лон улсын циркчдийн “ВУЧИАО” фестиваль есдүгээр сарын 29-нөөс энэ сарын 7-ны хооронд БНХАУ-ын Хэбэй мужийн Шижиажуан хотын урлагийн ордонд амжилттай зохиогдож өндөрлөлөө. Циркчдийн дунд “А” буюу нэгдүгээр зэрэглэлийн уг фестивальд ХБНГУ, ОХУ, БНХАУ, Мексик, Канад, АНУ, Франц, Хойд солонгос, Монгол зэрэг 10 гаруй орны шилдэг циркчид ур чадвар, авхаалж самбаагаа сорин өрсөлдсөнөөс Монгол Улсаа төлөөлөн оролцсон Т.Буд продюсертай, Б.Золбаяр ахлагчтай Монголын Үндэсний циркийн жүжигчид шидэх банзны үзүүлбэрээр хамгийн өндөр оноог авч “ВУЧИАО” мөнгөн цомын эзэд болжээ.

Тус тэмцээнд манай жүжигчид дэлхийн хэмжээний болон монголын түүхэн амжилтын эзэд болсон байна. Үүнд, анх удаа эмэгтэй жүжигчин агаарт гурав эргэж дөрвөн метрийн өндөрт сандал дээр суужээ. Мөн дэлхийн дээд амжилт буюу зургаан давхар хүн дээр эмэгтэй хүн анх удаа дан эргэлт хийж гарсан болон дэлхийн хэмжээнд хамгийн хүнд үзүүлбэрт тооцогддог хөндлөн перштэй сандал руу агаарт гурав эргэж гарсан, урагшаа стеркасат 4 салито хийсэн зэрэг олон амжилтыг шинэчилжээ. - See more at: http://www.wikimon.mn/content/64389.shtml#sthash.dTjeNAmv.dpuf

Шүүхийн ерөнхий зөвлөл Ц.Баасандорж өмгөөлөгчийг Баянзүрх дүүргийн цагдаагийн хэлтэст шалгуулахаар өргөдөл өгсөн. Энэ талаар хуульч О.Алтангэрэлийн өгсөн ярилцлагаас онцлох 24 ишлэлийг хүргэж байна.

өнөөдөр

Авлигатай тэмцэх газар иргэн Б.Цогтгэрэл нараас ирүүлсэн Шилэн дансны тухай хуулийг дагаж мөрдөх журмыг нэр бүхий 7 албан тушаалтан зөрчиж байгаа гэх гомдлыг хүлээн авч Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хуульд заасны дагуу хянан үзэв.

Авлигатай тэмцэх газар иргэний гомдолд дурдагдсан 7 байгууллагын шилэн дансны мэдээлэлтэй танилцаад Шилэн дансны тухай хуулийн 8 дугаар зүйлийн 8.1 дэх хэсэгт заасныг үндэслэн уг гомдлыг хянуулахаар Үндэсний Аудитын газарт шилжүүллээ. Гомдол гаргагч нарт Шилэн дансны тухай хуулийн 9 дүгээр зүйлийн 9.2 дахь хэсэгт заасны дагуу холбогдох арга хэмжээ авч, хариу өгөхийг Монгол Улсын Ерөнхий аудитор А.Зангадаас хүсэв.

Түүнчлэн Авлигын эсрэг хуулийн 6 дугаар зүйлийн 6.1.4 дэх хэсэгт “төсвийн орлого, түүний зарцуулалт, гадаадын зээл, тусламж, түүний хуваарилалтыг олон нийтэд тухай бүр нь мэдээлэх” заалтын хэрэгжилтийг хангуулах зорилгоор Шилэн дансны тухай хуулийн 6 дугаар зүйлийн 6.1 дэх хэсэгт заасан мэдээллүүдийг ил тод болгох ажлыг сайжруулах талаар зохион байгуулалтын арга хэмжээ авч, дүнг холбогдох танилцуулгын хамт 2015 оны 10 дугаар сарын 21-ний дотор Авлигатай тэмцэх газарт ирүүлэхийг Засгийн газрын Хэрэг эрхлэх газар, Эрүүл мэнд, спортын яам, “Эрдэнэт үйлдвэр” ХХК, “Улаанбаатар төмөр зам”, “Монголросцветмет” ХХК, “Дарханы төмөрлөгийн үйлдвэр” ХК, Монголын Үндэсний олон нийтийн радио, телевиз зэрэг байгууллагын удирдлагуудад албан бичгээр мэдэгдлээ.

Авлигатай тэмцэх газраас Улсын нэгдүгээр төв эмнэлэгт 2015 оны авлигын эсрэг үйл ажиллагааг хэрэгжүүлэхэд нь дэмжлэг үзүүлэх, арга зүйн удирдлагаар хангах, авлигын эсрэг хууль тогтоомжийг сурталчлах сургалт зохион байгуулах, хууль тогтоомжийн хэрэгжилттэй газар дээр нь танилцах чиглэлээр ажиллалаа.

Тус эмнэлэгт Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн хэрэгжилттэй танилцах явцад дараах нийтлэг зөрчил, дутагдал илэрлээ. Тухайлбал, төрийн өмчийг бусдад түрээслүүлэхдээ нээлттэй сонгон шалгаруулалтын зарчмыг баримтлаагүй, шууд гэрээ байгуулж хэн нэгэн этгээдэд давуу байдал олгох нөхцөлийг бүрдүүлсэн, хүний нөөцийн талаарх мэдээллийг байгууллагын мэдээ, мэдээллийн самбарт иргэдэд ойлгомжтой байдлаар байршуулаагүй, албан тушаалтнууд ашиг сонирхлын зөрчилгүй гэдгээ илэрхийлсэн мэдэгдлийг цаг хугацаанд нь гаргаагүй зэрэг зөрчил илэрлээ. Авлигатай тэмцэх газраас дээрх зөрчлийн мөрөөр авч хэрэгжүүлэх арга хэмжээний тухай албан бичгийг Улсын нэгдүгээр төв эмнэлгийн захирал Б.Бямбадоржид хүргүүлэв.

Харин Мэдээллийн ил тод байдал мэдээлэл авах эрхийн тухай хууль болон бусад хуулийн дагуу мэдээллийн ил тод байдалтай танилцахад иргэд олон нийтэд мэдээлэл хүргэх тодорхой үр бүтээлтэй шинэлэг ажлуудыг санаачлан хийсэн байна. Энэ хүрээнд төлбөртэй тусламж үйлчилгээний ил тод байдлыг хангах чиглэлээр цахим дугаар олгох цэгийн хажууд болон иргэд ихээр цугларсан газруудад нэрийн хуудасны хэмжээтэй цаасан дээр “Эмчилгээ, үйлчилгээтэй холбоотой гарсан төлбөрийг зөвхөн байгууллагын кассанд төлнө үү” гэсэн бичиг нааж Төсвийн тухай хууль болон Эрүүл мэндийн сайдын тушаалын холбогдох заалтыг баримталсан, Төлбөртэй тусламж үйлчилгээний журам, жагсаалт төлбөрийн хэмжээ тарифыг 1, 2 дугаар давхрын цахим бүртгэлийн хэсэгт босоо дэлгэцэн дээр солигдох байдлаар байршуулж, мөн бүртгэлийн ажилтан бүрийн ширээн дээр төвийн захирлын тушаалаар батлагдсан “Төлбөртэй тусламж үйлчилгээний журам”-ыг болон эмч нарын үзлэгийн өрөө бүрийн гадна хаалганы зүүн талд жижиг LCD дэлгэцээр үзлэгийн цагийн хуваарийн талаарх мэдээллийг байршуулсан байх бөгөөд энэ нь бусад эрүүл мэндийн байгууллагуудад нэвтрүүлж болохуйц шинэлэг ажлууд хэмээн Авлигатай тэмцэх газар дүгнэж байна.

УИХ-ын гишүүн, Өргөдлийн байнгын хорооны дарга О.Баасанхүүтэй цаг үеийн асуудлаар ярилцлаа.

Урьд хийсэн ажлын үр дүн ихээхэн хэмжээний мөнгөн орлого орж ирнэ

Тухайн өдөр хулгана, могой, морь, гахай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр бурхныг тахих, залбирах, бурхны бясалгал хийгээд тарни тоолохуй, засал хийлгэх, хишиг даллага авахуулах, наминчлах, бэр авах, нүүдэл суудал хийх, чимэг зүүх, мод тарих, байшингийн суурь тавих, өлзий хутгийг үйлдэх, номын явдлыг үйлдэх, янаг амрагийг дуудан хураахуй, амирлангуй, дэлгэрэнгүй, эрхшээх үйл бүхэнд сайн. Хир буртаг, бузарт ойртох, өс санах, мод таслах, тангарга тавих, хурал цуглаан хийхэд муу. Зүүн нүд татвал жуулчин ирнэ, баруун татвал алдсан зүйлийг олно. Үс шинээр үргээлгэх буюу засуулбал нас ахар болно. Өдрийн сайн цаг нь могой бич, тахиа, гахай, бар, луу болой.

цаг агаар

“Сандэй” худалдааны төвийн зоорийн давхарт өнгөрсөн бямба гарагийн шөнө гарсан галын дүгнэлтийг 14 хоногийн дараа гаргана гэдгийг албаныхан мэдээлж байна.

Одоогоор гал юунаас болж гарсан, хичнээн төгрөгийн хохирол учирав гэдгийг тогтоохоор хуулийн байгууллагийнхны хамтарсан ажлын хэсэг ажиллаж байгаа юм. Иймээс хохирлын хэмжээг тогтоотол худалдааны төвийг нээх боломжгүй гэсэн үндэслэлээр хоёр өдөр “Сандэй” худалдааны төвийг нээгээгүй. Зоорийн давхраас дээш гал тархаагүй учир бусад давхруудад лангуу түрээслэгчид худалдаагаа хийхийг хүсч, гарын үсэг цуглуулан худалдааны төвийг нээхийг ”Сандэй” -н удирдлагуудаас шаардсан юм. Харин галд эд бараагаа алдсан түрээслэгчид ”Эдийн засгийн хямралтай байгаа үед цаг хугацаа алдаж, ингэж хаалттай баймааргүй байна. Худалдааны төвийн удирдлагуудтай уулзаж, асуудлыг хурдан шийдэх шаардлагатай. Иргэд ч гэсэн хаалттайг мэдэхгүй худалдаа хийхээр зорьж ирсээр байна. Тиймээс гал гарсан хэсгийг яаралтай цэвэрлэж, хохирлыг тооцож, бусад давхрын үйл ажиллагааг эхлүүлэх хүсэлтэй байна” гэж байгаа юм.

2015 оны 10 сарын 09 нөөс 10-нд шилжих шөнө ЭЦГ-ын Хар тамхитай тэмцэх алба Тусгай ажиллагааны газартай хамтран Монгол улсад хар тамхи мансууруулах сэтгэцэд нөлөөт бодис бүлэглэн зохион байгуулалттайгаар худалдан борлуулдаг Г.М.Н.Б.А.С. М,Б,Т гэсэн нэр бүхий 9 этгээдийг СБД-ийн 6-р хороо, Чингэлтэй дүүргийн 5-р хороо , БГД-ийн 8 хорооны нутаг дэвсгэрээс дайчлан баривчилж ЭХТА-ийн 192,2 192,3,4 192,3,5-д заасан зүйл ангиар эрүүгийн хэрэг үүсгэн шалгаж байна. Эдгээр этгээдүүдийн дунд 20-22 насны 4 эмэгтэй байсан.
Баривчлагдсан этгээдүүдээс сэтгэцэд нөлөөт “МӨС” /амфетамине, метамфетамины агууламж бүхий/ гашиш гэх бодис хэрэглэсэн нь цагдаагийн байгууллагад ашигладаг хүний биед хар тамхи мансууруулах сэтгэцэд нөлөөт бодис хэрэглэсэн эсэхийг илрүүлдэг тестээр эдгээр нэр бүхий хүмүүс 2-3 төрлийн бодис хэрэглэсэн нь тогтоогдоод байгаа тул цагдан хорьж шалгаж байна.
Саатуулагдсан этгээдүүдийн дунд урьд нь 7 удаа хулгайн хэргээр ял шийтгэгдэж байсан этгээд. Мөн цагдаагийн байгууллагад ЭХ-ийн ТА-ийн 192,2-т заасан гэмт хэрэгт шалгагдаж байхдаа дахин хэрэг үйлдэж баригдсан 1 этгээд байна.ЭХТА-д зааснаар дээрх этгээдүүд нь 10-20 хүртлэх жилээр ял шийтгүүлэх хуулийн заалттай.

Улаанбаатар хотын Замын хөдөлгөөний удирдлагын төв, Нийслэлийн Замын цагдаагийн газартай хамтран зөрчил илрүүлэгч хяналтын камерын тусламжтайгаар замын хөдөлгөөний дүрэм зөрчсөн жолооч нарт хариуцлага тооцон ажиллаж байна. 2015 оны 10.09-10.12-ны өдрүүдэд 981 зөрчил гарсан байна. Үүнээс улаан гэрлэн дохионы 129 зөрчил бүртгэгдсэн бол хурд хэтрүүлсэн 852 зөрчил бүртгэгдсэн байна.

Жолооч та, ЗХДүрмийн дагуу замын хөдөлгөөнд соёлтой оролцоорой. Их хотын соёл танаас…Улаанбаатар хотын Замын хөдөлгөөний удирдлагын төв

Шувуун фабрик чиглэлийн авто замын нээлт боллоо

Бүгд Найрамдах Турк Улсын Анкара хотын Улус дүүрэгт 2015 оны 10 дугаар сарын 10-ны өдрийн 10.00 цагийн үед 2 удаагийн дэлбэрэлт болж 97 хүн амь насаа алдаж, 500 орчим хүн шархадсан эмгэнэлт хэрэг гарсан. Бүгд Найрамдах Турк Улсын Засгийн газраас энэхүү дэлбэрэлтүүд нь террорист халдлага бөгөөд амиа золиослогчийн үйлдэл байж болзошгүй талаар мэдэгдээд байна.

Дэлбэрэлтийн улмаас нас барсан болон шархадсан хүмүүсийн дунд Монгол иргэд байхгүй тухай мэдээллийг Анкарад суугаа Элчин сайдын яамнаас ирүүлээд байна.

Эрүүл мэндийн салбарын ажилчдын цалин, урамшууллыг хассан тушаал, шийдвэр гаргалаа талаар мэдээлэгдсэн. Энэ мэдээлэлтэй холбогдуулан Эрүүл мэнд,спортын сайд Г.Шийлэгдамба сэтгүүлчдэд тайлбар хийлээ. Тэрбээр:

-Эрүүл мэндийн салбарын төсөвт байгууллагуудын цалин, хөлсний нэмэгдлийг зөвхөн Засгийн газрын тогтоолоор цалингийн ангилал, сүлжээ нэмэгдлүүдийг тооцож тухайн жилийн төсөвт тусган УИХ-аар хуульчлан баталдаг. Мөн Төсвийн тухай хуулийн 42 дугаар зүйлийн 42.7 дахь заалтад зааснаар төсөвт тусгагдаагүй арга хэмжээг санхүүжүүлэхийг хориглосон байдаг Өнөөдөр хүчин төгөлдөр мөрдөгдөж байгаа Засгийн газрын 2012 оны 5 дугаар сарын 02-ны өдрийн ”Эрүүл мэндийн ажилтанд нэмэгдэл, мөнгөн урамшуулал олгох журам батлах тухай” 150 дугаар тогтоолын дагуу эрүүл мэндийн ажилтанд нэмэгдэл мөнгөн урамшуулал олгогдсон хэвээр байгаа.



Эрүүл мэнд спортын сайдын 2015 оны 09 дүгээр сарын 24-ний өдрийн хүчингүйд тооцсон ”Эрүүл мэндийн салбарын зарим албан тушаалын үндсэн цалинг нэмэгдүүлэх эрх олгох тухай” 384 тоот тушаал нь, 2010 оны 4-р сарын 12-ны өдөр тухайн үеийн эрүүл мэндийн сайдын баталсан тушаал байсан юм.



Энэхүү хүчингүй болсон тушаалд албан хаагчийн үндсэн цалинг ”Эрүүл мэндийн салбарын төрийн үйлчилгээний албан тушаалын цалингийн доод жишиг”-ээс 50 хувиас доошгүй нэмэгдүүлж, батлагдсан төсөвтөө багтаан олгох гэж тусгасан байдаг ч өнөөдрийг хүртэл огт хэрэгжээгүй ирсэн. Иймд Сангийн яамнаас 2014.07.07-нд хүчингүй болгох тухай албан бичгийг манай яаманд ирүүлсэн байдаг. Тиймээс хуулийн давхардал, хийдэл,зөрчлийг арилгах зарим арга хэмжээг хуулийн дагуу хэрэгжүүлснээс биш, салбарын ажиллагсадынхаа цалин тэтгэмжийг бууруулах нэг ч тушаал шийдвэрийг гаргаагүй гэдгээ албан ёсоор мэдэгдэж байна гэлээ.

Улаанбаатар чуулгын уран бүтээлчид Новосибирск хотод аялан тоглов

Авлигатай тэмцэх газарт иргэдээс ирүүлсэн Нийслэлийн өмчит ерөнхий боловсролын зарим сургуулийн “Үдийн цай” хөтөлбөрийг хэрэгжүүлэгч цайны газрын түрээслэгчдийн өмнөх жилийн гэрээг энэ хичээлийн жилд дахин сунгасан нь хууль бус шийдвэр болсон тухай гомдол, мэдээллийг хянан шалгав.



Хяналт шалгалтад Нийслэлийн Өмчийн харилцааны газрын даргын тушаалаар байгуулагдсан Ажлын хэсгийн Чингэлтэй дүүргийн 49, 50, Хан-Уул дүүргийн 18, 115, 41, Сүхбаатар дүүргийн 6, Баянзүрх дүүргийн 111, 33, Баянгол дүүргийн 22 /”Оюуны ундраа”/ дугаар сургуулиудын “Үдийн цай” хөтөлбөр хэрэгжүүлэгч-түрээслэгчдийн үйл ажиллагааг хамрууллаа.



Дээрх хяналт шалгалтын явцад 2014-2015 оны хичээлийн жилд “Үдийн цай” хөтөлбөр хэрэгжүүлэгч цайны газрын үйл ажиллагаа явуулахаар гэрээ байгуулсан зарим иргэн, аж ахуйн нэгж нь зөвхөн багш, ажилчид, сурагчдад төлбөртэйгөөр худалдах хоолыг бэлтгэдэг, харин сурагчдын “Үдийн цай” хөтөлбөрийн хүрээнд нэг сурагчид ногдох 600 төгрөгийн төсөвт өртөг бүхий хоол, хүнсийг шалгаруулж, гэрээ байгуулсан түрээслэгчээс бус сонгон шалгаруулалтгүйгээр өөр хөндлөнгийн этгээдүүдээс тухайн сургууль нь шууд худалдан авах.



Мөн сурагчдад халуун хоол, ундаар огт үйлчлэхгүй байх, бага насны хүүхдэд худалдахыг хориглосон, нүүрс-ус, сахарын хэт өндөр агууламжтай бараа, бүтээгдэхүүнийг сургууль дотор худалдах, цайны газрын түүхий эд нь шинжилгээний бичиггүй, ажилтнууд нь эрүүл мэндийн үзлэгт хамрагдаагүй, цэвэрлэгээ ариутгал хангалтгүй зэрэг зөрчил түгээмэл гарсныг АТГ-аас мэдээлж байна.



Энэ мэт олон тооны зөрчил гаргасан, өмнөх хичээлийн жилийн гэрээгээр хүлээсэн үүргээ биелүүлээгүй түрээслэгчдийн гэрээг сунгаж, үргэлжлүүлэн ажиллуулах нь холбогдох хууль, журамд нийцэхгүй, эрх зүйн үндэслэлгүй байгаа нь Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд заасан “олон нийтийн зүгээс ашиг сонирхлын зөрчилтэй гэж ойлгогдохуйц нөхцөл байдал” үүссэн байна. Иймээс Чингэлтэй дүүргийн 49, 50, Хан-Уул дүүргийн 18, 115, 41, Сүхбаатар дүүргийн 6, Баянзүрх дүүргийн 111, 33, Баянгол дүүргийн 22 /”Оюуны ундраа” цогцолбор/ дугаар сургуулиудын “Үдийн цай” хөтөлбөр хэрэгжүүлэгч-түрээслэгчийн сонгон шалгаруулалтыг зохих журмын дагуу зохион байгуулах талаар Нийслэлийн Өмчийн харилцааны газар, Боловсролын газарт албан бичиг хүргүүлжээ.

Авлигатай тэмцэх газар 2015 оны 10 дугаар сарын 5-9-ний өдрүүдэд шинээр гэмт хэргийн шинжтэй 16 гомдол, мэдээлэл хүлээн авч, нийт 36 гомдол, мэдээллийг шалгажээ.



Түүнээс долоон гомдол, мэдээллийг эрүүгийн хэрэг үүсгэхээс татгалзах, гурван гомдол, мэдээллийг харьяаллын дагуу шилжүүлэх саналтайгаар прокурорт шилжүүллээ. Ажиллагаанд 26 гомдол, мэдээлэл шалгагдаж байна гэж мэдээллээ.



Өнгөрсөн долоо хоногт эрүүгийн 51 хэрэгт мөрдөн байцаалтын ажиллагаа явуулснаас нэг хэргийг яллах дүгнэлт үйлдүүлэх, хоёо хэргийг хэрэгсэхгүй болгох, нэг хэргийг түдгэлзүүлэх саналтайгаар тус тус прокурорт шилжүүлж, одоогоор 47 хэрэгт мөрдөн байцаалтын ажиллагаа явуулж байгаа аж.

Улсын баяр наадам өнгөрөөд гурван сар болоход допингийн шинжилгээний хариу ”сайн” мэдээтэй ирснийг олон нийт төдийлөн мэдээгүй байна. Сайн мэдээ болохоор чимээгүй, саар мэдээ бол өдийд ид шуугиж байхсан.

Энэ талаар МҮБХ-ны дэд тэргүүн Д.Данзангаас тодруулбал, өнгөрсөн 8 дугаар сарын дундуур Монголын үндэсний олимпийн хорооноос манайд допингийн шинжилгээний хариу ирсэн гэдгийг мэдэгдсэн. Манай холбоо ч амралтын үе таарсан тул ФМ-ээр нэг мэдээлэл өгсөн. Бас нэг сонинд ярилцлага өгсөн. Сайн мэдээг хүмүүс тоосон л байх. Бөхчүүд допинг хэрэглээгүй гэсэн сайхан мэдээ шүү дээ. Саар мэдээ бол өдийд шуугьж байх байсан биз. Наадмын үеэр допингийн шинжилгээг тун сайн хянасан. Бөхчүүд допинг хэрэглэх дэмий гэдгийг бүрэн ойлгосон байна. Харин ирэх жилээс сэтгүүлчдийг оролцуулж болох юм” гэв.

Сонгинохайрхан дүүргийн Прокурорын газраас тус дүүргийн Цагдаагийн 3 дугаар хэлтэстэй хамтран 2015 онд хариуцсан хороодын нутаг дэвсгэрт үйл ажиллагаа явуулдаг төрийн болон төрийн бус байгууллага, аж ахуйн нэгжүүдтэй Гэмт хэргээс урьдчилан сэргийлэх чиглэлээр зохион байгуулж байгаа “Хуулийн хэрэгжилт” нэгдсэн арга хэмжээний хүрээнд 2015 оны 09 дүгээр сарын 29-нд дүүргийн “Иргэний танхим”-д нэгдсэн уулзалт зохион байгуулжээ.

Уулзалтанд нийт 50 гаруй иргэд ирж оролцсон бөгөөд Сонгинохайрхан дүүргийн хяналтын прокурор С.Чинзориг “Гэмт хэргээс урьдчилан сэргийлэх ажилд иргэн, аж ахуйн нэгж байгууллагын оролцоо” гэсэн сэдвээр сургалт хийсэн байна.

Аж ахуйн нэгжийн хүрээнд хулгай, дээрэм, танхай, хүчин, залилан, бусдын бие махбодид гэмтэл учруулах хэргүүд зонхилон гарч байгаа бөгөөд эдгээр гэмт хэргээс иргэд, аж ахуйн нэгж байгууллагууд хэрхэн урьдчилан сэргийлэх, харуул хамгаалалт, камержуулалтыг сайжруулах тал дээр анхаарч ажиллах, байгууллагын дотоод журамтай болох, түүнийгээ даган мөрдөж биелүүлэх шаардлагуудыг тавьж ажиллажээ.

Сургалтын үеэр иргэн аж ахуйн нэгж байгууллагын эздэд “Гэмт хэргээс урьдчилан сэргийлэх ажилд байгууллага, аж ахуйн нэгж ямар үүрэгтэй болохыг та мэдэх үү” нэртэй гарын авлага тарааж, гэмт хэргээс урьдчилан сэргийлэх тухай хуулийг сурталчилжээ.