“Noise Metal Fest-2014” амьд хөгжмийн олон улсын наадам энэ сарын 23-нд
Улаанбаатар паласт болох гэж байна. “Noise” продакшнаас зохион байгуулж
буй энэхүү арга хэмжээнд Монголын 13 хамтлаг оролцохоо мэдэгдсэн бол
Канад, ӨМӨЗО-оос мөн уран бүтээлчид хүрэлцэн ирэхээр бүртгүүлжээ. Тэр
дундаа хөгжмийн олон урсгалаар тоглодог гэдгээрээ алдартай Канадын
Альберта мужийн Девон хотоос гаралтай “Монгол” нэртэй хамтлаг олны
анхаарлыг татаж байна.
Энэ
хамтлаг Монголын эзэнт гүрний түүх соёлыг магтан туулдаг ажээ. Алс
холын Канадад Монголын тухай дуулж, монгол хувцсаар гангардаг энэ
хамтлаг 2009 онд байгуулагджээ. 2012 оны зун “Алтан ураг” нэртэй анхны
дебют цомгоо гаргасан юм.
Тэд ер бусын гайхамшигтай сонгодог металл хөгжмөөр тоглодог гэж хөгжим шүүмжлэгчид дүгнэсэн байдаг.
Хүнд
металл хөгжмийг Азийн сонгодог хөгжмийн зэвсгүүдтэй хослуулдаг.
Ингэснээр “Монгол” хамтлагийнхан бусдаас өвөрмөц аялгуу гаргаж ирдэг
ажээ.
Хамтлагийн
гишүүдийн уран бүтээлийн нэр нь маш сонирхолтой. Дуучин нь Тив Тэнгэр,
вокал дуучин, ритм гитарчин нь Зэлмэ, гоцлол гитарчин нь Зэв гэсэн уран бүтээлтэй нэртэй юм. Харин басс
хөгжимчнийг нь Сорхон шар, ардын хөгжимчинг Шихи, бөмбөрчинг Боорчи гэдэг.
Сэтгэгдэл (24)