнгө, нэг хүрэл хүртсэн Г.Алтанбагана, +100 кг-д ОУХМ, залуучуудын ДАШТ-ий аварга, Азийн наадмын мөнген медальт Ө.Дүүрэнбаяр нар авхаалж самбаагаа сорих юм.
-
2016 оны 12 сарын 09
Өмнөд Солонгосын парламент ерөнхийлөгч Пак Гын Хэг огцруулах шийдвэрийг гаргалаа.
300 гишүүнтэй Үндэсний Ассемблэйн 234 гишүүн дэмжин, 56 гишүүн эсэргүүцэж, 2 түтгэлзэж, 7 санал хүчингүй болсон байна.
Прокуроруудын үзэж буйгаар Пак Гын Хэ нь авилгал, хээл хахуулийн хэрэгт онцгой үүрэг гүйцэтгэсэн аж. Тэрбээр үүнийг сүүлийн хэдэн долоо хоногийн турш үгүйсгэсэн бөгөөд энэ хэрэгт холбогдсондоо олон нийтээс хоёр удаа албан ёсоор уучлалт гуйсан юм.
Огцруулах шийдвэр нь есөн шүүгчдийн бүрэлдхүүнтэй үндсэн хуулийн шүүх батлах шаардлагатай бөгөөд үүнд зургаан сар шаардагдах аж.
-
2016 оны 12 сарын 09
Монгол улсын Тогтвортой хөгжлийн үзэл баримтлал болон Монгол улсын ногоон хөгжлийн бодлогод “Цөлжилтийг сааруулж,ойжуулах ажлыг эрчимжүүлж, ойгоор бүрхэгдсэн талбайг 2030 онд нийт газар нутгийн есөн хувьд хүргэж, нүүрсхүчлийн хийн шингээлтийг нэмэгдүүлэх,тогтвортой санхүүжилтийн эх үүсвэрийг бүрдүүлэх”, Монгол Улсын Засгийн газрын 2016-2020 оны үйл ажиллагааны хөтөлбөрт “Ойн нөөцийг хамгаалах, үр өгөөжтэй ашиглах, нөхөн сэргээх менежментийг сайжруулах ойн талаар баримтлах төрийн бодлогыг хэрэгжүүлнэ” гэсэн томоохон зорилтуудыг тус тус дэвшүүлжээ.
УИХ-аас “Төрөөс ойн талаар баримтлах бодлого”-ын баримт бичгийг батлан гаргаснаар БОАЖЯ-ны хувьд байгалийн нөөц, түүний дотор ойн нөөц, баялгийг хадгалан хамгаалах, зохистой ашиглах, нөхөн сэргээх асуудлаар салбар дундын бодлого, төлөвлөлт, зохицуулалт хийх, хэрэгжилтийг хангах, тогтвортой хөгжлийн бодлогод манлайлан оролцох үүрэг хүлээж буйг ч салбарын сайд онцлов. Монгол Улс “Ойн тогтвортой менежмент”-ийг хэрэгжүүлэхээр зорин ажиллаж байгаа бөгөөд ойн салбарын эрдэмтдийг үнэтэй санал зөвлөмжөө өгч ажиллахыг салбарын сайд эрдэмтэн, судлаачдад хандан хэллээ.
Өнгөрсөн хавар УИХ-аар батлуулсан Ойн талаар төрөөс баримтлах бодлогын баримт бичигт 2030 он гэхэд ойн түймрийн дундаж талбайг 70 хувь бууруулахаар тусгасан. Мөн шавьж, өвчний голомтыг бүрэн хянах, мод ашиглалтын төвшинг 80 хувьд хүргэх, экологийн ач холбогдолтой эрүүл ойг бий болгох зэрэг зорилтыг дэвшүүлсэн. Өнөөдрийн байдлаар ойгоор бүрхэгдсэн талбай нийт газар нутгийг 7.78 хувь, түймэрт өртсөн талбай 1,7 сая га байгаа юм.
БОАЖЯ-наас санаачилсан эрдэмдтийн уулзалтад оролцсон эрдэмтэд өөрсдийн хариуцсан салбар чиглэл бүрээр ойн баялгийн нөөцийг хамгаалах, зохистой ашиглах, нөхөн сэргээх үйл ажиллагаа, тулгамдаж буй асуудлыг шийдвэрлэх талаар шинжлэх ухаанд суурилсан үнэтэй санаа, зөвлөмж, байрь сууриа илэрхийллээ. ШУТИС-ийн зөвлөх, Монгол Улсын гавъяат багш Н.Долгорхүү “Ойн үйлдвэрлэл, мод боловсруулах технологи” сэдвээрх илтгэлдээ 1990 оны алдаатай бодлого, хувьчлалаар модны салбар уналтад орсныг дурдлаа.
1990 онд модны үйлдвэрийн салбар ДНБ-ий 14-15 хувийг бүрдүүлдэг байжээ. Харин өнөөдөр энэ салбар хоёр хүрэхгүй хувийг бүрдүүлж байгаа нь ерөөс сүүлийн 30 жилд нэг ч мод боловсруулах үйлдвэр байгуулж, шинэ технологи нэвтрүүлээгүйтэй холбоотой гэсэн юм. Мөн МУИС-ийн Хэл шинжлэлийн ухааны их сургуулийн багш Н.Баатарбилэг ойн чиглэлээр бэлтгэгдэн төгсч буй мэргэжлийн боловсон хүчин дутагдалтай байгаа гэв. Бусад оронд Ойн факультет гэж байхад Монголд нэг ч факультет байдаггүй. Тиймээс Ойн чиглэлээр эрдмийн зэрэг хамгаалах зөвлөл байгуулахад яамнаас дэмжлэг үзүүлэхийг хүссэн. Доктор Гэрэлбаатар “Мод тарих үндэсний өдрөөр жил болгон мод тарьдаг. Гэтэл эргээд харахад ургасан нь тун цөөхөн. Мэдээллийн сан бий болгож, эргээд мониторинг хийх шаардлагатай байна” гэв. Ийнхүү эрдэмтэд судлаачид өөр өөрсдийн санаа бодлыг БОАЖЯ-нд уламжиллаа.
“Ой судлаач эрдэмтдээ сонсъё” уулзалтанд ирсэн эрдэмтэн судлаачид энэхүү уулзалтыг зохион байгуулж байгаад талархаж, цаашдаа хамтран ажиллахыг уриалсан юм. Уулзалтад ШУТИС, МУИС, ШУА-ын Ерөнхий болон сорилын биологийн хүрээлэн, Геоэкологийн хүрээлэнгийн 50 гаруй эрдэмтэн, судлаачид оролцлоо гэж БОАЖЯ-ны ХМА-наас мэдээллээ.
-
2016 оны 12 сарын 09
Авлигын эсрэг олон улсын өдөр өнөөдөр тохиож байна. Энэ өдөр УИХ-ын гишүүн Ж.Энхбаяр, Ж.Батзандан, Л.Оюун-Эрдэнэ, Ш.Раднаасэд, Д.Сарангэрэл, Д.Цогтбаатар, Б.Энх-Амгалан нар авлигын эсрэг Монголын парламентын бүлэг /МОНПАК/ байгууллаа. ”МОНПАК” бүлэг нь авлигатай тэмцэх чиглэлээр хууль тогтоомж боловсруулж батлуулах, мэдээ мэдээллийг хуваалцах, ил тод байдлыг хангах, иргэний нийгмийн байгууллагуудтай хамтран ажиллах, сургалт явуулах зорилготой ажээ.
Дашрамд дурдахад, манай улсын парламентын түүхэнд авлигын эсрэг парламентын бүлэг гурав дахь удаагаа байгуулагдаж байгаа юм. Анх 2008 онд УИХ-ын гишүүн Ж.Энхбаяр, Х.Тэмүүжин, Ж.Сүхбаатар нар энэхүү бүлэгт багтаж байсан юм. Харин 2013 онд байгуулагдсан авлигын эсрэг парламентын бүлэгт 17 гишүүн орж байжээ.
-
2016 оны 12 сарын 09
Улсын Их Хурлын гурван Байнгын хороо өнөөдөр /2016.12.09/ үдээс өмнө хуралдаж зарим асуудлыг хэлэлцэж шийдвэрлэсэн тул чуулганы өнөөдрийн нэгдсэн хуралдаан 12 цаг 56 минутад 52.6 хувийн ирцтэй эхэлж, гурван асуудал хэлэлцэж шийдвэрлэхээр тогтов.
Өнөөдөр Авлигын эсрэг олон улсын өдөр тохиож байна
Өнөөдөр Авлигын эсрэг олон улсын өдөр тохиож буйтай холбогдуулан Улсын Их Хурлын дарга М.Энхболд чуулганы нэгдсэн хуралдааны эхэнд товч үг хэлэв.
Тэрбээр хэлсэн үгэндээ, манай улсын тухайд авлига үндэсний аюулгүй байдал, тусгаар тогтнолд нөлөөлөх хэмжээнд хүрээд байгаа талаар хөндлөнгийн судалгааны байгууллагууд дүгнэснийг дурдаад саяхан Улсын Их Хурлаас Авлигатай тэмцэх үндэсний хөтөлбөрийг баталсан нь авлигын эсрэг тэмцлийг нийгмийн харилцааны бүх салбарт өргөн хүрээтэй өрнүүлэх эрх зүйн чухал баримт бичиг болсныг онцлов. Мөн Сонгуулийн тухай, Улс төрийн намын санхүүжилтийн тухай хуулийг шинэчлэх, Авлигын эсрэг парламентчдын олон улсын байгууллагад нэгдэж орох нь чухал байгааг тэмдэглэлээ. Түүнчлэн төсвийн зардлын хяналтыг сайжруулах, шүүх засаглал, төрийн бүх шатны байгууллага, албан тушаалтнуудыг авлигаас ангид байлгах чиглэлээр хууль эрх зүйн орчныг улам боловсронгуй болгох нь чухал байгааг онцлон дурдлаа.
Анх 2005 оны 12 дугаар сарын 09-ний өдөр дэлхийн улс орнуудын удирдагч нар Авлигын эсрэг НҮБ-ын конвенцид нэгдэн орж, гарын үсэг зурах бага хурлыг Мексикийн Мерида хотноо зохион байгуулж байжээ. Тиймээс дэлхийн улс орнуудын өндөр албан тушаалтнууд уг конвенцид гарын үсэг зурсан энэ өдрийг Авлигын эсрэг олон улсын өдөр хэмээн НҮБ албан ёсоор тунхагласан байна.
Манай улсын хувьд НҮБ-ын Авлигын эсрэг конвенцид 2005 онд нэгдэж, мөн оны 10 дугаар сарын 27-нд конвенцийг соёрхон баталснаар авлигын эсрэг олон улсын үйл хэрэгт идэвхитэй оролцож болжээ. Улмаар Авлигын эсрэг хуулийн дагуу Авлигатай тэмцэх газар байгуулагдан ажиллаж эхэлснээр Авлигын эсрэг олон улсын өдрийг албан ёсоор өргөн хүрээнд тэмдэглэн өнгөрүүлдэг болсон. НҮБ-ын Авлигын эсрэг конвенц нь авлигын шалтгааныг арилгах, үр нөлөөг бууруулах цогц арга хэмжээг тусгасан, дэлхий даяар авлигатай тэмцэх гол хэрэгсэл хэмээн үздэг бөгөөд түүнд нэгдсэн улс орнууд энэ өдрийг угтан олон нийтийн дуу хоолойг сонсох, конвенцид тусгасан үүргийг нийгэмд таниулах зорилготой юм байна.
Цэцийн дүгнэлтийг хүлээн зөвшөөрч, тогтоол батлав
Чуулганы нэгдсэн хуралдаанаар эхлээд Үндсэн хуулийн цэцийн 2016 оны 12 дугаар дүгнэлтийг хэлэлцэж, дүгнэлтийг Үндсэн хуулийн цэцийн гишүүн Д.Солонго танилцуулав.
Үндсэн хуулийн цэцийн 2016 оны 12 дугаар сарын 02-ны өдрийн дунд суудлын хуралдаанаар Шүүгчийн эрх зүйн байдлын тухай хуулийн 15 дугаар зүйлийн 15.3 дахь хэсэгт “Улсын дээд шуүхийн Ерөнхий шүүгчийг Улсын дээд шүүхийн санал болгосноор шүүгчдийнх нь дотроос Ерөнхийлөгч зургаан жилийн хугацаагаар нэг удаа томилно.” гэж заасан нь Монгол Улсын Үндсэн хуулийн Тавин нэгдүгээр зүйлийн 2 дахь хэсгийн ”... Ерөнхий шүүгчийг Улсын дээд шүүхийн санал болгосноор гишүүдийнх нь дотроос зургаан жилийн хугацаагаар Ерөнхийлөгч томилно.” гэснийг зөрчсөн эсэх тухай маргааныг хянан хэлэлцжээ. Цэцийн дунд суудлын хуралдаанд УИХ-ын итгэмжлэгдсэн төлөөлөгчөөр УИХ-ын гишүүн Х.Нямбаатар оролцжээ.
Энэхүү маргааныг хянан хэлэлцээд цэцийн дунд суудлын хуралдаанаас Монгол Улсын Их Хурлаас 2012 оны 3 дугаар сарын 7-ны өдөр баталсан Шүүгчийн эрх зүйн байдлын тухай хуулийн 15 дугаар зүйлийн 15.3 дахь хэсгийн ”Улсын дээд шүүхийн Ерөнхий шүүгчийг Улсын дээд шүүхийн санал болгосноор шүүгчдийнх нь дотроос Ерөнхийлөгч зургаан жилийн хугацаагаар нэг удаа томилно.” гэсэн заалтын ”... нэг удаа ...” гэсэн хэсэг нь Монгол Улсын Үндсэн хуулийн Тавин нэгдүгээр зүйлийн 2 дахь хэсгийн ”... Ерөнхий шүүгчийг Улсын дээд шүүхийн санал болгосноор гишүүдийнх нь дотроос зургаан жилийн хугацаагаар Ерөнхийлөгч томилно.” гэсэн заалтыг зөрчсөн байна гэж үзжээ. Уг дүгнэлттэй холбогдуулан Монгол Улсын Их Хурлаас 2012 оны 3 дугаар сарын 7-ны өдөр баталсан Шүугчийн эрх зүйн байдлын тухай хуушйн 15 дугаар зүйлийн 15.3 дахь хэсэгт ”Улсын дээд шүүхийн Ерөнхий шүүгчийг Улсын дээд шүүхийн санал болгосноор шүүгчдийнх нь дотроос Ерөнхийлөгч зургаан жилийн хугацаагаар нэг удаа томилно.” гэсний ”... нэг удаа ...” гэсэн заалтын үйлчлэлийг 2016 оны 12 дугаар сарын 02-ны өдрөөс эхлэн түдгэлзүүлсэн байна.
Хууль зүйн байнгын хороо энэ сарын 06-ны өдрийн хуралдаанаараа Үндсэн хуулийн цэцийн 2016 оны 12 дугаар дүгнэлтийг хэлэлцээд хүлээн зөвшөөрөх нь зүйтэй гэж үзсэн талаархи тус Байнгын хорооны санал, дүгнэлтийг УИХ-ын гишүүн О.Батнасан чуулганы нэгдсэн хуралдаанд танилцуулав.
Үндсэн хуулийн цэцийн дүгнэлт, Байнгын хорооны санал, дүгнэлттэй холбогдуулан УИХ-ын гишүүн О.Баасанхүү асуулт асууж санал хэлсний дараа Үндсэн хуулийн цэцийн 2016 оны 12 дугаар дүгнэлтийг хүлээн зөвшөөрөх нь зүйтэй гэсэн Байнгын хорооны саналын томьёоллоор санал хураалт явуулахад чуулганы нэгдсэн хуралдаанд оролцсон гишүүдийн 82.9 хувь нь дэмжив. Мөн уг дүгнэлтийн тухай УИХ-ын тогтоолын төслийг гишүүдийн 80.5 хувь нь дэмжлээ.
Хуульд нэмэлт, өөрчлөлт оруулах тухай төслүүдийг эцэслэн баталлаа
Чуулганы нэгдсэн хуралдаанаар Засгийн газраас өнгөрсөн сарын 15-ны өдөр өргөн мэдүүлсэн Гаалийн тариф, гаалийн татварын тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ. Хуулийн төслийг эцсийн хэлэлцүүлэгт бэлтгэсэн талаархи Төсвийн байнгын хорооны танилцуулгыг УИХ-ын гишүүн Б.Баттөмөр хийсэн юм.
Уг хуулийн төслийн анхны хэлэлцүүлгийг чуулганы өчигдрийн нэгдсэн хуралдаанаар хэлэлцэн дэмжиж, эцсийн хэлэлцүүлэгт бэлтгүүлэхээр шилжүүлсэн юм. Харин Төсвийн байнгын хороо өнөөдөр үдээс өмнө хуралдан хуулийн төслийн эцсийн хэлэлцүүлгийг хийж, хуулийн төслийг чуулганы нэгдсэн хуралдаанаар хэлэлцүүлж батлуулахаар тогтсон байна.
Байнгын хорооны танилцуулгатай холбогдуулан асуулт асууж тодруулсан УИХ-ын гишүүн О.Баасанхүүгийн асуултад Байнгын хорооны дарга Ч.Хүрэлбаатар ”Энэ хуулийн төслийн үг бүрийн цаанаа нарийн учир холбогдол агуулагдаж байгаа учраас хэлэлцүүлгийн шатанд нухацтай хандсан. Тухайлбал, төслийн ”нэн тааамжтай тариф” гэсэн заалтад хамрагдах бараанд 5 хувийн хөнгөлөлт эдэлдэг, энэ нөхцөлд урьд нь барааны гарал үүслийн гэрчилгээг нэхдэг байсныг эдийн засгийн хямрал хүндрэлтэй ийм үед нэхэж шаардахгүй байхаар тусгасан” гэсэн хариулт өгөв. Мөн сүүлийн үед манай улсаас хилээр гаргаж байгаа зарим бүтээгдэхүүнд Хятадын тал хураамжаа нэмсэн нь Дэлхийн худалдааны байгууллагын дүрэм журамд нийцэж байгаа эсэх талаар ажиллах чиглэлийг Байнгын хорооноос Гадаад харилцааны яаманд өгсөн гэдгийг хэллээ.
Ингээд Байнгын хороо хуулийн төслийг эцсийн хэлэлцүүлэгт бэлтгэх явцад төслийн 3 дугаар зүйлийн ”тариф эдлэх зорилгоор” гэснийг ”тарифт хамрагдахын тулд” гэж өөрчлөх зарчмын зөрүүтэй санал гаргасныг дэмжих санал хураалгахад нэгдсэн хуралдаанд оролцсон гишүүдийн 77.5 хувь нь дэмжсэн бөгөөд уг хуулийн төслийг бүхэлд нь батлах саналыг 85.4 хувь нь дэмжсэнээр хуулийн төсөл батлагдлаа.
Дараа нь Засгийн газраас өнгөрсөн сарын 24-ний өдөр өргөн мэдүүлсэн Боловсролын тухай хуульд нэмэлт, өөрчлөлт оруулах тухай болон Дээд боловсролын тухай хуулийн зарим зүйлийг хүчингүй болсонд тооцох тухай хуулийн төслүүдийн эцсийн хэлэлцүүлгийг хийж батлав.
Хуулийн төслүүдийг эцсийн хэлэлцүүлэгт бэлтгэсэн талаархи Нийгмийн бодлого, боловсрол, соёл, шинжлэх ухааны байнгын хорооны танилцуулгыг УИХ-ын гишүүн Б.Саранчимэг хийсэн юм.
Тус байнгын хороо энэ сарын 06-ны өдрийн хуралдаанаараа хуулийн төслүүдийн анхны хэлэлцүүлгийг хийж зарчмын зөрүүтэй болон найруулгын зарим саналын томьёолол гаргасныг чуулганы өчигдрийн нэгдсэн хуралдаанаар санал хурааж шийдвэрлэн төслүүдийг эцсийн хэлэлцүүлэгт бэлтгүүлэхээр шилжүүлсэн. Байнгын хороо өнөөдөр үдээс өмнө хуралдан хуулийн төслүүдийн эцсийн хэлэлцүүлгийг хийж, төслүүдийг чуулганы нэгдсэн хуралдаанаар батлуулах нь зүйтэй гэж үзсэн байна.
Ингээд санал хураалт явуулахад Боловсролын тухай хуульд нэмэлт, өөрчлөлт оруулах тухай, мөн Дээд боловсролын тухай хуулийн зарим зүйлийг хүчингүй болсонд тооцох тухай хуулийн төслүүдийг бүхэлд нь батлахыг нэгдсэн хуралдаанд оролцсон гишүүдийн 85.4 хувь нь дэмжсэн юм. Ингэснээр Боловсролын тухай хуульд “Удирдах зөвлөлийн гишүүнийг 3 жилийн хугацаагаар сонгох буюу томилно. Удирдах зөвлөлийн бүрэлдэхүүний гуравны нэгийг жил бүр өөрчилж болно” гэсэн агуулгатай 36.5 дахь хэсэг нэмэгдэж байгаагийн зэрэгцээ найруулгын чанартай зарим өөрчлөлт орж байгаа юм.
Чуулганы нэгдсэн хуралдаанаар Засгийн газраас өнгөрсөн сарын 11-ний өдөр өргөн мэдүүлсэн Нийгмийн даатгалын үндэсний зөвлөлийн бүрэлдэхүүнийг шинэчлэн батлах тухай” Улсын Их Хурлын 2012 оны 10 дугаар сарын 24-ний өдрийн 50 дугаар тогтоолд өөрчлөлт оруулах тухай Улсын Их Хурлын тогтоолын төслийн эцсийн хэлэлцүүлгийг хийж батлав. Тогтоолын төслийг эцсийн хэлэлцүүлэгт бэлтгэсэн тухай Нийгмийн бодлого, боловсрол, соёл, шинжлэх ухааны байнгын хорооны танилцуулгыг УИХ-ын гишүүн М.Билэгт танилцуулсан юм.
Байнгын хорооны танилцуулгатай холбогдуулан гишүүдээс асуулт, санал гараагүй бөгөөд тогтоолын төслийг бүхэлд нь батлах санал хураалгахад нэгдсэн хуралдаанд оролцсон гишүүдийн 80 хувь нь дэмжсэнээр чуулганы өнөөдрийн нэгдсэн хуралдаан өндөрлөлөө.
Чуулганы үдээс хойших нэгдсэн хуралдаанаар УИХ-ын гишүүн Д.Тэрбишдагва, Ч.Улаан нараас “Монгол Улсын Засгийн газраас Оюутолгой төслийн хөрөнгө оруулалтын гэрээний хэрэгжилтэдхяналт тавих болон төслийн эдийн засгийн үр өгөөжийг дээшлүүлэх талаар хэрэгжүүлж байгаа арга хэмжээ, гэрээний талуудын үүргийн биелэлт, далд уурхайн бүтээн байгуулалтын явц байдлын талаар” Уул уурхай, хүнд үйлдвэрийн сайдад тавьсан асуулгын хариуг сонсохоор төлөвлөсөн байв.
Гэвч татвар, хүү торгуулийн асуудлаар холбогдох байгууллагуудын төлөөлөл бүхий ажлын хэсэг гарч тус компанид шалгалт хийж байгаа тул ажлын хэсгийн шалгалтын дүн гартал асуулгын хариуг хойшлуулах хүсэлтийг асуулга тавьсан гишүүд гаргасныг УИХ-ын дарга мэдэгдлээ гэж УИХ-ын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2016 оны 12 сарын 09
Тэд хэлэхдээ “Дээрхийн гэгээнтэн XIV Далай ламыг Монгол оронд урин залсан явдал нь Монголын бурхан шашны төв Гандантэгчинлэн хийд тэргүүтэй 21 аймгийн уламжлалт хийдүүдийн төлөөлөл оролцсон цэвэр шашны арга хэмжээ байсан гэдгийг бид өмнө нь ч хэлсэн, дахин хэлж байна. Айлчлалын үеэр хэвлэл мэдээллийн хэрэгсэл нээлттэй байж, ямар айлчлал болсныг тодорхой харуулсан. Гэвч энэ бүхэн өөрөөр өрнөж, гадаад болон дотоодод үл ойлгогдох байдал үүсгэн хандаж байгаа нь туйлын харамсалтай. Энэ удаагийн айлчлал бол Далай багшийн ес дэхь удаагийн айлчлал тул уламжлал болсон зан үйл гэж хэлж болно. Гэтэл өнөөдөр шашин, лам нарын үйл хэргийг харлуулах үйл явц ажиглагдаж байгаад бид туйлаас эмзэглэж байна” гэв.
-
2016 оны 12 сарын 09
2016 онд дэлхийд болсон үйл явдлыг фэйсбүүк ингэж бүтээжээ
-
2016 оны 12 сарын 09
Баянцагаан багийн Баруун моностой гэдэг газар самарт явж байсан иргэн Г /38 настай, эрэгтэй/ өнгөрөгч 11 дүгээр сарын 28-ны өдрөөс хойш сураггүй болсон. Энэ талаар дуудлагыг 12 дугаар сарын 02-ны өдрийн 11:00 цагт хүлээн авч тус аймгийн Онцгой байдлын газрын 6 албан хаагч, 1 автомашин, орон нутгийн 5 иргэн, ар гэрийн 2 иргэн, нийт 13 хүн, 1 техник хэрэгсэлтэйгээр Баянцагаан багийн “Тогоот” гэдэг газрын орчимд эрэн хайсан юм.
Гэвч энэ сарын 08-ны өдрийн 17:30 цагт үзэгдэх орчин хязгаарлагдсан тул эрлийг түр зогсоосон байна.
-
2016 оны 12 сарын 09
Би “Хай, Гитлер” гэж хэн нэгэнд хэлээгүй. Намайг цохьсон хүнийг би танихгүй
-
2016 оны 12 сарын 09
МАН VII Бага хурлаа ирэх даваа гаригт буюу энэ сарын 12-нд хийхээр товлоод байна. Тус намын бага хурал 300 гаруй гишүүдтэй бөгөөд ихэнх нь намын дарга М.Энхболдн хүмүүс байдаг гэх яриа бий. Тэгвэл энэ удаагийн хурлаар төрийн албан тушаалд томилогдсон гишүүдээ хасч, оронд нь шинэ хүмүүсийг томилох гэнэ.
Энэ нь М.Энхболдын хүмүүсийг төрийн албанд дэвшсэн нэрээр Бага хурлын гишүүдээс шахахаар бусад фракциуд нь тохиролцсон гэх сураг байна.