-
2016 оны 8 сарын 30
Хууль хэрэгжих боломжгүй болсноос болоод хойшлуулахаар Засгийн газар дангаараа оруулж ирж байгаа юм биш. Холбогдох албанаас санал авсан. Эдгээр байгууллагаас ирсэн санал надад байж байна. Яагаад гэвэл дээрх таван хууль ёсчлон батлагдаж байж бэлтгэл хангах ёстой байсан. Үүнийг та бүхэн зөв ойлгоорой.
-
2016 оны 8 сарын 30
УИХ-ын чуулганаар “Юмжаагийн Цэдэнбалын мэндэлсний 100 жилийн ойг тэмдэглэн өнгөрүүлэх тухай” Улсын Их Хурлын тогтоолын төсөл ийн анхны хэлэлцүүлгийг хийж гишүүдийн 91,1 хувь нь дэмжлээ.
Тухайн үеийн МАХН буюу өнөөгийн МАН 1990 онд Ю.Цэдэнбалыг намаас хөөж, 1997 онд намын гишүүнчлэлийг сэргээх шийдвэр гарсан байдаг юм байна.
Анхны хэлэлцүүлгийг хийж дууссаны дараа Төрийн байгуулалтын байнгын хорооны дарга Н.Энхболд “Төрийн байгуулалтын байнгын хороог цайны цагаар хуралдуулах саналтай байна. Үүний дараа өнөөдрийн УИХ-ын чуулганаар хэлэлцэх асуудалд багтааж өгөөч. Тэгвэл өнөөдрийн дотор эцсийн хэлэлцүүлгийг хийгээд гаргачихмаар байна” гэсэн санал гаргав. Харин УИХ-ын дарга М.Энхболд өнөөдөр байнгын хороогоо хуралдуулж, маргааш УИХ-ын чуулганаар хэлэлцэх асуудалд оруулж өгнө гэсэн тул Төрийн байгуулалтын байнгын хороо үдээс хойш хуралдахаар боллоо.
УИХ-ын чуулган үргэлжилж байна. Яг одоо Эрүүгийн хуульд өөрчлөлт оруулах тухай, Эрүүгийн хуулийг дагаж мөрдөх журмын тухай хуульд өөрчлөлт оруулах тухай хуулийн төслүүд /Засгийн газар өргөн мэдүүлсэн, хэлэлцэх эсэхийг хэлэлцэж эхэллээ.
-
2016 оны 8 сарын 30
УИХ-ын чуулган 51 хувийн ирцтэйгээр эхэллээ. УИХ-ын дарга чуулганаар хэлэлцэх асуудлыг гишүүдэд танилцуулж, гишүүдээс санал дүгнэлт авснаар хуралдаан эхэллээ.
Яг одоо хэлэлцэх асуудлын дөрөвт багтсан “Юмжаагийн Цэдэнбалын мэндэлсний 100 жилийн ойг тэмдэглэн өнгөрүүлэх тухай” Улсын Их Хурлын тогтоолын төсөлийн анхны хэлэлцүүлгийг хийж байна.
-
2016 оны 8 сарын 30
МАН-ын бүлэг өчигдөр /2016.08.29/ өглөөний 10.00 цагт хуралдаж энэ долоо хоногт чуулганаар хэлэлцэх асуудалтай холбогдуулан саналаа нэгтгэсэн. Ингээд үдээс хойш дахин хуралдах тов зарласан боловч Хууль зүйн байнгын хороо хуралдсантай холбоотой хойшлуулж өнөөдөр /2016.08.30/ хуралдахаар болсон юм.
Тэгвэл өнөө өглөө 09.00 цаг МАН-ын бүлэг хуралдаж ганцхан асуудлыг хэлэлцсэн байна.
Бүлгийн хурлын дараа УИХ-ын нэгдсэн чуулганы хуралдаантай. Одоогийн байдлаар УИХ-ын гишүүд чуулганы танхимдаа цугларч байна.
-
2016 оны 8 сарын 30
Бразил улсын Рио Де Жанейро хотноо болж өнгөрсөн зуны Олимпийн 31 дүгээр наадмаас манай улсын хоёр тамирчин мөнгө, хүрэл медальтай ирсэн билээ. Жүдо бөхийн эмэгтэйчүүдийн 57 кг-д хүч үзсэн Азийн аварга МУГТ Доржсүрэнгийн Сумъяа Риогийн дэвжээнээс мөнгөн медаль, 60 кг-ын жинд хүч үзсэн ОУХМ Д.Отгондалай хүрэл медаль хүртсэн.
-
2016 оны 8 сарын 30
УИХ-ын даргын дэргэдэх Зөвлөлийн 2016 оны наймдугаар сарын 26-ны өдрийн хурлаар шинэчлэн батласан, өнөөдрийн УИХ-ын чуулганы нэгдсэн хуралдаанаар хэлэлцэх асуудлууд...
НАЙМДУГААР САРЫН 30-НЫ МЯГМАР ГАРАГТ 10.00 ЦАГААС:
Эрүүгийн хуульд өөрчлөлт оруулах тухай, Эрүүгийн хуулийг дагаж мөрдөх журмын тухай хуульд өөрчлөлт оруулах тухай хуулиудын төсөл /Засгийн газар 2016.08.15-ны өдөр өргөн мэдүүлсэн, хэлэлцэх эсэх/;
Зөрчлийн тухай хуульд өөрчлөлт оруулах тухай хуулийн төсөл /Засгийн газар 2016.08.15-ны өдөр өргөн мэдүүлсэн, хэлэлцэх эсэх/;
Хөдлөх эд хөрөнгө болон эдийн бус хөрөнгийн барьцааны тухай хуульд өөрчлөлт оруулах тухай хуулийн төсөл /Засгийн газар 2016.08.23-ны өдөр өргөн мэдүүлсэн,хэлэлцэх эсэх/;
“Сум, дүүргийн иргэдийн Төлөөлөгчдийн Хурлын 2016 оны ээлжит сонгуулийн зардлын хэмжээг батлах тухай” Улсын Их Хурлын тогтоолын төсөл;
“Сум, дүүргийн иргэдийн Төлөөлөгчдийн Хурлын 2016 оны ээлжит сонгуульд техник хэрэгсэл хэрэглэх тухай” Улсын Их Хурлын тогтоолын төсөл;
Үндсэн хуулийн цэцийн 2015 оны 16 дугаар дүгнэлт;
Үндсэн хуулийн цэцийн 2016 оны 04 дүгээр дүгнэлт;
Үндсэн хуулийн цэцийн 2016 оны 07 дугаар дүгнэлт;
Үндсэн хуулийн цэцийн 2016 оны 08 дугаар дүгнэлт.
НАЙМДУГААР САРЫН 30-НЫ МЯГМАР ГАРАГТ 15.00 ЦАГААС:
Эрүүгийн хуульд өөрчлөлт оруулах тухай, Эрүүгийн хуулийг дагаж мөрдөх журмын тухай хуульд өөрчлөлт оруулах тухай хуулиудын төсөл /Засгийн газар 2016.08.15-ны өдөр өргөн мэдүүлсэн, анхны хэлэлцүүлэг/;
Зөрчлийн тухай хуульд өөрчлөлт оруулах тухай хуулийн төсөл /Засгийн газар 2016.08.15-ны өдөр өргөн мэдүүлсэн, анхны хэлэлцүүлэг/;
Хөдлөх эд хөрөнгө болон эдийн бус хөрөнгийн барьцааны тухай хуульд өөрчлөлт оруулах тухай хуулийн төсөл /Засгийн газар 2016.08.23-ны өдөр өргөн мэдүүлсэн,анхны хэлэлцүүлэг/;
“Юмжаагийн Цэдэнбалын мэндэлсний 100 жилийн ойг тэмдэглэн өнгөрүүлэх тухай” Улсын Их Хурлын тогтоолын төсөл /Улсын Их Хурлын гишүүн Ч.Хүрэлбаатар нарын 31 гишүүн 2015.07.03-ны өдөр өргөн мэдүүлсэн, анхны хэлэлцүүлэг/;
Онцгой албан татвараас чөлөөлөх тухай хуулийн төсөл /Засгийн газар 2016.08.23-ны өдөр өргөн мэдүүлсэн, хэлэлцэх эсэх/;
Зарим бараанд ногдуулах экспортын гаалийн татварын хэмжээ тогтоох тухай хуульд өөрчлөлт оруулах тухай хуулийн төсөл /Засгийн газар 2016.08.24-ний өдөр өргөн мэдүүлсэн, хэлэлцэх эсэх/;
Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуульд өөрчлөлт оруулах тухай хуулийн төсөл болон хамт өргөн мэдүүлсэн Төсвийн тогтвортой байдлын тухай хуульд өөрчлөлт оруулах тухай, Хувь хүний орлогын албан татварын тухай хуульд нэмэлт, өөрчлөлт оруулах тухай, Ашигт малтмалын тухай хуульд өөрчлөлт оруулах тухай, Онцгой албан татварын тухай хуульд өөрчлөлт оруулах тухай, Үл хөдлөх эд хөрөнгийн албан татварын тухай хуульд нэмэлт, өөрчлөлт оруулах тухай, Татварын ерөнхий хуульд нэмэлт оруулах тухай, Эмнэлгийн тусламж үйлчилгээний тухай хуулийг дагаж мөрдөх журмын тухай хуульд өөрчлөлт оруулах тухай, Төсвийн тухай хуульд нэмэлт, өөрчлөлт оруулах тухай, Нийгмийн даатгалын тухай хуульд өөрчлөлт оруулах тухай, Нийгмийн даатгалын тухай хуулийг дагаж мөрдөх журмын тухай, Хамтын тэтгэврийн тухай хуулийг хүчингүй болсонд тооцох тухай хуулийн төслүүд /Засгийн газар 2016.08.23-ны өдөр өргөн мэдүүлсэн, хэлэлцэх эсэх/;
Авлигын эсрэг хуульд өөрчлөлт оруулах тухай, Бага, дунд боловсролын тухай хуульд нэмэлт оруулах тухай, Байгаль орчныг хамгаалах тухай хуульд өөрчлөлт оруулах тухай, Боловсролын тухай хуульд нэмэлт, өөрчлөлт оруулах тухай, Дээд боловсролын санхүүжилт, суралцагчдын нийгмийн баталгааны тухай хуульд өөрчлөлт оруулах тухай, Ирээдүйн тэтгэврийн нөөц сангийн тухай хуулийг дагаж мөрдөх журмын тухай хууль хүчингүй болсонд тооцох тухай, Ирээдүйн тэтгэврийн нөөц сангийн тухай хуульд нэмэлт оруулах тухай, Концессын тухай хуульд нэмэлт, өөрчлөлт оруулах тухай, Малын удмын сан, эрүүл мэндийг хамгаалах тухай хуульд өөрчлөлт оруулах тухай, Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн зарим заалтыг хүчингүй болсонд тооцох тухай, Өрийн удирдлагын тухай хуулийг дагаж мөрдөх журмын тухай хуульд нэмэлт оруулах тухай, Өрийн удирдлагын тухай хуульд өөрчлөлт оруулах тухай, Төв банк /Монголбанк/-ны тухай хуулийн зарим хэсгийг дагаж мөрдөх журмын тухай, Төрийн албаны тухай хуульд нэмэлт, өөрчлөлт оруулах тухай, Төрийн болон орон нутгийн өмчийн тухай хуульд нэмэлт, өөрчлөлт оруулах тухай, Үнэт цаасны зах зээлийн тухай хуульд өөрчлөлт оруулах тухай, Хөдөлмөр эрхлэлтийг дэмжих тухай хуульд нэмэлт, өөрчлөлт оруулах тухай, Хүүхэд хамгааллын тухай хуульд өөрчлөлт оруулах тухай, Хүүхэд харах үйлчилгээний тухай хуульд өөрчлөлт оруулах тухай, Цэргийн албан хаагчийн тэтгэвэр, тэтгэмжийн тухай хуульд өөрчлөлт оруулах тухай, Шинжлэх ухаан, технологийн тухай хуульд өөрчлөлт оруулах тухай, Эрүүл мэндийн тухай хуульд нэмэлт оруулах тухай, Шүүгчийн эрх зүйн байдлын тухай хуульд өөрчлөлт оруулах тухай, Шүүхийн захиргааны тухай хуулийн зарим заалтыг хүчингүй болсонд тооцох тухай, Патентийн тухай хуульд өөрчлөлт оруулах тухай, Зохиогчийн эрх болон түүнд хамаарах эрхийн тухай хуульд өөрчлөлт оруулах тухай, Засгийн газрын тусгай сангийн тухай хуульд өөрчлөлт оруулах тухай, Хөгжлийн бэрхшээлтэй хүний эрхийн тухай хуульд өөрчлөлт оруулах тухай хуулийн төслүүд, “Ирээдүйн тэтгэврийн нөөц сангийн талаар авах зарим арга хэмжээний тухай”, “Тогтоолд нэмэлт, өөрчлөлт оруулах тухай”, “Монгол Улсын 2016 оны төсвийн тухай хуульд нэмэлт, өөрчлөлт оруулах тухай хууль батлагдсантай холбогдуулан авах арга хэмжээний тухай”, “Тогтоолд өөрчлөлт оруулах тухай” Улсын Их Хурлын тогтоолын төслүүд /Засгийн газар 2016.08.23-ны өдөр Монгол Улсын 2016 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2016 оны төсвийн тухай хуульд өөрчлөлт оруулах тухай, Нийгмийн даатгалын сангийн 2016 оны төсвийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн, хэлэлцэх эсэх/.
-
2016 оны 8 сарын 29
Хууль зүйн байнгын хороо өнөөдөр 14.00 цагт хуралдаж Засгийн газраас өргөн мэдүүлсэн Эрүүгийн хуульд өөрчлөлт оруулах тухай, Эрүүгийн хуулийг дагаж мөрдөх журмын тухай хуульд өөрчлөлт оруулах тухай хуулиудын төсөлийг хэлэлцэх эсэх, Зөрчлийн тухай хуульд өөрчлөлт оруулах тухай хуулийн төсөлийг хэлэлцэх эсэхийг хэлэлцэж дэмжив.
Дээрх асуудалтай холбогдуулж АН-ын бүлэг нэлээд эсэргүүцсэн. Гэвч цаг хугацаа болоод хөрөнгө мөнгөний гачигдалтай байгаа тул хуулийн хэрэгжих хугацааг хойшлуулахаас өөр аргагүй болсон гэж Хууль зүй дотоод хэргийн сайд С.Бямбацогт тайлбарлалаа.
Тэрээр “Хууль сахиулах үйл ажиллагааны тухай, Шүүхийн шийдвэр гүйцэтгэх тухай, Прокурорын байгууллагын тухай хуулийг хэлэлцэн баталсан боловч эцсийн найруулгатай танилцаж, ёсчлон батлаагүй. Иймд Эрүүгийн хууль, холбогдох бусад хуулийн хэрэгжилтийг хангах боломжгүй болсон. Учир нь дээрх хуулийг хэрэгжүүлэхтэй холбоотой 70 орчим журам заавар, аргачлал загвар гэх мэт эрх зүйн дэд актуудыг Засгийн газрын гишүүн УДШ-ийн Ерөнхий шүүгч, ШЕЗ, УЕПГ-аас дангаар эсвэл хамтран батлахаар заасан. Үүнийг хийгээгүй учир одоогоор Эрүүгийн хууль боловсруулалтын шатанд байна. Хоёрдугаарт, Эрүүгийн хууль болон бусад дагалдах хуулийн хэрэгжилт, мөн чанарыг олонд сурталчилж таниулах урьдчилсан байдлаар хэрэгжүүлэхийн тулд 40 гаруй мянган албан хаагчийг сургах бэлтгэх, удирдлага зохион байгуулалтын арга хэмжээ авах шаардлагатай байгаа юм. Гуравдугаарт Эрүүгийн хууль болон дагалдах хуулийн хэрэгжилттэй холбоотой төсвөөс хөрөнгө оруулалт хэрэгтэй. Тухайлбал Эрүүгийн хуульд ялын төрөл хэлбэрийг шинээр тодорхойлж, зорчих эрхийг хязгаарлах, хорих ялыг доод хэмжээг долоо хоногоос эхэлж ялыг нээлттэй хаалттай эдлүүлэх зэрэг зохицуулалттай уялдуулан албан хаагчийн орон тоог нэмэгдүүлэх, хорих ангийг бүсчилсэн нээлттэй, хаалттай тогтолцоонд шилжүүлэх шаардлагатай байгаа юм. Баруун бүсэд хаалттай хорих анги байгуулахад санхүүжилт шаардлагатай байна. Иймд Эрүүгийн хуульд өөрчлөлт оруулах хуулийн төслийг санаачлан боловсрууллаа” гэсэн юм.
Ийнхүү Хууль зүй дотоод хэргийн сайд тайлбар хийсний дараа хуулийн байгууллагынхан Эрүүгийн хуулийг хэрэгжүүлэхэд ямар хүндрэл бэрхшээл тулгарч байгаа талаар тайлбар мэдээлэл өгсөн. Тэдний хэлж буйгаар Гэрч хохирогчийг хамгаалах хуулийг хэрэгжүүлэхийн тулд мэдүүлэг авах тусгай зориулалтын байр барих шаардлагатай, улсын хөрөнгө санхүүжилтээр хийх шаардлагатай олон ажил байна. Гэтэл хоёр хоногийн дараа уг хууль хэрэгжвэл ямар ч бэлтгэлгүй байгаагаа учирлалаа.
Ийнхүү холбогдох албаныханы тайлбарыг сонссон Хууль зүйн байнгын хорооны гишүүд Засгийн газраас өргөн мэдүүлсэн хуулийн төслийг хэлэлцэх эсэхийг дэмжив.
-
2016 оны 8 сарын 29
УИХ дахь АН-ын бүлгээс зарим хуулийн эцсийн найруулгыг УИХ-ын ээлжит бус чуулганы хугацаанд багтааж хийх асуудлаар УИХ-ын дарга М.Энхболд санал хүргүүлжээ.
Уг саналд:
”Манай намын бүлгээс Эрх зүйн шинэтгэлийн хүрээнд батлагдсан боловч эцсийн найруулга хийгдэж, ёсчлогдоогүй байгаа Эрүүгийн хэрэг шалган шийдвэрлэх тухай, Хууль сахиулах тухай, Прокурорын байгууллагын тухай, Гэр бүлийн хүчирхийлэлтэй тэмцэх тухай, Шүүхийн шийдвэр гүйцэтгэх тухай хуулийн эцсийн найруулгыг ээлжит бус чуулганы хугацаанд багтааж хийлгэх саналтай байгааг шийдвэрлэж өгнө үү” гэжээ.
-
2016 оны 8 сарын 29
Улсын Их Хурлын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Л.Энх-Амгалан өнөөдөр /2016.08.29/ Азийн хөгжлийн банкны Монгол дахь Суурин төлөөлөгч Ёландо Фернандез Ломмен тэргүүтэй төлөөлөгчдийг хүлээн авч уулзав.
Уулзалтын эхэнд Азийн хөгжлийн банкны Монгол дахь Суурин төлөөлөгч Ёландо Фернандез Ломмен цаг гарган уулзаж буйд талархал илэрхийлээд Монгол Улсад Суурин төлөөлөгчөөр томилогдоод удаагүй байгаагаа дуулгав. Мөн тэрээр ирэх жилүүдэд хамтран ажиллах чиглэлийн талаар ярилцаж, санал солилцохын зэрэгцээ хэрэгжүүлэхээр зэхэж буй төсөл, хөтөлбөрийн талаар танилцуулав.
Тэрээр эхлээд Архангай, Хөвсгөл, Дорнод, Дархан, Ховд зэрэг зургаан аймагт хэрэгжүүлэхээр төлөвлөж буй “Хөгжлийн бэрхшээлтэй хүний оролцоог хангах үйлчилгээг сайжруулах” төслийн талаар танилцуулав. Хоёр хэсгээс бүрдэх уг төсөл хөгжлийн бэрхшээлтэй иргэдэд боловсрол, эрүүл мэндийн тусламж, үйлчилгээг ойртуулах, ажил орлоготой болгоход чиглэгдэх аж.
Мөн хөдөө орон нутагт боловсролын салбарын урт хугацааны хөтөлбөрийг хэрэгжүүлэхээр төлөвлөжээ.
Улсын Их Хурлын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Л.Энх-Амгалан хамтран ажиллах болсондоо баяртай байна гээд Улсын Их Хурлын ээлжит бус чуулганы үйл ажиллагаа болон хэлэлцэх асуудлын талаар мэдээлэл өглөө.
Тэрээр “Улсын Их Хурлын ээлжит бус чуулган өнгөрсөн долоо хоногт нээлтээ хийж, Монгол Улсын 2016 оны төсвийн тухай хуульд нэмэлт өөрчлөлт оруулах тухай болон холбогдох бусад хуулийн төслүүд, Монгол Улсын Засгийн газрын 2016-2020 оны үйл ажиллагааны хөтөлбөрийг батлах зэрэг олон чухал асуудлыг хэлэлцэж байна. Азийн хөгжлийн банк, Улсын Их Хурлын Нийгмийн бодлого, боловсрол, соёл, шинжлэх ухааны байнгын хороо олон жил хамтран ажиллаж байгаад сэтгэл хангалуун байдаг. Өнгөрсөн хугацаанд боловсрол, эрүүл мэнд, нийгмийн салбарт хийж, хэрэгжүүлсэн ажлууд үр дүнтэй болсон” хэмээгээд боловсрол, эрүүл мэндийн салбарын хууль, эрхзүйн орчныг шинэчилсэн томоохон хуулиудыг Улсын Их Хурлаас батлан гаргасан гэдгийг онцлон тэмдэглэв.
Азийн хөгжлийн банкны Монгол дахь Суурин төлөөлөгч Ёландо Фернандез Ломмен Улсын Их Хурлын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Л.Энх-Амгаланд дэлгэрэнгүй мэдээлэл өгсөнд талархал илэрхийлээд эрүүл мэнд болоод боловсролын салбар нь аливаа улс орны тэргүүлэх салбарууд хэмээн онцлон тэмдэглээд цаашдын төлөвлөгөөндөө энэ талаар тусгаж, анхаарч ажиллахаа мэдэгдлээ гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 8 сарын 29
Монгол Улсын Их Хурлын дарга Миеэгомбын Энхболд өнөөдөр /2016.08.29/ Канад Улсаас Монгол Улсад суугаа Онц бөгөөд Бүрэн эрхт Элчин сайд Э.Жэйгэрийг хүлээн авч уулзав.
Элчин сайд Э.Жэйгэр уулзалтын эхэнд, Улсын Их Хурлын ээлжит сонгуульд амжилттай оролцон, олонх болсонд баяр хүргэн, цаг гарган хүлээн авч уулзсанд Улсын Их Хурлын даргад талархал илэрхийллээ. Шинээр байгуулагдсан Монгол Улсын Их Хурал болон Засгийн газар тун эрчимтэй ажиллаж байгааг тэрээр цохон тэмдэглэхийн сацуу Монголын эдийн засгийн нөхцөл байдлыг сайжруулахаар олон улсын зүгээс арга хэмжээ авч ажиллаж байгаад баяр хүргэсэн юм. Түүнчлэн “Ирэх сарын 7-10-ны өдрүүдэд Канад Улсын Парламентын Нийтийн танхимын дарга Жеофф Рэган Монгол Улсад айлчлах ба хоёр орны харилцаа, хамтын ажиллагааг хөгжүүлэх өндөр үр дүнтэй айлчлал болно гэдэгт найдаж байгаагаа Улсын Их Хурлын дарга М.Энхболд танд дуулгахад таатай байна. Энэ айлчлал нь хоёр орны улс төр, эдийн засаг, соёлын харилцаа, хамтын ажиллагааг эрчимжүүлэн хөгжүүлэх суурь болно хэмээн үзэж байна” гэв. Мөн айчлалын үеэр Монгол Улсын Их Хурлын дарга, Ерөнхий сайдын ихээхэн онцолж, анхаарал хандуулж байгаа гадаадын хөрөнгө оруулалтыг дэмжих, хамгаалах хэлэлцээр болон Канад Улсын хөгжлийн туслалцаа үзүүлэх арга хэмжээг бататгах хэлэлцээрүүдэд гарын үсэг зурах талаар онцлон танилцууллаа.
Улсын Их Хурлын дарга М.Энхболд, ноён Элчин сайдын мэндчилгээг хүлээн авч, хариу талархал илэрхийлэв. Улсын Их Хурлын ээлжит сонгууль амжилттай болсон ч улс орны эдийн засгийн нөхцөл амаргүй байгааг тэрээр дурдсан юм. “Улсын төсвийн орлого таслалдан, төсвийн алдагдал нэмэгдсэн байгаа учир төрийн албан хаагчдын цалинг олгох, иргэдэд тэтгэвэр, тэтгэмжийг мөнгийг олгоход хүндрэлтэй байна. Товчхондоо, ойрын 2-3 жилийн хугацаанд монголчууд бүсээ чангалахаас өөр аргагүй нөхцөл үүссэн. Монгол Улсын төр засгаас эдийн засгийн хүндрэл иргэдийн амьдралд аль болох бага нөлөө үзүүлэх байдлаар шийдвэрлэхээр боломжит бүх арга хэмжээг авч ажиллаж байгаа. Засгийн газрын үйл ажиллагааны хөтөлбөр болон Монгол Улсын 2016 оны нэгдсэн төсвийн тодотголыг Засгийн газраас Улсын Их Хуралд өргөн мэдүүлсэн учир өнгөрсөн долоо хоногт бид ажилдаа ороод байна” гэлээ.
Эдийн засгийн өнөөгийн нөхцөлд Монгол Улсын төр засаг гадаадын хөрөнгө оруулалтад ихээхэн анхаарал хандуулж байгааг Улсын Их Хурлын дарга цохон тэмдэглэв. “2008-2012 онд бид засгийн эрхийг барьж байх үед гадаадын хөрөнгө оруулалтын хэмжээ жилд 4.6 тэрбум ам.доллар байсан бол өнгөрсөн дөрвөн жилийн хугацаанд буурсаар 30-40 сая ам.доллар болж багассан. Энэ өөрчлөлтөөс өнгөрсөн дөрвөн жилийн хугацаанд манай улс гадаадын хөрөнгө оруулагчдад таагүй нөхцөлийг үүсгэсэн болохыг харж болно. Үүнээс болж хөрөнгө оруулагчид хөрөнгөө татах, буцаж гарах, сонирхож байсан сонирхолоо зогсоох бодит байдал манайд нүүрлэлээ. Цаашид энэ байдлыг өөрчилж, засаж залруулахаар ажиллах бөгөөд Монгол Улсын хууль, тогтоолын дагуу манай улсад хөрөнгө оруулалт хийн үйл ажиллагаа явуулж буй хөрөнгө оруулагчид, тэдний хөрөнгийн аюулгүй байдлыг хангах нь монгол төрийн үүрэг болохыг Улсын Их Хурлын ээлжит бус чуулганы нээлтийн үгэндээ онцлон тэмдэглэсэн. Сангийн сайд, Хууль зүй, дотоод хэргийн сайд нарт ч үүнийг ажил хэрэг болгоход анхаарах нь зүйтэй гэдэг чиглэл өгсөн” гэж Улсын Их Хурлын дарга хэллээ.
Манай хоёр улс газар зүйн байрлалын хувьд хол хэдий ч харилцаа, хамтын ажиллагаагаа олон жилийн туршид сайн хөгжүүлж ирсэн Канад Улс нь бидний гуравдагч хөрш орон болохыг тэмдэглэлээ. Ирэх сард болох Канадын Парламентын Нийтийн танхимын тэргүүний Монгол Улсад хийх айлчлал хоёр орны харилцаа, хамтын ажиллагааг өргөжүүлэн хөгжүүлэх үндэс суурь болно хэмээн үзэж буйгаа Улсын Их Хурлын дарга онцлов.
Уулзалтын үеэр талууд хоёр орны парламент хоорондын хамтын ажиллагаа болон эдийн засаг, бизнесийн харилцааг өргөжүүлэн хөгжүүлэх талаар харилцан ярилцав хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 8 сарын 29
Улсын Их Хурлын О.Баасанхүү Эрүүгийн хууль болон Зөрчлийн тухай хуульд өөрчлөлт оруулах тухай хуулийн төсөлтэй холбоотойгоор өнөөдөр /2016.08.29/ сэтгүүлчдэд мэдээлэл хийж, байр сууриа илэрхийлэв.
Улсын Их Хурал 2015 оны 12 дугаар сарын 03-ны өдөр Эрүүгийн хууль, мөн оны 12 дугаар сарын 04-ний өдөр Зөрчлийн тухай хуулийг баталсан болохыг Улсын Их Хурлын гишүүн О.Баасанхүү мэдээллийнхээ эхэнд хэллээ. Эдгээр хуулийн хэрэгжих хугацаа нь 2016 оны 09 дүгээр сарын 01 буюу батлагдсан өдрөөс 9 сарын дараа байхаар хуульчлагдсан байсан. Харин Улсын Их Хуралд Эрүүгийн болон Зөрчлийн тухай хуулийн хэрэгжих хугацааг хойшлуулан 2017 оны 07 сарын 01-ний өдөр болгон өөрчлөлт оруулах хуулийн төслийг өргөн мэдүүлээд байна. Энэ нь Хууль тогтоомжийн тухай хуулийн 14.1, 14.2 дахь заалтыг зөрчиж байгаа талаар мэдээллээ.
Тодруулбал, Улсын Их Хуралд өргөн мэдүүлж буй хууль, тогтоолын төсөлд хууль тогтоомжийн төслийг боловсруулах үндэслэл, шаардлага болон хууль тогтоомжийн төслийн зорилго, төслийн ерөнхий бүтэц, зохицуулах харилцаа, хамрах хүрээг тусгасан үзэл баримтлал байх ёстой. Түүнчлэн тухайн хууль тогтоомжийн төсөл батлагдсаны дараа үүсэж болох эдийн засаг, нийгэм, хууль зүйн үр дагавар, тэдгээрийг шийдвэрлэх талаар авч хэрэгжүүлэх арга хэмжээний талаарх саналыг тусгасан байхаар хуульчилсан байдаг. Мөн Хууль тогтоомжийн тухай хуулийн 14.2.4-т заасан “...хууль тогтоомжийн төсөл Монгол Улсын Үндсэн хууль, Монгол Улсын олон улсын гэрээ болон бусад хуультай хэрхэн уялдах, хуулийг хэрэгжүүлэхэд шинээр боловсруулах, хуульд нэмэлт, өөрчлөлт оруулах, хүчингүй болсонд тооцох тухай хууль тогтоомжийн талаарх санал...” зэргийг тусгаагүй байгаагаараа хууль зөрчиж байна хэмээн үзэж буйгаа хэллээ. Цаашид хууль тогтоомжийн төслийг боловсруулах, өргөн мэдүүлэх, хэлэлцэх үйл явцад буруу жишиг болж магадгүй хэмээн болгоомжилж байгаагаа тэрээр онцоллоо.
Хуульд засвар оруулах зорилгоор нэг өгүүлбэрт багтаан хуулийн төслийг боловсруулж, өргөн мэдүүлж, үүнийг нь Улсын Их Хурал хэлэлцэх нь зохисгүй бөгөөд уг шалгааны улмаас дээрх хуулийн төслүүдийг хэлэлцэхийг дэмжихгүй гэдгээ Улсын Их Хурлын гишүүн О.Баасанхүү сэтгүүлчдэд мэдээлэв. Тэрээр энэ талаарх санал дүгнэлтээ холбогдох байнгын хороонд хүргүүлнэ гэлээ.
Хэвлэлийн хурлын төсгөлд тэрээр сэтгүүлчдийн сонирхсон асуултад хариулт өгөв хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 8 сарын 29
Нийслэлд шүлхий өвчнөөс урьдчилан сэргийлэх ажлыг эрчимжүүллээ
-
2016 оны 8 сарын 29
Ерөнхийлөгчийн Тамгын газрын даргаас өөрийн хүсэлтээр татгалзахаар болсноо мэдэгдсэн П.Цагаан өнөөдөр өөрийнх нь оронд томилогдож буй УИХ-ын гишүүн, ЭЗБХ-ын дарга асан Ц.Баярсайханд тамгаа гардуулан өгчээ.
Монгол Улсын Ерөнхийлөгчийн Тамгын газрын даргаар 2009 оноос хойш ажиллаж байсан П.Цагаан ажлаа өгөхөөр болсноо өнгөрсөн долоо хоногт мэдэгдсэн. Тэрээр “АН-аа нэг цул байх ёстой гэж үзэж ирсэн байр сууриа дахин нотолж, хуримтлуулсан төрийн болон улс төрийн ажлын туршлага, эдийн засаг, улс төр, хууль цааз, гадаад харилцааны мэдлэг боловсролоо Ардчилсан намынхаа шинэтгэлийн үйлсэд зориулах нь зүйтэй гэж шийдсэнээ та бүхэнд мэдэгдэж байна” гэж хэвлэлийн бага хурал хийх үеэрээ мэдэгдэж байсан юм.
-
2016 оны 8 сарын 29
Шадар сайд У.Хүрэлсүх БНХАУ-ын дэд сайдыг хүлээн авч уулзлаа
-
2016 оны 8 сарын 29
Монгол Улсын Ерөнхий сайд асан С.Баярыг ойрын үед ИБУИНВУ-д /Их Британи Умард Ирландын Нэгдсэн Вант Улсад/ суух Элчин сайдаар томилохоор болжээ.
Одоогоор тус улсад Н.Тулга Элчин сайдаар сууж байгаа билээ. Тэрээр 2013 оны аравдугаар сард томилогдон очсон бөгөөд Элчин сайдын албыг гурван жилийн хугацаатай хашдаг бөгөөд хугацаа нь дуусч буй юм. Дашрамд дурдахад, С.Баяр өмнө нь ОХУ-д Элчин сайдаар ажиллаж байсан билээ.
-
2016 оны 8 сарын 29
хуулиудын төслийг хэлэлцэх эсэхийг хэлэлцэнэ.
-
2016 оны 8 сарын 29
Эрүүгийн хууль, Зөрчлийн хуулийн хүчин төгөлдөр болох хугацааг 2017 оны 7 дугаар сарын 1-ний өдөр хүртэл сунгах хуулийн төслийн хүрээнд УИХ дахь АН-ын бүлэг нээлттэй хэлэлцүүлэг явуулах болжээ.
УИХ-ын ээлжит бус чуулганы хуралдаанаар 2015 оны 12 дугаар сарын 3-ны өдөр батлагдаж, 2016 оны 9 дүгээр сарын 1-ний өдрөөс хэрэгжиж эхлэх байсан Эрүүгийн хууль, Зөрчлийн хуулийн хүчин төгөлдөр болох хугацааг 2017 оны 7 дугаар сарын 1-ний өдөр хүртэл сунгах хуулийн төслийг хэлэлцэж эхлээд байгаа. Уг асуудлаар УИХ-ын АН-ын бүлэг нээлттэй хуралдаан хийж хэлэлцэх болсон байна.
Хэлэлцүүлэгт хүний эрхийн байгууллагуудыг урьж оролцуулан, санал дүгнэлтийг нь сонсох бөгөөд хэвлэл мэдээллийнхэнд нээлттэй явуулах аж. Нээлттэй хуралдаан энэ сарын 29-ний даваа гарагт 10:00 цагт Төрийн ордны “Их Эзэн Чингис” хаан танхимд болох юм байна.
-
2016 оны 8 сарын 29
Хүнд хэцүү цагт татвар нэмэх нь аж, ахуй нэгж, ард иргэдэд хэрхэн тусах вэ гэдгийг эрх баригчид мэдэхийн ихээр мэдэж байгаа. Аж, ахуй нэгж, хүн амын орлогын албан татвар нэмэгдэх нь байгууллагуудад д хүндрэл авчирна. 2013 оноос хойш гурван жил гаруй үргэлжилж энэ удаагийн хямралыг дотоодын ААН-үүд эцсийн нөөцөө шавхтал дуулгавартай, хүлцэнгүй байдлаар туулж татвар, түрээсээ төлөөд явж ирсэн нь үнэн. Бодлогын хэмжээнд асуудлаа мөн шийдэж Эдийн засгийн ил тод байдлыг дэмжих болон Өршөөлийн гэсэн хоёр хууль гарч 33 мянган ААН-ийн санхүү, татварын тайлан ил болж, үр дүнд нь 34.2 их наяд төгрөгийн ажил, үйлчилгээ, орлого гарч ирсэн билээ.
-
2016 оны 8 сарын 27
Монгол Улсын Их Хурлын дарга Миеэгомбын Энхболд өнөөдөр /2016.08.26/ Оросын Холбооны Улсаас Монгол Улсад суугаа Онц бөгөөд Бүрэн эрхт Элчин сайд И.К.Азизовыг хүлээн авч уулзав.
Уулзалтын эхэнд Элчин сайд И.К.Азизов, Улсын Их Хурлын даргыг цаг гарган хүлээн авч уулзсанд талархал илэрхийллээ. Улсын Их Хурлын сонгуульд үнэмлэхүй ялалт байгуулан, төрийн өндөр албан тушаалд сонгогдсонд нь УИХ-ын даргад баяр хүргэхийн зэрэгцээ Оросын Холбооны Улсын парламентын танхимуудын дарга нарын мэндчилгээг Монгол Улсын Гадаад харилцааны яамаар дамжуулан уламжилсан болохыг дуулгав. Ноён Элчин сайд ОХУ-ын Холбооны Хурлын Холбооны Зөвлөлийн даргын орлогч даргын мэндчилгээг биечлэн хүргэж ирсэн гэлээ.
Улсын Их Хурлын дарга М.Энхболд, эрхэм хүндэт Элчин сайд Искандер Кубаровичтай уулзаж буйдаа баяртай байна гээд Улсын Их Хурлын сонгуулийн үр дүнтэй холбогдуулан Оросын Холбооны Улсын Төрийн Дум, Холбооны Хурлын Холбооны Зөвлөлийн удирдлагуудын мэндчилгээг хүлээн авсан болохоо хэлэв. Оросын Холбооны Улсын Засгийн газрын тэргүүн Д.А.Медведев өнгөрсөн 07 дугаар сард манай улсад айлчлах үеэр хүлээн авч уулзаж, хоёр орны харилцаа, хамтын ажиллагааны талаарх тодорхой асуудлуудыг авч хэлэлцсэн болохыг Улсын Их Хурлын дарга тэмдэглээд, уг уулзалтыг зохион байгуулахад Элчин сайдын оруулсан хувь нэмэр чухал үүрэгтэй байсныг дурдан талархал илэрхийлсэн юм.
Уулзалтын үеэр талууд Монгол Улс, Оросын Холбооны Улсын харилцаа хамтын ажиллагаа, Байгаль нуурын яриа хэлэлцээр болон Монгол, Оросын хамтарсан “Улаанбаатар төмөр зам” хувь нийлүүлсэн нийгэмлэгийн үйл ажиллагаатай холбоотой зарим асуудлаар харилцан ярилцав. Уулзалтад Улсын Их Хурлын Тамгын газрын Гадаад харилцааны хэлтсийн дарга Ц.Нарантунгалаг, Гадаад харилцааны яамны Хөрш орнуудын газрын дарга Т.Жанабазар болон албаны бусад хүмүүс байлцлаа хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 8 сарын 26
УИХ-ын үдээс хойших хуралдаанаар “Монгол Улсын Засгийн газрын 2016-2020 оны үйл ажиллагааны хөтөлбөр батлах тухай” Улсын Их Хурлын тогтоолын төсөл ийн хэлэлцэх эсэхийг дэмжээд анхны хэлэлцүүлэгт бэлтгүүлэхээр холбогдох байнгын хороонд шилжүүлээ.
Харин одоо Монгол Улсын 2016 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2016 оны төсвийн тухай хуульд өөрчлөлт оруулах тухай, Нийгмийн даатгалын сангийн 2016 оны төсвийн тухай хуульд өөрчлөлт оруулах тухай хуулийн төслүүд хэлэлцэж эхэллээ.
Хэлэлцэж буй асуудалтай холбогдуулан УИХ-ын гишүүд Засгийн газрын гишүүдээс асуулт, асууж хариулт авч байна.
Тухайлбал, УИХ-ын гишүүн Ц.Нямдорж: Сайн хөтөлбөрүүдийн их үүсвэрийн талаар мэдээлэл өгнө үү.
Сангийн сайд Б.Чойжилсүрэн: Засгийн газрын тогтоолоор ”Сайн” хөтөлбөрийг үнэт цаас гаргаж хэрэгжүүлсэн. Тэр үнэт цаасыг Монгол банк худалдаж аваад уг хөтөлбөрийг хэрэгжүүлсэн. Хэрэгжүүлэхдээ төсвийн тухай хуулийг зөрчсөн. 553.8 тэрбум төгрөгийг ”Сайн” хөтөлбөрт зарцуулаад байна.
Т.Энхэлээ
