Манай гарагийн хамгийн агуу хөл бөмбөгчин Л.Месси алтан бөмбөгийн эзэн боллоо. Тэрээр Германтай хийсэн тоглолтонд өөрийнхөө бүх хүчийг шавхаж мэргэжлийн маш өндөр түвшний тоглолтыг харуулж хэд хэдэн аюултай довтолгоог найруулаад авсан. Гэвч Есүс түүний талд байсангүй. Агуу тамирчины цохилт хаалганаас хэдэн метрийн зайтай зөрж өнгөрч байлаа. Тэр ч бүү хэл тоглолтын дундуур дотор нь муухайрч тавгүйтэв. Аргентинчуудын цорын ганц найдвар Л.Месси ийнхүү хүндхэн тоглолтыг хийж байхад Германчууд жинхэнэ багийн тоглолт гэж юу байдгийг үзүүлж бөмбөг эзэмшилт, сөрөг довтолгоо, хамгаалалт гээд бүх талаараа илүүрхэж байсан юм. Эцсийн мөчит Рио Де Жанеро хотын Маракана цэнгэлдэх рүү алдлан харах аврагч Есүс Германы талд зогслоо.  Тоглолтын үндсэн цаг дуусахад аль ч баг нь гоол оруулагүй бөгөөд тайлбарлагчид энэхүү тоглолтын хувь заяа торгуулийн цохилтоор шийдэгдэж магадгүй гэсэн таамгийг гаргаад байсан юм. Гэвч сэлгээгээр орж ирсэн М.Гёце энэхүү тоглолтын цорын ганц авралын гоолыг  113 дахь минутанд Аргентиний хаалганд оруулснаар Германы шигшээ баг дэлхийн аваргын цомыг өргөх боломжтой болсон юм. Цорын ганц энэхүү гоол үнэхээр Есүсийн гоол байлаа.

Ийнхүү хүчирхэг Германы шигшээ баг дэлхийн дөрвөн удаагийн аварга болсон юм. 1954 онд алт , 1966 онд мөнгө, 1970 онди хүрэл, 1974 онд алт 1982 онд мөнгө, 1986 онд мөнгө, 1990 онд алт, 2002 онд мөнгө, 2006 онд хүрэл, 2010 онд хүрэл медаль хүртээд байсан Германы шигшээ 2014 онд Бразилаас Алтан дагиныг авснаар латин америкт түрүүлсэн анхны Европын баг хэмээх нэгэн шинэ алдрыг хүртсэн юм. Хүн төрөлхтнийг бүтэн сарын турш шуугиулсан хөл бөмбөгийн тэмцээн өндөрлөж Есүс Германд хайртай гэдгээ харууллаа.