Шатахууны үнэ нэмэгдэж ”гэнэтийн бэлэг’ барих нь

Ирэх Пүрэв гаригт болох УИХ-ын чуулганаар 2016 оны төсвийн тодотголыг хэлэлцэх бөгөөд энэ хуралдаанаар гишүүд бензин шатахууны үнийг 100 хувь нэмэх нь тодорхой боллоо гэсэн яриа энэ өдрүүдэд Төрийн ордноор түгэж эхэллээ. Ерөнхий сайд Ч.Сайханбилэгийн “Төсвийн алдагддыг яаралтай нөхөх арга хэмжээ ав” гэсэн даалгаврын дагуу Сангийн сайд Б. Болор өнгөрөгч аравдугаар сард уг төсвийн тодотголыг боловсруулан Төсвийн байнгын хороогоор хэлэлцүүлсэн бөгөөд уг тогтоолын төсөлд дурьдсанаар “Өнгөрсөн оны сүүлийн хагас жилээс эхлэн дэлхийн зах зээд дэх газрын тосны үнэ тогтмол буурч, үүнийг дагаад ОХУ-аас импортоор авдаг автобензин, дизелийн түлшний хилийн үнэ төлөвлөсөн хэмжээнээс буурч байгаа нь аж ахуйн нэгжүүдийн ашигт ажиллагааг огцом өсгөж байгаа тул УИХ-аас баталсан татварын дээд хувь хэмжээг нэмэгдүулэх таатай нөхдөл бүрдээд байна” гэжээ. Сангийн яамныхны төлөвлөснөөр 2015 оны үлдэх хугацаанд 17.8 тэрбум төгрөг, 2016 онд 60 тэрбум төгрөгийн орлого нэмж төвлөрнө гэж үзэж байгаа юм. Өөрсдийнх нь булзааруулж байгаагаар “Энэ бол бөөний үнэнд тавьж байгаа татвар” гэсэн хэдий ч нефть импортлогчид харин эсрэгээрээ уг шийдвэр хэрэгжиж эхэлвэл бензиний үнээ нэмэхээс өөр аргагуй гэсэн яриа яаман дээр болсныг тэд ихэд нууцалж байгаа аж. Бензиний үнэ ийнхүү 100 хувиар нэмэгдэх нь өргөн хэрэглээний барааны үнэ өсөх шалтгаан болж, тэртэй тэргүй хүнд байгаа ард түмний аж амьдралд бас нэгэн хүнд ачаа буюу “гэнэтийн бэлэг” болж очих нь ээ.

Батлан хамгаалах бодлогын тулгуур баримт бичгийн талаар мэдээлэл хийнэ

Зарим хэвлэл мэдээллийн хэрэгслээр Хятадын хилчид Монголын хилчдэд буу тулган сүрдүүлжээ гэх мэдээлэл тархсантай холбогдуулан Хил хамгаалах ерөнхий газрын Олон нийттэй харилцах албаны дарга, дэд хурандаа Д.Энхтайванаас доорхи зүйлийг тодрууллаа.

Өнөөдөр УИХ дахь Байнгын хороод хуралдана. Яг одоо Эдийн засгийн байнгын хороо хуралдаж БНХАУ-ын Экспорт, Импорт банкнаас авах зээлийн асуудлыг хэлэлцэж байна. Мөн Төсвийн зарлагын хяналтын дэд хороо хуралдаж байгаа юм.

ӨМНӨГОВЬ АЙМАГТ ТЭМЭЭНИЙ ГЭГДЭХ ӨВЧНӨӨР 2 ҮХЭР ҮХЖЭЭ. Тус аймгийн Ханбогд сумын Номгон багт тэмээ өвчилж өнөөдрийн байдлаар 12 үхэж, 10 тэмээ өвчилсөн байна. Тэгвэл нэмж тус айлын 2 үхэр тэмээтэй адил шинж тэмдэгээр үхжээ. Мөн 5 үхэр өвчлөөд байна.

Өндөр цалинтай ажилд орох гэсэн хүсэл сонирхолдоо хэт автагдан гарч болох эрсдэлийг тооцоололгүй бусдад их хэмжээний мөнгөө өгч залилуулах явдал иргэдийн дунд ихээхэн гарч байгаа учраас энэ мэт зүйлд анхаарал болгоомжтой хандах хэрэгтэйг аймгийн прокурорын газраас сануулж байна.

2015 он гарснаас хойш Эрдэнэт үйлдвэрт ажилд оруулж өгнө гэх нэрийдлээр бусдаас бэлэн мөнгө авч залилсан гэмт хэрэг 3 бүртгэгджээ.


Энэ хэргийн улмаас 10 гаруй хүн хохироод байгаа бөгөөд хохирлын хэмжээ 2-60 орчим сая төгрөг юм байна.Иргэдийн хувьд хууль эрх зүйн мэдлэггүй гэхээсээ илүүтэй амар аргаар ажилд орох гэсэн байдлаас үүдэн хохирч байгаа гэдгийг хэлж байна. Түүнчлэн бэлэн мөнгөө хурдан хугацаанд өсгөх зорилгоор бусдад мөнгө зээлүүлдэг. Ингэхдээ иргэд хууль зүйн үндэслэл бүхий албан ёсны гэрээ хийдэггүйн улмаас мөн хохирох явдал гарч байна.

Өмнөх онд мөн шийдвэрлэгдэхгүй удааширсан Эрдэнэт үйлдвэрт ажилд оруулж өгнө гэж бусдыг залилан мэхэлсэн гэмт хэргүүд шүүхийн байгууллагад байсаар байна. Иймээс иргэд их хэмжээний бэлэн мөнгөө өсгөх,бусдад зээлдүүлэх захиран зарцуулахдаа болгоомжтой хандахын дээр ямар нэгэн шалгуургүйгээр мөнгө төлж үйлдвэрт ажилд орж болно гэдэг нь буруу төөрөгдөл төдийгүй хууль бус гэдгийг анхаарах хэрэгтэйг сэрэмжлүүллээ.

Нийгмийн даатгалын байцаагчид нас барсан хүний нэрээр мөнгө “завшиж” байсан хэрэг олны дургүйцлийг ихээхэн хүргэж байна. Уг хэргийг Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсийнхэн илрүүлэн шалгаж эхэлсэн юм.

Тодруулбал, нийслэл, орон нутгийн нийгмийн даатгалын байгууллагууд арилжааны банкуудтай үгсэн хуйвалдаж нас барсан ахмад настнуудын нэрээр тэтгэврийн зээл авдаг байжээ. Одоогоор 10 мянга гаруй иргэний нэр яригдаж байгаа гэнэ. Иргэд өөд болсон ахмад настныхаа бичиг баримтыг нийгмийн даатгалд хүргүүлдэг ч төрийн үйлчилгээний ажилтнууд талийгаачийн нэрийг улсын бүртгэлээс хасдаггүй. Харин арилжааны банктай хуйвалдан талийгаачдыг амьд мэтээр улсаас тэтгэврийг нь авсаар байсан аж.

Уг хэргийн талаар ЦЕГ-ын Хэвлэл мэдээллийн төвийн дарга, цагдаагийн хошууч Б.Баатархүүгээс тодрууллаа.

-Нас барсан иргэдийн нэрээр мөнгө авдаг байсан Нийгмийн даатгалын ажилтнуудын хэрэг багагүй дуулиан тарьж байна. Уг хэргийн талаар мэдээлэл өгөхгүй юу?

-Нийгмийн даатгалын ажилтнууд нас барсан иргэдийн нэрийг хасалт хийлгүйгээр улсаас мөнгө завшиж байсан хэргийг цагдаагийн байгууллага илрүүлэн шалгаж байна. Ингэхдээ банкуудтай хуйвалдан мөнгө завшиж улсад онц их хэмжээний хохирол учруулсан.



-Ямар банкуудтай хуйвалдаж байсан юм бол?

-Хэргийг шалгаж байгаа учир банкуудын нэрийг хэлэх боломжгүй байна. Мөрдөн байцаалтын ажиллагаа үргэлжилж байна.



-Тэгвэл онц их хэмжээний хохирол учруулсан гэдгээ тодруулбал?

-Шинжээчийн дүгнэлт гараагүй учраас хохирлын хэмжээг хэлэх боломжгүй байна. Гэхдээ нэлээн хэдэн тэрбум төгрөгийн хохирол учруулсан гэж хэлж байна. Тиймээс тэдэнд Эрүүгийн хуулийн тусгай ангийн 148.4-т зааснаар эрүүгийн хэрэг үүсгэн шалгаж байгаа.



-Шалгагдаж байгаа ажилчдын тоог хэлэх боломжтой юу?

-Нийслэлийн бүх дүүрэг, зарим аймгийн Нийгмийн даатгалын хэлтсийн ажилтнууд холбогдсон учраас тодорхой тоо хэлэх боломжгүй байна.

Албаны хүн ийм тайлбар хэлж байна.

Өнөөдөр УИХ-ын Эдийн засгийн байнгын хороо, Төсвийн зарлагын хяналтын дэд хороо, Байгаль орчин, хүнс, хөдөө аж ахуйн байнгын хороо, Төсвийн байнгын хороо, Өргөдлийн байнгын хорoо, Аюулгүй байдал, гадаад бодлогын байнгын хорооны хуралдаан тус тус болно.



1. Эдийн засгийн байнгын хорооны хуралдаан 09.00 цагаас “А” танхимд:

Хэлэлцэх асуудал: Монгол Улсын Засгийн газар, Бүгд Найрамдах Хятад Ард Улсын Экспорт Импорт банк хооронд байгуулах 1.0 тэрбум ам. долларын зээлийн ерөнхий хэлэлцээрийн төсөл /Засгийн газар 2015.10.30-ны өдөр өргөн мэдүүлсэн, зөвшилцөх, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ/.



2. Төсвийн зарлагын хяналтын дэд хорооны хуралдаан 09.00 цагаас “Б” танхимд:

Хэлэлцэх асуудал: Монгол Улсын 2016 оны төсвийн тухай, Нийгмийн даатгалын сангийн 2016 оны төсвийн тухай, Хүний хөгжил сангийн 2016 оны төсвийн тухай хуулийн төслүүд /Засгийн газар 2015.10.01-ний өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/.



​3. Байгаль орчин, хүнс, хөдөө аж ахуйн байнгын хорооны хуралдаан 10.00 цагаас “А” танхимд:

Хэлэлцэх асуудал: Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүд /Засгийн газар 2015.10.01-ний өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/;



Засгийн газрын тусгай сангийн тухай хуульд өөрчлөлт оруулах тухай, Агаарын тухай хуулийн зарим зүйл, хэсэг, заалтыг хүчингүй болсонд тооцох тухай, Байгаль орчныг хамгаалах тухай хуульд өөрчлөлт оруулах тухай, Усны тухай хуульд өөрчлөлт оруулах, Агаарын бохирдлын төлбөрийн тухай хуульд өөрчлөлт оруулах тухай, Хувиргасан амьд организмын тухай хуульд өөрчлөлт оруулах тухай, Хөдөө аж ахуйн гаралтай бараа, түүхий эд, биржийн тухай хуулийн зарим хэсгийг хүчингүй болсонд тооцох тухай, Хөрс хамгаалах, цөлжилтөөс сэргийлэх тухай хуулийн зарим заалтын хүчингүй болсонд тооцох тухай хуулийн төслүүд /Засгийн газар 2015.10.01-ний өдөр Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүдийн хамт өргөн мэдүүлсэн, анхны хэлэлцүүлэг, Төсвийн байнгын хороонд санал, дүгнэлтээ хүргүүлнэ/;



“Төрөөс хүнс, хөдөө аж ахуйн талаар баримтлах бодлого батлах тухай” Улсын Их Хурлын тогтоолын төсөл /Засгийн газар 2015.06.10-ны өдөр өргөн мэдүүлсэн, анхны хэлэлцүүлэг/;



Говийн бүсийн усан хангамжийг сайжруулах, цөлжилтийг сааруулах “Ногоон говь” хөгжлийн төслийн талаар холбогдох байгууллагын мэдээллийг сонсох.



4. Төсвийн байнгын хорооны хуралдаан 14.00 цагаас “А” танхимд:

Хэлэлцэх асуудал: Монгол Улсын Засгийн газар, Бүгд Найрамдах Хятад Ард Улсын Экспорт Импорт банк хооронд байгуулах 1.0 тэрбум ам. долларын зээлийн ерөнхий хэлэлцээрийн төсөл /Засгийн газар 2015.10.30-ны өдөр өргөн мэдүүлсэн, зөвшилцөх, санал, дүгнэлтээ Аюулгүй, байдал гадаад бодлогын байнгын хороонд хүргүүлнэ/.



Монгол Улсын 2016 оны төсвийн тухай, Нийгмийн даатгалын сангийн 2016 оны төсвийн тухай, Хүний хөгжил сангийн 2016 оны төсвийн тухай хуулийн төслийн хамт өргөн мэдүүлсэн хуулийн төслүүд /Засгийн газар 2015.10.01-ний өдөр өргөн мэдүүлсэн, анхны хэлэлцүүлэг/;



Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуулийн төсөл /Засгийн газар 2015.10.01-ний өдөр өргөн мэдүүлсэн, анхны хэлэлцүүлэг/;



Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүд /Засгийн газар 2015.10.01-ний өдөр өргөн мэдүүлсэн, хоёр дахь хэлэлцүүлэг/;



“Монгол Улсын Засгийн газарт чиглэл өгөх тухай” Улсын Их Хурлын 2015 оны 36 дугаар тогтоолын хэрэгжилтийн талаар сонсох тухай.



5. Өргөдлийн байнгын хорoоны хуралдаан 14.00 цагаас “Г” танхимд:

Хэлэлцэх асуудал: Усны тухай хууль тогтоомжийн хэрэгжилтийг хангах талаарх өргөдлийг судлан Байнгын хорооны хуралдаанаар хэлэлцүүлэхэд бэлтгэх үүрэг бүхий ажлын хэсэг байгуулах.



6.Аюулгүй байдал, гадаад бодлогын байнгын хорооны хуралдаан 16.00 цагаас “А” танхимд:

Хэлэлцэх асуудал: Монгол Улсын Засгийн газар, Бүгд Найрамдах Хятад Ард Улсын Экспорт Импорт банк хооронд байгуулах 1.0 тэрбум ам. долларын зээлийн ерөнхий хэлэлцээрийн төсөл /Засгийн газар 2015.10.30-ны өдөр өргөн мэдүүлсэн, зөвшилцөх/;

Монгол Улсын Засгийн газар, Азийн хөгжлийн банк хооронд байгуулах “Нийгмийн халамжийг дэмжих хөтөлбөр”-ийн зээлийн хэлэлцээрийг соёрхон батлах тухай хуулийн төсөл /Засгийн газар 2015.10.30-ны өдөр өргөн мэдүүлсэн, соёрхон батлах/;

Монгол Улсын Засгийн газар, Азийн хөгжлийн банк хооронд байгуулах “Хөдөө аж ахуй, хөдөөгийн хөгжил төслийн нэмэлт санхүүжилт”-ийн зээлийн хэлэлцээрүүдийг соёрхон батлах тухай хуулийн төсөл /Засгийн газар 2015.10.30-ны өдөр өргөн мэдүүлсэн, соёрхон батлах/-ийг хэлэлцэхээр төлөвлөжээ.

Өнөөдөр УИХ-ын дараах ажлын хэсгүүдийн хуралдаан болно.

Эрүүгийн хууль /шинэчилсэн найруулга/, Зөрчлийн тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 10.00 цагаас “В” танхимд;


Эрүүгийн хэрэг шалган шийдвэрлэх тухай /шинэчилсэн найруулга/, Зөрчил шалган шийдвэрлэх тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 14.00 цагаас “В” танхимд;


Төрийн албаны тухай /шинэчилсэн найруулга/ болон Төрийн албаны тухай хуульд нэмэлт, өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын дэд хэсгийн хуралдаан 14.00 цагаас 334 тоот өрөөнд болохоор товлогдсон байна.

Улс орны эдийн засаг хямарч, хаа сайгүй бүсээ чангалсан энэ цаг үед засаг ноёдын тансаглал хэрээс хэтэрч, улам “гаарч” байгааг Дархан-Уул аймгийн засаг дарга С.Насанбаттай холбоотой олон асуудлууд гэрчлэх биз ээ. Албан тушаалтнуудын хөрөнгө орлогын мэдүүлгийг олон нийтэд зарласны дараа аймгуудын засаг дарга нараас хөрөнгө орлогын мэдүүлгээрээ айргийн тавд багтсан С.Насанбат төсвийн хөрөнгийг өөрийн хөрөнгө мэт сэтгэснийхээ хариуд өдгөө шалгагдаж байгаа.
Тэгвэл олон жил бугшиж байсан гэх С.Насанбат ийн хууль хяналтын байгууллагаар шалгагдаж эхлэх үед МАН-д харьяалалтай А.Энхболд гэгч Дархан-Уул аймгийн удаах засаг даргаар томилогдсон.
Гэтэл түүнийг албан тушаалд томилогдоод 3 хүрэхгүй сар болж байхад тус аймгийн иргэд хийгээд Засаг даргын тамгын газрын зарим ажилчдаас янз бүрийн таагүй мессеж хөврөх болсоныг нуух юун.
Өөрөөр хэлбэл, Дархан-Уул аймаг шинэ засагтай болсоноор өнөөх л халаа сэлгээ, орон тооны цомхотгол яригдаж, хэл ам тасрахгүй байх боллоо. Өдгөө Засаг даргын тамгын газраас хэчнээн хүн цомхотголд орж, хэчнээн хүн өөрийн хүсэлтээр халагдаад байгаа нь тодорхойгүй байгаа ч манай сурвалжлах баг тус аймгийг зорьж, газар дээрээс нь мэдээ сурвалжлагыг бэлтгэсэн юм.
Аймгийн шинэхэн засаг ноён А.Энхболдын хэлж буйгаар өөрийг нь ажлаа авсанаас хойш агентлаг, хэлтсийн дарга нараас нь эхлээд таван хүн өөрсдийн хүсэлтээр ажлаас гарах өргөдлөө өгөөд байгаа гэв.
Нэгэн цагт хуучин засаг С.Насанбатын бусармаг үйлдлийг цаашид тэсч, хамтран ажиллаж чадахгүй гэж гарсан ИТХ-ын төлөөлөгч, МАН-ын гишүүн Г.Алтантуяа нарын зарим нэгэн хүний жишгээр...
Яг л түүх давтагдаж байгаа аятай өөрсдийн хүсэлтээр алба, хэлтсийн дарга нар нь ажлаа өгөөд байгаа нь Дарханы зарим иргэдэд их л учир битүүлэг байгаа бололтой.
Харин А.Энхболд засаг даргын хувьд “Анх намайг ажил авсан өдөр таван хүн өөрсдөө ажлаас гарах өргөдлөө өгсөн. Тухайлбал, Засаг даргын тамгын газрын дарга, Засаг даргын орлогч, Хөгжлийн бодлогын хэлтсийн дарга тэргүүтэй хүмүүс. Уг нь төрийн алба гэдэг залгамж халаатай. Өөрийн гэсэн хууль дүрэм, журамтай. Энэ хүмүүс надтай уулзаж, ажлаа хүлээлцэх ёстой. Гэтэл тэгээгүй. Энэ хүмүүсийн гаргаж байгаа үйлдлээс харахад, төрийн ажил хийх сонирхолгүй, зөвхөн хуучин байсан Засаг даргатай хамтарч ажиллах, тэр хүнтэй баг болж явах сонирхолтой байсан гэж харагдаж байна” хэмээн хэлж сууна.
Тэгэхээр түүний хэлж буйгаар өөрийн хүсэлтээр ажлаа өгсөн алба хаагчид С.Насанбатын хүмүүс гэлтэй. Гэвч ажлаа өгсөн хүмүүс арай өөр бодолтой, бас арай өөр зүйл ярьж явах юм.
Ер нь ямарваа нэг газрын удирдлага солигдохоор дагаад бүтэц бүрэлдэхүүнд нь өөрчлөлт ордог бичигдээгүй хууль манай улсад тогтсон гэхэд болно. Энэ нь төрийн алба хаагчдын ажлын байрыг тогтворгүйдүүлж , битүүхэн айдсыг ч бий болгодог гэдгийг учир мэдэх хүмүүс хэлдэг.
Тэгвэл энэ бүхэн орон нутгуудын Засаг захиргааны газарт бүр хурцаар тавигдаж байгаа нь сурвалжлагын явцад ажиглагдаж байлаа.
Юутай ч Дархан-Уул аймгийн шинэхэн Засаг дарга А.Энхболдоос албан тушаалдаа ирсэнээс хойш цомхотгол хийж, намын тохироогоор хүн халж, сэлгэсэн тохиолдол байгаа эсэхийг тодруулахад “Цомхотгол хийгээгүй гэж хэлэхгүй. Бид хариуцлага тооцож, төрийн албаны хууль дүрэмд нийцүүлээд явахыг зорьж байна. Ер нь өөрийнхөө оногдсон үүрэгт ажлаа хийсэн шиг хийж байгаа хүнтэй асуудал ярихгүй. Тухайлбал, манай хэлтсийн дарга нар хурууны хээгээр ирц бүртгүүлдэггүй явсаар ирсэн хийгээд олон бугшсан асуудал бий. Үүнд нь бид хариуцлага тооцох механизм ярих ёстой. Зарим алба хаагчдын гэмт хэргийн чанартай асуудал АТГ-т шалгагдаж байгаа. Энэ үндэслэлээр үзвэл халагдах хэмжээний хариуцлага тооцох хүн байсан учир би халсан. Харин өөрийн хүсэлтээр ажлаа өгсөн хүмүүс дунд намайг ажлаас чөлөөлөөд өгөөч. Ингэснээр би цаашид төрийн албанд ажиллах нөхцөл бүрдэнэ гэсэн хүсэлт тавиад гарч байна” гэсэн байр суурийг илэрхийлсэн юм.
Энэ мэт Дархан-Уул аймгийн Засаг дарга А.Энхболд намын тохироогоор алба хаагчдыг халж сэлгэж байна, цомхотгол нэрийн дор төрийн алба хаагчдыг ганхуулаад байна гэх мэдээллийн дагуу бид газар дээр нь очиж нөхцөл байдлыг ийн сийрүүллээ.
Бид дараагийн удаад ажлаас өөрийн хүсэлтээр гарсан гэх иргэд хийгээд цомхотголд орсон алба хаагчдын байр суурийг хүргэх болно.

БГД-ийн нутаг Ажилчны гудамж, Гурвалжин суурь ХХК-ны урд замд улсын дугаар тодорхойгүй H.Mighty маркийн авто машины жолооч нь явган зорчигч 25 настай эрэгтэй Х мөргөж гэмтээн хэргийн газрыг орхиж явсан.
БЗД-ийн нутаг Их тойруу Сансарын ШЬС-ын хойд замд M.Colt маркийн авто машины жолооч А нь явган зорчигч 48 настай эрэгтэй Б г мөргөж гэмтээсэн. Явган зорчигч Б нь согтууруулах ундааны зүйл хэрэглэсэн үедээ замын хөдөлгөөнд оролцсон
.

2015 оны 11 дүгээр сарын 3-ны өдөр Улаанбаатар хотын Замын цагдаагийн газрын ЖШУХ дээр нийт 338 дуудлага мэдээ мэдээлэл хүлээн авснаас зам тээврийн ослын 252 дуудлага бүртгэгдсэн байна. Үүнээс ХАБАЖЭГХэрэг 12 бүртгэгдэж 12 хүн хүнд хөнгөн гэмтсэн үүнээс жолооч-1, явган зорчигч-10, зорчигч-1. Хүүхэд зам тээврийн осолд өртсөн 2 үүнээс сургуулийн өмнөх насны 0, сургуулийн насны 2, согтууруулах ундааны зүйл хэрэглэсэн үедээ хөдөлгөөнд оролцсон жолооч 2, явган зорчигч 2. Согтуугаар тээврийн хэрэгсэл жолоодсон 69 жолоочийг журамлан гарч болзошгүй осол хэргээс урьдчилан сэргийлсэн.

Дөрөвхөн настай охиноо хөнөөсөн хэргээр анхан шатны шүүхээс 24 жилийн хорих ял сонссон Т.Цогт, Г.Маралмаа нар анхан шатны шүүхийн шийдвэрийг эсэргүүцэн давж заалдах шатны шүүхэд хандахаа мэдэгдсэн. Тэгвэл тэдний өмгөөлөгчид Нийслэлийн давж заалдах шатны шүүхэд гомдлыг нь хүргүүлжээ. Нийслэлийн шүүх тэдний гомдолтой танилцаж, 30 хоногийн дотор хурлын товыг гаргах юм. Нийслэлийн давж заалдах шатны шүүхийн шийдвэр гараагүй учир Г.Маралмаа, Т.Цогт нарыг хорих ангид хуваарилаагүй, ШШГЕГ-ын харьяа цагдан хорих 461 дүгээр ангид саатуулж байна.

Тэднийг давж заалдсантай холбогдуулан Г.Маралмаа, Т.Цогт нарын хавтаст хэргээс зарим нэг зүйлийг онцлон сийрүүлж байна.

Г.Маралмаа талийгаач охины бэлэг эрхтэнг базаж чимхдэг байжээ

Хавтаст хэрэг тэмдэглэснээр, Г.Маралмаа нь өөрийн дагавар охин болох гурван нас 11 сартай О-г 2014 оны аравдугаар сараас 2015 оны хоёрдугаар сар хүртэл хугацаанд бөөгийн зан үйл хийж байгаа гэх нэрийдлээр модон могойгоор байнга зодох, эхийн бузар арилгаж байна хэмээн бэлэг эрхтэнг нь базаж чимхэх, бусад оруулсаны дараа онгорхой цонхон дээр зогсоох, үгэнд ороогүй гэж нүд рүү нь будаг арилгагч шингэн цацах, алгадах зэрэг аргаар байнга тарчлааж зовоож байжээ. Мөн арцыг арвай будаатай хольж хүчээр идүүлдэг байсан аж.

Харин Т.Цогтын хувьд төрсөн охин О-г биеэ хамгаалж чадахгүй байгааг мэдсээр байж өмдөндөө баалаа гэх шалтгаанаар суран бүсний арлаар зодох, Г.Маралмаатай хамтран бөөгийн үйл хийж байна хэмээн охиныг модон могойгоор

охин

Үндэсний цэцэрлэгт хүрээлэнгийн даргын ажлаасаа халагдсан Б.Саранчимэг хэвлэлийнхэнд мэдээлэл хийхээр болжээ. Хэвлэлийн хурал маргааш 11.00 цагт Үндэсний цэцэрлэгт хүрээлэнд болох юм байна.



Түүний хувьд өнгөрсөн 2009 оноос Үндэсний цэцэрлэгт хүрээлэн НӨҮГ-ын даргаар ажилласан юм. Мөн НИТХ дахь МАН-ын гишүүнээр сонгогдон ажиллаж байгаа. Ажлаас нь халах тушаалыг гаргах үед тэрбээр амралттай гадаадад явж байжээ. Эх сурвалжийн мэдээлж буйгаар түүнийг Нийслэлийн засаг дарга Э.Бат-Үүлийг огцруулах бичигт гарын үсэг зурсантай нь холбогдуулж ажлаас нь халсан гэх.

зурхай

Цаг агаар

гурван асуудал хэлэлцэн шийдвэрлэлээ

Маргааш /2015.11.04/ 11 цагт Үндэсний цэцэрлэгт хүрээлэнгийн дарга Б.Саранчимэг Эко танхимын нээлт болон цаг үеийн бусад асуудлаар хэвлэлийн бага хурал хийх юм байна. Үндэсний цэцэрлэгт хүрээлэн дээрээ хийнэ.

ARIUNAA SURI брэнд энэ удаагийн загварын сэдвээрээ “Мазаалай баавгай” -г онцолж авсан. Уг сэдвийг сонгосон шалтгаан нь тоо толгой хорин хоёрхон болтлоо цөөрөөд байгаа Монголын энэ ховор амьтныг хүн бүхний анхааралд хүргэж улмаар Мазаалай баавгайг хамгаалах, өсгөж үржүүлэх боломжийг бий болгох гэх мэт үйл ажиллагаануудад олныг хамруулах нь бидний зорилго юм.