МОНГОЛ УЛСЫН ИХ ХУРЛЫН 2016 ОНЫ НАМРЫН ЭЭЛЖИТ ЧУУЛГАНЫ 12 ДУГААР САРЫН 09-НИЙ ӨДӨР /БААСАН ГАРАГ/-ИЙН БАЙНГЫН ХОРООНЫ БОЛОН НЭГДСЭН ХУРАЛДААНААР ХЭЛЭЛЦЭХ АСУУДАЛ, ХУВААРЬ

НЭГ.БАЙНГЫН ХОРООНЫ ХУРАЛДААН:

1.Төсвийн байнгын хорооны хуралдаан 09.00 цагаас “В” танхимд:

Хэлэлцэх асуудал:

Гаалийн тариф, гаалийн татварын тухай хуульд нэмэлт, өөрчлөлт оруулах тухай хуулийн төсөл /Засгийн газар 2016.11.15-ны өдөр өргөн мэдүүлсэн, эцсийн хэлэлцүүлэг/.
2.Нийгмийн бодлого, боловсрол, соёл, шинжлэх ухааны байнгын хорооны хуралдаан 09.00 цагаас “Их эзэн Чингис хаан” танхимд:

Хэлэлцэх асуудал:

Боловсролын тухай хуульд нэмэлт, өөрчлөлт оруулах тухай болон Дээд боловсролын тухай хуулийн зарим зүйлийг хүчингүй болсонд тооцох тухай хуулийн төслүүд /Засгийн газар 2016.11.24-ний өдөр өргөн мэдүүлсэн, эцсийн хэлэлцүүлэг/;
“Нийгмийн даатгалын үндэсний зөвлөлийн бүрэлдэхүүнийг шинэчлэн батлах тухай” Улсын Их Хурлын 2012 оны 10 дугаар сарын 24-ний өдрийн 50 дугаар тогтоолд өөрчлөлт оруулах тухай Улсын Их Хурлын тогтоолын төсөл /Засгийн газар 2016.11.11-ний өдөр өргөн мэдүүлсэн, эцсийн хэлэлцүүлэг/;
ХОЁР.ЧУУЛГАНЫ НЭГДСЭН ХУРАЛДААН:

Байнгын хороодын хуралдааны дараа:

Үндсэн хуулийн цэцийн 2016 оны 12 дугаар дүгнэлт;
Гаалийн тариф, гаалийн татварын тухай хуульд нэмэлт, өөрчлөлт оруулах тухай хуулийн төсөл /Засгийн газар 2016.11.15-ны өдөр өргөн мэдүүлсэн, эцсийн хэлэлцүүлэг/;
Боловсролын тухай хуульд нэмэлт, өөрчлөлт оруулах тухай болон Дээд боловсролын тухай хуулийн зарим зүйлийг хүчингүй болсонд тооцох тухай хуулийн төслүүд /Засгийн газар 2016.11.24-ний өдөр өргөн мэдүүлсэн, эцсийн хэлэлцүүлэг/;
“Нийгмийн даатгалын үндэсний зөвлөлийн бүрэлдэхүүнийг шинэчлэн батлах тухай” Улсын Их Хурлын 2012 оны 10 дугаар сарын 24-ний өдрийн 50 дугаар тогтоолд өөрчлөлт оруулах тухай Улсын Их Хурлын тогтоолын төсөл /Засгийн газар 2016.11.11-ний өдөр өргөн мэдүүлсэн, эцсийн хэлэлцүүлэг/;
Улсын Их Хурлын гишүүн Д.Тэрбишдагва, Ч.Улаан нараас “Монгол Улсын Засгийн газраас Оюутолгой төслийн хөрөнгө оруулалтын гэрээний хэрэгжилтэд хяналт тавих болон төслийн эдийн засгийн үр өгөөжийг дээшлүүлэх талаар хэрэгжүүлж байгаа арга хэмжээ, гэрээний талуудын үүргийн биелэлт, далд уурхайн бүтээн байгуулалтын явц байдлын талаар” Уул уурхай, хүнд үйлдвэрийн сайдад тавьсан асуулгын хариуг сонсох.

09:00 цагт: Зам, тээврийн хөгжлийн яам, Нийслэлийн Засаг даргын Тамгын газрын хэрэгжүүлэгч агентлаг, Төмөр зам дахь Цагдаагийн газартай хамтарсан ”Төмөр замын гарам, аюултай бүс-2” сэдэвт зөвлөлгөөн УБТЗ-ын Удирдах газрын ”Б” зааланд болно.

09:00 цагт: НҮБ-ын байранд Монгол орны баруун бүсэд газрын доройтол, хөгжлийн сөрөг нөлөөллийг бууруулах, дүйцүүлэн хамгааллыг нэвтрүүлэх нь” МОН/16/301 төслийн нээлтийн семинар болно.

10:00 цагт: МБШТөв Гандантэгчэнлин хийдээс Шашны Дээд Сургуулийн хурлын танхимд Үндэсний эрх чөлөөний 105 жилийн ойн хүрээнд зохион байгуулагдах үйл ажиллагаа, цаг үеийн мэдээлэл өгнө.

10:00 цагт: Төрийн шагналт, жүжгийн нэрт зохиолч Ч.Ойдовын 100 насны ойг угтсан “Алиа Тогмид” жүжгийн зохиолын уралдааны шалгаруулалт Хүүхэлдэйн театрт болно.

10:00 цагт: Дилов хутагтын чандрыг Завхан аймгийн Бурхан шашинтны төв “Төгс Буянт Жавхлант хийд”-д зална. Энэхүү үйл ажиллагаанд УИХ-ын дэд дарга Я.Санжмятав, Монгол улсаас АНУ-д суугаа Онц бөгөөд бүрэн эрхт Элчин сайд Б.Алтангэрэл, хутагтын шавийн хүүхэд Гяамчо Балжий болон аймгийн удирдлагууд, Төгс Буянт Жавхлант хийдийн лам хуврагууд оролцоно.

11:00 цагт: Шадар сайдын өрөөнд НҮБ-ын Гамшгийн эрсдэлийг бууруулах газрын Ази, Номхон далайн бүс нутгийг хариуцсан газрын дарга Feng Min-г Монгол Улсын Онцгой байдлын салбарын хөгжилд оруулсан хувь нэмрийг өндрөөр үнэлж Онцгой байдлын тэргүүний ажилтнаар шагнана. Шагналыг Монгол Улсын Шадар сайд У.Хүрэлсүх гардуулна.

11:00 цагт: Н.Төгсцогт мэргэжлийн боксын рингэн дэх ээлжит тулаан АНУ-ын Калифорни мужийн Коста Меса хотын “Orange County Fair” цогцолборт болно.

11:00 цагт: Авлигын эсрэг олон улсын өдрийг тохиолдуулан Ерөнхийлөгчийн Тамгын газар, Улсын Их Хурлын Хүний эрхийн дэд хороо, Авлигатай тэмцэх газар, Гадаад харилцааны яам хамтран “Авлига ба хүний эрх” сэдэвт бага хурлыг өнөөдөр зохион байгуулна.

11:00 цагт: Хүний эрхийн Үндэсний Комиссоос ”Хүн бүрийн эрхийн төлөө зүтгэе” хэвлэлийн бага хурал зарлалаа. Тус хурлаар Монгол Улс дахь хүний эрхийн нөхцөл байдлын тойм, хөдөлмөрлөх эрх болон хүүхдийн эрхийн судалгааны талаар сонирхолтой мэдээлэл хийнэ.

11:00-14:00 цагт: Blue Sky зочид буудлын “Диамонд” танхимд иргэний нийгмийн байгууллагууд хамтран хүний эрхийн Олон улсын өдрийг тохиолдуулан зохион байгуулж буй “Мэдээллийн зах” өдөрлөг болно.

Зууны мэдээ сонины Үндэсний мэдээллийн төвд

12:00 цагт: Бөхийн холбооноос цаг үеийн асуудлаар мэдээлнэ.
12:30 цагт: УИХ-ын гишүүн асан Л.Гүндалай цаг үеийн асуудлаар мэдээлэл хийнэ.

15:00 цагт: “Монгол хэлний викитоль”-ийг Монгол улсын их сургуулийн багш, оюутнуудын оролцоотой хөгжүүлэх үйл ажиллагааны албан ёсны МУИС-ийн 1-р байрны Эрдмийн танхимд болно.

16:00 цагт: ”Blue sky” 3 давхарт иргэн Ж.Занаа болон бусад хүмүүс Зүрхний өвчнөө энергиэр анагаах эмчилгээнд орсон талаараа мэдээлэл хийнэ.

Олон улсын хүний эрхийн өдөрт зориулж ХЭҮК, нийслэлийн Засаг даргын Тамгын газар, Монголын хуульчдын холбооноос хамтран иргэдэд хууль зүйн төлбөргүй зөвлөгөө өчигдрөөс өгч эхлэв.

Зөвлөгөө авч буй иргэдийн олонх нь газрын маргаан, өмчлөлийн маргаан, хөдөлмөрийн харилцаанаас үүдэлтэй эрх зөрчигдсөн зэрэг асуудлуудаар хуульчдад хандаж байгаа аж. Хууль зүйн зөвлөгөөг Нийслэлийн үйлчилгээний нэгдсэн төвийн “Дүнжингарав”, “Мишээл”, “Драгон” салбарт маргааш хүртэл 8:30-17:30 цагийн хооронд авч болох юм байна.

Нийслэлийн Иргэдийн төлөөлөгчдийн хурлаас хотын ирэх оны төсвийг хэлэлцэн батлаад байгаа билээ. НИТХ дахь Ардчилсан намын бүлгээс ирэх жилийн нийслэлийн төсвийг иргэдээ биш дарга, албан тушаалтнуудаа мөнгөөр угжсан, тэвчиж болох урсгал зардлыг нэмэгдүүлсэн хэтэрхий үрэлгэн төсөв болсон байна хэмээн үзжээ. Түүнчлэн нийслэлийн Засаг даргаас өргөн барьсан 2017 оны Нийслэлийн төсвийн төслийг төсвийн орлого нэмэгдүүлэх боломжоо бүрэн дайчлаагүй, нийслэлийн олон мянган иргэд, сонгогчдын тулгамдсан асуудлыг орхигдуулан, Сонгуулийн мөрийн хөтөлбөр, амлалтаасаа ухарсан үйлдэл боллоо хэмээн тэд дүгнэсэн байна. Тэгвэл нийслэлийн Засаг даргаас өргөн барьсан төсвийг НИТХ дахь Ардчилсан намын бүлгийн зүгээс хэлэлцээд гаргасан санал, дүгнэлтийг 24 баримтаар хүргэж байна.

ХОНЬ - (3/21-4/19)

Авлигын эсрэг олон улсын өдрийг тохиолдуулан Монгол Улсын Ерөнхийлөгчийн Тамгын газар, Улсын Их Хурлын Хүний эрхийн дэд хороо, Авлигатай тэмцэх газар, Гадаад харилцааны яам хамтран “Авлига ба хүний эрх” сэдэвт бага хурлыг зохион байгуулах гэж байна.



НҮБ-аас тунхагласан Авлигын эсрэг олон улсын өдөр нь жил бүрийн 12 дугаар сарын 9-нд тохиодог бөгөөд энэ жилийн хувьд Авлигатай тэмцэх газраас авлигын үйлдэл нь хүний эрхийг хэрхэн зөрчиж байгаад дүгнэлт хийж, уг асуудалд иргэд, олон нийтийн анхаарлыг хандуулахаар зорьж байна.



Бага хуралд “Хүний эрхийг хангах эрх зүйн зохицуулалт”, “Хүний эрх ба авлигатай тэмцэх бусад улсын туршлага”, “Авлига, албан тушаалын гэмт явдлаас хүний эрх, эрх чөлөөг хамгаалахад шүүхийн гүйцэтгэх үүрэг, анхаарах зарим асуудал”, “Хүний эрх ба авлига”, “Шударга ёсыг тогтоох, хүний эрхийг хамгаалахад прокурорын үүрэг оролцоо ”зэрэг сэдвээр Улсын дээд шүүх, Улсын ерөнхий прокурорын газар, Хууль зүй, дотоод хэргийн яам, Гадаад харилцааны яам, Авлигатай тэмцэх газар, “Эмнести интернэшнл” төрийн бус байгууллагын төлөөлөл илтгэл тавьж, хэлэлцүүлэх юм.

2016.12.9, БААСАН ГАРАГ / БИЛГИЙН ТООЛЛЫН: 10

ӨВЛИЙН ДУНД ЦАГААН ХУЛГАНА САР
ЗУРГААН ЦАГААН МЭНГЭТЭЙ ХӨХӨГЧИН ҮХЭР ӨДӨР

Аргын тооллын: 2016.12.9, Баасан гараг
Наран ургах шингэх: 08.30-16.59
Үс засуулбал: Эрч хүч ихэснэ
Барилдлага: Идэр
Шүтэн барилдлага: Авахуй
Тухайн өдөр хонь, бич, тахиа, могой, морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр баяр баясгалангийн хурим үйлдэх, шинэ гэр барих, хувцас өмсөх, чимэг зүүх, бүжиг наадам үүсгэх, эм найруулах, гэргий авах, үс авах, элч зарах, эд авахад сайн. Зүүн нүд татвал хэрүүл, тэмцэл болох, баруун нь бол эд хувцас олох, зүүн чих нь цангинавал зочин ирэх, баруун нь бол гаслан болох, нохой уливал галзуурах, хэрээ гуаглавал ураг садан эндэх, тагнай загатнавал хэн нэгний үхсэнийг сонсох, бие татвал гэнэт зочин ирэх, хөл татвал үхэл болохыг үзэх болой. Өдрийн сайн цаг нь бар, туулай, могой, бич, нохой, гахай болой.

БАРУУН АЙМГУУДЫН НУТГААР: Үүлшинэ. Шөнөдөө нутгийн өмнөд хэсгээр бага зэргийн цас орно. Өдөртөө цас орохгүй. Салхи баруун өмнөөс секундэд 5-10 метр, өдөртөө Алтайн уулсаар секундэд 12-14 метр хүрч ширүүснэ. Увс нуурын хотгор болон Идэр, Тэс голын хөндий, Хүрэн бэлчир орчмоор шөнөдөө 24-29 градус, өдөртөө 13-18 градус, Эхийн голын Баянбүрд орчмоор шөнөдөө 5-10 градус хүйтэн, өдөртөө 4 градус дулаанаас 1 градус хүйтэн, бусад нутгаар шөнөдөө 15-20 градус, өдөртөө 5-10 градус хүйтэн байна.

ТӨВИЙН АЙМГУУДЫН НУТГААР: Солигдмол үүлтэй. Шөнөдөө Хангайн уулсаар бага зэргийн цас орно. Өдөртөө цас орохгүй. Салхи баруун хойноос секундэд 6-11 метр. Дархадын хотгороор шөнөдөө 30-35 градус, өдөртөө 17-22 градус, Хөвсгөл, Хэнтийн уулархаг нутаг, Хараа, Ерөө, Сэлэнгэ, Туул, Тэрэлж голын хөндийгөөр шөнөдөө 25-30 градус, өдөртөө 10-15 градус, бусад нутгаар шөнөдөө 18-23 градус, өдөртөө 5-10 градус хүйтэн байна.

ЗҮҮН АЙМГУУДЫН НУТГААР: Багавтар үүлтэй. Цас орохгүй. Салхи баруун хойноос секундэд 6-11 метр. Хэрлэн, Онон, Улз, Халх голын хөндийгөөр шөнөдөө 23-28 градус, өдөртөө 11-16 градус, бусад нутгаар шөнөдөө 18-23 градус, өдөртөө 8-13 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Цас орохгүй. Салхи баруун өмнөөс секундэд 4-9 метр. Шөнөдөө 24-26 градус, өдөртөө 12-14 градус хүйтэн байна.

ГОВИЙН АЙМГУУДЫН НУТГААР: Үүлшинэ. Шөнөдөө нутгийн өмнөд хэсгээр бага зэргийн цас орно. Өдөртөө цас орохгүй. Салхи баруун хойноос секундэд 6-11 метр. Шөнөдөө Дундговийн нутгаар 19-24 градус, бусад нутгаар 12-17 градус, өдөртөө Өмнөговийн нутгаар 0-5 градус, бусад нутгаар 3-8 градус хүйтэн байна.

УЛААНБААТАР ХОТ: Багавтар үүлтэй. Цас орохгүй. Салхи баруун хойноос секундэд 5-10 метр. Шөнөдөө Яармаг-Сонгины орчмоор 26-28 градус, бусад хэсгээр 22-24 градус, өдөртөө 12-14 градус хүйтэн байна.

Монголын үндэсний олимпийн хороо /МҮОХ/-ны 60 жилийн ойн медалийг тус хорооны ерөнхийлөгчөөр ажиллаж байсан Даваагийн Дашдовдон /1984-1989 он/, Галсангийн Дашзэвэг /1989-1990/, Самдандоржийн Жамц /1993-1994 онд/ нарт гардууллаа.

Ази, Номхон далайн эдийн засаг, нийгмийн комиссын гишүүн орнуудын Тээврийн сайд нарын бага хурал Москва хотноо энэ сарын 5-9-ний өдрүүдэд зохион байгуулагдаж байна. Тус бага хуралд Монгол Улсын Зам, тээврийн хөгжлийн сайд Д.Ганбат тэргүүтэй төлөөлөгчид оролцож, салбарын олон улсын төлөөллүүдтэй холбоо тогтоон, харилцан хамтран ажиллах боломжийг судалж байна.

Монгол Улсын Ерөнхий сайд Ж.Эрдэнэбат өнөөдөр Үндэсний мэдээллийн МОНЦАМЭ агентлагт зочилж ажилтан, албан хаагчидтай уулзан санал бодлыг нь сонсож, байгууллагын үйл ажиллагаатай танилцлаа.

МОНЦАМЭ агентлаг улс орны дотоодод болж байгаа үйл явдлын тухай мэдээ, мэдээллийг түгээх, гадаадын мэдээллийн агентлагуудын мэдээллийг хүлээн авч орчуулан хүргэх, Монгол Улсын түүх, соёл, хөгжил дэвшлийг гадаадад таниулан сурталчлах чиглэлээр ажилладаг юм.

Байгууллагын удирдлага, ажилтан, албан хаагчид МОНЦАМЭ агентлагийн статусыг тодорхой болгох, техник, технологийн шинэчлэл хийхэд шаардлагатай санхүүжилтийг шийдэхэд дэмжлэг үзүүлэхийг Ерөнхий сайдаас хүслээ.

1998 онд батлагдсан Хэвлэл мэдээллийн эрх чөлөөний тухай хуульд “Төрийн байгууллага өөрийн мэдэлд хэвлэл мэдээллийн хэрэгсэлтэй байхыг хориглоно” гэж зааснаас хойш буюу 2005 оноос МОНЦАМЭ-гийн төрийн агентлагийн статус тодорхойгүй болсон юм.

Хуульд нэмэлт өөрчлөлт оруулах талаар удаа дараа яригдсаны эцэст Монгол Улсын Ерөнхийлөгч хуулийн төслөө УИХ-д өргөн барьсан ч 2013 онд хэлэлцүүлгийн эцсийн шатанд буцаан татсанаар дахиж яригдалгүй өнөөг хүрчээ.

“Төрийн байгууллага өөрийн мэдэлд хэвлэл мэдээллийн хэрэгсэлтэй байхыг хориглоно. Энэ заалт Монгол Улсыг гадаадад сурталчлах үүрэг бүхий Үндэсний мэдээллийн агентлагт үл хамаарна” эсвэл “Засгийн газар Монгол Улсын тухай мэдээллийг дэлхий дахинд түгээж, сурталчилдаг мэдээллийн хэрэгсэлтэй байж болно” гэсэн агуулга бүхий өөрчлөлтийг хуульд тусгахыг МОНЦАМЭ агентлагийн хамт олон хүсч байна.

Монгол Улсын Ерөнхий сайд энэ хүсэлтийг хүлээн авч шийдвэрлэнэ гэдгээ амаллаа. Тэрээр “Бид Монгол гэсэн тодотголтой бүх талын мэдээ, мэдээллээ албан ёсны эх сурвалжтайгаар, нэг цонхоор түгээж байж улсаа бусдад зөвөөр ойлгуулан, энэ хэрээр урагшаа алхаж чадна. Үүнд МОНЦАМЭ агентлаг чухал үүрэг гүйцэтгэх учиртай. МОНЦАМЭ бол хуучрахаар нь тайлаад хадгалчихдаг хувцас биш, харин ч монголчуудын хувьд өдөр тутамдаа өмсөж эдэлдэг хувцас шиг нь тийм чухал байгууллага. Статусыг нь тодорхой болгохын тулд холбогдох хуулинд өөрчлөлт оруулах чиглэлээр ажиллана” гэлээ.

Мөн техник, технологио шинэчлэхэд шаардагдах хөрөнгийн асуудлыг судалж, байгаа нөөц, бололцооныхоо хэмжээнд дэмжлэг үзүүлнэ гэлээ хэмээн Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Боловсрол, соёл, шинжлэх ухаан, спортын сайд Ж.Батсуурийн БНХАУ-д хийх айлчлал цуцлагджээ. Тэрбээр тус улсад хийх айлчлалаа өчигдөр эхлүүлэхээр төлөвлөөд байсан урд хөршийнхөн айлчлалыг цуцалсан байна.

Онцгой байдлын ерөнхий газрын 22 дугаар шуурхай зөвлөгөөн өнөөдөр боллоо. Шуурхай зөвлөгөөнийг ОБЕГ-ын дарга, бригадын генерал Т.Бадрал удирдан явуулсан. Шуурхай зөвлөгөөнд ОБЕГ-ын бүтцийн нэгжийн газар, хэлтэс, Аврах тусгай анги, Хангалт, үйлчилгээний анги, Уул уурхайн аврах анги, Давтан сургалт, сэргээн заслын төв, Нийслэлийн Онцгой байдлын газрын удирдлага оролцож, өнгөрсөн 14 хоногт хийсэн ажил, цаашид хийж хэрэгжүүлэх ажлыг танилцууллаа.

ОБЕГ-ын дарга, бригадын генерал Т.Бадрал, газар, хэлтэс, анги салбаруудын удирдлагад хандан, нийт албан хаагчдын дунд цэргийн дүрэм, захирах, захирагдах ёс, цэргийн сахилга, хариуцлагын талаар хичээл, сургалтуудыг тогтмол явуулах, зохион байгуулж байгаа үйл ажиллагаа, хийж хэрэгжүүлсэн ажлын талаар олон нийтэд ил тод мэдээлж, нийт албан хаагчдыг мэдээллээр хангаж ажиллахыг анхааруулав.

Мөн газар, хэлтэс, анги, байгууллага бүрт цаашид анхаарч ажиллах чиглэлийн талаар тодорхой үүрэг, чиглэлүүдийг өгөв.

Улсын хэмжээнд гал түймрийн аюулаас урьдчилан сэргийлэх ажлыг эрчимжүүлэх, шинэ жилийн баяртай холбогдуулан аж ахуйн нэгж байгууллага, цаар, цэнгээн, үйлчилгээний газар, урлаг, соёлын байгууллагуудад гамшгаас хамгаалах хяналт, шалгалт явуулах, дүнг танилцуулах, 2016 оны ажлаа дүгнэж, ирэх оны ажлаа төлөвлөж буй энэ үед хэрэгжүүлэх ажлаа улсын төсөв, санхүүтэй уялдуулах, тооцоо судалгааг нарийн гаргахыг үүрэг болголоо.

ОБЕГ-ын дарга, бригадын генерал Т.Бадрал ирэх долоо хоногт ОБЕГ-ын харьяа Аврах тусгай анги, Хангалт үйлчилгээний анги, Уул уурхайн аврах ангийн үйл ажиллагаатай танилцахаар боллоо.

“Нийслэлийн нутгийн захиргааны байгууллагын удирдлагын чадавхийг бэхжүүлэх нь” сургалт өнөөдөр боллоо. Сургалтанд Нийслэлийн Засаг даргын Тамгын газар болон харьяа газар, агентлагийн удирдах албан тушаалтнууд оролцсон юм.

Монголын мэргэшсэн нягтлан бодогчдын институтийн VI их хурал Төрийн ордонд болж байна. Тус институт нь 4000 орчим мэргэшсэн нягтлан бодогч, 140 орчим аудитын компани, 25 салбарыг нэгтгэсэн үндэсний мэргэжлийн байгууллага бөгөөд энэ өдрүүдэд 20 жилийн ой нь тохиож буй ажээ. Монгол Улсын Ерөнхий сайд Ж.Эрдэнэбат тус хуралд оролцож, мэндчилгээ дэвшүүлэн, ажлын амжилт хүслээ.

Тэрээр, “Монголын Мэргэшсэн Нягтлан бодогчдын Институт үүсч байгуулагдсаны 20 жилийн ойг тохиолдуулан Монгол Улсын санхүү, нягтлан бодох бүртгэл, аудитын салбарын нийт ажилтан, мэргэжилтнүүд, Монголын Мэргэшсэн Нягтлан бодогчдын Институтийн нийт хамт олон Та бүхэнд Монгол Улсын Засгийн газрын нэрийн өмнөөс болон хувиасаа чин сэтгэлийн халуун мэндийг дэвшүүлье.

Монголын мэргэшсэн нягтлан бодогчид, аудиторууд нь компанийн сайн засаглалыг төлөвшүүлэх, санхүүгийн мэдээллийн ил тод, нээлттэй, найдвартай байдлыг хангах үүргээ амжилттай гүйцэтгэж байна.

Монгол Улсад нягтлан бодох бүртгэл, аудитын шинэ тогтолцоог төлөвшүүлэх, олон улсын стандартыг нэвтрүүлэхэд Монголын Мэргэшсэн Нягтлан Бодогчдын Институт, түүний олон мянган гишүүд ихээхэн үүрэг гүйцэтгэж ирсэн.

Монгол Улсын эдийн засаг жилээс жилд улам бүр өргөжин тэлж, 2015 оны жилийн эцсийн байдлаар Монгол Улсын дотоодын нийт бүтээгдэхүүний хэмжээ 23,1 их наяд төгрөгт хүрсэн билээ. Харин сүүлийн жилүүдэд эдийн засгийн өсөлт хурд саарч, улс орны маань эдийн засаг, санхүүгийн хувьд хүндрэлтэй цаг үе тулгараад байна.

Монгол Улс ийнхүү эдийн засгийн хүндрэлтэй тулгарч байгаагийн шалтгаан, нөхцөлийг гадаад орны судлаачид, олон улсын банк санхүүгийн байгууллагын мэргэжилтнүүд дүгнэж үзээд үүний нэг үндсэн шалтгааныг төсвийн хөрөнгийн оновчгүй бөгөөд үрэлгэн зарцуулалт, Төсвийн тогтвортой байдлын тухай хуулийг чанд сахиж чадаагүйтэй холбоотой гэж үзэж байна.

Манай бүртгэл, санхүү, статитсикийн байгууллагынхан, бүхий л байгууллага, аж ахуйн нэгжийн нягтлан бодогчдын хувьд хамгийн эрхэмлэж явдаг зүйл бол хууль журмыг ямагт дээдлэн сахих, өмч хөрөнгийн бүртгэл тооцоог нарийн чанд бүртгэлтэй, эмх цэгцтэй байлгах явдал гэж үздэг.

Цаашид бид улс орныхоо эдийн засгийг хүндрэлээс гаргаж, тогтворжуулахад манай банк, санхүү, статистикийн салбарт ажиллагсад, үүний дотор бүртгэл тооцоог хөтөлж байгаа нийт нягтлан бодогчид Та бүхний бүртгэл, статистикийн зарчим, өргөсөн тангарагтаа үнэнч байж, төсөв болон мөнгөн хөрөнгийг хуулийн дагуу зарцуулах талаар хатуу шаардлага, хяналт тавьж ажиллах нь ихээхэн хувь нэмэр болно гэж үзэж байна.

Байгууллага, аж ахуйн нэгжийнхээ, аймаг, орон нутгийнхаа улмаар нийт улс орныхоо өмч хөрөнгө, мөнгөн хөрөнгийг улам арвижуулахын төлөө цаг ямагт сэтгэл зүтгэлээ зориулж ирсэн бүртгэл, санхүүгийн ажилтнууд, нягтлан бодогчид Та бүхний цаашдын ажилд ажил хөдөлмөрт өндөр амжилт хүсч, хамгийн сайн сайхан бүхнийг хүсэн ерөөе.

Сайн үйлс бүхэн дэлгэрч, Монгол орон маань цэцэглэн мандаж байхын ерөөлийг өргөн дэвшүүлье” гэлээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Хүний эрхийн үндэсний комиссоос нийслэлийн Засаг дарга бөгөөд Улаанбаатар хотын захирагч С.Батболдод зөвлөмж хүргүүлжээ.

НҮБ-ын Статистикийн хэлтсээс Монгол Улсад Эмэгтэйчүүдийн эсрэг хүчирхийллийн судалгааг анх удаа зохион байгуулахаар болжээ.

Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийв

Хэвлэлийн Хүрээлэнгээс ”Хил хязгааргүй сэтгүүлч” олон улсын хүний эрхийн байгууллагатай хамтран “Хэвлэл мэдээллийн эзэмшлийн мониторинг” судалгаа хийснээ өнөөдөр олон нийтэд танилцууллаа.

Нийслэлийн Засаг даргын Дэд бүтэц, Гэр хорооллын хөгжлийн асуудал хариуцсан орлогч П.Баярхүү “Эмнести Интернэшнл” байгууллагын Зүүн Ази хариуцсан захирал Николас Бекүйлен болон бусад төлөөлөгчдийг хүлээн авч уулзлаа.