Нийслэлийн ИТХ-ын Тэргүүлэгчдийн 2014 оны тогтоолоор улсын дугаарын хязгаарлалтын цагийн хуваарь, замын бүсчлэлд өөрчлөлт оруулсан. Уг шийдвэрээр замын бүсчлэлийн хамрах хүрээг өвлийн улиралд багасгаж, зуны улиралд тэлэхээр зохицуулалт хийсэн.

Нийслэлийн Засаг дарга бөгөөд Улаанбаатар хотын Захирагч С.Батболд өнөөдөр нийслэлийн Мэргэжлийн хяналтын газрын ажилтан, албан хаагчидтай уулзлаа. Нийслэлийн Мэргэжлийн хяналтын газраас Засаг даргад 2016 онд хийсэн ажлын тайлангаа танилцуулж, оны эхний 9 сарын байдлаар нийслэлийн төсөвт 1 тэрбум төгрөг төвлөрүүлэхээс 680 саяыг, улсын төсөвт нийт 260 сая төгрөг төвлөрүүлэхээс 168 сая төгрөгийг төвлөрүүлсэн гэсэн мэдээллийг өглөө.

Авлигатай тэмцэх газрын Урьдчилан сэргийлэх, соён гэгээрүүлэх хэлтсээс зарим дүүргийн эрүүл мэндийн байгууллагад ажиллаж, иргэдээс авч буй төлбөр, хураамж нь хууль тогтоомжид нийцэж байгаа эсэхийг судлан үзэв.

Замын цагдаагийн газрын ЖШУХ дээр нийт 358 дуудлага, мэдээ мэдээлэл хүлээн авснаас, зам тээврийн ослын 287 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 11 бүртгэгдэж 12 хүн хүнд хөнгөн гэмтсэн. Согтууруулах ундааны зүйл хэрэглэсэн үедээ зам тээврийн осолд холбогдсон жолооч 3, явган зорчигч 1. Зам тээврийн осолд сургуулийн насны 2 хүүхэд өртсөн. Согтуугаар тээврийн хэрэгсэл жолоодсон нийт 78 жолоочийг илрүүлж гарч болзошгүй осол хэргээс урьдчилан сэргийлж ажилласан байна.

Тухайлбал: СБД-ийн нутаг Чингэлтэйн өргөн чөлөө 5-н буудлын автобусны буудлын замд Сайхан ирээдүй ХХК-ны Daewoo BS-106 маркийн автобусны жолооч Б нь зорчигч 35 настай эмэгтэй Т-г унагааж гэмтээжээ.

СХД-ийн нутаг Толгойтын зам, Их нарангийн дунд буудлын замд T.Prius маркийн авто машины жолооч А нь явган зорчигч 09 настай эрэгтэй Х-г мөргөж гэмтээсэн байна.

Орон нутагт: Хэнтий аймгийн Чингис хотын Чингис хаалганы урд асфальтан замд Istana маркийн авто машины жолооч А нь Istana маркийн авто машиныг мөргөж автомашиныхаа хажууд зогсож байсан жолооч 41 настай эрэгтэй Ч-г мөргөж амь насыг нь хохироожээ.

УИХ-ын дарга М.Энхболд өнөөдөр өмнөд хөршийг зорилоо. Тэрээр БНХАУ-д энэ сарын 14-17-ний хооронд зохион байгуулагдах Олон улсын улс төрийн намуудын чуулга уулзалтад оролцохоор ийнхүү морджээ.



Энэ уулзалтад МАН-ыг төлөөлж оролцож байгаа бөгөөд мөн уг уулзалтын үеэр Хятадын албаны хүмүүстэй уулзах аж.

Монголд нийт 101.730 хөгжлийн бэрхшээлтэй иргэн байна. Үүнээс харааны бэрхшээлтэй 10925, сонсголын бэрхшээлтэй 8406, хөдөлгөөний бэрхшээлтэй 20110, хэл ярианы бэрхшээлтэй 4491 иргэн байдаг гэсэн баримтыг Үндэсний статискийн судалгаанаас өнгөрсөн жил гаргаж байв. Өнөөдөр Монгол-Японы төвд Мэдээлэл харилцаа холбооны үйлчилгээг хөгжлийн бэрхшээлтэй хүний хэрэгцээ, шаардлагад нийцүүлэх, хэрэгжилтийг сайжруулах” сэдэвт хэлэлцүүлэг боллоо. Уг хэлэлцүүлэгт “Харилцаа холбоо, мэдээллийн технологийн газар”, хөгжлийн бэрхшээлтэй иргэдийн ТББ-ууд зэрэг 32 байгууллагын 59 төлөөлөл оролцсон юм. Мэдээллийн хүртээмжийг сайжруулснаар хөгжлийн бэрхшээлтэй иргэдийн нийгмийн оролцоо сайжрах ба өдөр тутмын амьдралд бие даан оролцох гол нөхцөл болох юм.
Хөгжлийн бэрхшээлтэй иргэдэд нийгмийн амьдралд оролцоход нь барилга байгууламжийн түгээмэл загвар, мэдээлэл, харилцаа холбооны хүртээмжийн асуудал маш чухал байдаг байна. Тэдний оролцоо бүхий нийгэмд өөрсдийн эрхээ бүрэн дүүрэн эдлэхэд орчин, нийтийн тээвэр, мэдлэг, мэдээлэл болон харилцааны хүртээмжийг бүрдүүлж өгөх шаарлагатай юм. Харааны бэрхшээлтэй иргэдэд зориулан ТҮЦ машинаар үйлчлүүлэхэд дуу таних технологи нэвтрэх боломжтой эсэхийг судлаж байгаа тухай ” “Харилцаа холбоо, мэдээллийн технологийн газар”-ын мэдээлэл технологийн бодлого боловсруулах хэлтсийн дарга Б.Билэгдэмбэрэл онцлов.
Б.Цэцэг

Хөвсгөл аймгийн Тосонцэнгэл сумын Гандан хулгайд өртжээ. Хэрэг өчигдөр буюу энэ сарын 12-13-нд шилжих шөнө 03:00 цагт гарч ард түмний онгон шүтээн болсон хар морьт сахиусыг нь хулгайлсан байна.
Хулгайч нар цагдаа нарын эргүүл буусны дараа хэргийг үйлдсэн гэж таамаглаж байгаа аж. Тиймээс хэргийн талаар ямар нэгэн мэдээлэл сонссон хүмүүсийг сумын цагдаа болон орон нутгийн удирдлагуудад яаралтай мэдэгдэхийг хүслээ.
Б.Цэцэг

Энэ оны хоёрдугаар сарын 1-нээс жолоочийн хариуцлагын оноо тооцох журам хэрэгжиж эхэлсэн. Есдүгээр сарын байдлаар 82 жолоочийн зөрчлийн оноо дуусч, жолоодох эрхээ түтгэлзүүлсэн байна.

Гуравдугаар эмнэлгийн авто зогсоол ашиглалтад орлоо

Guys хамтлагийн дуучин Х.Бат-Ундрах хар тамхины хэрэгт холбогдон шүүхээс хоёр жил тэнсэн харгалзах ял оноосоод байгаа билээ. Харин тэрбээр шүүх хурлын дараа өгсөн ярилцгадаа залууст хандаж уриалга гаргажээ.

Сүүлийн жилүүдэд БНХАУ-д зорчиж буй манай иргэд БНХАУ-ын хууль зөрчих, гэмт хэрэг үйлдэх, ялангуяа хулгайн гэмт хэрэгт холбогдон саатуулагдах, улмаар ял авах тохиолдол ихсэх хандлагатай байна.

ИХ-ын Нийгмийн бодлого, боловсрол, соёл, шинжлэх ухааны байнгын хорооноос өнөөдөр /2016.10.12/ “Хөгжлийн бэрхшээлтэй хүний эрхийн тухай хуулийн хэрэгжилт, цаашдын зорилт” сэдэвт хэлэлцүүлгийг Төрийн ордноо зохион байгууллаа.

2016 оны УИХ болон нийслэлийн ИТХ-ын сонгуулийн сурталчилгааны мониторингийн дүнг хэвлэлийн хүрээлэнгийн дэргэдэх судалгааны албанаас танилцууллаа. Өдөр тутмын таван сонин, долоо хоног тутмын нэг сонин, мэдээллийн таван сайтын 32 хоногийн мэдээлэлд мониторинг хийсэн байна. Түүнчлэн нийгмийн сүлжээнд анх удаа мониторинг хийж 20 нэр дэвшигчийн фэйсбүүк аккаунт, 20 нэр дэвшигчийн твиттер аккаунт, улс төрийн чиглэлээр дагнан бичдэг долоон сэтгүүлчийн твиттер болон фэйсбүүк аккаунтын мэдээлэлд ажиглалт хийжээ.

Сүүлийн саруудад ebarimt.mn-д бүртгүүлэх баримтын тоо буурсаныг Гааль татварын мэдээллийн төвөөс хэлэв. Анх баримт бүртгүүлж эхлэхэд аж ахуйн нэгж, байгууллагууд дунджаар 20 сая баримт хэвлэж, иргэд 10 сая орчмыг нь бүртгүүлдэг байсан аж.

МАХН-ын дарга Н.Энхбаяр 2016 оны сонгуульд нэр дэвшигчээр бүртгэхээр татгалзсан хэмээж СЕХ, ЦЕГ-ын Мэдээлэл, технологийн хэлтсийг буруутган шүүхэд хандаад байсан. Тэгвэл түүний нэхэмжлэлийг өчигдөр Улсын дээд шүүхэд хянан хэлэлцээд хүчингүй болгожээ.

Энэ сарын 15-ны өдөр Дэлхийн харааны бэрхшээлтэй хүмүүсийн эрхийг хамгаалах өдөр тохиодог.

Өрхийн амьжиргааны түвшин тогтоох судалгаа Орон сууцны зээл авхад ч хамааралтай “Гэртээ LED зурагттай бол таны хүүхэд “хүүхдийн мөнгө” авахгүй” гэсэн үг иргэдийн дургүйцлийг хүргээд буй. Учир нь “хүүхдийн мөнгө”-ийг олгохдоо өрхийн амьжиргааны түвшин тогтоох судалгаагаар хамруулж олгож байгаа юм. Тэгвэл энэхүү судалгаа нь зөвхөн хүүхдэд хамаарахгүй тул иргэдийг судалгаанд анхаарал, болгоомжтой хандахыг Хөдөлмөр, нийгмийн хамгааллын яамнаас зөвлөлөө. Тодруулбал, цаашид яллагдагч этгээдэд хуульзүйн өмгөөллийн үйлчилгээ үзүүлэх, хүнсний эрхийн бичиг олголт, орон сууцжуулах хөтөлбөр, Монголбанкнаас тодорхой зээлийн хөтөлбөр, залуу өрхөд чиглэсэн жижиг дунд бизнесийн зээлийн хөтөлбөрүүдэд ашиглахаар тооцоо судалгаа хийж байгаа аж. Өрхийн амьжиргааны төвшнийг судлахдаа гурван жил тутамд нэг шинэчилдэг бөгөөд 2013-2015 оны судалгаагаар энэ удаагийн хүүхдийн мөнгийг олгож байгаа аж. Одоо өрхийн амьжиргааны судалгааг дахин шинэчлэхээр ажиллаж байгааг албаныхан дуулгалаа. Б.Цэцэг

АТГ-ааст нэр бүхий 245 иргэний хувийн мэдүүлгийг нь хянажээ
АТГ өнгөрсөн долоо хоногт 279 мэдүүлгийг хянан шийдвэрлэлээ. Үүнээс 245-ыг нь зөрчилгүй гэж үзсэн байна. Тус байгууллагаас МОНЦАМЭ мэдээллийн агентлагийн захирлаар томилогдохоор нэр дэвшсэн Б.Ганчимэг, “Монголросцветмет” ХХК-ийн гүйцэтгэх захирлаар томилогдохоор нэр дэвшсэн Б.Мөнхбат, Замын цагдаагийн газрын даргаар томилогдохоор нэр дэвшсэн Б.Даваазул, “Монгол шуудан” ХК-ийн гүйцэтгэх захирал Б.Анхбаатар нарын зэрэг 245 иргэний хувийн ашиг сонирхлын урьдчилсан мэдүүлгийг хянажээ.
Ингээд тухайн албан тушаалд томилоход ашиг сонирхлын зөрчил үүсэх нөхцөл байдал тогтоогдоогүй гэж үзсэн байна. Өөрөөр хэлбэл, эдгээр 245 хүний хувьд тухайн нэр дэвшсэн албан тушаалд томилоход харшлах сонирхлын зөрчил одоогоор байхгүй аж. Түүнчлэн 10 иргэний мэдүүлгийг буцааж, 24 иргэнд анхааруулга өгчээ.
Б.Цэцэг

“Хоромхон” баг 5 сая төгрөгөөр торгууллаа
Монголын Хөлбөмбөгийн Холбооны Онцгой байдлын хороо хуралдаж “Хоромхон” багийг 5 сая төгрөгөөр торгох шийтгэл оноолоо. Учир нь энэ сарын 11-нд болсон Монголын Хөлбөмбөгийн Холбооны цом 2016 тэмцээний өдрийн хагас шигшээ тоглолт болох ”Дэрэн” болон ”Хоромхон” багуудын тоглолтын үеэр Хоромхон багын зарим тоглогчид болон албаны хүмүүс шүүгчийн бүрэлдэхүүнийг хэл амаар дормжилж, спортын бус авир гаргасан байна. Тухайлбал, Хоромхон багийн эмч Н.Болор-Эрдэнэ нь талбайн туслах шүүгч Т.Галдансүхийн биед нь ноцтойгоор халдсан нь нотлогджээ. Мөн багийн эмч Н.Болор-Эрдэнэд хөлбөмбөгтэй холбоотой бүхий л үйл ажиллагаанд оролцох эрхийг 24 сараар хасаж 3,000,000 төгрөгөөр торгох шийтгэлийг оногдуулжээ.
Иймд баг тамирчид болон албаны хүмүүс Хөлбөмбөгийн холбооны дүрэм журмыг баримталж, fair play зарчмыг дагаж мөрдөхийг МХБХ-оос уриаллаа.
Б.Цэцэг

Нүүдлийн аялал жуулчлал ба хотуудын тогтвортой хөгжил” сэдэвт Торгоны замын олон улсын бага хурал Улаанбаатар хотод эхэллээ. НҮБ-ын Дэлхийн аялал жуулчлалын байгууллага, Монгол Улсын БОАЖЯ, “Дэлхийн хотуудын шинжлэх ухааны хөгжлийн холбоо” олон улсын байгууллага, Нийслэлийн Засаг даргын тамгын газар хамтран зохион байгуулж байна. Торгоны замын гишүүн улс орон, НҮБ-ын ах дүү хотуудын холбоо, НҮБ-ын Дэлхийн аялал жуулчлалын байгууллагын төлөөлөл нийтдээ 300 гаруй зочид төлөөлөгчид 3 өдрийн турш Улаанбаатар хотод чуулах юм.