Өргөн дэлгэр Монгол оронд минь урин цаг айлчлан ирж Хурдан морины уралдааныг Монгол улсын Засгийн газраас хориг тавиад байсан өдөр цуцлагдлаж Монгол адууны чансаа тогтоох Бага гурван насны аварга хүлэг шалгаруулах Түмний Хурд 2019 уламжлалт уралдаан 2019 оны 05 дугаар сарын 01-ний өдөр Төв аймгийн Сэргэлэн сумнаа товлогдсон өдрөө амжилтай зохион байгуулагдаж өндөрлөлөө.

Тус уралдааныг Түмний Хурд нийгэмлэгээс санаачлан Молор хонгор гал уяатай хамтран 2 дахь жилдээ зохион байгууллаа. Түмний Хурд нийгэмлэгийн Тэргүүн Г.Цэрэндаш уралдааны нээлтийн үеэр уралдааныг нээж хэлсэн үгэндээ уяачдыг хамгийн түрүүнд жудаг ёс зүйг эрхэмлэхийг уриаллаа. Жилээс жилд тус уралдааны цар хүрээ нэр хүнд өсөж байгааг уралдаанд оролцож буй уяачид наадамчид онцлон хэлж байлаа. Энэ жилийн “Түмний Хурд 2019” уралдаанд 15 аймгийн 400 орчим уяачид хамрагдсан нь энэхүү уралдааны хүлээлт хэрхэн байсанг илтгэж байна.  Уралдааны өмнө хамгаалалтын хувцас хэрэглэл бүрэн бус болон даатгалгүй нэг ч уралдаанч хүүхдийг уралдаанд мордуулахгүй хэмээн зарлаад байсан юм. Тус уралдааныг зохион байгуулагчдын зүгээс уралдааны аюулгүй байдал хамгаалалтыг сайтар хангаж уралдаан зам харгуйг янзлаж мөн Төв аймгийн Цагдаагийн газар, ГБХЗХГ, Аймгийн нэгдсэн эмнэлэг, Мал эмнэлэгийн газар, Монре даатгал зэрэг уяалдаа холбоо бүхий мэргэжлийн байгууллагуудтай нягт хамтран ажилласан нь  хэрхэн сэтгэл зүтгэл гаргаж чанартай уралдаан хийхийг зорьсон нь харагдлаа.  Тус уралдааны түрүү морио төмөр хүлэг Талын монгол брэндийн мотоцикл Түмний хурд хүрэл цутгууран цом, аман хүзүүнээс айргын тавд давхисан морьд тус бүрийг гурваас нэг сая төгрөг хүртэлх мөнгөн шагнал дээр үнэ бүхий зүйлсээр байлж мөн нас насанд хуучны дурсамжыг санагдуулам эхний 20 морийг модтой барьж үнэмлэх үнэ бүхий зүйл дээшээ харсан сав мөнгөн аягаар хүртэл мялаажээ. Уралдаанд оролцсон уралдаанч хүүхэд тус бүрт нас насны уралдаанд гарын бэлэг гардуулж харагдсан нь бай шагналын хувьд орон нутгуудад болдог наадмаас харьцангуй өндөр байлаа.

Бүртгэгдсэн морьдыг үүлдэрлэг байдлаар ялгаж мэргэжлийн байгууллагын төлөөлөл гэдэг утгаар Мал эмнэлэгийн ухааны Доктор Г.Төмөрхадуурыг үүлдэрлэг байдал тогтоох комиссын зөвлөхөөр урьж ажиллуулжээ. Тус уралдааныг Эх орон теллевизын Түмний Эх энтертаймент, Талын Монгол теллевиз, Тод магнай сэтгүүл, Аргамаг өв соёл ТББ зэрэг байгууллагууд сурвалжиллаа. Дашрамд дурьдхад зохион байгуулагчдын зүгээс “ТҮМНИЙ ХУРД” уралдаан бол зөвхөн Түмэн олны наадам байх ёстой, үндэсний морин уралдааныг уламжлал хэвээр нь хадгалж үлдхэд манай наадам голлох үүрэгтэй тиймээс жил бүр шантралгүй зохион байгуулна гэдгээ наадмын хаалтын үеэр онцлон дурьдаж байгаа харагдлаа.

Ингээд тус уралдааны фото сурвалжлага болон нас насны эхний 20-д хурдалсан морьдын цувааг хүргэж байна.

Даага

1. Архангай аймгийн Цэнхэр сумын уяач Доржсүрэнгийн Аюурзанын хүрэн. Дорнод аймгийн ААУ Ц.Эрдэнэцогтын унаган адуу
2. Төв аймгийн Баян-Өнжүүл сумын уугуул “Түмний Хурд” нийгэмлэгийн Тэргүүн уяач Ганбаатарын Цэрэндашийн шарга. Дундговь аймгийн Дэрэн сумын Сосорбурамын Одгэрэлийн унаган адуу
3. Сүхбаатар аймгийн Мөнххаан сумын Октябрын Дөлгөөний хээр
4. Сүхбаатар аймгийн Баруун-Урт сумын уяач Уртнасангийн Тамирын хул. Барсын Мөнхбатын халзан азарганы төл
5. Увс аймгийн Тэс сумын уяач Цогт-Очирын Дамдинядамын хүрэн. МУ-ын Тод манлай уяач Д.Баяраагийн шувуухай хүрэн азарганы төл
6. Сүхбаатар аймаг Сүхбаатар сумын ААУ Б.Буянбатын хүрэн
7. Төв  Аргалант сумын уугуул уяач МУ-ын заан Д.Амгаланбаатрын хул
8. Төв Зуунмод сумын уяач Цолмонгын Мөнхбаярын буурал
9. Төв Мөнгөнморьт сумын уяач Цогтбаярын хүрэн
10. Төв Баян сумын уяач Довдонбалжирын хээ халзан
11. Хөвсгөл Цагаануур сумын харьяат П.Дэлгэрсайханы шарга
12. Хэнтий Цэнхэрмандал сумын уяач Х.Ганболдын саарал
13. Архангай Мадгаагын Цэнгэлийн хүрэн
14. Төв Баян сумын уяач Пүрэвсамбуугын хул
15. Дундговь Хулд сумын ААУ Баатарын Ганзоригын хул

Шүдлэн

1. Хөвсгөл аймгийн Тариалан сумын Сүххуягийн хээр. Өнгөрсөн жил төрийн наадамд айрагдсан. ААУ Д.Ариуннарангийн оодон хүрэн азарганы төл
2. Өвөрхангай аймгийн Хархорин сумын уугуул МУСТА Дуучин Дэлгэрсайханы Жавхаасайханы жанжин бор. Сүхбаатар аймагийн Сүхбаатар сумын ААУ Борхүүгийн Буянбатын унаган адуу
3. Хөвсгөл аймгийн Түнэл сумын уяач Аюурзанын Бямбадоржийн хул
4. Архангай аймгийн Цэнхнр сумын уяач Доржсүрэнгийн Аюурзанын хүрэн. Түрүүлсэн хүрэн дааганы төрсөн ах нь...
5. Ховд аймгийн Цэцэг сумын Баасанцэрэнгийн Энхзоригийн бор. МУ-ын Тод манлай уяач Д.Мөнхбатын унаган адуу. Даагандаа Булганы ой Алтан овоонд тус тус түрүүлсэн Алтан гадас зээрд азарганых нь төл
6. Төв аймгийн Угтаалцайдам сумын ААУ Ж.Баттулгын хүрэн
7. Улаанбаатар хот Баянзүрх дүүргийн уяач Б.Баттулгын буурал
8. Төв аймгийн Борнуур сумын уяач Ч.Буянхүүгийн хээр
9. Хэнтий аймгийн Цэнхэрмандал сумын уяач Н.Ганболдын зэгэл хонгор
10. Төв аймгийн Борнуур сумын уяач Ч.Буянхүүгийн хамар цагаан зээрд
11. Булган аймгийн Тэшиг сумын уяач О.Шижирболдын хүрэн халзан
12. Булган аймгийн Бугат сумын уяач М.Жавхлантөгсийн зээрд
13. Говьсүмбэр аймгийн Чойр сумын уяач Мөнхсайхны шарга
14. Завхан аймгын дөрвөлжин сумын МУТМУ Д.Баяраагын саарал алаг
15. Улаанбаатар хот Хан-уул дүүргийн уяач Цэндаюушын хар алаг
16. Төв аймгийн баян-өнжүүл сумын уяач Г.Цэрэндашийн хонгор
17. Говьалтай аймгийн Шарга сумын уяач Ё.Даваадоржийн халтар
18. Хэнтий аймгийн Цэнхэрмандал сумын уяач Н. Ганболдын хонор
19. Өвөрхангай аймийн Баянгол сумын уяач Ч.Чулуунхүүгийн хул
20. Увс аймгийн Зүүнхагайсумын уяач Гансүхийн хээр

Хязаалан

1. Завхан аймгийн Түдэвтэй сумын уяач Гэзгээгийн Батбаатарын хар. Өнгөрсөн жилийн “Түмний хурд 2018”-ийн аман хүзүү, АХ-ын 97 жил төрийн наадмын зургаа, ЗГ-ын тогтоолтой Булган хангай бүсийн уралдааны айргын дөрөв
2. Хөвсгөл аймгийн Тариалан сумын уяач Энх-Амгалангийн Далайцэрэнгийн зээрд. Даагандаа баруун бүсийн даншиг наадамд айрагдаж байсан. Булган аймгийн Хутаг-Өндөр сумын уяач Д.Ахиав гуайн унаган адуу
3. Завхан аймгийн Эрдэнэхайрхан сумын МУ-ын Тод манлай уяач Бат-Очирын Энхболдын загал. Алтан дарийн овооны 105 жил Зүүн бүсийн даншиг наадамд шүдлэн айрагдсан. Эцэг нь 2009 онд баруун бүсэд айрагдаж байсан хонгор азарга
4. Сэлэнгэ аймгийн Баянгол сумын уяач Түвшинчулууны хул
5.  Сэлэнгэ аймгийн Мандал сумын уяач Ганхөлөгийн зээрд
6. Хэнтий аймгийн БорӨндөр сумын ААУ Боргилын Батөлзийгийн саарал Алтан дарийн овооны 105 жил Зүүн бүсийн даншиг наадамд шүдлэн насанд айрагдсан.
7. Ховд аймгийн буянт сумын уяач Магсаржавын будан
8. Төв аймгийн Сэргэлэн сумын уяач Э,Ганбаатарын зэгэл халзан
9. Говьалтай аймгийн Тонхил сумын уяач Саруулбаярын хонгор
10. Төв аймийн Жаргалант сумын ААУ Акума эрин компаны захирал Ж.Баттулгын хээр
11. Төв аймгийн Сэргэлэн сумын уяач Сэргэлэн сумын засаг дарга Э.Энхбаярын бор
12. Хэнтий аймгийн Бор-Өндөр сумын ААУ Б.Бат-өлзийгийн цавьдар
13. Архангай аймгийн Хотонт сумын НАА Д.Лхагвасүрэнгийн саарал
14. Төв аймгийн Борнуур сумын уяач Ч.Буянхүүгийн халтар
15. Увс аймгийн Өлгий сумын уяач Ж.Сүрэнжавын зээрд халзан
16. Төв аймгийн Баян-өнжүүл сумын уугуул Түмний Хурд нийгэмлэгийн тэргүүн Г.Цэрэндашийн жигүүр хээр
17. Баянхонгор аймгийн Галуут сумын уяач Далайбаярын хонгор
18. Өвөрхангай аймгийн Баянгол сумын уяач Ч.Чулуунхүүгийн хар
19. Сэлэнгэ аймгийн Цагаануур сумын уяач Г.Энхбаясгалангын хонгор
20. Архангай аймгийн Хотонт сумын НАА Д.Лхагвасүрэнгийн ягаан бор

Тус тус хурдаллаа.

“Түмний Хурд 2019” уралдааныг

https://www.facebook.com/EkhoronHDTV/videos/300530057511990/UzpfSTk3MzA3MTYxNjE3NzQyODoxMjQ3NjYwMzIyMDUxODg4/  линк ээр хүлээн авч үзнэ үү.