2022 оны хөлбөмбөгийн ДАШТ энэ сарын 20-ны өдөр Катарын нийслэл Доха хотноо албан ёсоор нээлтээ хийх гэж байгаа билээ. Тэмцээнд нийт 32 баг хурд хүч, авхаалж самбаагаа сорин өрсөлдөх гэж байна. Тэгвэл бид тус 32 багийг гол тоглогчдын хамт цувралаар танилцуулж байгаа билээ. Энэ удаа бид та бүхэндээ Швейцарь, Камерун, Португал, Солонгос, Гана, Уругвайн шигшээ багуудыг танилцуулж байна. Өмнөх нийтлэл болох №1, №2 , №3, №4 -ийг уншихыг хүсвэл линкээр холбогдоно уу. 

1. Швейцарийн шигшээ баг - Багийн гол тоглогч Гранит Жака. Өдгөө 30 настай тэрбээр Премьер лигийн Арсенал клубын хагас хамгаалагч, дэд ахлагчаар тоглодог бөгөөд Швейцарийн шигшээ багийн ахлагч юм.

2. Камеруны шигшээ баг - Багийн гол тоглогч Винсент Абубакар. Тэрбээр мөн л 30 настай бөгөөд Саудын Арабын мэргэжлийн лигийн Аль Наср клубт довтлогчоор тоглодог, Камеруны шигшээ багийн ахлагч юм.

3. Португалын шигшээ баг - Багийн гол тоглогч бол мэдээж Кристиано Роналдо. Тэрбээр энэ жил 37 настай бөгөөд сүүлийн ДАШТ-дээ оролцож байна. Тэр одоогоор Английн Манчестэр Юнайтэд багт хүчин зүтгэж байгаа билээ. 

4. Солонгосын шигшээ баг - Багийн гол тоглогч Сон Хэүн Мин. Тэрбээр Премьер лигийн Тоттенхэм Хотспур клубт довтлогчоор тоглодог бөгөөд Өмнөд Солонгосын шигшээ багийн ахлагч, 30 настай. 

5. Ганын шигшээ баг - Багийн гол тоглогч Андре Морган Рами Айю. Тэрбээр Катарын Оддын Лигийн Аль Садд клубын жигүүрийн тоглогч, Гана улсын шигшээ багийн ахлагч, 32 настай. 

6. Уругвайн шигшээ баг - Багийн гол тоглогч Федерико Вальверде. Ла лигийн Реал Мадрид клуб болон Уругвайн шигшээ багийн төвийн хагас хамгаалагчаар тоглодог, 24 настай. 

Л.Сайнаа