Баянгол дүүргийн 20-р хорооны нутаг дэвсгэрт байрлах Дулааны дөрөвдүгээр цахилгаан станцын хашаан доторх под станц шатаж байна гэх дуудлагагаар газар дээр нь ажилласан НОБГ-ын Гал түймэр унтраах, аврах 18, 26, 14, 10, 30 дугаар ангиийн албан хаагчид галыг бүрэн унтраагаад байна.

Онцгой байдлын ерөнхий газраас Говь-Алтай аймагт зохион байгуулж буй Гамшгаас хамгаалах иж бүрэн сургууль өнөөдөр 07:00 цагт “Яаралтай цуглар” зарлан мэдээллийн дуут дохиогоор эхэлж аймгийн хэмжээнд өндөржүүлсэн бэлэн байдалд ажиллаж байна.

Гамшгаас хамгаалах иж бүрэн сургуулийн үеэр аймгийн Онцгой комисс, сумдын Засаг дарга нар болон гамшгаас хамгаалах орон нутгийн 11 алба, 36 мэргэжлийн анги, 29 аж ахуйн нэгж, байгууллагын томилгоот бүрэлдэхүүн 2017 оны 09 дүгээр сарын 13-15-ны өдрүүдэд астрономийн 30 цаг, оперативын 240 цагийн багтаамжтайгаар гурван шат, зургаан үетэйгээр ажиллах юм.

Гамшгаас хамгаалах иж бүрэн сургуулийн зорилго гамшгаас хамгаалах үйл ажиллагаанд иргэдийн оролцоог бүрэн хангах, дадлага сургуулиудад иргэдийг татан оролцуулах, бүх шатны Засаг дарга, аймгийн Онцгой комисс, орон нутгийн гамшгаас хамгаалах алба, мэргэжлийн ангийн удирдах бүрэлдэхүүний гамшгийн менежментийн мэдлэгийг дээшлүүлэх, орон нутгийн гамшигтай тэмцэх чадавхийг сайжруулах, харилцан ажиллагааг жигдрүүлэх, хүч хэрэгслийн бэлэн байдлыг дээшлүүлэхэд чиглэгдэж байна.

Гамшгаас хамгаалах иж бүрэн сургуулийн үеэр аймгийн Онцгой комисс, сумдын Засаг дарга, гамшгаас хамгаалах орон нутгийн алба, аж ахуйн нэгж байгууллагуудын хамгаалах хүч хэрэгслийн бэлэн байдлыг шалгаж, жагсаалын жигдрэлтийн сургуулийг явууллаа.



Аймгийн Онцгой комисс, сумдын Засаг дарга, гамшгаас хамгаалах орон нутгийн алба, аж ахуйн нэгж байгууллагуудын удирдах бүрэлдэхүүн “Бүх шатны нутгийн захиргааны байгууллага, гамшгаас хамгаалах орон нутгийн алба, мэргэжлийн анги, аж ахуйн нэгж, байгууллага, төрийн бус байгууллагын гамшгаас хамгаалах төлөвлөлт, бэлэн байдал, удирдлагын харилцан ажиллагаа” сэдвийн хүрээнд газар хөдлөлт, нурангиас эрэн хайх, аврах ажиллагаа, мал, амьтны гоц халдварт өвчин, зуд, хүчтэй цасан шуурганы үед нөхцөл байдлыг үнэлэх зэрэг цагийн байдлын өгөгдлийн дагуу ажиллаж байна гэж Говь-Алтай аймгийн Онцгой байдлын газраас мэдээллээ.

Израйл улсын зургаан иргэн Алтай таван богдод цасанд боогдсон гэсэн мэдээллийг өнөө өглөөний 10:17 минутад аймгийн Цагдаагийн хэлтсээс Онцгой байдлын газарт ирүүлсэн байна.

Дуудлагын дагуу Баян-Өлгий аймгийн Онцгой байдлын газраас Эрэн хайх аврах бүлгийн дарга, ахлах дэслэгч А.Алмасбекээр ахлуулсан найм, Цагдаагийн хэлтсийн нэг алба хаагч, нийт есөн хүний бүрэлдэхүүнтэй эрлийн багийг 11.30 цагт гаргасан байна. Аймгийн төвөөс Алтай таван богд хүртэл 220 орчим км юм байна.



Аймгийн Онцгой байдлын газрын орлогч, УСТ-ийн дарга, хошууч Б.Анхбаяраас тодруулахад, Израйл улсын таван иргэн, нэг казак хөтөчтэйгээр өчигдөр буюу 2017 оны 09 дүгээр сарын 12-ны өдрийн 14:00 цагт Алтай таван богдын чиглэлд явсан бөгөөд Алтай таван богдоос 20 км-ийн наана автомашинаа үлдээн явганаар явсан байна” гэлээ.

Хөтөлбөрийн дагуу бол өнөөдөр эргэж ирнэ гэсэн мэдээллийг орон нутгийн иргэд өгсөн байна гэж Онцгой байдлын ерөнхий газраас мэдээллээ.

Баянгол дүүрэг, 20-р хороо, Эрчим хүчний гудамж байрлах Дулааны IV Цахилгаан Станцийн хашаан дахь подстанцид өнөөдөр гал гарсан байна.



Нийслэлийн Онцгой Байдлын газарт ”ТЭЦ IV”-ийн хашаан дахь подстанцид гал гарлаа гэсэн дуудлага 12:21 цагт ирсний дагуу гал түймэр унтраах, аврах таван ангийн аврагчид галыг унтраахаар ажиллаж байна. НОБГ-аас галын шалтгаан тодорхойгүй байгааг мэдээллээ.

<iframe src=”https://www.facebook.com/plugins/video.php?href=https%3A%2F%2Fwww.facebook.com%2Fdempartym%2Fvideos%2F1467472796675073%2F&show_text=0&width=267” width=”267” height=”476” style=”border:none;overflow:hidden” scrolling=”no” frameborder=”0” allowTransparency=”true” allowFullScreen=”true”></iframe>

<iframe src=”https://www.facebook.com/plugins/video.php?href=https%3A%2F%2Fwww.facebook.com%2Ftraveltv.mn%2Fvideos%2F1832881120370301%2F&show_text=0&width=560” width=”560” height=”315” style=”border:none;overflow:hidden” scrolling=”no” frameborder=”0” allowTransparency=”true” allowFullScreen=”true”></iframe>

Нийслэлийн Байгаль орчны газраас Баянзүрх дүүргийн 20 дугаар хорооны нутаг дэвсгэр дэх Дээндийн амны ”Сайхан булаг”, Сонгинохайрхан дүүргийн 21 дүгээр хорооны нутаг дэвсгэр дэх ”Халзан амны булаг”, ”Хөндлөнгийн амны булаг”-ийн эхийг тохижуулж хамгаалах ажлыг нийслэлийн төсвийн хөрөнгөөр хийж гүйцэтгэлээ.

Булгийн хамгаалалтын хашаа, шонг анх удаа хүнсний зориулалттай хаягдал хуванцарыг дахин боловсруулсан материалаар хийж, ахуйн хэрэглээний болон мал ундаалах уст цэгүүдийг тусгаарласан. Худгийн хамгаалалтыг мод, төмрөөр хийдэг байснаас хулгайд алдагдах, хурдан эвдэрч муудах явдал түгээмэл гардаг байсан бол дахин боловсруулсан материалиар орлуулснаар ашиглалтын хугацаа уртсаж, дээрх зөрчил багасах боломжтой болж байна. Мөн тохижилтийн ажлын хүрээнд явган хүний замыг байгалийн чулуу ашиглан хийж, булгийн усны найрлага, ашигт чанарын мэдээллийг байрлуулсан.

Нийслэлийн нутаг дэвсгэрт 82 булаг шанд бүртгэгдсэнээс 30-ийг нь хашиж хамгаалаад байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ

Бүлэглэн хулгай хийж байсан өсвөр насны хүүхдүүдийг баривчилжээ

Соёл урлагийн ажилтны өдрийг тэмдэглэнэ

Нийслэлийн Засаг даргын Тамгын газар, Монголын үндэсний худалдаа, аж үйлдвэрийн танхим хамтран 42 дахь жилдээ зохион байгуулж буй “Улаанбаатар түншлэл-2017” олон улсын үзэсгэлэн, худалдааг энэ сарын сарын 7-10-ны өдөр “Мишээл Экспо” төвд амжилттай зохион байгуулж өндөрлөлөө.

Монгол Улсын Засгийн газраас 2017 оныг “Эрүүл Хүнс-Эрүүл Монгол Хүн”, жил болгон зарласантай холбогдуулан үндэсний үйлдвэрлэл, үйлчилгээ, брэнд бүтээгдэхүүнийг олон нийтэд таниулан сурталчлах, түншийн харилцааг хөгжүүлэх, зах зээлийг өргөжүүлэх зорилгоор зохион байгуулсан тус үзэсгэлэнд ОХУ, Пакистан, Тайван улсаас оролцож байгаагаараа онцлог болов.

Үзэсгэлэнд хүнс, хөнгөн, гоо сайхан, жижиг, дунд үйлдвэрлэлийн дотоодын нийт 60 гаруй, гадаадын 12 аж ахуйн нэгж, бизнес эрхлэгчид оролцож, шинэ бараа бүтээгдэхүүнээ танилцууллаа.

Энэ удаагийн үзэсгэлэнгийн “Гран при” буюу шилдгийн шилдгээр ерөнхий ивээн тэтгэгч “Жүр үр” ХХК шалгарч, нийслэлийн Засаг даргын нэрэмжит “Өргөмжлөл”-ийн эздээр “Өгөөж-Чихэр боов” ХХК, “Дэнд” ХХК, “Бүрэн сүх” ХХК-иуд тус тус шалгарлаа гэж нийслэлийн ХХААГ-аас мэдээллээ.

Израйл улсын зургаан иргэн Алтай таван богдод цасанд боогдсон байна.

“Хот тохижилтын газар” ОНӨААТҮГ нь нийтийн эзэмшлийн гудамж талбайн тоноглол буюу хогийн сав, сандал, авто замын хязгаарлах зурвасын хайш хашлагуудын арчлалт, цэвэрлэгээг хариуцан ажиллаж нийтийн эзэмшлийн гудамж талбайн тоноглолыг нойтон угаалга, цэвэрлэгээг 14 хоног тутамд хийж байна. 2017 оны есдүгээр сарын 12-нд “Бөмбөгөр” худалдааны төв, Бээжингийн гудамж, Самбуугийн гудамжинд байрлах хогийн сав, автобусны буудлуудын сандал болон Нарны гүүрний шат, Нарны гүүр /Барс захын ар/, Геологийн лаборатороос 21-р хороолол хүртэлх замын хязгаарлах зурвасын хайш хайшлагуудыг угааж, өнгө үзэмжийг сайжруулав гэж нийслэлийн “Хот тохижилтын газар” ОНӨААТҮГ-аас мэдээллээ.

Энэ сарын 07-12-ны өдрүүдэд Филиппиний Манила хотод пауэрлифтингийн насанд хүрэгчдийн хэвтээ шахалтын Азийн АШТ амжилттай болж өндөрлөлөө. Тэмцээнд Монголын пауэрлифтингийн нэгдсэн холбооны найман тамирчин оролцож, найман алт, дөрвөн мөнгөн медал хүртсэн бахдам амжилт гаргажээ.
Тэмцээний хэрэглэлтэй төрөлд /equipped/:
-120 кг жинд Б.Чимэдцэрэн алт /world record 362,5кг/
-120 кг жинд Т.Эрдэнэхүү мөнгө
-105 кг жинд Л.Бархасбаатар мөнгө
Мастер 1 ангилалд:
+120 кг жинд Ц.Баярхүү алт
-120 кг жинд П.Отгонбаатар мөнгө
-105 кг жинд С.Баяртөгс алт
Тэмцээний /Raw Classic/ хэрэглэлгүй төрөлд:
Т.Эрдэнэхүү алт /207,5кг/
-105 кг жинд Л.Бархасбаатар мөнгө /182,5кг/
-93 кг жинд Отгондалай алт /210кг/
Мастер 1 ангилал:
+120 кг жинд Ц.Баярхүү алт /172,5кг/
-120 кг жинд Д.Отгонбаатар алт /165кг/
-105 кг жинд С.Баяртөгс /182,5кг/ алтан медаль тус тус хүртжээ.

Хүүхэлдэйн театрын уран бүтээлчид Сүхбаатар аймагт ажиллаж байна

Монголын ардын намын удирдах зөвлөл өнөөдөр 11:00 цагаас Тусгаар тогтнолын ордонд хуралдана.

Хүүхэлдэйн театрын уран бүтээлчид хөгжлийн бэрхшээлтэй иргэдэд зориулан ”Бяцхан хатагтайн хүүхэлдэйн театр” тоглолтыг энэ сарын 13-нд буюу өнөөдөр 16.30 цагаас тоглохоор болжээ.

Нийслэлийн Байгаль орчны газар, Монголын зөгийчдийн нийгэмлэг хамтран “Балт болон тоост ургамлын тархалтыг нэмэгдүүлэхэд зөгийн үр нөлөө” сэдэвт сургалтыг байгаль хамгаалагчдын дунд зохион байгууллаа.

Монгол туургатны уламжлалт гар урлалын нэг төрөл болох зээгт эсгий ширмэлийг хойч үедээ залгамжлуулан үлдээх зорилготойгоор Чингис хааны үеийн аж ахуй амьдрал, ёс заншлыг харуулсан бүтээлийг урлажээ.

Сүүлийн жилүүдэд иргэд эрх ашгаа хамгаалахын тулд нэгдэн нийлж, төрийн бус байгууллага, холбоодыг байгуулан төр засаг, ард түмэнд дуу хоолойгоо хүргэдэг моод дэлгэрчээ. Үүнийг буруутгах аргагүй ч холбоо, хороо, ТББ-ын нэр зүүж, тамга тэмдэг өвөртөлсөн нөхдүүд ээлж дараалан элдэв мэдээлэл хийж, олон нийтийг тархийг “угаах” гачиг тогтолцоотой болчихов.

“Балдорж” сангаас ес дэх жилдээ зохион байгуулж буй сэтгүүл зүйн шилдэг бүтээл шалгаруулах ёслолын ажиллагаа өчигдөр боллоо. 2017 оны “Балдорж” шагналын гранприг ”Үндэсний шуудан” сонины сэтгүүлч Б.Энхмарт ”Нулимстай бөхөн” нийтлэлээрээ хүртжээ.

​

Харин шилдэг аравт дараах бүтээлүүд шалгарсан юм.



Л.Ганчимэг, ’Аавын эзгүйд’ сурвалжлага (Өнөөдөр)
Г.Одгарав, “Хар тугалга” нийтлэл (GoGo.mn)
Ц.Оюундарь, Х.Шинэ-Од, “Дүрвэгсдийн жимээр” баримтат кино (МҮОНТВ)
Г.Батзаяа, Ж.Золзаяа, Б.Отгон-Эрдэнэ, ’Хүчирхийлэлд өртсөн хөвгүүд хайчдаг вэ?’ цуврал сурвалжлага, ярилцлага, нийтлэл (МҮОНР)
Б.Баярмаа, Б.Ганбаяр, “Амины үнэтэй халуун тогоо” гэрэл зургийн сурвалжлага (Засгийн газрын мэдээ)
Ж.Сувдмаа, ’Хүдэрийг самарчид самарч байна’ сурвалжлага (Өнөөдөр)
Б.Энхзаяа, ’Хогонд дарагдсан Хөвсгөл, Туулын тахинд цахилгаан хөрөө тачигнаж байна’ (Зууны мэдээ )
Э.Хүрэлбаатар, ’Бичигтийн боомт дээр цэвдэг сэтгэлтэй монголчуудын гарт адуун сүрэг маань өлдөж, хөлдөж тарчилсаар үхэж байна’ (Өдрийн сонин)
Б.Ерөнтэй, ’Эмээлийн мөнгөн Эврика’ (Open Door)
Э.Харцага ’Халдлагад өртсөн туул’ гэрэл зургийн сурвалжлага (Өнөөдөр сонин)