Мэргэжлийн сумогийн Нацү башёгийн сүүлийн өдөр Хакүхо М.Даваажаргал АНУ-ын Ерөнхийлөгч Дональд Трампаас Японы Ерөнхий сайдын нэрэмжит цомыг гардаж авч магадгүй гэсэн таамаг гараад байна.

Тодруулбал, ирэх сарын 26-наас 28-ны өдрүүдэд Дональд Трамп Япон Улсад албан ёсны айлчлал хийх гэж байна. Айлчлалын эхний өдөр Японы мэргэжлийн сүмо бөхийн Нацү башёгийн сүүлийн өдөр тохиох учир тэмцээнийг үзэж сонирхон улмаар түрүүлсэн бөхөд Ерөнхий сайдын нэрэмжит цомыг гардуулж магадгүй юм байна. Харин түүний гараас энэ цомыг авах хамгийн магадлал өндөртэй бөхөөр Хакүхо М.Даваажаргал тодорчээ. Японы “Kyodo News” агентлаг түүнээс энэ талаар тодруулахад “Үнэхээр таатай мэдээ байна. Ийм боломж тэр болгон олдоод байхгүй байх. Тиймээс бүх хүч чадлаа дайчлан хамгийн сайнаараа хичээн барилдана. Тэмцээнд төрүүлэхийг хичээнэ” гэжээ. Японы төв хэвлэлд дурдснаар айлчлалын эхний өдрийн Дональд Трамп болон Шинзо Абэ нар сүмогийн ордонд зочилж, тэмцээнийг үзэж сонирхоно.

Тэмцээний дараа түрүүлсэн бөхөд Дональд Трамп Ерөнхий сайдын нэрэмжит 40кг жинтэй цом, эсвэл гол шагналын аль нэгийг гардуулна. Дональд Трампийн энэ удаагийн айлчлалын гол онцлого нь шинэ Эзэн хаантай уулзах анхны гадаад улсын удирдагч болох юм. Япон Улсын одоогийн Эзэн хаан Акихито хаан ширээнээсээ бууж, түүний ууган хүү Нарухито ирэх тавдугаар сарын 1-ний өдөр хаан ширээнээ залрах юм байна.

Г.Алимаа