2015 оны 7 дугаар сарын 19-ний 09-21 цаг хүртэл
Малчид, ард иргэдийн анхааралд: Өнөөдөр нутгийн зүүн хагаст бороо орох тул үер усны аюулаас сэрэмжтэй байхыг анхааруулж байна. 2015 оны 07 дугаар сарын 19-ний 09 цагаас 21 цаг хүртэлх цаг агаарын урьдчилсан мэдээ: Баруун болон говийн нутгаар солигдмол үүлтэй. Бусад нутгаар үүлэрхэг. Төв, зүүн зүгийн нутгийн ихэнх, говийн нутгийн зарим газраар бороо орно. Дуу цахилгаантай. Салхи баруун зүгийн нутгаар баруунаас, бусад нутгаар зүүн хойноос секундэд 6-11 метр. Хангай, Хөвсгөлийн уулархаг нутгаар 18-23 градус, Увс нуур, Их нууруудын хотгор, Алтайн өвөр говиор 29-34 градус, Орхон-Сэлэнгэ саваар 24-29 градус, бусад нутгаар 21-26 градус дулаан байна. УЛААНБААТАР ХОТ: Үүлэрхэг. Түр зуурын бороо орно. Дуу цахилгаантай. Салхи зүүн хойноос секундэд 6-11 метр. 23-25 градус дулаан байна. Өглөө 06 цагт Улаанбаатарт: 15 градус дулаан, харьцангуй чийг 89 хувь, агаарын даралт 865 гектопаскаль байлаа. Даралт өдөртөө тогтвортой байна.

Үндэсний их баяр наадмаар нийслэлийн иргэдээ тав тухтай наадуулахын төлөө сэтгэл зүрхээ гарган сайн ажилласан ТҮК-ийн ажилтнуудыг Улаанбаатар хотын Захирагчийн ажлын албанаас урамшуулжээ.

Архангай аймгийн Эрдэнэмандал сум үүсэн байгуулагдсаны 90 жилийн ойг тохиолдуулан тус сумыг Монгол Улсын Ерөнхийлөгчийн зарлигаар Хөдөлмөрийн гавъяаны улаан тугийн одонгоор шагнажээ.

22-ын хуучин товчооноос Авто худалдааны цогцолбор хүртэлх 1.56 км авто замын барилгын ажил эхэллээ.

2020 оны Зуны олимпийн наадам Япон улсын Токио хотноо зохион байгуулагдахаар болсон.

​Ирэх даваа гарагт зуны сүүл сарын шинийн 4 буюу ”Бурхан багшийн номын хүрдийг эргүүлсэн” дүйчэн өдөр тохиож байна.

Завхан аймгийн 18 сум мал амьтны гоц халдварт боом өвчний голомттой аж.

Уур амьсгалын өөрчлөлтийн улмаас байгаль орчин, ус, цаг агаарын гаралтай аюулт үзэгдлийн давтамж жилээс жилд нэмэгдсээр байгаа билээ.

Үндэсний их баяр наадмын өдрүүдэд томоохон худалдааны төв амарсан.

Энэ сарын 24-26-ны өдрүүдэд Казахстан улсын нийслэл Астана хотын “Даулет” спортын цогцолборт “Казахстан улсын Ерөнхийлөгчийн цомын төлөө” чөлөөт бөхийн олон улсын Ү дахь тэмцээн гурван төрлөөр болно.

ОХУ-ын Тюмень хотод жүдо бөхийн Их Дуулга тэмцээн эхэлж байна.

Улсын их дэлгүүрээс Баруун дөрвөн зам хүртэлх авто замын хөдөлгөөнийг энэ сарын 14-нөөс наймдугаар сарын 14-н хүртэл хааж, засвар шинэчлэлтийн ажил хийж байгаа.

Монголын Засгийн газраас Францын Парис хотын шүүхэд нэхэмжлэл гаргаж, олон улсын арбитрын шүүхээс Канадын “Хан Ресурс” компанид 104 сая ам.доллар төлөх шийдвэр гаргасныг эсэргүүцэж байгаа мэдэгджээ.

Хүй долоон худагт болж байгаа азарганы уралдаанд нийт 50 азарга гарааны зурхайгаас гарснаас Архангай аймгийн Түвшрүүлэх сумын уугуул, Эрчим яамны дэд сайд Ө.Пүрэвбаатарын халтар азарга түрүүллээ.

Байт харвааны өсвөр үе, залуучуудын улсын аварга шалгаруулах тэмцээнд нийслэл, хөдөө орон нутгийн таван байгууллага, клубын 30 гаруй тамирчин хувийн болоод багийн төрлүүдэд 50,60 метрийн зайд өрсөлдөж байна.

Цагдаагийн байгууллагын 94 жилийн ой, ”Цагдаагийн алба хаагчдийн өдөр”-ийг тохиолдуулан эрхэлсэн ажилдаа идэвх зүтгэл, үр бүтээлтэй ажиллаж байгаа алба хаагчдад цол, шагнал хүртээлээ.

Цагдаагийн байгууллагын түүхт 94 жилийн ой, ”Цагдаагийн алба хаагчдын өдөр”-ийг тэмдэглэн өнгөрүүлэх ёслолын жагсаал, хүндэтгэлийн үйл ажиллагаа Төв цэнгэлдэх хүрээлэнд болж байна.

Бөхчүүдийн хүч чадлыг сорьж, бүтэн жилийн хөдөлмөрийг дүгнэдэг баяр наадмын бөхийн барилдаанууд аймаг бүрт үргэлжилсээр байна.

Сүүлийн үед иргэд гол усны дэргэд амарч зугаалж явахдаа усанд эндэх тохиолдол олноор гарсаар байна. Хэдийгээр мэргэжлийн байгууллагаас энэ талаар анхааруулж, завьт эргүүлийг ажиллуулж байгаа ч иргэд санамсар болгоомжгүйгээс болж усанд эндэх явдал гарсаар байгаа нь үнэхээр харамсалтай.

Ойн хүрээнд тус дүүрэг 50 жилийнхээ ололт амжилтыг дүгнэж, ирээдүйд хийх ажлаа төлөвлөхөд чиглэсэн олон арга хэмжээг бүтэн жилийн турш зохион байгуулахаар төлөвлөж байна.