-
2015 оны 6 сарын 10
Нийслэлийн 2015 оны шилдэг тохижилт, ногоон байгууламжтай, цэмцгэр байгууллага аж ахуйн нэгж шалгаруулах болзолт уралдааны хүрээнд аж ахуйн нэгж, байгууллагын цэвэрлэгээ, ногоон байгууламж, тохижилтод үнэлгээ өгч эхэлсэн. 2015 оны 05 дугаар сарын 25-наас 2015 оны 06 дугаар сарын 05-ны хооронд орчноо тохижуулаагүй, цэвэрлэгээ муутай “Гахай” авсан газруудыг зарлаж байна гэж Улаанбаатар хотын Захирагчийн ажлын албанаас мэдээллээ.
-
2015 оны 6 сарын 10
MERS вирусээр 7 хүн амь насаа алдлаа
-
2015 оны 6 сарын 10
Хүн амын хөгжил, нийгмийн хамгааллын сайдын 2012 оны 10 дугаар сарын 29-ны өдрийн А/54 тоот тушаалаар хөгжлийн бэрхшээлтэй иргэдийн асуудлаарх салбар дундын бодлого, зохицуулалтыг хангах зорилго бүхий “Бодлогын зөвлөл”-ийг байгуулсан билээ.
-
2015 оны 6 сарын 10
Нийслэлийн Засаг дарга“Уралдаан зохион байгуулах тухай” А/487 дугаар захирамж гаргалаа. Захирамжаар нийслэлийн Засаг даргын үйл ажиллагааны хөтөлбөр, нийслэлийн эдийн засаг, нийгмийн 2015 оны зорилтыг хэрэгжүүлэх ажлын хүрээнд Нийслэлийн Замын цагдаагийн албан хаагчдын бэлэн байдалд ажиллах үүрэг хариуцлагыг өндөржүүлэх, гэмт хэрэг, зөрчлөөс урьдчилан сэргийлэх, замын хөдөлгөөний аюулгүй байдлыг ханган ажиллах, мэргэжлийн ур чадварыг дээшлүүлэх зорилготойгоор “Чадварлаг хамт олон” шалгаруулах уралдааныг зохион байгуулахаар боллоо.
-
2015 оны 6 сарын 10
НИТХ – ын Тэргүүлэгчид Баасан гарагт хуралдана
-
2015 оны 6 сарын 10
Жолооны үнэмлэх хэвлэх ажиллагаа Замын цагдаагийн газраас Лицензийн төвд шилжсэнтэй холбоотойгоор жолоодох эрхийн үнэмлэх хэвлэх ажил өнгөрсөн дөрөвдүгээр сарын 6-наас хойш зогсоод байгаа билээ.
-
2015 оны 6 сарын 10
Аврах ангийн Эрэн хайх, аврах салбарын албан хаагчид автомашин, завь бусад техник багаж хэрэгсэлтэйгээр өнөөдрөөс 2015 оны 09 дүгээр сарын 10-ны өдрийг хүртэлх хугацаанд Туул голын Гачууртын Хар усан тохойгоос Биокомбинатын гүүр хүртэл моторт завь, сэлүүрт завиар иргэдийг голын усанд осолдохоос урьдчилан сэргийлж аюулгүй байдлыг хангаж ажиллана. Нийслэлийн Онцгой байдлын газраас жил бүр Туул голд завьт эргүүл ажилладаг. Ингэснээр сүүлийн жилүүдэд нийслэлд усны ослоор амь насаа алдсан иргэдийн тоо буурсан үр дүнтэй байгаа юм.
-
2015 оны 6 сарын 10
Энэ жилийн автозамын бүтээн байгуулалтаар олон жилийн насжилттай, эвдрэл гэмтэл ихтэй зуслангийн замуудыг өргөтгөн шинэчлэх ажлыг хийхээр төлөвлөсөн.
-
2015 оны 6 сарын 10
Монголчуудын амьдрал хэтэрхий дордсоны илэрхийлэл үү эсвэл хулгайн гэмт хэрэг нарийсч байгаан шинж үү хүний санаанд оромгүй гэмт хэргүүд үйлдэгдэх болсоныг онцлох нь зүйтэй биз ээ.
Тодруулбал, дөнгөж тарьсан суулгацыг иргэд ихээр хулгайлах болсон байна. Өнөөдрийн байдлаар 3000 гаруй нь хайлаас, 20 гаруй гацуур хулгайд алдагдчихаад байгааг албаныхан онцоллоо.
Уг нь энэ жил Улаанбаатар хотын 92 гудамж цэцэрлэгт ногоон байгууламжийн тарилт, арчлалт хамгаалалтын ажлыг хийхээр төлөвлөсөн бөгөөд 5.8 тэрбум төгрөг зарцуулахаар төсөвлөсөн. Гэвч тарьсан суулгацыг нь эхнээс нь хулгайлж эхэлснийг нийслэлийн иргэдийн гайхшралыг төрүүлээд байгаа юм.
-
2015 оны 6 сарын 10
Өнөөдрийн байдлаар улсын хэмжээнд улаанбурхан өвчний 14935 сэжигтэй тохиолдол бүртгэгдсэний 666 хүн лабораторийн шинжилгээгээр, 2095 хүн эпидемиологийн холбогдол, эмнэлзүйн шинж тэмдгээр тус тус батлагджээ. Одоогийн байдлаар ХӨСҮТ-д 469 хүн хандаж, 70 хүн шинээр хэвтэж, 171 хүн эмчлэгдэн гарч, 439 хүн одоо эмчлэгдэж байна. Үүнээс 115 өвчтөн хүнд болон хүндэвтэр явцтай, 21 хүн эрчимт эмчилгээнд эмчлэгдэж байна.
-
2015 оны 6 сарын 10
Өнгөрч 5 сард гарсан гэмт хэргийн 64.7 хувь нь Улаанбаатар хотод үйлдэгдсэн бөгөөд үүний 4.2 хувийг насанд хүрээгүй хүүхдүүд үйлджээ.
-
2015 оны 6 сарын 10
Хүний эрхийн Үндэсний Комисс Үндсэн хууль, бусад хууль, олон улсын гэрээнд заасан хүний эрх, эрх чөлөөний тухай заалтын хэрэгжилтэд хяналт тавьж, хүний эрхийг хамгаалах, хөхиүлэн дэмжих чиг үүргээ хэрэгжүүлэхдээ орон нутгийн иргэдийн эрхийн асуудалд анхаарал хандуулж, “Хүний эрхийн нээлттэй өдөр” цогц арга хэмжээг жил бүр уламжлал болгон зохион явуулж ирсэн.
-
2015 оны 6 сарын 10
Тахарын ерөнхий газрын Гэрч, хохирогчийг хамгаалах газар өнөөдөр мэдээлэл хийлээ. Тэд хуулиар хүлээсэн “Тодорхой үйлдлийг хязгаарлах аюулгүй байдлын хамгаалалтын арга хэмжээ”, “Гэрч, хохирогчийг тусгай, техник хэрэгслийн жагсаалт хэрэгслээр хангах, хэрэглэх журам” болон “Гэрч, хохирогчийг аюулгүй газар түр байрлуулах хамгаалалтын арга хэмжээ” зэргийг хэрэгжүүлэхийн тулд байршил тогтоогч төхөөрөмж /GPS/, IP/wireless хяналтын камерын системээр тоноглосон хяналтын өрөөний үйл ажиллагааг нээж буйгаа мэдэгдсэн юм.
-
2015 оны 6 сарын 10
Тэгвэл Хөгжлийн банкны дэмжлэгтэйгээр дахин нэгэн цементийн үйлдвэрийг 2015 оны төгсгөлд ашиглалтад оруулахаар бэлтгэж эхэлжээ. Тодруулбал, Дорноговь аймгийн Өргөн суманд ”Монполимет” компани жилдээ 500 мянган тонн цемент үйлдвэрлэх хүчин чадалтай “Мон цемент” төслийг амжилттай хэрэгжүүлж дуусч байна.
-
2015 оны 6 сарын 10
Тухайн өдөр үхэр, тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сүм дуганыг сэргээх, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, газрын ам нээх, гөлөг тэжээх, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал эд, эдлэл идээ ундаа олно.
-
2015 оны 6 сарын 10
2015 оны 06 дугаар сарын 10-ны 09 цагаас 21 цаг хүртэлх цаг агаарын урьдчилсан мэдээ:
-
2015 оны 6 сарын 09
Mers вирус оюутны универсиад наадмын зохион байгуулалтад нөлөөлөхгүй
-
2015 оны 6 сарын 09
рүүл мэнд, Спортын яамнаас халдварын голомт нь эмнэлэгүүд нь болоод байгаа энэ үед онцын шаардалгагүй бол Солонгос улс руу зорчихгүй байхыг зөвлөв. Учир нь дээрх өвчний голомт нь тухайн бүс нутгийн эмнэлэг, эмнэлгийн ажилчид нь болоод байгаа энэ үед эрүүл мэндийн тусламж үйлчилгээ авах зэргээр тухайн улс руу зорчихгүй байхыг Эрүүл мэнд, Спортын яамнаас анхааруулав.
-
2015 оны 6 сарын 09
Нийслэлийн Засаг дарга бөгөөд Улаанбаатар хотын Захирагч Э.Бат-Үүл нийслэлийн нутаг дэвсгэрт гэр хорооллын дахин төлөвлөлтийн төсөл хэрэгжүүлэгч аж ахуйн нэгжийн удирдлагуудтай уулзлаа. Одоогийн байдлаар нийслэлийн гэр хорооллын 24 байршил 75 талбарт 36 аж ахуйн нэгж төсөл хэрэгжүүлж байна. Төлөвлөгөөний дагуу энэ онд 2500 орчим айлын орон сууц ашиглалтад оруулахаар төсөл хэрэгжүүлэгчид ажиллаж байгаа юм.
Нийслэлийн Засаг дарга “Гэр хорооллын дахин төлөвлөлтийн төсөл маш хүндрэлтэй ажил. Гэвч та бүхнийг зориг гарган ажиллаж байгаад үнэхээр талархаж байна. Нийслэлээс та бүхний ажилд дэмжлэг үзүүлэх зорилгоор дэд бүтэц татах хөрөнгийг шийдвэрлэж, Нийслэлийн орон сууцны хөтөлбөрөөр дамжуулан барьсан орон сууцнуудыг борлуулахаар нийслэлийн нутгийн захиргааны байгууллагын албан хаагчдад орон сууцны урьдчилгааны 50 хувьд хөнгөлөлт үзүүлэх ажлыг хэрэгжүүлэх гэж байна. Харин бидний зүгээс үзүүлж буй дараагийн дэмжлэг бол та бүхний хүсэлтийг дагуу жилийн хүү багатай арилжааны банкны зээлийг олгохоор арилжааны банкуудтай ярилцаж байна. Энэ хэлэлцээрт аж ахуйн нэгжүүдийг оролцуулахад анхаарах асуудлыг нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат хариуцна” гэлээ.
Гэр хорооллын дахин төлөвлөлтийн төсөл хэрэгжүүлэгч аж ахуйн нэгжүүдэд жилийн 10-аас ихгүй хувийн хүүтэй зээлийг 3 жилийн хугацаатай олгох асуудлыг нийслэл Монголын банкуудын холбоо, арилжааны банкуудтай хамтран ярилцаж байгаа бөгөөд хамтарсан ажлын хэсэг гарахаар төлөвлөжээ. Ажлын хэсгийн бүрэлдэхүүнд нийслэл, Монголын банкуудын холбооны төлөөллөөс гадна төсөл хэрэгжүүлэгч аж ахуйн нэгжүүдийн байгуулсан холбооны удирдлагуудыг оролцуулахаар боллоо.
Уулзалтын үеэр нийслэлийн Засаг дарга “Та бүхэн төсөл хэрэгжүүлэхээр ажиллаж байгаа нь нийслэлийн гэр хорооллын иргэдийн газрын үнэ цэнийг 3 жилийн өмнөхтэй харьцуулахад 3-4 дахин өсгөсөн. Энэ бол нийслэлээс уг төслийг санаачилж ажилласны хамгийн түрүүнд хүрсэн үр дүн. Тиймээс иргэдтэй тохиролцохдоо аль болох уян хатан нөхцөлтэй санал тавьж, өөрт байгаа ганц хөрөнгөө үнэлэж байгааг нь ойлгож харилцаарай” гэдгийг онцлон хэллээ. Үүний дараа төсөл хэрэгжүүлэгчдийн саналыг сонссон юм.
Дахин төлөвлөлтийн төсөл хэрэгжүүлэгч аж ахуйн нэгжийн удирдлагууд “Төслийн ажил хуваарийн дагуу явж байгаа. Зарим хүмүүсийн яриад байгаа шиг иргэдийн газрыг дарамталж аль эсвэл тулган шаардаж авсан асуудал нэг ч байхгүй. Бид аль болох тухайн иргэний хүссэн, гэхдээ харилцан ашигтай тохиролцоонд хүрээд явж байгаа. Гэтэл энэ ажлыг хөндлөнгийн зүгээс огт мэдэхгүй хүмүүс хэвлэл мэдээллийн байгууллагуудыг ашиглан иргэдэд ашиггүй санал тавьж газрыг нь авч байна, үнэ цэнэгүй болголоо гэх зэргээр худал мэдээлэл өгч иргэдийг турхирч байгаа нь ажил явуулахад маш их хүндрэл үүсгэж байна. УИХ-ын гишүүд газар дээр нь ирээд танилцдаг бид төслийнхөө явц, шаардлагатай асуудлаа хэлдэг. Гэтэл улс төрчид хэвлэлийн бага хурал хийж худал мэдээлэл тараан шоудаж байгаа нь харамсалтай. Харин нийслэлээс хүү багатай зээл олгох асуудлыг судалж байгаад таатай байна. Хугацаа алдалгүй ажил хэрэг болгохыг хүсье” гэлээ.
Гэр хороолын дахин төлөвлөлтийн журамд тусгагдсаны дагуу Гэр хорооллын дахин төлөвлөлтийн төсөл хэрэгжүүлэгч нь тухайн газрын эзэнтэй харилцан тохиролцож гэрээ хийж ёстой. Үүний дагуу төсөл хэрэгжүүлэгч аж ахуйн нэгжүүд иргэдтэй орон сууц, үйлчилгээний талбай, автомашины зогсоолоор тохиролцож газраа чөлөөлөн түр орон сууцанд байршуулах эсвэл газраа шууд худалдаж авах зэргээр газар чөлөөлөлтийн ажлыг хэрэгжүүлж байна. Жишээ нь өнгөрсөн онд дахин төлөвлөлтийн төслийн хүрээнд Сонгинохайрхан дүүргийн 6 дугаар хороонд ашиглалтад орсон 168 айлын орон сууцанд амьдарч буй иргэн И.Цогзолмаа 198 м.кв үйлчилгээний барилгын газраа, 198 м.кв үйлчилгээний талбай+ 58 м.кв 2 өрөө байр+дулаан гаражаар тохиролцож сольсон байна. Төсөлд хамрагдсанаар зөвхөн ажил, үйлчилгээгээ явуулах талбайтай болохоос гадна өөрсдийн амьдрах орон сууцтай болсон байгаа юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 6 сарын 09
БНХАУ-ын тэргүүлэх хэвлэл мэдээллийн байгууллагууд “Улаанбаатур” үзэсгэлэнд хүрэлцэн ирнэ
