Монгол Улсын Ерөнхийлөгч Х.Баттулга өнөөдөр 15:00 цагт УИХ-ын чуулганы нэгдсэн хуралдаанд мэдээлэл хийнэ.

Төрийн ордноо Хууль зүйн сайд Ц.Нямдорж, Ж. УИХ-ын гишүүн Б.Батзандан, Л. Оюун-Эрдэнэ, А.Сүхбат нарын зохион байгуулсан Нээлттэй сонсголын үеэр олон нийтэд “үнэн гэж үү, цагдаа хүчний байгууллага маань ингэж ажилладаг гэмээр баримтуудыг өмгөөлөгч нар, хохирогсдын ар гэрийнхэн баримттайгаар дэлгэлээ. Тодруулбал, өмнөд Солонгос улсад Элчин сайдаар томилогдсон ТЕГ-ын дарга асан Б.Хурцын асуудлыг нээлттэйгээр хэлэлцэх үед талийгаач С. Зориг агсны амь насыг хөнөөсөн хэрэгт холбогдоод байгаа гурван хүний нэг болох сэжигтэн Т.Чимгээгийн төрсөн ах Т. Хүрэлбат “ Миний дүүг гэмт хэрэгт холбогдуулахын тулд хашаанд нь цогцос аваачиж тавьсан байсан. Шүүхийн шинжилгээний газраас ирүүлсэн дүгнэлт “Энэ бол ил тавьсан цогцос болохыг тогтоов” гэж гарсан байтал хавтаст хэрэгт хэргийн материал болгож хавсаргасан. Мөн Эрдэнэт хотод ахуйн цахилгааны улмаас гал гарч гэр бүлийн дөрвөн хүний амь нас эрсэдсэн хэргийг ч миний дүүтэй холбосон. Онцгой байдлын газрын улсын шинжээчийн дүгнэлт ч гэмт хэргийн бүрэлдэхүүнгүй хэмээн гарсан төдийгүй гэмт хэрэгт тооцохыг хориглосугай гэж гарсан. Энэ бүх зүйлд миний дүү буруугүй. Монголын хууль хүчний байгууллага ингэж хүнийг хилс тулгаж байж хэрэг хүлээлгэдэг юм байна гэсэн юм. Эл мэдээллийн дараа мөн л Б.Хурцын үед хэлмэгдэж, Хорих 461 дүгээр ангид 150 хоног хоригдсон Жаргал гэж эмэгтэй өөрийгөө хэрхэн хэлмэгдсэн тухайгаа, мөрдөн байцаах ажиллагаа яаж явагдаж байсан талаар ярьж, сонсголд оролцсон Хууль зүйн сайд Ц.Нямдорж болон УИХ-ын гишүүдийн асуусан асуултад хариулсан юм.

Монголбанкны төлөөлөл 2017 оны 12 дугаар сарын 15-наас 17-ний өдрүүдэд Тайландын Бангкок хотноо зохион байгуулагдаж буй Зүүн Өмнөд Азийн Төв банкуудын (ЗӨАТБ) Холбооны Ерөнхийлөгч нарын 53-р чуулга уулзалтад оролцож байна. Энэ жилийн уулзалт “Тогтворгүй дэлхийд тогтвортой байдлыг хангах нь” ерөнхий сэдвийн хүрээнд геополитикийн эрсдэлүүд, санхүүгийн салбар дахь технологийн дэвшил болон санхүүгийн тогтвортой байдлыг хангахад Төв банкны үүрэг, оролцоо зэрэг асуудлуудыг хэлэлцэж байна.

Тус уулзалтад ЗӨАТБ-ын холбооны гишүүн 20 орноос гадна гишүүнчлэлд орох гэж байгаа болон ажиглагч орны Төв банкны ерөнхийлөгч нар, албаны төлөөлөл мөн олон улсын санхүүгийн байгууллагуудын хүндэт зочид, төлөөлөгчид оролцож байна.

Чуулга уулзалтаар Монголбанкны Ерѳнхийлѳгч Н.Баяртсайхан Олон Улсын Валютын Сан (ОУВС)-гийн тэргүүн дэд захирал Дэвид Липтонтой уулзаж, Монголын эдийн засгийн нөхцөл байдал, хэрэгжүүлж буй бодлого болон банкны салбарт хийгдэж буй шинэчлэлийн явцын талаар мэдээлэл солилцов. ОУВС-гийн захирлуудын зөвлөлийн хурал Монголын цагаар энэ Бямба гарагт хуралдаж Монгол Улсад хэрэгжиж буй “Өргөтгөсөн санхүүжилтийн хөтөлбөр”-ийн эхний болон хоёр дахь шатны үнэлгээний үр дүнг дүгнэнэ. Монголбанкны Ерөнхийлөгч Н.Баяртсайхан эерэг хүлээлттэй байгаагаа дурдаж, цаашид дэмжихийг хүссэн. Ноён Липтон Монголын эдийн засагт эерэг өөрчлөлтүүд гарч байгааг онцолж, хөтөлбөрийн үр дүнг амжилттай байлгахад ОУВС-гийн зүгээс бүх талаар дэмжин хамтран ажиллахаа илэрхийлэв.

Монгол Улсын Дээд шүүх Эрдэнэт үйлдвэр дэх Монгол зэс корпорацийн эзэмшлийн 49 хувийг нийгэмчлэхийг хориглосон шийдвэр гаргалаа.

ОХУ-ын өндөр технологийн Ростех компанитай хийсэн Монгол зэс корпорацийн 400 сая ам.долларын хэлцлийг хууль тогтоогч байгууллагаас зөвшөөрөл аваагүй учир УИХ-ын гишүүд хууль бус гэж үзэж, хоёрдугаар сард санал хураан нийгэмчлэхээр болоод байсан юм.

Reuters агентлагийн эх сурвалжийн мэдээлснээр, Монгол зэс корпораци Засгийн газрыг хөрөнгө оруулагчдын эрхийг хамгаалах олон улсын дүрэм журмыг зөрчсөн гэж үзэн хохирлоо барагдуулахаар олон улсын арбитрын шүүхэд гомдол гаргах юм байна.

Эрдэнэт үйлдвэр жилдээ 530 мянган тонн хүдэр олборлодог Ази тивдээ зэс, молбиденийн олборлолтоор тэргүүлэгчдийн нэг бөгөөд улсын төсөвт 12 тэрбум ам.долларын татварын орлого төвлөрүүлдэг ажээ.

Тус үйлдвэрийн 51 хувийн хувьцааг эзэмшигч Монголын Засгийн газар гадаадын хөрөнгө оруулалт татахын тулд уул уурхайн салбарын эрх зүйн орчинг хялбаршуулна гэж амлаад байгаа.

БНХАУ болон ОХУ-тай хиллэдэг далайд гарцгүй Монгол Улс өнгөрсөн тавдугаар сард нийт нутаг дэвсгэрийнхээ тавны нэгт уул уурхайн хайгуул хийх лиценз олгоно гэж мэдэгдсэн. Энэ нь ОУВС-ийн тусламжийн хөтөлбөрийн дараа нэмэлт санхүүжилт татах зорилготой байгаагийн илэрхийлэл болсон.

Монгол Улсын ДНБ-ий 25 хувийг, нийт экспортын 80 хувийг уул уурхайн салбар дангаараа бүрдүүлж байгаа учир хайгуулын үйл ажиллагааг дэмжих нь ДНБ болон эдийн засгийн аюулгүй байдалд сайнаар нөлөөлнө гэж мэргэжилтнүүд үзэж байна.

ТЕГ-ын дарга асан Б.Хурцыг БНСУ-д суух Элчин сайдаар томилохоор нэрийг нь дэвшүүлсэнтэй холбогдуулан

Хууль зүй, дотоод хэргийн сайдын нэрэмжит, цагдаагийн байгууллагын шилдэг хэсгийн төлөөлөгч шалгаруулах

УИХ-ын чуулганы нэгдсэн хуралдаанаар Тагнуулын ерөнхий газрын дарга асан Б.Хурцыг БНСУ-д Элчин сайдаар томилох

ТЕГ-ын дарга асан Б.Хурцын томилгооны асуудалтай холбогдуулан УИХ-ын гишүүн Ж.Батзандан, Л.Болд нарын гишүүд нээлттэй хэлэлцүүлгийг эхлүүлээд байгаа билээ. Нээлттэй хэлэлцүүлэгт сонсгол хийх санаачилгад нэгдэж гарын үсэг зурсан гишүүд, өргөдөл гаргасан иргэдийн төлөөлөл оролцож байна. Уг хэлэлцүүлгийг УИХ-ын гишүүн Ж.Батзандан өөрийн фейсбүүк хуудсаараа шууд дамжуулж байгааг хүргэж байна.

МҮБХ-ноос жил бүр зохион байгуулпаг ”Дөрвөн уулын хишиг” барилдааны нэг болох Богд хан уулын хишиг барилдаан энэ сарын 17-нд “Бөхийн өргөө”-нд болно. Энэ жил арваннэг дэх жилдээ зохион байгуулагдаж байгаа бөгөөд уг барилдаанд улс, аймгийн алдар цолтой бөхчүүд зодоглох юм байна.

Энэхүү барилдааныг үйлдвэр худалдааны ХУД-ийн ЗДТГ, “АПУ” ХК болон МҮБХ-той хамтран зохион байгуулдаг уламжлалтай.

Дашрамд дурдахад, 2007 оны анхны барилдаанд улсын начин М.Өсөхбаяр /у.з/ түрүүлж, аймгийн арслан Ш.Жаргалсайхан /у.г/ үзүүрлэж байсан юм.

МУГЖ С.Батсүхэд хадаг барин шавь орсон бяцхан уран бүтээлч Б.Бат-Энэрэл хэдийнээ олны танил нэгэн болоод байгаа билээ. Тэгвэл багш, шавь хоёр “Шинэ жил” хэмээн шинэ уран бүтээлээ дүрсжүүлэн олон нийтэд хүргээд байна. Энэхүү уран бүтээлийг дэмжиж UFC группын “БИО” чацарганыг үйлдвэрлэгч хамт олон ажилласан байна. Уран бүтээлчдийн зүгээс дүн өвлийг өнөтэй, аз жаргалтайгаар үдэх хамгийн зөв сонголт нь “БИО” чацарганы шүүс хэмээж байна.

Иймээс Монгол өвлийн өвгөн МУГЖ дуучин С.Батсүх, бяцхан Санта Б.Бат-Энэрэл нар UFC группын хамгийн амттай “БИО” чацаргана шүүсийг бэлэглэхийг уриалж, шинэ жилийн баярын мэнд дэвшүүлж байна.

Ийнхүү Б.Бат-Энэрэл хүү ивээн тэтгэгч байгууллага UFC группын “БИО” чацарганы хамт олонтой хамтран хийсэн “Шинэ жил” уран бүтээлийг хүргэе.

Улсын Филармонийн 45 жилийн ойд зориулж тоглож байгаа “МОНГОЛ УЛСЫН ФИЛАРМОНИ-45” концерт болоход хоёр хоног үлдлээ.
Тус тоглолт нь жил бүр тоглогддог “SNOW MELODY” шинэ жилийн баярын тоглолттой нэгдсэн байдлаар тоглогдох бөгөөд Улсын Филармонийн нийт уран бүтээлчид болон урилгаар рок, попын одод оролцох юм.
Тоглолтын тасалбар Партер :40,000₮, Бельэтаж: 20,000₮ худалдаалагдаж байгаа бөгөөд тасалбар цөөхөн үлдсэн тул та амжиж аваарай.
Тоглолтын тасалбарыг Филармонийн касс, https://www.ticket.mn/event/358/ сайтаас болон 1900-1800 үнэгүй хүргэнэ. Unitel-ийн хэрэглэгчид тоглолтын тасалбарыг 100GG оноогоор 5000₮ хөнгөлүүлэн худалдан авах боломжтой.
Дэлгэрэнгүй мэдээллийг 88004849, 99196623-с лавлана уу. Тасалбар цөөхөн үлдсэн тул та яараарай.
Монгол Улсын Филармони 45 жил промо

Улсын Их Хурлын 2017 оны намрын ээлжит чуулганы өнөөдрийн (2017.12.15) үдээс өмнөх нэгдсэн хуралдаан 10 цаг 43 минутад гишүүдийн 51.3 хувийн ирцтэйгээр эхэллээ. Хуралдааны эхэнд Эрүүл мэндийн даатгалын үндэсний зөвлөлийн зарим гишүүнийг томилж, чөлөөлөх тухай УИХ-ын тогтоолын төслийг хэлэлцэв. Нийгмийн бодлого, боловсрол, соёл, шинжлэх ухааны байнгын хороо 2017 оны 12 дугаар сарын 13-ны өдрийн хуралдаанаараа Эрүүл мэндийн даатгалын үндэсний зөвлөлийн зарим гишүүнийг чөлөөлөх, томилох асуудлыг хэлэлцсэн. Энэ талаарх Байнгын хорооны санал, дүгнэлтийг Улсын Их Хурлын гишүүн А.Ундраа танилцуулав.


Тэрбээр танилцуулгадаа, Засгийн газар шинээр эмхлэн байгуулагдсантай холбогдуулан Эрүүл мэндийн даатгалын үндэсний зөвлөлд Засгийн газрыг төлөөлөх гишүүдийн талаарх саналаа Монгол Улсын Засгийн газраас 2017 оны 12 дугаар сарын 08-ны өдөр тус Байнгын хороонд ирүүлсэн. Байнгын хорооны хуралдаанаар Эрүүл мэндийн даатгалын үндэсний зөвлөлийн Засгийн газрыг төлөөлөх гишүүн Баттогтохын Чойжилсүрэн, Нямтайширын Номтойбаяр, Аюушийн Цогцэцэг нарыг чөлөөлөх, Чимэдийн Хүрэлбаатар, Содномын Чинзориг, Даваажанцангийн Сарангэрэл нарыг томилох саналыг хуралдаанд оролцсон гишүүд санал нэгтэй дэмжлээ. Эрүүл мэндийн даатгалын үндэсний зөвлөлийн даргаар Эрүүл мэндийн сайд Даваажанцангийн Сарангэрэлийг томилох санал дэмжигдсэн гэж дурдлаа.

Тогтоолын төсөлтэй холбогдуулан асуулт асууж, санал хэлэх гишүүн гарсангүй. Иймд Эрүүл мэндийн даатгалын үндэсний зөвлөлийн зарим гишүүнийг томилж, чөлөөлөх тухай УИХ-ын тогтоолын төсөл батлахыг хуралдаанд оролцсон гишүүдийн 87.8 хувь нь дэмжив.

Үргэлжлүүлэн Монгол Улсын Ерөнхийлөгчөөс 2017 оны 11 дүгээр сарын 08-ны өдөр өргөн мэдүүлсэн Элчин сайдаар эгүүлэн татах, тохоон томилох тухай саналыг зөвшилцөх асуудлыг хэлэлцлээ. Улсын Их Хурлын гишүүн О.Баасанхүү, Монгол Улсын нууцтай холбогдох олон асуудал яригдах тул хуралдааныг хаалттай горимоор хэлэлцэх санал гаргав. Хуралдаанд оролцсон гишүүдийн олонх уг саналыг дэмжсэн тул УИХ-ын чуулганы нэгдсэн хуралдаан хаалттайгаар үргэлжлэхээр болов гэж УИХ-ын Хэвлэл мэдээлэл, олон нийттэй харилцах хэлтсээс мэдээллээ.

МХЕГ-ын даргын баталсан 01/27 тоот удирдамжийн дагуу Нийслэлийн 9 дүүрэгт Урьдчилан сэргийлэх хяналт шалгалт хийгдэж байна.
Шалгалтанд худалдаа үйлдвэрлэл, үйлчилгээний нийт 432 иргэн аж ахуйн нэгж хамрагдсанаас нийт 422 зөрчил илрүүлж 276 зөрчлийг арилгуулж ажиллалаа.
Илэрч буй зөрчлийн дийлэнх хувийг хугацаа дууссан болон хаяг шошгын зөрчилтэй гарал үүсэл нь тодорхойгүй хүнсний бүтээгдэхүүн эзэлж байна.
Тухайлбал: Импортоор орж ирсэн хүүхдийн төрөл бүрийн тоглоомон чихэр, өндгөн шоколад, бохь, иштэй чихэр, кремтэй кекс зэрэг бүтээгдэхүүн, мөн зоогийн газруудад хаяг шошгын зөрчилтэй хоол амтлагчуудыг хэрэглэж байгаа зөрчил нийтлэг илэрч байна.
Зөрчил арилгуулахаар нийт 15 албан шаардлагыг хүргүүлж 4 аж ахуйн нэгжид 11000.0 мянган төгрөгийн торгууль шиитгэвэр оногдуулаад байна.
Хяналт шалгалтад хамрагдсан иргэд, аж ахуйн нэгж байгууллагад “Шинэ жилйин баярын үер болзошгүй эрсдлээс урьдчилан сэргийлэх тухай” зөвлөмжийг өгч болзошгүй эрсдлээс урьдчилан сэргийлэх арга хэмжээг авч ажиллаж байна.

УИХ-ын чуулганы нэгдсэн хуралдаанаар Б.Хурцыг БНСУ-д элчин сайдаар томилох асуудлыг хаалттай хэлэлцлээ.

Ховд аймгийн нийт нутгаар энэ өвөл хүйтний эрч сул байгаа учир нуур, томоохон голуудын мөс гүн хөдөөгүй байгаа учир аймгийн Ус, цаг уур орчны шинжилгээний төвөөс мөс цөмрөх аюулаас сэрэмжлүүлж байна.
Энэ оны 12‑р сарын 11‑ний байдлаар Ховд голын мөсний зузаан 29 см, Долооннуурын голын мөсний зузаан 30 см, Дундцэнхэр голын мөсний зузаан 25 см, Буянт голын мөсний зузаан 25 см, Булган, Чоно‑Харайх, Төгрөг зэрэг голууд мөсөн зах, өтгөн зайр гүйх үзэгдэл ажиглагдаж байна.
Цаашид гол мөрний мөс зузаарах боловч мөсний даац хүн, мал, машин тэрэг явахад аюулгүй хэмжээнд хүрч бэхжих болоогүй байгаа тул мөсөн дээгүүр явган явахгүйбайх, тээвэр хийхгүй байхыг Ховд аймгийн Ус, цаг уур орчны шинжилгээний газраас онцгойлон анхаарууллаа.

Монгол Улсын эдийн засаг, бизнесийн шилдгүүдийг шалгаруулдаг “Bloomberg Awards – 2017” өнгөрсөн лхагва гаригт болж, “Алтай холдинг” группийг “Оны шилдэг компани”-аар тодрууллаа.

“Алтай холдинг” групп нь 3000 ажилчидтай манай үндэсний ууган компаниудын нэг бөгөөд Монгол Улсын Ерөнхий сайд асан Сүхбаатарын Батболд анх 1992 онд байгуулж, улс төрд орох хүртлээ удирджээ. Энэ жилийн хувьд тус групп улсад 20 орчим тэрбум төгрөгийн татвар төлж, шинээр 500 ажлын байр бий болгосон нь 2017 оны шилдэг компаниар шалгаруулах нэг үндэслэл болсон байна.

Харилцаа холбоо, аялал жуулчлал, зочид буудал, ноолуурын үйлдвэр, гадаад дотоод худалдаа эрхэлдэг “Алтай холдинг” групп нь энэ онд БНСУ-ын жижиглэн худалдааны тэргүүлэгч сүлжээ “Eмарт”-ийг Монголын зах зээлд өөрийн хөрөнгөөр оруулж ирсэн юм. Ингэснээр олон ажлын байр шинээр бий болгож, олон улсын стандартад нийцсэн шинэлэг соёлтой үйлчилгээ, чанартай бараа бүтээгдэхүүнийг хямдаар хүргэх, үндэсний үйлдвэрлэгчдээ дэмжсэн хөтөлбөрүүд нь монголчуудын талархлыг хэдийнэ хүлээгээд байгааг “Bloomberg Awards – 2017”-г зохион байгуулагчид онцоллоо.

УИХ-ын 20 гаруй гишүүд нээлттэй сонсгол хийх санал гаргасан ч Өргөдлийн байнгын хороо уг асуудлыг хэлэлцэхээс татгалзсан. Тиймээс УИХ-ын гишүүн Ж.Батзандан, Л.Болд нар УИХ-ын гишүүний бүрэн эрхийнхээ хүрээнд уг нээлттэй хэлэлцүүлгийг хийж байгаа юм.

Мэдээллийн технологийн бодлогын зөвлөлийн хурал 2017 оны 12 дугаар сарын 15-ны өдөр болж журмын төсөл, ирэх оны үйл ажиллагааны чиглэл, гадаадын зээл, тусламжаар хэрэгжиж байгаа төсөл, хөтөлбөрийн хэрэгжилт, цаашдын зорилтын талаар хэлэлцэв.

“Төрийн үйлчилгээг цахимжуулснаар хүн хүч, цаг хугацаа хэмнэхээс гадна авлига, хүнд суртал үгүй болж, иргэдэд ил тод, нээлттэй байх боломж бүрдэнэ” гэж Монгол Улсын сайд, Засгийн газрын Хэрэг эрхлэх газрын дарга, Мэдээллийн технологийн бодлогын зөвлөлийн дарга Г.Занданшатар үзэж байна.

Тэрээр төрийн байгууллагуудад цахим засаг, мэдээллийн технологийн чиглэлээр улсын болон гадаадын зээл, тусламжаар төсөл, хөтөлбөр хэрэгжиж байгаа ч нэгдсэн бодлого, төлөвлөлтгүй, уялдаа холбоо хангалтгүй байгааг анхааруулав.

Иймээс төсөл, хөтөлбөрийн явц, хэрэгжилтийн талаар Харилцаа холбоо, мэдээллийн технологийн газарт мэдээлж, тайлангаа ирүүлэх, цаашид төсөл, хөтөлбөр хэрэгжүүлэх бол дээрх байгууллагаас санал авч байхыг яам, агентлагуудад зөвлөмж болголоо.

Цахим засгийн өнөөгийн байдлаас үзвэл Үндэсний дата төв, сумдын шилэн кабелийн сүлжээ, иргэний цахим үнэмлэх, 11 11 төв, нийтийн түлхүүрийн дэд бүтэц, ТҮЦ машин, төрийн мэдээлэл солилцооны “Хур” систем бий болсон байна.

Цаашид цахим засгийн талаар гаргасан Засгийн газрын тогтоол, шийдвэрийн хэрэгжилтийг эрчимжүүлэх, төрийн онлайн, цахим харилцааг хөгжүүлэх, төрийн цахим үйлчилгээний төлбөр тооцоо, шимтгэлийг шийдэх, тоон гарын үсгийн хэрэглээг нэмэгдүүлэх, хаягжилтын нэгдсэн тогтолцоо бий болгож, шуудангийн хүртээмжийг нэмэхийг зорьж байна гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Энэ бол нийгмийн сүлжээгээр цацагдаж, олон түмний бухимдлыг төрүүлээд байгаа үйл явдлын тодорхойлолт. Хичээл нь тарсан дөрөвдүгээр ангийн хүүхдээ аваад явж байсан өндөр настан улаан гэрэл “харалгүй” ухасхийж ороод явган хүний гарцаар ном журмаар нь гарч явсан тавдугаар ангийн охиныг дайрч осол гаргажээ.

-Жил бүр Д.Сүхбаатарын талбайд “Сүлд модны гэрэл асаах ёслол”-ын арга хэмжээ болдог уламжлалтай. Энэ жил хэзээ хийхээр төлөвлөгдсөн бэ?

-Энэ жилийн хувьд “Сүлд модны гэрэл асаах ёслол”-ыг өмнөх жилүүдээс илүүтэйгээр өргөн далайцтайгаар зохион байгуулахаар төлөвлөж байна. Ёслолын арга хэмжээнд урлаг соёлын болон салбар салбарын олны танил нэр хүндтэй эрхмүүд нийслэлийн Засаг дарга бөгөөд Улаанбаатар хотын захирагч С.Батболд хамт оролцоно. Сүлд модны гэрлийг маргааш буюу энэ сарын 15-ны өдрийн 18:00 цагаас асаана. Энэ үеэр өвлийн өвгөн цасан охид, үлгэрийн баатруудын хамт хүрэлцэн ирж сонирхолтой циркийн үзүүлбэрийг талбайд цугласан олонд толилуулна.

-Он солигдохын өмнөхөн нийслэлчүүд “Улаанбаатарын мөнгөн шөнө” арга хэмжээнд оролцдог. Уг арга хэмжээний талаар мэдээлэл өгөхгүй юү?

-Нийслэлийн иргэд маань шинэ жилийн арга хэмжээг Д.Сүхбаатарын талбайд арванхоёрдугаар сарын 31-ний орой зохион байгуулсаар ирсэн. Энэ жилийн арга хэмжээ хамтлаг, дуучдын шинэ жилийн холбогдолтой уран бүтээлээс бүрдэж байгаагаараа өмнөх жилүүдээсээ онцлог болох юм. Монгол Улсын төрийн соёрхолт найруулагч Н.Наранбаатар найруулж байгаа. Олон нийтэд зориулсан ёслолын буудлага он солигдох мөчид болно. Бусад сонирхолтой содон үзүүлбэр, дуучдын тоглолтыг та бүхэн арванхоёрдугаар сарын 31-ний оройн 21:00-01:00 цагийн хооронд үзээрэй гэж иргэдээ уримаар байна.

-Шинэ жилийн баярыг угтан өөр ямар арга хэмжээ нийслэлд зохион байгуулагдах вэ?

-Сүхбаатар дүүргийн нутаг дэвсгэрт байрлах Шөнийн гэрэлт гудамжинд “Зул сарын баярын худалдаа” энэ сарын 15-17-ны өдрүүдэд 10:00-22:00 цагийн хооронд зохион байгуулахаар болоод байна. Олон нийтэд зул сар, шинэ жилийн баярын холбогдолтой тоглоом, гацуур мод, бэлэг дурсгал, гэрэл чимэглэл, хувцас хэрэглэл гэх мэт худалдаа үйлчилгээгээр үйлчилнэ.