Магадлан итгэмжлэгдсэн их, дээд сургуулиудын өдрийн ангийн оюутнуудын мөнгийг ирэх долоо хоногоос олгож эхлэхээр болжээ. Оюутнуудад үндэсний тэтгэлэгээс гадна голч дүнгээс хамаарч урамшуулал өгөх болсон. Мөн улсын болон олон улсын хэмжээний олимпиадад оролцсон бол 50-70 хувийн тэтгэлэг өгөх юм.

Жил бүрийн хоёрдугаар сарын 15-ны дотор төрийн албан хаагчид хөрөнгө орлогын мэдүүлгээ гаргадаг. УИХ-ын гишүүн Х.Тэмүүжиний санаачилсан сонирхлын зөрчлийн тухай хууль батлагдсантай холбоотойгоор Авлигын эсрэг хуулийн зарим заалт өөрчлөгдсөн байна. Тухайлбал төрийн үйл ажиллагааг төлөөлөн хэрэгжүүлж байгаа бол нийтийн алба гэдэг ойлголтонд хамааруулжээ. Үүнд гадны төрийн бус байгууллагуудын удирдах ажилтнууд ч орж байгаа юм.

Энэ жил нийслэл Улаанбаатар хотын бүтээн байгуулалтад нийт 435 тэрбум төгрөгийн хөрөнгө оруулалт хийхээр болсон. Энэ мөнгөний багагүй хувь нь зам засварын ажилд зориулагдах юм. Хотын дарга өнгөрсөн Бямба гаригт энэ жил засварлах замуудын байдалтай танилцжээ. 2012 онд Яармагийн гүүрнээс Нисэх хүртэлх зам 40 метр өргөнтэй,

Сүүлийн үед амиа хорлох хэрэг их гарч байгааг албаны хүмүүс анхааруулж байна. Зөвхөн өнгөрсөн амралтын өдрөөр гурван иргэн амиа хорлосон байжээ.

Нийслэлийн Зүүн салаанаас КТМСургууль хүртэл иргэдэд үйлчилдэг байсан микро автобусны чиглэлийг 1-2 км нэмж сунгав. Баянзүрх дүүргийн хоёр болон дөрөвдүгээр хорооны нийт 25 000 иргэн суудаг гэр хороолол руу шинэ зам тавигдсан тул чиглэлийг шинэчилжээ. Хуучин буудлаасаа цааш 801 дүгээр цэргийн ангиар дайрч, “Хотол чуулган дэлгүүр” хүрч эцсийн буудалд зогсохоор болсон байна.

Энэ сарын 23, 24-нд Хятад болон Солонгосын цагаан сар тохиож байгаа билээ. Тиймээс тус өдрүүдэд хэлэлцээрт заасны дагуу Монгол Хятадын хил дээрх 13 боомтыг хаахаар болсон байна. Тодруулбал, Улаанбаатар-Эрээний чиглэлийн 22 дугаар чиглэлийн галт тэрэг хил хаасантай холбогдуулан 22, 26-ны өдрүүдэд явахгүй аж.

Үнийн хөөрөгдлийг зогсоох гурван талт хэлэлцээр хийе гэсэн МҮЭХ-ны шаардах бичгийг Засгийн газар хүлээж аваагүй. Тиймээс МҮЭХ, тус холбоог дэмжиж буй хүмүүс өнөөдөр бүтэн өдрийн турш ямар нэгэн хариу өгөх хүртэл Төрийн ордны дөрвөн хаалгыг хаан зогсож “хөл хорио” тогтоохоор болсон байна.

Москвагийн нисэхийн сургуулийн оюутнууд шинэ багаж зохион бүтээжээ. Түүгээр ханыг нэвт харах боломжтой юм байна. Радар нь цэргийн ажиллагааны үеээр туршилтанд орсон бөгөөд тун удахгуй тусгай албаныхны хэрэгцээнд очих ажээ. Терроризмын эсрэг ажиллагаа явуулах газарт алан хядагчдын байгаа байранд.

Данти Ауталло гэдэг нэгэн эр уураг тархиныхаа голоор 7.6 см урттай хадаас оруулчихсон байсныг хагалгаа хийлгэж амжилттай авахуулжээ. Америк эр Мягмар гаригт хадаас “оруулсан” бөгөөд хагалгаа нь өнгөрсөн Баасан гаригт болжээ. Тэрбээр толгойд нь хадаас байгааг өөрөө ч мэдээгүй байсан гэнэ. Эмч нар рентген туяагаа зургийг нь авч, толгойд нь хадаас байгаа зургийг авчирч өгөхөд Ауталло итгээгүй аж

Энэ жил Улаанбаатар хотод хийж гүйцэтгэх ажлын хүрээнд 435 тэрбум төгрөгийн хөрөнгө оруулалт цугларах төлөвтэй байгаа гэнэ. “Хөрөнгө оруулалт 2012” зөвлөгөөнөөр мэдэгдсэн уг мэдээлэл ёсоор энэ жил агаар, хөрсний бохирдолд багагүй хөрөнгө зарцуулна. Тухайлбал, Үндэсний цэцэрлэгт хүрээлэнд 3.6 тэрбум, Туул, Сэлбэ голын урсац сайжруулахад зургаан тэрбум төгрөг төсөвлөжээ.

Иран улсаас алт, үнэт чулуу оруулахыг болон худалдан авахыг хориглох тухай төслийг ЕХ бэлтгэж байна. Брюссельд 1-р сарын 23-нд болох ЕХ-ны орнуудын ГХЯ-дын тэргүүнүүдийн хэлэлцэх хэргийн төлөвлөгөөнд энэ асуудлыг оруулсан байна гэж “Би-Би-Си” радио станц мэдээлжээ.

Америкийн зартай дээрэмчид болох Бонни Паркер, Клайд Берроу нарын хэрэглэж байсан зэвсгийг Канзас-Ситигийн дуудлага худалдаан дээр 210 мянган доллароор зарсан тухай өнөөдөр “Ройтерс” агентлаг мэдээллээ.