МАХН-ын гишүүд нэг захидлаас болж ихээхэн асуудалд оржээ. Учир нь өнгөрсөн амралтын өдрөөр хуралдсан Гүйцэтгэх товчооны хурлаар О.Цолмон МАХН-ын гишүүдэд хандаж, Н.Энхбаярыг ялаас чөлөөлөхийг хөөцөлдөх тухай захиа илгээсэн. Гэвч уг захиа Гүйцэтгэх товчооны хурлаас хоёр хоногийн дараа олон нийтэд ил болж, хэвлэлээр цацагдсан юм. Иймд О.Цолмон ихэд эгдүүцэж, “Захидлыг намынхандаа өгсөн болохоос хэвлэлд өгөөгүй. Захиа яагаад ил болсон юм бэ” хэмээн ихэд бухимдсан талаар эх сурвалж мэдээлэв. Тиймээс МАХН-ынханд захидлыг ил гаргасан хүнийг олж өгөхийг хүсчээ. Намын удирдлагууд ч мөн О.Цолмонг хэл ам хийсэн учраас захидлыг ил гаргаж, Гүйцэтгэх товчооны хурлаар яригдсан зүйлүүдийг олон нийтэд мэдээлсэн хүнийг хайж байгаа юм байна. Хэрвээ эзнийг олвол хариуцлага тооцохоор төлөвлөжээ.
Юутай ч О.Цолмонгийн захиаг ил гаргасан хүн баригдвал томоохон шийтгэл хүлээх бололтой.
Уг захианд дурдсан Н.Энхбаярыг ялаас чөлөөлүүлэх, гадаадад эмчлүүлэх боломж байхгүйг Хууль зүйн сайд Х.Тэмүүжин мэдэгдсэн ч намынхан нь энэ асуудлыг холбогдох газруудад нь тавихаар мэдэгдээд байгаа юм.
Б.Золбоо
Сэтгэгдэл (23)