Долоо хоног бүрийн даваа гаригт үзэгчдэд шууд хүрдэг ”Цензургүй яриа” нэвтрүүлгийн өнөөдрийн дугаарт Эрүүл, мэнд спортын сайд асан Г.Шийлэгдамба оролцох юм байна. Энэ талаар тус нэвтрүүлгийн сэтгүүлч, хөтлөгч Б.Мөнхбаясгалан өөрийн цахим хуудаснаа бичжээ. Эрүүл, мэнд спортын сайд асан Г.Шийлэгдамбыг хээл, хахуулийн хэргээр АТГ-аас баривчлан саатуулсан. Саатуулагдах явцад биеийн байдал нь хүндэрч одоо эмнэлэгт эмчлүүлж байгаа билээ.



Хэсэг хугацаанд нам гүм байсан тэрбээр өнгөрсөн баасан гаригт олон нийтэд ил захидал илгээн нийгэмд дуулиан тарьсан. Тодруулбал, тэрбээр ”Н.Энхбаярын захиасаар ажлын өрөөндөө хүнээс мөнгө авч байсан. Дахин нэмж мөнгө аваад Н.Энхбаяр даргад өгөх байсан. Мөн Ц.Оюунбаатар тэргүүтэй хүмүүсийн ятгалгаар албан тушаалаасаа чөлөөлөгдөх хүсэлтээ өгсөн” хэмээн захидалдаа бичсэн байсан юм.



Тэгвэл тэрбээр өнөөдрийн ”Цензургүй яриа” нэвтрүүлэгт энэ талаар болон бусад асуудлаар мэдээлэл хийж магадгүй байна.

Т.Энхэлээ

ХУД-2 “ГССҮТ-д арьс шахдаг машинд гараа хавчуулж гэмтээсэн хүн ирж хэвтлээ” гэсэн мэдээллийг 01-р сарын 31-нд авч шалгахад: “Алтай Хайрхан“ ХХК-ний туслах ажилтан БЗД-21 хороонд суух М /эр.20н/ нь арьс шахдаг төхөөрөмжинд зүүн гарын 3 хурууг хавчуулж гэмтэн тус эмнэлэгт эмчлүүлж байгаа хэргийг ХУДЦХ-1 шалгаж байна.

Цагдаагийн алба хаагчид гал түймрээс хүний амь аварчээ. Сонгинохайрхан дүүргийн тавдугаар хороо ”Баянголын ... тоотод гал гарч байна” гэсэн мэдээлэл өнгөрөгч ням гарагт цагдаагийн байгууллагад иржээ.

Дуудлагын дагуу Сонгинохайрхан дүүргийн цагдаагийн хоёрдугаар хэлтсийн Хэв журмын цагдаа Н.Барбаатар, дэд ахлагч Г.Чингис нар ажиллажээ.



Тус тоотын “....” хүнсний дэлгүүрт гал гарч, иргэн Б /эрэгтэй, 52 настай/, А /эрэгтэй, 12 настай/ нар угаартсан байсныг цагдаагийн алба хаагчид авран гаргасан байна. Гал түймрийг Сонгинохайрхан дүүргийн Онцгой байдлын хэлтсийн Аврах гал унтраах 26 дугаар ангийн алба хаагчид ажиллаж унтраажээ. Уг хэргийг Сонгинохайрхан дүүргийн цагдаагийн нэгдүгээр хэлтэст шалгаж байна.

ааа

Налайх дүүрэгт эхнэртэйгээ маргалдсаны улмаас гэрээ шатаасан хэрэг Налайх дүүрэгт гарчээ. Тодруулбал тус дүүргийн “Бүс нуурын ... тоотод гэрээ шатаагаад байна” гэсэн мэдээллийг нэгдүгээр сарын 30-ны өдөр цагдаагийн газарт ирүүлснийг шалгахад 29 настай А нь эхнэр Е -тэй маргалдалдсны улмаас гэрээ шатаасан байна.

Мөн Сүхбаатар дүүрэг “Өргөө-2 кино театрын 00-ын өрөөнд хүүхдүүд газ үнэртээд байна” гэсэн мэдээллийг авч шалгахад 14 настай иргэн А, О нар ахуйн хэрэглээний газ үнэртэж байсныг Сүхбаатар дүүргийн цагдаагийн хэлтэс шалгаж байна.

Сонгинохайрхан дүүргийн II хороонд суух С /эр.39н/ нь гар хийцийн нам даралтын зуух галлаж байх үед зуух нь дэлбэрч түлэгдсэн хэрэг гарсан бөгөөд ГССҮТөвд түргэн тусламжаар хүргэгдэн эмчлүүлж байна.

Сар шинийн баярыг угтсан зарим арга хэмжээний тухай Нийслэлийн засаг даргын 2016 оны 1 дүгээр сарын 13-ны өдрийн А/34 дүгээр захирамж гарсан.

“Болор цом”-ын эзэн маргааш тодорно

Батлан хамгаалахын багц хуулиудыг хэлэлцэнэ
2016 / 02 / 01 | 09:48 | Нийтэлсэн: Н.Гантуяа | 0

Засгийн газрын энэ оны 7 дугаар хуралдаан өнөөдөр буюу 2016 оны хоёрдугаар сарын 01-ний өдрийн 16.00 цагт Засгийн газрын хуралдааны танхимд болно.

Тус хуралдаанаар Төрийн өмчит болон төрийн өмчийн оролцоотой хуулийн этгээдийн талаар авах арга хэмжээний тухай, БНСУ-ын Ерөнхий сайдын айлчлалын дүнгийн тухай, Зөвлөлийн бүрэлдэхүүн батлах тухай (Дэлхий монголчууд хөтөлбөр), Зөвлөлийн бүрэлдэхүүн батлах тухай (Монгол Улсыг гадаадад сурталчлах хөтөлбөр), 2016 онд энхийг дэмжих ажиллагаанд цэргийн баг оролцуулах болон хамтарсан сургалт зохион байгуулах тухай зэрэг асуудлыг хэлэлцэх аж.
Үүнээс гадна Монгол Улсын Ерөнхийлөгчийн санаачлан боловсруулсан Үндэсний аюулгүй байдлын тухай, Зэвсэгт хүчний тухай, Монгол Улсын батлан хамгаалах тухай, Цэргийн албаны тухай, Цэргийн албан хаагчийн эрх зүйн байдлын тухай, Төрийн болон албаны нууцын тухай, Мэдээллийн аюулгүй байдлын тухай хуулийн төслүүдийг хэлэлцэхээр товложээ.

Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа “Бага сургууль, цэцэрлэгийн цогцолбор барилгын гадна инженерийн шугам сүлжээний угсралт, гадна тохижилтын ажлыг зохион байгуулах тухай” А/69 дүгээр захирамж гаргалаа.

Сүүлийн үед өсвөр насны хүүхдүүд “газ” үнэртэх явдал ихэссэн тухай албаны хүн мэдээлж байсан. Тэгвэл өчигдөр Сүхбаатар дүүргийн 8-р хороо “Өргөө-2 кино театрын 00-ын өрөөнд хүүхдүүд газ үнэртээд байна” гэсэн мэдээллийг цагдаагийн байгууллагад өгчээ. Дуудлагын дагуу цагдаагийн алба хаагчид очиж шалгахад, Чингэлтэй дүүргийн 11-р хороонд суух 14 настай эрэгтэй А, Чингэлтэй дүүргийн 19-р хороонд суух 14 настай эрэгтэй О нар ахуйн хэрэглээний газ үнэртсэн байжээ. Уг хэргийг Сүхбаатар дүүргийн цагдаагийн нэгдүгээр хэлтэс шалгаж байна.

Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяаг батлан даалтад гаргажээ.

“Ачтан” эмнэлэгт 2013 оны есдүгээр сард цөсний хүүдийн чулуу авах хагалгаанд ороод эрүүл мэндээрээ ноцтой хохирсон иргэн О.Түмэндэмбэрэлийн нэхэмжлэлтэй хэргийг саяхан Баянгол, Хан Уул, Сонгинохайрхан дүүргийн эрүүгийн хэргийн анхан шатны шүүхэд хянан хэлэлцсэн байна. Хохирогч өнгөрөгч 2015 онд цагдаагийн байгууллагад “Ачтан” эмнэлгийн эмч Б.Төмөрбаатар нар алдаа гаргасны улмаас олон удаагийн хагалгаанд орж, эрүүл мэндээрээ ноцтой хохирч, санхүүгийн хүнд байдалд орсон асуудлыг шалгуулж, буруутай этгээдэд хариуцлага тооцуулан хохирлоо барагдуулахаар гомдол гаргасан байна. Гомдлын дагуу Баянгол дүүргийн цагдаагийн хэлтэс уг хагалгааг хийсэн эмч Б.Төмөрбаатарт эрүүгийн хэрэг үүсгэн шалгажээ. Хэрэг мөрдөн байцаалт, шүүхийн шатанд жил тойрсны эцэст ийнхүү анхан шатны шүүхийн шийдвэр гарсан байна. Шүүхээс их эмч Б.Төмөрбаатарыг эрүүгийн хуулийн 106.2 т зааснаар эмнэлгийн тусламж үзүүлэх үүргээ зохих ёсоор биелүүлээгүйгээс О.Түмэндэмбэрэлийн биед хүнд гэмтэл учруулсан гэм буруутай гэж үзжээ . Гэвч уг хэрэг нь 2015 оны долдугаар сараас өмнө үйлдэгдсэн учир анхны ардчилсан сонгууль болж Байнгын ажиллагаатай парламент байгуулагдсаны 25 жилийн ойг тохиолдуулан баталсан Өршөөл үзүүлэх тухай хуульд хамруулан хэргийг хэрэгсэхгүй болгосон байна. Харин хохирогчийн Улаанбаатар сонгдо, Японы анагаахын их сургуулийн дэргэдэх эмнэлэгт хагалгааны төлбөрт зарцуулсан 119 сая төгрөг нэхэмжилснээс 104 сая төргөгийн бодит хохирлыг “Ачтан” эмнэлэг барагдуулах ёстой гэж шийдвэрлэжээ.

ЧД-ийн 11-р хорооны ”Нуурын .... тоот хашааны гадна үл таних 2 залууд дээрэмдүүллээ” гэсэн мэдээллийг өчигдөр цагдаагийн байгууллагад өгчээ.

Өнгөрсөн 25 жилийн хугацаанд дэлхий дээр 2,300 сэтгүүлч амиа алджээ

Чингисийн талбайд болж буй сар шинийн үзэсгэлэн худалдаа 02 сарын 08 хүртэл үргэлжилнэ

Шударга өрсөлдөөн хэрэглэгчийн төлөө газраас “Юнивишн” ХХК-ийн үйл ажиллагаанд шалгалт хийж хэрэглэгчдийг төөрөгдүүлсэн гэж үзжээ.

Улсын их дэлгүүрийн зүүн хойд талд байрлах нийтийн зориулалттай 18 дугаар байрыг дахин төлөвлөнө

Өнөөдрөөс буюу хоёрдугаар сарын 1-ний өдрөөс жолоочийн зөрчлийн бүртгэлийн оноо тооцох журмыг мөрдөж эхэлнэ.

УИХ дахь АН, МАН, ”Шударга ёс” эвслийн бүлэг тус тус өнөөдөр хуралдана. Бүлгүүд энэ долоо хоногт байнгын хороо, чуулганы хуралдаанаар хэлэлцэх хууль, тогтоолын төсөл болон цаг үеийн асуудалд байр сууриа нэгтгэх аж. Мөн өнөөдөр ажлын хэсгүүд хуралдах товтой байна.

НЭГ.УЛСЫН ИХ ХУРАЛ ДАХЬ НАМ, ЭВСЛИЙН БҮЛГИЙН ХУРАЛДААН:

02 дугаар сарын 01-ний Даваа гарагт:

Улсын Их Хурал дахь Ардчилсан намын бүлгийн хуралдаан “А” танхимд;

Улсын Их Хурал дахь Монгол ардын намын бүлгийн хуралдаан “Б” танхимд;

Улсын Их Хурал дахь МАХН-МҮАН-ын “Шударга ёс” эвслийн бүлгийн хуралдаан “В” танхимд.

ХОЁР.АЖЛЫН ХЭСГИЙН ХУРАЛДААН:

02 дугаар сарын 01-ний Даваа гарагт:

“Авлигатай тэмцэх, хариуцлага, шударга ёсыг бэхжүүлэх үндэсний хөтөлбөрийг батлах тухай” Улсын Их Хурлын тогтоолын төслийг хэлэлцүүлэгт үүрэг бүхий Хууль зүй болон Төрийн байгуулалтын байнгын хорооны ажлын дэд хэсгийн хуралдаан 09.30 цагаас 334 тоот өрөөнд;

Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төслийг хэлэлцүүлэгт бэлтгэх үүрэг бүхий Төсвийн байнгын хорооны 2016 оны 01 дүгээр сарын 27-ны өдрийн 02 тогтоолоор ажлын хэсгийн хуралдаан 14.00 цагаас “В” танхимд;

“Монгол Улсын урт хугацааны тогтвортой хөгжлийн үзэл баримтлал /2016-2030 он/ батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 14.00 цагаас “Г” танхимд;

Органик хүнсний тухай хуулийн төслийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын хэсгийн хуралдаан 14.00 цагаас 4 давхрын Нээлттэй сонсголын танхимд;

Төрийн албаны тухай /шинэчилсэн найруулга/ болон Төрийн албаны тухай хуульд нэмэлт, өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын хэсгийн хуралдаан 15.00 цагаас “Б” танхимд;

Хүүхдийн эрхийн тухай /шинэчилсэн найруулга/ болон Хүүхэд хамгааллын тухай хуулийн төслийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 15.00 цагаас “А” танхимд;

Ирээдүйн өв сангийн тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Төсвийн байнгын хорооны ажлын хэсгийн хуралдаан 15.30 цагаас “В” танхимд;

Мал, амьтны эрүүл мэндийн тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын хэсгийн хуралдаан 16.00 цагаас 4 давхрын Нээлттэй сонсголын танхимд;

Эрдэс баялгийн салбарын ил тод байдлын тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 16.30 цагаас “Г” танхимд.