Нийслэлийн Онцгой байдлын газрын бүтцийн нэгжүүдийн бие бүрэлдэхүүн Үндэсний их баяр наадам, Монгол Улсын Ерөнхийлөгчийн сонгуулийн дахин санал хураалт явагдахтай холбогдуулан 2017 оны 07 дугаар сарын 06-ны өдрийн 09:00 цагаас 2017 оны 07 дугаар сарын 17-ны өдрийн 09:00 цаг албаны өндөржүүлсэн бэлэн байдлын зэрэгт үүрэг гүйцэтгэлээ.

Энэ хугацаанд нйслэлийн хэмжээнд ой, хээрийн түймрийн 1, объектын гал түймрийн 52, аврах ажиллагааны 8, аюулт үзэгдэл, ослын нийт 61 удаагийн дуудлагаар үүрэг гүйцэтгэж болзошгүй аюулаас 12 хүний амь биеийг авран, хамгаалж ажиллалаа.

Дээрх дуудлагыг өнгөрсөн оны мөн үетэй харьцуулахад нийт аюулт үзэгдэл, ослын тоо 25.4 хувиар буурсан үзүүлэлттэй байна.

Төв цэнгэлдэх хүрээлэнд худалдаа үйлчилгээ, нийтийн хоолны чиглэлээр үйл ажиллагаа явуулж байгаа 1024 цэгт гал түймрээс урьдчилан сэргийлэх чиглэлээр 2017 оны 07 дугаар сарын 10-12-ны өдрүүдэд НОБГ-ын Гал түймэртэй тэмцэх хэлтэс, Гамшгаас урьдчилан сэргийлэх хэлтэс, Баянзүрх, Сүхбаатар, Хан-Уул, Баянгол, Чингэлтэй дүүргийн Онцгой байдлын хэлтсийн Гал түймрийн улсын хяналтын байцаагч 12, Урьдчилан сэргийлэх асуудал хариуцсан мэргэжилтэн 10, нийт 22 албан хаагч, нийслэлийн Аврах анги-105, Гал түймэр унтраах, аврах 10, 34, 63 дугаар ангийн 38, нийт 85 албан хаагч, тусгай зориулалтын 5 автомашинтайгаар үүрэг гүйцэтгэн ажиллаж галын аюулгүйн норм дүрэм, стандартыг зөрчсөн 462 зөрчлийг илрүүлж, газар дээр нь 271 зөрчлийг арилгуулав.

Харин Хүй долоон худаг дахь морь барианы газарт Нийслэлийн аврах анги-105, Гал түймэр унтраах, аврах 26 дугаар ангийн нийт 21 албан хаагч 11 автомашин техник хэрэгсэлтэй хамгаалалтын үүрэг гүйцэтгэн, Сонгинохайрхан, Чингэлтэй, Хан-Уул, Баянзүрх дүүргийн Гал түймрийн улсын хяналтын байцаагч болон Урьдчилан сэргийлэх асуудал хариуцсан мэргэжилтэн нар 5800 гаруй санамж, сэрэмжүүлгийг ард иргэдэд хүргэж, худалдаа үйлчилгээ эрхэлж байгаа иргэн, аж ахуйн нэгж байгууллагын 225 гэрт гамшгаас хамгаалах болон гал түймрийн аюулаас урьдчилан сэргийлэх үзлэг, шалгалтыг явуулан нийт 72 зөрчлийг илрүүлж арилгуулах арга хэмжээг авч ажиллалаа гэж нийслэлийн Онцгой байдлын газраас мэдээллээ.

БОАЖ-ын сайд Д.Оюунхорол түймрийн голомт болох Төв аймгийн Батсүмбэр суманд ажиллаж байгаа гэнэ. Тэрбээр өөрийн цахим хуудаснаа “Сайхан мэдээ: Батсүмбэр сумын нутаг Сөгнөгөрийн Баянгол амралтын дээд талд 3 пуужин харваж 1 цаг бороо орлоо. Мөн Зүүнхараагийн өмнөдөд пуужин харваж түймрийн голомтод 2 цаг орчим бороо орлоо. Түймрийн эрчим буурч байна” хэмээжээ. Ямартай ч БОАЖ-ын сайд Д.Оюунхоролыг хайж сандарч байсан иргэдэд тэрбээр ийнхүү хариу өглөө. Гэхдээ тэрбээр түймрийн голомт дээр ажиллаж байгаагаа сүр дуулиан болгож зарлахыг хүсээгүй бололтой юм.

Орхон аймгийн Онцгой комисс шуурхай хуралдаж Сэлэнгэ аймгийн Ерөө суманд гал унтраахаар ажиллаж байгаа Онцгой байдлын газрын алба хаагчдад тусламж хүргэхээр боллоо. Өнөөдрийн байдлаар Булган аймагт хоёр, Сэлэнгэ аймагт найм, Төв аймагт зургаан түймэр гарч байна. Уг түймрийг унтраах ажилд Орхон, Дархан, Сэлэнгэ, Булган, Дорноговь, Дундговь, Нийслэлийн Онцгой байдлын аврах ангиудаас 600 орчим алба хаагч ажиллаж байна. Эдгээрийн 30 нь Орхон аймгийн Онцгой байдлын газрын алба хаагчид бөгөөд тэд Сэлэнгэ аймгийн Ерөө суманд гарсан түймрийг унтраах ажиллагаанд оролцоод тав хонож байгаа аж.

Аймгийн ОБГ-ын дэд дарга Д.Золжаргал хэлэхдээ “Түймэр унтрааж буй алба хаагчдын гурав хоногийн хүнс дууссан. Мөн гутал, бээлий, амны хаалт, даавуун хувцас, гар чийдэн, ус зөөвөрлөх савны хэрэгцээ маш их байна” гэсэн юм.

Иймд аймгийн Засаг дарга бөгөөд Онцгой комиссын дарга Д.Батлут Онцгой комиссын гишүүдэд үүрэг даалгавар өгсөний дагуу лаазалсан хүнсний бүтээгдэхүүн, амны хаалт, бээлий, цэвэр ус, бэлэн бүтээгдэхүүн их хэмжээгээр бэлтгэж, Зэвсэгт хүчний 186, 110-р ангиас түймэр унтраахад шаардлагатай багаж хэрэгслийг татан төвлөрүүллээ. Мөн маргааш буюу энэ сарын 17-оос аймгийн хэмжээнд амралт зугаалгаар явахыг хориглох, явсан тохиолдолд амралтын газарт амрах талаар захирамж гаргахаар боллоо. Түүнчлэн түймэрт ажиллаж буй алба хаагчдад туслах аян өрнүүлсэн залуучуудын цуглуулсан тусламжийн зүйлсийг дээр дурдсан зүйлстэй нэгтгэж Сэлэнгэ аймгийн Ерөө суманд хүргэхээр замдаа гарлаа. Эдгээрийг хүргэхээр аймгийн Засаг дарга Д.Батлут, Орлогч С.Батжаргал тэргүүтэй албаны хүмүүс тус сумыг зорьсон юм.

Мөн уг ажилд “Эрдэнэт үйлдвэр” ХХК-иас ачааны автомашин, 100 литр шатахуун, цэвэр ус, хувцас хэрэглэл, ус зөөхөд зориулж 1 тоннын багтаамжтай 20 ширхэг савыг хандивлаж хамтран ажиллаж байна.
Erdenet.mn

Баяр наадмын буюу 2017 оны 7 сарын 10-ны өдрөөс 2017 оны 7 сарын 15-ны өдрүүдэд Замын цагдаагийн албаны ЖШУХ нийт 1236 дуудлага, мэдээ мэдээлэл хүлээн авснаас, зам тээврийн ослын 790 дуудлага бүртгэгдсэн бөгөөд осол, хэргийн улмаас 2 хүний амь нас хохирч, 70 хүн гэмтсэн байна. Үүнээс 18 нь бага насны хүүхэд байжээ.

Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 238 жолоочийг илрүүлэн саатуулж ажиллаа. Баярын өдрүүдэд согтуугаар тээврийн хэрэгсэл жолоодон зам тээврийн осол гаргасан 13 жолооч бүртгэгдсэн.

Бүртгэгдсэн осол, хэргийг хэлбэрээр нь авч үзвэл явган зорчигч мөргөсөн 27 осол, мөргөлдсөн 36 осол, үл хөдлөх зүйл мөргөсөн 4 осол, онхолдсон 2 осол тус тус бүртгэгдсэнийг Замын цагдаагийн алба шалгаж байна.

Орон нутгийн замд зам тээврийн ослын улмаас 8 хүний амь нас хохирч, 1 гэмтсэн бөгөөд онхолдох хэлбэрээр 4, мөргөлдөх хэлбэрээр 4 осол бүртгэгдсэнийг харъяа аймаг дахь Цагдаагийн газарт шалгаж байна.

Тухайлбал:

БЗД-ийн нутаг Хонхорын шинэ замд А жолоочтой амины Мустанг маркийн мотоцикль онхолдож, зорчигч 32 настай Б-н амь нас хохирсон.

БГД-ийн нутаг Телевизийн эцэс рүү нийлдэг даланд амины T.Prius маркийн автомашины жолооч Ч нь далан руу унаж жолооч, зорчигч нарын 2 хүн гэмтсэн.

Орон нутагт:

Сэлэнгэ аймгийн Баянгол сумын нутаг “Хоёр даваа” гэх газар асфальтан замд N.Sunny маркийн Ө жолоочтой автомашин H.Accent маркийн Д жолоочтой автомашинтай мөргөлдөж зорчигч 31 настай Э-н амь нас хохирсон ноцтой зам тээврийн осол гарсныг шалгаж байна.

2017 оны 7 дугаар сарын 16-ны өдөр “I”, “II”, “III” ангилалд бүртгэлтэй 18 хувьцаат компанийн 110,452 ширхэг хувьцаа арилжигдсанаас 4 хувьцаат компанийн хувьцааны ханш өсч, 7 хувьцаат компанийн хувьцааны ханш буурсан бол 7 хувьцаат компанийн хувьцааны ханш тогтвортой байлаа. Үүнээс “Таван толгой” компанийн хувьцааны ханш хамгийн өндөр буюу 10.92%-иар өссөн бол ”Мерекс” компанийн ханш хамгийн өндөр буюу 7.09% хувиар унасан байна.

Энэ өдөр ”MSE ALL” индекс 869.7 нэгж болж 1.59%-иар өссөн бол зах зээлийн үнэлгээ 1,555,158,001,182төгрөг боллоо.

Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын хүчит бөхийн барилдаанд ес даван түрүүлсэн Хөвсгөл аймгийн Тосонцэнгэл сумын харъяат улсын арслан Ц.Содномдорж ОБЕГ-т хандив өргөхөө мэдэгдлээ.



Хандив өргөх арга хэмжээ 17.00 цагт ОБЕГ-т болно.



Өнөөдрийн байдлаар улсын хэмжээнд 22 түймэр асч байна. Сэлэнгэ аймаг Ерөө суманд 3 түймэр, Мандал суманд 4 түймэр, Хүдэр суманд 2 түймэр асч байна. Мөн Төв аймгийн Батсүмбэрийн нутаг дэвсгэрт 5 түймэр, Булган аймгийн Гурванбулаг, Сэлэнгэ сумдад 2 түймэр асч байгаа гэнэ.

Суудлын автомашин дээр 40 тонны чингэлэг унаж, хүүхдүүд дарагдаж бэртжээ

Төв аймгийн Эрдэнэ сумын нутагт гарсан ойн түймрийг унтраахаар ОБЕГ-ын харъяа Аврах тусгай ангийн 24 алба хаагчийг тус ангийн захирагч, хурандаа Д.Намсрай, ОБЕГ-ын ГТТГ-ын хэлтсийн дарга, дэд хурандаа Ц.Нямбаяр нар ахлан МТ 1001 дугаарын МИ171Е загварын нисдэг тэргээр түймрийн голомтод хүргэхээр дөнгөж сая нислээ.



Одоогийн байдлаар Төв аймгийн Эрдэнэ сумын нутаг Асралт хайрхан уул, Арцат уул, Ар матах уул зэрэг автомашинаар болон явганаар очих боломжгүй газарт гарсан ойн түймрийн голомтод эдгээр алба хаагчдийг хүргэх юм.

Мөн Өвөрхангай, Архангай, Өмнөговь аймгийн Онцгой байдлын газруудаас нэмэлт хүч татаж Төв аймгийн Батсүмбэр сум, Сэлэнгэ аймаг руу хөдөлгөөд байна гэж Онцгой байдлын ерөнхий газраас мэдээллээ.

СҮХБААТАР ДҮҮРЭГ ШАГНАЛЫН МӨНГӨӨ ОБЕГ-Т ХАНДИВЛАЛАА
Сүхбаатар дүүргийн Засаг даргын Тамгын газар нийслэлийн Засаг даргын Тамгын газар, Аялал жуулчлалын газраас 11 дэх жилдээ зохион байгуулсан “Дээлтэй Монгол-2017” наадамд 1200 гаруй хүний бүрэлдэхүүнтэй оролцон дэд байрт шалгарч, өргөмжлөл, мөнгөн шагналаар шагнуулсан. Өнөөдөр дүүргийн Засаг даргын орлогч Ц.Шижир, Засаг даргын Тамгын газрын дарга Н.Энхболд нар уг наадамд амжилттай оролцсон хамт олондоо баяр хүргэлээ. Энэ үеэр дүүргийн Засаг даргын Тамгын газрын дарга Н.Энхболд “Дээлтэй Монгол наадамд амжилттай оролцсон бүх хэлтэс, алба, 1-20 хорооны Засаг даргын Ажлын алба, иргэд, хамт олондоо баяр хүргэж, та бүхнийхээ цаашдын ажилд амжилт хүсье. Баяр, амралтын өдрүүдэд эх орон минь шатаж байна гэсэн харамсалтай мэдээг бид сонсч, харж байна. Тийм учраас дүүргийн Засаг дарга, түүний Тамгын газрын хамт олны санаачилгаар энэхүү шагналын мөнгө болох 720 мянган төгрөгийг Онцгой байдлын Ерөнхий газарт хандивлахаар болсноо дуулгая. Бидний энэхүү хандив галын шугаманд ажиллаж байгаа онцгой байдлын алба хаагчдад хоол, хүнс, бусад шаардлагатай эд зүйлс болон хүрнэ гэдэгт итгэлтэй байна. Та, бид эх орныхоо өмнө тангараг өргөсөн төрийн албан хаагчид” гэдгийг тодотгов. Сүхбаатар дүүргийн Засаг даргын Тамгын газрын дарга Н.Энхболд ОБЕГ-т Сүхбаатар дүүргээс хандивлаж буй мөнгөн хандивыг дүүргийн Онцгой байдлын хэлтсийн дарга, дэд хурандаа Б.Анхбаярт гардуулан өглөө.

Эрлийн ажиллагаа үргэлжилж байна

2017-07-16 13:07:28


Цаг уурын байгууллагаас ирүүлсэн мэдээгээр ойрын өдрүүдэд ихэнх нутгаар аагим халуун болох төлөвтэй байна. Тэрчлэн баяр наадмын амралтын өдрүүд үргэлжилж байгаатай холбогдуулан иргэд гол ус бараадан амарч зугаалахдаа анхаарал болгоомж алдан усанд осолдох эрсдэл дагуулж байна.

Тухайлбал, долоодугаар сарын 13-ны өдөр Булган аймгийн Хангал сумын Хялганат тосгоны дөрөвдүгээр багийн “Пором” гэдэг газар Сэлэнгэ мөрний усанд Улаанбаатар хотын Баянзүрх дүүргийн харъяат иргэн М /25 настай, эрэгтэй/, Хангал сумын харъяат иргэн Ч /17 настай, эрэгтэй/ нар живсэн тухай дуудлага ирсний дагуу тус аймгийн Онцгой байдлын газрын 18 алба хаагч, орон нутгийн 15 иргэн, нийт 33 хүн, дөрвөн техник хэрэгсэлтэйгээр эрэн хайх ажлыг зохион байгуулж байна.

Мөн Сэлэнгэ аймгийн Алтанбулаг сум, Цөх багийн “Гүн нуур” гэдэг газар нуурын усанд Орхон аймгийн харъяат иргэн М /23 настай, эмэгтэй/, Х /21 настай, эмэгтэй/ нар живсэн тухай дуудлагыг 07.13-ны өдрийн 17:00 цагт ирсний дагуу тус аймгийн Онцгой байдлын газрын 6 алба хаагч, орон нутгийн 7 иргэн, нийт 13 хүн, 2 техник хэрэгсэлтэйгээр ажиллаж, 20:05 цагт цогцсыг олж цагдаагийн байгууллагад шилжүүлэн өгчээ.

Гол, усны осол нь ихэвчлэн иргэдийн санамсар болгоомжгүй байдал, бага насны хүүхдийг хараа хяналтгүй орхисноос, согтууруулах ундаа хэрэглэсэн үедээ гол усанд орох зэрэг шалтгаанаас үүдэлтэй байгаа юм.

Тиймээс хэт халуун өдрүүд үргэлжилж байгаа болон амралт, аялал зугаалгын улирал эхэлсэнтэй холбогдуулан иргэд та бүхэн амралт, чөлөөт цагаа өнгөрүүлэхдээ гол, усны ойролцоо амарч зугаалахгүй байх, бага насны хүүхдэд тавих хараа, хяналтаа сайжруулах, голын эрэг дагуу хүүхдийг явуулахгүй, тоглуулахгүй байх, аян замд явахдаа сайн мэдэхгүй гол мөрний усанд орохгүй байх, тээврийн хэрэгслийн жолооч нар баталгаатай зам, гүүрээр зорчиж гол усанд унах, осолдох эрсдэлээс урьдчилан сэргийлэхийг Онцгой байдлын ерөнхий газраас анхааруулж байна.

ХБНГУ-ын Норд Райн Фестфален муж улсын цэргийн командлалаас жил бүр зохион байгуулдаг Мөнхенгладбахын марш тактикийн олон улсын тэмцээн энэ оны 7 дугаар сарын 8-ны өдөр 34 дэх удаагаа зохион байгуулагдаж, тус тэмцээнд тусгай урилгаар монголын цэргийн баг тамирчид амжилттай оролцлоо.

ХБНГУ-ын Батлан хамгаалах яам болон НАТО-гийн удирдлагаас өндөр ач холбогдол өгдөг уг тэмцээнд энэ удаа АНУ, Их Британи, Франц, Итали, Нидерланд, Эстони, Польш, Монгол зэрэг 9 орны 34 баг тамирчид оролцож, буудлага, саадын зурвас, усан саад, эргүүл, минийн зурвас, отолт, гал унтраах, татан гаргах, өвчтөнд эмнэлгийн анхан шатны тусламж үзүүлэх, цэрэг, улс төрийн аюулгүй байдлын орчны талаарх асуулт, хариулт зэрэг 7 цэг бүхий нийт 14 км-ын маршын замд германы болон олон улсын цэргийн байнгийн бүрэлдэхүүн, бэлтгэл цэргийн бүрэлдэхүүн гэсэн үндсэн гурван ангиллаар өрсөлдсөн байна.

ХБНГУ-ын Бундесверийн академийн сонсогч дэд хурандаа Д.Эрдэнэбилэгийн удирдлага, зохион байгуулалтын дор тус улсад суралцаж буй дэслэгч Г.Анхбаяраар ахлуулсан дэслэгч Б.Угтахбаяр, дэслэгч М.Бат-Орших, ахлагч Ц.Наранхүү, дэд ахлагч Н.Хүрэлхүү нарын бүрэлдэхүүнтэй баг тамирчид олон улсын цэргийн байнгийн бүрэлдэхүүний ангилалд ”Тэргүүн байр” эзэлж, цомоор шагнуулан, эх орон, Зэвсэгт хүчнээ амжилттай сурталчиллаа.

Уг тэмцээнд манай цэргийн албан хаагчдын баг 2015 онд анх удаа оролцож, олон улсын цэргийн байнгийн бие бүрэлдэхүүний төрөлд 3 дугаар байр эзэлж байсан сайхан уламжлалаа энэ жил бататган, амжилтаа ийнхүү ахиулсан тухай мэдээг Монгол Улсаас ХБНГУ-д суугаа ЭСЯ-ны Батлан хамгаалахын атташегийн албанаас мэдээлсэн байна.

“PlayTime 2017” амьд хөгжмийн наадам өнөөдөр /2017.07.16/ өндөрлөнө. Гурав хоног үргэлжилдэг наадмын сүүлчийн өдрийн хөтөлбөрийг хүргэж байна.

Шинэ давалгаа тайз

13.00 MORT EN CRUEX

13.40 THE VIBES

14.20 BAZO

15.00 AFTER TASTE

15.40 BREAK THE CYCLE

PlayTime тайз

18.10 TIDANOMIYUKI

19.00 DAISY & GANG

19.50 THE YOU

20.40 THE FIN.

22.00 HARANGA

Нааглихац тайз

10.00 – 12.00 JIK

12.00 – 13.30 CHINBAA

13.30 – 15.00 TULGA

15.00 – 16.30 TEMUUJIN

16.30 – 18.00 RUSH

18.00 – 23.00 BILIGUUDEI зэрэг хамтлаг, уран бүтээлчид тоголно.

Наадмын үйл ажиллагаа оройн 23.00 цагт дуусах бөгөөд Монголын хүүхдийн ордноос Монголын шилтгээн хооронд үнэгүй автобус цагийн хуваарийн дагуу явж байгаа юм байна.

Монгол Улсын Ерөнхийлөгчийн 2017 оны долоодугаар сарын 6-ны өдөр гаргасан зарлигийн дагуу Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмыг тохиолдуулан эрхэлсэн ажилдаа олон жил үр бүтээлтэй ажилласан иргэдийг төрийн одон медалиар шагнасан. Үүний дагуу өнөөдөр нийслэлийн Засаг дарга бөгөөд Улаанбаатар хотын Захирагч С.Батболд нийслэлийн ЗДТГ-ын Нийгмийн бодлогын хэлтсийн Эрүүл мэндийн салбар хариуцсан мэргэжилтэн Л.Зэндмаа, “Хүннү капитал” компанийн захирал Б.Ганбаатар нарт “Алтан гадас” одонг гардууллаа. Энэ үеэр хотын дарга “Алтан гадас” одонгоор энгэрээ мялаалгасан иргэдэд ажлын амжилт, эрүүл энхийг хүсэв гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Улсын хэмжээнд 2017 оны 07 дугаар сарын 16-ны өдрийн байдлаар усны ослын тохиолдол 14 аймгийн 38 сум, нийслэлийн 4 дүүрэгт нийт 57 удаа гарч 71 хүн амь насаа алдсан байна. Үүний 13 нь хүүхэд, 58 нь насанд хүрэгчид байгаа юм.

Бага насны хүүхдийг гол, усны орчим орхиод эцэг эхчүүд архидан согтуурдаг, хүүхэд, залуучууд сэрүүцэх болон тоглох зорилгоор ус руу ордог, гол, усанд орох үедээ согтууруулах ундаа хэрэглэж өөрийгөө болон бусдыг хянах чадвараа алддаг зэрэг олон шалтгааны улмаас усанд осолдох, амь насаа алдах тохиолдол сүүлийн өдрүүдэд нэмэгдэх хандлагатай байна.

Тэрчлэн амралт, аялал зугаалгын улирал эхэлсэнтэй холбогдуулан иргэд та бүхэн амралт, чөлөөт цагаа өнгөрүүлэхдээ гол, усны ойролцоо амарч зугаалахгүй байх, бага насны хүүхдэд тавих хараа, хяналтаа сайжруулах, голын эрэг дагуу хүүхдийг явуулахгүй, тоглуулахгүй байх, тээврийн хэрэгслийн жолооч нар баталгаатай зам, гүүрээр зорчиж гол усанд унах, осолдох эрсдэлээс урьдчилан сэргийлэхийг Онцгой байдлын ерөнхий газраас анхааруулж байна.

Аагим халуун зуны өдрүүд үргэлжилж, аялж зугаалахаар иргэд хөдөө орон нутгийг зорьж байна. Гэвч иргэдийн буруугаас үүдэлтэй Монгол орон даяар ой хээрийн түймэр асаж байна. Иймд та аялалд гарах гэж байгаа бол дараах зөвлөмжинд анхаарлаа хандуулна уу.

Урьдчилан сэргийлэх:
Түлсэн гал, асаасан шүдэнз, татсан тамхины цог, нурмыг бүрэн унтраах
Түймрийн хуурайшилт ихтэй үед ой, хээр ил задгай гал түлэхгүй байх
Машин, техникийн утааны янданг оч баригчтай болгох
Түймрийн аюултай үед гэр, байшин, майхан, малын хашаа, саравч, өвс тэжээл, худгийн эргэн тойронд 100-гаас доошгүй метрийн өргөнтэй цурав татах, шороон зурвас гаргах
Түймрийн аюултай үед айл өрх бүр халуун үнс, нурмыг тусгайлан бэлдсэн таглаа бүхий нүх, саванд хийж байх
Насанд хүрээгүй хүүхдийг шүдэнз, асаагуураас хол байлгах
Гал түймэр унтраах багаж хэрэгсэлтэй байх

Түймрийг унтраахдаа:

· Шороо цацах
· Зурвас татах
· Хѳрсний ѳнгѳн хэсгийг хуулах
· Анжисаар хориг хагалалт хийх
· Цуравдах
· Химийн аргаар унтраах
· Усаар унтраах,
· Гар багаж, үлээгч аппарат ашиглах аргуудыг хэрэглэнэ.
· Бага хэмжээний түймрийн үед зурвасыг 0,5 метр, их хүчтэй үед 1 метр ба түүнээс дээш өргөнтэйгөөр хийнэ. Түймрийн голомтыг эзэнгүй орхихгүй байх хэрэгтэй.
· Түймрийн замд орших ямар нэгэн гол, горхи, зөрөг зам зэрэг газрыг олох буюу эсвэл хориг зурвас татаж түймрийн эсрэг өвсийг шатаана. Түймэр ба цуравны гал нийлмэгц дөл асар өндөр болж үлэмж дуу гарган унтардаг.

Хэрвээ та яг одоо аялалд гарах гэж байгаа бол ой хээрийн түймэр, үер усны аюул, бэртэл гэмтэл зэрэг хэлж биш хийсч ирдэг гамшиг эрсдэлээс хэрхэн сэргийлэх талаарх зөвлөмж мэдээллийг агуулсан Монгол орны аяллын газрын зургаа заавал аваарай. Мөн та Зэс картаараа тус газрын зурагт багтсан үйлчилгээний газруудад 5-10 хувийн хөнгөлөлт эдлэх боломжтой юм байна.

Цахилгаан шугам тоноглолд засвар үйлчилгээ хийх
ДОЛДУГААР САРЫН ХУВААРЬ

Та бүхэн зарлагдсан хугацаанд цахилгаан хэрэглээгээ түр зохицуулна уу.

Улсын хэмжээнд 22 газар түймэр гарсан, зарим газрын ой хээрийн түймэр суурин газарт ойртож байгаатай холбогдуулан Улсын онцгой комисс өнөөдөр /2017.06.16/ Төрийн ордонд хуралдлаа.

66508,3 га талбай өртөөд байна

Улсын онцгой комиссын хуралдааны өмнө Онцгой байдлын ерөнхий газрын дэд дарга, бригадын генерал Г.Ариунбуян комиссын гишүүдэд өнөөдрийн байдлаар улсын хэмжээнд гарсан түймэр, Онцгой байдлын ерөнхий газраас авч хэрэгжүүлж буй ажлын талаар танилцууллаа.

Улсын хэмжээнд долдугаар сарын 16-ны өдрийн байдлаар нийслэлд 17 удаа, Архангай, Баян-Өлгий, Булган, Дорнод, Завхан, Сүхбаатар, Сэлэнгэ, Төв, Ховд, Хөвсгөл, Хэнтий аймгийн 56 сумдад 128 удаа, улсын хэмжээнд нийт 145 удаагийн ой, хээрийн гал түймэр гарч, 38821,3 га ой, 27687 га хээр, нийт 66508,3 га талбай түймэрт өртсөн байна. Үүнийг өнгөрсөн оны мөн үетэй харьцуулахад түймрийн тоо 40 хувиар өссөн, шатлагад өртсөн ойн талбай 81 хувиар өссөн үзүүлэлттэй байна.

Дээрх гал түймрийг унтраахад Онцгой байдлын байгууллагаас 2599 албан хаагч, 272 автомашин, Хилийн цэргийн анги, байгууллагаас 203 албан хаагч, 13 автомашин, Зэвсэгт хүчний анги, байгууллагаас 388 албан хаагч, 22 автомашин, Цагдаагийн байгууллагаас 36 албан хаагч, хоёр автомашин, орон нутгаас 3720 иргэн, 387 автомашин, 55 мотоцикль тус тус дайчлагдан нийт 6946 хүн, 696 автомашин, 55 мотоцикл, техник хэрэгсэл 161 морьтойгоор ажилласан.

Өнөөдрийн байдлаар Төв аймгийн Батсүмбэр сумын Цогт-Өндөр багийн Мухар гэдэг газарт түймрийг цурманд оруулсан. Харин Сэлэнгэ аймгийн Ерөө, Мандал, Хүдэр сумдад есөн түймэр, Төв аймгийн Батсүмбэр суманд таван түймэр, Эрдэнэ суманд нэг, Булган аймгийн Сэлэнгэ, Гурванбулаг сумдад нэг нэг түймэр асч байна.

Эдгээр түймрүүд дээр онцгой байдлын байгууллагаас 351 алба хаагч, 27 автомашин, орон нутгаас 375 иргэн, 41 автомашин нийт 726 хүн, 68 автомашин ажиллаж байна. Мөн Архангай, Өвөрхангай, Өмнөговь аймгаас алба хаагчдийг нэмж татаж байна.

Түүнчлэн автомашин техник хүрэлцэн очих боломжгүй Төв аймгийн Эрдэнэ сумын нутаг Асралт хайрхан уул, Арцат уул, Ар матах уул зэрэг газруудад түймрийн 4-5 цэг илэрсэн.

Онцгой байдлын ерөнхий газраас ОХУ-ын Онцгой байдлын яамны удирдлагуудтай холбогдож, түймэр унтраах ажиллагаанд агаараас түймэр унтраахад дэмжлэг үзүүлэх хүсэлт гаргаад байна. Энэхүү хүсэлтийн дагуу ОХУ-ын Онцгой байдлын яам дэмжлэг үзүүлэхээ илэрхийлсэн бөгөөд Сибирийн мужийн онцгой байдлын газраас өнөөдөр хариу өгснөөр агаараас түймэр унтраах нөхцөл бүрдэнэ гэдгийг Онцгой байдлын ерөнхий газрын тэргүүн дэд дарга Онцгой комиссын гишүүдэд танилцууллаа.

Монгол Улсын Шадар сайд үүрэг өгвөл Батлан хамгаалахын яам, Хууль зүй, дотоод хэргийн яам, Эрүүл мэндийн яамны харьяа байгууллагуудын ажилтан, албан хаагчид түймэрт явахад бэлэн байна. Мөн Зам, тээврийн хөгжлийн яам нэр бүхий хоёр аж ахуйн нэгжийн онгоцыг ашиглах талаар тохиролцоонд хүрчээ. Эдгээр онгоц нэг удаагийн нислэгээр 1-2 тонн ус тээвэрлэн түймрийн голомтод цацах боломжтой гэдгийг холбогдох яам, газруудаас өнөөдөр Онцгой комиссын хуралд мэдээллээ. Гэхдээ эдгээр онгоц нь ил харааны онгоц учраас утаан дунд нисэх боломжгүй гэв.

Мөн Монголын Улаанзагалмай нийгэмлэг эхний ээлжинд найман сая төгрөгийн тусламж үзүүлэхээ илэрхийлэв.

С.ЭНХТҮВШИН: Чийг ихтэй үүл буудаж, бороо оруулах боломжтой

Ус, цаг уур, орчны шинжилгээний газрын дарга С.Энхтүвшин ‘Монгол Улсын Ерөнхий сайд, Онгой комиссын даргаас өгсөн үүрэг даалгаврын дагуу цаг агаарт зориудаар нөлөөлж, хур тунадас нэмэгдүүлэх чиглэлээр яаралтай арга хэмжээ авч ажиллаж байна. Өнөөдрийн байдлаар Сэлэнгэ аймагт гурван баг гарч, үүлэнд зориудаар нөлөөлөн Ерөө, Мандал суманд асч буй түймрийг унтраахаар ажиллаж байна. Төв аймагт мөн хоёр баг ажиллаж байгаа. Сэлэнгэ аймгийн Мандал суманд өчигдөр хоёр үүл буудах пуужин харваж, хоёр цаг орчим бороо орсон.

Долдугаар сарын 17-ноос эхлэн баруун талаас чийг орж ирж байгаа бөгөөд өнөөдрийн байдлаар Завхан, Хөвсгөл, Булганы өмнө хэсэг, Архангай аймгийн баруун хэсгээр орж байна. Энэ бороо зүүн хойшоо чигтэй байгаа учраас түймэр гарч байгаа бүсүүдээр маргааш үдээс хойш, шөнөдөө дайрах магадлалтай байгаа. Нийт нутгаар зуншлага муу байна гэсэн үзүүлэлттэй байна. Долдугаар сарын 17,18-нд, 22-24 болон сарын сүүлээр бороо орох нөхцөл бүрдэж байгаа учраас ой хээрийн түймрийг нэг талаас хүн хүч, нөгөө талаас байгалийн бороо орж байж унтраах боломжтой. Тиймээс ч УЦУОШХ-ээс яаралтай арга хэмжээг авч, ажиллаж байна. Үүл бүрийг буудах боломжгүй. Борооны үүл, чийгтэй үүл гэж тусдаа байдаг учраас чийг ихтэй үүл буудаж, бороо оруулах боломжтой гэдгийг иргэд ойлгох хэрэгтэй’ гэв.

Ийнхүү түймрийн нөхцөл байдлын мэдээллийг сонсч, тодорхой үүрэг чиглэл өгсөн Монгол Улсын Шадар сайд, Улсын Онцгой комиссын дарга У.Хүрэлсүх, ОБЕГ-ын ГТТГ-ын дарга, хурандаа С.Залуухүү нар Онцгой комиссын хуралдаанаас шууд түймрийн голомт руу явлаа.

Улсын Онцгой комиссын шуурхай хуралдаанаар хэлэлцсэн асуудлуудтай холбогдуулан Монгол Улсын Шадар сайд, Улсын Онцгой комиссын дарга У.Хүрэлсүх,

Батлан хамгаалахын сайд, Улсын онцгой комиссын орлогч дарга Б.Бат-Эрдэнэд:

– Нийт нутгаар хур тунадас бага, хуурайшилт их байгаатай холбогдуулан ой, хээрийн гал түймрийн гаралт, давтамж өндөр байгаа тул Гамшгаас хамгаалах тухай хуулийн 30.1.17-д заасны дагуу ой, хээрийн гал түймэртэй тэмцэх үйл ажиллагаанд зэвсэгт хүчний анги, салбарыг татан оролцуулах, “Ми – 171 Е” нисдэг тэрэгний байнгын бэлэн байдлыг хангуулж ажиллах;

Байгаль орчин, ногоон хөгжил, аялал жуулчлалын сайд Д.Оюунхоролд:

– Цаг агаарын хэт хуурайшилтаас үүдэн нийт нутгаар хуурайшилтын нэн аюултай зэрэгт хүрч, ой, хээрийн гал түймрийн нөхцөл байдал хүндэрсэнтэй холбогдуулан ногоон бүсэд үйл ажиллагаа эрхлэх, аялал зугаалгаар явах хөдөлгөөнийг тодорхой хугацаагаар түр хориглох, түүнд тавих шалгалт, хяналтыг чангатган, зөрчигчдөд хүлээлгэх хариуцлагыг эрчимжүүлэх;

– Үүлэнд зориудаар нөлөөлж, хур тунадас оруулах ажлыг тухай бүр шуурхай зохион байгуулж, тоног төхөөрөмжийн бэлтгэл, бэлэн байдлыг тогтмол хангуулах;

Хууль зүй, дотоод хэргийн сайд С.Бямбацогтод:

– 2017 оны эхний хагас жилд гарсан ой, хээрийн түймрийн шалтгаан, эзэн холбогдогчийг шуурхай тогтоох, гэм буруутай иргэн, аж ахуйн нэгжид хүлээлгэх хариуцлагыг чангатган, хуулийн хариуцлага тооцох, энэ талаар хэвлэл мэдээллийн хэрэгслээр сурталчилах;

-Монголын хилээр орж ирж буй гадаадын иргэдийн зорчих маршрут, хөдөлгөөнд хяналт тавих;

Эрчим хүчний сайд П.Ганхүүд:

-Эрчим хүчний салбарт тохиолдож болзошгүй гэнэтийн ослоос урьдчилан сэргийлэх үзлэг шалгалтыг хийж, зөрчил дутагдлыг арилгуулж, аваар, ослын үед ажиллах хувилбар төлөвлөгөө гаргаж шуурхай арга хэмжээ авах, шаардлагатай материал хэрэгслийн нөөц бүрдүүлэх;

Зам, тээврийн хөгжлийн сайд Д.Ганбатад:

-Байгалийн гэнэтийн аюулт үзэгдлийн улмаас замын нөхцөл байдал хүндэрсэн тохиолдолд холбогдох хууль, тогтоомж, журманд заасны дагуу Улсын онцгой комиссын Ажлын албатай хамтран замын хөдөлгөөнийг хэсэгчлэн болон түр хугацаагаар хязгаарлах, зайлшгүй тохиолдолд зогсоох хүртэлх арга хэмжээг авч хэрэгжүүлэх;

– Архангай, Булган, Говь-Алтай, Өвөрхангай, Хөвсгөл аймгуудын нутгаар 2017 оны 6 дугаар сард их хэмжээний бороо орж, үер буусны улмаас улсын чанартай зам, замын байгууламжинд гарсан эвдрэл, гэмтлийн нөхцөл байдалтай танилцах, үнэлгээ, дүгнэлт гаргах Улсын онцгой комиссын “Шуурхай бүлэг”-ийг томилон ажиллуулах;

Эрүүл мэндийн сайд, Улсын онцгой комиссын гишүүн А.Цогцэцэгт:

-Түймрийн голомтод олон хоногоор ажиллаж байгаа алба хаагчид, иргэдийн эрүүл мэндэд анхаарал хандуулж, эмнэлгийн үзлэг, шинжилгээ хийх эмч нарын багийг илгээх,

-Төрийн тусгай албан хаагчдын нэгдсэн эмнэлэгтэй хамтран ажиллах,

Аймаг, нийслэлийн Засаг дарга, Онцгой комиссын дарга нарт:

– Ой, хээрийн гал түймрийн гаралт, давтамж их байгаатай холбогдуулан ногоон бүсэд аялж зугаалж буй иргэдэд гал түймрийн аюулаас урьдчилан сэргийлэх ажлыг зохион байгуулж, хяналт, шалгалтыг чангатгах;

– Гамшгийн голомтод олон хоногоор ажиллаж байгаа үндэсний аюулгүй байдлыг хангах тусгайлсан чиг үүрэг бүхий байгууллагуудын албан хаагчдыг хоол, хүнс болон шатахуунаар хангаж, дэмжлэг үзүүлэх;

– Нийт нутгаар хур тунадас багатай, өвс, ногооны гарц муу байгаа тул өвс, тэжээл бэлтгэх асуудалд анхаарал хандуулж, орон нутгийн нөөц бололцоогоо дайчлан ажиллах,

– Цаг агаарын урьдчилсан төлөв байдлын мэдээг малчид, иргэд, аж ахуйн нэгж байгууллагуудад шуурхай хүргэх үүднээс орон нутгийн хэвлэл мэдээллийн хэрэгслүүдээр анхааруулга, сэрэмжлүүлгийг тогтмол явуулах, байгалийн аюулт үзэгдлийг хохирол багатай даван туулах арга хэмжээг Гамшгаас хамгаалах улсын албадтай хамтран зохион байгуулах;

– Аюулт болон гамшигт үзэгдлийн талаарх мэдээллийг сум, орон нутгийн хэрэглэгчдийн гар утсанд “Багц мессеж”-ээр шуурхай дамжуулахад шаардагдах зардлыг тухай бүр шийдвэрлэх;

Улсын онцгой комиссын орлогч дарга, Онцгой байдлын ерөнхий газрын дарга, хошууч генерал Т.Бадралд:

-Түймрийн нөхцөл байдал харьцангуй тайван байгаа орон нутгийн Онцгой байдлын газруудын хүч хэрэгслийг Төв, Сэлэнгэ, Булган аймгуудын түймэрт татан ажиллуулах;

– Цаг уур, орчны шинжилгээний газрын судалгаа, шинжилгээн дээр тулгуурлан шаардлагатай тохиолдолд ОХУ-ын Онцгой байдлын яам, арилжааны нислэгийн компаниудтай хамтран ой, хээрийн гал түймрийг агаараас унтраах ажлыг шуурхай зохион байгуулах;

– Засгийн газрын яам, агентлагууд, иргэд, аж ахуйн нэгжүүдээс ирүүлсэн сайн дурын хандивыг Онцгой байдлын ерөнхий газар дээрх хандивын дансанд нэгтгэж, зориулалтын дагуу ашиглан, хандивын зарцуулалтыг олон нийтэд ил тод тайлагнах;

Сангийн яамны Төрийн нарийн бичгийн дарга, Б.Нямаа, Улсын онцгой комиссын Нарийн бичгийн дарга, хурандаа М.Энх-Амар нарт:

– 2017 оны эхний хагас жилийн хугацаанд улсын хэмжээнд тохиолдсон гамшгийн улмаас учирсан хохирлыг арилгах, хойшлуулшгүй сэргээн босгох үйл ажиллагаанд шаардагдах хөрөнгийн асуудлууд, гамшгийн голомтод үүрэг гүйцэтгэсэн үндэсний аюулгүй байдлыг хангах тусгайлсан чиг үүрэг бүхий байгууллагуудын албан хаагчдын томилолт, урамшууллыг нэгтгэн, зардлын баримтуудыг сайтар хянаж, 8 дугаар сарын 20-ны өдрийн дотор Засгийн газрын хуралдаанаар шийдвэрлүүлэх;

Улсын онцгой комиссын нийт гишүүдэд:

-Үүссэн цагийн байдалтай холбогдуулан үүрэн телефоныг байнгын нээлттэй байлгаж, бэлэн байдлаа хангаж ажиллах, гадаад улс руу томилолтоор ажиллах тохиолдолд орны хүнээ томилгоожуулж, Улсын онцгой комиссын Ажлын албанд мэдээлэхийг үүрэг болголоо гэж Онцгой байдлын ерөнхий газраас мэдээллээ.

Сүүлийн үед хотын барилгажсан хэсэгт могой орж ирэх, улмаар могойд хатгуулсан тохиолдол их гарах болсон. Могойд хатгуулсан үед ямар арга хэмжээ авах талаар дараахи зөвлөгөөг хүргэж байна. Нийслэл хотыг тойрсон ногоон бүсэд голдуу бамбай хоншоорт могой амьдардаг бөгөөд цочоосон нөхцөлд хороо ялгаруулж хазах, боомилж ороох зэрэг хариу үйлдэл үзүүлдэг хортой могой юм. Манай орны хувьд 20 гаруй төрлийн могой байдгаас бамбай хоншоорт, хонины бор зэрэг 3-4 төрөл нь хортойд тооцогддог.

Хортой могой тод хар өнгөтэй эрээн алаг нь илүү тод байдаг бол хоргүй могой бүдэг саарал өнгөөрөө ялгарна Могойд хатгуулсан дараа хатгасан газар хорсох мэт өвдөж, хавдан эхлээд цайж байснаа аажмаар хөхөрдөг. Хатгуулсан талд хамгийн ойр байх булчирхай цочих ба сайн харвал хатгуулсан газраас булчирхай хүртэл нарийхан хөхөлбөр судал гарсан байдаг. Тэр даруйд нь арга хэмжээ авахгүй бол дотор муухайран огиудас хүрч бөөлжих ба улмаар хэл ээдрэн, ухаан самуурч, таталт өгдөг.Хатгасан могойн хорны хэмжээнээс хамааран хурц, аажим янз бүрээр илэрч болох ч голдуу хүнд байдлаар тусдаг.

Анхны тусламжаа зөв үзүүлбэл цаашдын эрсдлээс хамгаалж чадна. Үүний тулд хатгасан дор сорох юм уу өвчин намдаах эм уух, бүлээн жин тавих нь буруу. Харин гарын дорхи материалаар хазуулсан газрын дээд талаар чангалуур тавих нь зөв. Чангалуурыг резинээр тавьбал илүү сайн. Тэгээд хатгасан нүх харагдаж буй газарт бага зэрэг зүсэлт хийж, цусыг гоожуулах хэрэгтэй. Сорж хэрхэвч болохгүй. Харин зориулалтын бумба, эсвэл бумбаны орон ашиглаж болохоор жижиг аяга, хундага зэргийг тавиад хөхүүлж болдог. Ингэхийн тулд савныхаа амыг доош харуулан дороос нь гал асаан хийгүй болгоод маш хурдан зүссэн хэсэг дээрээ наадаг. Сайн соруулсны дараа бумбаа авч шархыг спирт, марганц, ариутгалын бусад бодисоор сайн цэвэрлээд боолт хийж, тухайн хэсгийг аль болох хөдөлгөөнгүй байлгана. Тэгээд эмнэлэгт хүргэх нь зөв. Өвдөлт их байвал анальгин, диклоденк зэрэг өвчин намдаах төрлийн эм өгч болно. Эмч үзээд шаарлагатай гэж үзвэл алдсан цусыг нөхөх болон хорыг саармагжуулах шингэн сэлбэх эсэхийг шийднэ. Могойтой газар явахдаа хянуур болгоомжтой байхын дээр түрийтэй гутал, урт өмд өмсөх, гишгэх газраа сайтар харах, нүцгэн гараараа өвс, цэцэг зулгаах, тасдахаас аль болох зайлсхийх нь зүйтэй гэж Нийслэлийн Байгаль орчны газраас мэдээллээ.

Хөвсгөл аймгийн төв Мөрөн хотод энэ сарын 21-нд болох “One world-One Khuvsgul” фестивалийн хүрээнд “Авьяаслаг жуулчин” уралдааныг анх удаа зохион байгуулахаар болжээ. Энэ талаар фествалийн үйл ажиллагааны ерөнхий зохион байгуулагч “Do Re sound” продакшны захирал, Монгол Улсын Урлагийн гавьяат зүтгэлтэн, хөгжмийн зохиолч Т.Сэр-Одоос тодрууллаа.

Өмнөговь аймгийн Онцгой байдлын газраас Хангайн аймгуудад гарч буй ой хээрийн түймрийн голомтод ажиллахаар 2 бүлгийн 32 албан хаагч, 2 автомашинтайгаар 2017 оны 07 дугаар сарын 16-ны өдрийн 06:00 минутанд Улаанбаатар хотруу хөдөллөө.