2017.08.07 / БИЛГИЙН ТООЛЛЫН 15
ЗУНЫ АДАГ УЛААГЧИН ХОНЬ САРЫН
НАЙМАН ЦАГААН МЭНГЭТЭЙ УЛААН БАР ӨДӨР
Үс засуулбал: Өлзийтэй сайн
Наран ургах, шингэх: 05.40-20.14
Барилдлага: Идэр
Шүтэн барилдлага: Төрөхүй
Суудал: Мод
Аргын тооллын 8 сарын 7, Сумъяа гараг. Билгийн тооллын 15, Булаагч одтой, улаан бар өдөр. Өдрийн наран 5 цаг 40 минутад мандан, 20 цаг 14 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сан тавиулах, угаал үйлдэх, амьлуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Намрын уур орох улирал 16 цаг 32 минутад эхэлнэ. Үс шинээр үргээлгэх буюу засуулбал өлзийтэй сайн.

2017 оны 08 дугаар сарын 05-ны 20 цагаас 08 дугаар сарын 06-ны 20 цаг
хүртэлх цаг агаарын урьдчилсан мэдээ:



БАРУУН АЙМГУУДЫН НУТГААР: Үүлшинэ. Шөнөдөө зарим газраар, өдөртөө ихэнх нутгаар бороо орно. Дуу цахилгаантай. Салхи баруун өмнөөс хойш эргэж секундэд 7-12 метр, борооны өмнө салхи түр зуур ширүүснэ. Алтай, Хангайн уулархаг нутгаар шөнөдөө 6-11 градус, өдөртөө 20-25 градус, Эхийн голын Баянбүрд орчмоор шөнөдөө 19-24 градус, өдөртөө 29-34 градус, бусад нутгаар шөнөдөө 12-17 градус, өдөртөө 25-30 градус дулаан байна.
ТӨВИЙН АЙМГУУДЫН НУТГААР: Үүлшинэ. Хангай, Хөвсгөл, Хэнтийн уулсаар бороо орно. Дуу цахилгаантай. Салхи баруун хойноос секундэд 6-11 метр, борооны өмнө салхи түр зуур ширүүснэ. Хангай, Хөвсгөл, Хэнтийн уулархаг нутгаар шөнөдөө 5-10 градус, өдөртөө 18-23 градус, бусад нутгаар шөнөдөө 12-17 градус, өдөртөө 26-31 градус дулаан байна.

ЗҮҮН АЙМГУУДЫН НУТГААР: Солигдмол үүлтэй. Нутгийн зүүн хэсгээр бороо орно. Дуу цахилгаантай. Салхи зүүн хойноос секундэд 7-12 метр. Шөнөдөө бүх нутгаар 11-16 градус, өдөртөө нутгийн баруун хэсгээр 21-26 градус, нутгийн зүүн хэсгээр 18-23 градус дулаан байна.



ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Бороо орохгүй. Салхи баруун хойноос секундэд 5-10 метр. Шөнөдөө 13-15 градус, өдөртөө 24-26 градус дулаан байна.



ГОВИЙН АЙМГУУДЫН НУТГААР: Үүлшинэ. Шөнөдөө бороо орохгүй. Өдөртөө нутгийн зүүн хэсгээр түр зуурын бороо орно. Дуу цахилгаантай. Салхи баруун хойноос секундэд 5-10 метр, өдөртөө зарим газраар секундэд 14-16 метр хүрч ширүүснэ. Шөнөдөө Дундговийн нутгаар 10-15 градус, бусад нутгаар 14-19 градус, өдөртөө бүх нутгаар 26-31 градус дулаан байна.



УЛААНБААТАР ХОТ: Үүлшинэ. Бороо орохгүй. Салхи баруун хойноос секундэд 6-11 метр. Шөнөдөө 13-15 градус, өдөртөө 26-28 градус дулаан байна.

“Даншиг наадам-Хүрээ цам 2017” шашин, соёлын наадам Төв цэнгэлдэх хүрээлэнд өнөөдөр хоёр дахь өдрөө үргэлжилж байна.



Өнөөдөр 18:50-19:00 цагийн хооронд Залбирал ерөөл айлдах тусгай хөтөлбөр Төв цэнгэлдэх хүрээлэн, цамын талбайд болсноор өнөөдрийн хөтөлбөр өндөрлөнө.



Тэгвал марааш Гандантэгчэнлин хийдэд Хүрээ жахар цамын хурал хурах, Гомбо, Чойжоо сахиус тахиж, Данраг хурах аж.

Наймдугаар сарын 21-26-нд Францын нийслэл Парист болох насанд хүрэгчдийн ДАШТ-д оролцох Украин улсын шигшээ багийн бүрэлдэхүүн тодорлоо. Украины эрэгтэйчүүдийн шигшээ багт 2013 оны ДАШТ-ий мөнгөн медальт, Алан Засеев, ДАШТ-ий хошой хүрэл медальт, 2013 оны Европын аварга Павел Олейник, ЕАШТ-ий медальт Андрей Яценко, Семен Радулов тэргүүтнүүд багтсан. Тэгвэл бүсгүйчүүд нь бүр хүчирхэг багийг Францын нийслэлд илгээхээр болжээ. Тодруулбал, ДАШТ-ий алт, хүрэл медальт, Европын хошой аварга Юлия Ткач, ДАШТ-ий алт, хүрэл медальт, ЕАШТ-ий хошой алт, мөнгө, хүрэл медальт, Екатерина Бурмистрова, ДАШТ-ий хүрэл медальт Татьяна Кит тэргүүтэй бүсгүйчүүд Парисын дэвжээнд зодоглоно.

УКРАИНЫ ШИГШЭЭ БАГИЙН БҮРЭЛДЭХҮҮН:
Эрэгтэйчүүдийн 57 кг: Андрей Яценко
61 кг: Иван Билейчук
65 кг: Гор Оганесян
70 кг: Семен Радулов
74 кг: Василь Михайлов
86 кг: Любомир Сагалюк
97 кг: Павел Олейник
125 кг: Ален Засеев
Эмэгтэйчүүдийн 48 кг: Оксана Ливач
53 кг: Ирина Гусяк
55 кг: Татьяна Кит
58 кг: Ирина Чихрадзе
60 кг: София Бондарь
63 кг: Юлия Ткач
69 кг: Алла Белинская
75 кг: Екатерина Бурмистрова

“Даншиг наадам-Хүрээ цам 2017” шашин, соёлын наадмын хүчит бөхийн барилдаан хоёр дахь өдрөө үргэлжилж байна.


Хүчит бөхийн барилдаанд Даншигийн аварга Р.Пүрэвдагва, начин О.Хангай, Э.Энхбат, Бо.Батжаргал, Д.Амар­сайхан, Б.Пүрэв­сайхан нарын 256 бөх хурд хүч, авхаалж самбаагаа сорьж байна.


Хүчит бөхийн барилдааны эхний дөрвөн даваа өчигдөр явагдсан. Харин өнөөдөр 5-9 даваа явагдана. Даншиг наадмаар улсын цол олгодоггүй бөгөөд Даншигийн начин, өсөх идэр начин, заан, арслан болон аварга цол олгох журамтай. Өнгөрсөн онд Р.Пүрэвдагва Даншиг наадмын хүчит бөхийн барилдаанд хоёр удаа түрүүлж, Даншигийн аварга цол хүртэж байсан билээ.

Сүхбаатар дүүргийн 5 дугаар хороо, “Өгөөж чихэр боов” ХХК-ийн уулзварын өргөтгөл, шинэчлэлтийн ажлын хүрээнд 2017 оны наймдугаар сарын 7-ны өдрийн 07:00 цагаас 2017 оны наймдугаар сарын 9-ний өдрийн 07:00 цагийн хооронд Үндсэн хуулийн гудамж, Сөүлийн гудамжны уулзварын тээврийн хэрэгслийн хөдөлгөөнийг хязгаарлах тул автозамын зорчих хэсгийг хаахаар болсон байна.

Иймд тус замаар дайран өнгөрдөг нийтийн тээврийн үйлчилгээний дараах чиглэлүүдэд түр хугацаанд өөрчлөлт орно. Үүнд:

Ч:9 “Нисэх-Нарны гүүр-Тэнгис кино театр-Хүнсний 4-р дэлгүүр”
Ч:21а “Булгын 19-р гудамж- Вокзал-3,4-р хороолол”
Ч:21б “Булгын 19-р гудамж-3,4-р хороолол-Вокзал”
Ч:27 “Вокзал-Бөмбөгөр-Өвөр согоот”,
Ч:29 “Сэлбэ амралт-МУБИС-Вокзал”
Ч:43 “Баянхошуу-Ард кино театр-ТЭЦ 3”
Ч:46 “Улаанчулуут-Их наран-Вокзал”
ХО:4 “Тэрэлж-Мэлхий хад-Налайх-Баруун 4 зам” чиглэлүүд Өгөөжийн уулзвараар бус Магсаржавын гудамжаар дайран өнгөрч хөдөлгөөнийг үргэлжлүүлэн иргэдэд үйлчилнэ.

Тиймээс иргэд та бүхэн зураглалын дагуу зорчилтоо төлөвлөж нийтийн тээврийн үйлчилгээг авна уу. Үйлчилгээтэй холбоотой санал, хүсэлтийг 323176, 326352 дугаарын утсаар 24 цагийн турш хүлээн авч шуурхай шийдвэрлэнэ гэж нийслэлийн Тээврийн газраас мэдээллээ.

Харри Поттерын цуврал номын зохиогч Жон Роулинг ”Forbes” сэтгүүлээс гаргадаг 2017 оны дэлхийн хамгийн өндөр орлоготой зохиолчдын жагсаалтыг тэргүүлжээ.



Уг чансааг ”Forbes” сэтгүүл нийтэлсэн бөгөөд 2016 оны 6 дугаар сараас хойш зохиолч Ж.Роулинг 95 сая долларын орлого олжээ.



Ж.Роулингийг уг жагсаалтыг тэргүүлэхэд нь “Харри Поттерын ертөнцөд” үйл явдал нь өрнөдөг “Үлгэрийн мангасууд хаа амьдардаг вэ” /Fantastic Beasts and Where to find Them 2016/ кино гарсан нь мөн 2016 онд театруудаар тавигдсан “Харри Поттер хараагдсан хүү хоёр” /Harry Potter and the Cursed Child/ жүжиг ихээхэн нөлөө үзүүлсэн аж.



Ийнхүү 1999 оноос Ж.Роулинг Forbes сэтгүүлээс шалгаруулдаг хамгийн өндөр орлоготой зохиолчийн жагсаалтыг гуравдахь удаагаа тэргүүлж байгаа нь энэ юм.

Нийслэлийн Баянзүрх дүүргийн Засаг даргын Тамгын газраас санаачлан өнөөдөр Туул, Улиастайн гол дагуух нийт 30 километр газрын хог хаягдлыг цэвэрлэлээ. Цэвэрлэгээнд дүүргийн Тамгын газрын нийт алба хаагчид болон 5, 9, 10, 11, 20, 23 дугаар хороод, Нийтлэг үйлчилгээний газар-1, 2, 3, 4 ОНӨААТҮГ-ын Иргэдийн бүлэг болон Батлан хамгаалах Их сургуулийн 1000 оюутан цэрэг зэрэг нийт 1200 гаруй хүн оролцсон юм.

Энэ удаагийн цэвэрлэгээгээр нийт 20тонн хог хаягдлыг ачиж цэвэрлэсэн бөгөөд ирэх есдүгээр сарыг дуустал цэвэрлэгээг үе шаттайгаар үргэлжлүүлэх юм. Гол дагуух хог хаягдлын дийлэнх нь архи, пивоны шил лааз эзэлж байсан. Мөн голын усанд гялгар уут болон ахуйн хогийг ихээр хаясан байжээ. Иймд иргэд та бүхэн амралт зугаалгаар явахдаа хог хаягдлаа ил задгай газар хаяхгүй байж, байгаль дэлхийгээ хайрлан хамгаалахыг Баянзүрх дүүргийн Засаг даргын Тамгын газраас уриалж байна хэмээн Баянзүрх дүүргийн Хэвлэл мэдээллийн албанаас мэдээллээ.

Эхийн сүүний найрлагыг та мэдэх үү

Төв цэнгэлдэх хүрээлэнд “Даншиг наадам-Хүрээ цам 2017” шашин соёлын арга хэмжээ хоёр дахь өдрөө үргэлжилж байна. Даншиг наадмын үеэр Төв цэнгэлэхэд нийслэлийн мэргэжлийн хяналт, цагдаа, онцгой байдлын ажилтан албан хаагчид иргэдийн аюулгүй байдалд анхаарч ажиллаж байгаа билээ. Даншиг наадмын өдрүүдэд нийт 120 аж ахуй нэгж тусгай зөвшөөрөл авч иргэдэд үйлчилж байгаа юм. Тодруулбал, эдгээрээс 80 хувь нь хуушуурны асар байгаа бол үлдсэн 20 хувь нь бэлэг дурсгал, аялал жуулчлалтай холбоотой үзэсгэлэн худалдааны асрууд юм. Үйл ажиллагаа явуулж буй иргэд, аж ахуйн нэгжүүдэд улсын байцаагч нар зөвлөгөө, зөвлөмжүүдийг өгч ажиллаж байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Даншиг наадам-Хүрээ цам 2017” шашин, соёлын наадам Төв цэнгэлдэх хүрээлэнд өнөөдөр хоёр дахь өдрөө үргэлжилж байна. Даншиг наадмын хүрээнд болдог Хүрээ цам, Жахар цамын хурал өглөө 09.00 цагт Төв цэнгэлдэх хүрээлэнд эхлэв. “Даншиг наадмын хамгийн гол зүйл нь цам харайх билээ. Цам нь ад, зэтгэр, гай хөнөөлийг даран сөнөөх учир агуулгатай зүйл юм. Цам цамнахдаа гар, хөл, биеийн олон хөдөлгөөнөөр дотоод сэтгэлийн бясалгалыг илэрхийлэхийн зэрэгцээ хортон дайсан, ад зэтгэрийг догшдын үйлдлээр даран сөнөөж буй хөдөлгөөнүүдийг үзүүлнэ. Мөн энэ үед нууц тарнийн хатуу зан үйл болох “Линга” эвдэх, “Жахар”, “Сор” залах зэрэг үйлийг үйлддэг.

Цам бүжиг нь Цаст төвдийн орноо бурхан шашныг дэлгэрүүлэхээр анхны сүм дуганаа барих тэр үед хар зүгийн лус савдгууд харшласанд Энэтхэгийн их багш, ловон Бадамжунай нууц тарнийн ёсонд тулгуурлан цам бүжгийг дэглэн гаргаж улмаар цам бүжих зан үйлээр хар зүгийн лус савдгуудыг номхруулан дарж, төвийн анхны хийд болох Цогт төгөлдөр Самъяа хийдийг байгуулж байсан эртний түүхтэй ажээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Жил бүрийн 8 дугаар сарын 1-7-ны өдрүүдэд Монгол Улс төдийгүй дэлхийн 170 гаруй орон “Хүүхдийг эхийн сүүгээр хооллолтыг дэмжих дэлхийн долоо хоног”-ийг тэмдэглэдэг. Энэ жилийн хувьд “Эхийн сүүгээр хооллолтыг хамтдаа дэмжицгээе” уриандор Эрүүл мэндийн яам, Нийгмийн эрүүл мэндийн үндэсний төв, НЭМГ, НҮБ-ын Хүүхдийн сангийн дэмжлэгээр зохион байгуулж байна.Жил бүрийн 8 дугаар сарын 1-7-ны өдрүүдэд Монгол Улс төдийгүй дэлхийн 170 гаруй орон “Хүүхдийг эхийн сүүгээр хооллолтыг дэмжих дэлхийн долоо хоног”-ийг тэмдэглэдэг. Энэ жилийн хувьд “Эхийн сүүгээр хооллолтыг хамтдаа дэмжицгээе” уриандор Эрүүл мэндийн яам, Нийгмийн эрүүл мэндийн үндэсний төв, НЭМГ, НҮБ-ын Хүүхдийн сангийн дэмжлэгээр зохион байгуулж байна.

Ройтерс: Энэ долоо хоногийн шилдэг гэрэл зургууд

Нийслэлийн Засаг даргын Тамгын газар, Монголын Бурхан шашинтны төв Гандантэгчэнлин хийдтэй хамтран “Даншиг наадам-Хүрээ цам” шашин соёлын наадмыг гурав дахь жилдээ зохион байгуулж байна. Наадам энэ сарын 04, 05, 06-ны өдрүүдэд Төв цэнгэлдэх хүрээлэн болон Гандантэгчилэн хийдэд зохион байгуулагдана.

“Даншиг наадам-Хүрээ цам 2017” наадмын үеэр Цагдаагийн байгууллага 300 алба хаагч, олон нийтийн цагдаа 10, 30 оюутан цагдаа, 4 морьт эргүүл, 20 машинтайгаар иргэдийн аюулгүй байдлыг ханган, хамгаалалтын үүрэг гүйцэтгэх юм байна.

Даншиг наадмын үеэр бага насны хүүхэд төөрөх, гадаадын жуулчид, иргэд хулгайн гэмт хэрэгт өртөхөөс урьдчилан сэргийлэх чиглэлээр цагдаагийн байгууллагаас онцгой анхаарал хандуулан ажиллаж байгаа ажээ.

2017 оны 7 дугаар сарын 31-нээс 8 дугаар сарын 7-ныг хүртэлх

7 хоногийн цаг агаарын урьдчилсан мэдээ



/ Ойрын 4 хоногт ихэнх нутгаар дуу цахилгаантай бороо аадар орох тул

гэнэтийн үер ус, мөндөр, нөөлөг салхины аюулаас сэрэмжтэй байхыг анхааруулж байна /



Баруун аймгуудын нутгаар: 31-1,4-6нд зарим газраар түр зуурын бороо, 2-3-нд ихэнх нутгаар бороо орно. Дуу цахилгаантай. Борооны өмнө салхи зарим газраар түр зуур 18-20м/с хүрч ширүүснэ. 2-4-нд Хангайн уулархаг нутгаар шөнөдөө 2-7 градус өдөртөө 15-20 градус, Алтайн өвөр говиор шөнөдөө 14-19 градус өдөртөө 25-30 градус, бусад нутгаар шөнөдөө 8-13 градус өдөртөө 20-25 градус дулаан байна. Бусад хугацаанд дулаарна.

Төвийн аймгуудын нутгаар: 31-1,5-6-нд зарим газраар түр зуурын бороо, 2-4-нд ихэнх нутгаар бороо орно. Дуу цахилгаантай. Борооны өмнө салхи түр зуур 18-20м/с хүрч ширүүснэ. 3-4-нд сэрүүсч Хангай, Хөвсгөл, Хэнтэйн уулсаар шөнөдөө 2-7 градус өдөртөө 15-20 градус, бусад нутгаар шөнөдөө 9-14 градус өдөртөө 19-24 градус дулаан байна. Бусад хугацаанд Хөвсгөл, Хэнтэйн уулархаг нутгаар шөнөдөө 4-9 градус өдөртөө 18-23 градус, бусад нутгаар шөнөдөө 12-17 градус өдөртөө 24-29 градус дулаан байна.

Зүүн аймгуудын нутгаар: 31-1,4-5-нд ихэнх нутгаар, 2-нд нутгийн өмнөд хэсгээр, 3-нд нутгийн баруун хэсгээр бороо орно. Дуу цахилгаантай. Борооны өмнө салхи түр зуур 18-20м/с хүрч ширүүснэ. 4-5нд нутгийн хойд хэсгээр шөнөдөө 6-11 градус өдөртөө 16-21 градус, бусад нутгаар шөнөдөө 11-16 градус өдөртөө 21-26 градус дулаан байна. Бусад хугацаанд нутгийн хойд хэсгээр шөнөдөө 10-15 градус өдөртөө 22-27 градус, бусад нутгаар шөнөдөө 14-19 градус өдөртөө 25-30 градус дулаан байна.

Говийн аймгуудын нутгаар: 31-1-нд зарим газраар, 3-4нд ихэнх нутгаар бороо, 5-нд нутгийн зүүн хэсгээр, 7-нд нутгийн хойд хэсгээр түр зуурын бороо орно. Дуу цахилгаантай. Борооны өмнө салхи зарим газраар түр зуур 18-20 м/с хүрч ширүүснэ. Ихэнх хугацаанд нутгийн хойд хэсгээр шөнөдөө 11-16 градус өдөртөө 22-27 градус, бусад нутгаар шөнөдөө 16-21 градус өдөртөө 27-32 градус дулаан байна.

1-14/VIII

Баянзүрх

09:30-17:00

УСУГ-ын худгууд

1-16/VIII

Хан-Уул

09:30-17:00

11-р хороо ШШГЕГ-ын харьяа хорих 411 дүгээр анги болон Зайсан орчмоор

ХОНЬ - (3/21-4/19)



Аз сорихоос буцдаггүй, дайчин, эрч хүчтэй хүмүүс амжилтад хүрнэ. Чухал арга хэмжээг зохион байгуулах, шударга зүйлийн төлөө тэмцэхэд ээлтэй сайн.



ҮХЭР - (4/20-5/20)



Өнөөдөр шинэ ажил эхлэбэл бүтэлгүйтнэ. Томоохон зүйл төлөвлөх, аян замд гарахад муу. Орон гэрээ цэвэрлэж, хэрэгцээгүй болсон зүйлс, хогноосоо салж гэрийнхээ энергийг сайжруул. Гоо сайхандаа санаа тавьбал үр дүнтэй. Мэдлэг боловсролоо дээшлүүлэхэд сайн


ИХЭР - (5/21-6/21)



Хянуур, ухаалаг байх өдөр Бусадтай зөрчилдөх, маргалдах магадлалтай. Мөн хайнга байдлаасаа болоод бэртэж гэмтэхээс болгоомжил. Сэтгэл санаагаа өөдрөг, зөв байлгаж чадвал аливаа хэрэг санасанчлан бүтнэ. Алдаа дутагдал гаргалаа ч бухимдах хэрэггүй, гарах гарц, засах арга замыг хайгаарай. Хичээл зүтгэл гаргасан бүхэн амжилтад хүрнэ


МЭЛХИЙ - (6/22-7/22)



Танин мэдэх эрмэлзэлтэй байх нь амжилтын үндэс билээ. Өнөөдөр энэ чанар онцгой чухал байна. Юмсын учир зүйг олох гэсэн оролдлого бүхэн бүтэмжтэй байхын зэрэгцээ танд мэдлэг турщлага нэмнэ Амраг тань сэтгэл рүү тань өнгийвөл илэн далангүй бай. Шинэ танил буюу шинэ учрал таныг хүлээж байна



АРСЛАН - (7/23-8/22)



Бие болон сэтгэл хямарч болзошгүй. Үдээс хойш байдал дээрдэж, сэтгэл санаа тогтворжино. Санхүүгийн асуудалтай холбоотой сайн мэдээ дуулна. Зарим тань ашигтай наймаа хийнэ. Санхүүгийн баримтуудаа цэгцтэй байлгаж, чухал бичиг баримтад гарын үсэг зурахдаа дахин дахин сайн нягтал.


ОХИН - (8/23-9/22)



Ирээдүйгээ өөдрөгөөр төлөвлөн сайхнаар төсөөлнө. Бичиг баримтад гарын үсэг зурах, уулзалт зохион байгуулахад ашигтай өдөр . Идэвхи санаачлагатай байвал амжилтад хүрнэ.


ЖИНЛҮҮР - (9/23-10/22)



Чухал асуудлыг шийдвэрлэхэд таагүй өдөр. Тайван байхыг хичээ, учир нь биеийн эсэргүүцэл сул байна. Шинээр ажил эхлэхэд таагүй авч ирээдүйн ажлаа төлөвлөхөд таатай. Хэн нэгний ятгалгад автан алдахаас сэрэмжил.

ХИЛЭНЦ - (10/23-11/21)


Өнөөдөр алс хэтээ төлөвлөх, ирээдүйгээ эргэцүүлэн бодоход тохиромжтой өдөр. Зарим хүн шинэ хүрээнд орж, харилцаа холбоогоо өөрчлөхийг эрмэлзэнэ. Энэ нь ямар нэгэн нууц нийгэмлэг, бүлэгт элсэхэд хүргэнэ. Нийгэм, улс төр, шинжлэх ухааны шинэлэг хандлага чиглэлийг илүү шимтэн сонирхох болно. Аливааг хийж эхлэхийн өммө санхүүжилтээ эхлээд шийдэх нь нэн чухал.

НУМ - (11/22-12/21)



Хувь тавилан, үйлийн үрийн нөлөө ихсэнэ. Танд тохиох юм болгон, уулзан учрах хүн бүр ямар нэгэн шижмээр таны үйлийн үртэй холбоотой байна. Тиймээс бүгдийг дүгнэн цэгнэж сургамж авахыг хичээ. Засал ном хийлгэх, бурхан шүтээнд мөргөхөд сайн


МАТАР - (12/22-1/19)


Оюуны хөдөлмөр үр ашигтай байна. Сэтгэл санаагаа тогтвортой байлгаж, сайн сайхан зүйлийг төсөөл. Сайн таньж мэдэхгүй хүн бэлэг өгвөл авахаас татгалзаарай. Хайр дурлалдаа итгэл алдарсан бол асуудлаа шийдэхэд нэн тохиромжтой.

БУМБА - (1/20-2/18)



Амаргүй санагдана. Өнгөрсөн хугацаанд хийсэн бүх ажлаа дүгнэ. Та эргэн тойрондоо өрнөж буй үйл явдлыг ойлгохгүй, буруу дүгнэлт хийж болзошгүй. Үил хөдлөл, үг яриагаа сайтар хяна, илүү дутуу зүйл ярих нь танд муу. Бусдад мөнгө зээлдүүлэх, бусдаас мөнгө авахыг цээрлэ


ЗАГАС - (2/19-3/20)



Ачаалал ихтэй өдөр. Ажил мэргэжлийн хүрээнд ойлгомжгүй зүйл гарч магад. Сэтгэл түгших, хямрах тул түвшин байхыг хичээ. Аливааг хийж эхлэхийн өмнө алдаа оноогоо сайтар нягтал. Бусдыг уучлах, гэм буруугаа наманчлах, эв эеийг хичээх, ойлголцоход сайн

08 дугаар сарын 06-ны өдөр, Ням гараг

09:00-20:00 Аялал жуулчлалын үзэсгэлэн

Төв цэнгэлдэх хүрээлэнгийн гадна талбайд

11:00-19:00 “Монголын гайхамшигт урлаг” 9 дүүргийн ардын авъяастнуудын урлагийн тоглолт, ЮНЕСКО-гийн дэлхийн өвд бүртгэгдсэн соёлын өвийн “Дэлхийн өв-Монгол соёл” үзэсгэлэн

Төв цэнгэлдэх хүрээлэнгийн гадна талбайд

08:00-08:30 Бурхан багшийн Ринсрэл залах ёслол /тусгай хөтөлбөрөөр/

Төв цэнгэлдэх хүрээлэн, цамын талбайд

08:30-09:00 Өндөр гэгээний маани татах /тусгай хөтөлбөрөөр/

Төв цэнгэлдэх хүрээлэн, цамын талбайд

09:00-15:00 Хүрээ Цам харайх ёслол, Жахар цамын хурал /тусгай хөтөлбөрөөр/

Төв цэнгэлдэх хүрээлэн, цамын талбайд

15:00-16:00 Хүчит бөхийн барилдааны тавын даваа

Төв цэнгэлдэх хүрээлэн,бөхийн талбайд

16:20-17:00 Хүчит бөхийн барилдааны Зургаагийн даваа

Төв цэнгэлдэх хүрээлэн,бөхийн талбайд

17:20-18:00 Хүчит бөхийн барилдааны Долоогийн даваа

Төв цэнгэлдэх хүрээлэн,бөхийн талбайд

18:00-18:20 Хүчит бөхийн барилдааны наймын даваа

Төв цэнгэлдэх хүрээлэн,бөхийн талбайд

18:20-18:40 “Даншиг наадам-Хүрээ цам” шашин, соёлын наадмын Үндэсний бөхийн барилдаанд түрүүлж, үзүүрлэн, шөвгөрсөн бөхчүүдэд Даншигийн цол үнэмлэх олгож, шагнал гардуулах, лам хуврагуудын тэмцээнд түрүүлж, удаалсан лам нарт шагнал гардуулна.

Төв цэнгэлдэх хүрээлэн, бөхийн талбайд

18:40-18:50 “Даншиг наадам- Хүрээ цам”-ын хаалтын ажиллагаа

Төв цэнгэлдэх хүрээлэн, цамын талбайд

18:50-19:00 Залбирал ерөөл айлдах /тусгай хөтөлбөрөөр/

Төв цэнгэлдэх хүрээлэн, цамын талбайд

08 дугаар сарын 07-ны өдөр, Даваа гараг

08:00:13:00 Хүрээ жахар цамын хурал хурах, Гомбо, Чойжоо сахиус тахиж, Данраг хурна.

. МБШТөв Гандантэгчэнлин хийдэд

Шинжлэх ухаан, нийгмийн салбарын хүрээнд олон төрлийн судалгаа, шинжилгээ явуулдаг “London School of Economics” их сургуулиас гаргасан судалгаагаар долоо хоногийн ямар гарагт хэрхвэл зохих болон хэрхвэл “сайн” байдаг талаарх сонирхолтой үр дүнг танилцуулжээ.

Ойрын өдрүүдэд манай орны нутаг дэвсгэрт өрөөсгөл хүр эрвээхэй ихээр орж ирж, иргэдийг айдаст автуулаад байгаа. Эдгээр эрвээхэй нь хүний биед шууд аюул учруулахгүй ч хэвлий хэсэгтээ маш их тоосонцортой амьтан тул харшил үүсгэх, нүдэнд тоосонцор нь орсон тохиолдолд сохлох хүртэл аюултай гэдгийг мэргэжлийн хүмүүс хэлж байгаа. Сибирт гарсан түймрээс шалтгаалж манай улсад нүүдэллэн орж ирсэн гэгдэж буй Хүр эрвээхэйн талаарх 24 баримтыг хүргэж байна.







Иргэдийг айдаст автуулаад буй өрөөсгөл хүр эрвээхэйн хэвлий маш их тоосонцортой байдаг


Баримт 1. Энэхүү эрвээхэй нь хүр эрвээхэйн овгийн өрөөсгөл хүр эрвээхэй юм.



Баримт 2. Хүр эрвээхэй нүүдэл нь ойролцоогоор долоо хоног үргэлжилдэг аж. Жилийн энэ үед өрөөсгөл хүр нэртэй эрвээхий бие гүйцэж, нисч эхэлдэг гэнэ.



Баримт 3. Энэхүү эрвээхэйн нүүдлийг иргэд Сибирийн ой шатсантай холбоотой хэмээн үзэж байгаа бол мэргэжлийн хүмүүс харин үгүйсгэж байна. Өрөөсгөл хүр эрвээхэй манай нийт нутгийн ой хөвчид тархсан шавьж юм.



Баримт 4. Нийслэлд үзэгдэж буй эрвээхэйнүүд нь Сэлэнгэ, Төв, Улаанбаатар хотын ногоон бүс дэх ой хөвчөөс нисэн ирсэн байх магадлалтай гэдгийг албаныхан хэлж байгаа.



Баримт 5. Намрын улиралд авгалдайгаа шахдаг бөгөөд гэрэлтэй, дулаан газар хайн нүүдэллэж, хамгийн тохиромжтой газраа сонгодог байна.



Баримт 6. Ойрын өдрүүдэд ихээхэн халж байгаа, мөн хотын гэрэл эрвээхэйн нүүдэл нийслэлд орж ирэх шалтгаан болсон байна.



Баримт 7. Тухайн жилийн хуурайшилт, температур нь хүр эрвээхэйн бие гүйцэж гарч ирэх хугацаанд нь нөлөөлдөг байна. Энэ эрвээхэй нь авгалдайгаа шахахын тулд 150 км-ийн цаанаас ч нүүдэллэх тохиолдол байдаг аж.



Хүр эрвээхэй хэрхэн үрждэг вэ






Баримт 8. Өрөөсгөл хүр эрвээхэй уг нь хар модонд авгалдайгаа шахдаг ч хот сууриан газар нүүдэллэн ирсэн тохиолдолд гэрэл гэгээ ихтэй байшингийн хана, гэрийн туурганд гээд хаана ч авгайлдайгаа шахах магадлалтай.



Баримт 9. Намар гарсан авгалдай өвөлжиж, хавар бүрхүүлээсээ гардаг аж. Үүнийг хүрэнцэр гэж нэрлэдэг байна.



Баримт 10. Хүрэнцэр нь хаврын турш модоор хооллож, модыг маш ихээр сүйтгэдэг гэнэ. Гэхдээ хавраас намар хүртэл хооллоод бусад үед хооллодоггүй амьтан юм байна.



Баримт 11. Идэш тэжээлээ хангалттай хүртсэн хүрэнцэр зургаагаас долдугаар сарын үед хүүхэлдэй шатандаа орж, наймдугаар сард эрвээхэй болдог байна.



Баримт 12. Эрвээхэй нь эвцэлдэж, улмаар авгалдайгаа шахах тохиромжтой газар хайн нүүдэллэдэг байна.



Баримт 13. Авгалдайгаа шахсан эрвээхэй шууд үхдэг. Эрвээхийнүүд бүгд нэг өдөр бие гүйцээд гараад ирдэггүй учраас элбэгших үйл явц нь сар орчим үргэлжлэх магадлал өндөр.



Баримт 14. Өрөөсгөл хүр эрвээхийний хэвлий хэсэг нь үслэг байдаг. Өндөглөснийх нь дараа тэр үслэг хэсэг нь өндөгийг нь хучиж, нар, салхи, бороо уснаас хамгаалах хамгаалалт болж үлддэг. Тиймээс ч хүр эрвээхэйн авгалдай нь хүйтэнд маш тэсвэртэй байдаг байна.



Өрөөсгөл хүр эрвээхэйн эмэгчин нь эрэгчнээсээ харьцангуй том байдаг






Баримт 15. Өрөөсгөл хүр эрвээхэй нь байгаль дээр байдаг амьтан учир далавч болон бусад зүйлд нь хүрэхгүй бол хүнд онцын аюул учруулах нь ховор. Хаздаггүй.



Баримт 16. Харин хүрсэн тохиолдолд харшил тусах магадлал бөгөөд тоосонцор нь нүдэнд орвол сохрох хүртэл аюултай.



Баримт 17. Энэхүү эрвээхэй нь гэр болон албан тасалгаанд авгалдайгаа шахсан тохиолдолд шууд устгах шаардлагатай.



Баримт 18. Авгайлдайг устгахдаа бээлийтэй гар эсвэл төмөр, модоор авгалдайг хусч аваад шатаах хэрэгтэй.



Баримт 19. Мөн угаалгын нунтагтай усаар угаавал авгалдай амьсгалах чадваргүй болж үхдэг байна.



Баримт 20. Эрвээхэйнээс сэргийлэхийн тулд нүүдэллэх хугацаанд цонх, хаалгаа сайтар хаах нь чухал.



Баримт 21. Бие гүйцсэн эрвээхий юм иддэггүй хэд хоног нисээд үр төлөө үлдээгээд л үхчихдэг учраас бие гүйцсэн хойно нь устгах боломжгүй. Энэ чиглэлээр мэргэшиж судалгаа хийсэн эрдэмтэд эрвээхийний олшрох хугацааг тооцоолсон байдаг. Тэр тооцооллын дагуу өндөг, авгалдай байхад нь химийн хороор устгаж болно.



Баримт 22. Өрөөсгөл хүр эрвээхэйн эмэгчин нь эрэгчнээсээ харьцангуй том байдаг. Хамгийн том эрвээхэйн далавчны урт нь 4-5 см, биеийн урт нь 2-3.5 см байсан гэдгийг судлаачид онцолсон.



Баримт 23. Эрвээхэйний нүүдэл их үед ноосон материалтай хувцасаа шалгаж үзэх хэрэгтэй. Учир нь тэнд хүр эрвээхэй авгайлдайгаа шахсан байх магадлал өндөг байгдаг аж.



Баримт 24. Энэ онд манай орны 16 аймгийн 80 сумын ойн сангийн 680 мянган га талбайд хөнөөлт шавьж тархаж, 69 сумын 590 мянган га талбайд Сибирийн хүр, өрөөсгөл хүр, Якобсоны төөлүүрч, эгэл бийрэн сүүлт, бургасны хүр эрвээхэй зэрэг хөнөөлт шавьжийн голомт үүсээд байгааг “Ойн судалгаа, хөгжлийн төв” УТҮГ-аас тогтоожээ.



24tsag.mn