Улаанбаатарт өдөртөө 25 хэмийн дулаан байна

Завхан аймгийн Их-Уул сумын төвөөс урд зүгт 45 км-т Цэцүүх багийн “Солонготын даваа”-нд Улаанбаатар хотоос Завхан аймгийн Дөрвөлжин сум руу химийн бүтээгдэхүүн тээвэрлэж явсан “Си Ар Си Ар Ти”

Өчигдөр Монгол банк 608 кг алт худалдан авсан нь жирийн өдрийнхөөс 6 дахин их алт худалдан авсан үйл явдал болжээ

Монгол Улсын Ерөнхийлөгчийн санаачилгаар Ерөнхийлөгчийн Тамгын газар, Үндэсний аюулгүй байдлын зөвлөлийн Ажлын алба, Хүнс, хөдөө аж ахуй, хөнгөн үйлдвэрийн яам, Монголын Хүнсчдийн холбоо, Нэгдсэн Үндэстний Байгууллагын Хүнс, хөдөө аж ахуйн байгууллага хамтран Монгол Улсын Хүнсний аюулгүй байдлын Үндэсний чуулганыг өнөөдөр Төрийн ордны Их танхимд зохион байгуулав.

Хүнсний аюулгүй байдлын Үндэсний чуулганы төгсгөлд зөвлөмж гаргаж, Монгол Улсын Ерөнхийлөгчийн Тамгын газрын дарга З.Энхболд хааж үг хэллээ.

Монгол Улсын Ерөнхийлөгчийн Тамгын газрын дарга З.Энхболд хэлсэн үгэндээ:

“Монгол Улсын Хүнсний аюулгүй байдлын чуулганы зочид төлөөлөгчид, хүнсний үйлдвэрлэгчид Та бүхний энэ өдрийн мэндийг айлтгая.

Монгол Улсын Үндэсний аюулгүй байдлын үзэл баримтлалын 3.2 дахь хэсэгт зааснаар хүнсний аюулгүй байдлыг хангах нь монгол хүний аюулгүй байдлыг хангах үндэс мөн.

Монгол Улсын Ерөнхийлөгч Халтмаагийн Баттулгын санаачилгаар “Монгол Улсын Хүнсний аюулгүй байдлын Үндэсний чуулган”-ыг Ерөнхийлөгчийн Тамгын газар, Хүнс, хөдөө аж ахуй, хөнгөн үйлдвэрийн яам, Монголын Хүнсчдийн холбоо, Нэгдсэн Үндэстний Байгууллагын Хүнс, хөдөө аж ахуйн байгууллага хамтран амжилттай зохион байгууллаа. Чуулганы хүрээнд:

1. “Мах, махан бүтээгдэхүүн, өндөг, гахай, тахианы мах үйлдвэрлэгчдийн тулгамдсан асуудал, тэдгээрийг шийдвэрлэх арга зам”;

2. “Сүү, ус, ундаа, тос үйлдвэрлэгчдийн тулгамдсан асуудал, тэдгээрийг шийдвэрлэх арга зам”;

3. “Төмс, хүнсний ногоо, гурил, гурилан бүтээгдэхүүн үйлдвэрлэгчдийн тулгамдсан асуудал, тэдгээрийг шийдвэрлэх арга зам”;

4. “Монгол хүний эрүүл мэнд - Хүнсний аюулгүй байдал” сэдэвт дөрвөн салбар хуралдаан, хэлэлцүүлгийг Ерөнхийлөгчийн дэргэдэх Иргэний танхимд зохион байгуулсан юм.

Салбар хуралдаан, хэлэлцүүлгээс гарсан санал, үр дүнг нэгтгэн өнөөдөр Үндэсний чуулганд хэлэлцүүллээ. Мөн чуулганаас Монгол Улсын хүнсний аюулгүй байдлыг хангахад хууль эрхзүйн орчин, дотоодын үйлдвэрлэлийг сайжруулах, хүнсний хяналт, хэрэглэгчдийн хүнсний тухай мэдлэг, боловсролыг дээшлүүлэх талаар зөвлөмж гаргасан нь сайшаалтай байна. Зөвлөмжид бидний сайн мэдэх бөгөөд хэрэгжих боломжтой асуудлууд тусжээ.

Тухайлбал:

Олон жилийн турш ужигран яригдаж байгаа арьс ширний үйлдвэрийг нийслэл хотоос гарган Арьс ширний үйлдвэрийн цогцолбор байгуулах асуудал бол байгаль орчин төдийгүй хүнсний аюулгүй байдлыг хангахад даруй эцэслэн шийдэх ёстой, шийдлээ хүлээсэн ноцтой асуудал болж байна. Арьс ширний үйлдвэрээс гарсан хаягдал нь нийслэл хот төдийгүй Туул гол дагасан сав газрын хүн, малын эрүүл ахуйд сөрөг нөлөөлөл үзүүлсээр байгаа.

Хил гаалиар орж ирж байгаа импортын хүнсний бүтээгдэхүүнийг шинжлэх хилийн боомт дахь хүнсний хяналтын лабораторийг байгуулах, чадавхжуулах;

Хүнсний бүтээгдэхүүний хадгалалт, тээвэрлэлт, борлуулалт буюу хүнсний салбарын ложистикт хөрөнгө оруулалт хийх замаар аюулгүй байдлыг хангах, хяналтыг сайжруулах;

Хүнсний бүтээгдэхүүний үндэсний үйлдвэрлэгчдийг төрөөс бодлогоор дэмжих, урт болон дунд хугацааны хөнгөлөлттэй зээлд хамруулах боломжийг нэмэгдүүлэх, хууль эрхзүйн орчинг сайжруулах, уян хатан тогтолцоог бий болгох;

Цэцэрлэгт хамрагдаж байгаа хүүхдүүд болон дотуур байранд амьдарч байгаа сурагчдын хоол унд, бага ангийн сурагчдын “Үдийн цай” хөтөлбөрт төрөөс нэг жилд зарцуулж буй 105 тэрбум төгрөгийг дотоодын хүнсний бүтээгдэхүүнд зарцуулах зэргийг ажил хэрэг болгон хэрэгжүүлэх зайлшгүй шаардлагатай байна.

Зөвлөмжид дурдсан асуудлыг ажил хэрэг болгоход Ерөнхийлөгч болон түүний Тамгын газрын зүгээс анхаарч ажиллана гэдгийг хэлье.

Эцэст нь аль ч салбарын асуудал эрхэлсэн төрийн захиргааны төв байгууллагын удирдлага, сайд нар аливаа асуудлыг хугацаатайгаар шийдэх буюу зарласан, төлөвлөсөн хугацаанд шийдвэрлэж чадаагүй тохиолдолд хариуцлага хүлээдэг тогтолцоог бий болгож, нэвтрүүлэхийг уриалж байна. Тухайлбал, дээр дурдсан арьс ширний үйлдвэрүүдийг хотоос гаргах асуудлыг 2018 онд багтаан шийдвэрлэх хугацаат үүрэг авч ажиллах, биелүүлж чадаагүй тохиолдолд зохих хариуцлага хүлээх нь зүйтэй.

Чуулганаас гарсан үр дүнг нэгтгэн, зөвлөмжийг ажил хэрэг болгох хүрээнд ажлын төлөвлөгөө боловсруулж, холбогдох төр засгийн болон төрийн бус байгууллагууд, холбоодтой хамтран ажиллах болно.

Монгол Улсын Хүнсний аюулгүй байдлын чуулган үүгээр өндөрлөж байна. Үндэсний чуулганаар хэлэлцсэн асуудлуудыг үндэсний хэмжээний бодлого болгон ажиллах, хэрэгжүүлэх үүргийг чуулганд оролцогч Та бүхэн хүлээж байгааг сануулъя.

Та бүхэнд баярлалаа” гэлээ.

Хүнсний аюулгүй байдлын Үндэсний чуулганаас гаргасан зөвлөмжид

“Монгол Улсын Ерөнхийлөгчийн санаачилгаар Ерөнхийлөгчийн Тамгын газар, Үндэсний аюулгүй байдлын зөвлөлийн Ажлын алба, Хүнс, хөдөө аж ахуй, хөнгөн үйлдвэрийн яам, Монголын Хүнсчдийн холбоо, Нэгдсэн Үндэстний Байгууллагын Хүнс, хөдөө аж ахуйн байгууллага хамтран зохион байгуулсан “Монгол Улсын хүнсний аюулгүй байдлын Үндэсний чуулган”-д оролцогчид бид Монгол Улсын хүнсний аюулгүй байдлын бодлого, удирдлага, зохион байгуулалтад санал, дүгнэлт өгөх, дотоодын үйлдвэрлэл эрхлэгчдээ дэмжин туслах, хүнсний аюулгүй байдлыг хангахад тодорхой бодит шийдвэр гаргах төдийгүй Монгол Улсын цаашдын хөгжил, үндэсний аюулгүй байдал, хүн амын эрүүл мэндийг дэмжин хамгаалах чухал зорилго болохыг онцлон тэмдэглэж, энэхүү зөвлөмжийг гаргаж байна. Үүнд:

Нэг. Эрх зүйн хүрээнд.

Хүнсний бүтээгдэхүүний аюулгүй байдлыг хангах тухай хуулийг шинэчлэх хүрээнд: Баталгаагүй хоол хүнсний талаарх ноцтой мэдээллийг цаг алдалгүй олон нийтэд хүргэх, хүнсний аюулгүй байдлын талаар сургалт сурталчилгааг хуулийн хүрээнд үнэ төлбөргүй бүх телевиз, радиогоор тогтсон цаг хугацаанд явуулдаг байх, эрүүл бус хүнсний талаарх зар сурталчилгааг хориглох эрх зүйн орчинг бүрдүүлэх;
Хүнсний шим тэжээлийн тухай хуулийг боловсруулах;
Монгол Улсын хөдөө аж ахуйн бүтээгдэхүүн үйлдвэрлэлийн үндэс болсон монгол малын эрүүл мэндийг хамгаалах, эрүүлжүүлэх үндэсний аян санаачлан хэрэгжүүлэх;
Сургуулийн өмнөх боловсролын байгууллагын хоол, хүнс, сургуулийн бага ангийн сурагчдын “Үдийн цай”-ны асуудлыг хууль эрх зүй, тогтолцооны хүрээнд дотоодын үйлдвэрлэгчдийн бүтээгдэхүүнээр хангаж байхаар шийдвэрлэх;
Уур амьсгалын өөрчлөлтийн нөлөөгөөр хуурайшилтийн цар хүрээ нэмэгдэж, үржил шимтэй газар нутгийн хэмжээ багасч байгаатай холбогдуулан хамгийн үржил шимтэй газар нутаг болох Дорнодын Халх голыг Газар тариалангийн “үүц” газар болгон хадгалах хууль эрх зүйн орчинг бүрдүүлэх.
Хоёр. Засгийн газарт.

Хилийн боомт дээрх хүнсний хяналтын лабораторийг байгуулах, чадавхжуулах;
Хүнсний сүлжээний бүх үе шатуудад зохистой дадлыг заавал нэвтрүүлж мөрдөх;
Монгол хүүхдийн эрүүл мэндийг дэмжих, хоногт авах сүү, цагаан идээний зохистой хэрэглээг нэмэгдүүлэх зорилгоор Монгол Улсын Засгийн газрын 2016-2020 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөнд тусгагдсаны дагуу “Үдийн цай” хөтөлбөрт Ерөнхий боловсролын сургуулийн хүүхдэд “өдөрт нэг аяга сүү”, сүү, сүүн бүтээгдэхүүний хэмжээг 200 граммд хүргэх арга хэмжээг дэмжин хэрэгжүүлэх;
Хүнс, хөдөө аж ахуйн үйлдвэрлэл эрхлэгчдийг дэмжих банкны уян хатан нөхцөлтэй урт, богино хугацааны зээл олгох талаар судлах;
Лабораторийн хог хаягдлыг устгах хүрээнд химийн хортой болон аюултай хог хаягдлын менежементийг сайжруулах, устгах байгууламж байгуулах;
Хөдөө аж ахуйн түүхий эд бэлтгэлийн нэгдсэн, оновчтой тогтолцоо бүрдээгүй, жирийн тариаланчдаас худалдааны сүлжээ байгууллагуудад хүргэх оновчтой ложистикийн тогтолцоог бүрдүүлэх;
Арьс шир боловсруулах үйлдвэрүүд нь хөрс, хүн амын ус хангамжийн эх үүсвэрийг бохирдуулж байгаатай холбогдуулж арьс ширний үйлдвэрүүдийг Улаанбаатар хотоос гаргах.
Гурав. Хүнсний хяналтыг дээшлүүлэх.

Импортын хүнсний бүтээгдэхүүнийн гарал үүслийн бүртгэлжүүлэлтийн хяналтыг чангатгах;
Хүнсний хяналтын бүтэц зохион байгуулалт, тогтолцоог сайжруулах хүрээнд Хүнс, эмийн агентлагийг байгуулах.
Дөрөв. Хэрэглэгчдийн хүнсний тухай мэдлэг, боловсролыг дээшлүүлэх чиглэлээр.

Хэрэглэгчдийн мэдлэг, боловсролыг дээшлүүлэх хүрээнд Ерөнхий боловсролын сургалтын хөтөлбөрт хоол, хүнсний талаарх хичээл оруулах;
Хүн амын эрүүл мэндийн болон хүнсний хэрэглээний боловсролыг сайжруулах чиглэлээр холбогдох төрийн байгууллагын үйл ажиллагааг идэвхижүүлэх;
Хүнсний аюулгүй байдлыг сайжруулах зорилгоор олон нийт, төрийн болон төрийн бус байгууллагуудын хамтын ажиллагааг сайжруулж, төрийн байгууллагын зарим ажил үйлчилгээг төрийн бус байгууллагуудад шилжүүлж, салбарын мэргэшсэн боловсон хүчний нөөц бололцоог ашиглах хэрэгтэй байна” гэсэн байна.
Монгол Улсын Ерөнхийлөгчийн санаачилгаар зохион байгуулсан Монгол Улсын Хүнсний аюулгүй байдлын Үндэсний чуулган ийнхүү амжилттай өндөрлөв.

Нийслэлийн хүүхэд, гэр бүлийн хөгжлийн газар УДБЭТ-тай хамтран хүүхдүүдэд сонгодог урлагийн боловсрол олгох зорилгоор хамтарсан хөтөлбөр хэрэгжүүлж байгаа бөгөөд уг хөтөлбөрийн хүрээнд 5 удаагийн тоглолт зохион байгуулсан юм.

Энэ удаа театрын хамт олон соёл урлагийн ажилтны өдрийг тохиолдуулан “Хүмүүнлэг монголын соёлтой ирээдүйн төлөө” зорилтын дор Үндэсний сонгодог бүтээл тоглоно.

Энэ жил соёл урлагийн ажилтны баярыг 2017 оны есдүгээр сарын 9-16-ны хооронд БСШУСЯ-ы СБЗГазар болон Засгийн газрын хэрэгжүүлэгч агентлаг Соёл урлагийн газраас гаргасан удирдамжийн дагуу зохион байгуулах гэж байна.

Тус театрын хамт олон энэхүү баяраар соёл урлагийн салбарын нийгмийн хариуцлагын манлайллыг хэрэгжүүлэх сайн дурын үйл ажиллагааг сүүлийн 3 жил тасралтгүй зохион байгуулж, жил бүр нийгмийн зорилтот бүлгийг сонгон авч “Хүмүүнлэгийн тоглолт, арга хэмжээ”-г өргөн барьдаг уламжлалтай.

Энэ сарын 13 буюу маргааш 14.00 цагт нийслэлийн хэмжээнд үйл ажиллагаа явуулдаг 30 гаруй асрамжийн газрын хүүхдүүд, тусгай сургалттай 29, 55, 25, 116-р сургуулийн сурагчдыг уг үйл ажиллагаанд хамруулж, тэдэнд монголын үндэсний сонгодог бүтээл болох Б.Дамдинсүрэн “Учиртай гурван толгой” дуурийг танилцуулан үзүүлж тоглолт зохион байгуулах гэж байна. Тоглолтын үеэр уран бүтээлчид үзэгчидтэйгээ уулзаж, хүүхэд багачууддаа халуун сэтгэлийн урмын үгтэй дурсгалын зүйлс, сонгодог урлагийн талаар мэдээлэл бүхий танилцуулга бэлэглэж, дурсгалын зураг авахуулна гэж нийслэлийн Хүүхэд, гэр бүлийн хөгжлийн газраас мэдээллээ.

Нийгмийн эмзэг бүлгийн иргэдэд хууль зүйн туслалцаа үзүүлэх өдөрлөгийг энэ сарын 14-29-ний өдөр зохион байгуулахаар болжээ.

Ургацын урьдчилсан балансаар дотоодын нийт хэрэгцээнийхээ 48 хувийг алдана гэсэн тооцоо гарчээ

Монгол Улс одоогоор 148 улстай худалдаа хийж, экспортоор 4.1 тэрбум ам.доллар, импортоор 2.8 тэрбум ам.доллар эргэлтэд оруулаад байна.

Гадаад харилцааны дэд сайд Б.Батцэцэг Канад Улсаас Монгол Улсад суух Элчин сайд Дэвид Спролыг

Баянгол дүүргийн есдүгээр хорооны зургадугаар гудамжны үзүүрт үл таних хүн хутгалсан гэх дуудлага цагдаагийн хэсэгт иржээ.

Тархины судасны аневризм /цүлхэн/ хэмээх өвчнөөр 2012 онд нас барсан 13 настай охин эд эрхтнүүдээ хандивлан найман хүн, тэдний дотор таван

Олон улсын тогооч нарын тэмцээн 34 дэх жил зохион байгуулагдаж ирсэн бөгөөд Монгол Улсад анх удаа “CHINGGIS KHAAN’S CHALLENGE CUP 2017” нэртэйгээр 2017 оны 09 сарын 06-07-ын өдрүүдэд Улаанбаатар хотноо зохион байгуулагдлаа. Олон улсын тогооч нарын насанд хүрэгчдийн энэхүү тэмцээнийг Дэлхийн тогооч нарын холбоо, Монголын мастер тогооч нарын холбоо, Монголын Кулинарын холбоо, Монголын хоол үйлдвэрлэл, үйлчилгээний салбарын мэргэжлийн нэгдсэн холбоо, МҮХАҮТ, ХХААХҮЯ болон бусад мэргэжлийн холбоо, байгууллагуудтай хамтран зохион байгуулсан юм.

Олон улсын тогооч нарын тэмцээн Төв Азид анх удаа болж байгаагаараа онцлог бөгөөд тэмцээний гол зорилго нь Олон улсын шилдэг тогооч нараар дамжин монгол хоолны соёлыг дэлхийд таниулах, хөрөнгө оруулалт, аялал жуулчлал, худалдааг хамгийн ихээр татдаг хоол үйлдвэрлэлийн салбарыг хөгжүүлэх, олон улсын хамтын ажиллагааг өргөжүүлэхэд оршино.

Арабын нэгдсэн Эмират улсын Абу Даби хотод 10 дугаар сард болох ”Дэлхийн ур чадвар”-ын тэмцээнд тогоочийн төрөлд оролцох, Технологийн Политекник коллежийн дөрөвдүгээр курсийн суралцагч Б.Дагвасүрэн олон улсын тэмцээний удирдамжийн нэг модуль /даалгавар/-иар оролцож, мөнгөн медаль хүртжээ. Тэмцээний шүүгчээр Монгол, Турк, Солонгос, Румын, Энэтхэг улсын Олон улсын эрхтэй шүүгчид, оролцогчоор Монгол, Турк, Солонгос, Румын, Энэтхэг, Орос, Хятад улсын тогооч нар оролцсон байна.

тратеги академи” ТББ-аас улсын болоод хувийн их, дээд сургууль, МСҮТ-ийн оюутан, суралцагчдын дунд “Мэргэжлээ хэрхэн сонгосон бэ” эссэ бичлэгийн уралдааныг зарласан байна.

Энэхүү уралдаан нь монголын ирээдүй болсон оюутан залуусын мэргэжлээ сонгох болсон шалтгаан, мэргэжлээ эзэмшсэний дараах амьдралын зорилго, төсөөллийг тодруулах зорилготой ажээ.

Уралдаанд оролцох эссэ бичлэгийг есдүгээр сарын 11-20-ны өдрүүдэд Тусгаар тогтнолын ордоны 5 давхар, 512 тоотод бичгээр, эсвэл strategyacademysa@gmail.com хаягаар онлайнаар хүлээн авах бөгөөд материалынхаа эхэнд овог нэр, холбогдох утасны дугаар, суралцаж буй сургууль, ангиа тодорхой бичих шаардлагатай юм.

Түүнчлэн таны эссэ 1000-1200 үгэнд багтсан, Arial Mon, Arial фонтоор, үсгийн хэмжээ-12, мөр хоорондын зай 1,0 стандартаар бичигдсэн, найруулга зүй болон хэлзүйн ямар нэгэн алдаагүй байхыг анхаарна уу.

Бүргэдийн тоо толгойг өсгөх, бүргэдээр ан хийх уламжлалыг хэвээр нь хадгалах зорилготой бүргэдийг байгальд нь эргүүлэн тавих ёслолыг монголчууд анх удаагаа зохион байгуулах гэж байна. Энэхүү ёслолын ажиллагаа есдүгээр сарын 24-ний өдөр Баян-Өлгий аймгийн Улаанхус сумын “Алмакөк” толгойд болох бөгөөд Баян-Өлгий аймгийн Нутгийн зөвлөлийн дэргэдэх “Алмакөк” бүргэдчдийн холбооны 40 гаруй гишүүн оролцох ажээ.

Баруун хязгаар тэр дундаа Казах түмний уламжлалт “Бүргэдийн баяр” жил бүр хүрээгээ тэлж, гадаад дотоодын жуулчдын сонирхлыг ихээр татахын хэрээр түүнийг дагасан олон сөрөг үр дагаврууд гарах болсон байна. Тухайлбал, өмнө нь ихэнхдээ эм бүргэдийг барьж, удаан хугацаагаар гаршуулдаг байсан бол сүүлийн үед зарим хүмүүс эрэгчин бүргэдийг жуулчдад харуулж, сонирхуулах зорилгоор ашигладаг болсон нь бүргэдийн тоо толгой өсөх боломжийг хязгаарлаж, бүргэдийг гаршуулж сургах үндсэн уламжлал алдагдахад хүргээд байгаа аж. Тиймээс “Алмакөк” бүргэдчдийн холбооныхон дөрвөөс дээш жил гаршуулсан эр бүргэдийг эргүүлэн тавих, ашгийн бус үйл ажиллагааг санаачлан анх удаагаа ийнхүү хэрэгжүүлэхээр болсон байна.

Энэхүү арга хэмжээг жил бүр зохион байгуулах юм байна. Тус арга хэмжээний хөтөлбөрийг толилуулъя.

Баянзүрх дүүргийн иргэдийн Төлөөлөгчдийн Хурлын 2016 оны сонгуулийн үр дүнгийн улмаас дүүргийн Засаг даргын томилгоотой холбогдон үүссэн маргаан өнөөг хүртэл үргэлжилж тус дүүргийн Засаг дарга албан ёсоор томилогдоогүй байгаа билээ.

Улаанбаатар хотод өнгөрсөн сард ХДХВ/ДОХ-ын 2 тохиолдол бүртгэгджээ. Өнөөдрийн байдлаар Улсын хэмжээнд ДОХ-ын 243 тохиолдол бүртгэгдээд байна.

Баянзүрх дүүргийн иргэдийн Төлөөлөгчдийн Хурлын 2016 оны сонгуулийн үр дүнгийн улмаас дүүргийн Засаг даргын томилгоотой холбогдон үүссэн маргаан өнөөг хүртэл үргэлжилж тус дүүргийн Засаг дарга албан ёсоор томилогдоогүй байгаа билээ. Баянзүрх дүүргийн иргэдийн Төлөөлөгчдийн Хурлын МАН-ын болон АН-ын бүлэг тус тусдаа хуралдан өөр, өөрийн намаас нэр дэвшигчдийг Баянзүрх дүүргийн Засаг даргад нэр дэвшүүлээд байна. Үүсээд байгаа нөхцөл байдлыг хуулийн дагуу шийдвэрлэхээр Нийслэлийн Засаг дарга бөгөөд Улаанбаатар хотын Захирагч С.Батболд өөрийн орлогч Д.Энхтөрийг бие төлөөлөгчөөрөө томилон, төрийн ажлыг ямар нэг гацаа, чирэгдэлгүй явуулах үйл ажиллагааг авч хэрэгжүүлсэн бөгөөд 2017 оны 9 дүгээр сарын 5-ны өдрийн 01/3049 тоот албан бичгээр Баянзүрх дүүргийн иргэдийн Төлөөлөгчдийн хуралд хариу хүргүүлсэн байна. Дашрамд дурдахад, Баянзүрх дүүргийн иргэдийн Төлөөлөгчдийн Хурлын зарим төлөөлөгчид сонгуулийн үеэр иргэдийн саналыг татах зорилгоор мөнгө тараасныг шат, шатны Эрүүгийн хэргийн шүүх тогтоосон болно.

Авто захуудыг хотоос нүүлгэхийг иргэдийн 96.2 хувь дэмжсэн гэв

Улсын хэмжээнд энэ оны эхний найман сард 48.2 мянган эх амаржжээ. Энэ нь өмнөх оны мөн үеэс 4261-ээр буурсан үзүүлэлт юм.

Онцгой байдлын ерөнхий газрын 14 дүгээр шуурхай зөвлөгөөн өнөөдөр боллоо. Шуурхай зөвлөгөөнийг ОБЕГ-ын дарга, хошууч генерал Т.Бадрал удирдан явууллаа.