АНУ-ын Пеннсилвани, Калифорни, Орегон, Вашингтон мужуудад Ерөнхийлөгчийн сонгуулийн үр дүнг эсэргүүцсэн эсэргүүцэгчид жагсаж байна. Тэрээр Ерөнхийлөгчөөр арьс өнгөөр ялгаварлагч, эмэгтэйчүүдийг гадуурхагч нэгэн сонгогдсонд эсэргүүцлээ илэрхийлж ийнхүү жагсаж байна.



24tsag.mn

Махны үнэ бага зэрэг буурчээ

Доройтсон эдийн засгаа сэргээх чухал хөшүүрэг нь уул уурхайн салбар гэж УИХ-ын гишүүд үзэж буй. Энэ ч утгаараа Ерөнхий сайд Ж.Эрдэнэбат өнгөрсөн амралтын өдрүүдэд Оюутолгойн үйл ажиллагаатай танилцаад ирсэн.


Ерөнхий сайдын зүгээс “Оюутолгойн 34 хувийг Засгийн газар эзэмшдэг. Иймд Компанийн засаглал, гүйцэтгэх удирдлагын түвшинд 34 хувьдаа ногдох эрх мэдлийг Монголын талд эдлүүлэх боломжоор хангах хэрэгтэй” гэсэн үүргийг ТУЗ-ын гишүүдэд нь өгжээ.

Монгол Улсын Засгийн газраас 2017 оны төсвийн төсөлд Олон улсын валютын сан, казино болон морин тойруулгын уралдаан зохион байгуулах, гадны банкны үйл ажиллагааг дэмжих Оюутолгойн далд уурхайн бүтээн байгуулалт дөрвийн тухайд ойрын зорилтоо болгосон.

Засгийн газарт уул уурхайн томоохон салбар ордоос гэхэд 195 тэрбум ам.доллар босгох зорилго бий. Үүнд Оюутолгой, Тавантолгой, Төмөрзам, Гацууртын орд багтаж буй юм.


Гэтэл Оюутолгойн Төлөөлөн Удирдах зөвлөл Монголд хуралдах үеэр “Рио Тинто”-ийн удирдлагууд ойрын 10 жилдээ Монгол Улс ноогдол ашиг авахгүй гэдэг мэдэгдлийг хийсэн. Засгийн газарын зүгээс Оюутолгойн далд уурхайн бүтээн байгуулалтыг эрчимжиж, борлуулалт нь өсөхийг хүлээх эцсийн шийдлийг хүлээхээс өөр аргагүй болжээ.


Оюутолгойн хувьд гүний уурхайн төсөл нь хэрэв хэрэгжиж эхэлбэл 1600 хүнийг ажлын байраар хангаж, гадаад валют, макро эдийн засгийн өсөлтөд нөлөөлөх чухал ач холбогдолтой.


Түүнчлэн ДНБ-ны гуравны нэгийг дангаараа бүрдүүлэх боломжтой хамгийн том орд бол Оюутолгой юм.

Монгол Улсын Ерөнхий сайд асан Н.Алтанхуяг өчигдөр цаг үеийн асуудлаар мэдээлэл хийсэн билээ. Тэрбээр улстөрд өрнөж буй үйл явц, улс төрийн хэлмэгдүүлэлт, увайгүйтлийн талаар чангахан дуугарч дахин ”тэсэлгээ” хийв. Түүний өнгөрсөн дөрөвдүгээр сарын 4-нд хийсэн мэдээлэл нь улс төрийн хүрээнд “бөмбөг дэлбэлсэн” түүхтэй. Тэгвэл энэ удаа мөн тэрбээр хатуухан дуугарч, Ерөнхийлөгчийн сонгуульд хүч үзэхээс өөр аргагүй болсон талаар мэдээлсэн юм. Тэгвэл Ерөнхий сайд асан Н.Алтанхуяг юу өгүүлснийг 24 баримтаар хүргэж байна.

Монгол улсын ерөнхийлөгчийн зарлигийг хүндэтгэн, Хааныхаа мэндэлсэн өдөрт зориулж, хуучин уламжлалаа сэргээж, идээ шүүстэй, айраг цагаатай зөвхөн монголчуудын дунд болсноороо онцлог болов.

Уг тахилгын ёслолыг дэмжиж Монгол улсаас Америкийн нэгдсэн улсад суугаа элчин сайд мэндчилгээ дэвшүүлж, өргөмжлөлт консул баяр хүргэж, хилийн чанад дахь төрийн бус байгууллагуудын нэгдсэн зөвлөл дэмжиж оролцсон бол, Америкийн монгол холбоод дэмжиж хамтран зохион байгуулсан явдал байлаа.

Анх удаа тэмдэглэсэн Эзэн богд Чингис хааны мэндэлсэн өдөр, Монгол бахархлын өдөр гадаад оронд байгаа монголчуудад хараахан тэмдэглэж сураагүй шинэхэн баяр байлаа.

Цугласан олон ингээд үндэсний хувцсаа өмсдөг өдөр нэгээр нэмэгдлээ гэж баярлаж байлаа.
Энэ нь хойч үед уламжлал болж тогтох нэг суурь арга хэмжээ болсноос гадна тахилгын судрыг англи, монгол, төвд, монгол бичгээр хэвлүүлэн нийтийн хүртээл болголоо.

​

Ерөнхий боловсролын сургуулиудын нэгдүгээр улирлын хичээл эхэллээ. Нэгдүгээр улиралд орон даяар бүх ангийн сурагч нэгэн зэрэг амарч, бүгд долоо хоног амрахаар БШУЯ-наас шийдвэрлэсэн билээ.

Хоёрдугаар улиралд Ерөнхий боловсролын сургуулийн сурагчдын амрах хугацаа:



Нийслэлд

I-V анги: 12/22 - 01/25
VI-IX анги: 01/05 - 01/25
X-XII анги: 01/12 - 01/25

Орон нутаг

I-V анги: 01/12 - 02/01
VI-IX анги: 01/12 - 01/25
X-XII анги: 01/12 - 01/18

ХОНЬ - (3/21-4/19)
Өнөөдөр хүссэн үр дүндээ хүрч магадгүй. Дотно харилцаатай хүмүүс зорилгынхоо төлөө бүх эрч хүч, хүсэл тэмүүллээ дайчлах бололтой. Утга учиргүй хэрүүлээс зайлсхий, хамтрагчийнхаа дуртай юмыг эрж хай. Сөргөлдөөнийг хөнгөвчлөх арга замыг бодож ол. Амьдралдаа олдсон өчүүхэн жижиг зүйлд ч талархан инээмсэглэж занш. Өөртөө итгэл дүүрэн байх нь бусдыг татаж, сайн үнэлгээ авна.
Дэлгэрэнгүй
ПҮРЭВ, 2016 ОНЫ 11 САРЫН 10
ҮХЭР - (4/20-5/20)
Өнөөдрийн өгөөмөр зан тань маш хөгжилтэй тааламжтай байдлыг бий болгоно. Мөнгөний хязгаарлалт чинь хэтэрхий их байна. Томоохон нийгмийн цугларалт, үдэшлэг, баяр ёслол таньд сэтгэл хөөрөл болон тааламжтай байдлыг бий болгоно. Та олны анхаарлын төвд байгаа учраас цааш даварах хэрэггүй. Сэтгэл татам шинэ найз, танилын хүрээ өргөжиж нийгмийн хүрээ тэлнэ. Ихэнх ганц бие Үхрүүдэд шинэ хайр дурлал цэцэглэнэ.
Дэлгэрэнгүй
ПҮРЭВ, 2016 ОНЫ 11 САРЫН 10
ИХЭР - (5/21-6/21)
Сэтгэл хөдлөлөө захирч, хөнгөн хуумгай үйлдэл хийхгүй байхыг зөвлөж байна. Найздаа эсвэл ажлын хамтрагчдаа сэтгэл татагдсанаас шөнө ч унтаж чадахгүй болно. Тиймээс гадаад үзэмжиндээ анхаарах гэх мэт сэтгэлийг нь татах ямар нэг бодитой алхам хий. Амралтын өдрүүдээр далайн эрэг явж, байгалийн сайханд амар. Гэхдээ ажил хэргийн болоод хайр дурлалын шинэ харилцаа тогтоох гэж яарах хэрэггүй.
Дэлгэрэнгүй
ПҮРЭВ, 2016 ОНЫ 11 САРЫН 10
МЭЛХИЙ - (6/22-7/22)
Гэр бүлийн асуудал гэртээ байгаа нөхцөл байдлыг дүгнэж үзэх боломж олгоно. Ураг төрлийн чинь ахмад хүн өнөөдрийн үйл явдалд гол үүрэг гүйцэтгэж болох юм. Үл хөдлөх хөрөнгөө зарах эсвэл худалдаж авахтай холбоотой хоёр дахь боломж гарч болзошгүй нөгөөд энэ нь анхны боломжийг дэмий алдчихлаа гэж бодож байсан хүмүүсийн сэтгэлийг тайтгаруулна. Гэртээ зохиох гэж байсан үйл ажиллагааны бэлтгэлд саад учирч болзошгүй тул нөхцөл байдлыг өөрөөр харахын өмнө ганц хоёр хоног хүлээсэн нь дээр.
Дэлгэрэнгүй
ПҮРЭВ, 2016 ОНЫ 11 САРЫН 10
АРСЛАН - (7/23-8/22)
Та сэтгэлээр унасан ч гуньж гутрах хүн биш гэдгээ харуулна. Амьдралаа та өөрөө л бүтээнэ. Тиймээс сэрэмж болгоомжтой байж, аливааг гэгээлэг талаас нь бодохыг хичээвэл баяр баяслыг өөрийн талд оруулж чадна. Таны шинэ сонирхол тав тухыг тань алдагдуулж мэдэх ч олон улсын хэл соёлтой хүмүүстэй уулзуулна. Гүн ухаан, шинжлэх ухаанд дурласан нь таныг ирээдүйгээ бусадтай хуваалцаж, хэтийн төлөвөө тодорхойлж, шинэ дадал туршлагатай болох хүслийг тань бадраах болно.
Дэлгэрэнгүй
ПҮРЭВ, 2016 ОНЫ 11 САРЫН 10
ОХИН - (8/23-9/22)
Мөнгө санхүүгийн асуудалдаа хянуур болгоомжтой байхыг зөвлөж байна. Хэрвээ та ажлаа өөрчлөхийг хүсч байгаа бол яг одоо хүссэн ажлаа хайж олоход тохиромжтой. Ажиллахыг хүсч буй компанидаа танилцуулгаа илгээ. Таны ярих чадвар илүү их боломжийг нээж өгөх болно.Хайр дурлалын харилцаанд ямар нэг асуудал байгаа бол хурдан шийд. Эс тэгвээс энэ нь таны сэтгэл санааг таагүй болгоно.
Дэлгэрэнгүй
ПҮРЭВ, 2016 ОНЫ 11 САРЫН 10
ЖИНЛҮҮР - (9/23-10/22)
Тэнцвэргүй, тогтворгүй өдөр. Богино хугацаанд ихийг амжуул, үгүй бол толгой дээр овоорно. Эндүүрэл, зөрчилтэй тулгарна. Хайртай хүн аль эсвэл найзтайгаа асуудал үүсгэж болзошгүй. Түгшүүрт байдал оройн хоолны дараа арилна. Бусад компаниудтай үүсгэсэн асуудлаа гайхалтайгаар шийдэж, та өөрийгөө бишрэнэ. Нийтийн үйл ажиллагаа зохион байгуулах үүрэг оногдож болзошгүй.
Дэлгэрэнгүй
ПҮРЭВ, 2016 ОНЫ 11 САРЫН 10
ХИЛЭНЦ - (10/23-11/21)
Хилэнцүүдийн бүтээлч чадвар оргилдоо хүрнэ. Уран бүтээлчид өөрсдийн бүтээлээ олонд хүргэхийг хүсэх байх. Ганцаараа байж цагийг өнгөрүүлэхийг та эрхэмлэдэг ч чөлөөт цагаараа дотно хүмүүстэйгээ хөгжилдөн өнгөрүүл. Халуун ногоотой хоол, согтууруулах ундаа хэтрүүлэхээс болгоомжил. Оройг гэртээ өнгөрүүлж тав тухтай, амар. Давс, анхилуун тостой залуужуулдаг усанд орж эрч хүчээ цэнэглэ. Хайртай хүнийхээ хүссэн бүхнийг хийгээрэй.
Дэлгэрэнгүй
ПҮРЭВ, 2016 ОНЫ 11 САРЫН 10
НУМ - (11/22-12/21)
Харилцаа холбоо тогтоох, түнштэйгээ ярилцах, идэвхитэй амрах, найз нөхөд болон гэр бүлийн хүрээнд хөгжилдөн зугаацахад тааламжтай цэвэр өдрүүдийн нэг. Өнөөдөр од эрхэсийн тааламжтай байрлал хайр дурлал, гэр бүлийн харилцаанд сайнаар нөлөөлнө. Эмэгтэй Нумууд эсрэг хүйстнийхээ анхаарлыг татаж, шинэ шүтэн бишрэгчтэй болж магадгүй.
Дэлгэрэнгүй
ПҮРЭВ, 2016 ОНЫ 11 САРЫН 10
МАТАР - (12/22-1/19)
Өөрийн ур чадвартаа итгэ. Гараг эрхсийн бүтээлч хандлага дор таны төрөлхийн санаанууд, онцлог бүтээлүүд дэмжигдэнэ. Хадгаламжиндаа эрсдэл бүү учруул. Ивээн тэтгэгч нараар зардлаа гаргуул. Матрынхан одоо мөрөөдлөө дагах хэрэгтэй. Ирээдүйн аз жаргалынхаа үрийг одоо л тарих нь чухал. Хүрээлэл өндөр бүхий хүмүүстэй уулзах боломжийг шүүрэн ав. Үнэнч итгэлтэй нөхөд болж чадах чадварлаг хувь хүмүүстэй холбоо тогтоо.
Дэлгэрэнгүй
ПҮРЭВ, 2016 ОНЫ 11 САРЫН 10
БУМБА - (1/20-2/18)
Зам тээврийн, цахилгааны гэмтлээс сэргийл. Аяллаар явах, гадаад орны соёл уламжлалаас суралцах нь олон боломж нээж өгнө. Интернэт найзуудаасаа мэдээлэл ав. Мэдлэг чадвараа дээшлүүлэх хүсэлтэй бол зохистой газрыг хай. Өнөөдөр түргэн аашлах тул гэр бүлийнхээ асуудлаар шийдвэр гаргах хэрэггүй. Гадаад хүмүүстэй хамтран ажиллаж, олон сонирхолтой санаачилга дээр хамтрах байх. Чухал биш гэж боддог хүмүүсээ үл тоох хандлага бүү гарга. Өөрийнхөө мэдэж байгаа зүйлээ л ярь.
Дэлгэрэнгүй
ПҮРЭВ, 2016 ОНЫ 11 САРЫН 10
ЗАГАС - (2/19-3/20)
Энэ өдөр танд өгсөж, уруудах энерги зонхилох төлөвтэй байна. Тээнэгэлзүүлж мэдэх чухал мэдээллээ олохын тулд санхүүгийн цааснуудаа хооронд нь ялгаж салгана. Хэрвээ та ид шидтэй дагина ирээд таны мөнгөний асуудлыг шийдэж өгнө гээд сууж байгаа бол бодит ертөнцөд тавтай морил. Та аль болох хурдан санхүүгийн зөвлөгчтэй цаг тохирч уулзсан нь дээр. Загаснууд бол бусад ордуудаас сайн мөрөөдөгч бөгөөд хайр дурлалын хувьд илүү анзаарагдах болно.

09:00 цагт: Нийслэлийн Засаг дарга С.Батболд ”Улаанбаатар дулааны сүлжээ” ТӨХК, ”Улаанбаатар цахилгаан түгээх сүлжээ” ТӨХК дээр очиж, өвөлжилтийн бэлтгэлтэй танилцана.

09:00 цагт: ҮСХ-оос Монгол улсын Хүн ам, орон сууцны 2015 оны завсрын тооллогын үр дүнг Төрийн ордны ”Б” танхимд танилцуулна.

11:00 цагт: Хэвлэлийн Хүрээлэнд олон нийтэд зам тээврийн осол зөрчил, түүний эргэн тойрон дахь зарим зохицуулалттай холбоотой цаг үеийн асуудлаар Замын цагдаагийн газар, Албан журмын даатгагчдын холбооноос хамтарсан мэдээлэл хийнэ

11:00 цагт: Зууны мэдээ сонины Үндэсний мэдээллийн төвд “Төлбөрийн шинэ хэрэгсэл, цахим мөнгө” сэдэвт лекц болох гэж буйтай холбогдуулан “onecoin” төслийн баг мэдээлэл хийнэ.

11:30 цагт: Отгонбаяр сан МОХ-той хамтран Оюутны эрхийг хамгаалах дэлхийг өдрийг угтан “Хөгжилд-Оюутан миний оролцоо” сэдэвт хурлын талаар мэдээлнэ.

11:30 цагт: “Монгол ньюс” мэдээллийн төвд Монгол Улсын Төрийн шагналт, Урлагийн гавьяат зүтгэлтэн, хөгжмийн зохиолч, удирдаач Г.Бирваагийн 100 жилийн ойд зориулсан хэвлэлийн бага хурал болно.

12:00 цагт: Монгол Улсын шадар сайд У.Хүрэлсүх НМХГ-ын таван давхарт шинээр байгуулагдсан сургалтын төвийн нээлтэд оролцоно.

16:00 цагт: Монгол Улсын Төрийн шагналт, Урлагийн гавьяат зүтгэлтэн, хөгжмийн зохиолч, удирдаач Г.Бирваагийн 100 жилийн ойд зориулсан эрдэм шинжилгээний хурал ХБК-ийн А байр концертын зааланд болно.

Валютын ханшийн өсөлтийг зогсоох, өвөлжилтийн бэлтгэлийг хангах талаар үүрэг өглөө

Засгийн газрын хуралдааны эхэнд Монгол Улсын Ерөнхий сайд Ж.Эрдэнэбат зарим асуудлаар холбогдох сайд нарт үүрэг өглөө. Тухайлбал, Ерөнхий сайд өнгөрсөн амралтын өдрүүдэд Өмнөговь аймагт ажиллахдаа тэнд үйл ажиллагаа явуулж байгаа Оюутолгой, Эрдэнэс-Тавантолгой, Энержи ресурс, орон нутгийн Тавантолгой зэрэг компанийн удирдлагуудад тодорхой үүрэг өгсөн. Энэ үүргийн биелэлтийг хангах, хяналт тавих, мөн Гашуунсухайтын боомтын талаар авах арга хэмжээний талаар санал боловсруулах үүрэг бүхий ажлын хэсэг байгуулж ажиллахыг холбогдох сайд нарт үүрэг болголоо.

Түүнчлэн өвөлжилтийн бэлтгэлийг хангаж ажиллахыг Монгол Улсын Шадар сайдад, валютын ханшийн өсөлтийг барих талаар холбогдох байгууллагуудтай зөвшилцөн судалж Засгийн газрын хуралдаанд танилцуулах, шаардлагатай бол холбогдох хуулийн төслийг боловсруулахыг Сангийн сайдад үүрэг болголоо. Тухайлбал:

-Улаанбаатарт үйл ажиллагаа явуулж байгаа гадаадын Элчин сайдын яамдыг визийн хураамжаа Монгол Улсын үндэсний мөнгөн тэмдэгтээр авдаг болох,

-Арилжааны банкуудыг Монголбанкны зарласан ханшаас өндөр үнээр валют арилжиж байгаад зохицуулалт хийж болох эсэхийг судлах,

-Валютын хадгаламж, валютын зээлийн үйл ажиллагаанд зохицуулалт хийж, Монгол Улсын үндэсний мөнгөн тэмдэгтийн ханшийг өсгөх ямар боломж байгааг судалж, шаардлагатай бол холбогдох шийдвэрийн төслийг боловсруулж танилцуулахыг Сангийн сайдад үүрэг болгов.

Төрийн өмчит хоёр үйлдвэрийн газрыг нэгтгэлээ

“Төрийн үйлчилгээ”, “Засгийн газрын байруудын нэгдсэн захиргаа” гэж төрийн өмчит аж ахуйн тооцоотой үйлдвэрийн газруудын үйл ажиллагааг тус тус зогсоож, тус хоёр үйлдвэрийн газрын гүйцэтгэж байсан чиг үүрэг, хөрөнгө санхүү, хүний нөөцийг нийлүүлэн “Засгийн газрын байруудын нийтлэг үйлчилгээний газар” төрийн өмчит аж ахуйн тооцоотой үйлдвэрийн газар болгон өөрчиллөө. Мөн тус газрын дүрмийг баталлаа.

Ирэх дөрвөн жилд 259 хуулийг шинэчилнэ

“Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай” УИХ-ын тогтоолын төслийг хэлэлцээд УИХ-д өргөн мэдүүлэхээр тогтов. Үндсэн чиглэлийн төсөлд ирэх дөрвөн жилд 259 хуулийн төсөл, УИХ-ын 16 тогтоолын төслийг боловсруулж өргөн мэдүүлэхээр тусгажээ. Холбогдох нийт 43 байгууллагаас ирүүлсэн саналыг үндэслэн уг үндсэн чиглэлд тусгах хууль тогтоомжийн жагсаалтыг гаргасан байна. Ирэх дөрвөн жилд өөрчлөх 260 хууль, тогтоолын төслийг санаачлагчаар нь үзвэл Засгийн газар 238, УИХ-ын гишүүд 17, Ерөнхийлөгч 4 хуулийн төслийг санаачлахаар тус тус тусгажээ.

Монголын хэсгийг Шадар сайд ахална

Эрдэс баялаг, эрчим хүч, дэд бүтцийн хамтын ажиллагааны Монгол, Хятадын хамтарсан зөвлөлийн Монголын хэсгийн бүрэлдэхүүнийг баталлаа. Зөвлөлийн бүрэлдэхүүний Монголын хэсгийн даргаар Монгол Улсын Шадар сайд ажиллана. Зөвлөлийн анхдугаар хуралдаан ирэх сард БНХАУ-ын Бээжин хотод болох юм. Уг хуралдаанд болон хэлэлцэх асуудалтай холбогдуулан Монголын талын төлөөлөгчдийн баримтлах удирдамжийг гаргаж Засгийн газрын хуралдаанд танилцуулахыг холбогдох сайд нарт үүрэг болголоо.

Жижиг, дунд үйлдвэрийн зээлийн олголтыг зогсоохгүй, “Түр журам”-аар зохицуулна

Засгийн газрын тусгай сангийн тухай хуульд нэмэлт өөрчлөлт оруулах хуулийн төслийг ирэх арваннэгдүгээр сард УИХ-аар хэлэлцэнэ. Гэхдээ эдийн засаг хүндрэлтэй өнөөгийн нөхцөлд жижиг, дунд үйлдвэрлэгчдэд олгодог хөнгөлөлттэй зээлийн дэмжлэг үзүүлэх үйл ажиллагааг саадгүй, тасралтгүй явуулах нь эдийн засгийн болон нийгмийн ач холбогдолтой гэж Засгийн газар үзэж байна. Тийм учраас уг хуулийн төслийг батлагдах хүртэлх хугацаанд үйлчлэх Жижиг, дунд үйлдвэрийг хөгжүүлэх сангаас санхүүжих хөнгөлөлттэй зээлийн төсөл сонгон шалгаруулах түр журмыг баталлаа. Уг түр журмаар 2016 онд олгогдох 35 тэрбум төгрөгийн хөнгөлөлттэй зээлийн төсөл сонгон шалгаруулах ажлыг зохион байгуулж, хяналт тавьж ажиллахыг Хүнс, хөдөө аж ахуй, хөнгөн үйлдвэрийн сайдад даалгалаа.

Гадаадаас авах ажиллах хүч, мэргэжилтний тоог батлав

Монгол Улсад 2017 онд үйл ажиллагаа явуулах аж ахуйн нэгж, байгууллагын нийт ажиллагсдын тоонд эзлэх гадаадын ажиллах хүч, мэргэжилтний хувийг Засгийн газрын тогтоолоор баталлаа.

Гадаад ажилчдын тоо нь тухайн байгуллагын нийт ажилчдын таван хувиас хэтрэхгүй байхаар тогтоолоо. Тогтоосон квотын 50 хүртэлх хувьтай тэнцэх гадаадаас авах ажиллах хүчний зөвшөөрлийг Хөдөлмөр, халамж үйлчилгээний газар, 50-иас дээш бол Засгийн газарт асуудал тавьж шийдвэрлүүлж байхыг Хөдөлмөр, нийгмийн хамгааллын сайдад үүрэг болголоо.

2016 оны аравдугаар сарын байдлаар 11072 гадаадын иргэн Монгол Улсад хөдөлмөр эрхэлж байгаа бөгөөд энэ нь өнгөрсөн оныхоос 33 хувиар буурсан үзүүлэлт юм байна. Хөдөлмөр эрхлэлтийг дэмжих санд 2015 онд 43 тэрбум төгрөг төвлөрч байсан бол 2016 онд 37.8 тэрбум төвлөрүүлэхээс энэ оны аравдугаар сарын байдлаар 12 тэрбум төгрөг төвлөрөөд байгаа юм байна.

Товч мэдээ

- Дипломат болон албан паспорт эзэмшигчдийг визийн шаардлагаас чөлөөлөх тухай Монгол Улсын Засгийн газар, Бүгд Найрамдах Литва Улсын Засгийн газар хоорондын хэлэлцээрийн төслийг дэмжив. Хэлэлцээрт гарын үсэг зурснаар дипломат болон албан паспорт эзэмшигч иргэд хоёр улсын нутаг дэвсгэрт 90 хүртэл хоногийн хугацаанд визгүй зорчих эрхтэй болох юм.

- Хөгжлийн бэрхшээлтэй иргэний эрхийг хангах орон тооны бус зөвлөлийн журмыг шинэчлэн баталлаа. Дүрмийн шинэчлэлийн гол зохицууулалт нь уг зөвлөл нь Монгол Улсын Ерөнхий сайдын дэргэд ажиллах юм.

- УИХ-ын гишүүн Ц.Гарамжав, Н.Оюундарь нарын санаачлан боловсруулсан Монгол Улсын иргэнд газар өмчлүүлэх тухай хуульд нэмэлт оруулах тухай хуулийн төслийг хэлэлцээд уг төсөл нь Монгол Улсын Үндсэн хууль болон бусад хэд хэдэн хуультай зөрчилдөж байгаа тул дэмжих боломжгүй гэж үзэв.

- УИХ-ын гишүүн С.Эрдэнийн санаачлан боловсруулсан Галт зэвсгийн тухай хуульд өөрчлөлт оруулах тухай, Жолоочийн даатгалын тухай хуульд өөрчлөлт оруулах тухай, Зөрчлийн тухай хуульд өөрчлөлт оруулах тухай, Монгол Улсын хилийн тухай хуульд өөрчлөлт оруулах тухай, Цагдаагийн албаны тухай хуулийг дагаж мөрдөх журмын тухай хуульд өөрчлөлт оруулах тухай хуулийн төслүүдийг хэлэлцэн хэд хэдэн саналыг хууль санаачлагчид уламжлахаар болов гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

АНУ-ын ерөнхийлөгчийн сонгуульд нэр дэвшигч, үл хөдлөх хөрөнгийн магнат, 4 тэрбум ам.долларын хөрөнгөтэй Доналд Трамп (Donald Trump) сүүлийн үед дэлхий дахинаа ярианы сэдэв болж, өөрийн үзэл бодол, мэтгэлцээний санал асуулга зэргээрээ тэргүүлж байгаа билээ. Өнгөрсөн долоо хоногт болсон Америкийн ерөнхийлөгчид нэр дэвшигчдийн урьдчилсан мэтгэлцээн болж, бүгд найрамдах намаас нэр дэвшигч тэрбээр сонгуулийн сунгааг тэргүүлсээр байна.
Доналд Трампын эхнэрийн тансаг амьдрал
Гэвч энэ удаад бид та бүхэнд улс төрийн бус, харин түүний хувийн амьдралын нэгээхэн хэсэг, өнөөдрийн амжилтынх нь түлхэх хүч болсон эхнэр Меланиа Трамп (Melania Trump)-ийнх нь тухай хүргэх гэж байна.
Меланиа бол Доналд Трампын гурав дахь эхнэр бөгөөд түүнээс 24 насаар дүү юм. Түүнийг Трампын “найдвартай ар тал” гэж хүмүүс ярилцдагаас гадна Словенийн супермодель, үл хөдлөх хөрөнгийн шаггүй чадварлаг бизнес хатагтай хэмээгддэг. Трампын гэр бүлийн мэдэлд өдгөө хэд хэдэн томоохон зочид буудал, хувийн орд харш, худалдааны зориулалттай барилга байгууламж зэргүүд байдаг. Нью-Йорк хотын Манхаттан дүүрэг дэх “Trump Tower” нь хамгийн алдартай нь юм.
Хэрвээ Доналд Трамп ерөнхийлөгчийн сонгуульд ялалт байгуулвал Меланиа 1860 оны үед төр барьж байсан, АНУ-ын 6 дахь ерөнхийлөгч Жон Кюнси Адамс (John Quincy Adams)-ийн эхнэрийн дараах, хоёр дахь гадаад гаралтай тэргүүн хатагтай болох юм.
Тэрээр одоогоос 19 жилийн өмнө хуучин Югославын холбооноос Америкд цагаачлан ирж байжээ. Түүний эцэг машины “ченж” байсан нь аливаа зүйлээр дутагдаж гачигдалгүй өсөхөд нөлөөлсөн юм. Тиймдээ ч өвлийн амралтаараа Австрид очиж, цанаар гулгадаг байсан гэдэг. 17 настай байхдаа нэгэн гэрэл зурагчны хараанд өртөж, загварын салбараар дагнахыг түүнд зөвлөжээ. Жилийн дараа гэхэд л Миланы загварын агентлагтай гэрээ байгуулж, Парис, Итали хоёрын хооронд “жим” гартал явсан гэдэг. Орос аялагатай Англиар ярьдаг ч, 5 гадаад хэл төгс эзэмшсэн хэмээн өөрийгөө тодорхойлжээ.
1996 онд Америкт анх хөл тавьж, түүнээс 2 жилийн дараа нэгэн загварын шоуны үдэшлэг дээр Трамптай танилцсан байна. Тэр үед Меланиа 28-тай, Трамп 52-той байсан төдийгүй, хоёр дахь эхнэр Марла Маплес (Marla Maples)-аас дөнгөж л салаад байжээ.
Трамп одоо 5 хүүхэдтэй бөгөөд анхны эхнэр Ивана Трампаас хоёр хүү нэг охин, хоёр дахь эхнэр Марла Маплесаас нэг охинтой аж. Тэд бүгд улс төр, загвар, бизнесийн салбарын тэргүүлэгчид бөгөөд өөрийн хүчээр алдарт хүрч чадсан юм. Харин Меланиа, Доналд хоёрын анхны хүү, Трампын отгон хүү өдгөө 9 настай ажээ.
Меланиа Трамп өөрийн тансаг амьдрал, сайхан биеэ зурагт мөнхлөх, олон хүмүүст “гайхуулах” дуртай. Тэдний хурим 2005 онд нэгэн далайн эрэг дээр болсон бөгөөд зөвхөн хуримын даашинз нь л гэхэд 100 мянган долларын өртөгтэй байв.
Доналд Трампийг хоёр дахь эхнэрээсээ салж, өөрөөсөө хоёр дүү залуухан бүсгүйтэй дэр нэгтгэх нь гэсэн шуугиан хуурай өвсөнд тавьсан түймэр мэт тэр дороо дэгдэж, Меланиагийн мөнгөнд дуртай, шуналтай занг хүмүүс гайхаж байлаа.
Гэтэл өнөөг хүртэл энэ тухай огтхон ч ам нээгээгүй тэрбээр өнгөрсөн долоо хоногийн “US Weekly Magazine” сэтгүүлд өгсөн ярилцлагадаа “Би анх түүнтэй ярилцаж үзээд л, ямар гайхамшигтай сод хүн бэ гэж бодож байлаа. Хамгийн гол нь түүний үзэл бодол, оюун ухаан дахин давтагдашгүй. Бурхан минь, мөнгө харж гэрлэсэн бол өдийг хүртэл хамт байх байсан гэж үү? Хэрэгтэй зүйлээ олж аваад л салаад явчихна шүү дээ” хэмээн хэлж, хэл амаа билүүдсэн хүмүүст жинтэй хариу өгсөн байна.
Сэтгүүлч түүнээс “Хэрвээ нууц биш бол, та хоёрын жаргалтай гэрлэлтийн нууц юу вэ?” гэхэд “Ядаж л угаалгын өрөө тусдаа байх хэрэгтэй гэж боддог” гэжээ.
Түүнчлэн Меланиагийн найзууд түүнийг тайван дөлгөөхөн, ямар ч шуургыг тэсвэртэйгээр сөрж зогсох чадвартай хэмээн дүгнэсэн байдаг. Тиймдээ ч Доналд Трамп өнөөдрийн энэ өндөрлөгт хүрээд байгаа биз ээ.

автор нь Б.Батбаатар

Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийн тухай хуулийн төсөл /Засгийн газар 2016.09.30-ны өдөр өргөн мэдүүлсэн, анхны хэлэлцүүлэг/;


Монгол Улсын 2017 оны төсвийн тухай, Нийгмийн даатгалын сангийн 2017 оны төсвийн тухай хуулийн төслийн хамт өргөн мэдүүлсэн хууль, Улсын Их Хурлын тогтоолын төслүүд /Засгийн газар 2016.09.30-ны өдөр өргөн мэдүүлсэн, эцсийн хэлэлцүүлэг/;


Хүүхэд харах үйлчилгээний тухай хуульд өөрчлөлт оруулах тухай, Засгийн газрын тусгай сангийн тухай хуульд нэмэлт оруулах тухай, Шүүхийн захиргааны тухай хуульд нэмэлт оруулах тухай, Ашигт малтмалын тухай хуульд нэмэлт, өөрчлөлт оруулах тухай, Ирээдүйн өв сангийн тухай хуульд нэмэлт, өөрчлөлт оруулах тухай, Улсын тэмдэгтийн хураамжийн тухай хуульд нэмэлт оруулах тухай, Төсвийн тухай хуульд нэмэлт оруулах тухай, Аж ахуйн үйл ажиллагааны тусгай зөвшөөрлийн тухай хуульд нэмэлт оруулах тухай, Хөрөнгө оруулалтын тухай хуульд нэмэлт оруулах тухай хуулийн төслүүд болон ”Үндсэн хуулийн цэцийн дарга, гишүүдийн цалингийн хэмжээг шинэчлэн тогтоох тухай”, ”Прокурорын байгууллагын прокурорын албан тушаалын цалингийн хэмжээг шинэчлэн тогтоох тухай”, ”Төрийн өмчийг 2015-2016 онд хувьчлах, өөрчлөн байгуулах үндсэн чиглэлийг үргэлжлүүлэн хэрэгжүүлэх тухай” Улсын Их Хурлын тогтоолын төслүүд /Монгол Улсын 2017 оны төсвийн тухай хуулийн хоёр дахь хэлэлцүүлэгтэй холбогдсон, эцсийн хэлэлцүүлэг/;



Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийн тухай хуулийн төсөл /Засгийн газар 2016.09.30-ны өдөр өргөн мэдүүлсэн, эцсийн хэлэлцүүлэг/;


Монгол Улсын 2017 оны төсвийн тухай, Нийгмийн даатгалын сангийн 2017 оны төсвийн тухай хуулийн төслүүд /Засгийн газар 2016.09.30-ны өдөр өргөн мэдүүлсэн, гурав, дөрөв дэх хэлэлцүүлэг/;


“Монгол Улсын 2017 оны төсвийн тухай хууль батлагдсантай холбогдуулан авах арга хэмжээний тухай” Улсын Их Хурлын тогтоолын төсөл /анхны хэлэлцүүлэг/;


“Төрөөс мөнгөний бодлогын талаар 2017 онд баримтлах Үндсэн чиглэл батлах тухай” Улсын Их Хурлын тогтоолын төсөл /Монголбанк 2016.09.29-ний өдөр өргөн мэдүүлсэн, анхны хэлэлцүүлэг/;


Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төсөл, Төрийн албаны тухай хуульд нэмэлт оруулах тухай хуулийн төсөл /Засгийн газар 2016.10.07-ны өдөр өргөн мэдүүлсэн, хэлэлцэх эсэх/;


Нийгмийн даатгалын сангаас олгох, тэтгэвэр тэтгэмжийн тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Чинзориг 2016.10.07-ны өдөр өргөн мэдүүлсэн, хэлэлцэх эсэх/;

Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх тухай хуулийн төсөл /Улсын Их Хурлын гишүүн С.Чинзориг 2016.10.07-ны өдөр өргөн мэдүүлсэн, хэлэлцэх эсэх/;



Улсын Их Хурлын гишүүн Д.Тэрбишдагваас ”Мал аж ахуйн салбарын хөгжлийг шинэ шатанд гаргах, биологийн онцгой шинж бүхий монгол малын ашиг шимийг бүрэн ашиглах чиглэлээр цаашид баримтлах бодлого, дэвшүүлсэн зорилт, төлөвлөсөн арга хэмжээ болон төр, засгийн газар, салбарын түвшинд ямар бодлого шийдвэр, дэмжлэг шаардлагатай байгаа талаар” Хүнс, хөдөө аж ахуй, хөнгөн үйлдвэрийн сайдад тавьсан асуулгын хариуг сонсох.

Төсвийн байнгын хорооны өнөөдөр хуралдана. Хуралдаан 14.00 цагаас “Жанжин Д.Сүхбаатар” танхимд болох бөгөөд хуралдаанаар Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийн тухай хуулийн төсөл /Засгийн газар 2016.09.30-ны өдөр өргөн мэдүүлсэн, эцсийн хэлэлцүүлгийг хэлэлцэх аж.

2016.11.10, ПҮРЭВ ГАРАГ / БИЛГИЙН ТООЛЛЫН: 11

ӨВЛИЙН ЭХЭН ШАРАГЧИН ГАХАЙ САР
НАЙМАН ЦАГААН МЭНГЭТЭЙ УЛААН БИЧ ӨДӨР

Аргын тооллын: 2016.11.10, Пүрэв гараг
Наран ургах шингэх: 07.51-17.21
Үс засуулбал: Эрхтэн хурц болно
Барилдлага: Хүчин төгсөх
Шүтэн барилдлага: Авахуй
Тухайн өдөр бар, туулай, бич, тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян үйл үйлдвээс өлзийтэй, өргөл хүндлэл, бурханд соёрхол тавих, амирлуулах, дэлгэрүүлэх, эрхшээх үйл нигууд бүтээх, эм найруулах, гэргий авах, үс авах, элч зарах, эд авахад сайн. Зүүн нүд татвал хэрүүл, тэмцэл болох, баруун нь бол эд хувцас олох, зүүн чих нь цангинавал зочин ирэх, баруун нь бол гаслан болох, нохой уливал галзуурах, хэрээ гуаглавал ураг садан эндэх, тагнай загатнавал хэн нэгний үхсэнийг сонсох, бие татвал гэнэт зочин ирэх, хөл татвал үхэл болохыг үзэх болой. Өдрийн сайн цаг нь хулгана, үхэр, луу, могой, хонь, нохой болой.

2016 оны 11 дүгээр сарын 09-ний 20 цагаас 11 дүгээр сарын 10-ны 20 цаг
хүртэлх цаг агаарын урьдчилсан мэдээ

БАРУУН АЙМГУУДЫН НУТГААР: Үүлшинэ. Шөнөдөө зарим газраар, өдөртөө ихэнх нутгаар цас орж, цасан шуурга шуурна. Салхи баруун хойноос секундэд 7-12 метр, зарим газраар секундэд түр зуур 18-20 метр хүрч ширүүснэ. Увс нуурын хотгор болон Хангайн уулархаг нутаг, Идэр, Тэс голын хөндийгөөр шөнөдөө 10-15 хэм, өдөртөө 6-11 хэм, Алтайн өвөр говиор шөнөдөө 0-5 хэм хүйтэн, өдөртөө 3-8 хэм дулаан, бусад нутгаар шөнөдөө 5-10 хэм, өдөртөө 0-5 хэм хүйтэн байна.

ТӨВИЙН АЙМГУУДЫН НУТГААР: Үүлшинэ. Шөнөдөө зарим газраар, өдөртөө нутгийн баруун хэсгээр цас орж, цасан шуурга шуурна. Салхи шөнөдөө баруун хойноос, өдөртөө баруун өмнөөс секундэд 6-11 метр, зарим газраар секундэд 12-14 метр хүрч ширүүснэ. Дархадын хотгор болон Хэнтэйн уулархаг нутаг, Орхон-Сэлэнгэ, Хараа, Ерөө, Тэрэлж голын хөндийгөөр шөнөдөө 22-27 хэм, өдөртөө 8-13 хэм, бусад нутгаар шөнөдөө 13-18 хэм, өдөртөө 4-9 хэм хүйтэн байна.

ЗҮҮН АЙМГУУДЫН НУТГААР: Үүлэрхэг. Шөнөдөө ихэнх нутгаар, өдөртөө нутгийн зүүн хэсгээр цас орж, цасан шуурга шуурна. Салхи зүүн өмнөөс баруун хойш эргэж секундэд 6-11 метр, зарим газраар секундэд 14-16 метр хүрч ширүүснэ. Шөнөдөө Хэрлэн, Онон, Улз, Халх голын саваар 12-17 хэм, бусад нутгаар 6-11 хэм, өдөртөө бүх нутгаар 9-14 хэм хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө 18-20 хэм, өдөртөө 6-8 хэм хүйтэн байна.

ГОВИЙН АЙМГУУДЫН НУТГААР: Үүлшинэ. Шөнөдөө зарим газраар цас орж, цасан шуурга шуурна. Өдөртөө цас орохгүй. Салхи зүүн өмнөөс баруун хойш эргэж секундэд 9-14 метр, зарим газраар секундэд түр зуур 18-20 метр хүрч шороон шуурга шуурна. Хүйтэрч Дундговийн нутгаар шөнөдөө 7-12 хэм, өдөртөө 1-6 хэм, бусад нутгаар шөнөдөө 4-9 хэм хүйтэн, өдөртөө 2 хэм дулаанаас 3 хэм хүйтэн байна.

УЛААНБААТАР ХОТ: Үүлшинэ. Шөнөдөө цас орно. Өдөртөө цас орохгүй. Салхи шөнөдөө баруун хойноос, өдөртөө баруун өмнөөс секундэд 7-12 метр. Шөнөдөө 15-17 хэм, өдөртөө 7-9 хэм хүйтэн байна.

2016 оны 11 дүгээр сарын 11-нээс 11 дүгээр сарын 15-ныг хүртэлх
цаг агаарын урьдчилсан төлөв

11-нд зарим газраар, 12-нд баруун, төв, зүүн аймгуудын зарим газраар, 13-нд төв, зүүн аймгуудын хойд хэсгээр, 14-нд баруун болон төвийн аймгуудын нутгийн хойд хэсгээр цас орно. Салхи 11,13 нд нутгийн өмнөд хэсгээр, 12-нд зарим газраар, 14-нд баруун зүгийн нутгаар секундэд түр зуур 16-18 метр хүрч шороон болон цасан шуурга шуурна. Увс нуур болон Дархадын хотгор, Хангай, Хэнтэйн уулархаг нутаг, Сэлэнгэ, Хараа, Ерөө, Тэрэлж, Хэрлэн, Онон, Улз, Халх голын хөндийгөөр шөнөдөө 21-26 хэм, өдөртөө 13-18 хэм, говийн бүс нутгийн өмнөд хэсгээр шөнөдөө 4-9 хэм хүйтэн, өдөртөө 0-5 хэм дулаан, бусад нутгаар шөнөдөө 14-19 хэм, өдөртөө 5-10 хэм хүйтэн байна.

Энэ сарын 1-ний байдлаар улсын хэмжээнд ердийн хэрэглээний 29 хоногийн газрын тосны бүтээгдэхүүний нөөцтэй байна.

Энэ сарын 14-нд сар урд урьдынхаасаа илүү том, тод харагдах юм байна. Учир нь сар дэлхийг тойрохдоо зууван замаар тойрдог. Сар дэлхийд хамгийн ойр цэгт тохиох тэргэл сарыг Super moon буюу хамгийн том тэргэл сар гэнэ.

Улсын Их Хурлын гишүүн, Өргөдлийн байнгын хорооны дарга Д.Сарангэрэл, Улсын Их Хурлын гишүүн, Ажлын хэсгийн ахлагч А.Сүхбат нар өнөөдөр /2016.11.09/ Туул голын бохирдлын асуудлаар ирүүлсэн өргөдлийн дагуу холбогдох хууль тогтоомжийн хэрэгжилтийг судлахаар Төв болон Харгиа цэвэрлэх байгууламж, мөн Шувуун фабрикийн орчимд хайрга олборлодог карьеруудын үйл ажиллагаатай танилцаж, газар дээр нь ажиллалаа.

Өргөдлийн байнгын хороо нь Туул голын бохирдлыг бууруулах, урсацыг хамгаалах, хамгаалалтын бүсийн дэглэмийг мөрдүүлэх, усны чанарын стандартад хүргэхэд шаардлагатай арга хэмжээг авах, холбогдох хууль тогтоомжийн хэрэгжилтийг хангуулах чиглэлээр тогтоол гаргаж, Ажлын хэсгийг 2016 оны 10 дугаар сарын 25-ны өдөр байгуулсан байна.

Ажлын хэсгийн гишүүд эхлээд Ус сувгийн удирдах газрын харьяа Төв цэвэрлэх байгууламжийн үйл ажиллагаатай танилцаж, түүний шинэчлэлийн хэрэгжилтийн байдал, тулгамдаж буй бэрхшээлийн талаар мэдээлэл солилцон холбогдох албан тушаалтнуудаас тайлбар авахын зэрэгцээ үүрэг, чиглэл өглөө.





Ус сувгийн удирдах газрын дарга Ц.Төрхүү мэдээлэл хийх үеэр, тус цэвэрлэх байгууламж нь хоногт дунджаар 160000-190000 м3 бохир усыг хүлээн авч механик болон биологийн цэвэрлэгээг хийн, хэт ягаан туяагаар халдваргүйжүүлсний дараа Туул голд нийлүүлдэг. Бохир усны худгийн ихэнх нь удаан хугацааны ашиглалтын явцад элэгдэж хуучрах, хагаралт цууралт үүсэх зэрэг гэмтлүүд тохиолдож байгаагаас тус байгууламжийн ачааллыг нэмэгдүүлэхэд хүргээд байна. Иймд 250000 шоометр/хоног хүчин чадал бүхий шинэ цэвэрлэх байгууламж барих зайлшгүй шаардлагатай байна. Энэхүү асуудал өчигдөр /2016.11.08/ зохион байгуулагдсан “Төв цэвэрлэх байгууламжийн өнөөгийн байдал, хөрөнгө оруулалтын асуудал” сэдэвт хэлэлцүүлгийн үеэр хөндөгдөж, шинэ Төв цэвэрлэх байгууламжийг барихын тулд шинээр техник эдийн засгийн үндэслэлийг боловсруулах бус өмнө нь боловсруулагдсан техник эдийн засгийн үндэслэлийг ашиглаад явах нь зөв гэсэн байр суурь илэрхийлэгдэж байсан гэлээ.



Өргөдлийн байнгын хорооны дарга Д.Сарангэрэл хэлэхдээ, Нийслэлийн иргэдийн 97.5 хувь нь Туул голоос ундаалдаг гэтэл бид өөрсдийнхөө ундаалдаг ус руугаа бохир нийлүүлж байна. Туул голыг бохирдуулж буй гурван үндсэн хүчин зүйлс бол цэвэрлэх байгууламж болон арьс, ширний үйлдвэрүүдээс гарч буй бохир мөн Туул голын орчмоос элс, хайрга олборлож байгаа явдал нь голын урсацыг багасгах, байгалийн тэнцвэрийг алдагдуулахад хүргээд байна. Саяхан хийгдсэн судалгаагаар Туул голын усыг цэвэршүүлсний дараа гэдэсний өвчин үүсгэдэг савханцар нян илэрсэн. Иймд УИХ-ын зарим гишүүд Туул голыг хамгаалах тусгай хууль гаргах тухай санал нэгдээд байгаа гэлээ.











Дараа нь Ажлын хэсгийн гишүүд болон дагалдан яваа албаны хүмүүс Хан-Уул дүүргийн нутаг дэвсгэрт орших Шувуун фабрикийн орчимд хайрга олборлодог карьер болон Харгиа цэвэрлэх байгууламжийн үйл ажиллагаатай тус тус танилцлаа.

Ажлын хэсгийн ахлагч А.Сүхбат хэлэхдээ, Туул голын ай савуудыг ихээр сүйтгэж байна. Туул голын энгийн хамгаалалтын бүсээс элс, хайрга олборлож буй аж ахуйн нэгжүүд хэдийгээр тусгай зөвшөөрөл авсан хэдий ч нөхөн сэргээлт хийхгүй байна. Үүнд хариуцлага тооцуулах тал дээр бид ажиллаад зогсохгүй эдгээр тусгай зөвшөөрлүүдийг цуцлуулахаар ажиллах болно гэлээ. Түүнчлэн Туул голыг бохирдуулж буй бусад хүчин зүйлсийг арилгахад шат бүртээ хяналтаа сайжруулж, хууль эрх зүйн асуудлыг боловсронгуй болгох нэн шаардлагатай байна гэж анхаарууллаа.





Гишүүд дээрх газруудын үйл ажиллагаатай танилцсан тухай болон цаашид шийдвэрлэвэл зохих асуудлын талаар Байнгын хорооны хуралдаанд танилцуулах юм гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.

Нийслэлийн Засаг дарга бөгөөд Улаанбаатар хотын захирагч С.Батболд хуульд заасан эрхийнхээ хүрээнд захирамж гаргаж, Багануур дүүргийн Засаг даргаар Цэндийн Сандаг-Очир, Чингэлтэй дүүргийн Засаг даргаар Жамсрангийн Эрдэнэбат, Налайх дүүргийн Засаг даргаар Чойжинсамбуугийн Раднаабазар, Сонгинохайрхан дүүргийн Засаг даргаар Жигжидсүрэнгийн Сандагсүрэн нарыг батламжиллаа.

Ж.Батзандан: Бизнесийн салбарууд дахь монополь байдлыг задалж чөлөөт өрсөлдөөнийг бий болгохгүй бол хямралаас гарч чадахгүй нь.

Хятадын Хэбэй мужийн Баодинд 5 настай хүү хатсан худгийн 40 метрийн цооногт унажээ. Орон нутгаас яаралтай шийдвэр гаргаж 60 экскаватор ашиглан хүүг гаргахаар болжээ.

Хүүг аврах ажиллагаа сүүлийн хоёр хоног үргэлжилж байгаа бөгөөд цооногт зориулалтын хүчилтөрөгч шахагчийг ажиллуулж хүүг хүчилтөрөгчийн дутагдалд орохоос сэргийлж байгаа гэнэ.

Аврах ажиллагааг удирдан явуулж буй Пан Зи ”Сүүлийн 50 цагт 20 метр гүн ухаад байна. Аврах ажиллагаа явагдаж, ухсаар байгаа ч цооног яг одоо ч нурж болзошгүй нөхцөлд байгаа. Бид хүүг эсэн мэнд гаргахын тулд маш болгоомжтой ажиллаж байгаа” хэмээн хэлжээ.

Цооногийн диаметр ердөө 30 см байгаа нь уг цооног руу аврагчид орох боломжгүй болж байгаа юм. Өчигдөр оройны байдлаар хүүд хоол болон ус өгсөн байна. Хүүгийн өвөө хэлэхдээ ургацынхаа талбай дээр ажиллах үед хүү нь гэнэт алга болсон гэжээ.