Бүх нийтийн амралтын өдрүүд дуусч хөдөө орон нутгаас нийслэл хотыг чиглэх иргэд, тээврийн хэрэгслийн хөдөлгөөн нэмэгдэж, мөн бүх төрлийн үдэшлэг, шоу, арга хэмжээ зохион байгуулагдаж байгаатай холбоотойгоор согтууруулах ундааны зүйл хэрэглэсэн үедээ тээврийн хэрэгсэл жолоодох явдал нэмэгдэж байна.

Энэ байдлаас болж жолооч болон зорчигч нар зам тээврийн осолд холбогдож эд хөрөнгө, амь насаараа хохирч, гэмтэж бэртэн хөгжлийн бэрхшээлтэй болж, хөдөлмөр эрхлэх чадвараа алдаж бусдын гар харан амьдрах муу үр дагаварыг дагуулж байна.

Тухайлбал 2017 оны 7-р сарын 14,15-ны өдрүүдэд цагдаагийн байгууллагаас Налайх, Тэрэлж болон Гачуурт чиглэлийн авто замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 238 жолоочийг илрүүлэн саатуулж ажиллажээ.

Согтуугаар тээврийн хэрэгсэл жолоодох зөрчлийг бууруулах зорилгоор Замын цагдаагийн албанаас гэнэтийн болон байнгын хяналт шалгалтыг тогтмол явуулж гарч болзошгүй зам тээврийн ослоос урьдчилан сэргийлж ажиллаж байна.

Зөрчлийн тухай хуулийн 14.4.3 дах хэсэгт заасны дагуу жолооч согтууруулах ундаа, мансууруулах эм, сэтгэцэд нөлөөт бодис хэрэглэсэн үедээ тээврийн хэрэгсэл жолоодсон, эсхүл согтууруулах ундаа, мансууруулах эм, сэтгэцэд нөлөөт бодис хэрэглэсэн эсэхийг зохих журмын дагуу шалгуулахаас зайлсхийсэн бол тээврийн хэрэгсэл жолоодох эрхийг нэг жилийн хугацаагаар хасаж, хоёр зуун нэгжтэй тэнцэх хэмжээний буюу 200,000 төгрөгөөр торгох арга хэмжээ авна гэж заасан байдаг.

Иймд жолооч та согтууруулах ундааны зүйл хэрэглэсэн үедээ тээврийн хэрэгсэл жолоодохоос татгалзаж нийтийн тээвэр болон такси үйлчилгээг сонгох, найдвартай дуудлагын жолооч дуудаж үйлчлүүлэхийг анхаарууллаа.

Монгол Улсын Ерөнхийлөгчийн 2017 оны ээлжит сонгууль болон Үндэсний их баяр наадамтай холбогдуулан долоодугаар сарын 7-16-ны дуустал дугаарын хязгаарлалт үйлчлээгүй. Харин өнөөдрөөс эхлэн автомашины улсын дугаараар хязгаарлагдсан тээврийн хэрэгсэл хязгаарлагдсан бүсчлэлд 08:00-20:00 цагийн хооронд замын хөдөлгөөнд оролцохгүй, дугаарын хязгаарлалт хэвийн явагдана гэж Замын Цагдаагийн Албанаас мэдээллээ.

“Хөвсгөл Нэг үе” клуб иргэдэд эко боловсрол олгох, байгаль дэлхийгээ хайрлаж хамгаалах, хог хаяхгүй байхыг уриалж Хөвсгөл аймгийн Тариалан сумын нутаг Намнан уулын араас Хатгал тосгон хүртэлх аялал жуулчлалын гол урсгал, зам дагуу сурталчилгааны 13 самбар босгох бүтээн байгуулалтын ажлыг хийж дуусгажээ. Сурталчилгааны энэхүү самбаруудад ”Мод бидний уушиг юм” зэрэг эерэг ойлголт төрүүлэх, ухаарал хайрлах, гэгээлэг утгатай үгтэй аж.
Далай ээж хүрэх зам хоггүй, цэвэр байгаасай хэмээн тус клубынхан зургадугаар сарын эхээр Хөвсгөл аймгийн ЗДТГ-тай хамтран Булган аймгийн хилийн заагаас Хөвсгөл далай хүртэлх зам дагуух хогийг цэвэрлэсэн юм. Түүний дараагаас энэхүү самбар босгох ажлыг эхлүүлсэн юм байна. Байгаль орчны боловсролыг байгальд гэсэн уриатай энэхүү ухуулан таниулах ажлыг нутгийн иргэд төдийгүй аялж, амрахаар зорьсон аялагчид дэмжиж байгаагаа илэрхийлсээр байна. Зандарч, шаардаж, тулгахаас илүүтэйгээр иргэдийн сэтгэлгээг ногооруулах, хаа тааралдсан газраа хогоо шидчихдэг буруу дадал хэвшлийг өөрчлөхөд таниулан ухуулах, ой тойнд ортол мэдээлэлжүүлэх нь чухал юм.Хог хаядаг сэтгэхүйгээ өөрчилж чадахгүй бол улс даяараа гарч цэвэрлээд ч нэмэргүй.Дахиад л удалгүй хогондоо дарагддаг. Тийм болохоор “Хөвсгөл нэг үе” клубынхан өөрсдийнхөө боломж бололцоондоо түшиглэн ийнхүү нийгмийн сайн сайхны төлөөх сайн үйлсийг эхлүүлээд байна.
Агаар уснаас ч илүү чухал зүйл. Учир нь хүн усгүй 3 хонож чадах бол агааргүй, хүчил төрөгчгүйгээр хэдэн минут ч амьд байх боломжгүй. Тиймээс хүн бүр агаарыг цэвэршүүлж, хүчил төрөгчийг нэмэгдүүлж буй зүлэг ногоо, ой модоо, ногоон байгууламжаа хайрлаж, хамгаалах үүрэгтэй юм.
Ногоон сэтгэлгээг давалгаалуулахын тулд дараах хэдэн дадлыг та өөрийн өдөр тутмын амьдралдаа төлөвшүүлээрэй хэмээн “Хөвсгөл нэг үе” клубынхан уриалж байна. Тэд “Гэртээ, ажил, цэцэрлэг, гудамж, амралт, үйлчилгээний газар, уул, гол усанд хаана ч гэсэн хог хаяхгүй байх, амралтаар явах, агаар салхинд гарах үед гарсан хог хаягдлаа тагтай саванд эсвэл хогийн уутанд хийгээд авчирч, хогийн саванд хаяж хэвших, орчин тойрондоо цэвэр цэмцгэр байх нь өөртөө төдийгүй бусдад тусалж байгаа сайн үйлс юм” гэлээ.

Малчид, иргэдийн анхааралд:

Цагдаагийн байгууллага 2017 оны долдугаар сарын 16-ны өдрийн байдлаар ой, хээрийн гал түймрийн хэрэг, зөрчлийн тухай нийтдээ 105 мэдээ, мэдээлэл хүлээн авч шалгажээ.

Өнөөдрийн байдлаар Сэлэнгэ аймгийн Ерөө, Мандал, Хүдэр, Төв аймгийн Батсүмбэр, Эрдэнэ сумдын нутагт түймэртэй байна.

Орон нутгийн замд 24 цагийн хяналт шалгалт хийж байна

НӨАТ-ын сугалаагаар 20 сая төгрөгийн нэг азтан тодорлоо

Баяр наадмын үеэр цаг агаарын хэт халалттай байсантай холбогдуулан нийслэлийн нутаг дэвсгэрт Туул, Тэрэлж, Хэрлэн гол дагуу завьт эргүүлээр 2017 оны 07 дугаар сарын 06-16-ны өдрүүдэд

Монголбанк нэг долоо хоногтой 604 тэрбум төгрөгийн ТБҮЦ-ыг 12 хувийн жигнэсэн дундаж хүүгээр арилжааллаа. Ингэснээр энэ сарын 16-ны байдлаар нэг долоо хоногтой ТБҮЦ-ны үлдэгдэл 1 их наяд 674 тэрбум төгрөг болжээ.

Өнөөдрийн байдлаар Сэлэнгэ аймгийн Ерөө, Мандал, Хүдэр, Төв аймгийн Батсүмбэр, Эрдэнэ сумдын нутагт түймэртэй байна.

Архины шил 1 сая жилийн дараа байгальд уусна

...“Зүүний хүчний холбоо”-ны гишүүдийг хотын фракцынхны матаас ба жагсаалтаар Жа.Энхбаяр, Л.Оюун-Эрдэнэ гэхчлэн ганцаарчлан дуудаж уулзсан ба хамгийн сүүлд эсрэг ажилласаар байсан Я.Содбаатарыг өрөөндөө дуудаж “эсрэг ажиллаад байвал хохь чинь шүү” гэж дарамтлаад гаргасан байна...

“Нарантуул”, “Хүчит шонхор” захууд маргаашнаас ажиллана

Улаанбаатар дулааны сүлжээ ТӨХК-ийн 2017 оны их засвараар дулааны шугамыг шинэчлэн солих ажилтай холбоотойгоор халуун ус хязгаарлаж байгаа билээ. Тэгвэл энэ долдугааар сард халуун ус хаязгаарлах хуваарийг танилцуулж байна.



VII сарын 17-21-нд



Оргил рашаан сувилал, Төв цэнгэлдэх, 120 мянгат, Жаргалан, Нархан хотхон, Баянмонгол, Олимп хороолол, Шинэ Монгол сургууль, 13-р хороолол ДДТ-26, 27-с хангагддаг хэрэглэгчид


VII сарын 24-28-нд



УБ Палас, 10-р хороолол, 3-р эмнэлэг, 1-р хороолол орчим


VII сарын 31-ээс VIII сарын 4-нд



Цирк, 31-р сургууль, Үзэсгэлэн худалдаа, Япон ЭСЯ, Шүрэн зочид буудал, Шинэ үе сургууль, 21-р сургууль, Бөхийн өргөө, 13-р хороолол ДДТ-24, 25, Сансар 12, 15-р хороолол орчимын хэрэглэгчдиийн халуун усыг түр хязгаарлана.

Ой хээрийн түймрийн нөхцөл байдал хүндэрсэнтэй холбогдуулан Нийслэлийн Засаг бөгөөд Улаанбаатар хотын Захирагч С.Батболд захирамж гаргалаа. Өнөөдрийн байдлаар нийслэлийн ногоон бүсэд түймэр асаагүй ч хил залгаа аймгуудад ой хээрийн түймэр асч байгаа учраас гал гарахыг хүлээх биш урьдчилан сэргийлэх ажлыг эрчимжүүлж, өндөржүүлсэн бэлэн байдалд ажиллах ёстой гэж үзсэн юм. Захирамжид :

Хуурайшилтын түвшин аюулгүй зэрэглэлд шилжтэл нийслэлийн ногоон бүсэд аялал зугаалга хийх, тээврийн хэрэгсэл нэвтрүүлэх, аж ахуйн болон аялал жуулчлалын үйлчилгээ явуулахыг хориглох.
Нийслэлийн Аялал жуулчлалын газраас анхааруулга, сэрэмжлүүлэг гаргах.
Байгаль орчны байцаагчид өндөржүүлсэн бэлэн байдалд ажиллах.
Нийслэлийн Эрүүл мэндийн газраас түймрийн утаатай холбоотойгоор иргэдэд хандсан зөвлөмж гаргах.
Дүүргийн дарга нар урьдчилан сэргийлэх ажлаа эрчимжүүлж, томилгоот бүрэлдэхүүнүүдийг бэлэн байлгах зэргийг тусгажээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Берлин муж улсын Ерөнхий сайд бөгөөд Берлин хотын Захирагч ноён Михаель Мюллер тэргүүтэй төлөөлөгчид өнөөдөр өглөө манай улсын нийслэлд газардлаа. Тэд энэ сарын 17-19-ний өдрүүдэд Улаанбаатар хотод айлчлах юм. Айлчлалын үеэр Берлин хотын Захирагч Михаель Мюллерыг Монгол Улсын Ерөнхийлөгч Х.Баттулга хүлээн авч уулзана. Мөн Нийслэлийн Засаг дарга бөгөөд Улаанбаатар хотын Захирагч С.Батболд болон хотын удирдлагуудтай уулзаж, Улаанбаатар хотын төлөвлөлттэй танилцах юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

БЕРЛИН МУЖ УЛСЫН ЕРӨНХИЙ САЙД БӨГӨӨД БЕРЛИН ХОТЫН ЗАХИРАГЧ

НОЁН МИХАЕЛЬ МЮЛЛЕРЫН НАМТАР

1964 Берлин хотод төрсөн, эхнэр 2 хүүхэдтэй

1982 Ерөнхий боловсролын дунд сургууль төгссөн

1983 Бизнесийн удирдлагын Техникийн коллеж төгссөн

1986 хүртэл Бизнес эрхэлсэн

1986-2011 Хувиараа хэвлэлийн бизнес эрхэлж байсан

1981 оноос Социал-Демократ намын гишүүнээр элссэн

1991-2000 Социал-Демократ намын орон нутгийн дарга

1989-1996 Берлин хотын Темпелхоф дүүргийн ассемблейн гишүүн

1996 оноос Берлины “Төлөөлөгчдийн танхим”-ын гишүүн

2000-2004.05 Темпелхоф-Шонеберг дүүргийн Социал-Демократ намын дарга

2001-2011 Берлины “Төлөөлөгчдийн танхим” дахь Социал-Демократ намын дарга

2004-2012 Берлин муж дахь Социал-Демократ намын дарга

2011-2014 Берлин хотын захирагч, Хот төлөвлөлт, байгаль орчны асуудал хариуцсан сенатор

2014.12.11 Берлин муж улсын сайд болон хотын захирагчаар ажиллаж эхэлсэн

2016 оноос Берлин муж дахь Социал-Демократ намын дарга

Батсүмбэрт гарсан 6 түймрийг унтрааж, цурманд орууллаа
БОАЖ-ын сайд Д.Оюунхоролоор ахлуулсан ажлын хэсэг Төв аймгийн Батсүмбэр сумын нутагт гарсан гал түймрийн голомт дээр ажиллаж байна. Өчигдөр буюу долдугаар сарын 16-нд ЦУОШГ-ын дарга С.Энхтүвшингээр ахлуулсан албаныхантай хамтран нарийн судалгаа хийж, 3 удаа үүлэнд нөлөөлж бороо оруулсан бол өнгөрсөн шөнө мөн 5 удаа үүлэнд нөлөөлж, бороо орууллаа. Үүний үр дүнд тус суманд гарсан 6 түймрийг бүрэн унтрааж,цурманд оруулаад байгаа юм.
Түүнээс гадна 27 сая төгрөгийн 5 төхөөрөмжийг сум дундын ойн ангид хүлээлгэн өглөө. Мөн БОАЖЯ-ны ажилчдын нэг өдрийн цалин 5 сая төгрөгийг түймрийн голомтод ажиллаж буй иргэд, албан хаагчдад зориулан зарцуулахыг хүсч Батсүмбэр сумын ЗДТГ-т хандивлажээ.

Чөлөөт бөхийн Испанийн Гранпри тэмцээний хоёр дахь өдөр эмэгтэйчүүдийн найман жингийн барилдаан болж өндөрлөлөө. Мадридын дэвжээнд Монгол Улсын гавьяат дасгалжуулагч Ц.Хосбаярын удирдлага дор манай улсаас хоёр бүсгүй зодоглосноос 63 кг-ын жинд “Алдар” спорт хороо, Үндэсний шигшээ багийн тамирчин ОУХМ Пүрэвдоржийн Орхон Шведийн Йоханссон, АНУ-ын Алексис Портер, Маллори Велт, Болгарын Тайбе Юсейн нарыг ялж ээлжит нэгэн алтан медалиа зүүв. Тэрбээр 2017 он гарснаас хойш тав дахь тэмцээндээ (Тэрбээр он гарснаас хойш насанд хүрэгчдийн УАШТ, Иван Ярыгиний “Алтан Гранпри”, “Монголиа Опен, “Poland Open”-д аваргалаад байсан юм) оролцож бүгдэд нь түрүүлээд байна. Түүнийг одоо сарын дараа Францын нийслэл Парист зохион байгуулдагдах ДАШТ хүлээж байна. Торгон ирэн дээрээ байгаа П.Орхонд Монголын чөлөөт бөх сонирхогчид энэ жилийн Дэлхийн аваргаас өндөр итгэл найдвар хүлээлгэж байгаа. Тэгэхээс ч аргагүй биз ээ.
Түүнчлэн Испанийн нийслэлд 53 кг-д хүч үзсэн “Монголиа Опен-2017” ОУТ-ий аварга, ”Алдар” спорт хороо, Үндэсний шигшээ багийн тамирчин ОУХМ Ганбаатарын Отгонжаргал хүрэл медаль хүртэв. Энэ нь түүний Гранпри ангиллын тэмцээнээс хүртсэн анхны медаль юм.

ЭМЭГТЭЙЧҮҮДИЙН ДҮН:
48 кг: 1. Анжелинка Ветошкина (ОХУ) 2. Миглена Селишка 3. Элица Янкова (хоёул Болгар), Виктория Энтони (АНУ)
53 кг: 1. Жессика Макдональд 2. Жасмин Миан (хоёул Канад) 3. Екатерина Полещук (ОХУ), Ганбаатарын Отгонжаргал (Монгол)
55 кг: 1. Бекка Лезерс (АНУ) 2. Мария Гурова (ОХУ) 3. Рамона Галамбос (Унгар), Билиана Дудова (Болгар)
58 кг: 1. Марва Амри (Тунис) 2. Мишель Фаззари (Канад) 3.Юльяна Тукуренова (ОХУ), Кайла Миракле (АНУ)
60 кг: 1. Любовь Овчарова (ОХУ) 2. Анастасия Григорьева (Латви) 3. Мими Христова (Болгар), Йоханна Маттссон (Швед)
63 кг: 1. Пүрэвдоржийн Орхон (Монгол) 2. Тайбе Юсейн (Болгар) 3. Илана Кратыш (Израиль), Маллори Велт (АНУ)
69 кг: 1. Тамыра Менсах (АНУ) 2. Галина Булатова (ОХУ) 3. Форрест Молинари (АНУ), Эльмира Сыздыкова (Казахстан)
75 кг: 1. Мае Эпп (Эстони) 2. Виктория Франсис (АНУ) 3. Жюстин Дистасио (Канад), Иселин Солхейм (Норвеги)

Халиун Буга төслийг санаачилан хэрэгжүүлж буй залуусдаа ажилд нь амжилт хүсье