Төв аймгийн Урьдчилан хорих төвийн дарга Т.Ганбаатарыг үүрэгт ажлаас нь чөлөөлсөн байна. Хорих ангийн дарга болон дэд дарга нарыг ажлаас нь халах, солих эрх ШШГЕГ-ын даргад байдаг. Энэ дагуу ШШГЕГ-ын дарга С.Баяндалай тушаал гаргаж Төв аймгийн Урьдчилан хорих төвийн даргыг үүрэгт ажлаас нь чөлөөлжээ.

Түүнийг үүрэгт ажлаас нь чөлөөлсөнийг Засгийн газрын өчигдрийн хуралдаанаар ч дэмжжээ.  Ийн түүнийг ажлаас нь халсан нь Ерөнхий сайдын зөвлөх Л.Гансүхтэй холбоотой байж болзошгүй юм. Учир нь Ерөнхий сайд, Хууль зүйн сайд нарыг Л.Гансүхтэй уулзах үеэр тухайн үйл явдлыг тэрбээр АТГ-т мэдээлж, АТГ энэ дагуу очиж бичлэг хийсэн байж магадгүй аж. Юутай ч түүнийг ажил үүрэгтээ хариуцлагагүй хандсан, төрийн нууц задруулсан гэж үзэж албан тушаалаас нь буулгажээ.