Узбекистан улсын нийслэл Ташкент хотод гуравдугаар сарын 2-10-ны өдрүүдэд зохион байгуулагдах өсвөр, залуучуудын Азийн АШТ-нд оролцох Монголын тамирчид Ташкент хотыг зорилоо.

Энэ удаагийн тэмцээнд манай улсаас дасгалжуулагч 12 тамирчин нийт 14 хүний бүрэлдэхүүнтэй оролцож байгаа бөгөөд тэмцээний өмнө олон улсын хамтарсан бэлтгэлд хамрагдаж, ганцаарчилсан болон багийн төрлөөр хоёр насны ангилалд хүч сорих юм.

Багийн дасгалжуулагчаар МТСХ-ны дасгалжуулагчдын зөвлөлийн дарга Ц.Жигжидсүрэн Дасгалжуулагч Г.Халиунаа нар ахалж байна. Өсвөр, залуучуудын багийн бүрэлдэхүүнд Д.Оргил (Дуэль клуб) С.Саруулсайхан (Хангарьд клуб) Б.Гандөл (Дуэль клуб)Э.Ананд (Илдэн клуб) Н.Ялгуун (Варриорс клуб) Т.Амин-эрдэнэ (Дуэль клуб) Б.Бүлтэн (Дуэль клуб) Я.Ариунхишиг (Илдэн клуб) Б. Батзориг (Дуэль клуб) Г. Тодсэцэн (Дуэль клуб) Б.Энхмэнд(Хангарьд клуб) Х.Ананд (Дуэль клуб) нар багтлаа.