Монгол Улсын Ерөнхийлөгчийн сонгуульд Ардчилсан намаас нэр дэвшигч Х.Баттулга, Улсын Их Хурал дахь Ардчилсан намын бүлгээс “МАН-ын нэр бүхий албан тушаалтнууд сонгуулийн дараа 60 тэрбум төгрөг босгох тухай” гэх 90 минутын бичлэгийг шалгуулахаар Улсын Ерөнхий Прокурорын газар, Авлигатай тэмцэх газар, Тагнуулын ерөнхий газарт тус тус хандсан билээ.

Богдхан уулын дархан цаазат газрын Ихтэнгэрийн амны хязгаарлалтын бүсэд туул голын бургасыг сүйтгэж, барилга барьж байгаа тухай мэдээлэл олон нийтийн анхаарлын төвд орсон. Тэгвэл үүнтэй холбогдуулан БОАЖЯ-наас хэвлэлийн бага хурал зарлаж, уг асуудлаар БОАЖЯ-ны Тусгай хамгаалалттай нутгийн удирдлагын газрын ахлах мэргэжилтэн Ч.Гал мэдээлэл хийлээ.

60 тэрбумын бичлэгийг задруулсан гэх иргэн Г.Доржзодовын өмгөөлөгч Г.Баасан өнөөдөр мэдээлэл хийж ”Хуулийнхан манай үйлчлүүлэгчийг гүжирдсэн” хэмээн мэдэгдлээ.

Сонгуулийн сурталчилгаа дуусахад хэдхэн хоног үлджээ. Бариа хүрэхэд тавхан хоногийн зай байна. Энэ хугацааг нэр дэвшигчид онцгой гэгч нь ашиглаж, иргэдийн сонголтыг өөртөө татахгүй бол энэ удаагийн сонгуульд тэр нь ялна гэх урьдчилан харах нүд “бүдгэрэх” нь. Судалгааны байгууллагууд өөрсдийн хийсэн ажлаа тайлагнацгааж байна.

мрирахрахрхарахрахрхар

Г.Шийлэгдамба нарт холбогдох шүүх хуралдаан энэ сарын 12-ны өдөр Сүхбаатар дүүргийн эрүүгийн хэргийн анхан шатны шүүхэд болохоор товлогдсон ч Г.Шийлэгдамбын өмгөөлөгч н.Энхтуяа ирээгүй гэх шалтгаанаар хойшилсон. Тэгвэл шүүх хурал маргааш буюу энэ сарын 22-ны 09 цагт болно.

Монгол Улсын Их Сургууль 2017-2018 оны хичээлийн жилийн бакалаврын өдрийн хөтөлбөрийн элсэлт орон даяар 2017 оны 06 дугаар сарын 20-оос 07 дугаар сарын 03-ны 12.00 цаг хүртэл онлайн хэлбэрээр http://burtgel.num.edu.mn/ явагдаж байгаа тул элсэгч та амжиж бүртгүүлээрэй.

МУИС нь 2017-2018 оны хичээлийн жилд

Шинжлэх ухааны сургууль
Хэрэглээний шинжлэх ухаан, инженерчлэлийн сургууль
Бизнесийн сургууль
Хууль зүйн сургууль
Олон улсын харилцаа нийтийн удирдлагын сургууль
Завхан сургууль
Орхон сургууль гэсэн 7 бүрэлдэхүүн сургуульдаа элсэлт авч байна.

БОАЖЯ, НҮБ-ын Байгаль орчны хөтөлбөр, Даян дэлхийн сан хамтран “Алтны бичил уурхайгаас үүдэлтэй бохирдлыг бууруулах үндэсний төлөвлөгөө боловсруулах” төсөл болон “Мөнгөн усны тухай Минаматагийн конвенцийн хүрээнд Монгол Улсад хийх эхний үнэлгээ” төслийн нээлт, анхдугаар уулзалт хэлэлцүүлгийг хийж байна. “Блью Скай” зочид буудлын Топаз танхимд болж буй уг арга хэмжээнд БОАЖЯ-ны Төрийн нарийн бичгийн дарга Ц.Цэнгэл, Ногоон хөгжлийн бодлого, төлөвлөлтийн газрын дарга Т.Булган болон бусад холбогдох албаныхан оролцсон юм.

Улсын гуравдугаар төв эмнэлэг нь БНСУ-ын Рафаэл сантай 3 дахь жилдээ хамтран орчин үеийн дэвшилтэд анагаах ухааныг хөгжүүлэх чиглэлээр хамтран ажиллаж байгаа билээ. Энэхүү хамтын ажиллагааны хүрээнд Рафаэл сан, Улсын гуравдугаар төв эмнэлгийн урилгаар БНСУ-ын “Сөүлийн их сургуулийн эмнэлэг”-ийн хүүхдийн зүрхний мэс заслын 14 хүний бүрэлдэхүүнтэй баг ирж ажиллаж байна.

2017 оны 06 дугаар сарын 20-ны Мягмар гарагт Замын цагдаагийн албаны ЖШУХ дээр нийт 348 дуудлага, мэдээ мэдээлэл хүлээн авснаас, зам тээврийн ослын 252 дуудлага бүртгэгдсэн бөгөөд осол, хэргийн улмаас 6 хүн гэмтсэн. Ослын шалтгаан, хэлбэрээр нь авч үзвэл явган зорчигч мөргөж гэмтээсэн 4, автомашинтай мөргөлдсөн 4, үл хөдлөх зүйл мөргөсөн /шон, хашаа гэх мэт/ 2 осол тус тус бүртгэгдсэнийг ЗЦА шалгаж байна.

Цагдаагийн байгууллагаас гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 43 жолоочийг илрүүлэн саатуулж ажиллаа.

1. 2017.06.21-ний өдрийн 03 цагийн орчим БГД-ийн нутаг “Нар” хүүхдийн дэлгүүрийн хойд замд амины Domani автомашины жолооч Э нь явган зорчигч 15 настай А, 16 настай О нарыг мөргөж гэмтээсэн. Явган зорчигч нар согтууруулах ундааны зүйл хэрэглэсэн үедээ замын хөдөлгөөнд оролцсон.

2. БГД-ийн нутаг “Оргил” худалдааны төвийн урд замд T.prius маркийн автомашины жолооч Т нь явган зорчигч 37 настай Б, 25 настай А нарын 2 хүнийг мөргөж гэмтээсэн. Мөн явган зорчигч нар согтууруулах ундааны зүйл хэрэглэсэн үедээ замын хөдөлгөөнд оролцсон байна

Авлигатай тэмцэх газар 2017 оны 06 дугаар сарын 12-16-ны өдрүүдэд нийтийн албанд томилогдохоор 179 нэр дэвшигчийн урьдчилсан мэдүүлгийг шинээр хүлээн авсан байна.

Өнгөрсөн долоо хоногт 243 мэдүүлгийг хянан шийдвэрлэсэн бөгөөд үүнээс ашиг сонирхлын зөрчил үүсэх нөхцөл байдал тогтоогдоогүй 201, хууль, журамд заасан үндэслэлээр буцаасан 34, нэр дэвшигч нь ажлын байрны тодорхойлолт болон хуульд заасан шаардлага хангаагүй, ашиг сонирхлын зөрчил үүсэж болохуйц нөхцөл байдлыг тогтоож 7 нэр дэвшигчийн урьдчилсан мэдүүлгийг анхааруулсан бол тухайн албан үүргийг гүйцэтгэхэд илт ашиг сонирхлын зөрчил үүссэн 1 нэр дэвшигч байгааг тогтоож шийдвэрлэсэн байна. Одоогоор ажиллагаанд 210 нэр дэвшигчийн хувийн ашиг сонирхлын урьдчилсан мэдүүлэг хянагдаж байна.

Уул уурхай, хүнд үйлдвэрийн яамны Төрийн захиргааны удирдлагын газрын Гадаад хамтын ажиллагааны хэлстийн мэргэжилтний албан тушаалд томилогдохоор нэр дэвшсэн А.Содбилэг, Шударга өрсөлдөөн, хэрэглэгчийн төлөө газрын Хэрэглэгчийн эрхийг хамгаалах газрын шуурхай бүлгийн мэргэжилтний албан тушаалд томилогдохоор нэр дэвшсэн М.Буянхишиг, Монгол Улсын Их сургуулийн харьяа “Байгаль-Эх” лицей ахлах сургуулийн сургалтын менежерийн албан тушаалд томилогдохоор нэр дэвшсэн Б.Булгамаа нарын зэрэг 201 иргэний хувийн ашиг сонирхлын урьдчилсан мэдүүлгийг хянан үзээд тухайн албан тушаалд томилоход ашиг сонирхлын зөрчил үүсэх нөхцөл байдал тогтоогдоогүй гэж үзсэн байна.

Өнгөрсөн долоо хоногт хянан шалгасан урьдчилсан мэдүүлгийн дийлэнх хувийг Онцгой байдлын ерөнхий газар, Төрийн өмчийн бодлого зохицуулалтын газар, Татварын ерөнхий газар зэрэг байгууллагаас ирүүлжээ.

Улаанбаатар хотод 2017.06.19-ний өдрийн 22:00 цагаас 20-ны өдрийн 21:00 цаг хүртэл их хэмжээний усархаг бороо орсны улмаас орон сууц, барилгын зоорийн давхруудад их хэмжээний ус орсон, айл өрхийн гэр, хашаа усанд автсан тухай нийт 71 дуудлагыг Нийслэлийн Мэдээлэл, шуурхай удирдлагын төвд хүлээн авсан байна.


ОБЕГ-ын харьяа Аврах тусгай анги, Нийслэлийн Аврах 105 анги, төвийн 6 дүүргийн 11 анги, нийт 13 ангийн 179 алба хаагч, 30 техник хэрэгсэлтэйгээр иргэд, аж ахуй, нэгж байгууллагын аюулгүй байдлыг хангаж ажиллав.

“Улаанбаатар цом” боксын ОУТ-д 10 орны боксчид хүч үзнэ

Сонирхогчдын боксын ”Улаанбаатар цом” олон улсын тэмцээн Улаанбаатар хотноо зургадугаар сарын 21-25-нд Хандгайт дахь ”Их тамир” спорт цогцолборт болно
МБХ-ны ерөнхий нарийн бичгийн дарга Ц.Батнасан хэлэхдээ” Улаанбаатар хотноо 1969 оноос эхлэн 2000 он хүртэл 26 удаа зохион байгуулж ирсэн боксын олон улсын уламжлалт тэмцээнийг МБХ-ноос дахин сэргээж 2016 онд “Улаанбаатар цом” нэртэйгээр 27 дахь удаагаа амжилттай зохион байгуулсан. Тус тэмцээнд гадаадын 5 орноос тамирчид ирсэн бол энэ жилийн тэмцээнд 9 орны боксчид манай нийслэлд ирээд байна.
Тэмцээний тов Европын аварга шалгаруулах тэмцээнтэй давхцсан учраас энэ тивээс ганц ОХУ-аас тамирчид ирлээ. Улаанбаатарын олон улсын тэмцээнд /Интернациональ/ өмнө Куба, Румын, Польш, БНАСАУ, хуучин ЗХУ-ын шилдэг боксчид ирж тоглож байсныг тухайн үеийнхэн сайн мэднэ. Олон улсын сонирхогчдын боксын холбоотой зөвшилцөж “Улаанбаатар цом” тэмцээнийг олон улсын А зэрэглэлийн тэмцээн болгохын төлөө бид ажиллаж байгаа. Жил ирэх тусам энэ тэмцээний чансаа, нэр хүнд өсч байна. Энэ удаагийн тэмцээний хоол болон байрны зардлыг зохион байгуулагч тал дааж байгаа. Манай тэмцээнд Засгийн газрын шийдвэрээр төсвөөс 80 сая төгрөг гаргаж өгсөн. Мөн Нийслэлийн Засаг даргын Тамгын газар, МИАТ компани, Капитрон банк зэрэг олон байгууллагаас ивээн тэтгэж байгаад МБХ нийт тамирчид, баг хамт олныхоо өмнөөс талархал илэрхийлье. Бид “Улаанбаатар цом” ОУТ-ийг “Токио-2020” зуны олимпийн наадмын эрх авах сонгон шалгаруулах тэмцээн болгох зорилт тавиад ажиллаж байгаа” хэмээн онцлов.
”Улаанбаатар цом” боксын 28 дахь удаагийн олон улсын тэмцээнд Монгол, ОХУ, БНХАУ, Энэтхэг, Казахстан, БНАСАУ тэргүүтэй 10 орны нийт 121 боксчин аваргын төлөө өрсөлдөнө. Харин манай улсаас Зохион байгуулагч орны хувьд давуу эрхийн дагуу жин тус бүрт дөрөв, нийт 40 тамирчин оролцоно. Хандгайт дахь ”Их тамир” спорт цогцолборт эрэгтэй 7, эмэгтэй 3 жинд шилдгүүдийн тулаан өрнөх юм.
Энэхүү тэмцээнд манай шилдэг боксчдоос олимпийн хүрэл медальт, гавьяат тамирчин Д.Отгондалай, Азийн АШТ-ий мөнгө, хүрэл медальт, ОУХМ Б.Түвшинбат, Рио 2016 наадмын тавдугаар байрын шагналт, ОУХМ Э.Цэндбаатар нараас бусад нь хүч, ур чадвараа сорино.
Энэ тэмцээн ирэх наймдугаар сард Германд болох ДАШТ-ий өмнөх чухал сорил болохыг мэргэжилтнүүд онцолж байгаа юм. “Улаанбаатар цом” тэмцээнийг “Эх орон” ТВ шууд дамжуулан үзүүлнэ. Мөн Үндэсний мэдээллийн МОНЦАМЭ агентлаг мэдээллийн ивээн тэтгэгчээр ажиллаж тэмцээний талаар гадаад, дотоодод мэдээлнэ.
Дашрамд дуулгахад, Тэмцээн болох өдрүүдэд 12,13,14 цагаас Спортын төв ордны өмнөх талбайгаас Хандгайт ”Их Тамир” спорт цогцолбор хүртэл автобусаар үнэ төлбөргүй үйлчилнэ.

Нийслэлийн тээврийн газраас Баянзүрх дүүргийн 19, 20 дугаар хорооны иргэдийн зорчих эрэлтийг үндэслэн Ч:64 “Цагаан даваа-Офицеруудын ордон-Монгол кино үйлдвэр” гэсэн чиглэлийг шинээр нээлээ. Тус чиглэлд “Эрдэм транс” ХХК ажлын өдөр 3, амралтын өдөр 2 гаралтаар 15-17 минутын зайтай үйлчилнэ.

Мөн Сонгинохайрхан дүүргийн 31, 22 дугаар хорооны иргэдийн санал хүсэлтэд тулгуурлан ХО:10 “/Эмээлт хурган/-Хархорин-10 хороолол” чиглэлийн замналыг Эмээлтээс цааш 1.7 км, Ч:47 “Орбит-Ард кино театр” чиглэлийн замналыг 1.2 км тус тус сунгаж, дээрх чиглэлийн үйлчилгээнд ажиллах тээврийн хэрэгслийн цагийн хуваарийг 2017 оны зургаадугаар сарын 21-ний өдрөөс мөрдөн үйлчилнэ гэж нийслэлийн Тээврийн газраас мэдээллээ.

Төв аймгийн Мөнгөнморьт, Эрдэнэ сум, Булган аймгийн Тэшиг, Дорнод аймгийн Баянтүмэн, Сүхбаатар аймгийн Эрдэнэцагаан суманд гарсан нийт 5 түймрийг бүрэн унтрааж орон нутагт хүлээлгэн өгсөн байна.

Өнөөдрийн байдлаар улсын хэмжээнд нэг түймэр асч, гурван түймрийг цурманд оруулсан, бүрэн унтраахаар ажиллаж байна.

Асч байгаа: Булган аймаг Тэшиг сумаас 70 км Хужирт багийн “Эг тарвагатайн бэлчир” гэдэг газар гарсан ойн түймрийг унтраахаар Булган, Орхон аймгийн Онцгой байдлын газраас 50, Зэвсэгт хүчний 186-р ангиас 63 алба хаагч, орон нутгаас 29 иргэн, нийт 142 хүн 11 автомашин, 21 морьтойгоор ажиллаж байна.

Хан-Уулын усанд автсан айлуудад шуурхай тусаллаа

Төрийн болон орон нутгийн өмчит үйлдвэрийн газар, нийслэлийн төсөвт газар, төлөөлөгчийн газрууд нийслэлийн Татварын газар харъяалагдах болсонтой холбогдуулан татвар төлөх дансны дугааруудад өөрчлөлт орлоо. Иймд дараах дансдуудад татвараа хийнэ үү гэж нийслэлийн Татварын газраас мэдээллээ.

Д/д

Банк

Банкин дахь татварын орлогын

Дансны нэр

Дансны дугаар

1

Улаанбаатар хотын банк

НТГ.Суутган-1

2 611 197 056

2

НТГ.ҮХЭХАТ

2 611 197 057

3

НТГ.Газрын ҮХЭХАТ

2 611 197 058

4

НТГ.Нийслэл хотын албан татвар

2 611 197 059

5

НТГ.Ус ашигласны төлбөр

2 611 197 060

6

НТГ.АТБӨЯХАТ

2 611 197 061

7

НТГ.Татварын бус орлого

2 611 197 062

8

НТГ.Хүү торгуулийн орлого

2 611 197 063

9

НТГ.УТХ

2 611 197 064

10

НТГ.ААНОАТ

2 611 197 065

11

НТГ.НӨАТ

2 611 197 066

12

НТГ.Дотоодын архины ОАТ

2 611 197 067

13

НТГ.Дотоодын пивоны ОАТ

2 611 197 068

14

НТГ.Татварын бус орлого

2 611 197 069

15

НТГ.Оршин суугч бусын НӨАТ

2 611 197 070

1

Голомт банк

НТГ.ААНОАТ

1 165 109 422

2

НТГ.НӨАТ

1 165 109 423

3

НТГ.Суутган-1

1 165 109 424

4

НТГ.ҮХЭХАТ

1 165 109 425

5

НТГ.Нийслэл хотын албан татвар

1 165 109 426

1

Худалдаа хөгжлийн банк

НТГ.ААНОАТ

499 252 066

2

НТГ.НӨАТ

499 252 067

3

НТГ.Суутган-1

499 252 068

4

НТГ.ҮХЭХАТ

499 252 069

5

НТГ.Газрын ҮХЭХАТ

499 252 070

6

НТГ.Нийслэл хотын албан татвар

499 252 071

1

ХААН банк

НТГ.ААНОАТ

5 042 434 002

2

НТГ.НӨАТ

5 042 434 013

3

НТГ.Суутган-1

5 042 434 024

4

НТГ.ҮХЭХАТ

5 042 434 035

5

НТГ.АТБӨЯХАТ

5 042 434 046

6

НТГ.Татварын бус орлого

5 042 434 057

7

НТГ.Нийслэл хотын албан татвар

5 042 434 068

1

Төрийн банк

НТГ.ААНОАТ

106 000 050 337

2

НТГ.НӨАТ

106 000 050 345

3

НТГ.Суутган-1

106 000 050 359

4

НТГ.ҮХЭХАТ

106 000 050 368

5

НТГ.Нийслэл хотын албан татвар

106 000 050 376

2017.06.21 / БИЛГИЙН ТООЛЛЫН 27
ЗУНЫ ТЭРГҮҮН ХӨХӨГЧИН МОГОЙ САРЫН
НЭГ ЦАГААН МЭНГЭТЭЙ ШАРАГЧИН ТУУЛАЙ ӨДӨР
Үс засуулбал: Өлзийтэй сайн
Наран ургах, шингэх: 04.53-20.52
Барилдлага: Үхэх
Шүтэн барилдлага: Хүрэлцэхүй
Суудал: Хий
Аргын тооллын 6 сарын 21, Буд гараг. Билгийн тооллын 27, Нэгэн эхийн зургаан хөвгүүн одтой, шарагчин туулай өдөр. Өдрийн наран 4 цаг 53 минутад мандан, 20 цаг 52 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, угаал үйлдэх, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн.

2017 оны 06 дугаар сарын 20-ны 20 цагаас 06 дугаар сарын 21-ний 20 цаг
хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Үүлшинэ. Шөнөдөө бороо орохгүй. Өдөртөө зарим газраар түр зуурын бороо орно. Дуу цахилгаантай. Салхи баруун өмнөөс секундэд 7-12 метр. Алтай, Хангайн уулархаг нутгаар шөнөдөө 3-8 хэм, өдөртөө 19-24 хэм, Их нууруудын хотгор болон Алтайн өвөр говиор шөнөдөө 14-19 хэм, өдөртөө 30-35 хэм, бусад нутгаар шөнөдөө 10-15 хэм, өдөртөө 24-29 хэм дулаан байна.

ТӨВИЙН АЙМГУУДЫН НУТГААР: Солигдмол үүлтэй. Зарим газраар бороо орно. Дуу цахилгаантай. Салхи зүүн хойноос секундэд 8-13 метр. Хангай, Хөвсгөл, Хэнтийн уулархаг нутгаар шөнөдөө сэрүүсч 1-6 хэм, өдөртөө 14-19 хэм, бусад нутгаар шөнөдөө 5-10 хэм, өдөртөө 21-26 хэм дулаан байна.

ЗҮҮН АЙМГУУДЫН НУТГААР: Солигдмол үүлтэй. Шөнөдөө бороо орохгүй. Өдөртөө зарим газраар түр зуурын бороо орно. Дуу цахилгаантай. Салхи зүүн хойноос секундэд 7-12 метр, борооны өмнө салхи түр зуур ширүүснэ. Шөнөдөө нутгийн хойд хэсгээр 3-8 хэм, бусад нутгаар 6-11 хэм, өдөртөө бүх нутгаар 21-26 хэм дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Бороо орохгүй. Салхи зүүн хойноос секундэд 5-10 метр. Шөнөдөө 10-12 хэм, өдөртөө 23-25 хэм дулаан байна.

ГОВИЙН АЙМГУУДЫН НУТГААР: Үүлэрхэг. Шөнөдөө нутгийн баруун хэсгээр, өдөртөө зарим газраар бороо орно. Дуу цахилгаантай. Салхи хойноос секундэд 6-11 метр, зарим газраар түр зуур секундэд 16-18 метр хүрч ширүүснэ. Шөнөдөө Дундговийн нутгаар 9-14 хэм, бусад нутгаар 13-18 хэм, өдөртөө бүх нутгаар сэрүүсч 20-25 хэм дулаан байна.

УЛААНБААТАР ХОТ: Үүлшинэ. Шөнөдөө бага зэргийн бороо, өдөртөө түр зуурын бороо орно. Дуу цахилгаантай. Борооны өмнө салхи түр зуур ширүүснэ. Шөнөдөө 7-9 хэм, өдөртөө 22-24 хэм дулаан байна.

Хөдөлмөр, нийгмийн хамгааллын яамны нээлттэй хаалганы өдөрлөг болж өндөрлөлөө. Өчигдөр /2017.06.19/ эхэлсэн уг арга хэмжээ хоёр өдрийн турш Сүхбаатарын талбайд үргэлжлэх төлөвлөгөөтэй байсан ч цаг уурын нөхцөл байдлаас шалтгаалж өнөөдөр Сүхбаатарын талбайд үргэлжилж чадаагүй юм.

Гэвч цаг агаарын хүндрэлийг үл харгалзаж хүрэлцэн ирсэн иргэдийгээ яамныхаа байранд хүлээн авч хэрэгтэй мэдээллийг өгч, зарим иргэдийг ажлын байранд зуучлах ажлыг зохион байгууллаа. Тодруулбал, Сүхбаатарын талбайд өдөрлөгийн арга хэмжээнд оролцохоор ирсэн иргэдийг нэгдсэн зохион байгуулалттайгаар ХНХЯ-ны байранд хүлээн авч уулзсан юм. Өнөөдрийн арга хэмжээнд тус яамны харьяа бүх газрууд оролцлоо.

Өдөрлөгийн арга хэмжээг ХНХЯ-ны Төрийн нарийн бичгийн дарга Г.Өнөрбаяр хаасан үг хэлсэн юм. Тэрбээр, ”ХНХЯ-ны нээлттэй хаалганы өдөрлөг амжилттай болж өндөрлөж байна. Өнөөдөр цаг агаарын нөхцөл байдлаас шалтгаалж төлөвлөсөн ёсоор Сүхбаатарын талбайд арга хэмжээгээ зохион байгуулж чадаагүйдээ иргэдээсээ хүлцэл өчье. Гэсэн хэдий ч бид иргэдийнхээ санал хүсэлтийг хүлээж авахаар яамныхаа зааланд өдрийн турш ажиллалаа. Гэсэн хэдий ч хамгийн их хүн оролцсон нээлттэй хаалганы өдөрлөг боллоо гэж олон нийт биднийг дүгнэж байна. Ажлын байрыг нэмэх зорилтынхоо хүрээнд хийсэн хамгийн том ”Хөдөлмөрийн бирж”-ээр үйлчлүүлсэн иргэдийн тоо урьдчилсан байдлаар 10.000 хол давсан гэсэн мэдээлэл байна. Өнөөдөр оройдоо багтаад аймгийн төвүүд болон алслагдсан дүүргүүдээс мэдээлэл ирж, нэгдсэн дүнг та бүхэнд танилцуулна. Мөн манай яамны нээлттэй хаалганы өдөрлөгийн бусад яамдуудаас онцлог байсан нэг зүйл нь ганцхан Сүхбаатарын талбайд зохион байгуулагдаагүй бөгөөд 21 аймаг, гурван дүүрэгт нэгэн зэрэг зохион байгуулагдсан юм. Бидний ажилд гүн туслалцаа үзүүлж улс орныхоо ирээдүйн төлөө ажлын байрны захиалга авч идэвхтэй оролцсон аж ахуйн нэгжүүд болон үйл ажиллагаагаа олон нийтэд танилцуулсан ТТБ-ууддаа яамныхаа нэрийн өмнөөс талархал илэрхийлье.

Мөн иргэдийнхээ санал сэтгэлийг сонсч, хэрэгтэй мэдээллээр нь хангах үүргээ биелүүлсэн салбарынхаа бүх ажилтан албан хаагчдад талархал илэрхийлэх нь зүйтэй. Бид нээлттэй хаалганы өдөрлөгөө хоёрхон өдөр хийгээд дуусдаг биш манай салбар өдөр болгон ард түмнийхээ өмнө нээлттэй байдаг юм. Цаашдаа ч нээлттэй байх ёстой шүү гэдгийг хэлмээр байна” гэсэн юм.



ЭХ СУРВАЛЖ: Хөдөлмөр, нийгмийн хамгааллын яамны хэвлэлийн алба