Крымын автономи улсын ерөнхий сайд Сергей Аксенов Крымын хойгд эмх замбараагүй байдлын үеэр галт зэвсэг ашиглаж байгааг мэдээлж тус байдлыг шийдвэрлэхэд туслахыг ОХУ-ын Ерөнхийлөгч Владимир Путинээс өчигдөр хүссэн юм. Харин Путин Крымд болж буй онцгой нөхцөл байдалтай холбогдуулан Крымын муж улсын нутаг дэвсгэрт байгаа ОХУ-ын иргэн, нутаг нэгтнүүдийн аюулгүй байдлыг хангахын тулд ОХУ-ын Зэвсэгт хүчний цэргийн Крымын хойг руу оруулах хүсэлтийг Оросын парламентэд илгээжээ. Харин ОХУ-ын парламентийн дээд танхим буюу Холбооны Зөвлөл Украинд цэрэг оруулах Ерөнхийлөгч Владимир Путиний санаачилгыг дэмжин баталж, Крымын ард түмнийг харгислал, хүчирхийлэлээс хамгаалах боломжтой бүх арга хэрэгслийг ашиглаж болно гэж зөвшөөрчээ.