АНУ-ын
түүхэнд онцгой үүрэг гүйцэтгэсэн ерөнхийлөгч нар болох Абрахам Линкольн,
Жон Кенниди нарын амьдрал үхэл адилхан байсан нь хүн бүрийн сонирхлыг
татдаг.
• Линкольн 1846 онд, Кенниди 1946 онд Конгрессын гишүүнээр сонгогджээ.
• Линкольн 1860 онд, Кенниди 1960 онд ерөнхийлөгч болжээ.
• Хоёулаа Цагаан ордонд байхдаа хүүхдүүдээ алдаж байсан удаатай.
• Тэд хоёулаа баасан гаригт толгойдоо буудуулж нас барсан.
• Линкольн Форд театрт, Кенниди Линкольнийн Фордод буудуулсан ажээ.
• Сайн анзаарвал хоёулангийнх нь нэр 15 үсгээс бүтсэн.
• Тэднийг хороосон алуурчид гурван нэртэй байсан нь сонирхолтой.
• Хоёр ерөнхийлөгч хоёулаа иргэний эрх чөлөөнд онцгой анхаарлаа хандуулдаг байжээ.
Их
Британийн Бирмингем хотын хосууд болох Жэсон, Кенни Лауренс нар
санамсаргүй тохиолдлоор гурван аймшигтай террорист халдлагын гэрч
болжээ. 2001 оны есдүгээр сарын 1-нд тэд Нью-Йоркт жуулчилж байгаад ихэр
цамхгийн халдлагад өртөж амьд үлджээ. Мөн 2005 онд 52 хүний амийг авч
одсон галт тэрэгний халдлагын гэрч болсон юм. Дараа нь 2008 онд Мумбай
хотын гудамжинд террористууд тэсрэх бөмбөг хаяж, буун дуу гаргахтай
таарсан ажээ. Хатагтай Лауренс “Бидний очсон газар бүр халдлага гардаг
нь үнэхээр хачирхалтай шүү” хэмээн ярьжээ.
Удаан
хугацаанд нэгнээ хайж байсан аав, охин хоёр нэг сонины нүүрэн дээр
гарсан сонирхолтой тохиолдлыг та сонсож байсан уу? 10 жилийн өмнө гэр
бүлээсээ холбоо тасарсан Дик “Suffolk Free Press” сонинд судалгаагаа
нийтлүүлэхийг зөвшөөрсөнөөр зураг нь тэргүүн нүүрэнд тавигдсан байна.
Гэтэл зурагны ард гудамжинд алхаж буй хоёр хүний дүрс тод буусан ажээ.
Энэ нь түүний эхнэр, охин хоёр байсан гэнэ. “Би тэр сонинг хараад мэл
гайхсан. Ээж бид хоёр тэр зургийг дарахаас нэг минутын өмнө гудамжаар
алхаж байсан бололтой” хэмээн ярьжээ.
