Болгар улсын Пловдив хотод сонгомол барилдаан, чөлөөт бөхийн ахмадын ХIХ дэх ДАШТ өчигдөр эхэлж, 41 орны 600 гаруй тамирчин хүч үзэж байна. Сонгомол барилдааны 130 кг-ын жинд зодоглосон Монгол Улсын начин М.Цанлиг дэлхийн аварга болов.

Тэрээр эхний тойрогт хийлж, дараа нь Финландын бөх Хейки Жанне Хааракангасыг 8:0, гуравдугаар тойрогт Хорватын бөх Иван Матековичийг 5:0, дөрөвдүгээр тойрогт Энэтхэгийн бөх Харандер Сингх, тавдугаар тойрогт Ираны бөх Бахалдин Мохаммад Каримзаден нарыг дараалан цэвэр ялсанаар сонгомол барилдааны ахмадын дэлхийн аварга цолыг эх орондоо анх удаа авчирлаа.

Төрийн үйлчилгээг цахим хэлбэрт үе шаттайгаар шилжүүлж, үйлчилгээний шат дамжлагыг багасгах, хороодоос үзүүлэх төрийн үйлчилгээний нэр төрлийг нэмэгдүүлэх талаар санал боловсруулах ажлын хэсгийг Нийслэлийн Засаг даргын А/760 тоот захирамжаар байгууллаа. Байнгын ажиллагаатай уг ажлын хэсгийг Нийслэлийн Мэдээллийн технологийн газрын дарга ахлах бөгөөд ажлын хэсгийн бүрэлдэхүүнд НАГ, НҮНТ, ХТЕТГ, НГА ХУД, СХД, НЗДТГ, ЗАА-ны төлөөлөл багтсан байна.

Нийслэлийн Мэдээллийн технологийн газрын зүгээс иргэдийн төрийн үйлчилгээг түргэн шуурхай авах, хөрөнгө мөнгө, цаг хугацаа хэмнэх боломжийг бүрдүүлж “Smart car”, “Нийслэлийн төрийн өмчийн цэцэрлэгийн бүртгэл, элсэлт”-ийн цахим системийг нэвтрүүлсэн. Мөн газар зүйн мэдээллийн системд суурилсан Нийслэлийн дундын мэдээллийн санг өргөжүүлж, нийтийн хэрэглээнд нэвтрүүлэх, нийслэлийн нутгийн захиргааны байгууллагуудын албан хэрэг хөтлөлтийн үйл ажиллагаанд тоон гарын үсэг нэвтрүүлэх, төрийн мэдээлэл солилцооны ХУР системээр дамжуулан цахим мэдээлэл солилцох eDES системийг шинээр нэвтрүүлэх зэргээр шат дараатай арга хэмжээ авч хэрэгжүүлэхээр ажиллаж байгаа юм. Нийслэлээс үзүүлж буй төрийн үйлчилгээг цахим болгож хэрэгжүүлэх уг ажлыг бодлогын түвшинд НМТГ хариуцан ажиллах юм гэж Нийслэлийн Мэдээллийн технологийн газраас мэдээллээ.

Чөлөөт бөхийн олимп, дэлхийн аварга ОХУ-ын алдарт бөх Наталья Воробьевагийн нэрэмжит чөлөөт бөхийн өсвөр үе (2001-2003), залуучуудын (1998-2000) эмэгтэйчүүдийн ОУТ ирэх амралтын өдрүүдэд (X.14-15) Эрхүү хотод болно. Дөрөв дэх удаагийн тэмцээнд манай улсаас өсвөр үеийн охидын 40 кг-ын жинд Б.Дэлгэрмаа, 43 кг-д Д.Уянга, 46 кг-д Г.Саруулбуян, Б.Энхзул, 49 кг-д Т.Баярмаа, 56 кг-д Б.Мишээл, 65 кг-д Д.Дэлгэрцэцэг, 69 кг Ц.Хулан, Д.Цогзолмаа, Т.Мянганбаяр, залуучуудын 44 кг-д Б.Болорчимэг, Б.Мөнхтуул, 48 кг-д Б.Бямбацэрэн, 55 кг-д Б.Энхцэцэг, Н.Анударь, 59 кг-д Б.Энхтүвшин, 70 кг-д Х.Хулан, Ө.Одбаг нарын 18 тамирчин оролцохоор болжээ. Монголын багийн ахлагчаар П.Чулуунбаатар, даасгалжуулагчаар Э.Батмөнх, Ц.Ганзориг нар ажиллана. Өнгөрсөн жил тус тэмцээнээс Н.Анударь алт, Б.Энхцэцэг, Б.Энхзул, Д.Отгонжаргал нар мөнгөн медаль хүртэж байв.

МАН-ын бүлэг Монгол Улсын 30 дахь Ерөнхий сайд У.Хүрэлсүхийн Засгийн газрын бүрэлдэхүүнийг батлахаар өчигдөр хуралсан. Хуралдаанаар зарим нэг сайдуудыг ашиг сонирхолын зөрчилтэй хэмээн татгалзсан. Энэ асуудал хэрхэн шийдэгдэхийг өнөөдрийн МАН-ын Удирдах зөвлөлийн хурал харуулна. Тус хуралдаанаар сайдад нэр дэвшигчдийг дэмжвэл УИХ дахь МАН-ын бүлэг дахин хуралдах аж.

Авлигатай тэмцэх газраас 2017 оны 10 дугаар сарын 2-6-ны өдрүүдэд гэмт хэргийн шинжтэй 14 гомдол, мэдээлэл хүлээн авч, нийт 28 гомдол мэдээллийг шалгав. Үүнээс 5 гомдол, мэдээлэлд хэрэг бүртгэлтийн хэрэг нээж, 7 гомдол, мэдээлэлд хэрэг бүртгэлтийн хэрэг нээхээс татгалзан, 1 гомдол, мэдээллийг харьяаллын дагуу шилжүүлэх саналтайгаар прокурорт шилжүүлсэн байна. Ажиллагаанд одоогоор 15 гомдол, мэдээлэл шалгагдаж байна.

Өнгөрсөн долоо хоногт эрүүгийн 1 хэрэг хүлээн авсан бөгөөд 122 хэрэгт мөрдөн байцаалтын ажиллагаа явуулснаас 1 хэргийг шүүхэд шилжүүлэх саналтай прокурорт шилжүүллээ. Одоогоор 121 хэрэгт мөрдөн байцаалтын ажиллагаа явуулж байна.

Засгийн газрын хэрэг эрхлэх газрын дэд даргаар ажиллаж байсан Г.Дэнзэн нарт холбогдох хэргийн хяналтын шатны шүүх хуралдаан ирэх баасан гаригт болно.

Эгдүүтэй төрх, эвлэгхэн хоолойгоороо үзэгчдийн дунд танил болж, аль хэдийнэ өөрийн гэсэн сонсогч, фэнүүдтэй болсон бяцхан хүү Б.Бат-Энэрэлийн “Хайрын хариу” талархлын тоглолт есдүгээр сарын 29-ний өдөр үзэгчдийн халуун алга ташилтан дунд амжилттай болж өндөрлөв. Тоглолтын үеэр азтай үзэгчдийг шалгаруулж Ерөнхий ивээн тэтгэгч UFC группийн БИО чацарганы шүүсний бүтэн жилийн хэрэглээний эрхийн бичгийг гардуулан өгсөн юм.

Мөн UFC групп дуучин Б.Бат-Энэрэлтэй 1 жилийн гэрээ байгуулан хамтран ажиллаж эхэлсэн бөгөөд хүн бүрийн хэрэглэх дуртай, хамгийн амттай, хамгийн аминдэмтэй БИО чацаргана брэндийн шинэ нүүр царайгаар Б.Бат-Энэрэл хүүг тодорхойлон ивээн тэтгэж хамтран ажиллах болсон юм.



Энэ талаар бяцхан авьяастан, дуучин Б.Бат-Энэрэл ”Тоглолт маань гоё боллоо .Үзэгчид дуу болгонд маань алга ташиж баярлаж байна. Миний тоглолтыг дэмжиж ажилласан БИО чацарганы ах эгч нартаа баярлалаа. Би 2 настайгаасаа эхлэж БИО чацаргана уусан. БИО чацаргана бусдаас илүү амттай, илүү амин дэмтэй. Яагаад гэвэл цэвэр чацаргана жимсний шүүс гэж би боддог. Тиймээс миний эрүүл мэндэд тустай, миний уух хамгийн дуртай ундаа юм” хэмээн сэтгэгдлээ хуваацлаа.

Мөн UFC Группийн Маркетинг, борлуулалт хариуцсан захирал Б.Хадбаатар ”Манай UFC групп үүсэн байгуулагдсан цагаасаа эхлэн урлаг, спортынхныг дэмжин ажилласаар ирсэн. Энэ удаа бид бяцхан авьяаслаг дуучин Б.Бат-Энэрэлийг БИО чацаргана брэндийн шинэ нүүр царайгаар тодорхойлж хамтран ажиллаж байгаадаа баяртай байна” гэлээ.



Тоглолтын үеэр Ерөнхий ивээн тэтгэгч UFC группийн удирдлага, хамт олон Бяцхан авьяаслаг дуучин Б.Бат-Энэрэл болон урлагийн замд хөтлөн оруулсан багш, МУГЖ дуучин С.Батсүх нарт хамтын ажиллагаагаа эхлүүлж байгаад баяр хүргэж, урлагийн Янжинлхам бурхан үргэлж ивээж байхыг билэгдэж, хүндэтгэл үзүүлэн эдийн дээд Монгол хадагаа өргөн барьсан юм.

Бяцхан авьяастан Б.Бат-Энэрэлдээ хичээл сурлага, уран бүтээлийн өндөр амжилтыг хүсэн ерөөе.

11.00 цагт “Үндэсний мэдээллийн төв”-д ”Багшдаа тусалъя” эцэг эхчүүдийн холбооноос багш нарын цалин нэмэх асуудлаар мэдээлэл хийнэ.

11.00 цагт Нийслэлийн иргэний танхимд Барьцаалан зээлдүүлэх үйлчилгээ эрхлэгчдийн анхдугаар чуулга уулзалт болно.

11.00 цагт “Q Art Gallery”-д ”Үзэсгэлэнт Япон орон, байгаль, уламжлалт соёл, хүмүүс” гэрэл зургийн үзэсгэлэнгийн нээлт болно.

11.00 цагт АТГ-аас өөрийн байрандаа цаг үеийн асуудлаар мэдээлэл хийнэ.

11.00 цагт Хан-Уул дүүргийн Жижиг дунд үйлдвэрлэлийг дэмжих төвд ”Бизнес эрхлэгч та хөнгөлөлттэй зээлд хэрхэн хамрагдаж, төслөө хэрхэн бичих вэ” өдөрлөг болно.

13.00 цагт Отгонтэнгэр их сургуульд оюутан, залуучуудыг эерэг хандлагад уриалж, хорт зуршлаа орхих арга замыг сурталчлан таниулах зорилго бүхий “Эерэг хандлага-Эрүүл оюутан” аяны нээлт болно.

14.00 цагт Монгол цэргийн музейд “Бие бүрэлдэхүүний чөлөөт цагийг үр ашигтай өнгөрүүлэхэд цэнгээнт бүжгийн гүйцэтгэх үүрэг, ач холбогдол” сэдэвт сургалт, өдөрлөг болно.

Төрийн ордонд

09.00 цагт “Их Эзэн Чингис хаан” танхимд Эдийн засгийн байнгын хороо хуралдана.

09.00 цагт “Жанжин Д.Сүхбаатар” танхимд Төсвийн байнгын хороо хуралдана.

14.00 цагт “В” танхимд Нийгмийн бодлого, боловсрол, соёл, шинжлэх ухааны байнгын хороо хуралдана.

“Монгол ньюс мэдээллийн төв”-д

11.00 цагт Жендерт суурилсан хүчирхийллийг таслан зогсооход өсвөр насны хөвгүүдийн оролцоог хангах зорилго бүхий ”Хүчирхэг хөвгүүд” аяны зохион байгуулагчид мэдээлэл хийнэ.

11.30 цагт Иргэн Д.Батбаяр Монгол бөө судлаач болон бөөгийн холбоо, эвлэл, ТББ, бөөгийн улаач нарыг мэтгэлцээнд дуудах талаар мэдээлэл хийнэ.

Өнөөдөр УИХ-ын дөрвөн байнгын хороо хуралдана. Хуралдаанаар дараах асуудлуудыг хэлэлцэнэ.

УИХ-ын гишүүд байсхийгээд л Төрийн ордны индэр дээрээс элдэв төрлийн чих дэлдийлгэм мэдээлэл хийдэг моод дэлгэрчээ. Хэдхэн сарын өмнө “Бандууш” хочит Д.Гантулга гишүүн төрийн ордны алтан соёмбоны өмнө “улаан махны хэрэг” хийгээгүй талаараа мэдээлж, олны нийтийг алмайруулсан. Харин энэхүү үйл явдлын дуулиан намжиж амжаагүй байтал гишүүд ар араасаа арьсаа хамгаалсан мэдээлэл хийх боллоо.

Өнөөдөр “Олон улсын охидын өдөр”

Ойрын өдрүүдэд ихэнх нутгаар хүйтэн байна

Өнөөдөр буюу аравдугаар дугаар сарын 11-ний лхагва гарагт Сонгинохайрхан, Баянзүрх дүүрэгт цахилгаан хязгаарлахаар товлогджээ. Тиймээс засвар хийх хугацаанд хэрэглээгээ түр зохицуулна уу.

Энэ удаагийн Засгийн газарт хэдийгээр түүний фракци хамгийн олон суудал авна хэмээн яригдаж байгаа ч өнгөрсөн хугацаанд түүний талд байж, шударга үнэнийнх нь дуу хоолой болж ирсэн хүмүүс Засгийн газрын гишүүдэд яригдахгүй байгаад дэмжигчид нь сэтгэл дундуур байна.

Зургаан цагаан мэнгэтэй Цагаагчин хонь өдөр

Улаанбаатарт өдөртөө 3 хэмийн дулаан байна

“Чингис хаан” Олон улсын нисэх буудлын татваргүй барааны хэсэгт гал гарчээ. Гал өчигдөр буюу энэ сарын 10-ны орой 23 цагийн үед “Орем дюти прий” тасагт гарсан байна.

УИХ дахь МАН-ын бүлэг яг одоо Ерөнхий сайд У.Хүрэлсүхийн танхимд ажиллах сайд нарын нэрийг хэлэлцэж байна.

Монгол Улсын Ерөнхийлөгч зарлиг гаргаж жилдээ ганц удаа биш, хавар, намар бүх нийтээрээ мод тарьдаг болсон.

2017 оны 10 дугаар сарын 09-ний Даваа гарагт Замын цагдаагийн албаны ЖШУХ нийт 363 дуудлага, мэдээ мэдээлэл хүлээн авснаас зам тээврийн ослын 248 дуудлага бүртгэгдсэн бөгөөд осол хэргийн улмаас 1 хүний амь нас хохирч, 27 хүн гэмтэж бэртсэн байна.
Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 32 жолоочийг илрүүлэн хуулийн дагуу хариуцлага тооцон ажилласан байна.
Бүртгэгдсэн зам тээврийн осол, хэргийг хэлбэрээр нь авч үзвэл явган зорчигч мөргөж гэмтээсэн 6 осол, мөргөлдөх хэлбэрээр 12 осол бүртгэгдсэн бөгөөд тухайн өдрүүдэд зам тээврийн осол, хэргийн газрыг орхиж явсан тохиолдол бүртгэгдээгүй байна.
Орон нутагт Увс аймагт ноцтой зам тээврийн осол гарч 1 хүний амь нас хохирсон.
Тухайлбал:
1. Увс аймгийн нутаг Наранбулаг сумын нутагт шороон замд БНХАУ-д үйлдвэрлэсэн улсын дугаар тодорхойгүй Мустанг маркийн мотоцикль онхолдож, жолооч 31 настай О-н амь нас хохирсон.
2. ХУД-ийн нутаг “Буянт-Ухаа-1” хорооллын 701-р байрны замд T.Pruis маркийн автомашины жолооч Д нь явган зорчигч 57 настай П-г мөргөж амь насыг нь хохироосон хэргийг Замын цагдаагийн алба шалгаж байна.