Монгол Ардын Намын XXVIII Их хурлын төлөөлөгчид жанжин Д.Сүхбаатарын хөшөөнд цэцэг өргөж, Их Эзэн Чингис хааны хөшөөнд хүндэтгэл үзүүлж, дурсгалын зураг татууллаа.

СХД-ийн 23-р хороо “Гэр шатаж байна гэх” мэдээллийг цагдаагийн байгуулагад 11-р сарын 17-нд өгсөн байна. Дуудлагын дагуу шалгалтын ажиллагаа явуулахад, СХД-ийн 23-р хороонд суух 37 настай эрэгтэй Э-ын 5 ханатай монгол гэр бүрэн шатаж 5-10 насны 3 хүүхэд шатаж нас барсан байжээ. Хэргийг СХД-ийн цагдаагийн гуравдугаар хэлтэс шалгаж байна.

Эцэг, эх, асран хамгаалагчид бага насны хүүхдээ гэрт нь цоожилж үлдээх, харгалзах хүнгүй байлгаснаас үүдэлтэй ахуйн хүрээний осол гэмтлүүд ихээр бүртгэгддэг. Тиймээс цахилгааны аюулгүй байдлаа байнга анхаарч бага насны хүүхдэдээ тавих хараа хяналтаа сайжруулахыг анхааруулж байна.

Ажлын хэсэг Булган аймгийн ИТХ-ын дарга М.Оюунбат, аймгийн Засаг дарга З.Батзориг болон харьяа агентлагуудын дарга, удирдлагатай уулзаж орон нутагт ажиллах удирдамжийг танилцуулж, зохион байгуулалтын арга хэмжээ авлаа.

Аймгийн ИТХ, аймгийн Засаг даргын Тамгын газар, Засаг даргын хэрэгжүүлэгч агентлагуудын хүний нөөцийн бодлогын хэрэгжилт, албан тушаалтны гаргасан хувийн ашиг сонирхлын болон хөрөнгө, орлогын мэдүүлэг, ашиг сонирхлын зөрчилгүй гэдгээ илэрхийлсэн мэдэгдэл, төрийн үйлчилгээний өнөөгийн байдал, тухайн байгууллагад ирүүлсэн өргөдөл, гомдол, мэдээллийн тоо, тэдгээрийн агуулга, шийдвэрлэлт, төсөв, санхүү, худалдан авах ажиллагаа, Авлигатай тэмцэх үндэсний хөтөлбөрийн хэрэгжилтийн явц, хэрэгжүүлсэн арга хэмжээ зэргийг шалгаж, арга зүйн туслалцаа үзүүлэн ажиллаж байна.

Тус ажлын хэсэг иргэдтэй уулзаж гомдол мэдээллийг хүлээн авах бөгөөд Булган аймгийн Булган, Баян-Агт, Бугат, Сайхан, Хутаг-Өндөр зэрэг суманд ажиллав.

МАХН-ын Гүйцэтгэх товчооны гишүүн, МАХН-ын хуульч Л.Мөнхсайхан, намын Хяналт, ёс зүйн хорооны дарга Г.Давааням нар мэдээлэл хийлээ.

Гадаадын иргэний эрх зүйн байдлын тухай хуулийн 7 дугаар зүйлийн 7.4.5-д зааснаар Монгол Улсад зорчих, албан болон хувийн хэргээр оршин сууж буй гадаадын иргэн нь “паспорт болон Монгол Улсын эрх бүхий байгууллагаас олгосон оршин суух үнэмлэхийг биедээ авч явах” үүрэг хүлээдэг.

Хэрэв, хяналт шалгалтаар тухайн гадаадын иргэн биедээ паспорт болон түүнийг орлох бичиг баримтгүй нь тогтоогдсон тохиолдолд Зөрчлийн тухай хуулийн дагуу 100 мянган төгрөгөөр торгох шийтгэл ногдуулахыг анхаарна уу.

Нийслэлийн иргэдийн ая тухтай, эрүүл аюулгүй орчинд амьдрах нөхцлийг бүрдүүлэх зорилгоор хальтиргаа, гулгаа ихээр үүссэн нийтийн эзэмшлийн гудамж, зам талбайн талаарх мэдээллийг Улаанбаатар хотын шуурхай удирдлагын төвд өгөх боломжтой болжээ. Ингэхдээ иргэн та 310005 дугаарын утсанд халтиргаа, гулгаа үүссэн зам талбайн талаарх мэдээллийг өгөх юм.

Мэдээлэл хүлээн авах 310005 дугаарын утас 24 цагаар ажиллах бөгөөд өгсөн мэдээллийн мөрөөр холбогдох байгууллагуудаас арга хэмжээ авч ажиллах аж. Мөн иргэд www.310005.mn цахим хаягаар мэдээлэл өгч болох юм байна.

Нийслэлийн хүүхэд гэр бүлийн хөгжлийн газраас зохион байгуулсан Нийслэлийн хүүхдийн элчийг тодруулах, андгай өргөх ёслолын ажиллагаа боллоо. Ёслолын ажиллагааг Нийслэлийн Засаг даргын орлогч Д.Энхтөр нээж Нийслэлийн 9-н дүүргийн хүүхдийн элчүүддээ батламжийг нь гардуулсан бол сурагчид энгэрийн тэмдгийг нь зүүж, элчүүд андгайгаа өргөлөө.

Нийслэлийн хүүхдийн элчүүд:

Хан-Уул дүүргийн Хүүхдийн элч Баатаржавын ХАЛИУН /Дуучин/
Багануур дүүргийн Хүүхдийн элч Тэрбишийн ОЮУНБОЛД /Багануур дүүргийн Засаг даргын орлогч/
Налайх дүүргийн Хүүхдийн элч Хүрэлчулуун АНХБАЯР /Налайх дүүргийн Засаг даргын орлогч/
Налайх дүүргийн Хүүхдийн элч Бямбасүрэн ТЭЛМҮҮН /Оюутан/
Сүхбаатар дүүргийн Хүүхдийн элч Базаржавын НАВЧАА /Найруулагч, жүжигчин/
Баянгол дүүргийн Хүүхдийн элч Төмөрхуягийн ЭНХТАЙВАН /БГД-ийн ИТХ-ын ажлын албаны дарга/
Сонгинохайрхан дүүргийн Хүүхдийн элч Жигжидсүрэн САНДАГСҮРЭН /СХД-ийн засаг дарга/
Баянзүрх дүүргийн Хүүхдийн элч Дамдинсүрэн НАЦАГДОРЖ /”Оточ манрамба” дээд сургуулийн захирал, “Маналын хүүхдүүд” ТББ-ын тэргүүн
Чингэлтэй дүүргийн Хүүхдийн элч Сүхбаатар САРАНГЭРЭЛ /”Сити” дээд сургуулийн тайзны ярианы багш/
Хүүхдийн эрхийн тухай хуульд заасны дагуу болон бусад холбогдох журмын дагуу хүүхдийн эрх хамгааллын асуудлаар санал, хүсэлт, өргөдөл, гомдлыг холбогдох байгууллагад тавьж шийдвэрлүүлэх зорилготой ажиллах бас нэгэн бүтэц бий болж байгаа нь Нийслэлийн дүүрэг бүрд томилогдон ажиллаж байгаа хүүхдийн элчүүд юм. Хүүхдийн элчүүд нь хүүхдийн сайн сайхны төлөө сайн дураар ажиллахаа илэрхийлсэн бөгөөд дүүрэг бүрийн хүүхдийн чуулганаас санал хураалтаар сонгогдсон элч бөгөөд 3 жилийн хугацаатай ажиллана НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Гэр Хороолол Хөгжлийн намыг улсын бүртгэлд бүртгүүлэх тухай Б.Батсүх нарын хүсэлтийг Улсын Дээд шүүх 2017 оны 11 дүгээр сарын 20-ны өдөр хянан хэлэлцлээ.

Хүсэлтэд хавсаргасан баримт нь Улс төрийн намын тухай хуульд заасан шаардлагыг хангаагүй гэж үзэж, Дээд шүүх уг намыг улсын бүртгэлд бүртгэхээс татгалзав.

Уг нам нь баримт материалаа хуульд заасан шаардлагын дагуу бүрдүүлсэн тохиолдолд хүсэлтээ дахин гаргах боломжтой юм.

Улсын Их Хурлын 2016 оны 68 дугаар тогтоолын 3.1 дэх хэсэгт “Валютын дотоодын захын дэд бүтцийг хөгжүүлж, ил тод, үр ашигтай байдлыг хангасан шинэ тогтолцоо бүрдүүлэх” арга хэмжээг авч хэрэгжүүлэхээр заасны дагуу Монголбанкнаас холбогдох бэлтгэл ажлыг гүйцэтгэж, “Банк хоорондын валют арилжааны цахим талбар”-ыг 2017 оны 4 дүгээр сарын 10-ны өдөр нэвтрүүлсэн билээ.

Цахим талбарыг нэвтрүүлснээс хойш 2017 оны 10 дугаар сарын байдлаар нийт 227 сая ам.доллартай тэнцэхүйц хэмжээний ам.доллар болон юанийн арилжааг банкууд хоорондоо цахим талбараар хийсэн. Ингэснээр энэ онд банк хооронд хийгдсэн арилжаа нь өмнөх оны мөн үеийн арилжаатай харьцуулбал 2.3 дахин өссөн үзүүлэлттэй байгаа юм.

Өнгөрсөн амралтын өдөр /2017.11.19-ний 00:35 цагт/ Нийслэлийн Хан-Уул дүүргийн 3-р хороонд байрлах “Бармаш” ХХК-ийн 150х54 метрийн хэмжээтэй төмөр краказан дээвэртэй тоосгон барилга дотор “Мижир дриллинг Монгол” ХХК-ийн түрээсэлдэг 20х20 метрийн хэмжээтэй албан тасалгаа, агуулахын зориулалтай сендвичен барилга, дээвэр, тоног төхөөрөмж шатаж байна гэсэн дуудлагаар НОБГ-ын Гал түймэр унтраах аврах 10, 14, 18, 26, 30-р ангийн 6 тасаг, 65 алба хаагч, 13 техник хэрэгсэлтэйгээр 17 цагийн турш ажиллаж, галыг бүрэн унтраасан байна.



Галын тархалт эрчимтэй явагдсан, дээврийн хийц галыг нурж дарах аюултай, хорт хий, утаа их хэмжээгээр ялгарсан, үзэгдэх орчин хязгаарлагдмал, өндөр даралтын улмаас гал унтраах даралтын хоолой цоорох, хөлдөх зэрэг нь гал унтраах үйл ажиллагааг явуулахад хүндрэл учруулжээ.



ОБЕГ-ын Гал түймэртэй тэмцэх газрын Гал унтраах хэлтсийн дарга, дэд хурандаа Ц.Нямбаяр, НОБГ-ын дэд дарга, дэд хурандаа Н.Нямхорлоо нараар ахлуулсан бүрэлдэхүүн гал түймэр унтраах үйл ажиллагааг газар дээр нь мэргэжлийн удирдлага, арга зүйгээр ханган ажиллалаа.



Хан-Уул дүүргийн Цагдаагийн нэгдүгээр хэлтэс болон Мэдээлэл шуурхай удирдлагын төвийн шинжээчийн бүрэлдэхүүнтэй ажлын хэсэг гал түймрийн шалтгаан нөхцлийг тогтоохоор ажиллаж байгаа бөгөөд хэргийн газрын үзлэг хийхэд барилгын хийц нурах аюултай учраас Мэргэжлийн хяналтын байгууллагаар шалгуулж, үргэлжлүүлэн шалгахаар ажиллаж байна гэж Онцгой байдлын ерөнхий газраас мэдээллээ.

мансууруулах бодис хэрэглэсэн

Онцгой байдлын албаны бэлтгэл, бэлэн байдлыг дээшлүүлж, шаардлагатай техник, тоног төхөөрөмжөөр хангахад зориулан Швейцарь улсын Женев хотод амьдарч буй Монголчууд хандивын аян өрнүүлж, орчин үеийн хүчин чадал бүхий /DJI Phantom4 PRO/ нисгэгчгүй нисэх төхөөрөмжийг (дрон) өнөөдөр ОБЕГ-т хүлээлгэн өглөө.

Тус төхөөрөмжийг шадар сайд асан Ц.Оюунбаатар, Монголын байгаль орчны төлөөх хуульчдын холбооны дэд тэргүүн Ц.Туяацэцэг, Швейцарийн Женев хотод ажиллаж амьдарч байгаа монголчуудын төлөөлөл Б.Саранцэцэг нар гардуулан өгсөн юм.

Дээрх нисгэгчгүй нисэх төхөөрөмжийг худалдан авахад Швейцарийн Женев хотод ажиллаж, амьдарч байгаа 43 монгол иргэн нэгдсэн бөгөөд нийт 4,3 сая төгрөгийн хандив цугларчээ.

Нисгэгчгүй нисэх төхөөрөмж нь гамшиг ослын голомтыг түргэн хугацаанд илрүүлэх, талбайн хэмжээ болон салхины чиглэлийг тодорхойлох зэргээр алба хаагчдын ажлыг хөнгөвчлөхөд чухал дэмжлэг болох юм гэж Онцгой байдлын ерөнхий газраас мэдээллээ.

Дэлхийн эрүүл мэндийн байгууллагаас “Антибиотикийг хэтрүүлэн, буруу хэрэглэхийг зогсооё. Нянгийн тэсвэржилтээс сэргийлье” дэлхийн долоо хоногийг энэ арваннэгдүгээр сарын 13-19-нд зохион байгууллаа. Энэ дагуу НЭМГ-ын А/152 дугаар тушаал гарч, олон талын үйл ажиллагаа явуулсан юм.


Тухайлбал, энэ сарын 16-нд Баянгол эрүүл мэндийн төвд “Антибиотикийг хэтрүүлэн буруу хэрэглэхийг зогсооё. Нянгийн тэсвэржилтээс сэргийлье” сэдэвт сургалт зохион байгуулагдсан. Тус сургалтанд НЭМГ-ын харьяа эрүүл мэндийн 25 байгууллагын Чанарын албаны дарга, менежер, Эмийн эмчилгээний хорооны эм зүйч, эмийн сангийн эрхлэгч зэрэг нийт 75 хүн оролцлоо.
Сургалтын хүрээнд “Эм зүйн салбарт мөрдөгдөж буй хууль эрх зүйн баримт бичгийн хэрэгжилт”, “Антибиотикийн хэрэглээ”, ”Цахим жор хэрэгжилтийн мэдээлэл”, “Эмийн тусламж үйлчилгээний хяналт” зэрэг илтгэлүүд тавигдсан. Мөн уг сургалтанд оролцогчид бүлгээр ажиллаж, эм зүйн тусламжтай холбоотой алдааг бүртгэх, алдаанаас суралцах дадлага, жор бичилтийг хянах, хяналтын үр дүн тооцох зэрэг арга туршлагаас суралцлаа.



Үүний зэрэгцээ, НЭМГ-аас өгсөн “Эмийн аюулгүй байдлыг сайжруулах зөвлөмж”-ийн дагуу Баянгол эрүүл мэндийн төвийн Эмийн эмчилгээний хороо, ижил төсөөтэй эмийг андуурахаас сэргийлэх талаар хийж буй үйл ажиллагаатай газар дээр нь үзэж танилцлаа.
НИЙСЛЭЛИЙН ЭРҮҮЛ МЭНДИЙН ГАЗАР

Монгол, Хятадын хилийн боомт, тэдгээрийн дэглэмийн тухай Монгол Улсын Засгийн газар, БНХАУ-ын Засгийн газар хоорондын хэлэлцээр”-т заасны дагуу Монгол, Хятадын авто замын хилийн боомтууд Их эзэн Чингис хааны мэндэлсэн өдрийг тохиолдуулан энэ сарын 19-ний өдөр буюу өчигдөр амарсан.



Тэгвэл өнөөдрөөс ердийн аарийн дагуу ажиллаж байна.

2017 оны 11 дүгээр сарын 18, 19-ны амралтын өдрүүдэд Замын цагдаагийн албаны ЖШУХ нийт 561

Чөлөөт бөхийн 23 хүртэлх насны Дэлхийн аварга шалгаруулах тэмцээн арваннэгдүгээр сарын 23-26-нд Польшийн Быдгощ хотод болно. Анхны дэлхийн аваргад манай улс эрэгтэй, эмэгтэй бүтэн багаараа оролцох бөгөөд Монголын багийн түрүүч буюу эмэгтэй тамирчид маань өнөөдөр өглөө “Улаанбаатар-Москва”-гийн нислэгээр Польш улсыг зорив. Сарын өмнө Сэлэнгэ аймагт болсон олимп, ДАШТ-ий хүрэл медальт, алдарт бөх Дугарсүрэнгийн Оюунболд агсны нэрэмжит тэмцээний жин тус бүрийн аваргууд Быдгощыг зодоглох эрх авсан билээ. Эмэгтэйчүүдийн 48 кг-д спортын мастер Буяндалайн Чимгээ (Хангарьд), 53 кг-д ОУХМ Ганбаатарын Отгонжаргал (Алдар), 55 кг-д спортын мастер Бат-Очирын Болортуяа (Женко), 58 кг-д ОУХМ Алтанцэцэгийн Батцэцэг (Хасу-Мегастарс), 60 кг-д ОУХМ Энхбатын Гантуяа (Хилчин), 63 кг-д спортын мастер Хүрэлхүүгийн Болортуяа (Аврагч), 69 кг-д спортын мастер Мөнхбатын Хишигмаа (Арслан), 75 кг-д спортын мастер Пүрвээгийн Номин-Эрдэнэ (Алдар) нар Польшийн дэвжээнд зодоглоно. Тэд үндэсний шигшээ багийн ахлах дасгалжуулагч Бямбажавын Баттулга, Монгол Улсын гавьяат дасгалжуулагч Цэндийн Баярсайхан нарын хамт өнөөдөр Польшийг зорьсон юм. Эмэгтэйчүүдийн 55, 58, 63, 75 кг 23-нд, 48, 53, 60, 69 кг-ын жингийн барилдаан 24-ний өдөр болно.

Саусгоби Ресурсес компанийн Төлөөлөн удирдах зөвлөлийн дарга бөгөөд Гүйцэтгэх Захирал

Дэлхийн улс орнууд жил бүр “Дэлхийн хүүхдийн өдөр”-ийг өөр өөр тэмдэглэдэг билээ. Тэгвэл арваннэгдүгээр сарын 20-ны энэ өдөр бол НҮБ-ын Ерөнхий Ассамблей Хүүхдийн эрхийн тунхаглал (1950 он) болон Хүүхдийн эрхийн конвенцийг (1989 он) баталсан өдөр юм байна. Тиймээс НҮБ-ээс “Дэлхийн хүүхдийн өдөр”-ийг албан ёсоор энэ өдөр тэмдэглэдэг ажээ.

10.00 цагт Нийслэлийн иргэний танхимд Нийслэлийн 2018 оны төсвийн төслийн нээлттэй хэлэлцүүлэг болно.

10.00 цагт “Нээлттэй нийгэм форум”-д НҮБ-ын Хүүхдийн эрхийн хорооноос Хүүхдийн эрхийн тухай конвенцийн хэрэгжилтийн талаарх Монгол Улсын Засгийн газарт ирүүлсэн V тайланг олон нийтэд танилцуулах уулзалт болно.

11.00 цагт Хангарди ордны Ёслол хүндэтгэлийн танхимд “Нийслэлийн хүүхдийн элч”-ийн андгай өргөх ёслол болно.

11.00 цагт Хэвлэлийн хүрээлэнд ХӨСҮТ-өөс Монгол улсад болон дэлхий нийтийн ХДХВ, ДОХ-ын өнөөгийн байдлын талаар мэдээлэл өгөх уулзалт, ярилцлага зохион байгуулна.

11.00 цагт “Үндэсний мэдээллийн төв”-д ”Зэс эрдэнийн хувь” компанийн хувьцаа эзэмшигчид цаг үеийн асуудлаар мэдээлэл хийнэ.

11.30 цагт МАХН-ны удирдлагууд цаг үеийн асуудлаар мэдээлэл хийнэ.

14.20 цагт Монгол Улсад бүртгэлийн байгууллага үүсч хөгжсөний түүхт 77 жилийн ойд зориулсан баярын хурал Улсын Дуурь Бүжгийн Эрдмийн Театрт болно.

11 дүгээр сарын 20-ны Даваа гарагт: