· Богдхан уулын тэнгэрийг тайх төрийн тахилга боллоо

Далайн түвшнөөс дээш 2268 метрийн өндөрт орших Цэцээ гүний оргилд Богдхан уулыг тахих ёслол 10 дугаар сарын 07-ны өдөр буюу намрын дунд сарын шинийн 25-нд болсон бөгөөд тахилгад Монгол Улсын Ерөнхийлөгч Ц.Элбэгдорж, нийслэлийн ИТХ-ын дарга Д.Баттулга тэргүүтэй 100 гаруй төлөөлөгч оролцож, Зүүн хүрээ Дашчойлон, Төв аймгийн Манзушир хийдийн лам хуврагууд Богдхан хайрханыг аргадаж ном айлтгасан.

· Нийтийн эзэмшлийн зам талбай, явган хүний зам гарцыг хааж гар дээрээс зөвшөөрөлгүй худалдаа эрхэлж байгааг зогсоолоо

Дүүргүүдэд нийтийн эзэмшлийн зам талбай, явган хүний зам гарцыг хааж гар дээрээс зөвшөөрөлгүй худалдаа эрхэлж байгааг зогсоон, мэргэжлийн байгууллагуудтай хамтарч хяналт шалгалтыг зохион байгууллаа.

Шалгалтаар Сонгинохайрхан дүүргийн 32 дугаар хороонд байрлах 22 зам дагуу, Баянзүрх дүүргийн Энхтайваны өргөн чөлөөнд байрлах “Хан талст” ХХК-ийн Хан талст, “Маркет Плейс менежмент” ХХК-ийн Баянзүрх худалдааны төвүүд, Чингэлтэй дүүргийн 1 дүгээр хороо төв шуудан, Мөнгөн завьяа, 2 дугаар хороо “Бөмбөгөр” худалдааны төв, Баянгол дүүргийн “ Тоса ” худалдааны төв зэрэг газруудад нийтийн эзэмшлийн зам дээр гар дээрээс зөвшөөөрөлгүйгээр ил задгай худалдаа эрхэлж буй иргэд, Багануур, Налайх дүүргийн зүүн чиглэлийн зам дагуу гэр худалдаа эрхэлж буй нийт 108 иргэний үйл ажиллагаанд хяналт шалгалт хийж, илэрсэн зөрчлийг таслан зогсоож, эрсдэлээс урьдчилан сэргийлэх зорилгоор 12 цэгийн үйл ажиллагааг улсын байцаагчийн актаар түр зогсоож, чанар, аюулгүй байдлын шардлага хангаагүй 19 нэр төрлийн 50 кг, 120 ширхэг 147000 төгрөгийн хүнсний бүтээгдэхүүнийг улсын байцаагчийн актаар устгаж , 1 албан шаардлага хүргүүлж, холбогдох хууль тогтоомжийн дагуу 5 иргэнд 684,0 мянган төгрөгийн шийтгэврийн арга хэмжээг авч ажиллажээ.

· “Нийслэлийн Бүтээн байгуулалтын дээд шагнал”-д 43 шинэ бүтээн байгуулалтын санал иржээ

“Нийслэлийн Бүтээн байгуулалтын дээд шагнал” гардуулах үйл ажиллагааг энэ сарын 28-нд шалгаруулахаар төлөвлөн ажиллаж байна. 2015 оны “ Нийслэлийн Бүтээн байгуулалтын дээд шагнал” нь 4 төрлийн номинациар шалгаруулалт явагдах бөгөөд 43 шинэ бүтээн байгуулалтын санал ирсэн байна.

Нийслэлийн удирдах ажилтнуудын Шуурхай зөвлөлгөөн дээр нийслэлийн Засаг дарга бөгөөд Улаанбаатар хотын Захирагч Э.Бат-Үүл Төрийн үйлчилгээг иргэдэд чирэлдэлгүй хүргэх үүднээс “Дүнжингарав”, “Мишээл экспо”, “Содон” хорооллын нэг давхарт “Төрийн үйлчилгээний супермаркет”-ыг ажиллуулах гэж байгаагаа уламжилж, холбогдох байгууллагуудад дараахь үүрэг даалгаврыг өглөө. Үүнд:

· Нийслэлийн 376 жилийн ой угтаж Бүх нийтийн их цэвэрлэгээг 2015 оны 10 дугаар сарын 17-ны өдөр зохион байгуулах, нийслэлийн нутгийн захиргааны байгууллагууд хуваарийн дагуу идэвхтэй оролцох

· Нийтийн тээвэрт ухаалаг карт нэвтрүүлсэнтэй холбоотойгоор үүссэн нөхцөл байдлын талаар судлаж асуудал боловсруулж танилцуулах

· 2015 оны хоёрдугаар ээлжийн цэрэг халах, татах ажлыг зохион
байгуулж, бэлтгэл ажлыг хангах

· Нийслэл хотын албан татварын хууль хэрэгжиж эхэлсэнтэй холбоотойгоор албан татварын тухай хууль болон түүнийг дагалдан гарсан тогтоол журмын талаар үнэн зөв мэдээллийг иргэдэд өгч, хуулийг бодитойгоор сурталчлан таниулах ажлыг зохион байгуулах

· 2015 онд нийслэлийн хэмжээнд хөрөнгө оруулалт бүтээн байгуулалтаар хийж байгаа ажлуудыг дуусгаж үр дүнг тооцож ажиллахыг тус тус үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

- See more at: http://zasag.mn/m/ulaanbaatar/view/11132#sthash.EwHzYR5K.dpuf

Нийслэлийн Удирдах ажилтнуудын ээлжит Шуурхай зөвлөлгөөний хуралдаан боллоо. Хуралдааныг нийслэлийн Засаг дарга бөгөөд Улаанбаатар хотын Захирагч Э.Бат-Үүл удирдан явууллаа. Хуралдаанаар өмнөх хурал дээр өгсөн үүрэг даалгаврын биелэлтийг танилцуулав.

О.Баасанхүү: С.Баярцогт миний нэр хүндэд халдаж, гүтгэлээ

Үндэсний их баяр цагаан сарын үеэр үндэсний томоохон үйлдвэрлэгчдийн гурил урсч, олон ч хүний нүүрийг түлж, уурыг барсан түүхтэй. Үүнийгээ нэр бүхий бизнес эрхлэгчид үйлдвэрлэлийн горим алдагдсанаас боллоо хэмээх эвтэйхэн тайлбараар тахлаад өнгөрсөн бол зах зээлийн шалгарлаар “Өег”, “Хурх” тэргүүтэй шинэ үйлдвэрүүд хэрэглэгчдэд чанараараа танигдах боломжийг бүрдүүлсэн гэхэд хилсдэхгүй. Тэгвэл манай сурвалжлах багийнхан 21 аймгаар тойрч, аймаг орон нутгийн бүтээн байгуулалт, өв соёл, үйлдвэрлэлтэй танилцах явцад Дархан-Уул аймгийн “Өег” гурилын үйлдвэртэй танилцах боломж тохиолоо.

Гэтэл биднийг хамгийн сүүлийн үеийн техник технологиор өвч бүрэн тоноглогдсон таван давхар үйлдвэр, гадны экспертүүдээр ахлуулсан монгол инженерүүд угтан авсан бөгөөд үйлдвэрийнхээ үйл ажиллагаатай танилцуулах явцдаа эх орондоо Итали технологийг нэвтрүүлж чадсан гэдгээ тун бахархалтайгаар онцолсон юм. Түүнчлэн тус үйлдвэр нь бүрэн автоматжсан бөгөөд дэлхийн чанарын стандартад бүрэн нийцсэн бүтээгдэхүүн үйлдвэрлэдэг гэдгээрээ ихээхэн онцлогтой аж.

Энэ үеэр үйлдвэрийн ерөнхий менежер Ж.Булгантамир, технологич мэргэжилтэн Ибрахим Гулечээс зарим тодруулгыг авлаа.

-”Өег” гурил хэрэглэгчдийн сайшаалд нийцэж, зах зээлд тун эрэлттэй байна-

12108068 855083044575073 6811811354314828456 n

Ерөнхий менежер Ж.Булгантамир: Манай компани хоногт 150 тонн улаан буудай тээрэмдэх хүчин чадалтай. Нийтдээ 40 мянган тонн улаан буудай хадгалах эловатртайгаар анх төсөлд тусгагдсан бөгөөд өнөөдрийн байдлаар үйлдвэр маань бүрэн хэмжээгээр ашиглалтад орж, тасралтгүй үйл ажиллагаа явуулж байна. Нийтдээ 20 мянган тонн улаан буудай хадгалах эловатрыг ашиглалтад оруулан, цаашид бусад цогц системүүдийг барьж ашиглалтад оруулахаар зорьж ажиллаж байгаа болно. Үүнд, автомашинаар будаа буулгах авто өргөгч, вагоноос будаа буулгах, ачих хэсгүүд, хатаалга болон цэвэрлэгээний цогц систем, бусад нэмэлт улаан буудай хадгалах эловатруудыг барьж байгуулах ажлууд багтаж байгаа юм.

- Яагаад заавал эх орондоо Итали технологийг нэвтрүүлэхээр зорив?

- Ерөнхийдөө анх үйлдвэрийг барьж ашиглалтад оруулахын тулд хамгийн орчин үеийн байгальд ээлтэй дэвшилтэт технологийг хайж, судалгаа шинжилгээ хийж нэлээд ажил болсон. Ингээд жил гаруй судалгаа явуулсны дүнд дэлхийн хамгийн олон улс оронд хэрэглэгддэг Турк тоног төхөөрөмж, Итали технологийг нэвтрүүлэхээр сонгож авсан юм.

Түүнийхээ ч үр шимийг хүртэж байна гэхэд болно. Учир нь манай үйлдвэрлэсэн гурил хэрэглэгчдийн сайшаалыг маш их хүртэж байгаа бөгөөд зах зээл дээр ч тун эрэлттэй болоод байна. Тиймээс цаашдаа ч үйлдвэрлэлийнхээ нэр төрлийг улам олшруулна гэсэн зорилго тавиад байна.

- Ингэхэд “Өег” гурил хэчнээн нэр төрлөөр үйлдвэрлэгдэж байна вэ?

- Ерөнхийдөө дээд гурил, нэг, хоёрдугаар гурилыг л үйлдвэрлэж байна. Гэсэн хэдий ч дотоодын зах зээлийн 20 хувийг, Дархан-Уул аймгийнхаа 40 хувийг дангаараа хангаж байгаа.

12087989 855083254575052 5294255947458827606 n

-Муу буудай байсан ч Итали технологи, Турк тоног төхөөрөмжөөр хамгийн сайн чанарын гурил үйлдвэрлэж болдог-

12107802 855083077908403 7227953752743911862 n

- Технологич мэргэжилтэн Ибрахим Гулеч: Миний хувьд гурилын технологич инженерээр 28 жил тасралтгүй ажиллаж байна. Тэр дундаа 20 гаруй улсад ажиллаж байгаа бөгөөд сүүлийн гурван жил Монгол Улсад ажиллаж байгаа болно.

- Ерөнхийдөө миний хувьд Итали технологийн давуу талыг ашиглан, Монголд ургадаг улаан буудайнуудаас хамгийн сайн чанарын гурил хийх гэж ирсэн. Манай гурил дэлхийн стандартын дагуу экспортод гаргахад нийцсэн, чанартай, органик бүтээгдэхүүн. Үүнийг техник тоног төхөөрөмж болоод технологийн давуу тал гэж хэлэхэд болно. Муу буудай байсан ч Итали технологи, Турк тоног төхөөрөмжөөр хамгийн сайн чанарын гурилыг үйлдвэрлэж болдгоороо маш онцлог юм.

О.Баасанхүү: С.Баярцогт миний нэр хүндэд халдаж, гүтгэлээ

Монгол Улсын Ерөнхийлөгч Ц.Элбэгдоржийн урилгаар ХБНГУ-ын Холбооны Ерөнхийлөгч Иоахим Гаук 2015 оны 10 дугаар сарын 14-16-ны өдрүүдэд Монгол Улсад төрийн айлчлал хийнэ. Холбооны Ерөнхийлөгч Монгол Улсын Ерөнхийлөгч Ц.Элбэгдоржтой уулзаж, албан ёсны хэлэлцээ хийх юм. Мөн Монгол Улсын Их хурлын дарга З.Энхболд, Монгол Улсын Ерөнхий сайд Ч.Сайханбилэг нар Холбооны Ерөнхийлөгчид тус тус бараалхаж, хоёр орны харилцаа, хамтын ажиллагааны талаар санал солилцоно.

Айлчлалынхаа хүрээнд Холбооны Ерөнхийлөгч И.Гаук Хар Хорин дахь археологийн малтлагын “Монгол-Германы Хархорин экспедици” төслийн үйл ажиллагаатай танилцана. Мөн Монгол, Германы хамтарсан Технологийн их сургуульд зочилно гэж ГХЯ-наас мэдээллээ.

Бие даагчид: ЕС-ыг огцруулахад 14 гишүүн гарын үсэг зурсан

Баянхонгор аймгийн прокурорын дэргэдэх зөвлөлийн ээлжит хуралдааныг 2015 оны 10 дугаар сарын 08-ны өдөр хийлээ. Зөвлөлийн хуралдаанаар Улсын бүртгэлийн хэлтсийн байцаагч нараас явуулсан захиргааны зөрчлийн хэрэг бүртгэлтийн ажиллагаа, холбогдох хууль, тогтоомжид хэрхэн нийцэж байгааг шалгасан шалгалтын дүнг тус аймгийн Улсын бүртгэлийн хэлтсийн дарга Д.Пүрэвдамба, улсын бүртгэлийн байцаагч Л.Мэндбаяр нарыг байлцуулан хэлэлцсэн байна.

Шалгалтын хүрээнд иргэний цахим үнэмлэхээ хаяж үрэгдүүлсэн үндэслэлээр Захиргааны хариуцлагын тухай хуулийн 27 дугаар зүйлд зааснаар торгууль ногдуулсан 199, гадаад паспорт хаяж үрэгдүүлсэн 8, иргэний үнэмлэх хуульд заасан хугацаанд аваагүй 1, нийт захиргааны зөрчлийн хэрэг бүртгэлтийн ажиллагаа явуулсан 208 материалыг хянаснаас хөөн хэлэлцэх хугацаа дууссан байхад захиргааны шийтгэл ногдуулсан 28, шийтгэвэр бичээгүй байтлаа торгуулийн мөнгийг урьдчилан төлүүлсэн 58, зөрчлийн тэмдэглэлийг хуульд заасан журмаар бичээгүй, зөрчил гаргасан цаг хугацааг тогтоогоогүй 64 буюу нийт 150 зөрчил илрүүлсэн ба зөрчлийг арилгуулахаар прокурорын шаардлага бичиж хувийг Улсын бүртгэлийн ерөнхий газарт хүргүүлж, холбогдох хууль тогтоомж зөрчсөн 28 шийтгэврийг хүчингүй болгож, иргэдийн зөрчигдсөн эрхийг сэргээхээр шийдвэрлэжээ.

Нийслэлийн хэмжээнд 2013-2015 онд хийгдсэн байгаль орчин, ногоон байгууламжийн ажлыг Нийслэлийн Иргэдийн Төлөөлөгчдийн Хурлын Байгаль орчины байнгын хорооны хурлаар хэлэлцлээ. Хуралд Нийслэлийн Засаг даргын Тамгын газар, Улаанбаатар хотын Захирагчийн ажлын алба, Нийслэлийн Байгаль орчин ногоон хөгжлийн газар,Нийтийн үйлчилгээний Улаанбаатар нэгтгэл танилцуулга хийж харилцан санал бодлоо солилцсон.

Улаанбаатар хотын Захирагчийн ажлын албанаас “Төр, хувийн хэвшлийн хамтын хүчээр ногоон байгууламжийн ажлыг гэрээгээр хийж, технологийн карт” нэвтрүүлж, тохижилтын ажлыг архитектур дизайны шийдэл бүхий зургийн дагуу хийдэг болсон, инженерийн болон ногоон байгууламжийн ажлын уялдаа холбоог хангах талд анхаарч ажиллаж байгаагаа онцолсон. Мөн сул шороон хөрстэй газруудыг зүлэгжүүлж, гурван жилийн хугацаанд 450 цэцэрлэгчин бэлтгэн, ургамлын хортон шавьжтай тэмцэх ажлыг ургамал хамгааллын эрдэм шинжилгээний хүрээлэнгээр гүйцэтгүүлснээр тархалт үзүүлэх хор хөнөөл багассаныг танилцуулсан юм.

Хурлаас цаашид агаар, хөрс, ус, хөрсний бохирдлыг багасгах, сул шороон хөрсийг зүлэгжүүлэх, ногоон байгууламжийн усалгааны систем байгуулах, мод үржүүлгийн газрыг нэмэгдүүлэх, Улаанбаатар хотын цэцэрлэгжүүлэлтийн мастер төлөвлөгөөг боловсруулан, нийслэлийн ногоон байгууламжийг нэмэгдүүлэхэд анхаарч, холбогдох байгууллагууд хамтран ажиллахаар санал нэгдлээ гэж Улаанбаатар хотын Захирагчийн ажлын албанаас мэдээллээ.
- See more at: http://zasag.mn/m/ulaanbaatar/view/11131#sthash.UON3EKOZ.dpuf

Баянзүрх дүүргийн 14 дүгээр хорооны нутаг дэвсгэрт байршилтай Сандэй Плаза ХХК-ийн Сандэй худалдааны төвийн барилгыг улсын комисс 2009 оны 5 дугаар сард хүлээн авсан, тус барилга нь 7 давхар, төмөр бетон каркас тулгуур баганатай, багана хооронд шивлээр холбоостой, хөөсөнцөрөөр дулаалж, ханын өрлөг нь хөнгөн блок, барилгын гадна нүүрний фасадыг төмөр хийц бүтээцээр хийсэн. Авралтын 3 гарцтай. Уг худалдааны төвд нийт 800 гаруй түрээслэгчид үйл ажиллагаа явуулдаг байна.

2015 оны 10 дугаар сарны 11-ний шөнийн 01 цаг 45 минутанд Мэдээлэл, шуурхай удирдлагын төвийн 101 дугаарын утсанд нийслэлийн Баянзүрх дүүрэг 14 дүгээр хороо “Сандэй” худалдааны төв шатаж байна гэсэн дуудлагыг хүлээн авч, 10 дугаар ангийн 1, 2 дугаар тасаг, автомеханик шат, гэрэл холбооны тасаг, гал унтраах аврах 63 дугаар ангийн тасаг, гал унтраах аврах 14 дүгээр ангийн тасгууд шуурхай ажиллалаа.
Нийслэлийн Онцгой байдлын газрын Гал түймэртэй тэмцэх хэлтсийн дарга онцгой байдлын хурандаа Д.Эрдэнэбаатар гал унтраах ажиллагааг удирдан гал түймэр гарсан объектын хойд талд болон баруун тал, баруун хойд талд тус бүр гал унтраах 3 хэсэг байгуулан, гал түймрийг унтраах, гал түймрийн нөхцөл байдлыг тогтоох, хайгуулын ажиллагааг зэрэг явуулсаны үр дүнд худалдааны төвийн барилгын зоорийн давхарын дотор талын баруун хойд жигүүрт галын голомт байгааг илрүүлж, гал түймрийн тархалтыг 02 цаг 02 минутад зогсоож, 05 цаг 13 минутанд бүрэн унтраасан байна.

Гал унтраах, аврах ажиллагааг шуурхай зохион байгуулснаар 1-ээс 7 дугаар давхар болон барилгын зоорийн давхарын урд талын худалдаа үйлчилгээ явуулж буй түрээслэгч нарын лангуу, бараа материалыг гал түймрийн аюулаас авран хамгаалж гал гарах үед 7 давхарт байсан хамгаалалтын ажилтан 20 настай 2 эрэгтэйг утаажилтын бүсээс авран гаргаж, анхан шатны тусламж үзүүлэн, Яаралтай түргэн тусламж 103-ыг дуудан хүлээлгэн өгчээ.

Сандэй худалдааны төвийн зоорийн давхарт гарсан гал түймрийг унтраахад нийслэлийн Онцгой байдлын газрын Гал түймэр унтраах, аврах ангийн 5 тасаг гал унтраах зориулалтын 9 автомашин, хорт хий утаанаас хамгаалах 25 ширхэг багтай, Гал унтраах аврах ангийн 34 албан хаагч, нийслэлийн Онцгой байдлын газраас 2 албан хаагч, Баянзүрх дүүргийн Онцгой байдлын хэлтсээс 2 албан хаагч ажиллаж, 15 тонн ус зарцуулж гал түймрийг бүрэн унтраасан байна.

Нийслэлийн Онцгой байдлын газраас хүн ам олноор төвлөрдөг үйлчилгээний газруудад төлөвлөгөөт хяналт шалгалтыг жил бүр зохион байгуулдаг.
Монгол Улсын Шадар сайдын баталсан удирдамжийн шалгалтын хүрээнд Сандэй худалдааны төвд гамшгаас хамгаалах болон гал түймрийн улсын хяналтыг хэрэгжүүлэх төлөвлөгөөт болон гүйцэтгэлийн шалгалтуудыг батлагдсан удирдамжид заагдсан хугацаанд жил бүр явуулж, илрүүлсэн зөрчлүүдийг арилгуулахаар тус худалдааны төвийн захиргаанд Гамшгаас хамгаалах болон Гал түймрийн улсын хяналтын байцаагчийн 2010 оны 3 дугаар сарын 15-нд 73 тоот албан шаардлага, 2010 оны 12 дугаар сарын 18-нд 018 тоот мэдэгдэл, 2011 оны 4 дүгээр сарын 12-нд 46 тоот албан шаардлага, 2011 оны 10 дугаар сарын 14-нд 140 тоот Заавал биелүүлэх албан шаардлага, 2011 оны 7 дугаар сарын 4-нд 83 тоот мэдэгдэл, 2012 оны 2 дугаар сарын 7-нд 10-4/27 тоот мэдэгдэл тус тус хүргүүлж, 2013 оны 3 дугаар сарын 05-нд 10.4/34 тоот мэдэгдэл, 2013 оны 03 дугаар сарын 29-нд тус худалдааны төвийн барилгын зоорийн давхар болон 1 дүгээр давхарын үйл ажиллагаа зогсоох 10.4/04 тоот тогтоол, 2013 оны 4 дүгээр сарын 09-нд 10.4/13 тоот тус худалдааны төвийн үйл ажиллагаа бүхэлд нь зогсоох тогтоол, 2013 оны 11 дүгээр сарын 04-ний өдрийн 10/75 дугаартай танилцуулга, 2015 оны 04 дүгээр сарын 20-ны өдрийн 10.4/106 дугаартай заавал биелүүлэх албан шаардлага, 2015 оны 06 дугаар сарын 03-ны өдрийн 6 дугаартай мэдэгдлийг тус тус бичиж, байгууллагын шийдвэр гаргах эрх бүхий албан тушаалтанд хүргүүлж, хэрэгжилтэнд нь хяналт тавьж ажилласан.

Шалгалтаар илэрсэн зөрчил дутагдлыг арилгуулж, хариу мэдэгдэхийг худалдааны төвийн удирдлагуудад үүрэг даалгавар өгсний дагуу Сандэй Плаза ХХК-аас байцаагчийн өгсөн албан шаардлага, мэдэгдлийн дагуу зөрчил дутагдлыг арилгуулж ажилласан талаар 2012 оны 01 дүгээр сарын 26-ны өдрийн 12/007 дугаартай хариу албан бичиг 2013 оны 09 дүгээр сарын 20-ны өдрийн 13/084 дугаартай хариу албан бичиг, мөн 2013 оны 11 дүгээр сарын 12-ны өдрийн 13/90 дугаартай хариу албан бичиг, 2015 оны 05 дугаар сарын 15-ны өдрийн 73 дугаартай хариу албан бичгийг тус тус нийслэлийн Онцгой байдлын газар, Баянзүрх дүүргийн Онцгой байдлын хэлтэст албан бичгээр хариу ирүүлсэн гэж нийслэлийн Онцгой байдлын газраас мэдээллээ.

Монгол улсад үндэсний сэтгүүлзүйн салбар үүсч хөгжсөний 100-н жилийн ойн хүрээнд анхлан зохион байгуулагдсан “Монголын хэвлэл мэдээллийн салбарын урлагийн II их наадам” уламжлал ёсоороо 2015 оны 10-р сарын 16,17-ны өдрүүдэд Улаанбаатар хотноо зохион байгуулагдахаар товоо зарласан билээ.

Наадмын бүртгэлийн анкетийг 10 дугаар сарын 13-ны 12:00 цаг хүртэл авах бөгөөд хэвлэлийн хурал 10 дугаар сарын 13-ны 12:00 цагт Нийслэлийн Улаанбатаар Чуулгын байранд хийнэ.

Нээлтээ хийгээд удаагүй байгаа ”VTV” телевиз Монголдоо хамгийн том шагналын сантай “Мастер тогооч” хоолны шоуг зохион байгуулахаар болжээ. Тус шоунд хоол хийж чаддаг хэн бүхэн оролцох боломжтой бөгөөд ялагч нь 20 сая төгрөгийг бэлнээр нь авах юм. Нэвтрүүлгээр хүнс үйлдвэрлэгч дотоодын үйлдвэрүүдийг дэмжих, олон нийтэд таниулан сурталчилах зорилготой гэж зохион байгуулагчдын зүгээс хэлж байна.

Өлзийт хороолол-Био комбинат- Шувуун фабрик чиглэлийн замын нээлт өнөөдөр 14:00 цагт болно. Энэ чиглэлийн 9.06 км авто замыг концессын гэрээгээр барьж дуусгасан бөгөөд зам ашиглалтад орсноор Улаанбаатар хотын авто замын сүлжээ сайжирч, авто замын хөдөлгөөний эрэлт хэрэгцээг хангасан олон зурваст авто зам бий болж байгаа юм.

Концесс эзэмшигч компани нь “Өлзийт хорооллоос-Шувуун фабрик чиглэлийн 9,06 км авто зам барих” ажлыг өөрийн хөрөнгөөр буюу хорин тэрбум таван зуун сая төгрөгөөр нэг жилийн хугацаанд гүйцэтгэж байнгын ашиглалтад оруулсны дараа 2015-2016 онуудад нийслэлийн төсвөөс санхүүжилтийг авахаар нийслэлийн Засаг даргатай концессын гэрээ хийсэн юм.

Өнгөрсөн ням гарагт Беларусь улсад Ерөнхийлөгчийн сонгууль болж өнгөрлөө.

Монгол Улсын Ерөнхийлөгчийн 2010 оны “Мод тарих үндэсний өдөр зарлах тухай” 63 дугаар зарлиг, Монгол улсын “Ойн тухай хууль”-ийн 31.1-д заасны дагуу иргэд олон нийтийн байгалиа нөхөн сэргээх

хамгаалахад гар бие оролцох нөхцлийг бүрдүүлэх, ойн сан, хотын ногоон байгууламжийг нэмэгдүүлэх зорилготойгоор дүүргийн нутаг дэвсгэрт бүх нийтээр мод тарих ажлыг 2015 оны 10 дугаар сарын 10-ны өдөр буюу Бямба гаригт зохион байгууллаа.

Хан-Уул дүүргийн Засаг даргын Тамгын газрын хэлтэс болон дэргэдэх хэлтэс албадын дарга нар, ажилтан албан хаагчид, иргэд, Аж ахуйн нэгж байгууллага, Сургууль, Цэцэрлэг, Сууц өмчлөгчдийн холбоод идэвхитэй оролцож урьдчилсан байдлаар 65 цэгт 15 төрлийн 11242 ширхэг мод бут сөөгийг өөрсдийн хөрөнгөөр тарьсан юм.
- See more at: http://zasag.mn/m/khanuul/view/11129#sthash.w6We06yU.dpuf

Энэ сарын 9-нөөс 10-нд шилжих шөнө хар тамхи мансууруулах бодис, сэтгэцэд нөлөөлөх бодисыг давтан худалдан борлуулж байсан гэмт бүлэглэлийг Эрүүгийн цагдаагийн газраас илрүүлжээ.

АНУ-ын Засгийн газраас 35 машин бэлэглэлээ

АСЕМ-ын зочдыг хүлээж авах 42 зочид буудал

Ард түмнийхээ аюулгүй байдлын төлөө тангараг өргөсөн төрийн цагдаагийн алба хаагчид нэгнийхээ аминд хүрсэн ноцтой хэрэг гарлаа. Тодруулбал, өнгөрсөн баасан гаригт Эрүүгийн цагдаагийн газрын Төлөвлөлт, зохион байгуулалтын хэлтсийн алба хаагчид салхинд гарч амрахаар амралтын газарт очсон байна. Улмаар хоорондоо маргалдаж, нэг алба хаагч харамсалтайгаар амиа алджээ. Тиймээс нэгнийхээ аминд хүрсэн гэх алба хаагчийг саатуулан, хэргийг УМБГ-т шалгаж эхэлсэн байна.

Бид мэдээллээ баталгаажуулах үүднээс албаны эх сурвалжаас тодруулахад ”Хэрэг энэ сарын 9-10-нд шилжих шөнө гарсан. Цагдаагийн алба хаагчид ажлын бус цагаар Налайх дүүргийн 6 дугаар хорооны нутаг дэвсгэрт амрахаар очсон байгаа юм. Улмаар нэг алба хаагч харамсалтайгаар амиа алдсан хэрэг гарсан. Хэргийн мөрдөн байцаалтын ажиллагаа дөнгөж эхэлж байна. Тиймээс дэлгэрэнгүй мэдээлэл өгөх боломжгүй. Уг хэргийн улмаас 1975 онд төрсөн Х нас барсан. Харин хэргийг үйлдсэн гэх 1985 онд төрсөн Ө гэгчийг саатуулан шалгаж байна. Хэргийг УМБГ-т шалгаж байгаа. Мөн ЦЕГ-ын Дотоод хяналт шалгалт аюулгүй байдлын хэлтэст шалгаж эхэлсэн. Өнөөдөр ЦЕГ-ын даргын зөвлөл ээлжит бусаар хуралдаж, Дотоод хяналт шалгалтын дүнг хэлэлцэнэ. Улмаар тухайн хэрэг үйлдсэн алба хаагчид ямар хариуцлага тооцохыг шийднэ. Мэдээж үйлдсэн эрүүгийн хэрэгт нь хуулийн дагуу прокурорын байгууллагын хяналт тавин, УМБГ-т шалгаж байгаа” гэх тайлбарыг өгсөн юм.

Мөн энэ тухай талийгаач Х-гийн хүү өөрийн фэйсбүүк хуудаснаа бичжээ. Тэрбээр монголын цагдаагийн үнэн төрх ийм л байна. Бид аавынхаа амийг нэхэж байна хэмээн бичин үлдээсэн байна.
Эх сурвалжийн мэдээлснээр, тухайн маргалдсан алба хаагчид хоорондоо өс хонзонгийн сэдэл болон ямар нэгэн таарамжгүй харилцаа байгаагүй аж. Харин тухайн өдөр хоорондоо маргалдаж, гар зөрүүлсэнээс нэг нь амиа алдсан гэж эх сурвалж мэдээлж байна. Мөн хэрэг гарах үед тэд согтуу байсныг хамт явсан нөхдүүд нь гэрчилж байгаа аж.

Эрүүгийн цагдаагийн газрын Төлөвлөлт, зохион байгуулалтын хэлтсийн алба хаагчид нь хэрэг шалгаж, мөрддөггүй бичиг хэргийн ажил хийдэг оффисийн ажилчид аж. Юутай ч тангараг өргөсөн цагдаагийн алба хаагчид нэгнийхээ аминд хүрсэн нь нийгэмд багагүй цочрол үүсгэж байна. Хэргийг УМБГ-т шалгаж байна. Шалгалтын дараа цагдаагийн алба хаагч нэгнийхээ аминд санаатай хүрсэн үү, санамсаргүй байдлаар хүрсэн үү гэдэг нь тодорхой болно.

БЗД-ийн нутаг Гачууртын зам, Хужир булангийн замд Х.Сонота маркийн авто машины жолооч Х нь шон мөргөж зорчигч 1 нас 6 сартай Б нарын 2 хүн гэмтсэн байна.