УИХ-ын гишүүн, Гадаад харилцааны сайд, МАН-ын ерөнхий нарийн бичгийн дарга асан Г.Занданшатар АНУ-д зам тээврийн осолд орж хүнд бэртэл авсан билээ. Түүний гар хөл хугарч, толгойдоо бэртэл авсны улмаас хэдэн өдрийн турш ухаангүй байсан талаар цочирдом мэдээллийг эх сурвалж өгч байсан. Тэгвэл удаан хугацааны турш эмчилгээ хийлгэж байгаа Г.Занданшатарын бие сайжирч байгаа бололтой. Учир нь тэрбээр өнөөдөр өөрийн твиттер хуудсаараа "өглөөний мэнд" хэмээн жиргээчидтэйгээ мэндчилжээ. Г.Занданшатарын бие эрүүл мэндэд сэтгэл зовниж байсан олон хүнд энэ нь баяртай үйл явдал болж байна.