АТГ-аас өнөөдөр 11 дүгээр сард хийсэн ажлынхаа талаар мэдээлэл

“Жи Си Ар Монголиа” ХХК-с зарласан 2017-2018 оны оюутны тэтгэлэгт хөтөлбөрөөр суралцах 10 оюутанд тэтгэлэгийн батламж гардуулах ёслолын ажиллагаа 2017 оны арваннэгдүгээр сарын 27-ны өдөр амжилттай болж өндөрлөлөө. Энэхүү тэтгэлэгт хөтөлбөрт Монгол Улсын магадлан итгэмжлэгдсэн их дээд сургуулиудад 3.4-өөс дээш голчтойгоор барилга, цахилгаан, дулаан, уул уурхайн инженер чиглэлээр амжилттай суралцаж буй оюутнууд болон Мэргэжил сургалт үйлдвэрлэлийн төвд 12 сараас дээш хугацаагаар хүнд машин механизмын оператор, барилгын өргөн мэргэжил, цахилгаанчин, гагнуурчин, сантехникч чиглэлээр сайнаас дээш үнэлгээтэй суралцаж буй оюутнууд хамрагдах боломжийг тус компани олгожээ. Тэтгэлэгт хөтөлбөрийн сонгон шалгаруулалтад Улаанбаатар, Дархан, Эрдэнэт хотууд болон 14 аймгийн 70 гаруй оюутан сонирхон материалаа ирүүлсэнээс ийнхүү 10 оюутан шалгарсан юм.

Уг тэтгэлэгт хөтөлбөрт шалгарсан их дээд сургуулийн долоон оюутан нэг жилийн сургалтын төлбөр 100 хувь, тус компанид үйлдвэрлэлийн дадлага хийх эрх, МСҮТ-ийн гурван оюутан нэг жилийн сургалтын төлбөртэй дүйцэх мөнгөн тэтгэмж мөн үйлдвэрлэлийн дадлага хийх эрх олж авч ирээдүйдээ үнэтэй хувь нэмэр оруулж байгаа юм. Барилга угсралтын салбарт түүчээлэн, нийгмийн хариуцлагаа ухамсарлан хэрэгжүүлж буй “Жи Си Ар Монголиа” ХХК-ийн олон арга хэмжээний нэг болох энэхүү тэтгэлэгт хөтөлбөрийг жил бүр уламжлал болгон зохион байгуулах болсныг оюутан залуустаа дуулгахад таатай байна.

Компанийн талаар товч танилцуулахад “Жи Си Ар Монголиа” ХХК нь Монголын “Говь Инфрастракчер Партнерс” ХХК, Австралийн “Clough Projects Australia”, болон “RUC Cementation Mining” нарын хамтарсан компани юм. Тус компани уул уурхайн барилга угсралт, дэд бүтэц, инженерчлэл, худалдан авалт, ложистик, төслийн менежментийн цогц үйлчилгээг үзүүлдэг бөгөөд одоогоор 700 гаруй ажилтантай үйл ажиллагаагаа амжилттай явуулж байна.
“Говь Инфрастракчер Партнерс” ХХК нь 2013 онд байгуулагдсан бөгөөд Оюутолгой уурхайн далд уурхайн барилга угсралтыг гүйцэтгэгч анхны Монгол компани юм. Рио Тинто, Флуор, Седжман, Жейкобс, зэрэг олон улсын компаниудтай Оюутолгой, Ухаахудаг, Овоот толгой зэрэг томоохон уурхайн бүтээн байгуулалтын төслүүдэд ажиллаж ирсэн туршлагатай. Зураг төсөл, инженерчлэл, иргэний болон уул уурхай, дэд бүтцийн барилга байгууламжийн угсралт, засвар үйлчилгээ, ашиглалт төслийн менежмент зэрэг үйлчилгээг цогцоор нь үзүүлдэг.
“Clough Projects Australia” нь 1919 онд Австрали улсад үүсгэн байгуулагдсан. Дэлхийн 10 гаруй улс орны томоохон төслүүдэд ажилласан туршлагатай бөгөөд Төслийн загварчлал, төлөвлөлтөөс эхлэн худалдан авалт, үйлдвэрлэл, барилга угсралт, ашиглалтанд оруулан хүлээлгэн өгөх хүртэлх бүх л үйлчилгээг олон улсад шалгарсан төслийн удирдлагын процесс, системийн дагуу гүйцэтгэдэг. RUC Cementation Mining нь 1990 онд Австрали улсад үүсгэн байгуулагдсан, далд уурхайн хөгжүүлэлт, бүтээн байгуулалтын чиглэлээр мэргэшсэн компани юм бөгөөд Австрали, Филиппин, Индонез, Хонгконг зэрэг улс оронд далд уурхайн томоохон төслүүдэд ажилласан туршлагатай юм.

Нийслэлийн иргэдийн Төлөөлөгчдийн Хурлын ээлжит бус 2 дугаар хуралдаанаар Нийслэлийн 2018 оны төсөв, газар зохион байгуулалт, өмч хувьчлалын асуудлыг хэлэлцэхээр шийдвэрлэсэн. Хуулиараа 2017 оны арванхоёрдугаар сарын 5 гэхэд Нийслэл хотын төсөв батлагдаж, мөн сарын 20 гэхэд дүүргүүд төсвөө баталж дуусах заалттай. Энэ хуулийн хүрээнд Нийслэлийн Засаг даргын Тамгын газар арванхоёрдугаар сарын 25- нд буюу хуулийн хугацаандаа ирэх оны төсвөө НИТХ-д өргөн барьсан билээ.

Монгол Улсын нийт хүн амын 53 хувь нь ажиллаж, амьдардаг хотын ирэх оны төсвийн талаар Нийслэлийн Засаг дарга бөгөөд Улаанбаатар хотын Захирагч С.Батболд хэвлэлийнхэнд мэдээлэл өгөв. Тэрбээр хэлэхдээ “2018 онд Монгол Улсын нэгдсэн төсвөөс Улаанбаатар хотын хөгжилтэй холбоотой хөрөнгө оруулалтын нэлээд зардалыг хариуцаж байна. Тухайлбал, ерөнхий боловсролын 50 гаруй сургууль, 30 гаруй цэцэрлэгийг улсын төсвөөр нийслэл хотод барина. Түүнчлэн хот нийтийн аж ахуйн зардал ч чамгүй улсын төсөвт суусан юм. Өмнөх засаг даргын үед хот концессын гэрээгээр олон ажлыг шийдээд явсан. Ирэх оны хөрөнгө оруулалтын ажилд 100 гаруй тэрбум төгрөгийг арайхын төсөвтөө суулгаж байна. Үнэндээ иргэдийнхээ тоо, өнөөгийн хотын хөгжилтэй харьцуулахад чамлахаар тоо ч гэлээ улс орны эдийн засгийн байдал болон өргүй хот болохын төлөө ажиллаж байгаа учраас ийм тоонд захирагдахаас өөр арга алга. Концесс нэрийн дор өр авлага их үүссэн байна. Хотыг өргүй болоход захирагчийн хувьд онцгой анхаарч байгаагаа хэлье. Нөгөө талаар хот өөрөө бонд гаргах эрхтэй байх учиртай. Нийслэлийн эрх зүйн байдлын тухай хуулийг УИХ-аар хэлэлцэхээр дэмжээд байна. Хэлэлцээд баталчихвал хот эдийн засгийн хувьд маш том ахиц гаргаж чадна. Бондын эрх нээгдсэнээр хот эдийн засгийн хувьд бие даах боломж нээгдэнэ. Ирэх оны хотын төсөв бидний хувьд бүсээ чангалсан төсөв ч гэлээ бүтээн байгуулалт, хот тохижилт, нийгмийн салбарт эхлүүлсэн ажлаа үргэлжлүүлнэ. Гадаадын зээл, тусламжаар томоохон бүтээн байгуулалтын ажлыг хийхээр төлөвлөөд байна. Эрүүл мэнд, боловсролын салбарт онцгой анхаарч байгаагийн зэрэгцээ “Аюулгүй хот” болгох талаар ч чамгүй ажил энэ онд хийсэн. Энэ бүхнээ үргэлжлүүлнэ. Мөн бичил цэцэрлэг байгуулах, ногоон байгууламж, авто зогсоол нэмэгдүүлэх, агаарын бохирдлыг бууруулах ажлууд хийгдэнэ. Төсөв бага гэж зовлон тоочихоос илүүтэй байгаа хөрөнгөөрөө чанартай, далайцтай ажлууд хийнэ” гэлээ. Маргааш өглөө НИТХ-аар Улаанбаатар хотын 2018 оны төсвийн анхны хэлэлцүүлгийг хийнэ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн “Зорчигч тээврийн нэгтгэл”-ийн ОНӨААТҮГ-ын “Аварга шалгаруулах спортын 4 төрөлт тэмцээн” амжилттай зохион байгуулагдлаа. Тэмцээнийг “Зорчигч тээврийн нэгтгэл”-ийн захирал Г.Төмөрбаатар нээж үг хэлсэн. Тэрбээр “Ажилчдынхаа нийгмийн асуудлыг шийдвэрлэх, эрүүл мэндэд анхаарах чиглэлээр шат дараалсан олон ажлуудыг хийж хэрэгжүүлж байна. Алба, хэсэг бүрийн нийт ажилчдыг хамруулсан тэмцээн эхлээд баазууд дээр зохион байгуулагдаж, өнөөдөр нэгтгэлийн аваргаа тодруулах гэж байна. Нийт баг тамирчиддаа спортын өндөр амжилт хүсье” гэв. Тэмцээн 2 өдөр үргэлжилж, сагсан бөмбөг, гар бөмбөг, теннис, шатар гэсэн 4 төрлөөр нийт 28 багийн 200 гаруй тамирчин хурд хүч, авхаалж самбаагаа сорин өрсөлдөж дүнгээ гаргасан юм.

Нийлбэр дүнгээр “Зорчигч тээврийн нэгдүгээр бааз

Шилдгээр шалгарч “Шилжин явах цом”-ын эзэн болсон.

Гар бөмбөгийн шилдэг эрэгтэй тоглогчоор О.Санжаасүрэн / II бааз/

Гар бөмбөгийн шилдэг эмэгтэй тоглогчоор С.Энхжаргал /I бааз/

Сагсан бөмбөгийн шилдэг эрэгтэй тоглогчоор Н.Эрдэнэбаатар / II бааз/

Сагсан бөмбөгийн шилдэг эмэгтэй тоглогчоор И.Наранцэцэг /III бааз/



Шатар /эрэгтэй/

1-р байр Д.Мөнхзул /III бааз/

2-р байр О.Алгаа /I бааз/

3-р байр Б.Ганбаатар / II бааз/



Шатар /эмэгтэй/

1-р байр Д.Мөнхцэцэг /III бааз/

2-р байр С.Сүхням /II бааз/

3-р байр Н.Энхжаргал / ЗТН захиргаа/



Ширээний теннис /эрэгтэй/

1-р байр Ч.Цацралт-Од / ЗТН захиргаа /

2-р байр Н.Мөнхбаяр /I бааз/

3-р байр М.Амарсанаа / I бааз/



Ширээний теннис /эмэгтэй/

1-р байр Ч.Оюун-Эрдэнэ / I бааз /

2-р байр Б.Оюунцэцэг /III бааз/

3-р байр Ц.Оюунцэцэг / II бааз/



Гар бөмбөг /эрэгтэй/



1-р байр Д.Мөнхтулга ахлагчтай баг / I бааз /

2-р байр Ч.Мөнхжаргал ахлагчтай баг /II бааз/

3-р байр Ж.Энхбаяр ахлагчтай баг / ЗТН захиргаа /



Гар бөмбөг /эмэгтэй/

1-р байр С.Энхжаргал ахлагчтай баг / I бааз /

2-р байр Н.Оюунцэцэг ахлагчтай баг /III бааз/

3-р байрА.Түвшинжаргал ахлагчтай баг /II бааз /



Сагсан бөмбөг /эрэгтэй/

1-р байр Н.Баярсайхан ахлагчтай баг / II бааз /

2-р байр Б.Түвдэнгарав ахлагчтай баг /I бааз /

3- р байрТ.Хангайчингис ахлагчтай баг /I бааз /



Сагсан бөмбөг /эмэгтэй/

1-р байр И.Наранчимэг ахлагчтай баг / I бааз /

2-р байр М.Наранцэцэг ахлагчтай баг /III бааз/

3-р байрД.Уянга ахлагчтай баг /II бааз / тус тус байр эзэллээ.

Монгол Улсын Ерөнхийлөгч Х.Баттулга бага насны хүүхдийг хүчирхийлсэн, амийг нь хөнөөсөн, тарчлаан зовоосон, балмад хэрцгий аллагын гэмт этгээдүүдэд цаазаар авах ялыг

АТГ-аас өнөөдөр мэдээлэл хийж, орон нутагт явуулсан шалгалтын нэгдсэн дүнгээ танилцууллаа. АТГ-ын орон нутагт хийсэн шалтгалтаар илэрсэн онцлох “24 зөрчил”-ийг хүргэж байна.

Санхүүгийн тогтвортой байдлын зөвлөлийн ээлжит хуралдаан Монголбанкны уулзалтын танхимд 2017 оны 11 дүгээр сарын 24-ний өдөр 14 цагт болж, дараах асуудлыг хэлэлцэв. Үүнд:

Активын чанарын үнэлгээ (AQR)-ний явцын тайлан
Банкийг дахин хөрөнгөжүүлэх эрх зүйн баримт бичгийн төсөл.
Хуралдаанаас гарсан шийдвэрийн дагуу “Банкийг дахин хөрөнгөжүүлэх тухай хууль”-ийн төслийг боловсруулах үүрэг бүхий ажлын хэсгийг Монголбанк, Сангийн яам, Санхүүгийн зохицуулах хорооны холбогдох албан тушаалтнуудын бүрэлдэхүүнтэй байгуулав.

​МАН-ын 28-р их хурал өнгөрсөн долоо хоногт болж өндөрлөсөн. Арваннэгдүгээр сарын 20-23-нд болсон их хуралтай холбогдуулан МАН-ын

“Төрийн мэдээлэл” эмхэтгэлийн 1000 дахь дугаарыг Төрийн түүхийн музейд хүлээлгэн өгөх ёслолын ажиллагаа өнөөдөр /2017.11.27/ тус музейд боллоо.

”1991 оны гуравдугаар сарын 19-ний өдөр “Төрийн мэдээлэл” сэтгүүл гаргах тухай БНМАУ-ын Бага Хурлын даргын 18 дугаар захирамж гарснаас хойш 26 жилийн хугацаанд эмхэтгэлийн 1000 дугаарт нийт 14 мянга гаруй хууль эрх зүйн акт нийтлэгдсэн” хэмээн ёслолын ажиллагааны эхэнд УИХ-ын Тамгын газрын Хэвлэл мэдээлэл, олон нийттэй харилцах хэлтсийн дарга С.Батбаатар онцолсон.




Эмхэтгэлийн 1991 онд хэвлэгдэн гарсан анхны болон 1000 дахь дугаарыг УИХ-ын Тамгын газрын Ерөнхий нарийн бичгийн дарга, ”Төрийн мэдээлэл” эмхэтгэлийн зөвлөлийн дарга Ц.Цолмон Төрийн түүхийн музейд хүлээлгэн өгсөн юм.






Тэрбээр энэ үеэр, “Монгол Улсад үйл ажиллагаа явуулж буй бүх шатны шүүх, төрийн байгууллагууд “Төрийн мэдээлэл” эмхэтгэлд албан ёсоор нийтлэгдсэн хуулийг барьж ажилладаг, өдөр тутмын үйл ажиллагаандаа энэ эмхэтгэлийг ашигладаг. Төрийн бүх хууль бусад шийдвэр нь гагцхүү “Төрийн мэдээлэл” эмхэтгэлд албан ёсоор нийтлэгдсэнээр /хуульд өөрөөр заагаагүй бол/ хүчин төгөлдөр болж мөрдөгддөг хуультай. “Төрийн мэдээлэл” эмхэтгэл нь Үндсэн хууль, холбогдох бусад хуулиар үйл ажиллагаа нь зохицуулагдсан Монголын цорын ганц, түүхэн үнэ цэнтэй хэвлэл” хэмээн хэллээ.




Мөн тэрбээр “Төрийн мэдээлэл” эмхэтгэлийг хариуцан ажиллаж байсан УИХ-ын Тамгын газрын үе үеийн ажилтнуудад, эмхэтгэлийг хэвлэн гаргахад гар бие оролцдог бүх хүмүүст талархал дэвшүүлэв хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

<iframe src=”https://www.facebook.com/plugins/video.php?href=https%3A%2F%2Fwww.facebook.com%2Fpolicemng%2Fvideos%2F815061785367062%2F&show_text=0&width=560” width=”560” height=”315” style=”border:none;overflow:hidden” scrolling=”no” frameborder=”0” allowTransparency=”true” allowFullScreen=”true”></iframe>

Санхүүгийн зохицуулах хорооноос сүүлийн нэг жилийн хугацаанд банк бус санхүүгийн байгууллагуудыг чадавхжуулах, хувь нийлүүлсэн хөрөнгийг нэмэгдүүлэх бодлого явуулж буй билээ.

Үүний үр дүнд энэ оны гуравдугаар улирлын байдлаар тус салбарын нийт актив 906 тэрбум төгрөгт хүрч, үүний дотор хувь нийлүүлсэн хөрөнгийн 160.7 тэрбум төгрөгөөр буюу 41.3 хувиар өслөө. Өртөг зардал багатай эх үүсвэр нэмэгдсэнээр нийт зээлийн хэмжээ өмнөх оны дүнтэй харьцуулахад 32.3 хувиар өсөж 592.4 тэрбум төгрөгт хүрч, зээлийн сарын жигнэсэн дундаж хүү жилийн өмнөхөөс 0.8 пунктээр буурч 3.4 хувь болоод байна.

Монголын Залуучуудын Холбооноос санаачлан 15 дахь жилдээ Монгол Улсын Иргэний андгай өргөх ёслолыг Монгол Улсын Засгийн газар, Хөдөлмөр Нийгмийн Хамгааллын Яам, Гэр бүл, Хүүхэд, Залуучуудын Хөгжлийн газартай хамтран ”Бүгд Найрамдах Улс Тунхагласан” өдөр буюу 11-р сарын 26-ны өдөр Төрийн ордны Их танхимд зохион байгууллаа.


Анхдугаар Үндсэн хууль батлагдсан, Тусгаар тогтносон Монгол Улсыг зарласан энэхүү түүхэн өдөр ”Монгол Улсын Иргэний Андгай өргөх ёслол”-ыг 2002 оноос эхлэн Монгол Улсын Ерөнхий сайдын ивээл дор тасралтгүй зохион байгуулж байна. Өнөөдрийн ёслолд 16 настнуудын төлөөлөл 850 гаруй сурагч оролцож, шилдэг 33 сурагч нь Монгол Улсын иргэний үнэмлэхээ энэ цаг үеийн манлайлагч эрхмүүдээс гардан авлаа. Залуу үеийнхэнд эх оронч сэтгэлгээг бий болгох, шударга амьдарч, хөдөлмөрлөж, төр түмнээ эрхэмлэн дээдлэн, түүх соёлоороо бахархах үзлийг төлөвшүүлэх зорилготой уг ёслолд Монгол Улсын Ерөнхий сайд У.Хүрэлсүх, Хөдөлмөр Нийгэм Хамгааллын Яамны сайд С.Чинзориг, МЗХ-ны Дэд Ерөнхийлөгч, БОАЖ-ын сайд, УИХ-ын гишүүн Н.Цэрэнбат, УИХ-ны гишүүн Г.Тэмүүлэн, Төрийн Соёрхолт ардын жүжигчин Н.Сувд, МУГЖ Т.Ариунаа, Монгол Улсын Гавъяат багш Ц.Түвшинтөгс, Гал Голомт хөдөлгөөний тэргүүн Д.Мөнхөө, Загвар өмсөгч Э.Энхболд, Загвар өмсөгч, Дэлхийн Мисс тэмцээний шилдэг 15 оролцогчийн нэг Ц.Энхжин зэрэг салбартаа тэргүүлэгч эрхмүүд уриалгаар оролцож, сурагчдад иргэний үнэмлэхийн гардуулж өглөө.


Ёслолын ажиллагааг нээж Монгол Улсын Ерөнхий сайд, У.Хүрэлсүх үг хэлсэн юм. Тэрээр ” Монгол Улсын иргэн хэмээх хүндтэй, хариуцлагатай алдрыг дуурсгаж явах эрхэм дүү та бүхэндээ чин сэтгэлийн халуун баяр хүргэн мэндчилж байна. Та бүхэнд цаашдын сурлага хөдөлмөр ажилд үйлст нь өндөр амжилтыг хүсье. Монгол Улсын хөгжил ирээдүй залуус та бүхний гарт байна. Монгол Улс бол залуучуудын орон. Нийт хүн амын 34,6 хувийг 15-24 насны залуучууд эзэлж байна. Төрөөс залуучууд руу чиглэсэн бодлого хөтөлбөрийг оновчтой, тодорхой байлгахаар Монгол Улсын Засгийн газар ажиллаж байна.” хэмээн онцлон хэллээ.




Мөн Монголын Залуучуудын Холбооны Ерөнхийлөгч, Дэлхийн Залуучуудын Ассамблейн дэд ерөнхийлөгч А.Мөнхбат 16 настнуудад мэндчилгээ дэвшүүлсэн юм. ”Энэ өдрөөс эхлэн та бүхэн хүүхэд гэдэг сайхан нэрээ гээж байна. Өнөөдрөөс эхлэн та бүгдийг залуу гэж дуудахаар болоод байна. Энэ цагаас эхлээд та бүгдийн алдаа, оноо чинь өөрийнх чинь болж эхэллээ. Энэхүү сайхан үйл ажиллагаа 15 дахь жилдээ Монгол Улсын Ерөнхий сайдын ивээл дор зохион байгуулагдаж байна. Монгол Улсын 30 дахь Ерөнхий сайд энэхүү уламжлалыг хадгалан та бүгдийг энэхүү төрийн их танхимд хүндэтгэн хүлээн авч байгааг уламжлахад таатай байна. Та бүгдийн дээр төр чинь байна. хажууд чинь анд нөхөд нь байна, гэрт нь аав, ээж, эмээ, өвөө нь бүгд илүү их амжилтыг гаргаасай, өвгөдийн хүрсэн бүхнийг үргэлжлүүлээсэй, дэлхийн хүн болоосой хэмээн хүсч байгаа шүү. Энэ зам мөр нь үргэлж дардан байг.” хэмээн мэндчилгээ дэвшүүллээ.





16 настнуудаа төлөөлөн 48-р сургуулийн 12б ангийн сурагч С.Номундарь үг хэллээ. Тэрээр хэлсэн үгэндээ ”Надад олон сайхан мөрөөдөл бий. Би чадварлаг дипломатч болохыг хүсдэг.Монгол орныхоо өв уламжлал, түүх соёл, ёс заншил мартаж боломгүй үүх түүхээ дэлхийд сурталчилан таниулах эрхэм зорилготой. Үүнийхээ төлөө хичээнгүйлэн суралцаж байна. Та бүхэн ч гэсэн мөрөөдөл зорилгоо тодорхойлчихсон, мөрөөдлөө зорилго болгоод хэрэгжүүлээд явж байгаа гэдэгт итгэлтэй байна” хэмээн онцлон хэллээ.


Мөн Монголын Залуучуудын Холбооны Ерөнхийлөгчийн онол бодлогын зөвлөх, ”Их Монгол Язгууртан” ТББ-ын тэргүүн Ө.Баяраа 16 настнуудад зориулан илтгэл тавьсан бол МУГЖ Т.Ариунаа 16 насныхаа тухай дурсамжаас хуваалцаж, сурагчдад цаашдын сурлага, хөдөлмөрт нь амжилтыг хүссэн.




Монгол Улсын Иргэний андгай өргөх ёслолын ерөнхий ивээн тэтгэгчээр ”Үндэсний Хөрөнгө оруулалтын банк” ажилласанбөгөөд ЗалуусынBEбрэнд, Гообрэнд, Монголын Үндэсний Музей дэмжин хамтран ажилласан юм.Иргэний андгай өргөх ёслолд уламжлал ёсоор 850 хүүхэд оролцож иргэний андгайгаа өргөсөнбөгөөд оролцож буй сурагчдадBEбрэндийн мөнгөн дугаар, Гоо брэндийн гарын бэлэг, Монголын Үндэсний Музейтэй үнэ төлбөргүй танилцах зэрэг бэлгүүдийг ивээн тэтгэгч байгууллагууд бэлэглэлээ.

Эрчим хүчний эдийн засгийн хүрээлэнгээс ЗИЛ-131 автомашиныг тоноглон, нарны эрчим хүчийг цуглуулах таван хавтангийн тусламжтайгаар 1,6 кваттын цахилгааныг гаргаж, зай хураагуураар эрчим хүчийг нөөцлөн 1,5 кватт эрчим хүчний эх үүсвэрийг гаргах боломжтой сэргээгдэх эрчим хүчний зөөврийн эх үүсвэрийн иж бүрдлийг Монголд анх удаа зохион бүтээсэн байна.



ЭХЯ-ны харьяа Эрчим хүчний эдийн засгийн хүрээлэнгийнхэн энэхүү шинэ бүтээлээ өнөөдөр Онцгой байдлын ерөнхий газарт хүлээлгэн өглөө.

Тус үйл ажиллагаанд ОБЕГ-ын тэргүүн дэд дарга, бригадын генерал Г.Ариунбуян, Санхүү хангалт, хөрөнгө оруулалтын газрын дарга, хошууч Я.Гантөмөр, Эрчим хүчний эдийн засгийн хүрээлэнгийн захирал М.Түвшинжаргал, эрдэмтэн нарийн бичгийн дарга Р.Энхтүвшин, ЭША Ш.Төмөрбаатар нарын албаны хүмүүс оролцсон юм.



Сэргээгдэх эрчим хүчний зөөврийн эх үүсвэрийн иж бүрдэл нь объектын гал түймрийг унтраахад ашигладаг насосыг таван цаг тасралтгүй ажиллуулах, 48м-ийн өндөрт нийт 12тн усыг гаргах хүчин чадалтай. Мөн ой, хээрийн түймрийн үед 180м-ийн өндөрт 15тн усыг гаргах техникийн үзүүлэлттэй бөгөөд бусад цахилгаан багажнуудыг шууд холболтоор шуурхай ажиллагааны үед ашиглах боломжтой аж.

Тиймээс Онцгой байдлын ерөнхий газраас тус иж бүрдлийг Орхон аймгийн Онцгой байдлын газарт олгохоор шийдвэрлэн газар дээр нь хүлээлгэн өглөө гэж Онцгой байдлын ерөнхий газраас мэдээллээ

Египетийн Синайн хойгт 300 гаруй хүний аминд хүрсэн террорист халдлага болсонтой холбогдуулан

Хүний эрх, эрх чөлөөг дээдлэн сахих нь бүх нийтийн аюулгүй байдал, энх тайвны үндэс болохыг тунхаглаж, Нэгдсэн Үндэстний Байгууллагын Ерөнхий Ассамблейгаас Хүний Эрхийн Түгээмэл Тунхаглалыг 1948 оны 12 дугаар сарын 10-ны өдөр батлан гаргасан билээ. Үүнээс хойш жил бүрийн энэ өдрийг ”Хүний эрхийн олон улсын өдөр” болгон дэлхий нийтээр тэмдэглэж, өдгөө 70 дахь жилтэйгээ золгож байна. Хүний эрхийн түгээмэл тунхаглал батлагдсаны 70 жилийн ойн хүрээнд Нэгдсэн Үндэстний Байгууллагын Хүний эрхийн Дээд комиссарын газраас гаргасан уриалгын дагуу дэлхий нийтээр иргэд, байгууллага, нийгмийн бүхий л хүрээний оролцоотойгоор хүний эрхийн асуудлыг хөндөж, эрхийнхээ төлөө тэмцэх, эрхээ шаардах талаар кампанит ажлыг бүтэн жилийн турш зохион байгуулахаар ажиллаж байна.
Монгол Улсын Хүний эрхийн Үндэсний Комиссоос Шүүхийн Ерөнхий Зөвлөл, Нийслэлийн Засаг даргын Тамгын газар, Монголын Хуульчдын Холбоо, Монголын Өмгөөлөгчдийн Холбоотой хамтран “Иргэдэд хууль зүйн зөвлөгөө өгөх” арга хэмжээг 2017 оны 12 дугаар сарын 5-8-ны өдрүүдэд Нийслэлийн үйлчилгээний нэгдсэн төвийн Драгон, Мишээл, Дүнжингарав, Оргил салбаруудад тус тус зохион байгуулах юм.
Хаана, хэзээ: Нийслэлийн үйлчилгээний нэгдсэн төвийн байруудад
1. Дүнжингарав салбар (2017.12.05-ны өдөр)
2. Мишээл салбар (2017.12.06-ны өдөр)
3. Драгон салбар (2017.12.07-ны өдөр)
4. Оргил салбар (2017.12.08-ны өдөр)
Мөн уг арга хэмжээний хүрээнд хамтрагч байгууллагууд болон тус Комиссын 21 аймаг дахь ажилтнууд 2017 оны 12 дугаар сарын 08-ны өдөр Монгол Улсын нэгдэн орсон олон улсын гэрээ, конвенц, Монгол Улсын Үндсэн хууль болон бусад хуулиар баталгаажуулсан хүний эрх, эрх чөлөөний асуудлаар аймаг бүрт иргэдэд үнэ төлбөргүй хууль зүйн зөвлөгөө өгч ажиллана.

Өвлийн улиралд иргэд угаарын хийгээр хордсны улмаас амь насаа алдах тохиолдол гардаг

Нийслэлийн Тээврийн газрын Автотээврийн хяналтын улсын байцаагч нар, Замын цагдаагийн албаны НЗХХГ-ын ЗХЗХ, дүүргүүд дэх замын цагдаагийн хэлтсийн бие бүрэлдэхүүн хамтран нийтийн тээврийн хэрэгслийн зогсоолуудад дүрэм зөрчин зогсож байгаа зөрчлийг таслан зогсоох, хөдөлгөөний аюулгүй байдлыг хангах, нийтийн тээврийн хэрэгслийн хурдан шуурхай зорчих нөхцлийг бүрдүүлэх, зам тээврийн осол, зөрчлөөс урьдчилан сэргийлэх зорилгоор нэгдсэн хяналт, шалгалтын ажлыг эхлүүлээд байна. Тус шалгалтыг 2017 оны арваннэгдүгээр сарын 21-нээс арванхоёрдугаар сарын 5-ны өдрийн хооронд явуулах бөгөөд зөрчил илрүүлэх теле камер, холбооны хэрэгсэл, шалгах төхөөрөмжтэйгөөр нийслэлийн 6 дүүрэгт үүрэг гүйцэтгэн ажиллаж байна.

Шалгалтын хүрээнд энэ сарын 21-ээс 26-ны өдөр нийтийн тээврийн хэрэгслийн хөдөлгөөнд саад учруулсан 843 зөрчил илрүүлж, 294 автомашины жолоочид газар дээр нь 4.455.000 төгрөгийн торгууль оногдуулах, 177 автомашины жолоочид сануулах, 12 автомашины бичиг баримтыг хураан авах, 11 автомашиныг ачуулах, нийтийн тээврийн хэрэгслийн зогсоолд автомашинаа байршуулж саад учруулсан 349 автомашины зөрчлийг баримтжуулан Замын хөдөлгөөний Удирдлагын төв рүү шилжүүлэн гэрийн хаягаар торгуулийн хуудас хүргүүлэх арга хэмжээг тус тус аваад байна.

Иймд иргэд та бүхэн нийтийн тээврийн хэрэгслийн зогсоолуудад замын хөдөлгөөний дүрэм зөрчиж зогсохгүй байх, зөвхөн зориулалтын зогсоолд автомашинаа зогсоож, замын хөдөлгөөнд соёлтой оролцохыг анхааруулж байна гэжнийслэлийн Тээврийн газраас мэдээллээ.

Төрийн өмчит “Монголын төмөр зам” компанийн хөрөнгөөс завшиж үрэгдүүлсэн хэрэгт холбогдон Интерполоор эрэн сурвалжлагдаж буй “Либерти партнерс” компанийн захирал

Монгол Улсаас Австрали Улсад суугаа Элчин сайдын яам Австрали Улсад суугаа Монголчуудын Холбоотой хамтран “Зүрхний хилэн” Монголын уран сайхны киноны нээлтийг Австрали Улсын Сидней хотноо 11 дүгээр сарын 22-нд хийв.

Энэ нь Австрали Улсад монголын уран сайхны киноны нээлт хийсэн анхны тохиолдол бөгөөд тус улсад сурч, ажиллан амьдарч буй монголчуудын талархлыг хүлээсэн үйл явдал болов.

Англи хадмал орчуулгатай уг киног Сидней хотод 3 өдөрт 2 удаагийн давталттайгаар гаргахад 2,000 орчим хүн үзэж сонирхсон бөгөөд үзэгчдийн 5 орчим хувь нь гадаадын иргэд байв. Нээлтэнд Австрали Улсад суугаа Элчин сайд Б. Чулуунхүү, Монголчуудын холбооны төлөөлөгчид болон тус киноны гол дүрийг бүтээсэн жүжигчин М.Баярбат нар оролцлоо.

Цаашид “Зүрхийн хилэн” киног Австралийн Канберра, Мелбурн, Брисбэн хотуудад тус тус гаргахаар төлөвлөж байна.

Монгол Улс анхдугаар Үндсэн хуулиа баталж, тусгаар тогтнолоо тунхагласны 93 жилийн ойн баяртай давхцан манай улсын агаарын замаар дамжин өнгөрөх нислэгийн тоо 100 мянгад хүрсэн түүхт үйл явдал тохиолоо.
“DLH726”аялалын дугаартай “A340-600”агаарын хөлөг 2017.11.26-ны өдрийн 11.45 минутад манай улсын хилээр нэвтрэн орж ирснээр агаарын тээврийн түүхэн дэхь дамжин өнгөрөлт анх удаа зургаан оронтой тоо давж байгаа нь энэ юм.
1993 онд өнгөрөлтийн нислэгийн тоо жилд 3220 байжээ. Харин энэ тоо жил бүр нэмэгдсээр өнгөрсөн онд 99.210-д хүрсэн байна. Цаашдаа ч техник, технологийн шинэчлэлийг хийж, цар хүрээгээ өргөжүүлснээр нэмэгдүүлэх бүрэн боломж байгааг албаныхан хэлж байна. ИНЕГ-ын дарга Л.Бямбасүрэн “Улс тунхагласны баярын өдөртэй зэрэгцэн манай улсын дээгүүр 100 мянга дахь агаарын тээвэр дамжин өнгөрсөн давхар баяр тохиолоо. Энэ нь 100 мянга дахь нислэг өнгөрөхөд Иргэний нисэхийн салбарт ажиллаж байсан олон мянган ажилтнууд болон үе үеийн удирдах албан тушаалтнуудын бодлогоор тавигдсан тоног төхөөрөмжийн шинэчлэл нөлөөллөө. Мөн бид өнгөрсөн нэг жилд навигацийн орлогын бодолтыг өөрчилж, агаарын тээвэрлэгч нартайгаа уулзан, тэдэнд өөрсдийн аюулгүй байдлын хангалтаа танилцуулсны үр дүнд нислэг нэмэгдлээ гэж үзэж байгаа. Өнгөрсөн гуравдугаар сард бид Монгол Улсаар дамжин өнгөрч байгаа нислэгээ чиг шулуун болгосон. Энэ нь агаарын тээвэрлэгч нарт эдийн засгийн ашигтай дэм болж байгаа юм. Учир нь тойрог замд цаг алдаж, шатахуун их зарцуулдаг байсан. Харин чиг шулуун болсноор манай улс дээгүүр арай бага хугацаанд, бага шатахуунаар дамжин өнгөрөх бололцоогоор хангагдсан” гэв.
Нислэгийн хөдөлгөөн удирдлагын төвд дөрвөн бүсийн бодит ажиглалтын нислэгийн удирдлагын сектор бий. Тус төвийн гол зорилго нь дамжин өнгөрч байгаа нислэгийг аюулгүй, үр ашигтай, найдвартай удирдлага үйлчилгээгээр хангах юм. Мөрөн секторын Бүсийн ажиглалтын нислэгийн удирдагч Б.Хашцолмон “А340” агаарын хөлгийг аюулгүй удирдлагаар хангаж, зөвшөөрөл өгөн хилээр нэвтрүүлсэн. Тэрбээр “Сая ХБНГУ-ын Мьюнхэнээс Шанхай хотын чиглэлд нисч байгаа агаарын хөлөг дамжин өнгөрлөө. Манай улсын хилээр нэвтрэхээс 10-15 минутын өмнө нэвтрэх онгоц зөвшөөрөл авах ёстой байдаг. Мөн хилийн бүс дээр хэдэн цагт ямар өндөртэй ирж байгаагаа илтгэнэ. Хэрэв нөгөө талын нислэгийн удирдлага манай улсад нэвтрэх эрхгүй байвал зөвшөөрөл олгоддоггүй” хэмээв.
Өмнө нь нислэг хоорондын зай 150 км буюу 10 минутын зайтай байдаг байсан. Харин 1992 оноос 90 км болсон бол 2015 оноос 30 км болсон байна. 30 км гэдэг нь онгоц хооронд таван минут гаруйхан хугацааны зайтай агаарын замд зорчино гэсэн үг юм. Түүнчлэн өнгөрөх нислэгийн тоо нэмэгдэж өдгөө хоногт дунджаар 400 орчим онгоц энэ төвийн удирдлаганд дор дайран өнгөрдөг. Эдгээр онгоцны 70-80 хувь нь шөнийн цагаар буюу 02.00- 06.00 цагийн хооронд өнгөрдөг байна. Ийм өндөр ачаалалтай, хариуцлагатай ажил хийдэг учир нислэгийн удирдагч нарт маш өндөр шаардлага тавьдаг. Тэднийг өмнө нь зөвхөн ОХУ-д бэлтгэдэг байсан бол сүүлийн жилүүдэд Швейцарь, Тайланд, Англи, БНХАУ, Украйн Улсад бэлтгэдэг болсон гэнэ. Мөн мэргэжлийн өндөр төвшнөөс гадна Англи хэлний олон улсын иргэний нисэхийн байгууллагын IVболон түүнээс дээш төвшний мэдлэгтэй байх шалгуурыг тавьж байна.
Техник, технологийн шинэчлэл хийж, 2012 онд нислэгийн бодит ажиглалтын систем суурилуулсан, агаарын замын бүтэц зохион байгуулалтаа шинэчилсэн зэрэг нь дамжин өнгөрөх нислэгийн тоо нэмэгдэхэд мөн нөлөөлсөн. Нислэгийн хөдөлгөөний үйлчилгээний албаны дарга П.Мөнхжаргал “Бид 1997 оноос хойш агаарын зайн багтаамжийг нэмэгдүүлэхээр эрчимтэй ажилласан. ИНЕГ-аас олон төрлийн шат дараалсан ажлыг хийсний үр дүнд Монгол Улсын агаарын зайн багтаамж тууш зайчлалыг тав дахин, босоо зайчлалын зайг 40 хувиар ихэсгэсэн. Иймээс бид 100 мянга байтугай 200 мянга, цаашдаа 400 мянган нислэгийг өнгөрүүлэх хүчин чадал бүхий агаарын зайтай болсон гэсэн үг. Энэ нь маш олон мэргэжилтний олон жилийн хүч хөдөлмөр, тухай бүрт авч хэрэгжүүлсэн ажлын үр дүн” гэлээ. Түүнчлэн цаашид хийхээр төлөвлөсөн зүйлсээ тэрбээр “Ирэх онд болон ойрын таван жилдээ төлөвлөсөн ажил их бий. Нислэг нэмэгдэхийн хэрээр нислэгийн удирдагч нараас гарах ур чадварыг өндөр төвшинд байлгах шаардлага тулгарна. Мөн Монгол Улсын агаарын зайн зохион байгуулалтыг шинэчлэх ажил төлөвлөгдөөд явж байна. Одоогоор манай бодит ажиглалтын дөрвөн сектор, процедурын ажиглалтын нэг сектор ажиллаж байгаа. Бид цаашдаа бодит ажиглалтын үйлчлгээтэй найман сектор болгож, ачааллыг жигд хуваарилах ажлыг хийнэ” хэмээв.
Одоогоор манай улсын агаарын зайг 87 улсын 180 гаруй компани ашиглаж, өнгөрөлтийн нислэг гүйцэтгэдэг. Цаашдаа он дуустал сар гаруйн хугацаанд 10 мянга гаруй нислэг өнгөрүүлэх тооцоо байгаа юм. Ингэснээр нийтдээ 110-115 мянган олон улсын нислэгийн дамжин өнгөрөлт хийх төлөвлөгөөтэй байна. Ингэснээр Монгол Улсад орох навигацийн орлого 50 тэрбумаар нэмэгдэх нөхцөл бүрдэж байна.
Навигацийн үйлчилгээний орлогоос 2011 онд Улсын төсөвт 40.8 тэрбум төгрөг төвлөрүүлж байсан бол 2015 онд 98.5 тэрбум, өнгөрсөн онд 130 гаруй тэрбум төгрөг төвлөрүүлжээ.