-
2015 оны 9 сарын 12
МҮЭХ-оос даваа гаригт жагсаал зохион байгуулахаар болжээ. Өнгөрсөн нэгдүгээр сард байгуулсан Хөдөлмөр, нийгмийн зөвшилцдийн гурван талт хэлэлцээрт тусгагдсан олон ажлыг Засгийн газар хийгээгүй учраас тэд ийнхүү жагсахаар болсон байна.
-
2015 оны 9 сарын 12
Үс шинээр үргээлгэх буюу засуулахад тохиромжгүй
-
2015 оны 9 сарын 12
14-нд баруун зүгийн нутаг, төвийн нутгийн баруун хэсгээр, 15-нд баруун болон төвийн нутгийн зарим газраар бороо, уулархаг нутгаар хур тунадас орно. Салхи 13-нд Алтайн уулсаар, 14-нд баруун болон төв, говийн нутгаар, 15-нд ихэнх нутгаар түр зуур секундэд 18-20 метр хүртэл ширүүсч шороон шуурга шуурна. Ихэнх нутгаар дулаарч Алтай, Хангай, Хөвсгөл, Хэнтийн уулархаг нутгаар шөнөдөө 1 градус хүйтнээс 4 градус дулаан, өдөртөө 15-20 градус, говийн нутгийн өмнөд хэсэг, Их нууруудын хотгор болон Орхон-Сэлэнгийн сав газраар шөнөдөө 9-14 градус, өдөртөө 23-28 градус, бусад нутгаар шөнөдөө 5-10 градус, өдөртөө 20-25 градус дулаан байна. Хугацааны эцсээр нутгийн баруун хэсгээр сэрүүснэ.
-
2015 оны 9 сарын 11
Хуульчдын холбооны зөвлөлийн есдүгээр сарын 5-ны өдрийн хуралдаанаар Монголын Хуульчдын холбооны хоёрдугаар Их хурлыг 2015 оны 10 дугаар сарын 02-ны өдөр хуралдуулахаар товлолоо.
-
2015 оны 9 сарын 11
Чөлөөлөх дайны ялалтын 70 жилийн ойг тохиолдуулан Монгол Улсын Ерөнхийлөгч зарлиг буулгажээ.
-
2015 оны 9 сарын 11
Улаанбаатар цахилгаан түгээх сүлжээ хувьцаат компани ТҮЦ буюу Төрийн үйлчилгээний цахим машинаар цахилгаан эрчим хүчний төлбөрөө төлдөг үйлчилгээг дахин сэргээжээ.
-
2015 оны 9 сарын 11
“Гал үндэстэн” холбооны гишүүд өнөөдөр хэвлэлийн хурал хийлээ.
-
2015 оны 9 сарын 11
Уран бүтээлээрээ ард түмнийхээ сэтгэл зүрхэнд хоногшсон, монгол орондоо төдийгүй дэлхий дахинд алдар суугаа мандуулж ирсэн Монголын урлаг, соёл, нийгмийн нэрт зүтгэлтэн, кино зураглаач, кино найруулагч Бэгзийн Балжинням нь 2015 оны 9 дүгээр сарын 5-ны өдөр мөнх тэнгэрийн оронд заларч, монгол түмэнд хүнд гарз тохиосон билээ.
-
2015 оны 9 сарын 11
“I love Mongolia”төслийн баг Хэнтий аймагт “Намрын баяр” арга хэмжээнд оролцлоо. Жил бүр уламжлал болгон зохион байгуулагддаг энэхүү арга хэмжээ нь энэ жил нэлээд өргөн цар хүрээтэй зохион байгуулагдаж буйг аймгийн Засаг дарга Ж.Оюунбаатар онцолсон юм.
-
2015 оны 9 сарын 11
Хэнтий аймгийн ЗӨСТөв үүсгэн байгуулагдсаны 70 жилийн ойн хүрээнд “Зоонозын халдварт өвчний өнөөгийн байдал, тэмцэх арга зам” сэдэвт эрдэм шинжилгээний онол практикийн хурал болж байна.
Аймгийн эрүүл мэндийн газрын дарга Ш.Энхмандах “Хүн амын эрүүл мэндийг хамгаалах, эрүүл мэндийн тусламж үзүүлэхэд анагаах ухааны хөдлөшгүй нотолгоо маш чухал байдаг. Дэлхий дахинд уур амьсгалын өөрчлөлт явагдаж байгаа энэ үед анагаах ухааны салбарт ажиллаж байгаа бид бүхэнд маш том хариуцлага ирж байгаа гэдгийг хэлмээр байна. Хүн, малын халдварт өвчинд тулгамдаж байгаа асуудлыг хурлаар авч хэлэлцэж байна.
Манай орон нутагт НҮБ-ын хүн амын сангаар 100 орчим сая төгрөгний хөрөнгө оруулалт эрүүл мэндийн салбарт хийгдсэн. Чингис хотын өрхийн гурван эмнэлэгт тусламж үзүүлсэн байгаа. Манай орон нутгийн эмнэлэг 70 орчим мянган иргэнээс гадна Дорноговь, Говьсүмбэрээс орж ирсэн малчдад үйлчилгээ үзүүлдэг. Халдварт өвчний гаралтыг 15 хувь бууруулж ажиллаж байна. Нөгөөтэйгүүр бэлгийн замын халдварт өвчин буурахгүй байгаа нь орон нутагт тулгамдаж байгаа асуудал. Мөн төсөв мөнгөнөөс болж эрүүл мэндийн салбарын зарим ажил хоцрогдож байгаа. ” гэв.
Уг хурлаар 11 илтгэл хэлэлцэв.
“I Love Mongolia” төслөөр манай сурвалжлах баг 21 аймгаас мэдээ сурвалжлагаа хүргэхээр зорьж байна. Их хааны өлгий нутаг болох Хэнтий аймгаас эхэлж байгаа уг төсөл нь орон нутгийн иргэдийнхээ өв соёл, түүх дурсгал, зорилго зорилт гээд олон зүйлийг нээж өгөхөөрөө онцлог юм.
Ингээд бидний багийнхан өчигдөр хур бороогоор угтуулсаар Хэнтий буюу Чингис хаан хотод ирэв. Хувьтай хүн хур борооноор гэдэг шиг зургаан цаг давхисны эцэст зорьсон газартаа ийн ирэв.
Их зорилго өвөртөлж, богц дүүрэн “олзтой” буцах чин хүсэлтэй “I Love Mongolia” төслийн багийнхан ийн ажилдаа эрч хүчтэй орлоо.
Ингээд Чингис хотод дадал зуршил болсон гэмээр нөхцөл байдлыг газар дээрээс нь сурвалжиллаа. Энэ бол хотын иргэдийн идэвхийлэн хийдэг өглөөний дасгал. Тэд хотынхоо спорт цогцолборт өглөө бүр цуглан дасгал хөдөлгөөнөө хийдэг юм байна.
Дасгал хөдөлгөөн хийхэд оршин суугчдаа уриалж, хүүхэд, хөгшин гэлтгүй идэвхтэй оролцдог нь харагдаж байв. Энэ үеэр Чингис хотын 3 дугаар багийн засаг дарга М. уулзаж зарим зүйлийг тодрууллаа.
Чингис хот өөрийн гэсэн спортын Олимп цогцолбортой болоод хэр хугацаа өнгөрч байна. Хэчнээн төгрөгөөр бүтсэн бэ?
Аймгийн орон нутгийн хөгжлийн сангийн хөрөнгөөр, аймгийн нийт иргэдийн хүсэлтээр Олимп цогцолбор маань ашиглалтанд орсон. 191 сая төгрөгний төсөвтэйгээр 2013 оны арваннэгдүгээр сард ашиглалтанд орсон.
Хүүхэд залуучууд, ахмадууд гээд бүх хүмүүс энд цагийг зөв боловсон өнгөрөөдөг болсон.
Танай аймгийн хувьд бүх иргэдээ дэмжсэн олон арга хэмжээ зохион байгуулдагийн нэг дасгал хөдөлгөөн хийх уриалга, хөтөлбөрүүд байна. Энэ талаараа?
Аймгийн төрийн байгууллагын ажилчин, иргэд дасгал хөдөлгөөнд их идэвхтэй оролцдог. Зүүн дөрвөн аймгийн бүсийн хөдөлмөрийн тэмцээн энд болсон. Мөн Хэнтий аймгийн ахмадын урлаг, спортын наадам болдог. Ер нь энэ бол иргэдийн ирэх дуртай хамгийн гоё газар. Өмнө нь энд хогийн цэг байсан.
Манай нутгийн хувьд “Архигүй Хан Хэнтий” хөтөлбөр явуулж энэ нь Монгол Улсын хэмжээнд үр ашгаа өгсөн. Одоогоор 1000 гаруй иргэн архинаас гарч, үр хүүхэд хань ижилтэйгээ сайхан амьдарч байна.
Мөн хүүхэд залуучуудынхаа чөлөөт цагийг зөв боловсон өнгөрөөх зорилгоор цэцэрлэгт хүрээлэн, 1000 мод тарих хөдөлгөөн зэрэг олон арга хэмжээ зохион байгуулсан. Өнөө жилийн бидний тарьсан мод 90 хувьтай байгаа.
Хэнтий аймгийн хүн амын тоо хэд вэ?. Таны хувьд хөгжил дэвшил хэр байна?
Хэнтий аймгийн тухайд 70 гаруй мянган хүн амтай. Чингис хотын хүрээнд 21 мянган оршин суугчтай. 2013 оноос хойш хөгжил дэвшил илүү ахицтай явж байгаа.
Манай аймаг Улаанбаатартай ойрхон учир дэд бүтэц сайтай. Амьжиргааны баталгаажих түвшин, иргэдийн орлого зэрэг эерэг сайн.
Аймгийн хэмжээнд тулгамдаж буй асуудал юу байна?
Тун гайгүй. Гэхдээ хогны асуудал бий. Манай аймгийн хогийн цэг ойрхон. Зүүн хойноосоо салхилахаар айл амьтны хашаа хороо руу хог хуримтлагддаг. Гэхдээ ирэх жилээс хогны үйлдвэр баригдахаар төлөвлөгдөж байгаа. Солонгосын хөрөнгө оруулалттай, дахин боловсруулах үйлдвэр барихаар төсөв мөнгө нь шийдэгдээд байна.
Чингис хотын хувьд бусад аймгуудаас юугаараа онцлогтой вэ. Хөгжил дэвшлийн хувьд?
Манай аймаг бусад сумдуудаас маш том давуу талтай. Их хааны өлгий нутаг, их хаадын хатдууд өсөж торнисон гээд л бүхий л талаараа онцлог. Хэнтий аймаг бол Монголын тулгар төр байгуулагдсан газар учир энд аялал жуулчлал бүрэн төгс хэрэгжих боломжтой. Ирэх жилээс бид Чингисийн цогцолборт хүрээлэн барина. Мөн Улаанбаатараас наашаа түүхийн хөшөө дурсгал босгоно. Чингис хотоор дамжаад хойшоогоо Дадал, Биндэр, Дэлгэрхаан зэргийг оролцуулсан маш том аялал жуулчлалын хот болгох гээд зорьж байна.
Дэлхийд тархан суурьшсан Монголчууд маань ч аялал жуулчлалын хот болгоно гэдгийг дэмжиж байгаа.
Гадаадын иргэд хийгээд Монголчууд маань Чингис хотод төрж, хүүхдийнхээ төрсний гэрчилгээг Чингис хотоор авах сонирхол их байгаа.
Бид энэ нэрийг архин дээр хэрэглэдэг байсан бол одоо өлгий хотоо нэрлэсэн. Энэ бол бидний бахархал.
-
2015 оны 9 сарын 11
Чингис хотыг Зүүн бүсийн тэргүүлэх хот болгоно
Өнөөдөр Хэнтий аймагт шинэ үеийн барилгын салбар үүсч хөгжсөний 55 жилийн ой тохиож байна. Үе үеийн алтан гарт барилгачид ахмадууд нь хүрэлцэн ирж оролцож байна. Өнөөдөр улсын төсвийн хөрөнгөөр 15 тэрбум төгрөгний хөрөнгө оруулалт авч орон нутгийн хөгжлийн сан, орон нутгийн төсвөөр бүтээн байгуулалтын ажлууд Хэнтий аймагт өрнөж байна. Үүгээрээ бол барилгачид их ойгоо арвин их барилга бүтээн байгуулалтын ажлаар угтаж байна гэж бодож байна.
Энэ үеэр Барилга хот байгуулалтын газрын дарга Д.Баярхүүтэй уулзаж ярилцлаа.
-Барилгын салбарт борлуулалтын асуудал яахын аргагүй чухал. Борлуулалтыг нэмэгдүүлэх тал дээр хэрхэн анхаарч ажилладаг вэ?
-Аймаг орон нутгийн хөгжил гэдэг тухайн орон нутгийн хөгжлийг илтгэдэг. Бид хотоо Зүүн бүсийн тэргүүлэх хот болгох зорилготой. Сүүлийн жилүүдэд орон сууц эрчимтэй нэмэгдэж байна. Одоогийн байдлаар 868 орон сууц үндсэндээ ашиглалтанд орох гэж байна. Борлуулалтын хувьд гайгүй гэж бодож байна. Зах зээлийнхээ судалгааг аваад хувийн хөрөнгө оруулалтаар нэмж барилга баригдаж байна.
-Дэд бүтцийг шийдвэрлэхэд ямар асуудал гарч байна?
-Төрөөс газрын асуудлыг хувийн хэвшлийн орон сууц барьж байгаа компаниуддаа шийдэж өгсөн. Мөн улсын төсвийн хөрөнгөөр Шинэ Өндөрхаан хороолол дээр 4.4 тэрбум төгрөгний хөрөнгө оруулалтаар цэвэр, бохир дулааны асуудлыг бүрэн шийдсэн. Энэ намар ашиглалтанд орох гэж байна.
Орон нутгийн хөгжлийн сангаар Чингис хотын доторх цэвэр усны эх үүсвэрийг нэмэгдүүлэх, шугам сүлжээг шинэчлэх ажлыг давхар шийдээд явж байна.
-Чингис хотын иргэдийн хэдэн хувь нь орон сууцанд орсон бэ?
-Судалгаар 30 хувь нь орон сууцанд хамрагдаж байгаа гэсэн дүн баримт байгаа. Ирэх 2016 онд шинээр баригдаж байгаа орон сууцаа нэмбэл 1000 айлын орон сууц бүрэн хэрэгжиж дуусна.
Мөн найман хувийн хүүтэй зээл арилжааны банкуудаар хэрэгжиж байгаа.
-Танай нутгийн хувьд барилгын салбарт тулгамдаж байгаа асуудал бий юу?
-Орон нутаг барилгын материалын үйлдвэрлэлүүдийг түлхүү хөгжүүлэх хэрэгтэй байна. Мэдээж барилгын угсралтанд орж байгаа түүхий эдийг гаднаас худалдаж авч байгаа. Тиймээс орон нутагтаа тодорхой хэмжээний барилгын материалын үйлдвэрлэлүүдийг бий болгох шаардлага байна гэж бодож байна.
-Барилгын асуудал ярихад яахын аргагүй хөдөлмөр аюулгүй байдал яригдана. Орон нутагт хөдөлмөр аюулгүй байдлыг хэрхэн хангаж ажилладаг вэ?
-Барилга дээр мэдээж хөдөлмөр аюулгүй байдлын ажиллагаа яригдаж байгаа. Манайх мэргэжлийн хяналтын байгууллагатай хамтраад хөдөлмөрийн аюулгүй байдлаа хангаж ажилладаг. Одоогийн байдлаар ноцтой хөдөлмөрийн аюулгүй байдал зөрчигдсөн тохиолдол гараагүй.
Мөн Монгол Улсын аварга барилгачин, аймгийн хөдөлмөрийн 3 удаагийн аварга н.Адьяахүү “Барилгын байгууламж дээр үеийг бодвол үсрэнгүй сайн явагдаж байгаа. Өмнө нь амбаар голдуу суурин байлаа шүү дээ. Гэтэл өнөөдөр 1-16 давхар барилга баригдаж байгаа нь түмний нүдэнд харагдаж байна.
Сүүлийн 2 жилийн хугацаанд барилгын ажил бүр их өргөжиж байна. Нийтийн, нийгмийн, ард түмний төлөө байр орон сууц олноор баригдаж байна. Энэ бол Чингис хотын ирээдүйн баталгаа байх болов уу гэж бодож байна” гэлээ.
Өнөөдөр Хэнтий аймагт шинэ үеийн барилгын салбар үүсч хөгжсөний 55 жилийн ой тохиож байна. Үе үеийн алтан гарт барилгачид ахмадууд нь хүрэлцэн ирж оролцож байна. Өнөөдөр улсын төсвийн хөрөнгөөр 15 тэрбум төгрөгний хөрөнгө оруулалт авч орон нутгийн хөгжлийн сан, орон нутгийн төсвөөр бүтээн байгуулалтын ажлууд Хэнтий аймагт өрнөж байна. Үүгээрээ бол барилгачид их ойгоо арвин их барилга бүтээн байгуулалтын ажлаар угтаж байна гэж бодож байна.
-
2015 оны 9 сарын 11
Энэ сарын 7-ны өдрийн 19.30 минутын орчимд Чингэлтэй дүүргийн нутаг дэвсгэрт гадаадын иргэнийг дээрэмдсэн ноцтой хэрэг гарчээ.
-
2015 оны 9 сарын 11
Нийгмийн даатгалын сангийн орлого нь энэ оны эхний 8 сард 889.5 тэрбум төгрөг, зарлага нь 1020.0 тэрбум төгрөг болж, өмнөх оны мөн үеийнхээс орлого 34.5 тэрбум төгрөг буюу 4.0 хувь, зарлага нь 178.0 тэрбум төгрөг буюу 21.1 хувиар өссөн үзүүлэлт гарсан талаар Үндэсний статитстикийн хорооноос мэдээллээ.
-
2015 оны 9 сарын 11
Баруун бүс дэх газар олон улсын стандартад нийцсэн шалгагчийн кабинтай боллоо
-
2015 оны 9 сарын 11
Хууль тогтоомж сурталчлах нэгдсэн арга хэмжээ үргэлжилж байна
-
2015 оны 9 сарын 11
Ажлын хариуцлага алдсан ”Нийслэлийн өргөө” амаржих газрын Нярайн стационарын нярайн эмч болон дархлаажуулалтын сувилагч нарыг ажлаас нь чөлөөлжээ.
-
2015 оны 9 сарын 11
Баян-Өлгий аймгийн Улаанхус сумын Баянзүрх дугаар багийн иргэн А /24 настай, эмэгтэй/ энэ сарын 9-ний өдөр 13:30 цагийн орчимд гэрээсээ гараад сураггүй болсон байна.
-
2015 оны 9 сарын 11
Дундговь аймгийн Авто тээврийн газар, Цагдаагийн газрын Замын цагдаагийн тасагтай хамтран зохион байгуулсан “Оюутан тээвэр-2” нэгдсэн арга хэмжээний хүрээнд нийт 153 зөрчил илрүүлжээ.
-
2015 оны 9 сарын 11
Автобусны жолооч, зорчигчийг унагаж гэмтээсэн хэрэг гарчээ.
-
2015 оны 9 сарын 11
Санхүүгийн зохицуулах хорооны Хяналт шалгалтын газрын Даатгалын хяналтын хэлтсээс даатгалын компаниудад шалгалт хийжээ.
