Энэ оны эхний зургаан сард дэлхийн орнуудын Засгийн газар, тусгай албадууд “Фэйсбүүк” компаниас шаардлагатай хэрэглэгчдийн тухай мэдээллийг өгөхийг албан ёсоор олон удаа хүссэн байна. Нийт 74 орны Засгийн газар 38 мянган фэйсбүүк хэрэглэгчийн мэдээллийг өгөхийг тус компанийн удирдлагуудаас хүсчээ.

Боко Харам бүлэглэлийн зэвсэгт этгээдүүд цээрлүүлэгч бүлгийн 20 гаруй гишүүнийг хөнөөсөн тухай “BBC” мэдээллээ. Цээрлүүлэгч бүлгийн гишүүд Нигерийн зүүн хойд хэсэгт орших Борно муж улсад бүлэглэлийн үйл ажиллагааг эсэргүүцэж эхэлсэн нь амиа алдах шалтгаан болжээ.

Шри Ланкад цагдаагийн нохдыг олноор хуримлуулах ёслол болжээ. Энэхүү сонин үйл явдлыг тус улсын Соёлын сайд ихэд буруутгасан байна.

Энэтхэгийн Засгийн газар дэд бүтцийг хөгжүүлэх төслүүддээ нийт 1.83 триллион рупи буюу 28.4 тэрбум ам.доллар зарцуулахаар төсөвлөжээ. Тус улсын эрх баригчид эдгээр төслүүд нь эдийн засгийг нь сэргээж, рупигийн ханшийг ч чангатгана хэмээн үзэж байна.