Сирийн цэргүүд сарын өмнө хийсэн энхийн хэлэлцээрээрээ хэрхэн мөрдөж байгааг шалгахаар Араб Лигийн зөвлөл 50 гаруй ажиглагчдаа хамгийн их үймээнтэй байгаа Хом хот руу явуулсан. Гэсэн ч тэнд байдал дээрдээгүй, босогчид болон энгийн иргэд рүү гал нээсээр байна.

Өнгөрсөн 29-ний өдөр 2011 оны сүүлчийн бэлтгэлээ хийсэн их аварга Хакүхо 31-нд ганц нэг шинэ жилийн баярт урилгаар “үзэгдсэнийг” эс тооцвол өнөөдөр дөрөв дэхь хоногтоо гэртээ өнжиж байна.

Өвөр Монголын “Одон” телевиз монгол хэл дээрх хоёр дахь сувгаа Ням гарагт нээж эфир нь өчигдөр баяр хөөр, дуу хуураар цалгиж өнгөрөв. Шинээр нээсэн “Соёл шинжлэл”суваг нь гадаад орны танин мэдэхүйн шинжтэй нэвтрүүлэг, киног орчуулж гаргахыг эс тооцвол монгол үндэстний соёл урлаг, ёс заншил, үүх түүхийг голчлон тусгах бөгөөд өдөрт долоон цагийн нэвтрүүлэг цацах ажээ. Харин “Одон” телевизийн үндсэн суваг нь “Хоёрдугаар суваг” нэртэйгээр гол төлөв үйл явдлын мэдээ дамжуулах болсон байна.

2012 оны эхний өдөр буюу өчигдөр НАСА хоёр дахь судалгааны станцаа сарны тойрог замд оруулжээ.

Өнгөрсөн бямба гараг буюу 12-р сарын 31-нд Нигерийн ерөнхийлөгч Гүүдлак Жонатан нутгийн хойд хэсэгт онц байдал зарлажээ. Онц байдал зарласан бүс нутаг нь Чад болон Колумб улсын хилтэй ойрхон тул хилийг түр хугацаагаар хаагаад байна.

Өнөөдөр зүүн зүгийн нутгаар үүлэрхэг, бусад газарт солигдмол үүлтэй байна. Төвийн нутгийн зүүн хэсэг, зүүн аймгуудын зарим газарт бага зэрэг цас орж, шуурах төлөвтэй. Увс нуурын болон Дархадын хотгор, Идэр, Тэс голын хөндийгөөр 26-31 хэм хүйтэн.