Энэ удаагийн Сагсанбөмбөгийн ДАШТ Япон, Филлиппин, Индонез улсуудад нэгэн зэрэг зохион байгуулагдаж байна. Тэмцээний эхний шатны гурав дахь тоглолт удахгүй эхэлнэ. Тэгвэл бид та бүхэнд хоёр тоглолтын дараах байдлаар А, В, С, D хэсгийг хошуучилж буй багуудыг танилцуулж байна. 

А хэсэг 

Тэмцээний А хэсэг Филиппин, Ангол, Доминикан, Итали улсууд багтаж байна. Хоёр тоглолтын дараах байдлаар Доминикан улсын шигшээ баг хоёр хожилтойгоор хүснэгтийг хошуучилж байгаа бол Итали, Ангол улсууд нэг хожилтойгоор удаалж байна. Харамсалтай нь зохион байгуулагч эзэн орны нэг Филиппинийн шигшээ баг хоёр хожигдолтойгоор сүүл мөшгиж буй. 

Тодруулбал, Доминиканы шигшээ баг Филиппинийн шигшээ багийг 87:81 харьцаатай, Италийн шигшээ багийг 87:82 харьцаатай хожсон. Харин Италийн шигшээ баг Анголын шигшээ багийг 81:67 харьцаатай илүүрхсэн бол Анголын шигшээ баг Филиппинийн шигшээ багийг 80:70 харьцаатай буулган аваад байна. 

В хэсэг 

Уг хэсэгт Өмнөд Судан, Серби, БНХАУ, Пуэрто Рико улс багтаж байна. Одоогоор Сербийн шигшээ баг хоёр хожилтой тэргүүлж, Пуэрто Рико, Өмнөд Суданы багууд нэг хожилтой удаалж байгаа бол БНХАУ-ын шигшээ баг нэг хожилгүй байгаа. 

Хоёр тоглолтын үр дүнгээр Сербичүүд БНХАУ-ын шигшээ багийг 105:63 харьцаатай, Пуэрто Рикогийн шигшээ багийг 94:77 харьцаатай хожсон. Харин Пуэрто Рикогийн шигшээ баг Өмнөд Суданы багийг 101:96 харьцаатай, Өмнөд Суданы шигшээ баг БНХАУ-ыг 89:69 харьцаатай ялжээ. 

С хэсэг 

С хэсэгт сагсанбөмбөгийн эх орон АНУ-ын шигшээ баг, Йордан, Грек, Шинэ Зеландын шигшээ багийн хамтаар багтжээ. Одоогоор АНУ-ын шигшээ баг хоёр хожилтой хүснэгтийг өнгөлж, Грек, Шинэ Зеландын шигшээ багууд нэг хожилтой удаалж байгаа бол Йорданы шигшээ баг нэг ч хожигдолгүй сүүл мөшгиж байна. 

Хоёр тоглолтын дараах байдлаар АНУ-ын шигшээ баг Шинэ Зеландыг 99:72, Грекийг 109: 81 харьцаатайгаар ялжээ. Харин Грекийн шигшээ баг Йорданыг 92:71, Шинэ Зеландын шигшээ баг Йорданыг 95:87 харьцаатайгаар ялав. Сүүлийн тоглолтод АНУ Йорданын шигшээг ялах нь нэгэнт тодорхой тул хэсгээ тэргүүлэх нь мэдээж. Харин үлдсэн хоёр багийн аль хожсон нь хэсгээсээ хоёрдугаар байраар гарах чухал тоглолтыг өнөөдөр хийх болно. 

D хэсэг 

Энэ хэсэгт Египт, Мексик, Монтинегро, Литва улсууд багтжээ. Хэсгийг хоёр хожилтойгоор Литва, Монтинегро улсын шигшээ багууд хоёр хожилтой хошуучилж байгаа бол Мексик, Египтийн шигшээ багууд хэсгээсээ гарах зүтгэлээ талаар болгов. 

Л.Сайнаа