Өвлийн спортын "хатан хаан" нэршилтэй нь уран гулгалт гэдэгтээ хэн ч маргахгүй. Үзэгч, хандалтын тоо нь илтгэдэг. Гагцхүү монголчууд энэ спортыг шимтэн үзэх нь олон бөгөөд спорт сонирхогч нартаа дуулгах таатай мэдээ байна.
ОХУ-ын уран гулгалтын шигшээ багийн 16 тамирчин манай эх оронд хүрэлцэн ирж гоёмсог үзүүлбэрүүдээ толилуулах ба тоглолт энэ оны тавдугаар сарын 6, 7-ны өдөр “Степп арена” цогцолборт болох юм.
Хөтөлбөрөөс үзэхэд нэрт уран гулгагч нартай зураг даруулж, гарын үсэг авах таатай боломж ч бүрдэх нь. Шоу тоглолтын хүрээнд нийт 24 үзүүлбэр (нэг өдөрт 12 үзүүлбэр) 2:15 цаг үргэлжилнэ гэжээ. ОХУ-ын уран гулгалтын техникийн ажилтан, найруулагч, албаны хүмүүс тоглолт болохоос гурав хоногийн өмнө ирж бэлтгэл ажлаа хангах юм байна.
Өндөр зэрэглэлийн шоу тоглолт монголд маань болох гэж байгаа биз. Энэ шоуг эх орондоо зохион байгуулах ажилд БТСУХ-ны Гадаад харилцаа, мэдээллийн технологийн хэлтсийн дарга Н.Оюунбат тэргүүтэй ажлын хэсгийн хүчин зүтгэл их байсныг энд дурдах нь зүйтэй болов уу.
Бээжингийн олимпын аварга Камила Валиева ирэхээр болсон нь тус шоу тоглолтыг улам үзүүштэй болгож байна. ОХУ-ын уран гулгагч нарын талаар энд дэлгэрүүлж ярих нь илүүц биз ээ.
Монголын спорты сонирхогчдын мэлмийг баясгах уран гулгагч нарын тухайд:
“Бээжин-2022” олимпын наадмын багийн төрлийн аварга Европын аварга –2020 КАМИЛА ВАЛИЕВА
2015 оны ДАШТ-ийн алт, 2021 оны ДАШТ-ийн мөнгө, 2015 оны ЕАШТ-ий алт, 2013 оны ЕАШТ-тйн хүрэл медальт, 2021 оны ДАШТ-ий багийн төрлийн аварга ЕЛИЗАВЕТА ТУКТАМЫШЕВА
Бүх Оросын улсын аварга шалгаруулах 2021, 2022 оны тэмцээний аварга СОФЬЯ АКТЬЕВА
Залуучуудын гран при цуврал тэмцээний аварга АДЕЛИЯ ПЕТРОСЯН
“Бээжин-2022” олимпын наадмын багийн төрлийн аварга 2022 оны ЕАШТ-ийн аварга МАРКС КОНДРАТЮК
2018 оны ЕАШТ-ийн мөнгөн медаль, 2018 оны ЕАШТ-ийн алтан медальт ДМИТРИЙ АЛИЕВ
2021 оны ДАШТ-ийн багийн төрлийн аварга Бүх Оросын 2022 оны аварга шалгаруулах тэмцээний алтан медаль ЕВГЕНИ СЕМЕНЕНКО
Бүх Оросын 2022 оны аварга шалгаруулах тэмцээний мөнгөн медальт ПЕТР ГУМЕННИК
Европын хошой аварга“Бээжин-2022” олимпын наадмын мөнгөн медальт ЕВГЕНИЯ ТАРАСОВА, ВЛАДИМИР МОРОЗОВ
“Бээжин-2022” Олимпын наадмын хосын төрлийн хүрэл медальт, багийн төрлийн аварга 2021 оны ДАШТ аварга 2022 оны ЕАШТ аварга АНАСТАСИЯ МИШИНА, АЛЕКСАНДАР ГАЛЛЯМОВ
2020 оны ЕАШТ-ийн алт, 2019, 2022 оны ЕАШТ-ийн хүрэл медальт АЛЕКСАНДРА БОЙКОВА, ДМИТРИЙ КОЗЛОВСКИЙ
“Сочи-2014” олимпын наадмын багийн төрлийн аварга, бүжгийн төрлийн хүрэл медаль, “Бээжин-2022” олимпын наадмын багийн төрлийн аварга, бүжгийн төрлийн мөнгөн медаль, 2021 оны ДАШТ-ийн алтан медаль, 2019 оны ДАШТ-ийн мөнгөн медаль, ЕАШТ-ийн 2012, 2013, 2014, 2020, 2022 оны 2 алт, 2 мөнгө, 1 хүрэл медаль, 2019, 2021 оны ДАШТ-ийн багийн төрлийн алт, хүрэл медальт ВИКТОРИЯ СИНИЦЫНА, НИКИТА КАЦАЛАПОВ
А.Болдбаатар
Сэтгэгдэл (31)