Өвчтөнүүдийн дээрээс архи асгаж, гал гаргах эмчилгээний арга Хятадад хэдэн зуун жилийн турш хэрэглэгдэж иржээ. Галт эмчилгээгээр стресс, ядаргааг тайлж, хоол боловсруулах замын өвчин, үргүйдэл, тэр ч бүү хэл хорт хавдрыг анагаана гэж үздэг. “Галт эмчилгээ нь хүн төрөлхтний түүхэн дэхь хувьсгал” гэж Бээжин хотноо энэ чиглэлээр суралцаж буй оюутан Жанг Фэнгхао ярьж байна. Галаар эмчилгээ хийлгүүлэхэд нэг цагийн 300 юань буюу 48 долларын үнэ ханштай байдаг ажээ.
Өвчтнүүдийн нуруу, гэдсэн дээр ургамал тавьж, алчуураар ороогоод дээрээс нь ус асган архи нэмдэг байна. 47 настай Ци Лицзюнь тархинд цус харваснаас болоод ой санамжаа алджээ. Тэрээр энэ эмчилгээг хийлгүүлээд эрүүл болсон ажээ. Мөн олон жилийн турш нуруу, нугасны өвчтэй явсан 49 настай Жао Жинд үр дүнгээ өгсөн гэнэ. Хүний биеийн халуун, хүйтнийг тэнцвэржүүлдэг Хятадын уламжлалт анагаах аргыг сонгосон хүмүүс эмчилгээний өндөр үр дүнтэй байгааг онцолжээ. “Халуун галаар төөнөж биеийн дотоод дахь хүйтнийг арилгадаг. Огт өвддөггүй. Зөвхөн халууцдаг” хэмээн уг эмчилгээг хийлгүүлсэн Хятадын ахмад дипломатч Жан настай ярьж байна.
Анагах ухааны эрдэмтэд галт эмчилгээ үр дүнтэй эсэх талаар судалгааг цөөн явуулсан байдаг ч амьдралд түгээмэл хэрэглэгдсээр байгаа ажээ. Гэвч энэ аргыг дур мэдэн хэрэглэснээс болоод нүүр, нүдээ түлэх явдал цөөнгүй гарсаар байгаа гэнэ. Хятадын эмнэлгүүдэд энэ аргыг хэрэглэхийг албан ёсоор зөвшөөрдөггүй.