СХД-ийн нутаг Баянхошууны замд Т.Приус маркийн авто машины жолооч Б нь N.Sunny маркийн авто машинтай мөргөлдөж зорчигч 05 настай эмэгтэй Б, 03 настай эрэгтэй М нарын 5 хүн гэмтсэн. Жолооч Б нь согтууруулах ундааны зүйл хэрэглэсэн үедээ тээврийн хэрэгсэл жолоодсон.
СХД-ийн нутаг Хилчин хотхоны баруун замд Suzuki Solio маркийн авто машины жолооч Ц нь Kia Widebongo маркийн П жолоочтой авто машинтай мөргөлдөж зорчигч 18 настай эмэгтэй А нарын 3 хүн гэмтсэн.
Цас орсны улмаас гудамж зам хальтиргаа гулгаа ихтэй энэ үед замын хөдөлгөөнд оролцож буй жолооч нар нь өөрсдийнхөө болон бусдын аюулгүй байдал, гарч болзошгүй осол хэргээс урьдчилан сэргийлэхийн тулд зуны дугуйгаа өвлийн дугуйгаар солих шаардлагатай байна. Өчигдөр зам тээврийн осолд холбогдсон жолооч нарын 90 гаруй хувь нь зуны дугуйтай замын хөдөлгөөнд оролцож явах үедээ зам тээврийн осолд холбогдсон, өгсүүр уруу замуудад шарвах, гулгах бусад замын хөдөлгөөнд оролцогч нарт хүндрэлтэй нөхцөл байдлыг бий болгож байлаа. Өнөө маргаашдаа цаг агаар дахин хүндэрч цасан шуурга шуурах төлөвтөй байх тул хөдөө орон нутгийг зорих гэж буй иргэд тээврийн хэрэгслийнхээ техникийн бүрэн бүтэн байдал, шатахууны нөөц, дулаан хувцаслах зэрэг өөрсдийнхөө болон бусдын аюулгүй байдлыг сайтар хангаж оролцохыг зөвлөж байна.

Авлигатай тэмцэх газраас Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль, холбогдох бусад хууль, эрх зүйн актыг сурталчлах, тэдгээрийн хэрэгжилттэй танилцах, арга зүйн удирдлагаар хангах ажлын хүрээнд 2014 онд 8 аймгийн 123 сум, нийслэлийн 3 дүүрэг, 2015 онд 5 аймгийн 52 сум, 4 дүүрэг буюу нийт 13 аймгийн 175 сум, 7 дүүрэгт ажилласан юм.

Ийнхүү ажиллах явцад албан тушаалтнаас албан үүргээ гүйцэтгэх явцдаа иргэн, аж ахуйн нэгжид давуу байдал олгох, төсвийн хөрөнгийг зориулалтын бусаар зарцуулах, албаны эрх мэдлээ хэтрүүлэх зэрэг авлигын зөрчил гаргахын зэрэгцээ хандив авахтай холбогдсон хязгаарлалтыг зөрчих, хязгаарласан хугацаанд хандивлагч этгээдтэй гэрээ байгуулах, орон нутгийн төсвийн хөрөнгөөс хандив, бэлэг өгөх, хууль тогтоомж, дүрэм журамд байхгүй зүйл, хэсэг, заалт, хүчингүй болсон эрх зүйн актыг үндэслэн шийдвэр гаргах, хуулиар эрх олгосон этгээдээс гаргасан дүрэм, журмыг дахин журамлах, хууль зөрчсөн зохицуулалт хийх нь түгээмэл байв. Тус газраас хуульд заасан бүрэн эрхийнхээ хүрээнд авлигын зөрчлийг арилгуулах, хариуцлага ногдуулах, салбарын болон холбогдох дээд шатны байгууллага, удирдлагад уламжлах, зөвлөмж хүргүүлэх, хүнд суртал чирэгдэл учруулсан шийдвэрийг хүчингүй болгуулах, хуульд нийцүүлэхэд чиглэсэн арга хэмжээг тухай бүрт нь авч хэрэгжүүлж байгаа ч зөрчил буурахгүй байна.

Иймд дээрх зөрчил дутагдлыг дахин гаргуулахгүй байх, албан тушаалтныг авлига, албан тушаалын гэмт хэрэг, ашиг сонирхлын зөрчлөөс урьдчилан сэргийлэх, авлигын хор хөнөөлийг нийгэмд ухуулан таниулах зорилгоор Авлигын эсрэг хуулийн 18 дугаар зүйлийн 18.1.2, 18.1.6-д заасан чиг үүрэг, бүрэн эрхийнхээ хүрээнд аймаг, нийслэл, сум, дүүрэг дэх Гэмт хэргээс урьдчилан сэргийлэх орон тооны бус зөвлөл, бүх шатны ИТХ-ын дарга нарт Зөвлөмж хүргүүллээ.

Авлигатай тэмцэх газар 2015 оны 10 дугаар сарын 19-23-ны өдрүүдэд шинээр гэмт хэргийн шинжтэй 9 гомдол, мэдээлэл хүлээн авч, нийт 30 гомдол, мэдээллийг шалгаснаас 3 гомдол, мэдээлэлд эрүүгийн хэрэг үүсгэж, 4 гомдол, мэдээллийг эрүүгийн хэрэг үүсгэхээс татгалзах, 3 гомдол, мэдээллийг харьяаллын дагуу шилжүүлэх саналтайгаар прокурорт шилжүүллээ. Ажиллагаанд 20 гомдол, мэдээлэл шалгагдаж байна.

Өнгөрсөн долоо хоногт эрүүгийн 55 хэрэгт мөрдөн байцаалтын ажиллагаа явуулснаас 1 хэргийг яллах дүгнэлт үйлдүүлэх, 3 хэргийг харьяаллын дагуу шилжүүлэх саналтайгаар тус тус прокурорт шилжүүлж, одоогоор 51 хэрэгт мөрдөн байцаалтын ажиллагаа явуулж байна.

Нийслэлийн Ерөнхий боловсролын сургуулиудын хөгжмийн хичээлийн сургалтыг чанаржуулж, өсвөр үеийнхэнд уран сайхны боловсрол олгож, гоо зүйн хүмүүжлийг төлөвшүүлэх, хүүхэд бүрийн авьяасыг хөгжүүлэх зорилгоор нийслэлийн Засаг даргын ивээл дор уламжлал болгон зохион байгуулдаг Монгол улсын Хөдөлмөрийн баатар, Төрийн шагналт, Ардын жүжигчин Д.Лувсаншарав агсны нэрэмжит “Хүүхдийн найрал дууны шилдэг хамтлаг” шалгаруулах 23 дахь удаагийн уралдаант наадмыг зохион байгуулаа. Анхан шатны шалгаруулалт 10 дугаар сарын 7, 9-ний өдрүүдэд, төгсгөлийн шатны шалгаруулалт 10 дугаар сарын 16-нд Монголын хүүхдийн ордонд болсон.

Анхан шатны шалгаруулалтад нийслэлийн 7 дүүргийн 65 сургуулийн 5320 сурагч, 195 багш оролцсоноос төгсгөлийн шатны шалгаруулалтад 7 дүүргийн 17 сургуулийн 1300 сурагч, 51 багш ур чадвараа сорин өрсөлдөж дараахь хамтлагууд шилдгээр тодорлоо. Үүнд :

Нэгдүгээр байранд Баянгол дүүргийн “Эрдмийн өргөө цогцолбор” сургуулийн найрал дууны хамтлаг
Хоёрдугаар байранд Сүхбаатар дүүргийн Монгол- Оросын хамтарсан гуравдугаар сургуулийн найрал дууны хамтлаг
Гуравдугаар байранд Баянгол дүүргийн 28 дугаар сургуулийн найрал дууны хамтлаг
Тусгай байранд Налайх дүүргийн найрал дууны “Силвер стрингс” хамтлаг, Сонгинохайрхан дүүргийн 107 дугаар сургуулийн найрал дууны хамтлагууд тус тус шалгарсан юм.

Мөн шилдэг удирдаач багшаар Налайх дүүргийн “Голомт цогцолбор” сургуулийн хөгжмийн багш Б.Очирбат, шилдэг найралжуулагч багшаар Баянгол дүүргийн 28 дугаар сургуулийн хөгжмийн багш С.Урантуяа нар тодорсон.
Уралдааны шагналт байр, шилдэг хамтлагуудын хамтарсан Гала концертыг нийслэлийн 376 жилийн ойн өдөр буюу 10 дугаар сарын 29-ний өдөр буюу Пүрэв гарагт 12:30 цагаас Соёлын төв өргөөнд зохион байгуулна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Монгол банк” бодлогын хүүгээ бууруулна

Дэлхий даяар 10-р сарын 31-нд тэмдэглэдэг Аймшгийн баяр буюу Халловины өдөр ойртож байна. Хэртээ та найз нөхөд, ажлын хамт олонтойгоо энэ баярыг тэмдэглэх гэж байгаа бол анхаарлаа түр хандуулна уу. Улсын Их дэлгүүрийн 1 давхарт байрлах та бидний хэзээний танил болсон Германы алдарт “SIX” гоёл чимэглэлийн брэнд дэлгүүрт “Халловин” баярт таныг дүрийг төгс болгох гоёл чимэглэлүүд 9’900₮-аас 31’900₮-ийн үнэтэй шинээр ирснийг танд дуулгая.

Сурагчдын амралт ирэх долоо хоногт эхэлнэ
2015 оны 10 сарын 24

ЕБС-ийн сурагчдын нэгдүгээр улирлын амралт 10 дугаар сарын 27-ноос буюу ирэх мягмар гаригт эхэлнэ. Нэг, хоёрдугаар ангийн сурагчид 14 хоног амрах бол 3-12 дугаар ангийнхан 11 дүгээр сарын 3-наас эхлэн нэг долоо хоног амарна.



Харин ЕБС-ийн хоёрдугаар улирлын хичээл 11 дүгээр сарын 10-нд нэгэн зэрэг эхэлнэ гэдгийг БСШУЯ-ны Сургуулийн өмнөх, бага боловсролын хэлтсийн дарга Б.Гантулга мэдээллээ. Өнгөрсөн жил Улаанбаатар хот болон хөдөө орон нутагт сурагчдын амралт ялгаатай байсан бол энэ жилийн хувьд Монгол Улс даяар нэг цаг хугацаанд амрах юм.

Үндэсний их баяр наадмын үеэр буюу өнгөрсөн долдугаар сарын 14-нд “Үндэсний соёл амралтын хүрээлэнд ажилладаг 19 настай охин ажлаасаа гарч яваад сураггүй алга болсон. Улмаар ар гэрийнхэн нь цагдаагийн байгууллагад хандсанаар охиныг алга болсоноос дөрөв хоногийн дараа буюу өнгөрсөн долдугаар сарын 17-ны өдөр галт тэргэнд дайруулан амиа алдсан байдалтайгаар цогцсыг нь моргоос олсон байдаг.

Цагдаагийн байгууллагаас охиныг амиа алдсан байж болзошгүй хэмээн шалгаж байсан ч ар гэрийнхэн нь амиа хорлох хүн биш гадны нөлөөтэй амиа алдсан гэж гомдол гарган шалгуулж байсан юм. Тиймээс уг хэрэгт охины хамгийн сүүлд суусан таксины жолоочийг эрэн сурвалжилж, мөн хар бараан өнгийн королла эксио юм уу аллион маркийн машинд 262 машинд хяналт шалгалт явуулж байв. Түүнчлэн төмөр замын хоёр машинистыг аюулгүй ажиллагааны журам зөрчсөн хэмээн эрүүгийн хэрэг үүсгэн шалгаж байсан юм.

Тэгвэл шинжээчийн дүгнэлтээр тухайн ажилчид аюулгүй ажиллагааны журам зөрчөөгүй, талийгаач охин хурдтай явж байсан галт тэрэгний урдуур өөрөө орсон гэх дүгнэлт гарчээ. Иймд Төмөр замын цагдаагийн газраас талийгаач охиныг гадны нөлөөтэй бус, амиа хорлосон, гэмт хэргийн бүрэлдэхүүнгүй гэж үзэн хэргийг нь хэрэгсэхгүй болгосон байна.

Харин хэргийг хэрэгсэхгүй болгосныг талийгаач охины өмгөөлөгч н.Золзаяа эсэргүүцэн, Тээврийн Ерөнхий прокурорт гомдол гаргажээ. Одоогоор гомдлын хариуг өгөөгүй байгаа аж.

Дорноговь аймгийн прокурорын газраас аймгийн Онцгой байдлын хэлтэстэй хамтран ажиллах талаар албан бичгийг хүргүүлсний дагуу 2015 оны 10 дугаар сарын 22-ны өдөр Улсын Ерөнхий Прокурорын 2015 оны А/63 дугаар тушаалаар батлагдсан “Прокурорын байгууллага, прокурор, ажилтны аюулгүй байдлыг хангах журам”-ын хэрэгжилтийг хангах түүнчлэн прокурор, ажилтнуудад Галын аюулгүй байдлын тухай хууль тогтоомжийн талаар мэдлэгийг дээшлүүлэх, гал түймрээс урьдчилан сэргийлэх талаарх мэдлэг, чадварыг эзэмшүүлэх зорилгоор Онцгой байдлын хэлтсийн сургалт сурталчилгаа, урьдчилан сэргийлэх ажил хариуцсан мэргэжилтэн дэслэгч Д.Батчимэг, эрэн хайх аврах бүлгийн дарга дэслэгч М.Төгөлдөр нарыг урьж хичээл заалган, ажилтнуудаар практик дадлага хийлгэж, аймгийн Онцгой байдлын хэлтэст гал унтраах ажиллагаанд хэрэглэж байгаа орчин үеийн машин техник, багаж хэрэгслийг хэрхэн ашиглаж байгаа талаар үзүүлж, тэдгээртэй танилцах ажлуудыг зохион байгуулжээ.

Сургалтаар Онуцгой байдлын хэлтсийн мэргэжилтэн нар галын аюулгүй байдлын тухай хууль тогтоомжуудыг тайлбарлан таниулж, прокурор, ажилтнуудад гал түймэр гарах шалтгаан нөхцөл, түүнээс урьдчилан сэргийлэх, гал түймэр гарсан үед шуурхай авах арга хэмжээ болон албан байгууллагад зайлшгүй байх гарцын зураг, схем, галын дохиолол, гал унтраах багаж хэрэгсэл, хүн нэг бүрийн хамгаалах хэрэгсэл, галын хорыг хэрхэн хэрэглэх талаар хичээл заасан байна.

Сургалтын дараа Аймгийн Онцгой байдлын хэлтсийн мэргэжилтэн тусгайлан бэлтгэсэн шатах материал дээр галын хор ашиглан галыг хэрхэн газар авахуулалгүй унтраах талаар ажилтан бүрээр дадлага хийлгэсэн нь тэднийг гал унтраах талаар тодорхой хэмжээний мэдлэг чадвартай болгоход зохих үр дүнгээ өгсөн арга хэмжээ болжээ.

Дорноговь аймгийн прокурорын газраас Прокурорын байгууллагын үйл ажиллагааг олон нийтэд хүргэх, Гэмт хэргээс урьдчилан сэргийлэх ажлыг эрчимжүүлэн Ерөнхий боловсролын дунд сургуулийн ахлах ангийн сурагчдын гэмт хэргийн талаарх ойлголт, мэдлэгийг дээшлүүлэх, гэмт хэргийн статистик мэдээлэлд дүгнэлт хийлгэх, манай улсад болон дэлхийн улс оронд сүүлийн үед гарч байгаа гэмт хэрэг, хэрэг гарахад нөлөөлж байгаа шалтгаан, насанд хүрээгүй хүүхдүүд гэмт хэрэг холбогдож байгаад хэрхэн дүгнэлт хийж ойлгож байгааг сургуулийн сурагчдад ойлгуулах, гэмт хэрэгт холбогдохгүй байх ямар арга зам байгааг тодруулах, анги хамт олноороо Гэмт хэргээс урьдчилан сэргийлэх тухай болон Эрүүгийн хуулийн талаар зохих мэдлэгтэй болгох, гэмт хэргээс өөрийгөө болон ангийн хамт олон, найз нөхдөө урьдчилан сэргийлэх, сургууль болон ангидаа сурагчид гэмт хэргийн хор хөнөөлийн талаар тодорхой ажлыг санаачлан зохион байгуулах, сурагчдын хууль эрх зүйн мэдлэгийг дээшлүүлэхэд эссэ бичлэгийн уралдааныг чиглүүлэн зохион байгуулж явуулсан нь зохих үр дүнгээ өгсөн ажил болсон байна.

Сайншанд сумын Ерөнхий боловсролын 2 дугаар сургуулийн захиргаа эссэ бичлэгийн уралдаанд ирүүлсэн материалыг сургууль дээрээ дүгнээд 12 в ангийн сурагч Б.Одбаярыг шалгаруулан ирүүлсэн бол Ерөнхий боловсролын 1 дүгээр сургуулиас 13 эссэ материал, Ерөнхий боловсролын 3 дугаар сургуулиас 63 эссэ материал тус тус ирүүлснийг аймгийн прокурорын газраас прокурор, ажилтнуудаар хэлэлцүүлээд Сайншанд сумын Ерөнхий боловсролын 1 дүгээр сургуулийн 11 в ангийн сурагч Б.Түвшинжаргал, Сайншанд сумын Ерөнхий боловсролын 2 дугаар сургуулийн 12 в ангийн сурагч Б.Одбаяр, Сайншанд сумын Ерөнхий боловсролын 3 дугаар сургуулийн 11 а ангийн сурагч Г.Мичидмаа, Г,Маралмаа нарын тэргүүн байранд шалгарч аймгийн прокурорын газрын өргөмжлөл, мөнгөн шагналаар шагнагдсан байна.

Улсын Ерөнхий прокурорын газрын Автогражийн даргын нэрэмжит автомашины техникийн намрын үзлэгийг Нийслэлийн Чингэлтэй дүүрэг дэх Замын цагдаагийн тасагтай хамтран 2015 оны 10 дугаар сарын 24-нөөс 26-ны өдрүүдэд зохион явууллаа.

Тус үзлэгийн зорилго нь автомашины техникийн бүрэн бүтэн байдал, хөдөлгөөний аюулгүй байдлыг хангаж ажиллахад оршиж байгаа бөгөөд үзлэгт Автогражийн жолооч нар бэлтгэлээ сайтар базааж оролцсон ба үзлэгийн явцад гарсан зөрчил, дутагдлыг засуулах талаар арга хэмжээ авч ажиллаж байна.

Шинэчлэлийн Засгийн газраас хэрэгжүүлсэн “Нүүрс хөтөлбөр”-ийн хөрөнгөнөөс 3.6 тэрбум төгрөг завшсан хэрэгт Ерөнхий сайд асан Н.Алтанхуягийн ахлах зөвлөх Л.Гансүхийг буруутган анхан шатны шүүхээс түүнд 4.5 жилийн хорих ял оноосон.

Байнгын хороодын өнөөдрийн хуралдааны хуваарь /2015.10.27/

БАЙНГЫН ХОРООНЫ ХУРАЛДААН:

10 дугаар сарын 27-ны Мягмар гарагт:

1.Хууль зүйн байнгын хорооны хуралдаан 09.00 цагаас “А” танхимд:

Хэлэлцэх асуудал:

Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүд /Засгийн газар 2015.10.01-ний өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/;

Монгол Улсын шүүхийн тухай хуулийн зарим хэсгийг хүчингүй болсонд тооцох тухай, Шүүгчийн эрх зүйн байдлын тухай хуулийн хэсгийг хүчингүй болсонд тооцох тухай, Прокурорын байгууллагын тухай хуулийн зарим хэсгийг хүчингүй болсонд тооцох тухай, Авлигын эсрэг хуулийн зарим хэсгийг хүчингүй болсонд тооцох тухай, Цагдаагийн албаны тухай хуульд өөрчлөлт оруулах тухай, Улсын бүртгэлийн ерөнхий хуульд нэмэлт оруулах тухай, Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуульд өөрчлөлт оруулах тухай хуулийн төслүүд, Шүүгчийн цалингийн хэмжээ тогтоох итгэлцүүр тогтоох тухай Улсын Их Хурлын тогтоолын төсөл /Засгийн газар 2015.10.01-ний өдөр Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүдийн хамт өргөн мэдүүлсэн, анхны хэлэлцүүлэг, санал, дүгнэлтээ Төсвийн байнгын хороонд хүргүүлнэ/;

Бусад.

2.Төрийн байгуулалтын байнгын хорооны хуралдаан 09.00 цагаас “Б” танхимд:

Хэлэлцэх асуудал:

Монгол Улсын Засгийн газрын тухай хуульд өөрчлөлт оруулах тухай хуулийн төсөл, Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд өөрчлөлт оруулах тухай хуулийн төсөл, Сонгуулийн автоматжуулсан системийн тухай хуульд өөрчлөлт оруулах тухай хуулийн төсөл, Төрийн аудитын тухай хуульд өөрчлөлт оруулах тухай хуулийн төсөл, Засгийн газрын бүтцийн тухай хуулийн төсөл, Засгийн газрын бүрэлдэхүүний тухай хуулийн төсөл, Засгийн газрын бүтцийн тухай хуулийг хүчингүй болсонд тооцох тухай, Засгийн газрын бүрэлдэхүүний тухай хуулийг хүчингүй болсонд тооцох тухай хуулийн төслүүд, “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай” Улсын Их Хурлын тогтоолын төсөл, “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай Улсын Их Хурлын тогтоолын хавсралтад өөрчлөлт оруулах тухай” Улсын Их Хурлын тогтоолын төсөл /Засгийн газар 2015.10.01-ний өдөр Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүдийн хамт өргөн мэдүүлсэн, анхны хэлэлцүүлэг, санал, дүгнэлтээ Төсвийн байнгын хороонд хүргүүлнэ/;

Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүд /Засгийн газар 2015.10.01-ний өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/;

3.Төсвийн зарлагын хяналтын дэд хорооны хуралдаан 10.00 цагаас “В” танхимд:

Хэлэлцэх асуудал:

Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай хуулийн төсөл /Засгийн газар 2015.10.06-ны өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/.

4.Аюулгүй байдал, гадаад бодлогын байнгын хорооны хуралдаан 14.00 цагаас “А” танхимд:

Хэлэлцэх асуудал:

Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүд /Засгийн газар 2015.10.01-ний өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/;

Монгол Улс байнга төвийг сахих тухай хуулийн төсөл болон төсөлтэй холбогдуулан Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл, Хууль баталсантай холбогдуулан авах зарим арга хэмжээний тухай, Монгол Улсын үндэсний аюулгүй байдлын үзэл баримтлал батлах тухай тогтоолын хавсралтад өөрчлөлт оруулах тухай, Монгол Улсын гадаад бодлогын үзэл баримтлал батлах тухай тогтоолын хавсралтад өөрчлөлт оруулах тухай Улсын Их Хурлын тогтоолын төслүүд /Монгол Улсын Ерөнхийлөгч 2015.10.20-ны өдөр өргөн мэдүүлсэн, хэлэлцэх эсэх/;

Ялтан шилжүүлэх тухай Европын зөвлөлийн конвенцид нэгдэн орох тухай хуулийн төсөл /Засгийн газар 2015.10.20-ны өдөр өргөн мэдүүлсэн, соёрхон батлах/;

Ажлын хэсэг байгуулах тухай.

5.Төсвийн байнгын хорооны хуралдаан 15.00 цагаас “Б” танхимд:

Хэлэлцэх асуудал:

Төсвийн тухай хуульд нэмэлт оруулах тухай, Онцгой албан татварын тухай хуульд өөрчлөлт оруулах тухай, Өрийн удирдлагын тухай хуульд нэмэлт оруулах тухай хууль, Төрийн албаны тухай хуулийн зарим заалтыг хүчингүй болсонд тооцох тухай, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд өөрчлөлт оруулах тухай, Монгол улсын засгийн газрын тухай хуульд өөрчлөлт оруулах тухай, Гүйцэтгэх ажлын тухай хуульд өөрчлөлт оруулах тухай, Авлигын эсрэг хуульд өөрчлөлт оруулах тухай, Эрүүл мэндийн даатгалын тухай хуулийг дагаж мөрдөх журмын тухай хуульд нэмэлт, өөрчлөлт оруулах тухай, Шинжлэх ухаан, технологийн тухай хуульд өөрчлөлт оруулах тухай, Концессын тухай хуульд нэмэлт, өөрчлөлт оруулах тухай хуулийн төслүүд болон “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай”, “Тогтоолд нэмэлт, өөрчлөлт оруулах тухай” Улсын Их Хурлын тогтоолын төсөл /Засгийн газар 2015.10.06-ны өдөр Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай хуулийн төслүүдийн хамт өргөн мэдүүлсэн, анхны хэлэлцүүлэг/;

Монгол Улсын нэгдсэн төсвийн 2015 оны төсвийн хүрээний мэдэгдэл, 2016-2017 оны төсвийн төсөөллийн тухай хуульд өөрчлөлт оруулах тухай хуулийн төсөл /Засгийн газар 2015.10.06-ны өдөр өргөн мэдүүлсэн, анхны хэлэлцүүлэг үргэлжилнэ/;

Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай хуулийн төслүүд /Засгийн газар 2015.10.06-ны өдөр өргөн мэдүүлсэн, хоёр дахь хэлэлцүүлэг/.

Хууль зүйн сайд Д.Дорлигжав өчигдөр гэнэт хэвлэлийн бага хурал зарлав. Тус хурлын гол сэдэв нь Иргэний харъяат, шилжилт хөдөлгөөний ерөнхий газрын дэргэд ажиллаж буй шалган нэвтрүүлэх албыг Хилийн цэргийн дэргэд аваачих талаар байлаа.

Салхины эрчим хүчээр хот хоорондын галт тэргийг ажиллуулж эхлээд байна

өнөөдөр

ХЭҮК: Хорих ангиуд ялтнуудаар албадан хөдөлмөр эрхлүүлж, “мөнгө босгож” байна
Хүний эрх, эрх чөлөөний талаарх илтгэлүүдийг ХЭҮК-оос цуврал болгон хэрэгжүүлдэг уламжлалтай. Тэгвэл тэд энэ удаад яахын аргагүй манай улсад тулгамдаж буй асуудлуудын нэг барилгын аюулгүй байдал, албадан ажил хийлгэх асуудлыг хөнджээ.
Судалгааны эхэнд барилгын салбар дахь хөдөлмөрийн аюулгүй байдлыг сийрүүлжээ. Тодруулбал, 2005-2013 онд барилгын салбарт нийт 581 үйлдвэрлэлийн осол гарч, 246 хүн амь насаа алдаж, 130 хүн хөгжлийн бэрхшээлтэй болж, 272 хүн хөдөлмөрийн чадвараа түр хугацаагаар алдсан нь тус салбарт үйлдвэрлэлийн осол, мэргэжлээс шалтгаалсан өвчний тохиолдол буурахгүй байгааг харуулж байгааг ХЭҮК-оос онцолсон байна.
Хэд хэдэн ноцтой жишээ дурдахад, 2012 оны 09 дүгээр сарын 03-ны өдөр Баянгол дүүргийн 6 дугаар хорооны нутаг дэвсгэрт байрлах П.Н.Шастины нэрэмжит Улсын III төв эмнэлгийн баруун талд “МУДИ” ХХК-ийн захиалгаар баригдаж байсан барилгын үйлдвэрлэлийн талбай дахь бетон зуурмагийн авто шахуургын машин унаж, 12 настай охины амь насыг хохироосон.
Мөн 2012 оны 09 дүгээр сарын 17-ны өдөр иргэн К.Пүрэвийн захиалгаар Чингэлтэй дүүргийн 5 дугаар хорооны нутаг дэвсгэр, Тусгаар тогтнолын талбайн баруун талд буюу Тэнгис кино театрын хажууд баригдаж буй барилгаас тулгуур төмөр унаж, нийтийн эзэмшлийн зам талбайд зорчиж байсан 22 настай залуугийн амь насыг хохироосон юм.
Ийн үйлдвэрлэлийн ослын улмаас бэртэж гэмтэх, нас барах, мэргэжлээс шалтгаалсан өвчнөөр өвчлөх явдал нь аливаа улсын эдийн засаг, нийгмийн хөгжилд сөрөг нөлөөтэй тул осол гэмтлийг бууруулах, урьдчилан сэргийлэх учиртайг илтгэлд дурджээ.
Мөн уг илтгэлээр цэргийн анги болон хорих анги дахь албадан хөдөлмөрийн асуудлыг тусгайлан судалж, албадан хөдөлмөрөөс ангид байх зорилгоор энэ төрлийн хөдөлмөрийг бий болгож байгаа эрх зүйн орчныг Монгол Улсын нэгдэн орсон олон улсын гэрээнд нийцүүлэн өөрчлөх талаар зөвлөмж хүргүүлэхээр төлөвлөжээ.
Учир нь манай улс цэргийн албан хаагчдыг ангийн байрлалаас гадна ажиллуулахаар хуульчилж, журамласан нь нэгдэн орсон олон улсын гэрээг зөрчиж байгааг тэд баримт, нотолгоотойгоор дэлгэжээ. Цаашлаад манай улс Үндсэн хуулиараа эх орноо хамгаалах, хуулийн дагуу цэргийн алба хаахыг Монгол Улсын иргэний үндсэн үүрэг болгосон ба цэргийн албанаас сайн дураараа татгалзах тухай асуудлыг хуулиар зохицуулаагүй байна.
Тухайлбал, Зэвсэгт хүчний 339, 340 дүгээр ангиудад л гэхэд гэрээт цэргийн алба хаагчдаар барилгын болоод зам засварын төрөл бүрийн ажлууд хийлгэдэг ч цалин хөлсийг нь маш багаар өгдөг. Цаашлаад өдрийн олон цагаар ажлуулсан хэрнээ илүү цагийн мөнгө боддоггүй зэрэг ноцтой зөрчил илэрснийг ХЭҮК-оос онцолжээ.
Харин ШШЕГ-ын харьяа хорих 407, 417, 421 дүгээр ангид албадан хөдөлмөрийн асуудлаар хяналт шалгалт хийхэд,
407-р хорих ангийн тухайд ялтанд нэг сард олговол зохих цалингийн хэмжээний 25-50 хувийг олгож, үлдсэн хувийг тус ангийн үйл ажиллагааны зардалд зарцуулсан байна. Өөрөөр хэлбэл, хорих 407 дугаар анги 2012 онд хуулийн этгээдтэй байгуулсан гэрээний дагуу 77 сая төгрөгийн орлогыг ажлын хөлсөнд бэлнээр авч, үүнээс 23 сая төгрөгийг ялтнуудын цалин хөлсөнд олгожээ.
Хорих 417 дугаар ангийн хувьд мөн л дээрх зөрчил илэрсэн ба ялтнуудын ажлын хөлс хөдөлмөрийн хөлсний доод хэмжээнд хүрэхгүй байжээ.
Хорих 421 дүгээр анги нь нэг ялтан тухайн сард 15 хоног ажилласан байхад цалин хөлсийг олгохдоо ажилласан хугацааг 7 хоногоор тооцож цалин хөлсийг дутуу олгосон байсан зэрэг зөрчлүүд илэрчээ.
Ийнхүү ХЭҮК-оос “аливаа шүүхийн шийдвэрээр албадан ажил хийлгэх ялаар шийтгүүлсэн этгээдийг хөдөлмөрлүүлэх нь албадан хөдөлмөр буюу заавал хийлгэх хөдөлмөрт хамаарахгүй. Хэрэв хорих ял шийтгүүлсэн ялтнаар хөдөлмөр эрхлүүлэх тохиолдолд түүний хөдөлмөрт нь тохирсон цалин хөлсийг заавал олгох бөгөөд ялтныг хувь хүн, компанийн мэдэлд шилжүүлэх ёсгүй” гэдгийг онцлон тусгажээ.
Нэгэн жишээ дурдахад, ШШГЕГ-ын харьяа эмэгтэйчүүдийн хорих 407 дугаар ангид иргэн О нь шүүхээс ногдуулсан ял шийтгэлээ 2000-2004 оны хооронд эдэлсэн бөгөөд дээрх хугацаанд нэр бүхий компанид гэрээгээр хөдөлмөр эрхэлж, компанийн байранд байрлаж байжээ. Гэтэл түүнд хөдөлмөрийн хөлс олгоогүй бөгөөд хорих ангийн захиргаа хохирлоос огт барагдуулаагүй болох нь түүнийг ялаа эдэлж дууссаны дараа шийдвэр гүйцэтгэлийн ажлын явцад тодорхой болсон билээ. Тиймээс Улсын ерөнхий прокурорын газраар иргэн О-д хөдөлмөрийн хөлс олгосон, түүний бусдад учруулсан хохирлыг нөхөн төлсөн эсэхийг шалгуулахад ямар нэгэн баримт олдоогүй аж.
Бид ХЭҮК-ын илтгэлийг цуврал болгон дэлгэх болно.

Эрүүдэн шүүлттэй холбоотой асуудал, түүнийг тойрсон сэдвээр ХЭҮК-ын гомдол, хяналт шалгалтын хэлтсийн дарга Б.Батаа, “Монгол эмнести” интернэшнл байгууллагын удирдах зөвлөлийн дарга Д.Оюунсүрэн нарын хэлсэн онцлох 24 ишлэлийг хүргэж байна.

Үс шинээр үргээлгэх буюу засуулбал өлзийтэй сайн. Өдрийн сайн цаг нь хулгана, үхэр, туулай, морь, бич, тахиа болой.

УЛААНБААТАР ХОТ: Үүлшинэ. Цас орохгүй. Салхи баруун хойноос секундэд 6-11 метр. Шөнөдөө 8-10 градус, өдөртөө 0-2 градус хүйтэн байна.