Хилчин спорт хорооны галын сорилго бэсрэг наадам Бугын сангийн аж ахуй дахь Хилийн цэргийн 0208 дугаар тусгай салбарын бэлтгэлийн баазад болжээ. Сорилго наадмын бөхийн барилдаанд  улс, аймгийн алдар цолтой 64 бөх барилдсанаас улсын начин Д.Тамир түрүүлж, сумын заан Д.Төгс-Эрдэнэ үзүүрлэсэн байна. Харин их шөвөгт аймгийн заан Д.Пүрэвдорж, Э.Түмэндэмбэрэл нар шалгарчээ. Тэгвэл үндэсний сур харвааны төрөлд эрэгтэйчүүдийн ангилалд Э.Төгөлдөр түрүүлж, эмэгэйчүүдэд Ч.Ариунболор нар тэргүүн байр эзэлжээ.