Авлигатай тэмцэх газрын Хяналт шалгалт дүн шинжилгээний хэлтсийн Хяналт

Монголын Хөрөнгийн бирж дээр өнөөдөр I, II, III ангиллын 32 хувьцаат компанийн 969,358 ширхэг хувьцаа арилжигдсанаас 18 хувьцаат компанийн хувьцааны ханш өсч, 8 хувьцаат компанийн хувьцааны ханш буурсан бол 6 хувьцаат компанийн хувьцааны ханш тогтвортой байлаа.

УИХ-ын гишүүн О.Баасанхүү АТГ-т хандлаа

ХБНГУ-ын Засгийн газраас Германы Сэргээн босголт, зээлийн банкаар дамжуулан

Монгол Улсын сайд, Засгийн газрын Хэрэг эрхлэх газрын дарга Г.Занданшатар БНСУ-аас Монгол Улсад суугаа Элчин сайд У Суныг өнөөдөр хүлээн авч уулзлаа.

Төмөр замын хэрэгт сэжиглэгдэн интерполоор эрэн сурвалжлагдаж байсан

Лос Анжелес Клипперс баг сүүлийн 9 тоглолтондоо хожигдоод байгаа билээ. Тэгвэл тэдний хожигдлын цуврал цаашдаа ч үргэлжилж магадгүй болоод байна. Учир нь багийн түлхүүр тоглогчдын нэг Патрик Бэвэрли өвдгөндөө мэс засал хийлгэж энэ улирлыг өнжихөөр болсон байна.
Бэвэрли 11 – р сарын 10 – аас 11 – р сарын 18 хүртэлх хугацаанд өвдөгний бэртлийн улмаас таван тоглолтыг өнжөөд байсан. Улмаар баруун өвдгөндөө зайлшгүй мэс засал хийлгэх шаардлагатай болжээ.
Патрик Бэвэрлигийн хувьд өнгөрсөн зун Крис Полын солилцоогоор Клипперс багт ирж байсан юм. Клипперс баг улирлыг 4 хожлоор эхэлсэн ч түүнээс хойш хийсэн 12 тоглолтоос ердөө ганц хожил авсан билээ.
Клипперсийн өөр нэг холбон тоглогч болох Теодосич мөн бэртэлтэй байгаа. Тиймээс Остин Риверс, драфтын хоёр дугаар тойргийн сонголт Яавун Эванс нарын талбай дээр гүйцэтгэх үүрэг ихсэхээр болж байна.

Монголбанкнаас сар бүр тогтмол зохион байгуулдаг хэвлэлийн бага хурал өнөөдөр /2017. 11. 22 / боллоо. Тус хурлаар санхүү, эдийн засгийн сарын статистик үзүүлэлтүүд, Монголбанкнаас авч хэрэгжүүлж байгаа бодлого шийдвэрийн талаар тайлбар мэдээлэл өгдөг билээ.

Ээлжит хурлаар арилжааны банкнуудын нэгдсэн тайлангийн үзүүлэлтүүд, банкyуудын ипотекийн зээлийн тайлангийн гол үзүүлэлтүүд болон ханшийн статистик, төлбөрийн тэнцлийн статистикийн мэдээллийг Судалгаа статистикийн газрын захирал Статистикийн захирал Б.Батсүрэн өгч, Мөнгөний бодлогын газрын захирал Б.Баярдаваа, Хяналт шалгалтын газрын захирал Н.Батсайхан, Хууль эрх зүйн газрын захирал, Б.Ганбат, Эрх зүйн бодлогын хэлтсийн захирал Б.Эрдэнэхуяг, Нөөцийн удирдлага санхүүгийн зах зээлийн газрын Санхүүгийн зах зээлийн хэлтсийн захирал Д.Баянзул нар цаг үеийн асуудлаар мэдээлэл өглөө.

Энэ удаагийн Хэвлэлийн бага хурлаар 2017.11.16 ны өдөр УИХ-ын чуулганы нэгдсэн хуралдаанаар батлагдсан “Төрөөс мөнгөний бодлогын талаар 2018 онд баримтлах үндсэн чиглэл”-ийн тухай, “Төв банк (Монголбанк)-ны тухай хууль”, “Банкны тухай хууль”-д нэмэлт өөрчлөлт оруулах тухай хуулийн төслүүдийг Монголбанкнаас боловсруулж, хууль санаачлагчдаас УИХ-д өргөн мэдүүлсэнтэй холбогдуулан мэдээлэл өгч сэтгүүлчдийн сонирхсон асуултад хариулж, тайлбар өгөв.

Сэтгүүлчид энэ үеэр Монголбанк ханшийг тогтворжуулахад ямар бодлого баримтлах, инфляцийг онилсон бодлогодоо ямар зорилт дэвшүүлсэн болох, улс төрчдөөс санаачилж байгаа зээлийн хүүний хязгаарыг тогтоох нь зөв эсэхэд Монголбанкны байр суурь ямар байгаа гэх мэт нийгмийн анхаарлын төвд байгаа асуудлуудын хүрээнд тайлбар хүслээ.

Төв банкны тухай хуулинд Монголбанкны үндсэн зорилтыг төгрөгийн тогтвортой байдал гэж тодорхойлсон бол өргөн барьсан Төв банк(Монгобанк)-ны тухай хуулийн төслөөр үнийн тогтвортой байдал буюу инфляцийг тогтворжуулах нь төв банкны үндсэн зорилт байна гэж тусгаад байна. Ингэснээр төв банк нь интервенц хийж ханшийг тогтоох бус макро эдийн засгийн тогтвортой байдлыг хангаж, эдийн засгийн бодит секторыг дэмжих, санхүүгийн зах зээл дээр эрсдэл үүсгэхгүй байх бодлогыг хэрэгжүүлснээр ханш тогтвортой байлгах бодлого баримтална. Үүнээс гадна эдийн засгийн төрөлжүүлэлтийг яаралтай эхлүүлэх шаардлагатай байгаа ба эдийн засгийн төрөлжилтийн бодлогыг уул уурхайн бүтээгдэхүүний үнийн таатай үед эхлүүлбэл, илүү үр дүнтэй байдаг гэсэн судалгааны үр дүн бий. Энэхүү төрөлжилтөөс гадна эмзэг байдлыг багасгахад эдийн засаг, санхүүгийн хамгаалалтыг бий болгох нь чухал. Өөрөөр хэлбэл, төсөв, гадаад валютын нөөц талаасаа нөөцтэй, хүрэлцээтэй байх ёстой. Энэ чиглэл рүү Монголбанк анхаарал хандуулж, үндсэн чиглэлдээ тусган ажиллаж байгаа тухай МБГ-ын захирал Б.Баярдаваа тайлбарлалаа. Зээлийн хүүнд хязгаар тавих тухай асуудлын хувьд Монголбанкнаас зээлийн хүүг бууруулах үндэсний стратегийн баримт бичиг боловсруулах ажлын хэсэг байгуулан ажиллаж байгаа ба тус ажлын хэсгийн ахлагч ССГ-ын захирал Д.Ган-Очир уг асуудлаар Монголбанкны байр суурийг илэрхийллээ.

Зээлийн хүүг бууруулах стратегид урт болон богино, дунд хугацаанд юу хийх, төрийн байгууллагууд хэрхэн харилцан уялдаатай ажиллах зэргийг тодорхойлно. Одоо гарч буй холбогдох тооцоо, судалгаануудаас үзэхэд гол шалтгаан нь Монгол Улс богино хугацааны гадаад шоконд маш эмзэг байна. Өөрөөр хэлбэл, гадаад нөхцөлөөс өндөр хамааралтай байгаа үед эдийн засгийн тогтвортой байдлаа дагаад бодлогын хүү тогтворжих боломж бага. Түүнчлэн инфляци тогтвортой бус, валютын нөөц хангалттай түвшинд бүрэлдээгүй, гадаад шокийг валютын нөөцөөрөө интервенц хийх замаар шингээх боломж хязгаарлагдмал зэрэг суурь асуудлуудыг шийдэхгүйгээр өнөөдөр арга хэмжээ аваад, хүүг буулгах боломжгүй. Буулгасан ч суурь шалтгаанууд нь хэвээрээ байгаа учраас өнөөдөр буулгасан нь үр дүнд хүрэхгүй эргээд өснө. Төв банк зээлийн хүүг хүчээр тогтоож болох эсэх тухайд, банкны салбараас гарч байгаа бүх зээл, хадгаламжид хавтгайруулан хүүний дээд, доод хязгаар тогтоох нь эдийн засагтаа маш том сөрөг үр дагавартай ба санхүүгийн зуучлал зогсдог. Гэхдээ одоо явж байгаа хуулийн заалтыг бид арай өөр өнцгөөр харж байгаа. Тухайн аль нэг секторыг ач холбогдол, стратегийн хувьд дэмжих шаардлагатай гэж үзвэл тэр чиглэлд олгож байгаа зээлийн хүүнд хязгаар тогтоож өгөх эрх зүйн зохицуулалт нь байх шаардлагатай байна. Энэ утгаас нь харвал ийм зохицуулалт байж болно. Ипотекийн 8 хувийн зээл үүний нэг жишээ юм. Түүнээс бус нийтээр нь хавтгайруулах замаар зээлийн хүүг бууруулах зохицуулалт байж болохгүй гэдгийг төв банк ойлгож байгаа хэмээсэн юм.

УИХ-ын чуулганы хуралдаанаар Дэд хорооны бүрэлдэхүүнд өөрчлөлт оруулах тухай асуудлыг хэлэлцлээ.

УИХ-ын гишүүн, НББСШУ-ны Байнгын хорооны дарга Ё.Баатарбилэг, УИХ-ын гишүүн Д.Тэрбишдагва нар өнөөдөр (2017.11.23) НҮБ-ын суурин зохицуулагч, НҮБ-ын Хөгжлийн хөтөлбөрийн суурин төлөөлөгч хатагтай Биата Транкман тэргүүтэй төлөөлөгчдийг хүлээн авч уулзав.



Төлөөлөгчдийн бүрэлдэхүүнд Азийн хөгжлийн банкны Манила дахь төвийн Нийгмийн хөгжлийн асуудал хариуцсан зөвлөх Вэнди Вокер, НҮБ-ын Бүсийн тогтвортой хөгжлийн зорилтууд хариуцсан зөвлөх Михайла Прокол, Хөгжлийн хөтөлбөрийн Нью Йорк дахь төвийн Байгаль орчны бодлого хариуцсан зөвлөх Тим Скот, тус хөтөлбөрийн Бээжин дэх ахлах эдийн засагч Бил Бикалес, Хүн амын сангийн Ази номхон далайн бүсийн Эрүүл мэндийн эдийн засгийн зөвлөх Андерсон Стансиолэ, Хүн амын сангийн Монгол дахь суурийн төлөөлөгч Наоми Китахара, Хүүхдийн сангийн Ази номхон далайн бүсийн Нийгмийн бодлогын мэргэжилтэн Жун Фан нар багтаж байлаа.

Уулзалтын эхэнд Байнгын хорооны дарга Ё.Баатарбилэг УИХ-ын НББСШУ-ны Байнгын хороо НҮБ-ын Хүн амын сантай амжилттай хамтран ажиллаж байгааг дурдав. Мөн НҮБ-ын гишүүн орнуудын 2015 онд соёрхон баталсан Тогтвортой хөгжлийн зорилтууд болон 2030 он хүртэлх Монгол Улсын Тогтвортой хөгжлийн үзэл баримтлалыг хэрэгжүүлэхэд НҮБ-аас манай улсад дэмжлэг туслалцаа үзүүлж, эдгээр зорилтуудыг хөгжлийн бодлого, стратеги болон холбогдох салбарын үйл ажиллагааны төлөвлөгөөтэй уялдуулан хэрэгжүүлэхэд шаардлагатай санхүүжилт дэмжлэгийг үзүүлэхээр ажиллаж байгаа ажлын хэсгийн нийт бүрэлдэхүүнд талархал илэрхийлэв.

НҮБ-ын суурин зохицуулагч, Хөгжлийн хөтөлбөрийн суурин төлөөлөгч хатагтай Биата Транкман, шинээр томилогдсон Байнгын хорооны даргад баяр хүргээд “Бидний зорилго бол Монгол Улсын Засгийн газарт Тогтвортой хөгжлийн үзэл баримтлалаа биелүүлэхэд олон талт хамтын ажиллагааны байгууллагууд дэмжлэг үзүүлэхээр ирсэнээ уламжлав” гэлээ.

Ажлын хэсгийн төлөөлөгчид өөрсдийн хариуцаж буй салбартай холбоотой асуудлаар байр сууриа илэрхийлж, сонирхсон зүйлээ лавлав. Тухайлбал, Тогтвортой хөгжлийн зорилтод хүрэх явцад хэрхэн хамтарч ажиллах, шаардлагатай мэдээллийг хэрхэн авах, байгаль орчинд нөлөөлж байгаа асуудлыг Байнгын хороо хэрхэн авч үзэж байгаа, нийгмийн салбарт тусгасан төсвийн мөнгийг хэрхэн ашигтайгаах хуваарилах талаар тодруулав.



Байнгын хорооны дарга Ё.Баатарбилэг “Эрүүл мэндийг дэмжих зорилтын хүрээнд Монгол Улс 2030 он гэхэд Эрүүл мэндийн даатгалын тогтолцоог шинэчлэх, монгол хүнийг эрүүл урт удаан амьдрах нөхцлийг хангаж, дундаж наслалтыг 78-д хүргэх, эх, хүүхдийн эндэгдэлд нөлөөлөх хүчин зүйлийг багасгаж, эндэгдлийн түвшинг бууруулах зорилтууд тавьж ажиллаж байна.

Боловсролын чиглэлээр сургуулийн өмнөх насны нийт хүүхдийн 70 хувийг цэцэрлэгт хамруулах, мэргэжлийн өндөр ур чадвартай ажиллах хүчийг бэлтгэх, олон улсын хөдөлмөрийн зах зээлд хүлээн зөвшөөрөгдөхүйц мэдлэг, ур чадвартай төгсөгчдийг бэлтгэн гаргадаг дээд боловсролын тогтолцоотой болохоор зорьж байна” гэв.

Харин УИХ-ын гишүүн Д.Тэрбишдагва “Нийгмийн хамгаалал, хөдөлмөрийн чиглэлээр ядуурлыг бууруулах хөтөлбөр хэрэгжүүлж, нийгмийн халамжийг зорилтот бүлэгт чиглүүлж, иргэдийг мэргэжлийн сургалтад хамруулан, хөдөлмөр эрхлэх нөхцөлийг бүрдүүлж, ядуурлын түвшинг бууруулах шаардлагатай байна” гэлээ.

Байнгын хорооны дарга Ё.Баатарбилэг дээрх зорилтуудын хүрээнд НББСШУБХ-ны даргын хувьд болон Монгол Улсын Их Хурлын гишүүний хувьд тодорхой зорилтуудыг хэрэгжүүлэхэд НҮБ-аас түлхүү анхаарч ажиллах саналаа хүргүүлснээр уулзалт өндөрлөв гэж УИХ-ын Хэвлэл мэдээлэл, олон нийттэй харилцах хэлтэс мэдээлэв.

Хуульзүй дотоод хэргийн сайдаар Ц.Нямдоржийг томилогдсоны дараа ТЕГ-ын дарга асан, хошууч генерал Б.Хурц ноцтой мэдээлэл хийсэн юм.

https://www.facebook.com/altankhuyag.norov/videos/1923560864322479/

general

Тэрээр “Ц.Нямдорж сайд болохоороо С.Зоригийн хэрэг дээр ажиллаж байгаа хүмүүсийг сольдог. Хэргийг тагнуулын байгууллагаас салгадаг нь цаанаа улс төрийн зорилготой. Мөн Ц.Нямдорж, Д.Дорлигжав, Н.Алтанхуяг нарын бүлэглэл хүчтэй. Шахаа хийдэг” хэмээн ярив. Мөн сүүлд “Цензургүй” яриа нэвтрүүлэгт орохдоо ч энэ тухай ярьсан юм. Тэгвэл энэ талаар Монгол Улсын 27 дахь Ерөнхий сайд Н.Алтанхуяг “Хонгилын цаад эзэн, гардан гүйцэтгэгч нарт хариуцлагаа тооцооч ээ” хэмээн жиргэжээ. Жиргээнд өөрийнхөө “Гишүүдийг үгэнд орохгүй бол шоронд хийнэ гэж айлгадаг. Дараа нь идсэн, уусан, авилга авсан мэтээр мэдээлэл цацаж нийгмийн сэтгэлзүйг бэлдэнэ. Энэ бол төрийн байгууллагуудын хийж байгаа үйлдэл. Ингэж худал мэдээлэл хэргээр цацсаны дараа хууль хяналтын формтой хүмүүс гарч ирээд ярина” гэсэн яриаг хавсаргажээ.

Эх сурвалж: Зууны мэдээ сонин

ТЕГ-ын Сөрөг тагнуулын газрын дарга асан хурандаа Д.Цогтбаатар Б.Хурцыг

Улаанбаатар хотод өнөөдрийн байдлаар 87 чиглэлд 937 автобус нийтийн тээврийн үйлчилгээ үзүүлж, өдөрт дундажаар 600-700 мянган зорчигч тээвэрлэж байна.

Замын хөдөлгөөний ачааллаас шалтгаалан автобус хоорондын интервал холдож, хүлээлгийн хугацаа нэмэгдэх, тээврийн хэрэгслүүд нэг зогсоолд давхцан ирэх зэрэг хүндэрлүүд гарч байгаа юм. Ингэснээр батлагдсан цагийн хуваарийн дагуу үйлчилгээ үзүүлэх боломжгүй болж нийтийн тээврийн үйлчилгээний зардал нэмэгдэх зэрэг тулгамдсан асуудал үүсээд байна.

Иймд нийтийн тээврийн үйлчилгээний оргил цаг, ачаалал ихтэй үед үйлчилгээний хүртээмжийг нэмэгдүүлэх, ачаалал ихтэй зогсоолуудын ачаалалыг бууруулах чиглэлээр дараах зохицуулалтын арга хэмжээнүүдийг хэрэгжүүлэхээр төлөвлөн тодорхой ажлуудыг эхлүүлээд байна.

Нийслэлийн Тээврийн газрын орлогч дарга Х.Булгаа “Өнөөдрийн зохицуулалтаар оройдоо нэмэлтээр 99 автобусыг үйлчилгээнд гаргаж байна. Тухайн автобуснуудыг иргэдийн зорчигч урсгалтай нийцүүлэн хамгийн их ачаалалтай газруудад гаргаж байгаа. Иргэд нийтийн тээврээр зорчихдоо картаар үйлчлүүлж байгаатай холбогдуулан аль чиглэлд, хэдэн хүн, хэдэн цагийн үед явж байна гэсэн тоон судалгаа бүрэн гарч ирж байгаа юм. Энэ судалгаан дээр үндэслэн төлөвлөлтүүдийг хийгээд явж байна. Мөн 20 гаруй чиглэлд автобуснуудын өглөө гарах цагийг 5-10 минутаар урагшлуулах, орой 22:00-23:00 цаг хүртэл сунгах ажлуудыг хийгээд байна” хэмээн ярилаа.

Өглөөний оргил ачаалалын үед:

Нийтийн тээврийн үйлчилгээний ачаалал ихтэй дундын зогсоолуудын ачааллыг бууруулж иргэдийн зорчих эрэлтийг ханган ажиллах үүднээс холбогдох судалгааг хийж, өглөөний пик цагуудад ажлын өдрүүдэд өглөөний 07:25-07:40 цагийн хооронд хотын захын ачаалал ихтэй таван цэгээс /Саппоро, 3-р эмнэлэг, 10-р хороолол, 25-р эмийн сан, 7-н буудал/ зургаан чиглэлд тус бүр нэг автобус явуулах төлөвлөлтийг хийж, үйлчилгээг зохион байгуулан ажиллаж байна.



№

Зогсоолын нэр

Зохицуулалт хийсэн чиглэл

Эх авах цаг

1

Саппоро

Ч:45”Ганхийц - ХМК - Зайсан”

7:40

2

3-р эмнэлэг

Ч:3 “Зүүнсалаа – Халдвартын эмнэлэг”

7:25

3

10-р хороолол

Ч:40 “Махимпекс – Тэнгис кино театр - Улаанхуаран” Ч:59 “ХМК-Офицеруудын ордон”

7:30

7:40

4

25-р эмийн сан

Ч:57 “Улаанчулуут -Их наран - МУИС”

7:30

5

7 –н буудал

Ч:7 “Нисэх – Төв номын сан - 7 буудал-Зунжин”

7:30



Оройн оргил ачааллын үед:

Зорчигч урсгал багатай өдрийн цагт ажиллах тээврийн хэрэгслийн тоог бууруулж, зардлыг нэмэгдүүлэхгүйгээр оройн оргил ачааллын үе буюу 17:00-21:00 цагт ажиллах тээврийн хэрэгслийн тоог нэмэгдүүлэх зохицуулалт хийсэн. Үүнд: 8 аж ахуйн нэгж, байгууллагын 17 чиглэлийн 57 тээврийн хэрэгслийн өдрийн цагт цонхлуулж, оройн ачаалалтай цагаар 20 гаруй чиглэлд дунджаар 99 тээврийн хэрэгслээр нэмэгдүүлэх графикийн зохицуулалтыг хийсэн.

Дээрх зохицуулалт хийгдснээр орой 20:00 цагт ажиллах тээврийн хэрэгслийн тоог 73-аар нэмэгдүүлж 855 автобус, 21:00 цагт ажиллах тээврийн хэрэгслийн тоог 91-ээр нэмэгдүүлж 670 автобус, 22:30 цагт ажиллах тээврийн хэрэгслийн тоог 49-өөр нэмэгдүүлж 310 автобус тус тус ажиллахаар төлөвлөлтийг хийж, үйлчилгээний хүртээмжийг нэмэгдүүлэх зохион байгуулалтыг хийсэн байна.

Иргэдийн санал хүсэлтээр хот орчмын болон алслагдсан 20 гаруй чиглэлд өглөөний эх авалтын цагийг урагшлуулах, оройн буултын цагийг хойшлуулах графикийн зохицуулалт хийсэн.

Оройн оргил цагаар ачаалал ихтэй дундын зогсоолуудын байршил болон цагийг тодорхойлох судалгаа хийж ажлын өдрүүдэд оройн 18:10-19:50 цагийн хооронд хотын төвийн ачаалал ихтэй МУБИС, Мөнгөн завъяа, Ард кино театр, Ионсей эмнэлэг зэрэг цэгүүдээс 20-30 минутын давтамжтайгаар хотын захын 7 чиглэлд тус бүр 4 автобус явуулах төлөвлөлтийг хийж, хэрэгжүүлэх бэлтгэл ажлыг хангаж байна.

Энхтайвны өргөн чөлөөний дагуу автобусны 1-р эгнээ болон бусад ачаалал ихтэй авто замуудад нийтийн тээврийн хэрэгслийг чөлөөтэй зорчих боломжийг хангах үүднээс Замын Цагдаагийн алба болон Замын хөдөлгөөний удирдлагын төвтэй хамтран тус газрын авто тээврийн хяналтын улсын байцаагчид хяналт, шалгалтын ажлыг эрчимжүүлээд байна. Тухайлбал энэ сарын 21, 22-ны өдрийн мэдээгээр автобусны хөдөлгөөнд саад учруулсан болон зогсоол дээр удаан зогссон 408 зөрчил илрүүлж, 123 зөрчилд сануулах, 114 зөрчилд 2 сая 320 мянган төгрөгөөр торгох, 10 зөрчилд бичиг баримт хураасан, 161 зөрчлийг баталгаажуулан ЗХУТ-д хүргүүлэн, шуудангаар торгууль илгээх арга хэмжээг тус тус аваад байна.

Нийтийн тээврээр зорчигчид Та бүхэн UB Smart bus application-ийг гар утсандаа татаж сонгосон чиглэл дээрээ даран хүлээж буй автобус чинь аль буудал дээр явж байгааг шууд онлайнаар мэдээллийг авах боломжтой гэж нийслэлийн ЗДТГ-ын хэвлэл мэдээлэл, олон нийттэй харилцах хэлтсээс мэдээлэв.

Махны дундаж үнэ

2017 оны 11-р сарын 4-р долоо хоногт хонины ястай мах нэг килограмм нь дунджаар 5380 төгрөг, үхрийн ястай мах нэг килограмм нь дунджаар 6665 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 0.5 хувиар буюу 35 төгрөгөөр буурч, харин үхрийн цул махны үнэ тогтвортой байлаа. Энэ 7 хоногийн ажиглалтаар үхрийн мах “Хархорин” хүнсний захад хамгийн хямд буюу 5100 төгрөг, Харин “Меркури” хүнсний захад хамгийн өндөр үнэтэй буюу 6800 төгрөг байна. Хонины ястай махны үнэ өмнөх долоо хоногтой харьцуулахад 0.2 хувиар буюу 10 төгрөг, хонины цул махны үнэ 0.5 хувиар буюу 30 төгрөгөөр тус тус буурсан байна. Энэ долоо хоногийн ажиглалтаар хонины мах “Хүчит Шонхор” хүнсний захад хамгийн хямд буюу 3900 төгрөгөөр, харин “Меркури” хүнсний захад хамгийн өндөр үнэтэй буюу 5500 төгрөгөөр худалдаалж байна.

Гурилын үнэ

2017 оны 11-р сарын 4-р долоо хоногт нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1250-1500 төгрөг, 1-р зэргийнх 1000-1300 төгрөг, 2-р зэргийнх 819-900 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1300 төгрөгийн үнэ ханштай байна. Харин “Барс” хүнсний захад дээд зэргийн “Алтан тариа” гурил 1250 төгрөг, 1-р зэргийн гурил 1100 төгрөгөөр тус тус зарагдаж байна. “Атар” талх хүнсний зах, дэлгүүрт 1100-1220 төгрөгийн үнэтэй байна. “Бөмбөгөр”, “Оргил”, “Хархорин” хүнсний захуудад “Атар” талхыг хамгийн хямд буюу 1100 төгрөгөөр, харин “Макс” супермаркетад хамгийн өндөр үнээр буюу 1220 төгрөгөөр худалдаалж байна.

Төмс, хүнсний ногоо

2017 оны 11-р сарын 4-р долоо хоногт өмнөх долоо хоногтой харьцуулахад монгол төмс 3.8 хувиар буюу 40 төгрөгөөр, байцаа 0.9 хувиар буюу 15 төгрөгөөр буурчээ.

Н.Пүрэвдорж: Жолоочийн үнэмлэхийг энэ сард багтаан хэвлэнэ

Зургаан бүсгүйг хүчээр биеийг нь үнэлүүлж байсан этгээдүүдийг цагдаагийн байгууллага илрүүлжээ.

Монгол Улсын Ерөнхийлөгчийн дэргэдэх Иргэний танхимд өнөөдөр “ОФФШОР БҮСЭД БАЙРШСАН МӨНГӨН ХӨРӨНГИЙГ ЭРГҮҮЛЭН ТАТАХ

Зохиогч: Фридрих-Эбертийн сангийн Монголыг хариуцсан суурин төлөөлөгч Др. Нийлс Хегевиш
Эцэг хуулиас асуухын цаг дор - Тайван бус цагт ч Германы төлөө сэтгэлээ чилээхгүй байхын учир
Германы улс төр өөрийн гольдролоор, аливаа ноцтой асуудалгүй явсаар гүнзгий хямралтай нүүр тууллаа. Энэ оны есдүгээр сард болсон Бундестагийн сонгуулийн дараа Засгийн газрыг бүрдүүлэх дараах хоёр боломжит хувилбараас аль нэгийг нь сонгох ёстой болсон юм: Нэгдүгээрт Ангела Меркелийн удирддаг Христосийн Ардчилсан Холбоо Нам (ХАХН), Германы Социалдемократ Намын (ГСДН) их эвслийг цааш нь үргэлжлүүлэх. Хоёрдугаарт Германы түүхэнд урьд өмнө нь байгаагүй ХАНХ, либерал үзэл баримтлалтай Германы Чөлөөт Ардчилсан Нам (ГЧАН) болон байгаль орчны төлөөх Ногоон Намын (НН) хамтран эвслийн Засгийн газрыг байгуулах. Энэ удаагийн сонгуулиар өмнөх сонгуультай харьцуулахад ихээхэн чамлалттай амжилт үзүүлсэн социал-демократууд сонгуулийн үр дүн гарсан оройдоо засгийн эрхийг баригч эвслээс гарлаа гэдгээ зарласан. ХАХН, ГЧАН, НН дөрвөн долоо хоногийн туршид эвслийн Засгийн газар хамтран байгуулах тухай хэлэлцсэний эцэст өнгөрсөн долоо хоногийн ням гаригт ГЧАН хэлэлцээрийг орхих болсноо зарласан юм.
Ингэснээр Ангела Меркелийн удирдлага дор шинэ Засгийн газар байгуулагдах боломж шавхагдав. Холбооны Канцлерийн улс төрийн карьер уруудахын ирмэг дээр тулж ирлээ. ХАХН, ГЧАН, НН-ын эвслээс өөр Засгийн газар байгуулах хэмжээний олонх бүрдүүлэх боломж Бундестагт байхгүй. 1949 оноос хойших Германы түүхэнд улс төрийн ийм нөхцөл байдал тохиолдож байсангүй. Зөвхөн үүгээр зогсохгүй, Германы өнөөгийн түүхэнд урьд өмнө тохиолдож байгаагүй олон үйл явдал болсон юм. Тухайлбал Германы Бундестагт барууны популистууд босго даван орж ирлээ. Мөн ГСДН есдүгээр сард болсон сонгуульд түүхэндээ байгаагүй муу амжилтыг үзүүлснээс гадна ХАХН дөрвөн жилийн өмнөх сонгуулиар авсан саналаасаа үлэмж хэмжээгээр алдсан явдал юм. Хэдийгээр эдийн засаг нь хүчирхэг, гадаад улс орнуудад нэр хүндтэй байгаа ч ХБНГУ-ын өмнө томоохон сорилтууд тулгараад байна. Улс төрийн гүнзгий хямралд орлоо гэх мэдрэмж хүрээгээ улам тэлсээр. Герман засаглах боломжгүй улс болчхов уу? Одоо цаашид яах вэ? Эдгээр асуултуудад өгөх тодорхой хариулт Германы эцэг хуульд бэлэн гэж хэлж болно.
Германы Үндсэн хуулийн эцгүүд түүхэн тэр цагт өнөөгийнхтэй адил нөхцөл байдал үүсэх боломжтой гэдгийг урьдчилан хараад хариултыг нь өгчихжээ. Тэр нөхцөл өдгөө бүрдлээ. Дэлхийн хоёрдугаар дайн төгсгөл болж нацист-дэглэм нуран унаснаас хойш дөрөвхөн жилийн дараа 1949 онд ХБНГУ байгуулагдсан. Германы хөрсөн дээр байгуулагдсан хоёрдох ардчилсан улсын Үндсэн хуулийг эхний ардчилсан улсын мөхлийн гэрч болсон тэр л иргэд боловсруулсан юм. Ваймарын Бүгд Найрамдах Улс өөрөө өөрийгөө нураахыг харах тухайн үед хүнд цохилт байсан. 1933 онд үндэсний социалистууд засгийн эрхэнд гарч ардчиллыг алхам алхмаар үгүй хийх шийдвэрүүдийг парламентаар гаргуулсаар байсан. 1933 он гэхэд цөөхөн хүн ардчилалд үнэнч үлдсэн юм. Дэлхийн нэгдүгээр дайны ялагдал, дэлхийн эдийн засгийн хоёр удаагийн хямрал, засаглалын хямрал-германчууд эдгээрийг бүгдийг нь ардчилалтай холбож байлаа. Эцэст нь ардчилал ардчилалд итгэдэг ардчилагчдаар дутагдаж эхэлсэн юм. Үүний дараа гамшиг нүүрлэсэн.
Энэ суурин дээр өнөөгийн Үндсэн хууль бичигдсэн юм. Эцэг хуулийн зорилго нь ардчилал аливаа хямралыг үл ажрах хэмжээнд бат бэх болгоход чиглэгдэж байлаа. Иймээс өнөөдрийнх шиг хямрал тохиохын цагт эцэг хуульд хариулт нь бэлэн байж, салхич шувууны нүдэнд хамгийн түрүүнд ард түмний төлөөлөл болсон Холбооны Ерөнхийлөгч тусах ёстой юм шүү гэдгийг Үндсэн хууль боловсруулагчид сануулсан. Тэгвэл эцэг хууль дээрх асуултуудад ямар хариулт өгч байна вэ гэдгийг судлая. Герман улс сонгогчдын даалгавраар байгуулагдах ёстой Засгийн газраа байгуулж чадахгүй мухардалд орсон үед ч засаглалгүй орон болчихгүй байх баталгааг Үндсэн хуулиар хангаж өгсөн. Энэ нөхцөлд байгуулагдах Засгийн газарт хугацаа заагаагүй. Онолын хувьд Ангела Меркель үүрэг гүйцэтгэгч Засгийн газраа тэргүүлэн, үүрэг гүйцэтгэгч Канцлер хэвээр 2021 оны сонгуультай золгох боломжтой. Холбооны Канцлерийн сонгууль амжилттай болсон эсвэл амжилтгүй болсон нөхцөлд хэрхэхийг тодорхой заасан. Германы Үндсэн хуулийн 69-р зүйлд Холбооны Ерөнхийлөгч үүрэг гүйцэтгэгч Засгийн газрыг хугацаагүйгээр байгуулах эрхтэй. Үүрэг гүйцэтгэгч Засгийн газар Бундестагийн олонхоос сонгогдсон Засгийн газрын бүх эрх мэдлийг эдэлнэ. Үндсэн хуулийн 63-р зүйлд зааснаар Холбооны Ерөнхийлөгч Канцлерт нэр дэвшигчийг Бундестагт санал болгодог. Холбооны Ерөнхийлөгчийн санал болгосон нэр дэвшигч Бундестагийн гишүүдийн олонхийн саналыг авах ёстой. (Гэхдээ зөвхөн тухайн өдрийн хуралдаанд оролцсон гишүүдийн олонхи бус харин нийт сонгогдсон гишүүдийн олонхийн саналыг авах ёстой.) Уг санал хураалтыг Канцлерийн олонх гэж нэрлэдэг. Канцлерт нэр дэвшигч сонгогдсон бүх гишүүдийн талаас доошгүй хувийн саналыг авсан тохиолдолд Холбооны Ерөнхийлөгч тухайн нэр дэвшигчийг Канцлераар томилно. Эхний санал хураалт амжилтгүй болбол Бундестагийн гишүүдийн 25-аас доошгүй хувь нь аль нэр дэвшигчийг Канцлерт санал болгохоор нэгдсэн бол тухайн нэр дэвшигчийг Канцлераар томилох эсэх тухай санал хураалт явуулж болно. Санал хураалт дахин амжилтгүй болсон нөхцөлд нэн даруй дараагийн нэр дэвшигчийн төлөө санал хураалт явуулна. Хоёр долоо хоногийн хугацаанд багтаж тоон хязгаарлалтгүйгээр санал хураалтыг давтан явуулж болно. Энд нэг шийдвэрлэх ялгаа бий. Хэн хамгийн олон санал авна, тэр нэр дэвшигч Канцлераар сонгогдоно. Дараа нь эргээд эрх мэдэл Холбооны Ерөнхийлөгчийн гарт шилжинэ: Тэрээр Бундестагийн санал болгосон, Бундестагийн олонхоор сонгогдсон нэр дэвшигчийг Канцлераар томилж болно, эс бөгөөс Бундестагийг тарааж ч болно. Энэ шийдвэрийг Ерөнхийлөгч дангаараа гаргана. Өнөөгийн нөхцөлд Холбооны Ерөнхийлөгч Бундестагаас сонгогдсон Канцлерийг томилох шийдвэр гаргавал магадгүй цөөнхийн Засгийн газар байгуулагдана. Цөөнхийн Засгийн газар байгуулах эрх зүйн нөхцөл бүрэн хангагдсан. Шинээр Засгийн газар байгуулах нь Засгийн газрыг унагаахаас илүү хялбар. Учир нь Бундестаг цөөнхийн Засгийн газрыг унагахыг хүсвэл зөвхөн шинэ Канцлерийг олонхоороо сонгосны дараа огцруулах боломжтой. Энэ тохиолдолд цөөнхийн Засгийн газар тогтвортой эвслийн Засгийн газраар солигдох нь лавтай. Энэхэн цаг үед дэлхийн хамгийн хүчирхэг эмэгтэйн хувь заяа чухамдаа Германы хамгийн сул улс төрийн тоглогчоос хамаарч байгааг хувь заяаны шоглоом гэхээс өөр юу гэхэв. Энэ бол санамсаргүй тохиолдол биш, харин Үндсэн хуулийн ов мэх. Бусад үед эрх мэдэлгүй Ерөнхийлөгчийн гарт хямралт үед л эрх мэдэл шилждэг байхаар эцэг хууль зохицуулсан. Чухам эрх мэдэлгүй учраас л тэр ардчиллын үнэнч өмгөөлөгч нь байж чаддаг. Улс төрийн аль нэг нам амжилттай байлаа гээд Холбооны Ерөнхийлөгчид түүнээс хожих хожил гэж үгүй. Харин Германы ардчилал мөхвөл ерөнхийлөгч хүн байгаа бүхнээ алдана.
Өнөөгийн Eрөнхийлөгч Франк-Вальтер Штайнмайер даваа гаригт “улс төрийн намууд Засгийн газраа байгуулж чадна“ гэдэгт итгэж байгаагаа илэрхийлсэн. Ингэснээрээ тэр бараг бүх намуудын “дахин сонгууль явагдана” гэдэг хүлээлтэд “үгүй” гэх хариултаа өгсөн. Гэхдээ тэрбээр олонхийн Засгийн газрыг дэмжих үү? эсвэл цөөнхийн Засгийн газрыг дэмжих үү? гэдэг асуултын хариултыг зориудаар тодорхой бус орхилоо. Мөн тэрбээр өнөөгийн Канцлер Ангела Меркелийг санал болгох уу? эсвэл өөр нэгэн өөр нэр дэвшигчийг Канцлерт санал болгох уу? гэдгээ мөн зориудаар тодорхой бус үлдээлээ. Энэ бүгдийг зохицуулах нь есдүгээр сард Бундестагийн сонгуулиар сонгогдсон улс төрийн намуудын шийдэх ёстой асуудал. Ерөнхийлөгчийн шийдвэр улс төрийн намуудад таалагдах эсэхээс үл хамааран энэхэн цаг үед нэг зүйл тодорхой болоод байна: Холбооны Ерөнхийлөгч хүсэхгүй бол дахин сонгууль явагдахгүй.

Нийслэлийн Засаг даргын зөвлөлийн 11 сарын 23-ны өдрийн 39 дүгээр хуралдаан Хангарьд ордны хуралдааны танхимд хуралдаж байна. Хуралдаанаар Нийслэлийн 2018 оны төсвийн төслийг хэлэлцэж байгаа бөгөөд НИТХ-д өнөөдөр өргөн барина.

Мөн Засаг даргын зөвлөлийн хуралдаанаар Нийслэлийн газар зохион байгуулалтын 2017 оны төлөвлөгөөний биелэлт, 2018 оны газар зохион байгуулалтын төлөвлөгөө, Нийслэлийн өмч хувьчлалын 2017 оны дүн, 2018 онд хувьчлах эд хөрөнгийн жагсаалт гэсэн асуудлуудыг хэлэлцэнэ гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Баянзүрх дүүргийн Засаг даргын Тамгын газрын Хуулийн тасгаас Тамгын газрын албан хаагчид, хороодын Засаг дарга, Засаг даргын дэргэдэх харьяа, хэлтэс албадын дарга нарын эрх зүйн мэдлэгийг дээшлүүлж, чадваржуулах зорилготой сургалтыг Хууль зүйн дотоод хэргийн яамтай хамтран амжилттай зохион байгууллаа.

Уг сургалтаар 2016 оны 7 дугаар сарын 1-ний өдрөөс хэрэгжиж эхэлсэн Захиргааны ерөнхий хуулийн агуулга, үзэл баримтлал, ач холбогдол, захиргааны хэм хэмжээний акт, Захиргааны шийдвэр гаргах ажиллагаа, Захиргааны төлөвлөлт, Захиргааны шийдвэр гүйцэтгэл, хариуцлага болон Захиргааны актад гомдол гаргах, түүнийг шийдвэрлэх журмын талаарх ойлголтыг өгч, санал солилцсон юм.

Дашрамд мэдээлэхэд, энэхүү сургалтыг Хууль зүй дотоод хэргийн яамны Хууль зүйн бодлогын газрын сургагч багш, Захиргааны хэм хэмжээний актын Хяналт,бүртгэлийн хэлтсийн ахлах мэргэжилтэн Д.Алтантуяа, Удвал нар хийсэн юм хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.