Согтууруулах ундааны худалдах тусгай зөвшөөрлийг хүчингүй болгох шийдвэр гаргалаа

Баянсэлэнгэ ба ”Бэрэн”

Ерөнхийлөгч орон нутгийн иргэдтэй уулзана

осголтын байдалтай байсныг аварчээ

Б.Наранхүү хүчин хийж, авлига аваагүй ч...
2017 оны сүүлчээр хуульч Б.Гүнбилэг, Д.Миеэгомбо, Ч.Жадамба нар УИХ-ын гишүүн Б.Наран¬хүүг эгүүлэн та¬тах тухай асуудлаар Үнд¬сэн хуулийн цэцэд ханд¬сан. Үндсэн хуульд “УИХ-ын гишүүн бол ард түмний элч мөн бөгөөд нийт иргэн, улсын ашиг сонирхлыг эрхэмлэн барим¬тална” гэсэн байдаг. Гэвч Б.Наранхүү гишүүн УИХ-ын чуулганы нэгдсэн ху¬ралдаанд суухгүй бай¬гаа нь энэ үүргээ гүй¬цэт¬гэж чадаж байгаа эсэ¬хэд эргэлзээ төрүүлж бай¬на гэж хуульчид үзсэн бай¬даг. Өөрөөр хэлбэл, хуульд заасан бүрэн эр¬хээ хэрэгжүүлэхгүй бай¬гаа УИХ-ын гишүүн Б.Наранхүүг эгүүлэн татах үн¬дэс¬лэлтэй гэж байгаа. Харин хуульчдын дээрх үндэслэлийг Б.Наранхүү гишүүний сонгогдсон Дундговь аймгийн 16 дугаар тойргийн иргэд сонгогчид “Ард түмний төлөөлөл болж УИХ-д сонгогдсон гишүүнийг хэдхэн хүнийг сонирхлоор эргүүлэн татдаг юм биш. Түүнийг сонгосон Дундговийн иргэд мэдэх ёстой“ хэмээн эсэргүүцлээ илэрхийлж эхэлжээ.
УИХ-ын гишүүн Б.Наранхүү уг нь бизнесменийнхээ хувьд алсыг харж, томоор сэтгэдэг эр хүн. Харин улстөрч болж нэг л сайн төлөвшихгүй таслаад, хоцроод яваа нь яалт ч үгүй үнэн билээ. Тэрээр үүнийгээ ч нэг их нуулгүй ”Би сайн ойлгохгүй асуудалд оролцоод яадаг юм” хэмээсэн нь бий. Мань эр УИХ-ын Байнгын хорооны хурал, чуулганы нэгдсэн хуралдаанд суухаасаа илүүтэй Дундговь руугаа байсхийгээд л давхиж, зуны цагт энд тэндхийн наадам хэссэн шиг өнгөрүүлдэг наргианч хийморьлог нэгэн гэдгийг Монголчууд андахгүй.
Тэрээр 2011 оны буюу Тулгар төр үүсгэн байгуулагдсаны 2220, Үндэсний эрх чөлөөний 100, Их Монгол Улсыг байгуулсаны 805, Ардын хувьсгалын түүхт 90 жилийн ойн үндэсний их баяр наадмын азарганы уралдаанд гарсан цагаасаа хол тасарсан ч барианы зурхай дээр дайруулан аман хүзүүдэж байсан олон түмэнд ”Сүхээгийн хээр” гэж алдаршисан Сүхбаатар аймгийн Түвшинширээ сумын уугуул Пүрэвдоржийн унаган хээр азаргыг 500 сая төгрөг, Лексус 570 машинаар үнэлэн авч Монголын хурдан морины үнэ ханшинд дээд хэмжээ тогтоож байсан нэгэн гэдгийг наадамчин олон санаж л байгаа. Түүнээс хойш 700 сая төгрөгөөр үнэлэн авсан тэр азарга “Наранхүүгийн хээр азарга” нэртэй болж Дүнжингаравын хурдаас эхлээд Хотгойдын хурд, Нүүрэнтэйн хурд зэрэг олон том уралдаанд торгон жолоо өргүүлж, аргагүй л үнэ ханшиндаа таарсан хурдан буян гэдгээ нотолж УИХ-ын гишүүн Б.Наранхүүгийн баярын магнайг тэнийлгэсэн билээ.
УИХ-ын гишүүн Б.Наранхүү ч зуны дэлгэр цаг болон хавар бүрийн Дүнжингаравын хурд уралдааны үеэр л жинхэнэ хийморь нь сэргэж, буян хишгээ ч нүнжигтэй хаячихдагийг Монголчууд андахгүй сайн мэднэ. Түүний гараас Ланд-200, байрны түлхүүр гардсан азтай, одтой бөхчүүд, уяачид түүнд талархаж явдаг нь ч ойлгомжтой. Одоо харин эрхэм Б.Наранхүүг ”УИХ-д байх ёсгүй товариш. Эргүүлэн татуулна” хэмээн хэдэн хуульч нөхөд үзэж тараад эхэлсэн. Хэрэг явдал хэрхэн шийдэгдэх нь одоогоор тодорхойгүй. Гэхдээ сүүлийн үед нэгэн хошин гэмээр яриа төрийн ордон хавиар тэнүүчлэх болсон нь “Наранхүү ямар ”Мурат”-аа гозолзуулж, ”Гантулга”-аа тайлж шидсэн ч биш дээ” юм. Мөн түүнчлэн Дундговийн 16 дугаар тойргийн сонгогчдын төлөөллүүд Улаанбаатарт ирж Үндсэн хуулийн Цэц болон Дээд шүүхийн үүдээр эргэлдэж “Б.Наранхүү ямар хүчин хийж, авлига авчихсан биш. Сонгогчид бидний эрхэнд халдах гэсэн бусармаг үйлдлээ зогсоо” хэмээн эсэргүүцлээ илэрхийлж эхлээд байгаа аж. Харин УИХ-ын гишүүн Б.Наранхүүг эргүүлэн татах хууль эрх зүйн үндэслэл байгаа эсэхийг Үндсэн хуулийн цэц Их суудлын хуралдаанаараа шийдэх эсэхийг цаг хугацаа л харуулах болов уу.

Хоршоодын хүртээмж

Засгийн газрын ээлжит хуралдаан өнөөдөр 13.00 цагт болно. Нийт 10 шахам асуудал хэлэлцэхээр төлөвлөсөн байна.

Эрдэнэтчүүд баяраа тэмдэглээд сүйд. Чих часхийлгэж, хацар хайрах идэр есийн жавар тэдний баяр хөөрийг дэмжиж байгаа гэлтэй -28 хүрч тачигнав.

Монгол улсын нүүрсний нийт батлагдсан нөөц нь 37,4 тэрбум тн. Энэ нөөцийн 70- 80 орчим хувь нь хүрэн нүүрс бөгөөд Монгол улс өнөөдрийн байдлаар жилд 7-8 сая тн хүрэн нүүрс олборлож, хэрэглэж байна.

БНЧУ-ын Элчин сайдыг хүлээн авч уулзлаа

” Ипотекийн зээлийн урьдчилгаа 25 хувь, жилийн хүү нь 7.5 хувьтай байх боломжтой” гэсэн судалгааг энэ долоо хоногт багтаан Засгийн газарт танилцуулахаар болсон байна.

Томуу, томуу төст өвчнөөр өвчилсөн 0-5 хүртэлх насны хүүхэд энэхүү тогтоолоор баталсан эмийг өрх, сум, багийн эмчийн бичсэн жороор Эрүүл мэндийн даатгалын сангаас үнийн хөнгөлөлт үзүүлэх эмээр үйлчилдэг 800 гаруй эмийн сангаас авах боломжтой.

Ерөнхий сайд У.Хүрэлсүх “Рио Тинто”-гийн Гүйцэтгэх захиралтай уулзав
Монгол Улсын Ерөнхий сайд У.Хүрэлсүх “Рио Тинто” группын Гүйцэтгэх захирал Жан Себастъяан Жакийг хүлээн авч уулзав. Ерөнхий сайд У.Хүрэлсүх уулзалтын эхэнд хэлэхдээ хөрөнгө оруулагч талуудын хувьд бид Оюу толгой төслийг Монголын ард түмэнд өгөөжтөй байлгах, Оюу толгойн гүний уурхайн бүтээн байгуулалтыг үр ашигтай хэрэгжүүлэх шаардлагатай. Хамтарсан ажлын хэсэг байгуулах нь зүйтэй. Хувь нийлүүлэгчийн хувьд Монголын төр, Монголын ард түмэн Оюу толгой төслийн үр ашгийг нэмэгдүүлж өгөөжийг нь хүртэх нь эцсийн зорилго.
Иймд төслийн санхүүжилтийн зардал болон зээлийн хүүгийн хувийг бууруулах шаардлагатай байна. Мөн Таван толгойн ордод түшиглэн станц байгуулж говийн бүсийн эрчим хүчний хангамжийг нэмэгдүүлэх бүтээн байгуулалтыг хийх хэрэгтэй. Нүүрсний экспорт, ачаа тээвэрлэлтийг эрчимжүүлэх төмөр замыг барих ажлыг эхлүүлэх цаг нь болсон гэв.
Харин “Рио Тинто” группын Гүйцэтгэх захирал Жан Себастъяан Жак хэлэхдээ “Монгол Улсын Ерөнхий сайдын саналыг хүлээн авч, бүрэн дэмжиж байна. Цаашид хөрөнгө оруулагчид тууштай, тогтвортой бодлого хэрэгжүүлж, өгөөжөө өгөх урт хугацааны шийдэлд хүрэхийн төлөө Монгол Улсын Засгийн газартай хамтарч ажиллах хүсэлтэй байна. “Рио Тинто” групп нь Монгол Улс дахь үйл ажиллагаагаа өргөтгөж, хөрөнгө оруулалтаа нэмэгдүүлэх, хайгуулын хөтөлбөр болон Олон улсын технологийн үйлчилгээний чадавхиа бэхжүүлэх зорилгоор төлөөлөгчийн газраа нээгээд байна. Оюу толгой уурхай нь “Рио тинто” группын хамгийн аюул осолгүй, өндөр бүтээмжтэй, олон талт дэлхийн хэмжээний төслүүдийн нэг болсон. Өдгөө 14,000 орчим ажилтан ажиллаж байгаагийн 90 гаруй хувь нь монгол ажилчид. Тэдний ур чадвар өдрөөс өдөрт өссөөр байгаа” гэв.
Эцэст нь Ерөнхий сайд У.Хүрэлсүхийн Оюу толгой төслийн хувь нийлүүлэгчдийн хамтарсан ажлын хэсэг байгуулах хүсэлтийг биелүүлж ажиллах болно гэдгээ “Рио Тинто” группын Гүйцэтгэх захирал Жан Себастъяан Жак илэрхийлжээ.
Ямартай ч Ерөнхий сайд У.Хүрэлсүхийн Оюу толгойг эзэмшигч “РиоТинто”-гийн Гүйцэтгэх захирал Жан Себастьян Жактай хийсэн эхний уулзалт ажил хэрэгч байдалд өрнөжээ. Харин Жан Себастьян Жак захирал хэлсэн амандаа аль хэр хүрдэг болох нь удахгүй мэдрэгдэх бизээ.

ЖДҮ-ийн мэргэжилтнүүдийг чадавхижуулах сургалт боллоо

МҮЭ-ийн холбооны зүгээс Засгийн газар, Ерөнхий сайд У.Хүрэлсүхэд хандаж хэрэглэгчийг хохироон, хууль зөрчиж зах зээлд шатахууны зохиомол хомсдол үүсгэж буй холбогдох компаниудад “Өрсөлдөөний тухай хууль”-ийн 7.1.1, 7.1.2, “Хэрэглэгчийн эрхийг хамгаалах тухай хууль”-ийн дагуу хариуцлага тооцож хэрэглэгчийн эрхийг хамгаалахыг Засгийн газарт санал, шаардлага хүргүүлж байна. Энэ талаараа өнөөдөр МҮЭ-ийн холбооны ерөнхийлөгч Х.Амгаланбаатар, дэд ерөнхийлөгч С.Эрдэнэбат болон салбарын ҮЭ-ийн холбооны дарга нар хэвлэлийн хурлын үеэр мэдээлэл өгсөн юм.

НҮБ-ын гамшгийн эрсдлийг бууруулах газрын бүсийн төвийн даргатай уулзав

хүн төвтэй даатгал

Монголын Залуучуудын Холбоо, “Хандлагаа өөрчлье – Хамтдаа хөгжье” ТББ, “Мөрөөдөл Өртөө” НҮТББ нар хамтран хөгжлийн бэрхшээлтэй иргэдийн “Бүтээлч гар” үзэсгэлэн худалдааг 2018 оны 1-р сарын 27, 28-ны өдрүүдэд зохион байгуулах гэж байна. Үзэсгэлэн худалдааны зорилго нь хөгжлийн бэрхшээлтэй иргэдийн хөдөлмөр эрхлэлтийг дэмжин, тэдний урласан бүтээгдхүүнийг олон нийтэд суртчилан таниулах, худалдан борлуулах юм.

Х.Баттулга: Авлигач нартайгаа тэмцэхэд АНУ-ын тусламж хэрэгтэй байна
Хоёр хоногийн өмнө Ерөнхийлөгч Х.Баттулга АНУ-ын Төрийн департментын туслах Төрийн нарийн бичгийн даргын үүрэг гүйцэтгэгч Свзан Торнтонтой уулзаж “Оффшор данстай Монгол иргэдийн мэдээлэлийг олж авах, тэрхүү хууль бус хөрөнгийг буцаан оруулж ирэхэд АНУ-ын дэмжлэг хэрэгтэй байгаа”-г онцлон хүссэн билээ. Мөн авлигын эсрэг Румын улсын АТГ-ын дарга эмэгтэй Лаура Кодрута Ковеси ямар мундаг ажиллаж байгааг дурдаад “АНУ Румынд тийм арга хэмжээ болон мэдээлэл олж авахад тусламж дэмжлэг үзүүлж байгаа гэж бодож байна. Манай АТГ-т мөн энэ тусламж хэрэгтэй байна” хэмээн маш чухал хоёр асуудлыг онцлон ярьсан талаар Ерөнхийлөгчийн Тамгын газаас мэдээлэв.
Одоогоор Монголын 49 иргэн оффшор бүсийн 61 компанид хувь эзэмшиж байгааг АТГ-аас зарлаад байгаа. Энэ ч утгаар нь Ерөнхийлөгч Х.Баттулга 2017 оны долдугаар сарын 24-нд “Оффшор бүсэд хөрөнгө мөнгөө байршуулсан улстөрчид болон төрийн албан хаагчид 49 хоногийн дотор мөнгөө Монголдоо оруулан ирэхийг уриалж байна” хэмээн тэдэнд 49 хоногийн хугацаа өгсөн билээ. Тэр хугацаанд оффшор бүсээс “Петровис”-ын захирал Д.Энхчимэгийн аав Ч.Давааням л оффшор бүсээс 4.3 сая ам доллараа Монголд оруулан ирсэн бөгөөд Ч.Даваанямын хувьд АНУ-д амьдраад удаж байгаа нэгэн гэдэг.
Харин өнөөдөр хэл амтайхан Их Британи, Умард Ирландын Вант Улсад Элчин сайдаар сууж байгаа С.Баяр эхлээд Монголоос анх оффшорт холбогдож, сүүлдээ бүр БНХАУ-ын иргэншилтэй болж таарсан С.Баярцогт, УИХ-ын гишүүн Г.Тэмүүлэнгийн авга ах Ч.Батзориг, С.Баярын дунд охин, “Голден Уеллен Инк” компанийн захирал Б.Бадамханд, С.Баярын том охин Б.Нандин, бага охин Б.Хонгор, НИТХ-ын дарга асан Ц.Сандуйгийн төрсөн дүү Ц.Сэргэлэн гээд оффшорт данс эзэмшигч олон эрхмүүд “Усанд хаясан чулуу шиг” таг чиг алга болчихоод байгаа тул Монгол Улсын Ерөнхийлөгч Х.Баттулга ийнхүү ард түмэндээ амлаж гарч ирснээ ажил хэрэг болгохоор АНУ-аас дэмжлэг хүсэв.
Харин АНУ-ын засаг захиргаа, Төрийн департмент нь ямар хариу өгөх нь одоогоор тодорхойгүй байгаа. Уг нь АНУ-ын Төрийн департментын зүгээс Монгол Улсын НҮБ-ын Энхийг сахиулах үйл ажиллагаанд оролцож байгаа байдлыг ихэд өндрөөр үнэлдэг гэдгээ байн байн илэрхийлсээр ирсэн билээ. Тэгэхээр “Аяганы хариу өдөртөө, агтны хариу жилдээ” гэгчээр Монгол төрийн тэргүүний аргаа барсан гуйлтын хариуг АНУ дөмгөхөн шиг барих болов уу гэсэн горьдлого, итгэл Монголчуудад төрж байгааг хэлэх нь зүйтэй. АТГ-ын гар мухардаж, дарга даамлуудынх нь амыг хамхиж, эрх мэдлээр нь боомилочихоод байгаа энэ цаг үед Ерөнхийлөгч Х.Баттулга АНУ-ын Төрийн департменттэй харилцаагаа идэвхижүүлэх замаар хулгай, луйврын замаар Монголоос гарч далай давуулан нуусан 17-19 тэрбум ам долларын ядаж талыг нь олоод авбал Монгол Улс их өрийнхөө талыг нь ч болтугай төлж, бид маргаашдаа арай жаахан итгэлтэй болохсон.

АНУ-ын Дотоодын аюулгүй байдлын яам 2018 оны 1 дүгээр сарын 18-ны өдөр тус улсад H-2 ангиллын визээр иргэд нь нэвтрэх эрхтэй орнуудын жагсаалтад Монгол Улсыг оруулснаа албан ёсоор зарласан. Ингэснээр Монгол Улс анх удаа энэхүү жагсаалтад багтаж байгаа бөгөөд H-2A болон H-2B ангиллын виз авах эрх бүхий орнуудын жагсаалтад 2018 онд нэмэгдсэн цорын ганц улс боллоо.