Төрийн эрхийг хууль бусаар авахыг санаархсан гэх үндэслэлээр хоёр жил гаруй хугацаанд шалгагдаж, эцэст нь цагаатгагдсан Г.Бадамрагчаа дөнгөж сая мэдээлэл хийлээ.

2014 оны гуравдугаар сард шүүх бүрэлдэхүүн О.Цэнгэл, Г.Бадамрагчаа нарын гурван хүнд холбогдох хэргийг авч хэлэлцээд гэмт хэргийн бүрэлдэхүүнгүй гэж үзэж, хэрэгсэхгүй болгосон юм.

Кино найруулагч Г.Бадамрагчааг “Цагдаагийн тангараг” киногоороо дамжуулж төрийн эрхийг санаатайгаар булааж авахыг оролдсон, залуусыг тусгайлан бэлтгэсэн гэж Тагнуулын ерөнхий газраас сэжигтнээр тооцон шалгагдсан юм. Тэгвэл тэрбээр Тагнуулын ерөнхий газрын Сөрөх тагнуулын газрын дарга Д.Цогтбаатарыг санаатайгаар түүнийг хэлс хэрэгт гүтгэсэн хэмээн шалгуулахаар АТГ-т хандаад байгаа юм.

Ингээд түүнээс зарим зүйлийг асууж тодрууллаа.

-Өнөөдрийн хэвлэлийн хурал хийж байгаа гол зорилго?
-Шүүх хурал өнгөрсөн 2 сарын 28-нд болоод намайг гэм буруугүй гэдгийг тогтоож, цагаатгасан. Харин бид бүтэн хоёр жилийн хугацаанд бүх ажил хөдөлмөр, цаг хугацааг алдсан. Тиймээс бид хэн гэгч биднийг гүтгэж, хоёр жилийн хугацаанд хэлс хэрэгт унагав гэдгийг тогтоолгохыг хүссэн. Улмаар цаад эзнийг нь тогтоолгохоор УЕПГ, АТГ, Тагнуулын ерөнхий газарт хандсан. УЕПГ-аас гуравн хоногийн дараа уг асуудлыг харьяалалын дагуу Нийслэлийн прокурорын газарт шилжүүллээ гэсэн бичиг өгсөн. АТГ-аас нэг удаа дуудаж мэдүүлэг, тайлбарыг авсан.

Гэвч хамгийн гол асуудал нь хөдөө орон нутгаар явж уран бүтээлээ хийж байгаа хүрээлд иртэл хэвлэл мэдээллийн хэрэгслээр Д.Цогтбаатар гэдэг нөхөр "Г.Бадаррагчаагийн хэрэг жинхэнэ гэмт хэрэг байсан байхад хуйвалдаад дарчихлаа" гэх мэтээр нэр төрд халдсан мэдэглүүд хийсэн байна. Харин Д.Цогтбаатар өөрөө үндэсний баатрын хэмжээнлд оччихсон байсан. Зарим иргэд ч гэсэн намайг Д.Цогтбаатарыг хэлмэгдүүлсэн байдлаар үзэж байгаа нь харагдсан.Тэгэхээр миний хувьд уг асуудлаар энэ чигээр нь ажиглаад байвал намжиж, замхарч алга болно гэж бодлоо. Тиймээс хүнийг хэлмэгдүүлдэг хүмүүсийг хариуцлага хүлээлгэхийг хүсч хэвлэл мэдээллийн хэрэгсэлд хандаж байна.

Ер нь иргэн хүнийг хуулийнхан хэлмэгдүүлж болохгүй гэдгийг энэ асуудлаар харуулмаар байгаа юм.

-Д.Цогтбаатар хамгийн анх таныг баривчилж байцааж шалгаж байсан хүн юм уу. Яаж та хоёр холбогдсон юм?
-Анхнаасаа намайг Эрүүгийн хуулийн 82.1 гэх өмнө нь сонсогдож байгаа зүйл ангиар хорьсон. Энэ зүйл ангид "Хувьсгал хийж,  төр эргүүлэх" гэсэн утгатай. Улмаар Ганц худагт хорьсоны дараа батлан даалтад гараад хоёр жилийн дараа шүүх хурал болсон.

Миний хувьд Тагнуулын ерөнхий газрын Сөрөх тагнуулын газрын дарга Д.Цогтбаатар гэх хүнийг танихгүй. Хамгийн анх намайг барьж хорьж байхад л Д.Цогтбаатар "Чи энэ хэргийг хүлээ. Эсвэл тэр О.Цэнгэлийг гэрчилж өг" гэм намайг тулгаж байсан. Харин АТГ болоод хуулийнханд биднийг гүтгэсэн хүнийг тогтоож өгөөч гэсэн өргөдлийг дагуу Д.Цогтбаатарыг барьсан байх.

-Таны өргөдөл гомдлын дагуу Д.Цогтбаатарыг яг шалгаж байгаа болов уу?
-АТГ л ажлаа хурдан сайн хийж өгөхгүй бол эргээд миний нэр хүндэд халдаад эхэлж байна. Өөрөөр хэлбэл, би гэмгүй явж байсан хүнийг хэлээд хориулчихсан юм шиг байдалтайгаар хандаж эхэлж байгаа юм.