“Пепси Алтан Цом” 21 аймаг 9 дүүргийн аварга шалгаруулах үндэсний бөхийн багийн тэмцээний гуравдугаар шатны гуравдугаар тойргийн сүүлийн барилдаан Увс болон Завхан аймгийн бөхчүүдийн дунд болж өндөрлөлөө.

Энэ тойргийн эхний барилдаанд Булган аймгийн эсрэг Баян-Өлгий аймгийн бөхчүүд барилдаж 17-8 харьцаатай Булган аймгийн бөхчүүд ялалт байгуулж гурав дахь ялалтаа авлаа. Мөн Төв аймаг болон Өвөрхангай аймгийн бөхчүүд барилдаж 18-7 харьцаатай Өвөрхангай аймаг ялалт байгуулав. Хүснэгтийг тэргүүлж буй Архангай аймгийн баг Баянхонгор аймагтай барилдаж 16-9 харьцаатай яллаа. Гуравдугаар тойргийн сүүлийн барилдааныг Увс аймаг болон Завхан аймгийн бөхчүүдийн дунд болж 15-10 харьцаатай Увс аймаг ялалт байгуулав.

Энэ тойргийн онцлох үйл явдал нь өмнө тойрогт бэртлийн улмаас барилдаагүй улсын аварга П.Бүрэнтөгс болон улсын заан Б.Серик нар барилдсан юм.

Уншигч та бүхэнд гуравдугаар шатны гуравдугаар тойргийн дараах байдлаар статистик үзүүлэлтүүдээс сонирхуулж байна

ХҮСНЭГТИЙН БАЙРЛАЛ

1. Архангай аймаг-50 даваа, 9 оноотой

2. Булган аймаг- 44 даваа, 9 оноо

3. Өвөрхангай аймаг- 44 даваа, 7 оноо

4. Увс аймаг- 39 даваа, 7 оноо

5. Завхан аймаг- 36 даваа, 5 оноо

6. Баянхонгор аймаг- 34 даваа, 5 оноо

7. Төв аймаг- 28 даваа, 3 оноо

8. Баян-Өлгий аймаг-25 даваа, 3 оноо

ГУРАВДУГААР ШАТНЫ ГУРАВДУГААР ТОЙРГИЙН ДАРААХ БАЙДЛААР УНАЛГҮЙ ТАВ ДАВСАН БӨХЧҮҮД

1. Улсын даян аварга Н.Батсуурь

2. Улсын харцага Ц.Бямба-Отгон

ГУРАВДУГААР ШАТНЫ ГУРАВДУГААР ТОЙРГИЙН ДАРААХ БАЙДЛААР ДАВАА АВААГҮЙ БӨХЧҮҮД

1. Улсын аварга П.Бүрэнтөгс

2. Аймгийн арслан Ч.Алтангэрэл

3. Аймгийн арслан Н.Дашдаваа

4. Аймгийн арслан Э.Тамираа

ХАМГИЙН ОЛОН ДАВАА АВСАН БӨХЧҮҮД

1. Улсын харцага Б.Зоригтбаатар- 21 даваа

2. Улсын начин Д.Хүдэрбулга- 21 даваа

3. Улсын гарьд М.Бадарч-20 даваа

4. Улсын харцага Б.Бямба-Отгон -19 даваа

5. Улсын начин Б.Түмэндэмбэрэл- 19 даваа

“Пепси Алтан Цом”-ын төлөөх барилдааны дөрөвдүгээр шатны барилдаанууд дөрөвдүгээр сарын 1-ний өдрөөс үргэлжлэн явагдана.

А.Сүх