“Пепси Алтан Цом” үндэсний бөхийн 21 аймаг 9 дүүргийн бөхчүүдийн аварга шалгаруулах багийн тэмцээний шилдэг найман багийн гуравдугаар шатны гуравдугаар тойргийн барилдаан өнөөдөр 11:00 цагаас Булган аймаг болон Баян-Өлгий аймгийн бөхчүүдийн дунд эхэлнэ.

Булган аймгийн хувьд өмнөх хоёр тойргийн барилдаанд нийт 27 даваа авч, 6 оноотойгоор хүснэгтийн хоёрдугаар байрт бичигдэж байна. Харин Баян-Өлгий аймгийн бөхчүүдийн хувьд хоёрдугаар тойргийн дараах байдлаар 17 даваатай, 2 оноотой хүснэгтийн наймдугаар байрт бичигдэж байна.

Өнөөдрийн барилдаанд Улсын залуу заан Б.Серик барилдана гэдгээ өмнөх тойргийн барилдаанд хэлсэн билээ.

Баян-Өлгий аймгийн багийн бүрэлдэхүүн 

1. Улсын заан Б.Серик
2. Улсын начин Н.Мустафа
3. Аймгийн арслан У.Береке
4. Аймгийн арслан М.Еркебулан
5. Аймгийн заан Е.Көптилек
6. Аймгийн арслан Э.Тамираа

Булган аймгийн багийн бүрэлдэхүүн

1. Улсын начин Д.Амарсайхан 
2. Улсын начин Д.Амаржаргал
3. Улсын начин Х.Цогтгэрэл
4. Улсын начин Б.Түмэндэмбэрэл
5. Улсын начин Э.Сумъяабат
6. Улсын начин Б.Түвшинтөгс

Мөн өнөөдрийн "Алтан цомын төлөөх барилдаан"-ы хоёр дахь барилдаан 16:00 цагаас Төв аймаг болон Өвөрхангай аймгийн барилдаанаар үргэлжилнэ.

Өвөрхангай аймгийн хувьд хоёрдугаар тойргийн дараах байдлаар 26 даваатай, 4 оноотой хүснэгтийн 4-р байрт бичигдэж байгаа бол Төв аймгийн хувьд 21 даваатай, 2 оноотой хүснэгтийн 7-р байрт бичигдэж байна.

Өвөрхангай аймгийн баг бүрэлдэхүүн

1. Улсын харцага Х.Гантулга
2. Улсын харцага Б.Цэдэнсодном
3. Улсын харцага Ц.Бямба-Отгон
4. Улсын начин Б.Лхагвадорж
5. Аймгийн арслан О.Наранбаатар
6. Аймгийн арслан Т.Довчинсэмбээ 

Төв аймгийн багийн бүрэлдэхүүн 

1. Улсын заан Б.Батмөнх
2. Улсын начин Г.Ганжад
3. Улсын начин Д.Хүдэрбулга
4. Улсын начин Г.Өсөхбаяр
5. Аймгийн хурц арслан П.Эрхэмжаргал
6. Аймгийн арслан Н.Дашдаваа

 А.Сүх