Монголын сагсанбөмбөгийн Үндэсний дээд лигийн 2022-23 оны улирлын аваргын төлөөх финалын тоглолт Эрдэнэт Майнерс, Тэнүүн-Өлзий Металл багуудын хооронд боллоо. Улирлын плэйоффыг ширүүхэн эхлүүлсэн уурхайчид Тэнүүн-Өлзий Металл багийг 4:0 харьцаатай илүүрхэж, аваргын тавцанд итгэл төгс зогсов. Тэгвэл бид та бүхэнд финалын тоглолтод 23 оноо, 8 самбараас бөмбөг авалт гүйцэтгэж, MVP болсон Пендарвис Уиллиамсын тухай 10 баримтыг онцолж байна. 

БАРИМТ 1.

Тэрбээр АНУ-ын Филадельфи мужид 1991 оны оны 11 дүгээр сарын 13-нд мэндэлжээ. Өдгөө 32 настай. 

БАРИМТ 2.

Тэрбээр 198 см өндөртэй, Монголын сагсанбөмбөгийн дээд лигийн хамгийн өндөр тоглогчдын нэгд зүй ёсоор тооцогдоно. 

БАРИМТ 3.

Түүний биеийн жин 88 кг буюу 193.6 фунт ажээ. 

БАРИМТ 4.

Тэрбээр 2014 онд NBA-ийн драфтад нэрээ өгсөн ч хараахан сонгогдоогүй гэдэг. 

БАРИМТ 5.

Уиллиамс өмнө нь Герман, Франц, Итали зэрэг улсуудад лигонер тоглогч байсан.

БАРИМТ 6.

Тэрбээр энэ оны улиралд Үндэсний дээд лигийн Эрдэнэт Майнерс багт хүчин зүтгэж байна. Өмнө нь Монголд байгаагүй. 

БАРИМТ 7.

Тэр 2021-22 оны улиралд Италийн Сери А2 лигийн Монферрат багт тоглож байжээ. 

БАРИМТ 8.

Уиллиамс 2010 онд Нью-Жерси мужийн Френстон хотын Хүн ахлах сургуулийг төгссөн бөгөөд тэнд байхдаа мужийн хэмжээнд багаараа аварга болж байсан гэдэг. 

БАРИМТ 9.

Улмаар 2010-14 онд Виржиниа мужийн Норфолк хотын их сургуулийг дүүргэсэн. Энэ хугацаанд тэр сургуулийн шигшээ баг болох Норфолк мужийн Спартанс багт хүчин зүтгэж, АНУ-ын Үндэсний коллежийн лигийн нэгдүгээр дивизионд харьяалагдаж байв. Тус баг түүхэндээ шөвгийн дөрөвт л шалгарч байсан амжилттай. 

БАРИМТ 10.

Түүний агентаар LIFE SPORT хэмээх сагсанбөмбөгийн агент ажиллаж байна. 

Л.Сайнаа