Улаанбаатар
Өнөөдөр / 2021.03.04
Өдөртөө
Шөнөдөө
ХАЙЛТ ХИЙХ
Эхлэл
Улс төр
Эдийн засаг
Хууль, эрх зүй
Нийгэм
Дэлхий
24 баримт
24 фото
Зохист дорно
Спорт
Видео
Энтертайнмент

Сайд асан С.Баяр, М.Энхсайхан, С.Баярцогт зэрэг хүмүүст холбогдох авлига, албан тушаалын хэргийг шүүхэд шилжүүллээ

Нийтлэлч: Г.Нацаг-Эрдэнэ 2020-3-17
0
ЖИРГЭХ

Нийслэлийн прокурорын газраас 2020 оны нэгдүгээр сарын 1-ний өдрөөс гуравдугаар сарын 13-ны өдөр хүртэлх хугацаанд нийт 71 хэргийг шүүхэд шилжүүлжээ. Эдгээрээс олны анхаарал татсан хэргүүд гэвэл,

- Улсын харцага цолтой Г.Ганхуягийн бусдын эд хөрөнгийг авахаар заналхийлсэн, далайлган сүрдүүлсэн үйлдэлтэй хэрэгт 2020 оны нэгдүгээр сарын 8-ны өдөр яллах дүгнэлт үйлдэж, Баянгол дүүргийн Эрүүгийн хэргийн анхан шатны шүүхэд,

- Монгол улсын Хөгжлийн банкны захирлаар ажиллаж байсан Н.Мөнхбат, Төлөөлөн удирдах зөвлөлийн дарга Б.Шинэбаатар нарын эрх мэдэл, албан тушаалын байдлаа урвуулан ашигласан, хууль, дүрэм журам зөрчиж Худалдаа хөгжлийн банкнаас өндөр үнэтэй барилга худалдан авч, давуу байдал олгосон үйлдэлтэй хэрэгт 2020 оны нэгдүгээр сарын 13-ны өдөр яллах дүгнэлт үйлдэж, Сүхбаатар дүүргийн Эрүүгийн хэргийн анхан шатны шүүхэд,

- Нийслэлийн засаг даргаар ажиллаж байсан Э.Бат-Үүл, Төрийн орон сууцны санхүүжилтийн корпорацийн захирлаар ажиллаж байсан А.Гантулга, Бэрэн групп компанийн захирал Б.Мөнхтөр нарын бүлэглэж, эрх мэдэл, албан тушаалын байдлаа урвуулан ашигласан, мөнгө угаасан хэрэгт 2020 оны хоёрдугаар сарын 13-ны өдөр яллах дүгнэлт үйлдэж, Чингэлтэй дүүргийн Эрүүгийн хэргийн анхан шатны шүүхэд,

- Зам тээврийн яамны газрын даргаар ажиллаж байсан Б.Махбалын хүнийг санаатай алсан үйлдэлтэй хэрэгт 2020 оны хоёрдугаар сарын 11-ний өдөр яллах дүгнэлт үйлдэж, Сүхбаатар дүүргийн Эрүүгийн хэргийн анхан шатны шүүхэд,

- Улсын Их Хурлын гишүүн, Хүнс, хөдөө аж ахуйн сайдаар ажиллаж байсан Б.Батзоригийн эрх мэдэл, албан тушаалын байдлаа урвуулан ашиглаж, Жижиг дунд үйлдвэрийн хөгжлийг дэмжих сангаас их хэмжээний зээлийг хууль бусаар олгож, бусад давуу байдал олгосон хэрэгт 2020 оны хоёрдугаар сарын 18-ны өдөр яллах дүгнэлт үйлдэж, Баянзүрх дүүргийн Эрүүгийн хэргийн анхан шатны шүүхэд,

- Байгаль орчин, аялал жуулчлалын яамны хэлтсийн дарга, мэргэжилтнүүд болох Д.Даваасамба, С.Баярхүү нарт холбогдох эрх мэдэл, албан тушаалын байдлаа урвуулан ашиглан самрын идээ Монгол улсын хилээр гаргах зөвшөөрөл олгож хахууль авсан, бусдын эд хөрөнгийг залилсан үйлдэлтэй хэрэгт 2020 оны хоёрдугаар сарын 17-ны өдөр яллах дүгнэлт үйлдэж, Сүхбаатар дүүргийн Эрүүгийн хэргийн анхан шатны шүүхэд,

- Монгол Улсын Засгийн газрын гишүүн, сайдаар ажиллаж байсан М.Энхсайханд холбогдох эрх мэдэл, албан тушаалын байдлаа урвуулан ашиглаж, Эрчим хүчний яамны харьяа Тавантолгой цахилгаан станцын төсөл хэрэгжүүлэх нэгжид хууль бусаар автомашин худалдсан, Таван толгой төслийг Монгол улсын нийтийн эрх ашигт илт алдагдалтайгаар Засгийн газарт танилцуулан, төслийг хэрэгжүүлэхээр Улсын их хуралд өргөн барьж, Монгол улсын эдийн засгийн хүчин чадлыг доройтуулах зорилготой үйлдэл гүйцэтгэсэн хэрэгт 2020 оны хоёрдугаар сарын 20-ны өдөр яллах дүгнэлт үйлдэж, Сүхбаатар дүүргийн Эрүүгийн хэргийн анхан шатны шүүхэд,

- Монгол Улсын Ерөнхий сайд асан С.Баяр, Засгийн газрын хэрэг эрхлэх газрын дарга асан С.Баярцогт, Эрдэнэс монгол компанийн удирдах албан тушаалд ажиллаж байсан Б.Бямбасайхан, Д.Ганболд нарын долоон хүнд холбогдох эрх мэдэл, албан тушаалын байдлаа урвуулан ашигласан, үндэслэлгүй хөрөнгөжсөн, мөнгө угаасан үйлдэлтэй хэрэгт 2020 оны энэ сарын 9-ний өдөр яллах дүгнэлт үйлдэж шүүхэд тус тус шилжүүлээд байна.

Одоо Нийслэлийн прокурорын газарт,

- Эрдэнэт үйлдвэрийн 49 хувийг хууль бусаар шилжүүлж, эрх мэдэл, албан тушаалын байдлаа урвуулан ашиглан, бусдад давуу байдал олгосон үйлдэлтэй албан тушаалтнуудад холбогдох хэрэг,

- Улсын их хурлын гишүүн Д.Дамба-Очир, Г.Солтан нарт холбогдох эрх мэдэл, албан тушаалын байдлаа урвуулан, Жижиг дунд үйлдвэрийн хөгжлийг дэмжих сангаас хууль бусаар зээл олгож, бусад давуу байдал олгосон хэрэг,

- Жаст компанийн захирал Ш.Батхүү, Эрдэнэт үйлдвэрийн захирлаар ажиллаж байсан Ч.Ганзориг нарт холбогдох бусдын эд хөрөнгийг залилсан, эрх мэдэл, албан тушаалын байдлаа урвуулан ашигласан хэргүүдийг тус тус хянагдаж байна.

Г.Нацаг-Эрдэнэ

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Шинэ
  • Их уншсан
  • Их сэтгэгдэлтэй
  • Япон улс 13 орны иргэдийг хилээр нэвтрүүлэх журмаа чангатгалаа
    6 цаг 16 минутын өмнө
  • "Зээлийн мэдээллийн сангийн сөрөг мэдээллийг НЭГ удаа арилгуулах хүсэлт тавина"
    6 цаг 33 минутын өмнө
  • Б.Жавхлан: Иргэдийн мөнгөөр иргэдийнхээ амьдралыг дэмжинэ
    6 цаг 45 минутын өмнө
  • Б.Баярдаваа: 150 мянга гаруй иргэний хэрэглээний зээл, 55 мянган иргэний ипотекийн зээлийг хойшлуулсан
    6 цаг 50 минутын өмнө
  • Ц.Туваан "цагаан туг"-аа өргөлөө
    7 цаг 22 минутын өмнө
  • Ядуусын арми буюу тэтгэврийнхэн
    7 цаг 33 минутын өмнө
  • АН-ын дарга сонгох хуралдааныг С.Эрдэнэ хүчингүй болгожээ
    7 цаг 46 минутын өмнө
  • МҮОНРТ-ийн Ерөнхий захирлын нээлттэй сонсгол маргааш болно
    7 цаг 47 минутын өмнө
  • АН-ын дэд даргаар Ц.Оюундарийг сонголоо
    7 цаг 58 минутын өмнө
  • Тусгай үүргийн онгоцоор 14 улсаас 169 иргэн эх орондоо ирнэ
    8 цаг 5 минутын өмнө
  • Монголбанк энэ оны хоёрдугаар сард 643.5 кг үнэт металл худалдан авчээ
    8 цаг 24 минутын өмнө
  • Монголбанкны “Репо санхүүжилтийн зээл” олгож байна
    8 цаг 45 минутын өмнө
  • Завханд батлагдсан тохиолдлууд Өвөрхангай аймгийн дараах газруудаар үйлчлүүлжээ
    8 цаг 57 минутын өмнө
  • ХЭҮК-оос Батсүмбэр дэх асрамжийн газарт шаардлага хүргүүллээ
    8 цаг 58 минутын өмнө
  • Л.Энх-Амгалан сайд салбараа хүчрэхээ байгаад “Санамж бичиг”-т найдав уу?
    9 цаг 23 минутын өмнө
  • Хуурамч вакцин худалдан авахгүй байхыг Интерполоос сэрэмжлүүллээ
    9 цаг 47 минутын өмнө
  • “Анна Каренина” жүжгийг өнөөдрөөс тайзнаа дахин тоглоно
    9 цаг 48 минутын өмнө
  • А.Сүхбат аварга А.Өнөржаргалд “шавь” оржээ
    9 цаг 49 минутын өмнө
  • Төрийн өмчийн зургаан их сургууль хөтөлбөрийн давхардалгүй болно
    10 цаг 18 минутын өмнө
  • Олимпийн эрхийн оноо олгох тэмцээнд Монголын 20 жүдоч зодоглоно
    10 цаг 34 минутын өмнө
      24 баримт
      • Д.Сумъяабазар: Халамжийн шуналтай биш, хөдөлмөр эрхлэх, орлого олох бизнесийн “шунал буцалсан” хот байгаасай гэж би хүсдэг
      • МАН-ын дарга У.Хүрэлсүх 100 жилийн ойгоороо юуг онцлов
      • Шүүхийн тухай хуулийг өнөөдрөөс хэрэгжүүлж эхэллээ
      • УИХ-ын гишүүн, ХЗБХ-ны дарга С.Бямбацогт намрын чуулганаар ямар хууль санаачилж, хэрхэн ажиллав
      • Стэнфордийн Их Сургуулиас Clubhous нь БНХАУ-ын "Агора" ХК-д мэдээллээ дамжуулдаг болохыг анхааруулжээ
      Эхлэл Улс төр Эдийн засаг Хууль, эрх зүй Нийгэм Дэлхий 24 баримт 24 фото Зохист дорно Спорт Видео Энтертайнмент
      Холбоо барих Сурталчилгаа байршуулах Зар Вэб сайт хийх

      Зохиогчийн эрх хуулиар хамгаалагдсан. Мэдээлэл хуулбарлах хориотой.