... Гар гараасаа атгасан таван эрхэм эх орноо тойрч тойрч Улаанбаатарт газардлаа. АН-ын даргын сунгаа хэмээх эл өрсөлдөөн саяхан эхэлсэн гэвэл эндүүрэл болно. Товчхондоо бол Ц.Элбэгдоржийг Монгол Улсын Ерөнхийлөгч болсон 2009 онд энэхүү өнөөдрийн уралдааны эхлэл тавигдсан байдаг...

* * *ӨРНИЙН ЗУРХАЙ * * *
ХОНЬ (3/21-4/19)

Анхаарал төвлөрөх өдөр. Бүх анхаарлаа төвлөрүүлж цаашдын төлөвлөгөөгөө нарийн боловсруул. Таны хүсэл эрмэлзэл хилийн чанад руу тэмүүлнэ. Холын аялал, бизнесээ өргөжүүлэхэд таатай тул шийдвэр гарга. Явсан хүн хождог тул хүслээ дарж, шийдэмгий биш байх хэрэггүй.
ҮХЭР (4/20-5/20)

Ямар ч зүйлийг эхлэхэд сайн өдөр. Амжилтын алтан эхлэл дээр байна. Тооцоо судалгаа сайтай ажил од эрхэсийн эерэг нөлөөгөөр амжилттай хэрэгжинэ. Бусдад та сайхан сэтгэгдэл төрүүлж чадна. Гай газар дороос гэдэг тохиолдохыг үгүйсгэхгүй. Сайн төвлөр гэсэн үг. Ухаан санаагаа төвлөрүүлж чадвал тодорхой үйл хэрэгт амжилт гаргана.
ХАМТАТГАХ (5/21-6/21)

Ажилдаа ханцуй шамлан орох өдөр. Түншүүдтэйгээ урьдчилан гэрээ хэлэлцээр хийх, маркетингийн судалгаа явуулах, шаардлагатай мэдээлэл хүлээн авах магадлалтай. Нөхцөл байдал сайнгүй ч дэлхий сөнөчихгүйгээс хойш шинэ төслүүдээ барьж авах цаг болжээ. Амьдралдаа ямар нэгэн зүйлийг эрс өөрчлөхөөр шийдсэн бол хойш тавилгүй эхлэ. Хувийн асуудалдаа шийдвэр гаргахаар зоригло, энэ зоригийнхоо төлөө та шагнуулах болно.
МЭЛХИЙ (6/22-7/22)

Итгэл найдвар, үнэнч шударга байдал давамгайлсан өдөр. Хамтрагч нарыг зүгээс зарим нэг тогтворгүй байдал илрэх боловч хүнд үед танд итгэх болно. Бусдад биелэгдэшгүй амлалт бүү өг. Эргэн тойрныхондоо шударга ханд, бүү бөөрөнхийл. Хийж чадах зүйлээсээ илүүг өөртөө бүү үүр. Чадвартай хүний хүчийг ашигла.
АРСЛАН (7/23-8/22)

Хуурамч бардам зангаа орхиж хувь заяа танд өгсөн зүйлийг авахад бэлэн бай. Байгаадаа сэтгэл хангалуун байхаас гадна хувь заяаны төөргийг голж болохгүй өдөр. Ийм байгаа бол тийм байхаар л та амьдарч байгаадаа эвлэрэх өдөр. Үнэхээр өөр байхыг хүсч байгаа бол золиослох зүйлээ сайн тооцоол. Хачирхалтай нь од эрхэс аль алийг нь ивээж байна. Та маш завгүй байх тул аахар шаахар асуудлууд таны анхаарлыг огт татахгүй.
ОХИН (8/23-9/22)

Сайхан үгэнд хууртаж магадгүй өдөр. Хоосон магтаалд уярахгүй тулд өөрийнхөө хатуу зан чанараа харуулах хэрэгтэй. Нүүр хараад магтдаг, далдуур муулдаг хүмүүстэй дараагийн алхамынхаа төлөө аргагүйн эрхэнд холбоотой байна. Тийм хүмүүсийн сайхан үгэнд орж болохгүй. Хэдий тийм биш хүмүүс ч гэсэн буруу ойлголт авсанаар та нарын харьцаанд хагарал гарах магадлалтай, Учир нь таны тэсвэр дуусч болно. Та урвалт ба хууралтыг өршөөхгүй гэж өнгөн дээрээ хатуурхаж болохгүй.
ЖИНЛҮҮР (9/23-10/22)

Байгуулсан гэрээ хэлэлцээрүүд ашигтай өдөр. Таны ур чадварыг мэдрүүлэх ашигтай хэлцлүүд болно. Удирдлагадаа ур чадвараа мэдрүүл болно. Мэргэжил дээшлүүлэх албан тушаал дэвших асуудалд таатай. Бага зэрэг сүсэг бишрэл илүүдэхгүй. Өвсний үндэс, арцаар утаа гаргаж муу атаархлыг ор мөргүй замхруул.
ХИЛЭНЦ (10/23-11/21)

Амжилттай өдөр. Бусадтай харьцахдаа хянуур бай. Болгоомжгүй анхааралгүй хэлсэн үг хийсэн жижиг гэлтгүй үйлдэл бусдыг гүн гүнзгий гомдоовол хожим их хор хохиролтой байна. Амьдралд тань боломжын сайн өөрчлөлтүүд гарч зарим удаан хугацаанд түгшүүлсэн үйл явдал эерэгээр шийдэгдэх эхлэл тавигдана. Оюуны ажил, уран бүтээлдээ сайн төвлөрч, үр дүн гарга. Тархи толгойгоо сайн амрааж, сэргэлэн цовоо байх хэрэгтэй.
НУМ (11/22-12/21)

Ажил хэргийн эхлэх үйл явц жигдэрнэ. Өнөөдөр сургалт, эрдэм шинжилгээний туршилтуудад оролцох, мэргэжлийн хүмүүсээс мэдлэг, туршлага суралцахад таатай байна. Ашиг өгч эхлээгүй ч үйл ажиллагааныхаа явцад бусад хүмүүстэй ашигтай тааламжтай харьцаа тотоох хэрэгтэй байдаг.
МАТАР (12/22-1/19)

Олон хүнтэй харилцах өдөр. Хэн нэгэн чухал хүн тэдний дунд байх тул та бүү түүрт. Тэр хүн танд хожим хэрэг болно. Бусдад та чадвараа харуулахад бэлд. Олон дэмжигч таныг хүлээж байна. Та өнөөдөр хүний арга эвийг олж харилцахад бэлэн байна. Эрч хүчээ хэрэгтэй цагт нь ашиглаарай. Буруу хүнтэй үдийн хоол идэж магадгүй тул болгоомжтой бай.
ХУМХ (1/20-2/18)

Олон нийт, улс төрийн ажилд тохиромжтой өдөр. Хэлэх илтгэлээ маш сайн бэлд. Хошигнол цагийг нь олвол амжилт олох өдөр. Санхүүгийн асуудлуудаа шийдэхээ хойшлуул. Олон нийтийн арга хэмжээнд оролцохдоо өрсөлдөөнийг овжин ашигла. Бусадтай үзэл санааны зөрчлөө бүү хурцатга. Эргээд хамтрах шаардлага гарах магадлалтай.
ЗАГАС (2/19-3/20)

Нийгмийн байр сууриа дээшлүүлэх өдөр. Шаардлагатай бол хэвлэлийн бага хурал, олон нийтийн арга хэмжээнээс бүү татгалз. Мэргэжлийн ба ажил хэрэгч чадваруудаа нээн харуулах боломжоо бүү алд. Өөртөө байгаа сайн сайхан зан чанар, мэдлэг чадвараа бусдад харамгүй зориул. Хариуд нь та таатай харилцаа, нэр төр олж авна. Сэтгэл, зүтгэл байхад ямар ч зүйлийг хялбархан эзэмшинэ.

...Манай улсын хэтэрхий олон иргэний хувьд амьдрал, бодит байдал шударга бус байна. Манай улсад эхчүүд, хүүхдүүд ядууралд нэрвэгдсэн байна. Манай улсын хаа сайгүй булшны чулуу шиг зэвэрч нурсан үйлдвэрүүд байна. Манай улсын нийслэл дэх нэгэн жижиг бүлэг засгийн газраас ашиг хүртэж, шагнал авлаа. Харин үүний зардлыг нь ард түмэн төллөө...

01 дүгээр сарын 26, 27-ны Пүрэв, Баасан гарагт 10.00 цагаас:

“Монгол Улсын Ерөнхийлөгчийн 2017 оны ээлжит сонгуулийн санал авах өдрийг тогтоох, сонгуулийг товлон зарлах тухай” Улсын Их Хурлын тогтоолын төсөл;
“Монгол Улсын Ерөнхийлөгчийн 2017 оны ээлжит сонгуульд техник хэрэгсэл хэрэглэх тухай” Улсын Их Хурлын тогтоолын төсөл;
Ахмад настны тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, эцсийн хэлэлцүүлэг/;
Алдар цолтон ахмад настанд төрөөс нэмэгдэл, хөнгөлөлт олгох тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, эцсийн хэлэлцүүлэг/;
Дипломат албаны тухай хуульд нэмэлт, өөрчлөлт оруулах тухай хуулийн төсөл /Засгийн газар 2016.12.22-ны өдөр өргөн мэдүүлсэн, эцсийн хэлэлцүүлэг/;
Арбитрын тухай хуулийн шинэчилсэн найруулгын төсөл болон холбогдох бусад хуулийн төсөл /Засгийн газар 2016.09.30-ны өдөр өргөн мэдүүлсэн, эцсийн хэлэлцүүлэг/;
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд нэмэлт оруулах тухай болон холбогдох бусад хуулийн төслүүд /Засгийн газар 2016.12.28-ны өдөр өргөн мэдүүлсэн, анхны хэлэлцүүлэг/;
Зөвлөлдөх санал асуулгын тухай хуулийн төсөл /Улсын Их Хурлын гишүүн Г.Занданшатар нарын 30 гишүүн 2016.12.26-ны өдөр өргөн мэдүүлсэн, анхны хэлэлцүүлэг/;
Иргэний улс төрийн эрхийг хэрэгжүүлэх тухай хуулийн төсөл /Монгол Улсын Ерөнхийлөгч 2016.12.27-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
Цэргийн албан хаагчийн тэтгэвэр, тэтгэмжийн тухай хуульд нэмэлт, өөрчлөлт оруулах тухай, Цэргийн албан хаагчийн тэтгэвэр, тэтгэмжийн тухай хуулийг дагаж мөрдөх, журмын тухай хуульд нэмэлт оруулах тухай хуулийн төсөл /Засгийн газар 2016.12.28-ны өдөр өргөн мэдүүлсэн, анхны хэлэлцүүлэг/;
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төсөл /Засгийн газар 2016.10.07-ны өдөр өргөн мэдүүлсэн, анхны хэлэлцүүлэг, үргэлжилнэ/;
Согтууруулах ундаа хэтрүүлэн хэрэглэсэн этгээдийг албадан эрүүлжүүлэх тухай хуульд нэмэлт, өөрчлөлт оруулах тухай, Захиргааны хариуцлагын тухай хуульд нэмэлт оруулах тухай хуулийн төслүүд /Улсын Их Хурлын гишүүн М.Билэгт нарын 10 гишүүн болон Засгийн газар 2016.12.28-ны өдөр өргөн мэдүүлсэн хуулийн төслүүдийг нэгтгэсэн төсөл, анхны хэлэлцүүлэг/;
Гаалийн албан татвараас чөлөөлөх тухай хуульд өөрчлөлт оруулах тухай хуулийн төсөл /Улсын Их хурлын гишүүн Ж.Ганбаатар нарын 8 гишүүн 2016.12.22-ны өдөр өргөн мэдүүлсэн, анхны хэлэлцүүлэг/;
Гамшгаас хамгаалах тухай хуулийн шинэчилсэн найруулгын төсөл /Монгол Улсын Ерөнхийлөгч 2016.12.27-ны өдөр өргөн мэдүүлсэн, анхны хэлэлцүүлэг/;
Монгол Улсын Хөгжлийн банкны тухай хуулийн шинэчилсэн найруулгын төсөл /Улсын Их Хурлын гишүүн Б.Жавхлан нарын 19 гишүүн 2016.12.22-ны өргөн мэдүүлсэн, анхны хэлэлцүүлэг/;
“Төрөөс төмөр замын тээврийн талаар баримтлах бодлогын хэрэгжилтийг хангах тухай” Улсын Их Хурлын тогтоолын төсөл /Засгийн газар 2016.12.27-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
“Төрийн өмчөөс хувьчилж үл болох эд хөрөнгийн жагсаалт батлах тухай” тогтоолын хавсралтад нэмэлт оруулах Улсын Их Хурлын тогтоолын төсөл /Засгийн газар 2016.12.27-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
Мал, амьтны эрүүл мэндийн тухай хуулийн төсөл болон түүнтэй хамт өргөн мэдүүлсэн холбогдох бусад хуулийн төсөл /Засгийн газар 2016.12.28-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
Малын генетик нөөцийн тухай хуулийн төсөл болон түүнтэй хамт өргөн мэдүүлсэн холбогдох бусад хуулийн төсөл /Засгийн газар 2016.12.28-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
“Хэнтий Хан уулын нэрийг Бурхан Халдун уул гэж өөрчлөх тухай” Улсын Их Хурлын тогтоолын төсөл /Засгийн газар 2016.12.28-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
Биеийн тамир, спортын тухай хуулийн шинэчилсэн найруулгын төсөл /Засгийн газраас 2016.12.28-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
Улсын Их Хурлын гишүүн Б.Баттөмөрөөс “1995-2015 оны Нийгмийн даатгалын сангийн хөрөнгө, түүний зарцуулалт, Нийгмийн даатгалын сангийн тухай хууль тогтоомжийн хэрэгжилт, цаашид авч хэрэгжүүлэх арга хэмжээний талаар” Монгол Улсын Ерөнхий сайдад тавьсан асуулгын хариуг сонсох;
Улсын Их Хурлын гишүүн Н.Учралаас “Инновацийн тухай, Үйлдвэрлэлийг дэмжих тухай хуулиудын хэрэгжилт, хуулийг хэрэгжүүлэх хүрээнд батлагдан гарсан болон гарах журмууд, тэдгээрийн хэрэгжилт, Засгийн газрын 2014 оны 374 дүгээр тогтоолын хэрэгжилт, үндэсний инновацийн тогтолцоо, инновацийн үйл ажиллагааны өнөөгийн нөхцөл байдал, тулгамдаж буй асуудал, цаашид хэрхэн шийдвэрлэх талаар” Монгол Улсын Ерөнхий сайдад тавьсан асуулгын хариуг сонсох.

Өнөөдөр аргын тооллын 2017 оны нэгдүгээр сарын 23. Даваа гараг. Билгийн тооллын XVII жарны ”Муу нүүрт” хэмээгч Гал бич жилийн өвлийн дунд цагаан хулгана сарын 26. Сумъяа гараг. Эрхтэний тэнгэрт одтой, зургаан цагаан мэнгэтэй, цагаан нохой өдөр.

Барилдлага: Идэр
Шүтэн барилдлага: Хуран үйлдэхүй
Суудал: Төмөр

Өдрийн наран 8 цаг 17 минутад мандан, 17 цаг 41 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, хүүхэд үрчлэн авах, тангарагаа буцаахад сайн.

Нүүдэл суудал хийх, хэрүүл тэмцэл хийх, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн.
Үс шинээр үргээлгэх буюу засуулахад жаргал үргэлжид ирэх сайн

Улсын Их Хурлын даргын дэргэдэх Зөвлөлийн 2017.01.20-ны өдрийн хурлаар батлав.

МОНГОЛ УЛСЫН ИХ ХУРЛЫН 2016 ОНЫ НАМРЫН ЭЭЛЖИТ ЧУУЛГАНЫ 2017 ОНЫ 01 ДҮГЭЭР САРЫН 23-ААС 27-НЫ ӨДРҮҮДЭД НАМЫН БҮЛЭГ, АЖЛЫН ХЭСЭГ, БАЙНГЫН ХОРООНЫ БОЛОН НЭГДСЭН ХУРАЛДААНААР ХЭЛЭЛЦЭХ АСУУДАЛ, ХУВААРЬ

НЭГ.УЛСЫН ИХ ХУРАЛ ДАХЬ НАМЫН БҮЛГИЙН ХУРАЛДААН:

01 дүгээр сарын 23-ны Даваа гарагт:

Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд;
Улсын Их Хурал дахь Ардчилсан намын бүлгийн хуралдаан “Их Эзэн Чингис хаан” танхимд.

ХОЁР.АЖЛЫН ХЭСГИЙН ХУРАЛДААН:

01 дүгээр сарын 23-ны Даваа гарагт:

Инновацийн тухай хуулийн хэрэгжилтийг шалгаж, цаашид авч хэрэгжүүлэх арга хэмжээний талаар санал, дүгнэлт гаргах, шийдвэрийн төсөл боловсруулах үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 13.00 цагаас МУИС, ШУТИС, АШУҮИС-ийн байранд;
Монгол Улсын гадаад харилцааны тухай хуулийн төслийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын байнгын хорооны ажлын хэсгийн хуралдаан 14.00 цагаас “Г” танхимд;
Ахмад настны тухай болон Алдар цолтон ахмад настанд төрөөс нэмэгдэл, хөнгөлөлт олгох тухай /шинэчилсэн найруулга/ хуулийн төслүүдийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 14.00 цагаас Нээлттэй сонсголын танхимд;
Монгол Улсын Хөгжлийн банкны тухай хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 14.00 цагаас “Их Эзэн Чингис хаан” танхимд;
Арбитрын тухай хуулийн шинэчилсэн найруулгын төсөл болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 14.00 цагаас 334 тоот өрөөнд;
Зөвлөлдөх санал асуулгын тухай хуулийн төслийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын хэсгийн хуралдаан 14.00 цагаас “В” танхимд;
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төслийн талаар Хууль, зүйн байнгын хорооны танилцуулга-хэлэлцүүлэг 15.00 цагаас “Жанжин Д.Сүхбаатар” танхимд.

01 дүгээр сарын 24-ний Мягмар гарагт:

Шинжлэх ухаан, технологийн тухай хуулийн хэрэгжилт, шинжлэх ухааны хүрээлэнгүүдийн үйл ажиллагаатай танилцаж, тулгамдсан асуудлыг шийдвэрлэх талаар санал, дүгнэлт боловсруулах үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 09.00 цагаас Шинжлэх ухааны технологийн сангийн байранд;
Гамшгаас хамгаалах тухай хуулийн шинэчилсэн найруулгын төслийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын байнгын хорооны ажлын хэсгийн хуралдаан 14.00 цагаас “В” танхимд;
Мэдээллийн аюулгүй байдлын тухай хуулийн шинэчилсэн найруулгын төслийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын байнгын хорооны ажлын дэд хэсгийн хуралдаан 15.00 цагаас “Г” танхимд.

01 дүгээр сарын 25-ны Лхагва гарагт:

Казиногийн тухай хуулийн төсөл болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 10.00 цагт 334 тоот өрөөнд;
“Төрөөс тэтгэврийн шинэчлэлийн талаар баримтлах бодлогын хэрэгжилт” сэдвийн хүрээнд Төрөөс тэтгэврийн шинэчилэлийн талаар баримтлах бодлогын хэрэгжилтийг шалгаж, цаашид авч хэрэгжүүлэх арга, хэмжээний талаар санал, шийдвэрийн төсөл боловсруулах үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн өргөтгөсөн хуралдаан 14.00 цагаас “Жанжин Д.Сүхбаатар” танхимд.

ГУРАВ.БАЙНГЫН ХОРООНЫ ХУРАЛДААН:

01 дүгээр сарын 24-ний Мягмар гарагт:

1.Хууль зүйн байнгын хорооны хуралдаан 09.00 “Их Эзэн Чингис хаан” танхимд:

Хэлэлцэх асуудал:

Арбитрын тухай хуулийн шинэчилсэн найруулгын төсөл болон холбогдох бусад хуулийн төсөл /Засгийн газар 2016.09.30-ны өдөр өргөн мэдүүлсэн, эцсийн хэлэлцүүлэг/;
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төсөл /Засгийн газар 2016.10.07-ны өдөр өргөн мэдүүлсэн, анхны хэлэлцүүлэг, үргэлжилнэ/;
Согтууруулах ундаа хэтрүүлэн хэрэглэсэн этгээдийг албадан эрүүлжүүлэх тухай хуульд нэмэлт, өөрчлөлт оруулах тухай, Захиргааны хариуцлагын тухай хуульд нэмэлт оруулах тухай хуулийн төслүүд /Улсын Их Хурлын гишүүн М.Билэгт нарын 10 гишүүн болон Засгийн газар 2016.12.28-ны өдөр өргөн мэдүүлсэн хуулийн төслүүдийг нэгтгэсэн төсөл, анхны хэлэлцүүлэг/;
Хууль зүйн байнгын хорооны 2016 оны 06 дугаар тогтоолоор байгуулагдсан Оросын холбооны Улсын Засгийн газар болон тус улсын өндөр технологийн үйлдвэрлэлийн бүтээгдэхүүн бүтээх, үйлдвэрлэх, экспортлох ажиллагааг дэмжих “Ростех” улсын корпорацийн “Эрдэнэт үйлдвэр” ХХК болон “Монголросцветмет” ХХК-нд эзэмшиж байсан 49 хувийн энгийн хувьцааг Монголиан Коппер Корпорейшн ХХК худалдан авсантай холбогдох асуудлыг иж бүрнээр нь шалгаж, санал, дүгнэлт гаргах үүрэг бүхий ажлын хэсгийн санал, дүгнэлт.

2.Өргөдлийн байнгын хорооны хуралдаан 09.00 цагаас “В” танхимд:

Хэлэлцэх асуудал:

“Ажлын байр нэмэгдүүлэх, ажилгүйдлийг бууруулах арга зам” сэдэвт хэлэлцүүлэгт оролцогчдоос гаргасан саналын дагуу авч хэрэгжүүлсэн арга хэмжээний талаар Хөдөлмөр, нийгмийн хамгааллын яамны мэдээлэл сонсох.

3.Төрийн байгуулалтын байнгын хорооны хуралдаан 14.00 цагаас “Их Эзэн Чингис хаан” танхимд:

Хэлэлцэх асуудал:

“Монгол Улсын Ерөнхийлөгчийн 2017 оны ээлжит сонгуулийн санал авах өдрийг тогтоох, сонгуулийг товлон зарлах тухай” Улсын Их Хурлын тогтоолын төсөл;
“Монгол Улсын Ерөнхийлөгчийн 2017 оны ээлжит сонгуульд техник хэрэгсэл хэрэглэх тухай” Улсын Их Хурлын тогтоолын төсөл;
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд нэмэлт оруулах тухай болон холбогдох бусад хуулийн төслүүд /Засгийн газар 2016.12.28-ны өдөр өргөн мэдүүлсэн, анхны хэлэлцүүлэг/;
Зөвлөлдөх санал асуулгын тухай хуулийн төсөл /Улсын Их Хурлын гишүүн Г.Занданшатар нарын 30 гишүүн 2016.12.26-ны өдөр өргөн мэдүүлсэн, анхны хэлэлцүүлэг/;
Иргэний улс төрийн эрхийг хэрэгжүүлэх тухай хуулийн төсөл /Монгол Улсын Ерөнхийлөгч 2016.12.27-ны өдөр өргөн мэдүүлсэн, төслийн үзэл баримтлалыг хэлэлцэх эсэх/.

4.Нийгмийн бодлого, боловсрол, соёл, шинжлэх ухааны байнгын хорооны хуралдаан 14.00 цагаас “Жанжин Д.Сүхбаатар” танхимд:

Хэлэлцэх асуудал:

Ахмад настны тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, эцсийн хэлэлцүүлэг/;
Алдар цолтон ахмад настанд төрөөс нэмэгдэл, хөнгөлөлт олгох тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, эцсийн хэлэлцүүлэг/;
Цэргийн албан хаагчийн тэтгэвэр, тэтгэмжийн тухай хуульд нэмэлт, өөрчлөлт оруулах тухай, Цэргийн албан хаагчийн тэтгэвэр, тэтгэмжийн тухай хуулийг дагаж мөрдөх, журмын тухай хуульд нэмэлт оруулах тухай хуулийн төсөл /Засгийн газар 2016.12.28-ны өдөр өргөн мэдүүлсэн, анхны хэлэлцүүлэг/;
Биеийн тамир, спортын тухай хуулийн шинэчилсэн найруулгын төсөл /Засгийн газраас 2016.12.28-ны өдөр өргөн мэдүүлсэн, төслийн үзэл баримтлалыг хэлэлцэх эсэх/.

01 дүгээр сарын 25-ны Лхагва гарагт:

1.Эдийн засгийн байнгын хорооны хуралдаан 09.00 цагаас “Жанжин Д.Сүхбаатар” танхимд:

Хэлэлцэх асуудал:

Монгол Улсын Хөгжлийн банкны тухай хуулийн шинэчилсэн найруулгын төсөл /Улсын Их Хурлын гишүүн Б.Жавхлан нарын 19 гишүүн 2016.12.22-ны өргөн мэдүүлсэн, анхны хэлэлцүүлэг/;
“Төрөөс төмөр замын тээврийн талаар баримтлах бодлогын хэрэгжилтийг хангах тухай” Улсын Их Хурлын тогтоолын төсөл /Засгийн газар 2016.12.27-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
“Төрийн өмчөөс хувьчилж үл болох эд хөрөнгийн жагсаалт батлах тухай” тогтоолын хавсралтад нэмэлт оруулах Улсын Их Хурлын тогтоолын төсөл /Засгийн газар 2016.12.27-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
Аялал, жуучлалын салбарын өнөөгийн байдал болон эдийн засгийг сэргээх хөтөлбөрт аялал, жуучлалын талаар тусгагдсан зорилт, арга хэмжээг хэрэгжүүлэх бэлтгэл ажлын явц, тулгамдсан асуудлуудын талаархи Байгаль орчин, аялал жуучлалын сайдын мэдээлэл;
Хууль зүйн байнгын хорооны 2016 оны 06 дугаар тогтоолоор байгуулагдсан Оросын холбооны Улсын Засгийн газар болон тус улсын өндөр технологийн үйлдвэрлэлийн бүтээгдэхүүн бүтээх, үйлдвэрлэх, экспортлох ажиллагааг дэмжих “Ростех” улсын корпорацийн “Эрдэнэт үйлдвэр” ХХК болон “Монголросцветмет” ХХК-нд эзэмшиж байсан 49 хувийн энгийн хувьцааг Монголиан Коппер Корпорейшн ХХК худалдан авсантай холбогдох асуудлыг иж бүрнээр нь шалгаж, санал, дүгнэлт гаргах үүрэг бүхий ажлын хэсгийн санал, дүгнэлт.

2.Байгаль орчин, хүнс, хөдөө аж ахуйн байнгын хорооны хуралдаан 09.00 цагаас “В” танхимд:

Хэлэлцэх асуудал:

Мал, амьтны эрүүл мэндийн тухай хуулийн төсөл болон түүнтэй хамт өргөн мэдүүлсэн холбогдох бусад хуулийн төсөл /Засгийн газар 2016.12.28-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
Малын генетик нөөцийн тухай хуулийн төсөл болон түүнтэй хамт өргөн мэдүүлсэн холбогдох бусад хуулийн төсөл /Засгийн газар 2016.12.28-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
“Хэнтий Хан уулын нэрийг Бурхан Халдун уул гэж өөрчлөх тухай” Улсын Их Хурлын тогтоолын төсөл /Засгийн газар 2016.12.28-ны өдөр өргөн мэдүүлсэн, төслийн үзэл баримтлалыг хэлэлцэх эсэх/;
Ажлын хэсэг байгуулах тухай.

3.Аюулгүй байдал, гадаад бодлогын байнгын хорооны хуралдаан 14.00 цагаас “Их Эзэн Чингис хаан” танхимд:

Хэлэлцэх асуудал:

Дипломат албаны тухай хуульд нэмэлт, өөрчлөлт оруулах тухай хуулийн төсөл /Засгийн газар 2016.12.22-ны өдөр өргөн мэдүүлсэн, эцсийн хэлэлцүүлэг/;
Гамшгаас хамгаалах тухай хуулийн шинэчилсэн найруулгын төсөл /Монгол Улсын Ерөнхийлөгч 2016.12.27-ны өдөр өргөн мэдүүлсэн, анхны хэлэлцүүлэг/.

4.Төсвийн байнгын хорооны хуралдаан 14.00 цагаас “В” танхимд:

Хэлэлцэх асуудал:

Гаалийн албан татвараас чөлөөлөх тухай хуульд өөрчлөлт оруулах тухай хуулийн төсөл /Улсын Их хурлын гишүүн Ж.Ганбаатар нарын 8 гишүүн 2016.12.22-ны өдөр өргөн мэдүүлсэн, анхны хэлэлцүүлэг/;
“Аудитын сэдэв батлах тухай” Төсвийн Байнгын хорооны тогтоолын төсөл;
“Төрийн аудитын байгууллагын зохион байгуулалтын бүтцийн ерөнхий бүдүүвч, орон тооны дээд хязгаарыг батлах тухай” Төсвийн Байнгын хорооны тогтоолын төсөл.

2017 оны 1 дүгээр сарын 22-ны 20 цагаас 1 дүгээр сарын 23-ны 20 цаг хүртлэх
цаг агаарын урьдчилсан мэдээ

БАРУУН АЙМГУУДЫН НУТГААР: Солигдмол үүлтэй. Цас орохгүй. Салхи баруун өмнөөс секундэд 5-10 метр, Алтайн салбар уулсаар секундэд 12-14 метр хүрч ширүүснэ. Увс нуурын хотгор, Идэр, Тэс голын хөндий, Хүрэн бэлчир орчмоор шөнөдөө 33-38 хэм, өдөртөө 22-27 хэм, Монгол Алтайн нурууны өвөр хэсгээр шөнөдөө 24-29 хэм, өдөртөө 11-16 хэм, бусад нутгаар шөнөдөө 17-22 хэм, өдөртөө 3-8 хэм хүйтэн байна.

ТӨВИЙН АЙМГУУДЫН НУТГААР: Солигдмол үүлтэй. Цас орохгүй. Салхи зүүн өмнөөс секундэд 4-9 метр. Дархадын хотгор, Хараа, Ерөө голын хөндийгөөр шөнөдөө 36-41 хэм, өдөртөө 23-28 хэм, Хөвсгөлийн уулархаг нутаг, Орхон-Сэлэнгэ, Эг, Туул, Тэрэлж голын хөндийгөөр шөнөдөө 29-34 хэм, өдөртөө 16-21 хэм, Хангай, Хэнтийн уулархаг нутгаар шөнөдөө 24-29 хэм, өдөртөө 12-17 хэм, бусад нутгаар шөнөдөө 17-22 хэм, өдөртөө 4-9 хэм хүйтэн байна.

ЗҮҮН АЙМГУУДЫН НУТГААР: Багавтар үүлтэй. Цас орохгүй. Салхи баруун хойноос секундэд 5-10 метр. Хэрлэн, Онон, Улз, Халх голын хөндийгөөр шөнөдөө 33-38 хэм, өдөртөө 18-23 хэм, бусад нутгаар шөнөдөө 26-31 хэм, өдөртөө 14-19 хэм хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Цас орохгүй. Салхи баруун өмнөөс секундэд 5-10 метр. Шөнөдөө 31-33 хэм, өдөртөө 16-18 хэм хүйтэн байна.

ГОВИЙН АЙМГУУДЫН НУТГААР: Багавтар үүлтэй. Цас орохгүй. Салхи зүүнээс секундэд 6-11 метр. Өмнөговийн нутгаар шөнөдөө 15-20 хэм, өдөртөө 3-8 хэм, бусад нутгаар шөнөдөө 22-27 хэм, өдөртөө 6-11 хэм хүйтэн байна.

УЛААНБААТАР ХОТ: Шөнөдөө үүлшинэ, өдөртөө багавтар үүлтэй. Цас орохгүй. Салхи зүүн өмнөөс секундэд 6-11 метр. Шөнөдөө Яармаг-Сонгины орчмоор 34-36 хэм, бусад хэсгээр 24-26 хэм, өдөртөө 13-15 хэм хүйтэн байна.

2017 оны 1 дүгээр сарын 24-нөөс 1 дүгээр сарын 28-ныг хүртэлх
цаг агаарын урьдчилсан төлөв

24-нд баруун аймгуудын нутгийн баруун хэсгээр, 25-нд баруун болон төвийн аймгуудын нутгаар, 26-нд төвийн аймгуудын зүүн хэсэг, говь болон зүүн аймгуудын нутгийн зарим газраар цас орж, цасан шуурга шуурна. Салхи 24-нд баруун зүгийн нутгаар, 25-нд ихэнх нутгаар, 26-нд говь талын нутгаар секундэд 14-16 метр, 28-нд зарим газраар секундэд 12-14 метр хүрч ширүүснэ. Увс нуур болон Дархадын хотгор, Завхан голын эх, Идэр, Тэс, Ерөө голын хөндийгөөр шөнөдөө 30-35 хэм, өдөртөө 19-24 хэм, Хангай, Хөвсгөлийн уулархаг нутаг, Хүрэн бэлчир, Орхон-Сэлэнгэ, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 25-30 хэм, өдөртөө 13-18 хэм, Их нууруудын хотгор, Монгол Алтайн нурууны өвөр хэсэг, Хэнтэйн уулархаг нутгаар шөнөдөө 20-25 хэм, өдөртөө 10-15 хэм, говийн бүс нутгийн өмнөд хэсгээр шөнөдөө 10-15 хэм, өдөртөө 0-5 хэм, бусад нутгаар шөнөдөө 13-18 хэм, өдөртөө 3-8 хэм хүйтэн байна. 25-нд нутгийн хойд хэсгээр, 26-нд ихэнх нутгаар хүйтэрнэ.

Биеийг цэвэршүүлнэ.



Ходоодны үйл ажиллагааг дэмжиж элгийг цэвэршүүлэхээс эхлээд элдэв бактерийг устгах, цаашлаад ходоод, хоол боловсруулах эрхтний элдэв эмгэгт өртөх эрсдлийг бууруулж биед хурсан хорт бодисыг гадагшлуухах сайн талтай.



Цусыг цэвэршүүлж, цусны даралтыг тогтворжуулна.



Лимон нь калигаар нэн баялаг тул зүрх судасны өвчтэй хүмүүс хэрэглэхэд нэн тохиромжтой ба толгой эргэх, дотор муухай оргихыг багасгаж цусны даралтыг тогтворжуулах ба стрессийг багасгаж амраах үйлчилгээтэй гэнэ.



Амны хөндийг эрүүл байлгана.



Лимонтой усыг мөн амны хөндийн эрүүл ахуйд сайн нөлөөтэй гэж үзэх нь бий. Буйлнаас цус шүүрэх зэрэг буйлны үрэвсэл элдэв эмгэгийн үед лимонтой ус, лимоны хальс, лимоны шүүсээр массажлах, амаа зайлах нь буйлны үрэвсэлт өвчинг намдааж, амны эвгүй үнэрийг дардаг гэнэ.



Жингээ хасахад тустай.



Өглөө өлөн элгэн дээрээ лимонтой ус уух нь дээр дурьдсанчлан элгийг цэвэршүүлээд зогсохгүй жингээ хасахад тустай ажээ. Түүнчлэн лимоны шүүсийг бүлээн устай хольж зөгийн бал нэмж уух нь мөн л эрүүл мэндэд, жингээ хурдан хасахад эерэг нөлөөтэй юм байна.



Ургийн өсөлт, хөгжилд эерэг нөлөөтэй.



Жирэмсэн эмэгтэйн ургийн ясны бэхжилтэд сайнаар нөлөөлөхийн зэрэгцээ тархины өсөлт хөгжилт болон мэдрэлийн эсүүдэд эерэг нөлөөтэй гэнэ. Нэг ширхэг лимонд агуулагдах кали нь 48.3%, кальци 29.9%, фосфор 11.1% ба магни 4.4% буюу хамгийн өндөр агууламжтай тул байнга хэрэглэж заншвал зохих амин дэмүүдийн нэг юм.



Таны гоо сайханд олон талын ач холбогдолтой



Лимон бол байгалийн гаралтай хүний биед нэн хэрэгцээт амин дэмүүдийг агуулсан гайхалтай жимс бөгөөд лимонтой усыг тогтмол ууснаар арьсны үхэжсэн эд эс сэргэж, яр шархлаа анихаас гадна С амин дэмийн агууламжаар баялаг тул үрчлээтэхээс сэргийлж, хар батга, хөгшрөлтийн эсрэг тэмцэх сонгодог бүтээгдэхүүн ажээ. Түүнчлэн сэвх толбыг бүдэгрүүлж, үснийхээ өнгийг өөрчилж мөн сэргээхэд хэрэглэдэг байна.

Өрхийн амьжиргааны түвшинг тодорхойлох судалгаанд хамрагдсан өрхийн 0-18 хүртэлх насны хүүхэд бүрт хүүхдийн мөнгө олгох ажлыг зохион байгуулахыг сайд Н.Номтойбаярт даалгав.

Хүүхэд болон эх, эцэг, асран хамгаалагч, харгалзан дэмжигч, итгэмжлэгдсэн этгээд нь үйлчлүүлэх банкаа өөрөө сонгох эрхтэй. Хүсэлт гаргахдаа иргэний цахим үнэмлэх, хүүхдийн төрсний гэрчилгээ, хэрэв хүүхэд 16 нас хүрсэн бол иргэний цахим үнэмлэхийг нь авч банкинд бүртгүүлэх ёстой.

Хүүхдийн мөнгийг банкинд хүсэлт гаргасан сараас нь тооцож сар бүрийн 20-ны өдрөөс хойш олгохоор журамд заасан байна. Бүтэн өнчин, эцэг, эх, асран хамгаалагч нь тогтоогдоогүй зэрэг шалтгаанаар асрамжийн газарт байгаа хүүхдийн мөнгийг тухайн асрамжийн газар хүүхдийн нэр дээр данс нээж банкинд хадгалуулна.

Харин ял эдэлж байгаа болон цагдан хоригдож байгаа бол нэр дээр нь данс нээж банкинд хадгалуулахаар болжээ. Гадаад оршин суугаа Монгол Улсын иргэний хүүхдийн мөнгийг төлөөлөн авах иргэний өргөдөл, хилийн чанадад суугаа Дипломат төлөөлөгчийн газрын итгэмжлэл, тодорхойлолтыг үндэслэн итгэмжлэгдсэн этгээдэд нь олгож байхаар журамд тусгасан байна.

2016 оны төсвийн тодотголын дагуу нийгмийн зорилтот бүлэг буюу 1-17 дугаар бүлгийн нийт 660 гаруй мянган хүүхдэд хүүхдийн мөнгө олгоно. Энэ нь мөнгө авах ёстой нийт хүүхдийн 60 хувь бөгөөд үлдсэн 40 хувьд ногдох хүүхдийн мөнгийг бэлэн бусаар хуримтлуулж 2019 оноос нөхөж олгох юм.

Олон нийтийн сүлжээгээр БНХАУ-ын иргэд Монгол Улсад 30 хүртэл хоног визгүй зорчино гэсэн мэдээлэл гарч байгаа нь ташаа мэдээлэл болохыг Гадаад харилцааны яам хариуцлагатайгаар мэдэгдэж байна.

Гадаад улсын иргэдийг Монгол Улсын визээс чөлөөлөх асуудлыг олон улсын гэрээгээр шийдвэрлэх хуулийн зохицуулалттай бөгөөд хятад иргэдийг визгүй зорчуулах талаар Засгийн газраас ямар нэг шийдвэр гараагүй болно.

Хоёр улсын иргэд харилцан зорчих асуудлыг Иргэд харилцан зорчих нөхцөлийн тухай Монгол, Хятадын хооронд 1989 онд байгуулсан хэлэлцээрийн дагуу зохицуулдаг бөгөөд энгийн паспорттай хятад иргэд Монгол Улсын виз авах шаардлага хэвээр мөрдөгдөж байна.

Сүүлийн үед зарим хувь хүмүүс олон нийтийн сүлжээг ашиглан гадаад бодлого, хоёр улсын харилцаатай холбоотой асуудлаар хариуцлагагүй, худал мэдээлэл түгээж, улмаар ард иргэдийг бухимдуулах, хоёр улсын харилцаанд сэв суулгаж болзошгүй мэдэгдэл хийж байгаа тул иргэд та бүхэн эдгээр мэдээллийг сайтар нягталж, зөвхөн албан ёсны эх сурвалжийн мэдээлэлтэй танилцаж байхыг хүсье.

Цай цагаан, хар, улаан, шар, ногоон гээд олон янз байдаг. Бүгд өөр өөрийн гэсэн ач холбогдолтой, бас дутагдалтай юм. Бидэнд уугаад дассан цай байдаг бол, уух нь бүү хэл сонсоо ч үгүй цай байдаг ажээ. Ингэхэд ямар цай хамгийн тустай вэ? Өөр өөр газар тарьсан цай юугаараа ялгаатай байдаг юм бол?

Цагаан цай

Цагаан цайны модыг зөвхөн Хятад болон Шри-Ланкад тариалдаг. Цайг үйлдвэрлэхдээ мөчир бүрийн оройн хоёр навчийг авч, бага зэрэг хатаагаад нэг минут хүрэхгүй хугацаанд ууран дээр барьдаг. Ашиг тустай чанар гэвэл, цагаан цай амин дэм, бичил элементүүдээ бүрэн хадгалдаг учраас “үхэлгүй мөнхийн рашаан” гэдэг. Цагаан цай уувал хөгшрөх үйл явц удааширч, хавдрыг анагааж, элдэв нянгаас хамгаалдаг байна. Харин сөрөг тал нь гэвэл, цагаан цайны амт маш нарийн, зөөлөн бөгөөд цайг аагшуулж ууж сурсан хүмүүс тэр амтыг бараг мэдэрдэггүй. Цагаан цайг 100 хэмийн халуун усанд 3-5 минут хандлахад хангалттай аж.

Хар цай

Ийм цайны навчийг нас бие гүйцсэн цайны бутнаас хураадаг. Навчнаас цай үйлдвэрлэхийн тулд хуйлж эргүүлж тойруулж хатаагаад, бүрэн ферментжүүлнэ өөрөө хэлбэл, ногоон навчнаас хар цай гаргаж авах тусгай арга хэрэглэдэг. Тустай тал нь гэвэл, хар цай хорт хавдрын эсийн өсөлт хөгжлийг зогсоодог TF-2 бодис агуулдаг, ходоод, гэдэс, хөхний хавдар өвчин үүсэх эрсдэлийг бууруулдаг ажээ. Тэрчлэн зүрх-судасны системийн ажиллагааг хэвийн болгож, суулгах, уушигны үрэвсэл, цистит, арьсны вируст өвчний нянг устгаж, цусан дахь холестерины түвшнийг бууруулдаг байна. Сөрөг тал нь гэвэл, өдөрт дөрвөөс олон аягыг, бас 18 цагаас хойш ууж болохгүй. Кофеин болон амт оруулагч бодис их агуулсан байдаг учир мэдрэлийн системийг сэргээж, нойргүйдэхэд хүргэж болзошгүй.

Ногоон цай

Хар цай гаргаж авахад ашигладаг навчаар хийдэг. Гэхдээ навчийг хураамагцаа хатаадаг. 2-3 хувь ферментжүүлснээр ашигтай бүх чанараа хадгалж үлддэг байна. Ногоон бай нь биеийн эрч хүчийг идэвхжүүлж, бодисын солилцоо, гэдэсний бичил орчны ажиллагааг хэвийн болгож, хөлөргөх үйлчилгээтэй, зүрх-судасны системийн болон ходоод-гэдэсний замын ажиллагааг сайжруулж, шүдний өвчин үүсэхээс сэргийлж, хялгасан судасны бат бөх байдлыг дээшлүүлж, аскорбины хүчил биед шингэхэд тус дөхөм болдог сайн талтай. Харин их хэмжээний кофеин агуулдаг муу талтай ажээ. өглөө болон өдөр уухад тохиромжтой. 60-90 хэмийн халуун усанд 5-7 минут идээшүүлж хэрэглэнэ.

Шар цай

Энэ төрийн цайнд зөвхөн цайны модны нахиаг түүж, ууран дээр бариад, дараа нь даавуу эсвэл тусгай цаасанд орооно. Ингэж хатааж, ферментжүүлдэг ажээ. Шар цай нь ногоон цайны нэг адил даралт, зүрхний ажиллагааг хэвийн болгож, оюуны ажиллагааг идэвхжүүлдэг сайн талтай. Сөрөг тал нь гэвэл, хамгийн үнэтэй сортуудын нэг учир өндөр үнэтэй. 60-80 хэмийн халуун усанд 3 минут идээшүүлээд ууна.

Улаан цай /Оолонг/

Нас бие гүйсэн цайны модны навчийг бүрэн гүйцэт ургах үед хурааж, навчийг хүрэн улаан өнгөтэй болтол нь хоёронтаа хатаана. Улаан цай нь арьсны хөгшрөх үйл явцыг удаашруулж, дархлааг бэхжүүлж, артерийн даралт болон цусан дахь холестерины хэмжээг бууруулдаг. Цайны тусгай сорт учир их өндөр үнэтэй. Хүчтэй, хурц үнэр, гашуун амт, хандлахад улаан хүрэн өнгөтэй болдгоор нь таньж болно.

Энэтхэг цай

Цайны хамгийн том үйлдвэрлэгч болох Энэтхэгт хар цайг их үйлдвэрлэдэг. Тус улсын цайны бүс нутгуудад Ассам болон Даржилинг цай хамгийн алдартай ажээ. Өтгөн хар цайны хэмжүүр болсон Ассам нь хандлахад өнгөн хүрэн улаан өнгөтэй болдог ба зөөлөн үнэртэй. Цайны оргилуун дарс гэдэг Даржилинг нь цайны хамгийн үнэтэй сорт аж.

Цейлон цай

Тод улаавтар өнгөтэй болдог, хүчтэй, гэхдээ аятай үнэртэй цай юм. Маш түргэн идээшдэг бөгөөд грог /согтууруулах ундаа/ бэлтгэхэд их тохиромжтой ажээ.

Кенийн цай
Кенийн цайг Африкийн уур амьсгалыг санагдуулам хуурай, халуун амттай гэдэг. Кенийн цай үнэр, амтаараа бус, хатуу буюу кофеин их агуулсан байдаг.

Хятад цай
Хятадад 5000 гаруй жилийн турш цай үйлдвэрлэж байгаа учраас хятадуудын цай үйлдвэрлэх боловсронгуй соёлтой болжээ. Тус улсад цайны 350 төрлийн бут ургадаг бөгөөд 1000 гаруй сортын цай үйлдвэрлэж байна. Хамгийн алдартай Юнань сортоос утаа бага зэрэг хар чавганы амттай хослон амтагддаг аж.

Япон цай

Япон улс зөвхөн ногоон цай үйлдвэрлэдэг бөгөөд тэр дундаа сенча цай хамгийн алдартай нь юм. Статистикийн мэдээнээс үзвэл, энэ сортыг наран улсын оршин суугчдын 80 хувь нь уух дуртай. Энэ цай шинэхэн ногоо болон самрын ер бусын “торгомсог” нялуун амттайгаараа онцлог. Сенчед кофеин бага хэмжээтэй агуулагддаг учир орой үдэш ч уух боломжтой аж.

​БНСУ-ын олон үндэстний дуулаачдын “Монтант” байгууллагад ажиллаж буй дуучин С.Гантогоо тус улсын хамгийн олон үзэгчтэй “Дуунд дуртай” уралдаант шоу нэвтрүүлэгт оролцон, түрүүлжээ. KBS телевизийн бэлтгэдэг уг нэвтрүүлэгт мэргэжлийн дуучид өрсөлддөг аж.



Сонирхуулахад, түүний өнгөрсөн онд гаргасан “Хорвоогийн төгсгөлөөс” хэмээх дуу БНСУ-ын “M-net” хит дууны жагсаалтын шилдэгт багтаж, тэрбээр “Migrant Arirang Multiculturural festival 2016” олон улсын дуулаачдын 11 дэх удаагийн уралдааны гран при шагналыг хүртсэн юм байна.

Мацаг барьж, бие эрхтэн хийгээд сэтгэл оюунаа элдэв бусын “хог”-ноос цэвэрлэх ухаанд суралцах хүсэлтэй хүн олон бий.
Гэвч мацаг барих хориотой заалт гэж бас байдаг аж. Тэгвэл ямар хүмүүс, ямар үед мацаг барьж болохгүйг дараах жагсаалтаас хараарай.
• Тэжээллэг бодис болон уураг, амин дэмийн дутагдалТай хүмүүс
• Үрэвсэлт өвчний идэвхтэй хэлбэртэй хүмүүс
• 16-гаас доош, 65аас дээш насныхан
• Онош нь тогтоогдоогүй өвчтэй хүн
• Удаан хугацаагаар эм уух шаарддагатай иргэд
• Хэвтэрт орсон бүх хүн
• Сэтгэцийн эмгэг, оюун ухааны хомсдолтой хүмүүс
• Ямар нэг архаг хууч өвчин нь хүндэрч, хөдөлж чадахгүй байх үед
• Хоолны хордлого авсаи үед
• Йнсульт, инфактын дараах зургаан сарын хугацаанд
• Жирэмсэн болон хөхүүл эхчүүд

​Манай эмч нар бөөр, ясны чөмөг, элэг шилжүүлэн суулгах өндөр технологит хагалгааг эх орондоо нутагшуулаад багагүй хугацаа өнгөрлөө. Өнгөрсөн хугацаанд дөрвөн хүнд ясны чөмөг, 140 хүнд бөөр, 30 гаруй хүнд элэг солих мэс засал хийсэн байна.



2011 онд БНСУ-ын “Асан” анагаах ухааны төвийнхөнтэй хамтран, анх удаа элэг шилжүүлэн суулгаж байсан бол 2015 онд манай эмч нар уг мэс заслыг бие даан хоёр хүнд хийж байв. Харин өдгөө ийнхүү долоон хүнд амьдрал бэлэглээд байна.



Олон улсад хамгийн хямддаа 100 мянган ам.доллароор хийдэг энэ мэс заслыг манайхан 85 сая төгрөгөөр л болгож буй. Үүний 20 сая төгрөгийг Эрүүл мэндийн даатгалын сангаас гаргаж байгаа ч эдийн засгийн хямрал, донорын олдоц зэргээс болоод олон хүн хагалгаанд орж чаддаггүй гэж эмч нар ярьсан.



Дашрамд дуулгахад, энэ онд 30 орчим хүнд бөөр шилжүүлэн суулгах мэс засал хийхээр телөвлөжээ.

Хэт таргалах явдал өнөөдөр бүр дэлхий дахины тулгамдсан асуудал болж байна гэж Дэлхийн эрүүл мэндийн байгууллага үзэж байна. Таргалах нь зөвхөн жин нэмэх төдий биш, арьсан доорхи өөхлөг давхарга нэмэгдэж энэ нь улмаар дотоод эрхтнүүдэд нөлөөлөн тэдний эргэн тойронд өөх бий болж тэдний үйл ажиллагаанд нь муугаар нөлөөлдөг байна.
Жин нэмснээр хүмүүс өөрийгөө хянах нь багасч, бухимдан, нийгэм болон бусадтай харилцахдаа сэтгэлийн хөөрлөөр хандаж, сэтгэцийн асуудлуудтай болдог гэнэ.
Жин нэмрснээр зөвхөн сэтгэцийн асуудал үүсгээд зогсохгүй өөр бусад олон төрлийн элэг, бөөр, зүрх судасны тогтолцооны өвчин үүсгэх нөхцөл болно. Мөн чихрийн шижин, хадар үүсгэх ч магадлалтай.
Тарган хүмүүс энэ өвчнүүдээр өвчлөх нь жирийн хүмүүсээс 6-9 дахин их байдгийг эмч нар нотолж байна.
Таргалах нь амьдрах насыг 4-5 жилээр богиносгож хэт тарган хүмүүсийнх бүр 10-15 жилээр хорогддог байна. АНУ-ын суурь өвчин судлалын Үндэсний хүрээлэнгийн судалгаагаар жил бүр 300 мянга орчим америк хүн хэт таргалсны улмаас хорвоог орхидог гэжээ.
2014 оны мэдээгээр манай гариг дээр 18-аас дээш насны 1,9 тэрбум хүн жнгийн илүүдэлтэй гэж гарчээ.
Бүс нутгаар нь авч үзвэл Европ тивд гэхэд л насанд хүрсёэн иргэдийн нь 15-25 хувь нь жингийн илүүдэлтэй гэж гарсан байна.
Хөгжилтэй орнуудад янз бүрийн үнэлгээгээр хүн амын нь 35-55 хувь жингийн илүүдэлтэй байгаа бол Канад, АНУ, Австрали, Их Британи, Шинэ Зеланд, Грек зэрэг орнуудад бүр 60-70 хувь нь тарган гэж гарчээ.
Хэт тарганчуудын дотор эмэгтэйчүүд 52 хувийг эзэлдэг гэсэн байна.
Хамгийн гол нь манай гаригийн хүн амын доторхи тарганчуулын эзлэх хувь байнга нэмэгдэж байгаад мэргэжилтнүүд сэтгэл зовниж байна. Зөвхөн Их Британид гэхэд л тарган хүмүүсийн тоо сүүлийн 25 жилд тав дахин нэмэгдсэн гэсэн тоо гарчээ.

Сүүлийн жилүүдэд таргалах явдал хүүхэд залуусын дунд нэмэгдэж байна гэж энд өгүүлсэн байна. Хөгжилтэй орнуудын залуусын 25 хувь нь жингийн илүүдэлтэй гэсэн тоо ч байна.
Хүүхдүүдийн 50 хувь нь зургаан наснаасаа таргалж эхлэн өсвөр насандаа энэ нь 80 хувь болтол өсдөг гэжээ.
Ийм ч учраас Дэлхийн эрүүл мэндийн байгууллага таргалах явдлыг бүр дэгдэлтийн хэмжээнд хүрлээ гэж үзэж байна.
Таргалах нь ингэж дэгдэлтийн хэмжээнд хүрсэн нь зөвхөн тухайн хүндээ биш улс орныхоо төсөвт ч тодорхой хэмжээгээр нөлөөлж эхэлсэн байна. Дэлхийн эрүүл мэндийн байгууллагын шинжээчдийн тооцсоноор бол хөгжилтэй орнууд таргалахын эсрэг төсвийнхөө долоо орчим хувийг зардаг болжээ.

АНУ-д гэхэд л хэт таргалалтыг эмчлэхийн тулд жил бүр 150 орчим сая доллар зардаг гэнэ. Үүнтэй хамт хөдөлмөрийн бүтээмж, хөдөлмөрлөх чадвар буурч байгааг тооцвол…..Ингээд болоход АНУ-д таргалах явдалтай тэмцэхэд нийт 270 орчим сая доллар сул алдаж байна.
НҮБ-ын илтгэлд энэ тухайд хэт таргалах явдал ихэссэнээр хөдөлмөрийн бүтээмж буурч, харинэ эмүүл мэндийн даатгалын хэмжээ 3,5 их наяд долларт хүрч байгаа нь Дотоодын нийти бүтээгдхүүний таван хувьтай тэнцэнэ гэжээ.
Тэгэхэд энэ тоо 20 жилийн өмнө буюу 1995 онд хоёр дахин бага байсан юм шүү дээ.

Хэт таргалахын гол шалтгаан нь юу вэ.

Эмч нар бол таргалаад байгаагийн гол шалтгаан нь хоол хүнс, энерги зарцуулалттай холбон тайлбарлаж байна. Бүр 95-97 хувь нь үүнтэй холбоотой гэжээ. Энд хоол хүнсний илчлэг чанар нэмэгдсэн бол орчин үеийн хүний биеийн хүчний идэвх суларсантай холбож байгаа юм.
Удамшил генитэй холбоотой гэж үзэж байгаа нь тун бага хувь эзэлнэ. Харин таргалахад нас багагүй үүрэгтэй. Нас ахих тутам хүмүүс илүү их иддэг болдог гэнэ.
Зарим хүн таргалах нь боловсролтой бас холбоотой гэж байна. Ийм үндэслэл дэвшүүлэгчид орлого байхад хүмүүс жингээ нэмэхийг эрмэлздэг бол орлого нь нэмэгдэж жин нь нэмэгдээд ирэхээр жингээ хасах сонирхол нэмэгддэг гэж тайлбарлаж байна.

ДБЭТ-ын тайзнаа энэ сарын 21, 22-ны өдрүүдэд “Чингис хаан” дуурийг тоглох гэж байна. Дуурийн хөгжмийг Төрийн соёрхолт, УГЗ Б.Шарав, цомнолыг УГЗ П.Бадарч бичсэн бол найруулагчаар УГЗ Л.Эрдэнэбулган, ерөнхий зураачаар Ч.Гунгаасүх, тоглолтын удирдаачаар УГЗ Н.Туулайхүү ажиллаж байна.

Б.Шарав зохиолч “Чингис хаан” дуурьт бага балчир наснаас, өнчин өрөөсний зовлон зүдгүүрийн бэрхийг үзсэн ч эх Өүлэний сургааль, өөрийн хатан зориг, мохошгүй тэмцэл, ухаанаараа Монгол Улсаа сэргээн мандуулж, тулгар төрийг байгуулсан, суут жанжин, дэлхийг байлдан дагуулагч, “Мянганы хүн” хэмээн тодорсон Тэмүүжинг Монгол Улсын хаанд өргөмжлөгдсөн он хүртэлх амьдрал, хайр сэтгэл, эв нөхөрлөл, тэмцэл тулалдааны түүхийг өгүүлсэн байдаг.

Тус дуурьт зөвхөн Их эзэн Чингис хааны тухай биш Монголчуудын аж байдал, XIII зуунд хэрхэн аж төрж, тухайн үед ямар зөрчил, тэмцэл явагдаж байсан бэ гэдгийг үзүүлэхийг зорьжээ. Дуурь гэдэг бол өвөрмөц урлаг бөгөөд тайзнаа зөвхөн дуулдаг, ярьдаггүй учраас “Чингис хаан” гэдэг том түүхэн сэдвийг хөндөж дууриар илэрхийлэхэд хэцүү байсан нь мэдээж хэрэг.

“Чингис хаан” дуурь нь 2003 оноос хойш УДБЭТ-ын урын сангийн байнгийн бүтээл болж тайзнаа тасралтгүй тоглогдож байсан бөгөөд 2016 онд буюу 13 жилийн дараа УДЭТ-ын найруулагч Ч.Найдандорж тайзны шинэчилсэн найруулга хийснээр шинэлэг бүтээл болон дахин мэндэлж байна.

М
онголын үндэсний сагсан бөмбөгийн холбоо, Монголын сагсан бөмбөгийн холбоотой хамтран зохион байгуулж буй 21 аймгийн ”Үндэсний лиг” тэмцээний плей-оффын тоглолтууд өнгөрегч долоо хоногт эхэлсэн. Хоёр дахь удаагийн ”Үндэсний лиг”- ийн плей-оффт 12 баг өрсөлдсөнөөс найм нь цааш өрсөлдөх эрхийг авсан билээ. Плей-оффын эхний тоглолтыг Зүүн бүсийн “Эрдэнэт хот Икон”, “Өвөрхангай Хас Хэлхээ” эхлүүлсэн. Тэгвэл удаах тоглолт Баруун бүсийн “Баянхонгор мазаалай”, “Архангай Алтайн Дорнод дайчид” багуудын хооронд болохоор болжээ. Хоёр багийн эхний тоглолт өнөөдөр Архангай аймагт, хоёр дахь тоглолт энэ сарын 22-нд Баянхонгор аймагт болно.

Попкорн Европт төрсөн өдөр

1630 он: Попкорн гэх эрдэнэ шишийн хөөсөнцрийг мэдэхгүй хүн гэж үгүй байх. Попкорн өндөр хэмд дэлбэрдэгийг хэн анх мэдсэн нь тогтоогдоогүй. Балар эртний хүмүүс л гар түймрийн үеэр түүнийг мэдэж авсан байлгүй.

Тааламжтай нөхцөлд эрдэнэ шишийн үр урт удаан хугацаанд хадгалагддаг. Перуд археологчдын хийсэн малтлаг үүнийг гэрчилж байгаа юм. Тэдний нас нь мянгаас илүү жил ч гэсэн тэдний ихэнхийг попкорн хийхэд ашиглаж болохоор. Үрээс гадна уг малтлагаар попкорн хийх сав суулга олдсон байв.

ХVI зууны эхээр Мексикийн хүн ам попкорныг хоол хүнснээс гадна үсний чимэг, зүүлт болгон хэрэглэж байжээ. Европчууд энэ хөөсөн хүнсийг зөвхөн 1630 онд мэдэж авчээ.Тэр жилийн яг энэ өдөр конлончлогчид Кводекуайн омгийн удирдагчаас нэг уут попкорн бэлгэнд авсан байв. Түүнээс хоёр зууны дараа
Чарли Критоз гэдэг хүн попкорн бэлтгэх «Поппер» гэх машиныг бүтээжээ.

1905 оны Оросын хувьсгалын эхлэл

Цуст ням гариг. Уран зураг

1905 он: Нэгдүгээр сарын 9-ний (шинэ тооллын 22) эмгэнэлт хэрэг явдал хувьсгалын эхлэлийг өдөөв. Бараг бослого байхаар төлөвлөгдсөн ажилчдын жагсаал эхлээд тийм эмгэнэлд хүргэхээр харагдаагүй юм. Тэд хааны зургийг бариад гоёчихсон хаанд гуйлт хүргэхээр явж байжээ. Гүйцэтгэх чуулганыг нэн даруй хуралдуулж, түүнийг нийтийн нууц тэнцүү саналаар цуглуулах, улс төрийн хоригдлуудыг суллах, иргэний эрхийг өргөтгөх зэрэг шаардлага тавьсан байлаа.

Хар лам Георгий Гапон жагсаалыг толгойлж явсан ба тэрээр ажилчдыг турхирсан өдөөн хатгагч байжээ. Хувьсгал гэж бодоо ч үгүй явсан хүмүүсийг тэрээр армийн галд оруулсан байв. Хүмүүс урдаас нь гал нээсэн арми ба араас нь турхиран шахсан хувьсгалчдын дунд учраа ололгүй явжээ. Гапон энэ цуст хэргийг өдөөсний дараа зугтан гадаадад гарсан байлаа. Уур хилэн нь бадарсан олон дэлгүүр хоршоог ниргэн тонож, цэрэг, цагдаа нарт халдсан байв. Олон хүн алагдсан ба тэдний тоо олон баримтуудад зөрөөтэй байдаг.

Энэ хэрэг явдлын дараа либерал сөрөг хүчин идэвхжиж, хувьсгалт байгууллагууд төрөн Оросын анхны хувьсгал эхэлжээ.

Зөвлөлтийн коммунистуудын удирдагчийн амийг хөнөөхөөр оролдов

Л.И. Брежнев

1969 он: Энэ өдөр Москва «Союз-4» ба «Союз-5» сансрын хөлгийн нисгэгчдийг угтаж байлаа. Тэднийг угтсан цуваанд ЗХУ-ын Коммунист намын Ерөнхий нарийн бичгийн дарга Леонид Брежнев явж байсан ба телевизийн шууд нэвтрүүлэг гэнэтхэн тасарчээ. Хүмүүс бодит мэдээлэлгүй, элдвийг таамаглаж байлаа. Маргааш нь сансрын нисгэгч нарт халдсан гэж ТАСС мэдээлсэн боловч хүмүүс Брежневыг л буудсан гэдэгт нь итгэлтэй байсан ажээ. Ломоносов хотод байрлаж байсан геодезийн 61 дүгээр отрядын 23 настай офицер Виктор Ильин ангиасаа хоёр гар буутай оргон Москвад ирээд өөрийн авгийн цагдаагийн хувцсыг өмсөөд саадгүйгээр Кремлийн Боровицкийн цамхаг хүрч ирсэн байв. Төр засгийн цуваа Улаан талбайд орж ирэхэд Ильин цувааны хоёр дахь машинд Брежнев яваа гээд уг машиныг буудсан юм.

Цувааг хамгаалж явсан мотоциклчин түүнийг дайрч унаган өөрөө шархадсан байв. Машиныг буудсаны дараа сансрын нисгэгчид Терешкова, Николаев, Береговой ба Леонов өөр машинд суун маршрутаараа явсан байв. Үүнээс хоёр хоногийн дараа л Ильин Брежнев өөр машинд явсныг мэджээ. Тэрээр маргааш нь тэтгэвэртээ гарах ёстой байсан лимузины жолоочийг хөнөөсөн ба сансрын нисгэгч Леоновыг хөнөөх шахсан байв. Жолоочийг хөнөөснийг нь 37 жилийн дараа Ильинд бололцоо гарч Леоноваас уучлалт гуйхад нь тэр өршөөсөнгүй. Ильин хуулийн дээд хэмжээ авах байсан ч түүнийг мэдрэлийн гажигтай хэмээн мэдрэлийн эмнэлэгт 20 жил байлгажээ. Тэрээр 1990 онд л тэндээс чөлөөлөгдсөн байлаа.

Ройтерс: Энэ долоо хоногийн шилдэг гэрэл зургууд

НӨАТ-ын урамшууллын шинэ оны анхны тохирол буюу 19 дахь удаагийн тохирол энэ сарын 22-ны ням гарагт явагдана. Сугалааны өнгөрсөн оны арванхоёрдугаар сарын 1-31-ний өдөр хүртэлх хугацаанд худалдан авалт хийсэн баримтууд хамрагдана.


Харин иргэд баримтаа энэ сарын 21-ний өдрийн 23:59 цагаас өмнө Цахим төлбөрийн баримтын системд бүртгүүлснээр НӨАТ-ын урамшууллын сугалаанд хамрагдах боломжтой юм байна.